Edizzjoni speċjali bil-Kroat: Kapitolu 03 Volum 007 P. 257 - 261
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32009R0387
Commission Regulation (EC) No 387/2009 of 12 May 2009 approving minor amendments to the specification of a name registered in the register of protected designations of origin and protected geographical indications (Bleu du Vercors-Sassenage (PDO))
Regolament tal-Kummissjoni (KE) Nru 387/2009 tat- 12 ta’ Mejju 2009 li japprova emendi minuri fl-ispeċifikazzjoni ta' denominazzjoni elenkata fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti [Bleu du Vercors-Sassenage (AOP)]
Regolament tal-Kummissjoni (KE) Nru 387/2009 tat- 12 ta’ Mejju 2009 li japprova emendi minuri fl-ispeċifikazzjoni ta' denominazzjoni elenkata fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti [Bleu du Vercors-Sassenage (AOP)]
ĠU L 118, 13.5.2009, p. 67–71
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
13.5.2009 |
MT |
Il-Ġurnal Uffiċjali tal-Unjoni Ewropea |
L 118/67 |
REGOLAMENT TAL-KUMMISSJONI (KE) Nru 387/2009
tat-12 ta’ Mejju 2009
li japprova emendi minuri fl-ispeċifikazzjoni ta' denominazzjoni elenkata fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti [Bleu du Vercors-Sassenage (AOP)]
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u tad-denominazzjonijiet tal-oriġini tal-prodotti agrikoli u l-oġġetti tal-ikel (1), u b'mod partikolari t-tieni sentenza tal-Artikolu 9(2) tiegħu,
Billi:
|
(1) |
Skont l-ewwel subparagrafu tal-Artikolu 9(1), l-ewwel inċiż, tar-Regolament (KE) Nru 510/2006 u skont l-Artikolu 17(2) tal-istess Regolament, il-Kummissjoni eżaminat it-talba ta' Franza għall-approvazzjoni ta’ emenda fl-ispeċifikazzjoni tad-denominazzjoni protetta tal-oriġini “Bleu du Vercors-Sassenage”, irreġistrata bir-Regolament tal-Kummissjoni (KE) Nru 2400/96 tal-Kummissjoni (2) kif immodifikat mir-Regolament (KE) Nru 509/2001 (3). |
|
(2) |
It-talba għandha l-għan li temenda l-ispeċifikazzjoni billi tippreċiża l-kundizzjonijiet tal-użu ta’ trattamenti u addittivi għall-ħalib u fil-produzzjoni tal-“Bleu du Vercors-Sassenage”. Dawn il-prattiki jiżguraw iż-żamma tal-karatteristiċi essenzjali tad-denominazzjoni. |
|
(3) |
Il-Kummissjoni eżaminat l-emenda konċernata u kkonkludiet li hija ġustifikata. Billi din hija emenda minuri skont l-Artikolu 9 tar-Regolament (KE) Nru 510/2006, il-Kummissjoni tista' tapprovaha mingħajr rikors għall-proċedura stipulata fl-Artikoli 5, 6 u 7 tal-istess Regolament, |
ADOTTAT DAN IR-REGOLAMENT:
Artikolu 1
L-ispeċifikazzjoni tad-denominazzjoni protetta tal-oriġini “Bleu du Vercors-Sassenage” hija b'dan emendata skont l-Anness I għal dan ir-Regolament.
Artikolu 2
Is-sommarju konsolidat bl-elementi ewlenin tal-ispeċifikazzjoni jinsab fl-Anness II għal dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 12 ta’ Mejju 2009.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 93, 31.3.2006, p. 12.
(2) ĠU L 327, 18.12.1996, p. 11.
ANNESS I
B'dan huma approvati l-emendi li ġejjin għall-ispeċifikazzjoni tad-denominazzjoni protetta tal-oriġini “Bleu du Vercors-Sassenage”:
“Metodu ta' produzzjoni”
Il-punt 5 tal-ispeċifikazzjoni rigward id-deskrizzjoni tal-metodu ta’ produzzjoni huwa kkompletat bid-dispożizzjonijiet li ġejjin:
“(…) L-operazzjoni tat-tibqittal-ħalib għandha ssir esklussivament bit-tames, b'temperatura bejn 31 et 35 °C.
Minbarra l-materja prima tal-ħalib, l-uniċi ingredjenti jew prodotti sekondarji jew addittivi awtorizzati fil-ħalib, u waqt il-produzzjoni, huma t-tames, il-kulturi innokwi tal-batterji, il-ħmira, il-moffa, il-klorur tal-kalċju u l-melħ
Il-konċentrazzjoni tal-ħalib bl-eliminazzjoni parzjali tal-parti ilmija qabel il-koagulazzjoni hija pprojbita.
(...) Hija pprojbita l-konservazzjoni f’temperatura taħt iż-żero tal-materja prima tal-ħalib, tal-prodotti fil-proċess tal-produzzjoni, tal-baqta jew tal-ġobon frisk (fromage frais).
Hija pprojbita l-konservazzjoni f’atmosfera mmodifikata tal-ġobon frisk jew tal-ġobniet li għaddejjin mill-maturazzjoni.”
ANNESS II
SOMMARJU
IR-REGOLAMENT TAL-KUNSILL (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet protetti tal-oriġini għal prodotti agrikoli u l-oġġetti tal-ikel
“BLEU DU VERCORS-SASSENAGE”
Nru tal-KE: FR-PDO-0105-0077/29.03.2006
DPO (X) IĠP ( )
Dan is-sommarju jippreżenta l-elementi ewlenin tal-ispeċifikazzjoni tal-prodott b'finijiet ta’ informazzjoni biss.
1. Dipartiment responsabbli fl-istat membru
|
Isem |
: |
Institut National de l’origine et de la qualité |
|
Indirizz |
: |
51 rue d'Anjou – 75008 Paris |
|
Tel. |
: |
+33 (0)1 53 89 80 00 |
|
Feks |
: |
+33 (0)1 53 89 80 60 |
|
Posta elettronika |
: |
info@inao.gouv.fr |
2. Grupp
|
Isem |
: |
Syndicat Interprofessionnel du Bleu du Vercors |
|
Indirizz |
: |
Maison du Parc - 38250 LANS EN VERCORS |
|
Tel. |
: |
+33 (0)4 76 94 38 26 |
|
Feks |
: |
+33 (0)4 76 94 38 39 |
|
Posta elettronika |
: |
siver@pnr-vercors.fr |
|
Kompożizzjoni |
: |
produtturi/proċessuri (X) oħrajn ( ) |
3. Tip ta’ prodott
|
Klassi 1.3 |
Ġobnijiet |
4. Speċifikazzjonijiet
(sommarju tal-kundizzojnijiet imsemmija fl-Artikolu 4(2) tar-Regolament (KE) Nru 510/2006)
4.1. Isem
“Bleu du Vercors-Sassenage”
4.2. Deskrizzjoni
Il-Bleu du Vercors-Sassenage hu ġobon tat-tursina misjur, mhux ippressat mhux imsajjar, li jiġi fil-forma ta' ċilindri ċatti, konvessi fuq barra, b'dijametru bejn 27 u 30 ċm, għoljin bejn 7 u 9 ċm, b'piż bejn 4 u 4.5 kg, b'kisja bajdanija ħafifa fuq il-qoxra qisha moffa li jista' jkollha strixxi ta' lewn mill-oranġjo sal-avorju kkawżati mill-ħmira u l-batteriji attivi fil-proċess tal-maturazzjoni.
Dan il-ġobon fih livell massimu ta' 48 g xaħam għal kull 100 g ġobon wara t-tnixxif totali u l-materja niexfa m'għandhiex tkun tiżen inqas minn 52 g għal kull 100 g ġobon.
4.3. Żona ġeografika
Il-Bleu du Vercors-Sassenage DPO jiġi prodott fi ħdan il-Massif du Vercors, fi 13-il komun fid-dipartiment tad-Drôme u 14-il komun fid-dipartiment ta' Isère.
Komuni ta' Bouvante (taqsimiet C, D, E, L 1, K, I 1, I 2, A I), Echevis, Le Chaffal, La Chapelle-en-Vercors, Léoncel, Omblèze, Plan-de-Baix, Saint-Agnan-en-Vercors, Saint-Jean-en-Royans (taqsima E), Saint-Julien-en-Vercors, Saint-Laurent-en-Royans (taqsimiet D 1 et D 2), Saint-Martin-en-Vercors, Vassieux-en-Vercors.
Komuni ta' Autrans, Chatelus, Choranche, Corrençon-en-Vercors, Engins, Izeron (Fressinet u, Gouté fit-taqsimiet F 1, F 2 et G 1 u Malache f' G 2), Lans-en-Vercors, Malleval, Meaudre, Presles, Rencurel, Saint-Nizier-de-Moucherotte, Saint-Pierre-de-Cherennes ( Alevoux, Bayettes, Guillon f' C 1, C 2 et D 2), u Villard-de-Lans.
4.4. Prova tal-oriġini
Kull produttur tal-ħalib, impjant tal-ipproċessar u impjant tal-maturazzjoni jeħtiġilhom jimlew “dikjarazzjoni ta' kapaċità” rreġistrata mis-servizzi tal-I.N.A.O. u li tippermetti lil dan tal-aħħar jidentifika l-operaturi kollha. Dawn għandhom iżommu għad-dispożizzjoni tal-I.N.A.O. r-reġistri kif ukoll kull dokument meħtieġ għall-kontroll tal-oriġini, tal-kwalità u tal-kundizzjonijiet ta’ produzzjoni tal-ħalib u tal-ġobon.
Fil-qafas tal-kontroll li jsir fuq il-karatteristiċi tal-prodott b’denominazzjoni tal-oriġini, eżami analitiku u organolettiku għandu l-għan li jiżgura l-kwalità u t-tipiċità tal-prodotti ppreżentati għal dan l-eżami.
Il-ġobon kollu mmarkat bid-denominazzjoni tal-oriġini għandu jkollu marka li tidentifika l-unità tal-produzzjoni u jippermetti li l-prodott jiġi ttraċċat.
4.5. Metodu ta’ produzzjoni
Il-produzzjoni tal-ħalib, u l-manifattura u l-maturazzjoni tal-ġobon iridu jsiru fiż-żona ġeografika.
Il-ħalib użat għall-manifattura tal-Bleu du Vercors-Sassenage għandu jiġi biss minn baqar tar-razez Montbéliarde, Abbondance u Villard. L-annimali għandhom jiġu mitmugħa għalf tal-ħaxix li jkun ġej miż-żona ġeografika definita. Il-ħalib użat huwa ħalib sħiħ tal-baqra, li jista' jkun parzjalment xkumat. Għandu jkun ġej mill-aħħar erba' ħalbiet biss. Il-ġobon isir mill-ħalib imsaħħan sa massimu ta' 76o C u mlaqqam bil-Pénicillium roqueforti. It-tibqit għandu jsir bit-tames f' temperatura bejn 31 et 35 °C. Il-baqta trid titħawwad u titferra' f'forom f'diversi saffi mingħajr ippressar. Il-ġobniet jitmellħu fil-forom individwali tagħhom. It-tmelliħ m'għandux ikun ta' aktar minn tlett ijiem. Il-ġobniet jimmaturaw fil-kantina tal-maturazzjoni għal mill-inqas 21 jum mid-data tat-tibqit; dan jippermettilhom jiżviluppaw b'mod ibbilanċjat.
4.6. Rabta
L-evidenza tal-manifattura ta' dan il-ġobon fil-Massif du Vercors tmur lura sas-seklu 14. F'Ġunju tal-1338, att iffirmat mill-Baruni Albert de Sassenage ta lin-nies tal-post il-libertà kollha biex ibigħu l-ġobon tagħhom. Bosta kitbiet huma xhieda tal-fama ta' dan il-ġobon, fosthom il-Grand Dictionnaire Universel du XIX ta' Pierre Larousse li jsemmi li kien jogħġob ħafna lir-Re François l-Ewwel. Il-manifattura tradizzjonali fl-irziezet baqgħet sa kmien fis-seklu 20. Fl-1933, kien hemm maħleb li beda jagħmel il-ġobon skond il-proċess tradizzjonali. Dan l-aħħar, reġgħet bdiet taqbad il-manifattura fl-irziezet.
Il-Massif du Vercors huwa kompost minn iġbla tal-franka definiti sew li jħarsu minn għoli ta' 1 000 m fuq il-pjanuri tal-madwar. Huwa kkaratterizzat minn widien umdi twal u forma ta' benniena u minn widien qosra u ħofor fuq wileġ il-għolja mħarsa mill-irdumijiet. Il-Vercors għandu klima tal-muntajna, ikkaratterizzata minn sjuf qosra, iljieli dejjem friski, ħarifa bikrija, u borra li taf tibda minn Ottubru u tibqa' sa April u Mejju. Din il-klima tittaffa mill-effetti tal-Atlantiku u l-Mediterran. L-altitudni, il-ħamrija tal-ġir u tal-franka, u l-klima bix-xita tat-tip tal-muntanji jagħmlu l-mergħat tal-massif tajbin għall-aħħar. Dawn il-fatturi flimkien jagħtu wkoll lill-Massif de Vercors l-ispeċifiċità kollha tiegħu, l-iktar mill-aspett botaniku. Id-diversità tal-pajżaġġi ta' dan l-ambjent naturali tfisser mergħat differenti kumplimentari li joffru għalf abbundanti ta' kwalità mill-aħjar. Dan jikkostitwixxi l-bażi ta' għalf il-merħla, u jgħati l-karatteristiċi tipiċi lill-ħalib, u għalhekk lill-ġobon.
4.7. Struttura tal-kontroll
|
Isem |
: |
Institut National de l’origine et de la qualité (INAO) |
|
Indirizz |
: |
51 rue d'Anjou 75008 PARIS |
|
Tel. |
: |
+ 33 (0)1 53 89 80 00 |
|
Feks |
: |
+ 33 (0)1 53 89 80 60 |
|
Posta elettronika |
: |
info@inao.gouv.fr |
L-Institut National des Appellations d’Origine huwa entità pubblika ta’ natura amministrattiva, b’personalità ċivili, u taqa’ taħt il-Ministeru tal-Agrikoltura.
Il-kontroll tal-kundizzjonijiet ta’ produzzjoni li għandhom denominazzjoni tal-oriġini qiegħed f’idejn l-INAO.
|
Isem |
: |
Direction Générale de la Concurrence, de la Consommation et de la Répression des Fraudes (DGCCRF) |
|
Indirizz |
: |
59, Boulevard Vincent Auriol 75703 PARIS Cedex 13 |
|
Tel. |
: |
+33 (0)1 44 87 17 17 |
|
Feks |
: |
+33 (0)1 44 97 30 37 |
Id-DGCCRF huwa servizz tal-Ministeru tal-Ekonomija, tal-Industrija u tal-Impjiegi.
4.8. Tikkettar
Il-prodott għandu jkollu l-kliem “appellation d’origine contrôlée” u isem id-denominazzjoni tal-oriġini.
Il-kliem “fabrication fermière” ou “fromage fermier” jew kliem ieħor simili li jissuġġerixxi li l-prodott sar f'razzett jista' jintuża biss mill-produtturi li huma bdiewa.