32010D0335

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni - 2010/335 - EN - EUR-Lex

Help

Search tips

Need more search options? Use the Advanced search

Document 32010D0335

2010/335/: Deċiżjoni tal-Kummissjoni tal- 10 ta’ Ġunju 2010 dwar il-linji gwida għall-kalkolu tal-ħażna tal-karbonju fl-art għall-għanijiet tal-Anness V tad-Direttiva 2009/28/KE (notifikata bid-dokument numru C(2010) 3751)

ĠU L 151, 17.6.2010, p. 19–41 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 15 Volum 013 P. 95 - 117

Legal status of the document In force

ELI: http://data.europa.eu/eli/dec/2010/335/oj

HTML

PDF

Official Journal

17.6.2010

Il-Ġurnal Uffiċjali tal-Unjoni Ewropea

L 151/19

DEĊIŻJONI TAL-KUMMISSJONI

tal-10 ta’ Ġunju 2010

dwar il-linji gwida għall-kalkolu tal-ħażna tal-karbonju fl-art għall-għanijiet tal-Anness V tad-Direttiva 2009/28/KE

(notifikata bid-dokument numru C(2010) 3751)

(2010/335/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2009/28/KE tal-Parlament Ewropew u tal-Kunsill tat-23 ta’ April 2009 dwar il-promozzjoni tal-użu tal-enerġija minn sorsi rinnovabbli u li temenda u sussegwentement tħassar id-Direttivi 2001/77/KE u 2003/30/KE (1), u b’mod partikulari l-punt 10 tat-Taqsima C tal-Anness V tagħha,

Billi:

(1)

Id-Direttiva 2009/28/KE tistipula regoli għall-kalkolu tal-impatt tal-emissjonijiet tal-gassijiet b’effett serra tal-bijokarburanti, tal-bijolikwidi u l-komparaturi tal-karburanti fossili tagħhom, li jqisu l-emissjonijiet mill-bidliet fil-ħażna tal-karbonju kkawżati minn tibdil fl-użu tal-art. Id-Direttiva 98/70/KE tal-Parlament Ewropew u tal-Kunsill tat-13 ta’ Ottubru 1998 dwar il-kwalità tal-karburanti tal-petrol u tad-diżil u li temenda d-Direttiva tal-Kunsill 93/12/KEE (2) tinkludi regoli korrispondenti f’dak li għandu x’jaqsam mal-bijokarburanti.

(2)

Il-Kummissjoni għandha ssejjes il-linji gwida tagħha għall-kalkolu tal-ħażna tal-karbonju fl-art fuq il-Linji Gwida tal-2006 tal-Grupp ta’ Esperti Intergovernattiv dwar it-Tibdil fil-Klima (l-IPCC) għall-Inventorji Nazzjonali tal-Gass b’Effett Serra. Dawk il-linji gwida kienu maħsubin għall-inventorji nazzjonali tal-gassijiet b’effett serra u mhumiex mogħtija f’forma li tista’ tiġi applikata faċilment mill-operaturi ekonomiċi. Għalhekk huwa xieraq li, f’każijiet fejn il-Linji Gwida tal-IPCC għall-Inventorji Nazzjonali tal-Gass b’Effett Serra ma jinkludux it-tagħrif meħtieġ għall-għanijiet tal-produzzjoni tal-bijokarburanti u tal-bijolikwidi jew f’każijiet fejn dan it-tagħrif mhuwiex aċċessibbli, wieħed iserraħ fuq għejun tad-dejta oħrajn.

(3)

Għall-kalkolu tal-ħażna tal-karbonju fil-materja organika li tinsab fil-ħamrija, huwa xieraq li wieħed iqis il-klima, it-tip ta’ ħamrija, il-kopertura tal-art, il-ġestjoni tal-art u l-elementi li jidħlu fiha. Għall-ħamrija minerali, il-metodu tal-ewwel livell tal-IPCC għall-karbonju organiku fil-ħamrija huwa metodu xieraq għal dan il-għan, minħabba li jkopri l-livell dinji. Għall-ħamrija organika, il-metodoloġija tal-IPCC tindirizza b’mod partikulari t-telf tal-karbonju minħabba t-tneħħija tal-ilma mill-ħamrija. Dan tagħmlu biss permezz tat-telf fis-sena. Minħabba li t-tneħħija tal-ilma mill-ħamrija twassal għal telf kbir tal-ħażna tal-karbonju li ma jistax jiġi kkumpensat mill-iffrankar tal-gassijiet b’effett serra mill-bijokarburanti u l-bijolikwidi, u minħabba li t-tneħħija tal-ilma mill-ħamrija tal-pit mhuwiex permess skont il-kriterji tas-sostenibbiltà stabbiliti mid-Direttiva 2009/28/KE, huwa biżżejjed li wieħed jistabbilixxi regoli ġenerali sabiex jikkalkula l-ammont ta’ karbonju organiku fil-ħamrija jew it-telf tal-karbonju fil-ħamrija organika.

(4)

Għall-kalkolu tal-ħażna tal-karbonju fil-bijomassa ħajja u fil-materja organika mejta, il-metodu x-xieraq għandu jkun approċċ ta’ kumplessità baxxa li jikkorrispondi mal-metodu tal-ewwel livell tal-IPCC għall-veġetazzjoni. Skont dik il-metodoloġija, wieħed jista’ jassumi b’mod raġonevoli li l-ħażna kollha tal-karbonju fil-bijomassa ħajja u fil-materja organika mejta tintilef mill-art hekk kif din jinbidel l-użu tagħha. Normalment, il-materja organika mejta mhijiex importanti ħafna meta l-użu tal-art jinbidel sabiex fiha jibdew jitkabbru uċuħ li minnhom jiġu prodotti l-bijokarburanti u l-bijolikwidi, iżda din għandha titqies għallinqas għall-foresti magħluqin.

(5)

Huma u jikkalkulaw l-impatt tal-emissjonijiet tal-gassijiet b’effett serra tal-bidla fl-użu tal-art, l-operaturi ekonomiċi għandhom ikunu jistgħu jużaw valuri reali għall-ħażna tal-karbonju assoċjati mal-użu ta’ referenza tal-art u mal-użu tal-art wara l-bidla fl-użu. Għandhom ikunu jistgħu jużaw ukoll valuri standard, u huwa xieraq li dawn il-linji gwida jipprovduhomlhom. Madanakollu, m’hemmx bżonn li wieħed jipprovdi valuri standard għal kombinazzjonijiet mhux probabbli ta’ klima u tipi ta’ ħamrija.

(6)

L-Anness V tad-Direttiva 2009/28/KE ta l-metodu għall-kalkolu tal-impatti tal-emissjonijiet tal-gassijiet b’effett serra u jinkludi regoli sabiex jiġu kkalkulati l-emissjonijiet fis-sena mill-bidliet fil-ħażna tal-karbonju kkawżati minn tibdil fl-użu tal-art. Il-linji gwida mehmużin ma’ din id-Deċiżjoni jistabbilixxu regoli għall-kalkolu tal-ħażna tal-karbonju fl-art, u b’hekk jikkompletaw ir-regoli stabbiliti fl-Anness V,

ADOTTAT DIN ID-DEĊIŻJONI:

Artikolu 1

Il-linji gwida għall-kalkolu tal-ħażna tal-karbonju fl-art għall-għanijiet tal-Anness V tad-Direttiva 2009/28/KE huma mogħtija fl-Anness għal din id-Deċiżjoni.

Artikolu 2

Din id-deċiżjoni hija indirizzata lill-Istati Membri.

Magħmul fi Brussell, l-10 ta’ Ġunju 2010.

Għall-Kummissjoni

Günther OETTINGER

Membru tal-Kummissjoni

(1) ĠU L 140, 5.6.2009, p. 16.

(2) ĠU L 350, 28.12.1998, p. 58.

ANNESS

Linji gwida għall-kalkolu tal-ħażna tal-karbonju fl-art għall-għanijiet tal-Anness V tad-Direttiva 2009/28/KE

WERREJ

Daħla

Rappreżentazzjoni konsistenti tal-ħażna tal-karbonju fl-art

Il-kalkolu tal-ħażna tal-karbonju

Il-ħażna tal-karbonju organiku fil-ħamrija

Il-ħażna tal-karbonju fil-veġetazzjoni ta’ taħt l-art u ta’ ‘l fuq minnha

L-ammont standard tal-ħażna tal-karbonju fil-ħamrija minerali

Fatturi li jirriflettu d-differenza bejn l-ammont tal-karbonju organiku fil-ħamrija meta mqabbel mal-ammont standard tal-karbonju organiku fil-ħamrija

Il-valuri tal-ħażna tal-karbonju għall-ħażna tal-karbonju fil-veġetazzjoni ta’ taħt l-art u ta’ ‘l fuq minnha

1. DAĦLA

Dawn il-linji gwida jistabbilixxu regoli għall-kalkolu tal-ħażna tal-karbonju fl-art, kemm għall-użu ta’ referenza tal-art (is-“CSR ”, kif iddefinita fil-punt 7 tal-Anness V tad-Direttiva 2009/28/KE), kif ukoll għall-użu reali tal-art (is-“CSA ”, kif iddefinita fil-punt 7 tal-Anness V tad-Direttiva 2009/28/KE).

Fil-punt 2, jingħataw regoli sabiex il-ħażna tal-karbonju fl-art tkun ikkalkulata b’mod konsistenti. Il-punt 3 jagħti r-regola ġenerali għall-kalkolu tal-ħażna tal-karbonju, li hija magħmula minn żewġ partijiet: il-karbonju organiku fil-ħamrija u l-ħażna tal-karbonju fil-veġetazzjoni ta’ taħt l-art u ta’ ‘l fuq minnha.

Il-punt 4 jagħti regoli ddettaljati sabiex wieħed jikkalkula l-ħażna tal-karbonju organiku fil-ħamrija. Għall-ħamrija minerali, tingħata l-għażla li wieħed jimxi ma’ metodu li jippermetti l-użu ta’ valuri mogħtija fil-linji gwida, filwaqt li tingħata l-għażla wkoll li wieħed juża metodi alternattivi. Għall-ħamrija organika, il-linji gwida jagħtu deskrizzjoni tal-metodi, iżda ma jagħtu l-ebda valuri għall-kalkolu tal-ħażna tal-karbonju organiku fiha.

Il-punt 5 jagħti regoli ddettaljati għall-ħażna tal-karbonju fil-veġetazzjoni, iżda huwa rilevanti biss jekk wieħed jagħżel li ma jużax il-valuri għall-ħażna tal-karbonju fil-veġetazzjoni ta’ taħt l-art u ta’ ‘l fuq minnha mogħtija fil-punt 8 tal-linji gwida (l-użu tal-valuri mogħtija fil-punt 8 mhuwiex obbligatorju u f’ċerti każijiet jista’ jkun li dawn il-valuri ma jkunux dawk xierqa).

Il-punt 6 jagħti r-regoli sabiex wieħed jagħżel il-valuri t-tajbin f’każ li jkun għażel li juża l-valuri għall-karbonju organiku fil-ħamrija minerali mogħtija f’dawn il-linji gwida (dawn il-valuri huma mogħtija fil-punti 6 u 7). Dawn ir-regoli jirreferu għas-saffi tad-dejta dwar ir-reġjuni klimatiċi u t-tipi ta’ ħamrija li jinsabu fuq l-Internet fis-sit tal-pjattaforma tat-trasparenza stabbilita bid-Direttiva 2009/28/KE. Dawk is-saffi tad-dejta huma saffi ddettaljati li fuqhom qed jissejsu l-grafika nru 1 u l-grafika nru 2 mogħtija hawn taħt.

Il-punt 8 jagħti l-valuri għall-ħażna tal-karbonju fil-veġetazzjoni ta’ taħt l-art u ta’ ‘l fuq minnha u l-parametri marbutin magħhom. Il-punti 7 u 8 jagħtu valuri għal erba’ kategoriji differenti tal-użu tal-art: l-art użata għall-uċuħ, l-uċuħ perenni, l-art bil-ħaxix u l-foresta.

Il-grafika nru 1

Ir-reġjuni klimatiċi

Il-grafika nru 2

It-tqassim ġeografiku tat-tipi ta’ ħamrija differenti

2. RAPPREŻENTAZZJONI KONSISTENTI TAL-ĦAŻNA TAL-KARBONJU FL-ART

Ir-regoli li ġejjin għandhom japplikaw sabiex tiġi kkalkulata l-ħażna tal-karbonju għal kull unità tal-erja marbuta mas-CSR u mas-CSA:

(1)

L-erja kollha li għaliha tkun qed tiġi kkalkulata l-ħażna tal-karbonju fl-art għandu jkollha:

(a)	kundizzjonijiet bijofiżiċi simili f’termini tal-klima u tat-tip ta’ ħamrija;

(b)	storja simili tal-ġestjoni f’termini ta’ ħidma tal-ħamrija;

(ċ)	storja simili tad-dħul f’termini tad-dħul tal-karbonju fil-ħamrija.

(2)

Il-ħażna tal-karbonju tal-użu reali tal-art, is-“CSA ”, għandha tkun:

—	il-ħażna tal-karbonju li l-art mistennija jkollha meta tibda tintuża għall-użu l-ġdid, fil-każ tat-telf tal-ħażna tal-karbonju; u

—	il-ħażna tal-karbonju li hu stmat li se jkun hemm wara 20 sena jew meta jilħqu l-uċuħ tar-raba’, skont liema minnhom jiġi l-ewwel, fil-każ tal-akkumulazzjoni tal-ħażna tal-karbonju.

3. IL-KALKOLU TAL-ĦAŻNA TAL-KARBONJU

Ir-regola li ġejja għandha tintuża sabiex jiġu kkalkulati s-CSR u s-CSA :

CSi = (SOC + CVEG ) × A

fejn:

CSI = ħażna tal-karbonju għal kull unità tal-erja marbuta mal-użu tal-art i (imkejla bħala l-massa tal-karbonju għal kull unità tal-erja, inklużi kemm il-ħamrija kif ukoll il-veġetazzjoni);

SOC= il-karbonju organiku fil-ħamrija (mkejjel bħala l-massa tal-karbonju għal kull ettaru), kkalkulat skont il-punt nru 4;

CVEG = il-ħażna tal-karbonju fil-veġetazzjoni ta’ taħt l-art u ta’ ‘l fuq minnha (mkejla bħala l-massa tal-karbonju għal kull ettaru), kkalkulata skont il-punt nru 5 jew magħżula minn fost il-valuri x-xierqa mogħtija fil-punt nru 8;

A= l-adattament tal-fatturi għall-erja kkonċernata (mkejjel bħala ettari għal kull unità tal-erja).

4. IL-ĦAŻNA TAL-KARBONJU ORGANIKU FIL-ĦAMRIJA

4.1. Il-ħamrija minerali

Ir-regola li ġejja tista’ tintuża biex jiġi kkalkulat is-SOC:

SOC = SOC ST × FLU × FMG × FI

fejn:

SOC= il-karbonju organiku fil-ħamrija (mkejjel bħala l-massa tal-karbonju għal kull ettaru);

SOCST = il-karbonju organiku standard fil-ħamrija li jinsab fis-saff ta’ fuq tal-ħamrija, li jkun bejn 0 u 30 ċentimetru ‘l isfel minn wiċċ l-art (imkejjel bħala l-massa tal-karbonju għal kull ettaru);

FLU = il-fattur tal-użu tal-art li jirrifletti d-differenza bejn l-ammont tal-karbonju organiku fil-ħamrija marbut mat-tip tal-użu tal-art partikulari meta mqabbel mal-ammont standard tal-karbonju organiku fil-ħamrija;

FMG = il-fattur tal-ġestjoni li jirrifletti d-differenza bejn l-ammont tal-karbonju organiku fil-ħamrija marbut mal-prattika ewlenija tal-ġestjoni partikulari meta mqabbel mal-ammont standard tal-karbonju organiku fil-ħamrija;

FI = il-fattur tad-dħul li jirrifletti d-differenza bejn l-ammont ta’ karbonju organiku fil-ħamrija marbut mal-livelli differenti tad-dħul tal-karbonju fil-ħamrija meta mqabbel mal-ammont standard tal-karbonju organiku fil-ħamrija.

Għas-SOCST , għandhom japplikaw il-valuri x-xierqa mogħtija fil-punt nru 6.

Għall-FLU , FMG u FI , għandhom japplikaw il-valuri x-xierqa mogħtija fil-punt nru 7.

Bħala alternattiva għar-regola mogħtija hawn fuq, għall-kalkolu tas-SOC jistgħu jintużaw metodi xierqa oħrajn, inkluż il-kejl. Jekk it-tali metodi ma jissejsux fuq il-kejl, għandhom iqisu l-klima, it-tip ta’ ħamrija, il-kopertura tal-art, il-ġestjoni tal-art u l-elementi li jidħlu fiha.

4.2. Il-ħamrija organika (il-“histosols”)

Għandhom jintużaw metodi xierqa sabiex jiġi kkalkulat is-SOC. Dawn il-metodi għandhom iqisu l-fond kollu tas-saff tal-ħamrija organika, kif ukoll il-klima, il-kopertura tal-art, il-ġestjoni tal-art u l-elementi li jidħlu fiha. It-tali metodi jistgħu jinkludu l-kejl.

F’dak li għandu x’jaqsam mal-ħażna tal-karbonju li tkun effettwata mit-tneħħija tal-ilma mill-ħamrija, il-metodi x-xierqa għandhom iqisu t-telf tal-karbonju wara t-tneħħija tal-ilma. Dawn il-metodi jistgħu jissejsu fuq it-telf tal-karbonju fis-sena wara t-tneħħija tal-ilma.

5. IL-ĦAŻNA TAL-KARBONJU FIL-VEĠETAZZJONI TA’ TAĦT L-ART U TA’ ‘L FUQ MINNHA

Ir-regola li ġejja għandha tintuża sabiex tiġi kkalkulata s-CVEG, ħlief f’każijiet fejn jintuża valur għas-CVEG minn fost dawk mogħtija fil-punt nru 8:

CVEG = CBM + CDOM

fejn:

CVEG = il-ħażna tal-karbonju fil-veġetazzjoni ta’ taħt l-art u ta’ ‘l fuq minnha (mkejla bħala l-massa tal-karbonju għal kull ettaru);

CBM = il-ħażna tal-karbonju fil-bijomassa ħajja ta’ taħt l-art u ta’ ‘l fuq minnha (mkejla bħala l-massa tal-karbonju għal kull ettaru), kkalkulata skont il-punt nru 5.1;

CDOM = il-ħażna tal-karbonju fil-materja organika mejta ta’ taħt l-art u ta’ ‘l fuq minnha (mkejla bħala l-massa tal-karbonju għal kull ettaru), kkalkulata skont il-punt nru 5.2.

Għas-CDOM , jista’ jintuża l-valur ta’ 0, ħlief fil-każ ta’ foresti li għandhom kopertura ta’ iktar minn 30 %, minbarra l-pjantaġġuni tal-foresti

5.1. Il-bijomassa ħajja

Ir-regola li ġejja għandha tintuża sabiex tiġi kkalkulata s-CBM

CBM = CAGB + CBGB

fejn:

CBM = il-ħażna tal-karbonju fil-bijomassa ħajja ta’ taħt l-art u ta’ ‘l fuq minnha (mkejla bħala l-massa tal-karbonju għal kull ettaru);

CAGB = il-ħażna tal-karbonju fil-bijomassa ħajja ta’ ‘l fuq mill-art (imkejla bħala l-massa tal-karbonju għal kull ettaru), kkalkulata skont il-punt nru 5.1.1;

CBGB = il-ħażna tal-karbonju fil-bijomassa ħajja ta’ taħt l-art (imkejla bħala l-massa tal-karbonju għal kull ettaru), kkalkulata skont il-punt nru 5.1.2.

5.1.1. Il-bijomassa ħajja ta’ ‘l fuq mill-art

Ir-regola li ġejja għandha tintuża sabiex tiġi kkalkulata s-CAGB :

CAGB = BAGB × CFB

fejn

CAGB = il-ħażna tal-karbonju fil-bijomassa ħajja ta’ ‘l fuq mill-art (imkejla bħala l-massa tal-karbonju għal kull ettaru);

BAGB = il-piż tal-bijomassa ħajja ta’ ‘l fuq mill-art (imkejjel bħala l-massa tal-materja niexfa għal kull ettaru);

CFB = il-porzjon tal-karbonju tal-materja niexfa fil-bijomassa ħajja (imkejjel bħala l-massa tal-karbonju għal kull massa ta’ materja niexfa).

Fil-każ tal-art użata għall-uċuħ, tal-uċuħ perenni u tal-pjantaġġuni tal-foresti, il-valur li jintuża għall-BAGB għandu jkun il-piż medju tal-bijomassa ħajja ta’ ‘l fuq mill-art matul iċ-ċiklu tal-produzzjoni.

Għas-CFB jista’ jintuża l-valur ta’ 0,47.

5.1.2. Il-bijomassa ħajja ta’ taħt l-art

Iż-żewġ regoli li ġejjin għandhom jintużaw biex tiġi kkalkulata s-CBGB :

(1)

CBGB = BBGB × CFB

fejn:

CBGB = il-ħażna tal-karbonju fil-bijomassa ħajja ta’ taħt l-art (imkejla bħala l-massa tal-karbonju għal kull ettaru);

BBGB = il-piż tal-bijomassa ħajja ta’ taħt l-art (imkejjel bħala l-massa tal-materja niexfa għal kull ettaru);

CFB = il-porzjon tal-karbonju tal-materja niexfa fil-bijomassa ħajja (imkejjel bħala l-massa tal-karbonju għal kull massa ta’ materja niexfa).

Fil-każ tal-art użata għall-uċuħ, tal-uċuħ perenni u tal-pjantaġġuni tal-foresti, il-valur li jintuża għall-BBGB għandu jkun il-piż medju tal-bijomassa ħajja ta’ taħt l-art matul iċ-ċiklu tal-produzzjoni.

Għas-CFB jista’ jintuża l-valur ta’ 0,47.

(2)

CBGB = CAGB × R

fejn:

CBGB = il-ħażna tal-karbonju fil-bijomassa ħajja ta’ taħt l-art (imkejla bħala l-massa tal-karbonju għal kull ettaru);

CAGB = il-ħażna tal-karbonju fil-bijomassa ħajja ta’ ‘l fuq mill-art (imkejla bħala l-massa tal-karbonju għal kull ettaru);

R= il-proporzjon tal-ħażna tal-karbonju fil-bijomassa ħajja ta’ taħt l-art meta mqabbla mal-ħażna tal-karbonju fil-bijomassa ħajja ta’ ‘l fuq mill-art.

Għal R jistgħu jintużaw valuri xierqa minn fost dawk mogħtija fil-punt nru 8.

5.2. Il-materja organika mejta

Ir-regola li ġejja għandha tintuża sabiex tiġi kkalkulata s-CDOM

CDOM = CDW + CLI

fejn:

CDOM = il-ħażna tal-karbonj u fil-materja organika mejta ta’ taħt l-art u ta’ ‘l fuq minnha (mkejla bħala l-massa tal-karbonju għal kull ettaru);

CDW = il-ħażna tal-karbonju fl-injam mejjet (imkejla bħala l-massa tal-karbonju għal kull ettaru), kkalkulata skont il-punt nru 5.2.1;

CLI = il-ħażna tal-karbonju fis-saff tal-materjal veġetali mejjet (imkejla bħala l-massa tal-karbonju għal kull ettaru), kkalkulata skont il-punt nru 5.2.2.

5.2.1. Il-ħażna tal-karbonju fl-injam mejjet

Ir-regola li ġejja għandha tintuża sabiex tiġi kkalkulata s-CDW :

CDW = DOMDW × CFDW

fejn:

CDW = il-ħażna tal-karbonju fl-injam mejjet (imkejla bħala l-massa tal-karbonju għal kull ettaru);

DOMDW = il-piż tal-injam mejjet (imkejjel bħala l-massa tal-materja niexfa għal kull ettaru);

CFDW = il-porzjon tal-karbonju tal-materja niexfa fl-injam mejjet (imkejjel bħala l-massa tal-karbonju għal kull massa ta’ materja niexfa).

Għas-CFDW jista’ jintuża l-valur ta’ 0,5.

5.2.2. Il-ħażna tal-karbonju fis-saff tal-materjal veġetali mejjet

Ir-regola li ġejja għandha tintuża sabiex tiġi kkalkulata s-CLI :

CLI = DOMLI × CFLI

fejn:

CLI = il-ħażna tal-karbonju fis-saff tal-materjal veġetali mejjet (imkejla bħala l-massa tal-karbonju għal kull ettaru);

DOMLI = il-piż tas-saff tal-materjal veġetali mejjet (imkejjel bħala l-massa tal-materja niexfa għal kull ettaru);

CFLI = il-porzjon tal-karbonju tal-materja niexfa fis-saff tal-materjal veġetali mejjet (imkejjel bħala l-massa tal-karbonju għal kull massa ta’ materja niexfa).

Għas-CFLI jista’ jintuża l-valur ta’ 0,4.

6. L-AMMONT STANDARD TAL-ĦAŻNA TAL-KARBONJU FIL-ĦAMRIJA MINERALI

Għandu jingħażel valur għas-SOCST minn fost dawk mogħtija fit-tabella nru 1, ibbażat fuq ir-reġjun klimatiku x-xieraq u t-tip ta’ ħamrija misjuba fiż-żona kkonċernata, hekk kif mogħti fil-punti nru 6.1 u 6.2.

It-tabella nru 1

Is-SOCST , il-karbonju organiku standard fil-ħamrija li jinsab fis-saff ta’ fuq tal-ħamrija, li jkun bejn 0 u 30 ċentimetru ‘l isfel minn wiċċ l-art

(f’tunnellati ta’ karbonju għal kull ettaru)
Ir-reġjun klimatiku	It-tip ta’ ħamrija
	Ħamrija taflija b’ħafna attività	Ħamrija taflija bi ftit attività	Ħamrija ramlija	Ħamrija spodika	Ħamrija vulkanika	Ħamrija umduża
Klima Boreali	68	—	10	117	20	146
Klima friska moderata u niexfa	50	33	34	—	20	87
Klima friska moderata u umduża	95	85	71	115	130	87
Klima sħuna moderata u niexfa	38	24	19	—	70	88
Klima sħuna moderata u umduża	88	63	34	—	80	88
Klima tropikali u niexfa	38	35	31	—	50	86
Klima tropikali u umduża	65	47	39	—	70	86
Klima tropikali u b’ħafna xita	44	60	66	—	130	86
Klima tropikali u tal-muntanji	88	63	34	—	80	86

6.1. Ir-reġjun klimatiku

Ir-reġjun klimatiku x-xieraq għall-għażla tal-valur ix-xieraq għas-SOCST għandu jiġi deċiż mis-saffi tad-dejta dwar ir-reġjuni klimatiċi li jinsabu fuq l-Internet fis-sit tal-pjattaforma tat-trasparenza stabbilita bl-Artikolu 24 tad-Direttiva 2009/28/KE.

6.2. It-tip ta’ ħamrija

It-tip ix-xieraq ta’ ħamrija għandu jiġi deċiż skont il-grafika nru 3. Is-saffi tad-dejta dwar it-tipi ta’ ħamrija li jinsabu fuq l-Internet fis-sit tal-pjattaforma tat-trasparenza stabbilita bl-Artikolu 24 tad-Direttiva 2009/28/KE jistgħu jintużaw bħala gwida sabiex wieħed jiddeċiedi dwar it-tip ix-xieraq tal-ħamrija.

Il-grafika nru 3

Il-klassifikazzjoni tat-tipi ta’ ħamrija

7. FATTURI LI JIRRIFLETTU D-DIFFERENZA BEJN L-AMMONT TAL-KARBONJU ORGANIKU FIL-ĦAMRIJA META MQABBEL MAL-AMMONT STANDARD TAL-KARBONJU ORGANIKU FIL-ĦAMRIJA

Il-valuri x-xierqa għall-fatturi FLU , FMG u FI għandhom jintagħżlu mit-tabelli mogħtija hawn taħt. Għall-kalkolu tas-CSR , il-fatturi x-xierqa tal-ġestjoni u tad-dħul huma dawk li ntużaw f’Jannar tal-2008. Għall-kalkolu tas-CSA , il-fatturi x-xierqa tal-ġestjoni u tad-dħul huma dawk li qed jintużaw u li se jwasslu għall-ħażna tal-karbonju stabbilita kkonċernata.

7.1. L-art użata għall-uċuħ

It-tabella nru 2

Il-fatturi għall-art użata għall-uċuħ

Ir-reġjun klimatiku	L-użu tal-art (F LU)	Il-ġestjoni (F MG)	Id-dħul fil-ħamrija (F I)	FLU	FMG	FI
Klima moderata jew Boreali u niexfa	Art ikkultivata	Art maħduma għal kollox	Dħul baxx	0,8	1	0,95
			Dħul medju	0,8	1	1
			Dħul għoli, bid-demel	0,8	1	1,37
			Dħul għoli, mingħajr demel	0,8	1	1,04
		Art li ma tinħadimx	Dħul baxx	0,8	1,02	0,95
			Dħul medju	0,8	1,02	1
			Dħul għoli, bid-demel	0,8	1,02	1,37
			Dħul għoli, mingħajr demel	0,8	1,02	1,04
		Art li ma tinħadimx	Dħul baxx	0,8	1,1	0,95
			Dħul medju	0,8	1,1	1
			Dħul għoli, bid-demel	0,8	1,1	1,37
			Dħul għoli, mingħajr demel	0,8	1,1	1,04
Klima moderata jew Boreali u umduża jew b’ħafna xita	Art ikkultivata	Art maħduma għal kollox	Dħul baxx	0,69	1	0,92
			Dħul medju	0,69	1	1
			Dħul għoli, bid-demel	0,69	1	1,44
			Dħul għoli, mingħajr demel	0,69	1	1,11
		Art li ma tinħadimx	Dħul baxx	0,69	1,08	0,92
			Dħul medju	0,69	1,08	1
			Dħul għoli, bid-demel	0,69	1,08	1,44
			Dħul għoli, mingħajr demel	0,69	1,08	1,11
		Art li ma tinħadimx	Dħul baxx	0,69	1,15	0,92
			Dħul medju	0,69	1,15	1
			Dħul għoli, bid-demel	0,69	1,15	1,44
			Dħul għoli, mingħajr demel	0,69	1,15	1,11
Klima tropikali u niexfa	Art ikkultivata	Art maħduma għal kollox	Dħul baxx	0,58	1	0,95
			Dħul medju	0,58	1	1
			Dħul għoli, bid-demel	0,58	1	1,37
			Dħul għoli, mingħajr demel	0,58	1	1,04
		Art li ma tinħadimx	Dħul baxx	0,58	1,09	0,95
			Dħul medju	0,58	1,09	1
			Dħul għoli, bid-demel	0,58	1,09	1,37
			Dħul għoli, mingħajr demel	0,58	1,09	1,04
		Art li ma tinħadimx	Dħul baxx	0,58	1,17	0,95
			Dħul medju	0,58	1,17	1
			Dħul għoli, bid-demel	0,58	1,17	1,37
			Dħul għoli, mingħajr demel	0,58	1,17	1,04
Klima tropikali u umduża jew b’ħafna xita	Art ikkultivata	Art maħduma għal kollox	Dħul baxx	0,48	1	0,92
			Dħul medju	0,48	1	1
			Dħul għoli, bid-demel	0,48	1	1,44
			Dħul għoli, mingħajr demel	0,48	1	1,11
		Art li ma tinħadimx	Dħul baxx	0,48	1,15	0,92
			Dħul medju	0,48	1,15	1
			Dħul għoli, bid-demel	0,48	1,15	1,44
			Dħul għoli, mingħajr demel	0,48	1,15	1,11
		Art li ma tinħadimx	Dħul baxx	0,48	1,22	0,92
			Dħul medju	0,48	1,22	1
			Dħul għoli, bid-demel	0,48	1,22	1,44
			Dħul għoli, mingħajr demel	0,48	1,22	1,11
Klima tropikali u tal-muntanji	Art ikkultivata	Art maħduma għal kollox	Dħul baxx	0,64	1	0,94
			Dħul medju	0,64	1	1
			Dħul għoli, bid-demel	0,64	1	1,41
			Dħul għoli, mingħajr demel	0,64	1	1,08
		Art li ma tinħadimx	Dħul baxx	0,64	1,09	0,94
			Dħul medju	0,64	1,09	1
			Dħul għoli, bid-demel	0,64	1,09	1,41
			Dħul għoli, mingħajr demel	0,64	1,09	1,08
		Art li ma tinħadimx	Dħul baxx	0,64	1,16	0,94
			Dħul medju	0,64	1,16	1
			Dħul għoli, bid-demel	0,64	1,16	1,41
			Dħul għoli, mingħajr demel	0,64	1,16	1,08

It-tabella nru 3 tagħti gwida sabiex wieħed jagħżel il-valuri x-xierqa mit-tabelli nru 2 u nru 4.

It-tabella nru 3

Gwida dwar il-ġestjoni u d-dħul għall-art użata għall-uċuħ u għall-uċuħ perenni

Il-ġestjoni jew id-dħul	Gwida
Art maħduma għal kollox	Disturb sostanzjali tal-ħamrija b’inverżjoni totali u/jew billi wieħed jaħdimha b’mod frekwenti (f’sena). Meta jsir iż-żrigħ, ftit biss minn wiċċ l-art ikun mgħotti bir-residwi (per eżempju inqas minn 30 % minnu).
Art li ma tinħadimx	Ħamrija maħduma b’mod primarju u/jew sekondarju, iżda li ma tkunx ġarrbet daqshekk disturb (normalment ħamrija mhux fonda u li ma tkunx għaddiet minn inverżjoni totali) u normalment din ikollha iktar minn 30 % tal-wiċċ tagħha mgħotti bir-residwi meta jsir iż-żrigħ.
Art li ma tinħadimx	Żrigħ dirett mingħajr ma l-art tinħadem b’mod primarju, b’disturb minimu biss tal-ħamrija fiż-żona taż-żrigħ. Normalment jintużaw l-erbiċidi biex ikun ikkontrollat il-ħaxix ħażin.
Dħul baxx	L-ammont tar-residwi jkun baxx meta r-residwi jitneħħew (billi jinġabru jew jinħarqu), meta l-art tisserraħ ta’ sikwit, meta fuqha jitkabbru wċuħ li jħallu ftit residwi (per eżempju l-ħaxix, it-tabakk u l-qoton), meta ma jintuża l-ebda fertilizzant minerali jew meta ma jitkabbrux uċuħ li jassimilaw in-nitroġenu li jkun hemm fl-atmosfera.
Dħul medju	Dan huwa rappreżentattiv għaż-żrigħ ta’ kull sena taċ-ċereali f’każ fejn ir-residwi kollha tal-uċuħ ikunu reġgħu ntefgħu fil-ħamrija. Jekk jitneħħew ir-residwi, jintużaw sustanzi organiċi addizzjonali oħrajn (per eżempju d-demel). Dan jeħtieġ ukoll l-użu ta’ fertilizzanti minerali jew ta’ uċuħ imnewbin li jassimilaw in-nitroġenu li jkun hemm fl-atmosfera.
Dħul għoli, bid-demel	Dan jirrappreżenta dħul ogħla sew tal-karbonju meta mqabbel ma’ dak ta’ sistemi oħrajn ta’ żrigħ bi dħul medju tal-karbonju, minħabba l-prattika addizzjonali taż-żieda regolari tad-demel tal-annimali.
Dħul għoli, mingħajr demel	Dan jirrappreżenta dħul ogħla sew ta’ residwi tal-uċuħ meta mqabbel ma’ dak ta’ sistemi oħrajn ta’ żrigħ bi dħul medju tal-karbonju, minħabba prattiki addizzjonali bħalma huma t-tkabbir ta’ wċuħ li jħallu ħafna residwi, l-użu tat-tidmil bil-ħaxix, l-uċuħ ta’ kopertura, is-serħan veġetattiv imtejjeb tal-art, it-tisqija tal-art, l-użu ta’ sikwit ta’ ħaxix perenni fit-tnewwib tal-uċuħ li jsir kull sena, iżda mingħajr ma jintuża d-demel (ara r-ringiela ta’ qabel din).

7.2. L-uċuħ perenni

It-tabella nru 4

Il-fatturi għall-uċuħ perenni, l-iktar l-uċuħ multiannwali li l-għeruq tagħhom normalment ma jinħasdux ta’ kull sena, bħalma huma l-imsajġar b’newba qasira u l-palm taż-żejt

Ir-reġjun klimatiku	L-użu tal-art (F LU)	Il-ġestjoni (F MG)	Id-dħul fil-ħamrija (F I)	FLU	FMG	FI
Klima moderata jew Boreali u niexfa	Uċuħ perenni	Art maħduma għal kollox	Dħul baxx	1	1	0,95
			Dħul medju	1	1	1
			Dħul għoli, bid-demel	1	1	1,37
			Dħul għoli, mingħajr demel	1	1	1,04
		Art li ma tinħadimx	Dħul baxx	1	1,02	0,95
			Dħul medju	1	1,02	1
			Dħul għoli, bid-demel	1	1,02	1,37
			Dħul għoli, mingħajr demel	1	1,02	1,04
		Art li ma tinħadimx	Dħul baxx	1	1,1	0,95
			Dħul medju	1	1,1	1
			Dħul għoli, bid-demel	1	1,1	1,37
			Dħul għoli, mingħajr demel	1	1,1	1,04
Klima moderata jew Boreali u umduża jew b’ħafna xita	Uċuħ perenni	Art maħduma għal kollox	Dħul baxx	1	1	0,92
			Dħul medju	1	1	1
			Dħul għoli, bid-demel	1	1	1,44
			Dħul għoli, mingħajr demel	1	1	1,11
		Art li ma tinħadimx	Dħul baxx	1	1,08	0,92
			Dħul medju	1	1,08	1
			Dħul għoli, bid-demel	1	1,08	1,44
			Dħul għoli, mingħajr demel	1	1,08	1,11
		Art li ma tinħadimx	Dħul baxx	1	1,15	0,92
			Dħul medju	1	1,15	1
			Dħul għoli, bid-demel	1	1,15	1,44
			Dħul għoli, mingħajr demel	1	1,15	1,11
Klima tropikali u niexfa	Uċuħ perenni	Art maħduma għal kollox	Dħul baxx	1	1	0,95
			Dħul medju	1	1	1
			Dħul għoli, bid-demel	1	1	1,37
			Dħul għoli, mingħajr demel	1	1	1,04
		Art li ma tinħadimx	Dħul baxx	1	1,09	0,95
			Dħul medju	1	1,09	1
			Dħul għoli, bid-demel	1	1,09	1,37
			Dħul għoli, mingħajr demel	1	1,09	1,04
		Art li ma tinħadimx	Dħul baxx	1	1,17	0,95
			Dħul medju	1	1,17	1
			Dħul għoli, bid-demel	1	1,17	1,37
			Dħul għoli, mingħajr demel	1	1,17	1,04
Klima tropikali u umduża jew b’ħafna xita	Uċuħ perenni	Art maħduma għal kollox	Dħul baxx	1	1	0,92
			Dħul medju	1	1	1
			Dħul għoli, bid-demel	1	1	1,44
			Dħul għoli, mingħajr demel	1	1	1,11
		Art li ma tinħadimx	Dħul baxx	1	1,15	0,92
			Dħul medju	1	1,15	1
			Dħul għoli, bid-demel	1	1,15	1,44
			Dħul għoli, mingħajr demel	1	1,15	1,11
		Art li ma tinħadimx	Dħul baxx	1	1,22	0,92
			Dħul medju	1	1,22	1
			Dħul għoli, bid-demel	1	1,22	1,44
			Dħul għoli, mingħajr demel	1	1,22	1,11
Klima tropikali u tal-muntanji	Uċuħ perenni	Art maħduma għal kollox	Dħul baxx	1	1	0,94
			Dħul medju	1	1	1
			Dħul għoli, bid-demel	1	1	1,41
			Dħul għoli, mingħajr demel	1	1	1,08
		Art li ma tinħadimx	Dħul baxx	1	1,09	0,94
			Dħul medju	1	1,09	1
			Dħul għoli, bid-demel	1	1,09	1,41
			Dħul għoli, mingħajr demel	1	1,09	1,08
		Art li ma tinħadimx	Dħul baxx	1	1,16	0,94
			Dħul medju	1	1,16	1
			Dħul għoli, bid-demel	1	1,16	1,41
			Dħul għoli, mingħajr demel	1	1,16	1,08

It-tabella nru 3 fil-punt nru 7.1 tagħti gwida sabiex wieħed jagħżel il-valuri x-xierqa mit-tabella nru 4.

7.3. L-art bil-ħaxix

It-tabella nru 5

Il-fatturi għall-art bil-ħaxix, inklużi s-savani

Ir-reġjun klimatiku	L-użu tal-art (F LU)	Il-ġestjoni (F MG)	Id-dħul fil-ħamrija (F I)	FLU	FMG	FI
Klima moderata jew Boreali u niexfa	L-art bil-ħaxix	Art b’ġestjoni mtejba	Dħul medju	1	1,14	1
		Art b’ġestjoni mtejba	Dħul għoli	1	1,14	1,11
		Art b’ġestjoni minima	Dħul medju	1	1	1
		Art iddegradata b’mod moderat	Dħul medju	1	0,95	1
		Art iddegradata ferm	Dħul medju	1	0,7	1
Klima moderata jew Boreali u umduża jew b’ħafna xita	L-art bil-ħaxix	Art b’ġestjoni mtejba	Dħul medju	1	1,14	1
		Art b’ġestjoni mtejba	Dħul għoli	1	1,14	1,11
		Art b’ġestjoni minima	Dħul medju	1	1	1
		Art iddegradata b’mod moderat	Dħul medju	1	0,95	1
		Art iddegradata ferm	Dħul medju	1	0,7	1
Klima tropikali u niexfa	L-art bil-ħaxix	Art b’ġestjoni mtejba	Dħul medju	1	1,17	1
		Art b’ġestjoni mtejba	Dħul għoli	1	1,17	1,11
		Art b’ġestjoni minima	Dħul medju	1	1	1
		Art iddegradata b’mod moderat	Dħul medju	1	0,97	1
		Art iddegradata ferm	Dħul medju	1	0,7	1
Klima tropikali u umduża jew b’ħafna xita	Is-savana	Art b’ġestjoni mtejba	Dħul medju	1	1,17	1
		Art b’ġestjoni mtejba	Dħul għoli	1	1,17	1,11
		Art b’ġestjoni minima	Dħul medju	1	1	1
		Art iddegradata b’mod moderat	Dħul medju	1	0,97	1
		Art iddegradata ferm	Dħul medju	1	0,7	1
Klima tropikali u tal-muntanji u niexfa	L-art bil-ħaxix	Art b’ġestjoni mtejba	Dħul medju	1	1,16	1
		Art b’ġestjoni mtejba	Dħul għoli	1	1,16	1,11
		Art b’ġestjoni minima	Dħul medju	1	1	1
		Art iddegradata b’mod moderat	Dħul medju	1	0,96	1
		Art iddegradata ferm	Dħul medju	1	0,7	1

It-tabella nru 6 tagħti gwida sabiex wieħed jagħżel il-valuri x-xierqa mit-tabella nru 5.

It-tabella nru 6

Gwida dwar il-ġestjoni u d-dħul għall-art bil-ħaxix

Il-ġestjoni jew id-dħul	Gwida
Art b’ġestjoni mtejba	Din tirrappreżenta art bil-ħaxix li għandha ġestjoni sostenibbli bi pressjoni moderata ta’ rigħi u li tittejjeb b’tal-inqas ħaġa waħda (per eżempju l-użu tal-fertilizzanti, it-titjib tal-ispeċi u t-tisqija).
Art b’ġestjoni minima	Din tirrappreżenta art bil-ħaxix li mhix iddegradata u li għandha ġestjoni sostenibbli, iżda li m’għandhiex titjib sinifikanti fil-ġestjoni tagħha.
Art iddegradata b’mod moderat	Din tirrappreżenta art bil-ħaxix li ntużat wisq għar-rigħi, jew li hi ddegradata b’mod moderat, bi produttività kemmxejn imnaqqsa (meta mqabbla mal-art bil-ħaxix nattiva jew b’ġestjoni minima) u li ma tirċievi l-ebda dħul mill-ġestjoni.
Art iddegradata ferm	Din timplika telf ewlieni u fit-tul tal-produttività u tal-kopertura tal-ħaxix, minħabba ħsara mekkanika kbira lill-veġetazzjoni u/jew minħabba l-erożjoni tal-ħamrija.
Dħul medju	Dan japplika f’każ li ma jkun intuża l-ebda dħul addizzjonali mill-ġestjoni.
Dħul għoli	Dan japplika għall-art bil-ħaxix li tkun ittejbet f’każ li jkun intuża dħul mill-ġestjoni jew titjib addizzjonali wieħed jew iktar (lil hinn minn dak li hu meħtieġ biex l-art tiġi kklassifikata bħala art bil-ħaxix li tkun ittejbet).

7.4. Il-foresti

It-tabella nru 7

Il-fatturi għall-foresti li jkollhom kopertura ta’ mill-inqas 10 %

Ir-reġjun klimatiku	L-użu tal-art (F LU)	Il-ġestjoni (F MG)	Id-dħul fil-ħamrija (F I)	FLU	FMG	FI
Ir-reġjuni klimatiċi kollha	Foresta nattiva (li mhix iddegradata)	Mhux applikabbli() ()	Mhux applikabbli	1
Ir-reġjuni klimatiċi kollha	Foresta ġestita	It-tipi kollha ta’ ġestjoni	It-tipi kollha ta’ dħul	1	1	1
Klima tropikali u umduża jew niexfa	Kultivazzjoni li tinbidel – żmien ta’ serħan imqassar	Mhux applikabbli	Mhux applikabbli	0,64
Klima tropikali u umduża jew niexfa	Kultivazzjoni li tinbidel – żmien ta’ serħan matur	Mhux applikabbli	Mhux applikabbli	0,8
Klima moderata jew Boreali u umduża jew niexfa	Kultivazzjoni li tinbidel – żmien ta’ serħan imqassar	Mhux applikabbli	Mhux applikabbli	1
Klima moderata jew Boreali u umduża jew niexfa	Kultivazzjoni li tinbidel – żmien ta’ serħan matur	Mhux applikabbli	Mhux applikabbli	1

It-tabella nru 8 tagħti gwida sabiex wieħed jagħżel il-valuri x-xierqa mit-tabella nru 7.

It-tabella nru 8

Gwida dwar l-użu tal-art għall-foresti

L-użu tal-art	Gwida
Foresta nattiva (li mhix iddegradata)	Din tirrappreżenta foresta nattiva jew fit-tul, li mhix iddegradata u li għandha ġestjoni sostenibbli.
Kultivazzjoni li tinbidel	Kultivazzjoni li tinbidel il-ħin kollu, fejn jinqatgħu s-siġar minn foresta tropikali jew minn masġar sabiex, għal żmien qasir (per eżempju għal perjodu ta’ 3 sa 5 snin), minflokhom jitkabbru l-uċuħ annwali u mbagħad wara dik iż-żona terġa’ titħalla tikber waħedha
Żmien ta’ serħan matur	Dan jirrappreżenta sitwazzjoni fejn il-veġetazzjoni tal-foresta titħalla terġa’ tikber għal kollox jew kważi għal kollox qabel ma terġa’ tinqala’ sabiex flokha jitkabbru l-uċuħ.
Żmien ta’ serħan imqassar	Dan jirrappreżenta sitwazzjoni fejn il-veġetazzjoni tal-foresta ma tkunx tħalliet tikber għal kollox qabel ma terġa’ tinqala’.

8. IL-VALURI TAL-ĦAŻNA TAL-KARBONJU GĦALL-ĦAŻNA TAL-KARBONJU FIL-VEĠETAZZJONI TA’ TAĦT L-ART U TA’ ‘L FUQ MINNHA

Għas-CVEG u R, jistgħu jintużaw il-valuri x-xierqa mogħtija hawn taħt.

8.1. L-art użata għall-uċuħ

It-tabella nru 9

Il-valuri tal-veġetazzjoni għall-art użata għall-uċuħ (valuri ġenerali)

Ir-reġjun klimatiku

CVEG

(f’tunnellati ta’ karbonju għal kull ettaru)

Ir-reġjuni klimatiċi kollha

It-tabella nru 10

Il-valuri tal-veġetazzjoni għall-kannamieli (valuri speċifiċi)

Il-qasam	Ir-reġjun klimatiku	Iż-żona ekoloġika	Il-kontinent	CVEG (f’tunnellati ta’ karbonju għal kull ettaru)
Il-qasam tropikali	Klima tropikali u niexfa	Foresta tropikali niexfa	L-Afrika	4,2
		Foresta tropikali niexfa	L-Asja (kontinentali u insulari)	4
		Moxa (“scrubland”) tropikali	L-Asja (kontinentali u insulari)	4
	Klima tropikali u umduża	Foresta tropikali umduża u b’siġar li jwaqqgħu l-weraq u b’siġar li jwaqqgħu l-weraq	L-Afrika	4,2
	Klima tropikali u umduża		L-Amerika Ċentrali u l-Amerika t’Isfel	5
	Klima tropikali u b’ħafna xita	Foresta tropikali	L-Asja (kontinentali u insulari)	4
	Klima tropikali u b’ħafna xita	Foresta tropikali	L-Amerika Ċentrali u l-Amerika t’Isfel	5
Il-qasam subtropikali	Klima sħuna moderata u niexfa	Steppa subtropikali	L-Amerika ta’ Fuq	4,8
	Klima sħuna moderata u umduża	Foresta subtropikali umduża	L-Amerika Ċentrali u l-Amerika t’Isfel	5
	Klima sħuna moderata u umduża	Foresta subtropikali umduża	L-Amerika ta’ Fuq	4,8

8.2. L-uċuħ perenni, l-iktar l-uċuħ multiannwali li l-għeruq tagħhom normalment ma jinħasdux ta’ kull sena, bħalma huma l-imsajġar b’newba qasira u l-palm taż-żejt

It-tabella nru 11

Il-valuri tal-veġetazzjoni għall-uċuħ perenni (valuri ġenerali)

Ir-reġjun klimatiku	CVEG f’tunnellati ta’ karbonju għal kull ettaru)
Klima moderata (bl-ammonti kollha tal-umdità)	43,2
Klima tropikali u niexfa	6,2
Klima tropikali u umduża	14,4
Klima tropikali u b’ħafna xita	34,3

It-tabella nru 12

Il-valuri tal-veġetazzjoni għal ċertu wċuħ perenni

Ir-reġjun klimatiku	It-tip ta’ wiċċ	CVEG (f’tunnellati ta’ karbonju għal kull ettaru)
Ir-reġjuni klimatiċi kollha	Il-ġewż tal-Indi (il-“coconut”)	75
	Il-“jatropha”	17,5
	Il-“jojoba”	2,4
	Il-palm taż-żejt	60

8.3. L-art bil-ħaxix

It-tabella nru 13

Il-valuri tal-veġetazzjoni għall-art bil-ħaxix, minbarra l-moxa (“scrubland”) (valuri ġenerali)

Ir-reġjun klimatiku	CVEG (f’tunnellati ta’ karbonju għal kull ettaru)
Klima Boreali, niexfa u b’ħafna xita	4,3
Klima friska moderata u niexfa	3,3
Klima friska moderata u b’ħafna xita	6,8
Klima sħuna moderata u niexfa	3,1
Klima sħuna moderata u b’ħafna xita	6,8
Klima tropikali u niexfa	4,4
Klima tropikali, umduża u b’ħafna xita	8,1

It-tabella nru 14

Il-valuri tal-veġetazzjoni għall-“miscanthus” (valuri speċifiċi)

Il-qasam	Ir-reġjun klimatiku	Iż-żona ekoloġika	Il-kontinent	CVEG (f’tunnellati ta’ karbonju għal kull ettaru)
Il-qasam subtropikali	Klima sħuna moderata u niexfa	Foresta subtropikali niexfa	L-Ewropa	10
		Foresta subtropikali niexfa	L-Amerika ta’ Fuq	14,9
		Steppa subtropikali	L-Amerika ta’ Fuq	14,9

It-tabella nru 15

Il-valuri tal-veġetazzjoni għall-moxa (“scrubland”), l-iktar art b’veġetazzjoni li tkun fil-biċċa l-kbira tagħha magħmula minn pjanti għall-injam li mhumiex itwal minn 5 metri u li m’għandhomx aspetti fiżjonomiċi ċari ta’ siġar

Il-qasam	Il-kontinent	CVEG (f’tunnellati ta’ karbonju għal kull ettaru)
Il-qasam tropikali	L-Afrika	46
	L-Amerika ta’ Fuq u l-Amerika t’Isfel	53
	L-Asja (kontinentali)	39
	L-Asja (insulari)	46
	L-Awstralja	46
Il-qasam subtropikali	L-Afrika	43
	L-Amerika ta’ Fuq u l-Amerika t’Isfel	50
	L-Asja (kontinentali)	37
	L-Ewropa	37
	L-Asja (insulari)	43
Il-qasam moderat	Id-dinja kollha	7,4

8.4. Il-foresti

It-tabella nru 16

Il-valuri tal-veġetazzjoni għall-foresti li għandhom kopertura ta’ bejn l-10 u t-30 %, minbarra l-pjantaġġuni tal-foresti

Il-qasam	Iż-żona ekoloġika	Il-kontinent	CVEG (f’tunnellati ta’ karbonju għal kull ettaru)	R
Il-qasam tropikali	Foresta tropikali	L-Afrika	40	0,37
		L-Amerika ta’ Fuq u l-Amerika t’Isfel	39	0,37
		L-Asja (kontinentali)	36	0,37
		L-Asja (insulari)	45	0,37
	Foresta tropikali umduża	L-Afrika	30	0,24
		L-Amerika ta’ Fuq u l-Amerika t’Isfel	26	0,24
		L-Asja (kontinentali)	21	0,24
		L-Asja (insulari)	34	0,24
	Foresta tropikali niexfa	L-Afrika	14	0,28
		L-Amerika ta’ Fuq u l-Amerika t’Isfel	25	0,28
		L-Asja (kontinentali)	16	0,28
		L-Asja (insulari)	19	0,28
	Il-muntanji taż-żoni tropikali	L-Afrika	13	0,24
		L-Amerika ta’ Fuq u l-Amerika t’Isfel	17	0,24
		L-Asja (kontinentali)	16	0,24
		L-Asja (insulari)	26	0,28
Il-qasam subtropikali	Foresta subtropikali umduża	L-Amerika ta’ Fuq u l-Amerika t’Isfel	26	0,28
		L-Asja (kontinentali)	22	0,28
		L-Asja (insulari)	35	0,28
	Foresta subtropikali niexfa	L-Afrika	17	0,28
		L-Amerika ta’ Fuq u l-Amerika t’Isfel	26	0,32
		L-Asja (kontinentali)	16	0,32
		L-Asja (insulari)	20	0,32
	Steppa subtropikali	L-Afrika	9	0,32
		L-Amerika ta’ Fuq u l-Amerika t’Isfel	10	0,32
		L-Asja (kontinentali)	7	0,32
		L-Asja (insulari)	9	0,32
Il-qasam moderat	Foresta oċeanika moderata	L-Ewropa	14	0,27
		L-Amerika ta’ Fuq	79	0,27
		In-New Zealand	43	0,27
		L-Amerika t’Isfel	21	0,27
	Foresta kontinentali moderata	L-Asja, l-Ewropa (ta’ 20 sena jew inqas)	2	0,27
		L-Asja, l-Ewropa (ta’ iktar minn 20 sena)	14	0,27
		L-Amerika ta’ Fuq u l-Amerika t’Isfel (ta’ 20 sena jew inqas)	7	0,27
		L-Amerika ta’ Fuq u l-Amerika t’Isfel (ta’ iktar minn 20 sena)	16	0,27
	Il-muntanji taż-żoni moderati	L-Asja, l-Ewropa (ta’ 20 sena jew inqas)	12	0,27
		L-Asja, l-Ewropa (ta’ iktar minn 20 sena)	16	0,27
		L-Amerika ta’ Fuq u l-Amerika t’Isfel (ta’ 20 sena jew inqas)	6	0,27
		L-Amerika ta’ Fuq u l-Amerika t’Isfel (ta’ iktar minn 20 sena)	6	0,27
Il-qasam Boreali	Foresta konifera Boreali	L-Asja, l-Ewropa, l-Amerika ta’ Fuq	12	0,24
	L-imsaġar tat-tundra Boreali	L-Asja, l-Ewropa, l-Amerika ta’ Fuq (ta’ 20 sena jew inqas)	0	0,24
	L-imsaġar tat-tundra Boreali	L-Asja, l-Ewropa, l-Amerika ta’ Fuq (ta’ iktar minn 20 sena)	2	0,24
	Il-muntanji taż-żoni Boreali	L-Asja, l-Ewropa, l-Amerika ta’ Fuq (ta’ 20 sena jew inqas)	2	0,24
	Il-muntanji taż-żoni Boreali	L-Asja, l-Ewropa, l-Amerika ta’ Fuq (ta’ iktar minn 20 sena)	6	0,24

It-tabella nru 17

Il-valuri tal-veġetazzjoni għall-foresti li għandhom kopertura ta’ iktar minn 30 %, minbarra l-pjantaġġuni tal-foresti

Il-qasam	Iż-żona ekoloġika	Il-kontinent	CVEG (f’tunnellati ta’ karbonju għal kull ettaru)
Il-qasam tropikali	Foresta tropikali	L-Afrika	204
		L-Amerika ta’ Fuq u l-Amerika t’Isfel	198
		L-Asja (kontinentali)	185
		L-Asja (insulari)	230
	Foresta tropikali umduża u b’siġar li jwaqqgħu l-weraq	L-Afrika	156
		L-Amerika ta’ Fuq u l-Amerika t’Isfel	133
		L-Asja (kontinentali)	110
		L-Asja (insulari)	174
	Foresta tropikali niexfa	L-Afrika	77
		L-Amerika ta’ Fuq u l-Amerika t’Isfel	131
		L-Asja (kontinentali)	83
		L-Asja (insulari)	101
	Il-muntanji taż-żoni tropikali	L-Afrika	77
		L-Amerika ta’ Fuq u l-Amerika t’Isfel	94
		L-Asja (kontinentali)	88
		L-Asja (insulari)	130
Il-qasam subtropikali	Foresta subtropikali umduża	L-Amerika ta’ Fuq u l-Amerika t’Isfel	132
		L-Asja (kontinentali)	109
		L-Asja (insulari)	173
	Foresta subtropikali niexfa	L-Afrika	88
		L-Amerika ta’ Fuq u l-Amerika t’Isfel	130
		L-Asja (kontinentali)	82
		L-Asja (insulari)	100
	Steppa subtropikali	L-Afrika	46
		L-Amerika ta’ Fuq u l-Amerika t’Isfel	53
		L-Asja (kontinentali)	41
		L-Asja (insulari)	47
Il-qasam moderat	Foresta oċeanika moderata	L-Ewropa	84
		L-Amerika ta’ Fuq	406
		In-New Zealand	227
		L-Amerika t’Isfel	120
	Foresta kontinentali moderata	L-Asja, l-Ewropa (ta’ 20 sena jew inqas)	27
		L-Asja, l-Ewropa (ta’ iktar minn 20 sena)	87
		L-Amerika ta’ Fuq u l-Amerika t’Isfel (ta’ 20 sena jew inqas)	51
		L-Amerika ta’ Fuq u l-Amerika t’Isfel (ta’ iktar minn 20 sena)	93
	Il-muntanji taż-żoni moderati	L-Asja, l-Ewropa (ta’ 20 sena jew inqas)	75
		L-Asja, l-Ewropa (ta’ iktar minn 20 sena)	93
		L-Amerika ta’ Fuq u l-Amerika t’Isfel (ta’ 20 sena jew inqas)	45
		L-Amerika ta’ Fuq u l-Amerika t’Isfel (ta’ iktar minn 20 sena)	93
Il-qasam Boreali	Foresta konifera Boreali	L-Asja, l-Ewropa, l-Amerika ta’ Fuq	53
	L-imsaġar tat-tundra Boreali	L-Asja, l-Ewropa, l-Amerika ta’ Fuq (ta’ 20 sena jew inqas)	26
	L-imsaġar tat-tundra Boreali	L-Asja, l-Ewropa, l-Amerika ta’ Fuq (ta’ iktar minn 20 sena)	35
	Il-muntanji taż-żoni Boreali	L-Asja, l-Ewropa, l-Amerika ta’ Fuq (ta’ 20 sena jew inqas)	32
	Il-muntanji taż-żoni Boreali	L-Asja, l-Ewropa, l-Amerika ta’ Fuq (ta’ iktar minn 20 sena)	53

It-tabella nru 18

Il-valuri tal-veġetazzjoni għall-pjantaġġuni tal-foresti

Il-qasam	Iż-żona ekoloġika	Il-kontinent	CVEG (f’tunnellati ta’ karbonju għal kull ettaru)	R
Il-qasam tropikali	Foresta tropikali	L-Afrika, is-siġar li joħorfu li għandhom iktar minn 20 sena	87	0,24
		L-Afrika, is-siġar li joħorfu li għandhom 20 sena jew inqas	29	0,24
		L-Afrika, Pinus sp. ta’ iktar minn 20 sena	58	0,24
		L-Afrika, Pinus sp. ta’ 20 sena jew inqas	17	0,24
		L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	58	0,24
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	87	0,24
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	70	0,24
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	44	0,24
		L-Asja, is-siġar li joħorfu	64	0,24
		L-Asja, is-siġar l-oħrajn	38	0,24
	Foresta tropikali umduża u b’siġar li jwaqqgħu l-weraq	L-Afrika, is-siġar li joħorfu li għandhom iktar minn 20 sena	44	0,24
		L-Afrika, is-siġar li joħorfu li għandhom 20 sena jew inqas	23	0,24
		L-Afrika, Pinus sp. ta’ iktar minn 20 sena	35	0,24
		L-Afrika, Pinus sp. ta’ iktar minn 20 sena	12	0,24
		L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	26	0,24
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	79	0,24
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	35	0,24
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	29	0,24
		L-Asja, is-siġar li joħorfu	52	0,24
		L-Asja, is-siġar l-oħrajn	29	0,24
	Foresta tropikali niexfa	L-Afrika, is-siġar li joħorfu li għandhom iktar minn 20 sena	21	0,28
		L-Afrika, is-siġar li joħorfu li għandhom 20 sena jew inqas	9	0,28
		L-Afrika, Pinus sp. ta’ iktar minn 20 sena	18	0,28
		L-Afrika, Pinus sp. ta’ 20 sena jew inqas	6	0,28
		L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	27	0,28
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	33	0,28
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	27	0,28
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	18	0,28
		L-Asja, is-siġar li joħorfu	27	0,28
		L-Asja, is-siġar l-oħrajn	18	0,28
	Moxa (“shrubland”) tropikali	L-Afrika, is-siġar li joħorfu	6	0,27
		L-Afrika, Pinus sp. ta’ iktar minn 20 sena	6	0,27
		L-Afrika, Pinus sp. ta’ 20 sena jew inqas	4	0,27
		L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	18	0,27
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	18	0,27
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	15	0,27
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	9	0,27
		L-Asja, is-siġar li joħorfu	12	0,27
		L-Asja, is-siġar l-oħrajn	9	0,27
	Il-muntanji taż-żoni tropikali	L-Afrika, is-siġar li joħorfu li għandhom iktar minn 20 sena	31	0,24
		L-Afrika, Pinus sp. ta’ iktar minn 20 sena	20	0,24
		L-Afrika, Pinus sp. ta’ 20 sena jew inqas	19	0,24
		L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	7	0,24
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	22	0,24
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	29	0,24
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	23	0,24
		L-Asja, is-siġar li joħorfu	16	0,24
		L-Asja, is-siġar l-oħrajn	28	0,24
		Il-qasam subtropikali	15	0,24
Il-qasam subtropikali	Foresta subtropikali umduża	L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	42	0,28
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	81	0,28
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	36	0,28
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	30	0,28
		L-Asja, is-siġar li joħorfu	54	0,28
		L-Asja, is-siġar l-oħrajn	30	0,28
	Foresta subtropikali niexfa	L-Afrika, is-siġar li joħorfu li għandhom iktar minn 20 sena	21	0,28
		L-Afrika, is-siġar li joħorfu li għandhom 20 sena jew inqas	9	0,32
		L-Afrika, Pinus sp. ta’ iktar minn 20 sena	19	0,32
		L-Afrika, Pinus sp. ta’ 20 sena jew inqas	6	0,32
		L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	34	0,32
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	34	0,32
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	28	0,32
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	19	0,32
		L-Asja, is-siġar li joħorfu	28	0,32
		L-Asja, is-siġar l-oħrajn	19	0,32
	Steppa subtropikali	L-Afrika, is-siġar li joħorfu	6	0,32
		L-Afrika, Pinus sp. ta’ iktar minn 20 sena	6	0,32
		L-Afrika, Pinus sp. ta’ 20 sena jew inqas	5	0,32
		L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	19	0,32
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	19	0,32
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	16	0,32
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	9	0,32
		L-Asja, is-siġar li joħorfu li għandhom iktar minn 20 sena	25	0,32
		L-Asja, is-siġar li joħorfu li għandhom 20 sena jew inqas	3	0,32
		L-Asja, is-siġar koniferi ta’ iktar minn 20 sena	6	0,32
		L-Asja, is-siġar koniferi ta’ 20 sena jew inqas	34	0,32
	Il-muntanji taż-żoni subtropikali	L-Afrika, is-siġar li joħorfu li għandhom iktar minn 20 sena	31	0,24
		L-Afrika, is-siġar li joħorfu li għandhom 20 sena jew inqas	20	0,24
		L-Afrika, Pinus sp. ta’ iktar minn 20 sena	19	0,24
		L-Afrika, Pinus sp. ta’ 20 sena jew inqas	7	0,24
		L-Amerika ta’ Fuq, l-Amerika Ċentrali u l-Amerika t’Isfel, Eucalyptus sp.	22	0,24
		L-Amerika ta’ Fuq, l-Amerika Ċentrali u l-Amerika t’Isfel, Pinus sp.	34	0,24
		L-Amerika ta’ Fuq, l-Amerika Ċentrali u l-Amerika t’Isfel, Tectona grandis	23	0,24
		L-Amerika ta’ Fuq, l-Amerika Ċentrali u l-Amerika t’Isfel, siġar li joħorfu oħrajn	16	0,24
		L-Asja, is-siġar li joħorfu	28	0,24
		L-Asja, is-siġar l-oħrajn	15	0,24
Il-qasam moderat	Foresta oċeanika moderata	L-Asja, l-Ewropa, is-siġar li joħorfu li għandhom iktar minn 20 sena	60	0,27
		L-Asja, l-Ewropa, is-siġar li joħorfu li għandhom 20 sena jew inqas	9	0,27
		L-Asja, l-Ewropa, is-siġar koniferi ta’ iktar minn 20 sena	60	0,27
		L-Asja, l-Ewropa, is-siġar koniferi ta’ 20 sena jew inqas	12	0,27
		L-Amerika ta’ Fuq	52	0,27
		In-New Zealand	75	0,27
		L-Amerika t’Isfel	31	0,27
	Foresti u muntanji taż-żoni kontinentali moderati	L-Asja, l-Ewropa, is-siġar li joħorfu li għandhom iktar minn 20 sena	60	0,27
		L-Asja, l-Ewropa, is-siġar li joħorfu li għandhom 20 sena jew inqas	4	0,27
		L-Asja, l-Ewropa, is-siġar koniferi ta’ iktar minn 20 sena	52	0,27
		L-Asja, l-Ewropa, is-siġar koniferi ta’ 20 sena jew inqas	7	0,27
		L-Amerika ta’ Fuq	52	0,27
		L-Amerika t’Isfel	31	0,27
Il-qasam Boreali	Foresti tal-koniferi u muntanji taż-żoni Boreali L-imsaġar tat-tundra Boreali	L-Asja, l-Ewropa, ta’ iktar minn 20 sena	12	0,24
		L-Asja, l-Ewropa, ta’ 20 sena jew inqas	1	0,24
		L-Amerika ta’ Fuq	13	0,24
	L-Asja, l-Ewropa, ta’ iktar minn 20 sena	L-Asja, l-Ewropa, ta’ iktar minn 20 sena	7	0,24
		L-Asja, l-Ewropa, ta’ 20 sena jew inqas	1	0,24
		L-Amerika ta’ Fuq	7	0,24

(*) Mhux applikabbli – f’dawn il-każijiet, l-FMG u l-FI m’għandhomx japplikaw u r-regola li ġejja tista’ tintuża biex jiġi kkalkulat is-SOC: SOC = SOCST × FLU

Top

Choose the experimental features you want to try