27.10.2007   

MT

Il-Ġurnal Uffiċjali ta’ l-Unjoni Ewropea

L 283/16

(1)

Wara l-emendi li saru lir-Regolament (KE) Nru 320/2006 permezz tar-Regolament tal-Kunsill (KE) Nru 1261/2007 (2) huwa neċessarju li jkun adattat ir-Regolament tal-Kummissjoni (KE) Nru 968/2006 (3) għal dan l-iskop u biex ikunu ċċarati ċerti termini użati fih.

(2)

L-Artikolu 3(6) tar-Regolament (KE) Nru 320/2006 jiffissa għal 10 % l-perċentwal ta’ għajnuna għar-ristrutturar li għandha titħallas lill-produtturi u lill-kuntratturi tal-makkinarju. Għalhekk, m'hemmx bżonn aktar li jittieħdu deċiżjonijiet biex ikun iffissat il-livell tal-perċentwal bħalma kien il-każ qabel u wkoll l-awtoritajiet kompetenti ta’ l-Istati Membri jeħtiġilhom inqas ħin biex jiddeċiedu l-perċentwal ta’ għajnuna li għandu jingħata fuq naħa waħda lill-produtturi u fuq in-naħa l-oħra lill-kuntratturi tal-makkinarju. Il-perijodu ta’ konsultazzjoni bejn l-impriżi u l-produtturi kif jipprovdi l-Artikolu 2(4) u l-Artikolu 6(1) tar-Regolament (KE) Nru 968/2006 jista' għalhekk jitqassar.

(3)

It-tieni subparagrafu ta’ l-Artikolu 3(6) tar-Regolament (KE) Nru 320/2006 jipprovdi għall-iffissar, mill-Istati Membri, tal-perijodu ta’ referenza għall-kunsinni mill-produtturi tal-pitravi u l-kannamieli. Fil-każ fejn il-produtturi jużaw id-dritt tagħhom li jissottomettu applikazzjoni għal għajnuna għar-ristrutturar kif provdut fl-Artikolu 4a tar-Regolament (KE) Nru 320/2006, l-ewwel subparagrafu tal-paragrafu 1 ta’ dak l-Artikolu jipprovdi li dak il-perijodu għandu jkun is-sena tas-suq li tippreċedi s-sena tas-suq 2008/2009, jiġifieri s-sena tas-suq 2007/2008. Għal raġunijiet ta’ ċarezza għandu jkun provdut li f'dik is-sitwazzjoni l-Istati Membri għandhom jiffissaw is-sena tas-suq 2007/2008.

(4)

L-Artikolu 4a tar-Regolament (KE) Nru 320/2006 jintroduċi d-dritt tal-produtturi tal-pitravi u l-kannamieli biex, fuq inizjattiva tagħhom stess, jissottomettu applikazzjoni għall-għajnuna għar-ristrutturar. L-impriżi li għandhom x'jaqsmu ma’ dawn l-applikazzjonijiet tal-produtturi huma msejjħa sabiex jissottomettu pjan soċjali skond it-tielet subparagrafu tal-paragrafu 4 ta’ dak l-Artikolu. Id-dati ta’ l-għeluq għas-sottomissjoni kif ukoll id-dettalji li jeħtieġ li jitniżżlu hemmhekk għandhom ikunu speċifikati.

(5)

Id-dettalji li għandhom x'jaqsmu mal-proċedura li għandha tapplika fil-każ ta’ dawn l-applikazzjonijiet tal-produtturi għandhom jiġu stipulati, partikolarment fir-rigward ta’ l-elementi li għandhom jinkludu, l-indirizzi fejn jistgħu jintbagħtu l-applikazzjonijiet filwaqt li jitħalla f'idejn l-Istati Membri li jipprovdu għal iktar mezzi ta’ trażmissjoni. Barra dan, jeħtieġ li jkunu ċċarati l-każijiet fejn is-sottomissjoni ta’ iktar minn applikazzjoni waħda minn produttur wieħed twassal għall-ineliġibbiltà ta’ xi waħda minnhom.

(6)

In-numru ta’ applikazzjonijiet sottomessi mill-produtturi kif ukoll il-kwantità ta’ kwota ta’ l-impriżi kkonċernati affettwati minn dawn l-applikazzjonijiet se jqajjem il-bżonn għall-impriżi kkonċernati li jiddeċiedu, min-naħa tagħhom, jekk iridux jissottomettu applikazzjoni skond l-Artikolu 4 tar-Regolament (KE) Nru 320/2006. Barra minn hekk, jeħtieġ li l-Istati Membri jieħdu azzjoni ta’ malajr dwar id-deċiżjonijiet sussegwenti wara li jirċievu l-applikazzjonijiet tal-produtturi. Għalhekk, huwa importanti illi s-sitwazzjoni li tikkonċerna l-applikazzjonijiet sottomessi ma tinbidilx u li l-applikazzjoni tal-produttur ma tkunx tista' tiġi rtirata.

(7)

Hemm ukoll il-ħtieġa li tkun stabbilita l-proċedura ulterjuri li għandha tiġi applikata mill-Istati Membri rigward il-komunikazzjonijiet li għandhom jgħaddu lill-impriżi kkonċernati mill-applikazzjonijiet tal-produtturi kif ukoll lill-Kummissjoni, u rigward id-deċiżjonijiet dwar l-għoti ta’ dawn l-applikazzjonijiet.

(8)

Sabiex tkun stabbilita lista kronoloġika ta’ l-applikazzjonijiet kemm mingħand il-produtturi u kemm mill-impriżi, id-data ta’ meta l-produtturi jitfgħu l-applikazzjoni tagħhom għandha tkun stabbilita permezz ta’ l-istess data ta’ meta tintefa' l-aħħar applikazzjoni tal-produtturi għal kull impriża li tkun għadha ma ssottomettietx applikazzjoni eliġibbli tagħha stess skond l-Artikolu 4 tar-Regolament (KE) Nru 320/2006.

(9)

Jeħtieġ li jiġu stipulati regoli li jiddeterminaw kif tkun stabbilita l-lista kronoloġika ta’ l-applikazzjonijiet tal-produtturi msemmija fl-Artikolu 4a(3) tar-Regolament (KE) Nru 320/2006 fil-każ fejn bosta applikazzjonijiet bħal dawn jiġu sottomessi simultanjament u fejn l-ammonti ta’ zokkor koperti minn dawn l-applikazzjonijiet jeċċedu l-limitu massimu kif provdut fil-paragrafu 4 ta’ dak l-Artikolu.

(10)

L-Artikolu 4(1) u (1a) tar-Regolament (KE) Nru 320/2006 jipprovdi għall-possibbiltà lill-impriżi li mis-sena tas-suq 2008/2009 jissottomettu f'żewġ fażijiet applikazzjonijiet għal għajnuna għar-ristrutturar minħabba r-rinunzja tal-kwoti, prinċipalment l-ewwel applikazzjoni sal-31 ta’ Jannar 2008 u t-tieni waħda sal-31 ta’ Marzu 2008. Il-premessa 6 tar-Regolament (KE) Nru 1261/2007 li tintroduċi dik il-possibbiltà, tirreferi għat-twaqqif ta’ din il-proċedura ta’ żewġ fażijiet. Huwa għalhekk xieraq li jkun ipprovdut li l-applikazzjonijiet inizjali ta’ l-impriżi għar-rinunzja tal-kwota jistgħu jerġgħu jiġu kkunsidrati fid-dawl ta’ l-applikazzjoni addizzjonali safejn kwota addizzjonali tkun qed tiġi allokata lill-fabbrika/i kkonċernata/i, jew li l-applikazzjonijiet inizjali skond l-Artikolu 3(1)(b) jew (c) ikunu qed jerġgħu jiġu kkunsidrati bħala applikazzjonijiet skond l-Artikolu 3(1)(a) jew (b) rispettivament. Minħabba li tali applikazzjoni addizzjonali għandha impatt fuq l-obbligi li wieħed għandu jikkonforma magħhom, pjan rivedut ta’ ristrutturar li jqis il-livell ogħla ta’ kwota li trid tkun rinunzjata, kif ukoll l-obbligi marbuta mad-dispożizzjonijiet ta’ l-Artikolu 3(1) tar-Regolament (KE) Nru 320/2006 ikkonċernat, jeħtieġ li jkun stabbilit u fornut ma’ dik l-applikazzjoni addizzjonali.

(11)

L-Artikolu 13 tar-Regolament (KE) Nru 968/2006 jipprovdi għad-dati sakemm il-Kummissjoni għandha tiffissa l-ammonti attribwiti lil kull Stat Membru skond il-fond ta’ ristrutturar. L-introduzzjoni ta’ tipi differenti ta’ proċeduri ta’ applikazzjoni b'dan ir-Regolament tinneċessita l-provvediment ta’ perijodu itwal ta’ żmien li matulu l-Kummissjoni tiffissa dawn l-ammonti.

(12)

L-Artikolu 3(8) tar-Regolament (KE) Nru 320/2006 jipprovdi għall-għoti ta’ ħlasijiet retroattivi f'ċerti sitwazzjonijiet. Jeħtieġ li jkunu stabbiliti regoli li jiddeterminaw il-proċedura li għandha tkun applikata f'dak il-kuntest u b'mod partikolari biex tistabbilixxi l-livell ta’ dawn il-ħlasijiet u d-data sa meta dawn għandhom jingħataw.

(13)

L-Artikolu 11(6) tar-Regolament (KE) Nru 320/2006 jipprovdi għal tnaqqis fl-ammont tar-ristrutturar temporanju f'każijiet fejn l-impriżi jirrinunzjaw perċentwal tal-kwota tagħhom li jkun ta’ l-inqas il-perċentwal tar-rinunzja li għalih huma kienu soġġetti skond ir-Regolament (KE) Nru 290/2007. Il-paragrafu 5 ta’ dak l-Artikolu jipprovdi li l-ħlas ta’ l-ammont tar-ristrutturar isir f'żewġ pagamenti. Minħabba li d-data għall-kalkolu tat-tnaqqis ta’ dak l-ammont ma tkunx għadha disponibbli sa għeluq id-data ta’ l-ewwel pagament, għandu jkun provdut biex li t-tnaqqis jibbilanċja ruħu kontra t-tieni pagament tal-ħlas mill-impriżi.

(14)

Ir-Regolament (KE) Nru 968/2006 għandu, għalhekk, ikun emendat skond dan.

(15)

Il-miżuri li dan ir-Regolament jipprovdi għalihom huma skond l-opinjoni tal-Kumitat dwar il-Fondi Agrikoli,

(1)

Fl-Artikolu 1, qed jiġi miżjud dan il-paragrafu 3:

“3.   Għall-finijiet ta’ dan ir-Regolament:

(2)

L-Artikolu 2(4) jiġi sostitwit b'dan li ġej:

“4.   Sakemm ma jintlaħaqx ftehim qabel, il-konsultazzjoni għandha tikkonsisti mill-inqas f'żewġ laqgħat u ddum sa għoxrin ġurnata minn meta l-istedina għall-konsultazzjoni tkun intbagħtet.

Permezz ta’ deroga mill-ewwel subparagrafu, għall-applikazzjonijiet għall-għajnuna għar-ristrutturar skond l-Artikolu 4(1a) tar-Regolament (KE) Nru 320/2006, il-konsultazzjoni għandha ddum sa 10 ijiem u tikkonsisti mill-inqas f'laqgħa waħda.”

(3)

L-Artikolu 6(1) huwa emendat kif ġej:

(4)

Fl-Artikolu 7, jiżdied dan il-paragrafu li ġej:

“4.   Il-pjan soċjali li hemm referenza għalih fit-tielet subparagrafu ta’ l-Artikolu 4a(4) tar-Regolament (KE) Nru 320/2006 għandu jkun sottomess sa mhux iktar tard mill-31 ta’ Jannar 2008. Il-pjan soċjali għandu juri l-impatt tat-tnaqqis tal-kwota fuq il-forza tax-xogħol li tkun tqajjmet mill-applikazzjonijiet tal-produtturi u azzjonijiet u miżuri previsti favur il-forza tax-xogħol, kif ukoll l-ispejjeż involuti.”

(5)

Jiddaħħal l-Artikolu 7a li ġej:

“Artikolu 7a

L-applikazzjoni tal-produttur għal għajnuna għar-ristrutturar

1.   Kull applikazzjoni tal-produttur għandha tinkludi ta’ l-inqas dawn l-affarijiet:

2.   Kull applikazzjoni tal-produttur għal għajnuna għar-ristrutturar għandha tkopri biss prodott wieħed (pitravi/kannamieli) u impriża waħda. Fil-każ fejn produttur għandu drittijiet ta’ kunsinna għal iktar minn prodott wieħed u/jew ma’ iktar minn impriża waħda, huwa/hija jista' jissottometti applikazzjoni waħda għal kull prodott u/jew impriża.

3.   Malli produttur jissottometti l-applikazzjoni, din ma tkunx tista' tiġi rtirata, skond l-Artikolu 10(5).”

(6)

L-Artikolu 8(6) jiġi sostitwit b'dan li ġej:

“Fi żmien żewġ ġranet ta’ xogħol mill-ħruġ ta’ verifika ta’ rċevuta, l-awtorità kompetenti ta’ l-Istat Membru għandha tgħarraf lill-Kummissjoni b'dan, billi tuża t-tabella mudell mogħtija f'Anness I. Jekk japplika, għandha tintuża tabella separata għal kull prodott u kull sena tas-suq ikkonċernata.”

(7)

Jiddaħħal l-Artikolu 8a li ġej:

“Artikolu 8a

L-irċevuta ta’ l-applikazzjoni tal-produttur għal għajnuna għar-ristrutturar

1.   L-applikazzjoni tal-produttur għandha tkun sottomessa lill-awtorità kompetenti ta’ l-Istat Membru fejn tinsab l-impriża kkonċernata jew fl-indirizz elenkat għal dak l-Istat Membru fl-Anness II jew, fejn japplika, f'kull indirizz ieħor jew permezz ta’ kull mezz ieħor ta’ trażmissjoni kkomunikat mill-awtorità kompetenti ta’ l-Istat Membru kkonċernat għal dan il-għan. Kull applikazzjoni tal-produttur għandha tintbagħat f'indirizz wieħed u għandu jkun hemm fiha l-elementi msemmija fl-Artikolu 7a(1).

Fil-każ fejn produttur jissottometti iktar minn applikazzjoni waħda għall-istess prodott jew l-istess impriża, jew l-istess applikazzjoni taħt iktar minn indirizz wieħed, l-applikazzjoni jew l-applikazzjonijiet tiegħu jkunu ineliġibbli.

2.   L-applikazzjonijiet tal-produtturi għandhom jaslu għand l-awtorità kompetenti bejn il-ħin 0.00 tat-30 ta’ Ottubru 2007 u l-ħin 24.00 tat-30 ta’ Novembru 2007. Il-ħin rilevanti għandu jkun il-ħin lokali tal-post tad-destinazzjoni. Applikazzjonijiet irċevuti qabel ma jibda l-perijodu msemmi hawn fuq, jitqiesu li jkunu waslu fil-ħin 0.01 ħin lokali tat-30 ta’ Ottubru 2007. Applikazzjonijiet irċevuti qabel it-30 ta’ Ottubru 2007 jew wara t-30 ta’ Novembru 2007 ma jiġux ikkunsidrati.

3.   Għall-fini ta’ applikazzjoni ta’ l-Artikolu 4a(3) tar-Regolament (KE) Nru 320/2006, l-Istati Membri għandhom jistabbilixxu kalkolu provviżorju ta’ l-ammont ta’ kwota affettwat mill-applikazzjonijiet tal-produtturi. Id-dettalji ta’ l-applikazzjonijiet tal-produtturi, speċjalment l-identità ta’ l-applikanti, m'għandhiex tingħata lil terzi persuni.

Il-komunikazzjonijiet previsti fl-Artikolu 4a(3) tar-Regolament (KE) Nru 320/2006 għandhom ikollhom l-ammonti kollha tad-drittijiet ta’ kunsinna li se jkunu rinunzjati u li għalihom ġew sottomessi applikazzjonijiet.”

(8)

L-Artikolu 9 huwa emendat kif ġej:

(9)

L-Artikolu 10 huwa emendat kif ġej:

(10)

Jiddaħħal l-Artikolu 11a li ġej:

“Artikolu 11a

Sitwazzjoni speċjali li tikkonċerna applikazzjonijiet addizzjonali għal għajnuna għar-ristrutturar

1.   Jekk, fir-rigward ta’ fabbrika li tkun ingħatat għajnuna għar-ristrutturar skond l-Artikolu 3(1)(a) tar-Regolament (KE) Nru 320/2006 wara applikazzjoni skond l-Artikolu 4(1) ta’ dak ir-Regolament, applikazzjoni addizzjonali għal għajnuna għar-ristrutturar titressaq skond l-Artikolu 4(1a) ta’ dak ir-Regolament għar-rinunzja ta’ kwota addizzjonali, il-pjan ta’ ristrutturar li għandu jkun inkluż f'dik l-applikazzjoni għandu jkun ibbażat fuq il-kwota totali li se tkun rinunzjata u tieħu post il-pjan ta’ ristrutturar sottomess fil-kuntest ta’ l-ewwel applikazzjoni u aċċettat skond l-Artikolu 5 ta’ dak ir-Regolament.

L-istess għandu japplika f'każ fejn l-ewwel applikazzjoni u dik addizzjonali jitressqu bil-għan ta’ l-għoti ta’ għajnuna ta’ ristrutturar skond l-Artikolu 3(1)(b) tar-Regolament (KE) Nru 320/2006.

2.   Jekk, fir-rigward ta’ fabbrika li tkun ingħatat għajnuna għar-ristrutturar skond l-Artikolu 3(1)(b) wara applikazzjoni skond l-Artikolu 4(1) ta’ dak ir-Regolament, applikazzjoni addizzjonali għal għajnuna għar-ristrutturar titressaq skond l-Artikolu 4(1a) ta’ dak ir-Regolament għar-rinunzja ta’ kwota addizzjonali bil-għan ta’ l-għoti ta’ għajnuna ta’ ristrutturar skond l-Artikolu 3(1)(a) ta’ dak ir-Regolament, l-applikazzjoni preċedenti tista' tiġi kkunsidrata mill-ġdid bil-għan ta’ l-għoti ta’ għajnuna ta’ ristrutturar skond l-Artikolu 3(1)(a) ta’ dak ir-Regolament, bil-kundizzjoni li l-pjan ta’ ristrutturar li għandu jkun inkluż f'dik l-applikazzjoni għandu jkun ibbażat fuq il-kwota totali li se tkun rinunzjata u li l-pjan ta’ ristrutturar jieħu post il-pjan ta’ ristrutturar sottomess fil-kuntest ta’ l-ewwel applikazzjoni u aċċettat skond l-Artikolu 5 ta’ dak ir-Regolament.

L-istess għandu japplika fir-rigward ta’ l-ewwel applikazzjonijiet li jkunu tressqu bil-għan ta’ l-għoti ta’ għajnuna ta’ ristrutturar skond l-Artikolu 3(1)(c) tar-Regolament (KE) Nru 320/2006, jekk l-applikazzjoni addizzjonali titressaq bil-għan ta’ l-għoti ta’ għajnuna ta’ ristrutturar skond l-Artikolu 3(1)(a) jew (b) ta’ dak ir-Regolament rispettivament.”

(11)

Fl-Artikolu 13(1), il-frażi introduttorja tinbidel f'li ġej:

“1.   Sal-31 ta’ Mejju 2008 għas-sena tas-suq 2008/2009 u sal-31 ta’ Marzu 2009 għas-sena tas-suq 2009/2010, il-Kummissjoni trid tiffissa l-ammonti attribwiti lil kull Stat Membru skond il-fond tar-ristrutturar għal:”

(12)

It-titolu tal-Kapitolu V jiġi sostitwit b'dan li ġej:

“ĦLAS TA’ GĦAJNUNIET U AMMONT TEMPORANJU TA’ RISTRUTTURAR”

(13)

Fl-Artikolu 16(1), jiżdied is-subparagrafu li ġej:

“Madankollu, fejn l-awtorità kompetenti ta’ l-Istat Membru hija sodisfatta illi l-kundizzjonijiet stipulati fl-Artikolu 22(1) huma milħuqa qabel il-ħlas ta’ xi wieħed mill-pagamenti, dak il-pagament ma jkunx soġġett għal tqegħid ta’ garanzija.”

(14)

Jiddaħħal l-Artikolu 16a li ġej:

“Artikolu 16a

Ħlas retroattiv għal għajnuna għar-ristrutturar lil produtturi u impriżi li jkunu rristrutturaw fl-2006/2007 u fl-2007/2008

1.   Il-ħlasijiet retroattivi li hu pprovdut għalihom fl-Artikolu 3(8) tar-Regolament (KE) Nru 320/2006 għandhom jikkonċernaw ammonti ta’ differenza favorevoli bejn l-għajnuna mogħtija lill-impriżi u lill-produtturi fis-sena tas-suq 2006/2007 u 2007/2008 u l-għajnuna li kieku kellha tingħata skond il-kundizzjonijiet validi għas-sena tas-suq 2008/2009.

Għall-finijiet ta’ l-applikazzjoni ta’ l-ewwel subparagrafu, l-Istati Membri għandhom jinnotifikaw lill-Kummissjoni sa mhux iktar tard mit-30 ta’ Novembru 2007 bil-perċentwali li huma ffissaw għall-produtturi u l-kuntratturi skond l-Artikolu 3(6) tar-Regolament (KE) Nru 320/2006 għall-applikazzjonijiet kollha għar-ristrutturar li ngħataw għas-snin tas-suq 2006/2007 u 2007/2008.

Il-Kummissjoni għandha tiffissa l-ammonti għal kull Stat Membru li jistgħu għalhekk jingħataw b'mod retroattiv.

2.   Il-ħlasijiet retroattivi għandhom isiru f'Ġunju 2008.

L-Artikolu 16(1) u (2) għandu japplika mutatis mutandis.”

(15)

Fl-Artikolu 22(1), il-frażi introduttorja tiġi sostitwita b'dan li ġej:

“1.   Il-garanziji li jagħmlu referenza għalihom l-Artikoli 16(1), 16a(2) u 18(2) għandhom jaqgħu sakemm:”

(16)

L-Artikolu 22a li ġej huwa miżjud fil-Kapitolu V:

“Artikolu 22a

Ammont temporanju għar-ristrutturar

It-tnaqqis fl-ammont temporanju għar-ristrutturar li jagħmel referenza għalih l-Artikolu 11(6) tar-Regolament (KE) Nru 320/2006 għandu jagħmel tajjeb għalih it-tieni pagament ta’ dak l-ammont li għandu jitħallas mill-impriżi kkonċernati sal-31 ta’ Ottubru 2008 skond it-tieni indent tat-tieni subparagrafu tal-paragrafu 5 ta’ dak l-Artikolu.”

(17)

L-Anness għar-Regolament (KE) Nru 968/2006 jiġi enumerat mill-ġdid bħala l-Anness I.

(18)

Jiżdied l-Anness II li t-test tiegħu huwa stipulat fl-Anness ta’ dan ir-Regolament.