“(a)

il-mira tad-defiċit fiskali għall-2011 għandha tiġi milħuqa permezz ta’ miżura eċċezzjonali. L-assi ottenuti b’riżultat tat-trasferiment tal-fondi tal-pensjonijiet tal-banek għas-sistema tas-sigurtà soċjali tal-Istat ma għandhomx jintużaw fi kwalunkwe mod li jkun detrimentali għas-sostenibbiltà fuq terminu ta’ żmien twil tal-finanzi pubbliċi Portugiżi.

(b)

Il-Portugall għandu jadotta miżuri sabiex isaħħaħ il-ġestjoni tal-finanzi pubbliċi. Il-Portugall għandu jimplimenta l-miżuri mogħtija fil-Liġi Qafas Baġitarja l-ġdida, inkluż l-istabbilment ta’ qafas baġitarju ta’ terminu medju u l-istabbilment ta’ Kunsill Fiskali indipendenti. Il-qafas baġitarju fil-livelli lokali u reġjonali għandu jissaħħaħ b’mod konsiderevoli, b’mod partikolari billi jipproponi l-għażliet ewlenin għall-allinjament tal-liġijiet finanzjarji rispettivi mar-rekwiżiti tal-Liġi Qafas Baġitarja. Il-Portugall għandu jżid ir-rapportar u l-monitoraġġ tal-finanzi pubbliċi u jirrinforza r-regoli u l-proċeduri ta’ eżekuzzjoni baġitarja. Il-Gvern Portugiż għandu jħejji strateġija għall-validazzjoni u s-saldu ta’ arretrati li se tippreżenta mappa direzzjonali li tistabbilixxi kif u meta se jiġu stabilizzati l-istokkijiet ta’ arretrati u tesplora għażliet varji għas-saldu ta’ arretrati. Rigward is-Sħubiji Pubbliċi-Privati (“PPPs”), il-Gvern Portugiż m’għandux jidħol f’PPPs ġodda qabel ma jiġu disponibbli r-riżultati tal-istudji dwar PPPs eżistenti mbassra fil-Programm u r-riformi legali u istituzzjonali proposti.”;

“(e)

Il-Portugall għandu jkompli jiftaħ l-ekonomija għall-kompetizzjoni. Il-Gvern Portugiż għandu jieħu l-miżuri meħtieġa sabiex jiżgura li l-Istat Portugiż jew kwalunkwe korp pubbliku ieħor ma jikkonkludix, f’kapaċità ta’ azzjonist, ftehimiet li jistgħu jxekklu l-moviment ħieles ta’ kapital jew li jistgħu jinfluwenzaw il-kontroll amministrattiv ta’ kumpaniji. Il-Liġi ta’ Privatizzazzjoni l-ġdida għandha tirrispetta wkoll il-prinċipji ta’ moviment ħieles ta’ kapital u ma tagħti jew tippermetti l-ebda drittijiet speċjali lill-Istat. Għandha ssir reviżjoni tal-liġi tal-kompetizzjoni bil-għan li jitjiebu l-veloċità u l-effettività tal-infurzar tar-regoli tal-kompetizzjoni.”;

“(h)

Il-Portugall għandu jħejji arranġament finanzjarju mar-Reġjun Awtonomu ta’ Madeira (“RAM”) b’mod konsistenti mal-Programm. Sakemm jintlaħaq ftehim dwar dak l-arranġament u l-implimentazzjoni tiegħu fil-baġit RAM, il-Portugall għandu jagħmel monitoraġġ mill-qrib tal-eżekuzzjoni tal-baġit tar-RAM, għandu jżomm it-trasferimenti mill-Istat lill-gvern tar-RAM sospiżi u ma għandu jonora l-ebda dejn jew garanziji kummerċjali jew finanzjarji ġodda mill-gvern tar-RAM u s-SOEs tiegħu li mhumiex approvati mill-Ministeru tal-Finanzi.”;

“(a)

Il-Portugall għandu jimplimenta l-programm ta’ privatizzazzjoni. B’mod partikolari, il-bejgħ ta’ ishma tas-settur pubblika fl-EDP għandu jitlesta fl-2012. Barra minn hekk, l-ishma tas-settur pubbliku fir-REN u l-GALP, u, jekk il-kundizzjonijiet tas-suq jippermettu dan, fit-TAP, għandhom jinbiegħu fl-2012. Se titħejja strateġija għall-Parpublica, b’kunsiderazzjoni mill-ġdid tar-rwol tal-Parpublica bħala kumpanija pubblika u b’kunsiderazzjoni tal-possibbiltà ta’ stralċ tal-kumpanija jew konsolidazzjoni tagħha mal-gvern ġenerali. Il-pjan ta’ privatizzazzjoni matul l-2013 għandu jkopri anki l-Aeroportos de Portugal, il-fergħa tal-merkanzija ta’ Comboios de Portugal, Correios de Portugal u Caixa Seguros, kif ukoll għadd ta’ impriżi iżgħar;

(b)

il-miżuri definiti fil-punti (c) u (d) li jammontaw għal tal-inqas EUR 8,8 biljun għandhom jiġu inklużi fil-baġit tal-2012. Għandhom jittieħdu miżuri ulterjuri, l-aktar min-naħa tal-infiq, sabiex titneħħa kwalunkwe diskrepanza li tirriżulta mill-iżviluppi baġitarji fl-2012;

(c)

il-baġit għandu jipprovdi għal tnaqqis tan-nefqa fl-2012 b’tal-inqas EUR 6,7 biljun, inkluż tnaqqis fil-pagi u impjiegi fis-settur pubbliku; tnaqqis fil-pensjonijiet; riorganizzazzjoni komprensiva tal-amministrazzjoni ċentrali, eliminazzjoni ta’ xogħol doppju u ineffiċjenzi oħra; tnaqqis tal-għadd ta’ muniċipalitajiet u parroċċi; tnaqqis fl-edukazzjoni u s-saħħa; trasferimenti aktar baxxi lejn l-awtoritajiet reġjonali u lokali; u tnaqqis fin-nefqa kapitali u nefqiet oħra kif stabbilit fil-Programm;

(d)

min-naħa tad-dħul, il-baġit għandu jinkludi miżuri ta’ dħul li jammontaw għal total ta’ EUR 2,1 biljun f’sena sħiħa, inkluż billi jitwessgħu l-bażijiet tal-VAT permezz ta’ tnaqqis tal-eżenzjonijiet u jiġu rranġati mill-ġdid il-listi ta’ prodotti u servizzi soġġetti għal rati mnaqqsa, intermedji u ogħla; żieda fit-taxxi tas-sisa; twessigħ tal-bażijiet ta’ taxxa korporattiva u fuq id-dħul personali billi jonqsu t-tnaqqis tat-taxxi u r-reġimi speċjali; tiġi żgurata l-konverġenza tat-tnaqqis tat-taxxa fuq id-dħul personali applikata għal dħul minn pensjonijiet u mix-xogħol; u bidliet fit-tassazzjoni tal-proprjetà billi l-eżenzjonijiet jitnaqqsu b’mod sostanzjali. Dawn il-miżuri għandhom jiġu kkumplimentati minn azzjoni ta’ ġlieda kontra l-evażjoni tat-taxxa, il-frodi u l-informalità;”;

“(k)

Il-Portugall għandu jippromwovi l-iżviluppi fil-pagi b’mod konsistenti mal-għanijiet ta’ trawwim tal-ħolqien tal-impjiegi u ta’ titjib tal-kompetittività tad-ditti bil-għan li jikkoreġi l-iżbilanċi makroekonomiċi. Matul il-perjodu tal-Programm, kwalunkwe żieda fil-pagi minimi se ssir biss jekk din tkun ġustifikata mill-iżviluppi ekonomiċi u tas-suq tax-xogħol. Għandhom jittieħdu miżuri biex jiġu indirizzati d-dgħjufiji fl-iskemi ta’ negozjar tal-pagi attwali, inkluża leġiżlazzjoni sabiex tiddefinixxi mill-ġdid il-kriterji u l-modalitajiet tal-estensjoni tal-ftehimiet kollettivi u biex jiġu faċilitati l-ftehimiet fil-livell tal-impriżi. Sa kemm isir dan, l-applikazzjoni tal-estensjonijiet se tiġi sospiża;

(l)

Għandu jitħejja pjan ta’ azzjoni sabiex titjieb il-kwalità tal-edukazzjoni u t-taħriġ sekondarji u vokazzjonali;”;

“(p)

Il-Portugall għandu jadotta miżuri biex jiżgura s-sostenibbiltà tas-sistema nazzjonali tal-elettriku li twassal għall-eliminazzjoni tad-dejn tat-tariffa sal-2020 u tiżgura li tistabbilxxi sal-2013. Dawn il-miżuri għandhom jikkoreġġu l-kirjiet eċċessivi u jkopru s-sorsi kollha tagħhom.”;

“(a)

il-baġit tal-2013 għandu jinkludi miżuri ta’ konsolidazzjoni fiskali li jammontaw għal tal-anqas EUR 3, 4 biljun bil-għan li jitnaqqas id-defiċit tal-amministrazzjoni pubblika fi ħdan il-perjodu ta’ żmien stipulat fl-Artikolu 3(3);

(b)

Il-baġit għandu jinkludi miżuri ta’ dħul li jinkludu b’mod partikolari l-aktar it-twessigħ ulterjuri tal-bażijiet tat-taxxa korporattiva u fuq id-dħul personali, taxxi tas-sisa ogħla u bidliet fit-tassazzjoni tal-propjetà, li jrendu kważi EUR 0,7 biljun ta’ dħul addizzjonali;”;

“(d)

min-naħa tan-nefqa, il-baġit għandu jipprovdi għal tnaqqis ta’ minimalment EUR 2.7 biljun, inkluż tnaqqis tan-nefqiet fl-amministrazzjoni ċentrali, l-edukazzjoni u s-saħħa; trasferimenti għal awtoritajiet lokali u reġjonali; tnaqqis fl-għadd ta’ impjegati fis-settur pubbliku; u nefqiet aktar baxxi mis-SOEs;

(e)

Il-Portugall għandu jtejjeb l-ambjent tan-negozju billi jnaqqas il-piż amministrattiv permezz tal-estensjoni tar-riformi ta’ simplifikazzjoni (Punti ta’ Kuntatt Uniku u proġetti li ma jeħtieġu l-ebda awtorizzazzjoni) għas-setturi kollha tal-ekonomija; u billi jnaqqas ir-restrizzjonijiet ta’ kreditu għall-impriżi żgħar u medji, anki permezz tal-implimentazzjoni tad-Direttiva 2011/7/UE tal-Parlament Ewropew u tal-Kunsill tas-16 ta’ Frar 2011 dwar il-ġlieda kontra l-ħlas tard fi transazzjonijiet kummerċjali (*)

“(a)

jagħtu pariri lil banek biex isaħħu l-ilqugħ kollaterali tagħhom fuq bażi sostenibbli u jimmonitorjaw il-ħruġ tal-bonds tal-bank garantiti mill-gvern, li ġew awtorizzati sa EUR 35 biljun f’konformità mar-regoli tal-għajnuna mill-Istat tal-Unjoni;

(b)

Isegwi mill-qrib il-pjanijiet ippreżentati mill-banek sabiex jintlaħaq proporzjon tal-Grad 1 Ewlieni ta’ 9 fil-mija sa tmiem l-2011 u 10 fil-mija sa mhux aktar tard minn tmiem l-2012. Ir-rekwiżiti kapitali li jirriżultaw mill-valutazzjoni tad-dejn sovran fuq il-bażi tal-prezzijiet tas-suq skont l-Awtorità Bankarja Ewropea għandhom jintlaħqu f’Ġunju 2012 flimkien mal-implikazzjonijiet kapitali mill-programm speċjali ta’ spezzjoni fuq il-post u t-trasferiment ta’ fondi tal-pensjonijiet tal-banek fis-sistema ta’ sigurtà soċjali tal-Istat. Fi Frar 2012, il-banek għandhom jippreżentaw pjanijiet dwar kif beħsiebhom jilħqu l-ħtiġijiet kapitali tagħhom f’dik is-sena. Jekk il-banek ma jistgħux jilħqu l-livelli limiti tal-kapital meħtieġ fil-ħin, jistgħu temporanjament jirrikjedu dispożizzjoni pubblika ta’ kapital, li għal banek privati għandha tkun disponibbli permezz ta’ faċilità ta’ appoġġ ta’ EUR 12 biljun f’solvenza tal-bank stabbilita skont il-Programm;

(c)

jiżgura diżingranaġġ ibbilanċjat u b’mod ordinat tas-settur bankarju, li jibqa’ kritiku għall-eliminazzjoni ta’ żbilanċi fil-finanzjamenti fuq bażi permanenti. Il-pjanijiet ta’ finanzjament tal-‘Banek’ għandhom l-għan li jnaqqsu l-proporzjon tas-self mad-depożiti għal madwar 120 % sal-aħħar tal-Programm u tnaqqis mid-dipendenza fuq il-finanzjament mill-Eurosystem sakemm idum il-Programm. Dawn il-pjanijiet ta’ finanzjament għandhom jiġu riveduti kull tliet xhur, fejn li jmiss tkun mistennija qabel it-tielet reviżjoni tal-Programm. Il-Bank tal-Portugall għandu jieħu l-azzjoni xierqa fil-każ ta’ devjazzjonijiet mill-pjanijiet ta’ finanzjament tal-banek;

(d)

jiffinalizza l-bejgħ tal-Banco Português de Negócios filwaqt li jiġu rispettati r-regoli dwar l-għajnuna mill-Istat tal-Unjoni;

(e)

jiżgura li l-Caixa Geral de Depositos (CGD) li huwa proprjetà tal-istat, jesperjenza riforma ta’ simplifikazzjoni biex iżid il-bażi kapitali tal-fergħa bankarja ewlenija tiegħu kif meħtieġ fl-2011 mingħajr id-dipendenza fuq il-bejgħ tal-fergħa tal-assigurazzjoni tiegħu. Dan il-bejgħ huwa mistenni li jseħħ fl-2012 direttament lil xerrej aħħari u huwa mistenni jikkontribwixxi sabiex jintlaħqu l-ħtiġijiet kapitali addizzjonali ta’ dik is-sena. Sa fejn dawn il-ħtiġijiet ma jkunux jistgħu jintlaħqu minn sorsi ta’ grupp interni, is-CGD għandu jiġi pprovdut bl-appoġġ kapitali mill-gvern barra l-faċilità ta’ appoġġ għas-solvenza tal-bank;

(f)

jiżgura li t-trasferiment parzjali tal-fondi tal-pensjonijiet tal-banek fis-sistema ta’ sigurtà soċjali tal-Istat jsir bil-kundizzjonijiet attwalment ibbilanċjati, kif ukoll jirrispetta ir-regoli tal-Unjoni dwar il-kompetizzjoni u dwar l-għajnuna mill-Istat. Sabiex jiġi evitat il-bżonn ta’ rikors għall-appoġġ għas-solvenza tal-bank fi ħdan il-pakkett ta’ finanzjament tal-Programm, il-gvern Portugiż għandu joffri li jgħin lill-banek sabiex ikopru l-impatt tat-trasferiment fuq il-kapital billi juża parti mit-trasferiment sabiex jixtri ekwità komuni fil-banek. Il-bqija tal-fondi trasferiti għandhom jiġu depożitati f’kont imblukkat sat-tlestija tat-tielet reviżjoni tal-Programm;

(g)

jiffinalizza l-qafas legali għall-aċċess għall-kapital minn sorsi pubbliċi sal-aħħar ta’ Jannar 2012 b’konsistenza mar-regoli tal-għajnuna mill-istat tal-Unjoni u f’konformità mal-prinċipji stipulati fil-Memorandum ta’ Spjegazzjoni;”;

“(i)

jiżgura li qabel it-tielet reviżjoni tal-Programm il-banek ikunu inkorporaw ir-riżultati disponibbli tal-programm tal-ispezzjonijiet fuq il-post speċjali fl-eżerċizzju tat-test tal-istress b’livell limitu ta’ 6 fil-mija tal-Grad 1 Ewlieni;

(j)

ilesti l-qafas legali għal intervent, riżoluzzjoni u assigurazzjoni tad-depożiti bikrija għall-banek sa tmiem l-2011 u dak għar-ristrutturazzjoni tad-dejn korporattiv u domestiku sal-istess data ta’ skadenza.”;