27.10.2007   

MT

Il-Ġurnal Uffiċjali ta’ l-Unjoni Ewropea

L 283/69

(1)

Fit-12 ta’ Novembru 2004, KWS SAAT AG u Monsanto Europe S.A., ippreżentaw applikazzjoni lill-awtoritajiet kompetenti tar-Renju Unit, skond l-Artikoli 5 u 17 tar-Regolament (KE) Nru 1829/2003, għat-tqegħid fis-suq ta’ ikel, ingredjenti ta’ l-ikel, u għalf prodotti mill-pitravi ħelu H7-1 (“l-applikazzjoni”).

(2)

L-ambitu inizjali ta’ l-applikazzjoni inkluda weraq tal-pitravi ħelu u biċċiet żgħar ta’ għeruq li jirriżultaw mill-ipproċessar ta’ l-għeruq li jista' jkun iffermentat biex jipproduċi ħażna għall-għalf ta’ l-annimali. Dawn il-prodotti, li mhumiex meqjusa bħala prodotti minn GMOs imma bħala li fihom jew jikkonsistu minn GMOs, tneħħew mill-ambitu ta’ l-applikazzjoni mill-applikanti fl-14 ta’ Frar 2006.

(3)

Fl-20 ta’ Diċembru 2006, l-Awtorità Ewropea għas-Sigurtà fl-Ikel (“EFSA”) tat opinjoni favorevoli skond l-Artikoli 6 u 18 tar-Regolament (KE) Nru 1829/2003 u kkonkludiet li mhux probabbli li t-tqegħid fis-suq tal-prodotti magħmula mill-pitravi ħelu H7-1 kif deskritt fl-applikazzjoni (“il-prodotti”) iħalli effetti negattivi fuq is-saħħa tal-bniedem jew ta’ l-annimali jew fuq l-ambjent fil-kuntest ta’ l-użi li huma maħsuba għalihom (2). Fl-opinjoni tagħha, l-EFSA qieset kull mistoqsija u tħassib speċifiċi mqajma mill-Istati Membri.

(4)

Wara li tqiesu dawk il-kunsiderazzjonijiet, l-awtorizzazzjoni għandha tingħata għall-prodotti.

(5)

Għandu jiġi assenjat identifikatur uniku għal kull GMO kif stipulat fir-Regolament tal-Kummissjoni (KE) Nru 65/2004 ta’ l-14 ta’ Jannar 2004 li jistabbilixxi sistema għall-iżvilupp u l-assenjament ta’ identifikaturi uniċi għall-organiżmi modifikati ġenetikament (3).

(6)

Fuq il-bażi ta’ l-opinjoni mogħtija mill-EFSA, l-ebda rekwiżit speċifiku għat-tqegħid tat-tikketti għajr dawk stipulati fl-Artikoli 13(1) u 25(2) tar-Regolament (KE) Nru 1829/2003, ma jidher li hemm bżonnu.

(7)

Bl-istess mod, l-opinjoni ta’ l-EFSA ma tiġġustifikax l-impożizzjoni ta’ kundizzjonijiet jew restrizzjonijiet speċifiċi għat-tqegħid fis-suq u/jew kundizzjonijiet jew restrizzjonijiet speċifiċi għall-użu u l-ġarr, inklużi r-rekwiżiti ta’ superviżjoni ta’ wara t-tqegħid fis-suq, kif stipulat fil-punt (e) ta’ l-Artikoli 6(5) u 18(5) tar-Regolament (KE) Nru 1829/2003.

(8)

L-informazzjoni rilevanti kollha dwar l-awtorizzazzjoni tal-prodotti għandha tiddaħħal fir-reġistru Komunitarju ta’ l-ikel u l-għalf modifikat ġenetikament, kif stipulat fir-Regolament (KE) Nru 1829/2003.

(9)

Skond l-Artikoli 4(2) u 16(2) tar-Regolament (KE) Nru 1829/2003, il-kundizzjonijiet għall-awtorizzazzjoni tal-prodotti jorbtu lill-persuni kollha li jqegħduhom fis-suq.

(10)

Il-Kumitat Permanenti għall-Katina Alimentari u s-Saħħa ta’ l-Annimali, ma tax opinjoni sal-limitu taż-żmien stipulat mill-President tiegħu: il-Kummissjoni għalhekk bagħtet il-proposta lill-Kunsill fil-25 ta’ Ġunju 2007 skond l-Artikolu 5 tad-Deċiżjoni tal-Kunsill 1999/468/KE (4), bil-Kunsill ikollu jaġixxi fi żmien tliet xhur.

(11)

Madankollu, il-Kunsill m’ aġixxiex fil-limiti taż-żmien mitluba; issa għandha tiġi adottata Deċiżjoni mill-Kummissjoni,

(a)

ikel u ingredjenti ta’ l-ikel prodotti minn pitravi ħelu KM-ØØØH71-4;

(b)

għalf prodott minn pitravi ħelu KM-ØØØH71-4.

(a)

KWS SAAT AG, il-Ġermanja;

u

(b)

Monsanto Europe S.A., il-Belġju, li tirrappreżenta lil Monsanto Company, l-Istati Uniti ta’ l-Amerika.

(a)

KWS SAAT AG, Grimsehlstraße 31, D-37574 Einbeck, il-Ġermanja;

u

(b)

Monsanto Europe S.A., Scheldelaan 460, Haven 627, B-2040 Antwerp, il-Belġju.