Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32011R0579

Regolament (UE) Nru 579/2011 tal-Parlament Ewropew u tal-Kunsill tat- 8 ta’ Ġunju 2011 li jemenda r-Regolament tal-Kunsill (KE) Nru 850/98 dwar il-konservazzjoni ta’ riżorsi tas-sajd permezz ta’ miżuri tekniċi għall-protezzjoni ta’ żgħar ta’ organiżmi tal-baħar u r-Regolament tal-Kunsill (KE) Nru 1288/2009 li jistabbilixxi miżuri tekniċi tranżitorji mill- 1 ta’ Jannar 2010 sat- 30 ta’ Ġunju 2011

ĠU L 165, 24.6.2011, p. 1–2 (BG, ES, CS, DA, DE, ET, EL, EN, FR, GA, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 13/08/2019; Impliċitament imħassar minn 32019R1241

ELI: http://data.europa.eu/eli/reg/2011/579/oj

24.6.2011   

MT

Il-Ġurnal Uffiċjali tal-Unjoni Ewropea

L 165/1

REGOLAMENT (UE) Nru 579/2011 TAL-PARLAMENT EWROPEW U TAL-KUNSILL

tat-8 ta’ Ġunju 2011

li jemenda r-Regolament tal-Kunsill (KE) Nru 850/98 dwar il-konservazzjoni ta’ riżorsi tas-sajd permezz ta’ miżuri tekniċi għall-protezzjoni ta’ żgħar ta’ organiżmi tal-baħar u r-Regolament tal-Kunsill (KE) Nru 1288/2009 li jistabbilixxi miżuri tekniċi tranżitorji mill-1 ta’ Jannar 2010 sat-30 ta’ Ġunju 2011

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikulari l-Artikolu 43(2) tiegħu,

Wara li kkunsidraw il-proposta mill-Kummissjoni Ewropea,

Wara t-trażmissjoni tal-abbozz tal-att leġislattiv lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew (1),

Filwaqt li jaġixxu skont il-proċedura leġislattiva ordinarja (2),

Billi:

(1)

Ir-Regolament tal-Kunsill (KE) Nru 1288/2009 (3) jipprovdi għall-kontinwazzjoni ta’ miżuri tekniċi temporanji li qabel kienu koperti mill-Anness III għar-Regolament tal-Kunsill (KE) Nru 43/2009 (4), u b'hekk jippermetti li dawk il-miżuri jkomplu japplikaw sal-adozzjoni tal-miżuri permanenti.

(2)

Fid-dawl tar-riforma tal-Politika Komuni tas-Sajd (PKS) li għandha titwettaq dalwaqt, u r-rilevanza tagħha għall-kontenut u l-ambitu tal-miżuri tekniċi permanenti, huwa xieraq li l-adozzjoni ta’ tali miżuri tiġi posposta sakemm ikun implimentat qafas leġislattiv ġdid.

(3)

Sabiex tinżamm konservazzjoni u ġestjoni korretti tar-riżorsi tal-baħar, u billi jista' jiġi mistenni li se japplika qafas leġislattiv ġdid mill-1 ta’ Jannar 2013, il-miżuri tekniċi li huma fis-seħħ bħalissa għandhom jibqgħu japplikaw sa dik id-data.

(4)

Konsegwentement, minħabba li l-miżuri tekniċi kontemporanji stabbiliti fir-Regolament (KE) Nru 1288/2009 ser jiefqu japplikaw mill-1 ta’ Lulju 2011, dak ir-Regolament għandu jiġi emendat sabiex il-validità tagħhom tiġġedded sal-31 ta’ Diċembru 2012.

(5)

Il-kwoti tas-sajd għall-pixxitrombetta (Caproidae) ġew stabbiliti għall-ewwel darba skont ir-Regolament tal-Kunsill (UE) Nru 57/2011 (5). Hu għaldaqstant xieraq li jiġi ċċarat li l-pixxitrombetta tista' tiġi mmirata permezz ta’ xbieki tat-tkaxkir b'daqs tal-malja li jvarja minn 32 sa 54 millimetru. Konsegwentement, l-Annessi I u II tar-Regolament tal-Kunsill (KE) Nru 850/98 (6) għandhom jiġu emendati kif xieraq,

ADOTTAW DAN IR-REGOLAMENT:

Artikolu 1

Ir-Regolament (KE) Nru 850/98 huwa b'dan emendat kif ġej:

1.

Fl-Anness I, fit-tabella, tiddaħħal il-partita:

“Pixxitrombetta (Caproidae)”, b'daqs tal-malja li jvarja minn 32 sa 54 millimetru u b'perċentwal minimu tal-ispeċi fil-mira ta’ 90/60.

2.

Fl-Anness II, fit-tabella, tiddaħħal il-partita:

“Pixxitrombetta (Caproidae)” b'daqs tal-malja li jvarja minn 32 sa 54 millimetru u b'perċentwal minimu tal-ispeċi fil-mira ta’ 90 %.

Artikolu 2

Ir-Regolament (KE) Nru 1288/2009 huwa b'dan emendat kif ġej:

1.

L-Artikolu 1 huwa emendat kif ġej:

(a)

fil-paragrafu 1, il-kliem “it-30 ta’ Ġunju 2011” huma sostitwiti bil-kliem “il-31 ta’ Diċembru 2012”.

(b)

il-paragrafu 2 huwa emendat kif ġej:

(i)

il-punt (a) huwa emendat kif ġej:

—

fil-punt (i) il-kliem “il-punt 6.8, it-tieni paragrafu” jitħassru;

—

fil-punt (ii), il-kliem “mill-1 ta’ Jannar 2010 sat-30 ta’ Ġunju 2011” huma sostitwiti bil-kliem “mill-1 ta’ Jannar 2010 sal-31 ta’ Diċembru 2012”;

—

fil-punt (iv), il-kliem “it-30 ta’ Ġunju 2011” huma sostitwiti bil-kliem “il-31 ta’ Diċembru 2012”;

—

fil-punt (v), it-tieni subparagrafu huwa sostitwit b'dan li ġej:

“L-Istati Membri kkonċernati għandhom jibagħtu rapport preliminari lill-Kummissjoni dwar l-ammont totali ta’ qabdiet u rimi ta’ bastimenti soġġetti għall-programm tal-osservaturi sa mhux aktar tard mit-30 ta’ Ġunju tas-sena li fiha jiġi implimentat il-programm. Ir-rapport finali tas-sena kalendarja kkonċernata għandu jiġi mibgħut sa mhux iktar tard mill-1 ta’ Frar tas-sena kalendarja li tiġi wara.”;

—

jiżdied il-punt (vi) li ġej:

“(vi)

il-punt 6.8, it-tieni paragrafu, huwa sostitwit b’dan li ġej:

‘L-Istati Membri kkonċernati għandhom jibagħtu r-riżultati tal-provi u tal-esperimenti lill-Kummissjoni sa mhux iktar tard mit-30 ta’ Settembru tas-sena li fiha dawn ikunu twettqu.’ ”;

(ii)

fil-punt (e), il-kliem “kemm fis-sena 2010 kif ukoll f'dik tal-2011” jitħassru;

(iii)

fil-punt (h) is-sena “2010” titħassar.

2.

Fl-Artikolu 2 il-kliem “it-30 ta’ Ġunju 2011” huma sostitwiti bil-kliem “il-31 ta’ Diċembru 2012”.

Artikolu 3

Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu, it-8 ta’ Ġunju 2011.

Għall-Parlament Ewropew

Il-President

J. BUZEK

Għall-Kunsill

Il-President

GYŐRI E.

(1)  ĠU C 84, 17.3.2011, p. 47.

(2)  Pożizzjoni tal-Parlament Ewropew tas-6 ta’ April 2011 (għadha mhix pubblikata fil-Ġurnal Uffiċjali) u deċiżjoni tal-Kunsill tas-17 ta’ Mejju 2011.

(3)  ĠU L 347, 24.12.2009, p. 6.

(4)  Regolament tal-Kunsill (KE) Nru 43/2009 tas-16 ta’ Jannar 2009 li jistabbilixxi għall-2009 l-opportunitajiet tas-sajd u l-kundizzjonijiet assoċjati għal ċerti stokkijiet tal-ħut u gruppi ta’ stokkijiet tal-ħut, applikabbli fl-ilmijiet Komunitarji, għal bastimenti Komunitarji, f'ilmijiet fejn huma meħtieġa limiti tal-qbid (ĠU L 22, 26.1.2009, p. 1).

(5)  Ir-Regolament tal-Kunsill (UE) Nru 57/2011 tat-18 ta’ Jannar 2011 li jiffissa għall-2011 l-opportunitajiet tas-sajd għal ċerti stokkijiet tal-ħut u gruppi ta’ stokkijiet tal-ħut, applikabbli fl-ilmijiet tal-UE u, għal bastimenti tal-UE, f'ċerti ilmijiet mhux tal-UE (ĠU L 24, 27.1.2011, p. 1).

(6)  ĠU L 125, 27.4.1998, p. 1.

Top