AZZJONI KONĠUNTA TAL-KUNSILL 2005/556/PESK

tat-18 ta' Lulju 2005

li taħtar Rappreżentant Speċjali ta' l-Unjoni Ewropea għas-Sudan

IL-KUNSILL TA' L-UNJONI EWROPEA,

Wara li kkunsidra t-Trattat dwar l-Unjoni Ewropea u, b'mod partikolari, l-Artikoli 14, 18(5) u 23(2) tiegħu,

Billi

ADOTTA DIN L-AZZJONI KONĠUNTA:

Artikolu 1

Is-Sinjur Pekka HAAVISTO qiegħed hawn jinħatar Rappreżentant Speċjali ta' l-Unjoni Ewropea (EUSR) għas-Sudan.

Artikolu 2

Il-mandat ta’ l-EUSR għandu jkun ibbażat fuq l-objettivi tal-politika ta' l-Unjoni fis-Sudan, b’mod partikolari fir-rigward ta’

Artikolu 3

1.   Sabiex jintlaħqu l-objettivi tal-politika ta’ l-Unjoni, il-mandat ta’ l-EUSR għandu jkun li:

2.   Għall-fini li jwettaq il-mandat tiegħu, l-EUSR għandu, inter alia,

Artikolu 4

1.   L-EUSR għandu jkun responsabbli għall-implimentazzjoni tal-mandat waqt li jaġixxi taħt l-awtorità u d-direzzjoni operattiva tar-Rappreżentant Għoli. L-EUSR għandu jagħti rendikont ta’ kull infiq lill-Kummissjoni.

2.   Il-Kumitat Politiku u ta’ Sigurtà (PSC) għandu jżomm kuntatt privileġġat ma’ l-EUSR u għandu jkun il-punt primarju ta’ kuntatt mal-Kunsill. Il-PSC għandu jipprovdi gwida strateġika u kontribut politiku lill-EUSR fil-qafas tal-mandat.

3.   L-EUSR għandu jirraporta b’mod regolari lill-PSC dwar l-implimentazzjoni ta’ l-assistenza ta’ l-Unjoni lill-AMIS u dwar l-evoluzzjoni tas-sitwazzjoni fid-Darfur kif ukoll fis-Sudan kollu.

Artikolu 5

1.   L-ammont ta’ referenza finanzjarju maħsub sabiex ikopri l-infiq għal perijodu ta’ 6 xhur relatat mal-mandat ta’ l-EUSR għandu jkun ta’ EUR 675 000. Il-Kunsill għandu jiddeċiedi, kif meħtieġ, dwar l-ammont ta’ referenza finanzjarju għall-kontinwazzjoni ta’ din l-Azzjoni Konġunta.

2.   L-infiq finanzjat mill-ammont stipulat fil-paragrafu 1 għandu jiġi amministrat skond il-proċeduri u r-regoli tal-Komunità Ewropea applikabbli għall-budget bl-eċċezzjoni li kwalunkwe pre-finanzjament m’għandux jibqa’ proprjetà tal-Komunità.

3.   L-amministrazzjoni ta’ l-infiq għandha tkun soġġetta għal kuntratt bejn l-EUSR u l-Kummissjoni. L-infiq għandu jkun eleġibbli sa mid-data ta' l-adozzjoni ta' din l-Azzjoni Konġunta.

4.   Il-Presidenza, il-Kummissjoni, u/jew l-Istati Membri, skond il-każ, għandhom jagħtu appoġġ loġistiku fir-reġjun.

Artikolu 6

1.   Fil-limiti tal-mandat tiegħu/tagħha u l-mezzi finanzjarji korrispondenti li jkunu disponibbli, l-EUSR għandu jkun responsabbli mill-formazzjoni tal-grupp tiegħu/tagħha b'konsultazzjoni mal-Presidenza, assistita mill-Segretarju Ġenerali/Rappreżentant Għoli, u f'assoċjazzjoni sħiħa mal-Kummissjoni. L-EUSR għandu jinforma lill-Presidenza u lill-Kummssjoni dwar il-kompożizzjoni tat-tim tiegħu.

2.   L-Istati Membri u l-istituzzjonijiet ta' l-Unjoni Ewropea jistgħu jipproponu li l-persunal jiġi sekondat sabiex jaħdem ma’ l-EUSR. Ir-renumerazzjoni tal-persunal li jista’ jiġi sekondat minn Stat Membru jew minn istituzzjoni ta’ l-Unjoni Ewropea għall-EUSR għandha tiġi koperta mill-Istat Membru jew l-istituzzjoni ta’ l-Unjoni Ewropea konċernati rispettivament.

3.   Il-karigi kollha tat-tip A li ma jimtlewx permezz ta' sekondament għandhom jiġu mxandra kif xieraq mis-Segretarjat Ġenerali tal-Kunsill u jiġu notifikati wkoll lill-Istati Membri u lill-istituzzjonijiet ta' l-Unjoni Ewropea sabiex jiġu reklutati l-applikanti bl-aħjar kwalifiki.

4.   Il-privileġġi, l-immunitajiet u l-garanziji ulterjuri meħtieġa għat-tlestija u l-funzjonament bla xkiel tal-missjoni ta’ l-EUSR u l-membri tal-persunal tiegħu għandhom jiġu definiti mal-partijiet. L-Istati Membri u l-Kummissjoni għandhom jagħtu l-appoġġ kollu meħtieġ għal dan l-iskop.

Artikolu 7

1.   Fil-koordinazzjoni tal-kontributi ta’ l-Unjoni lill-AMIS, l-EUSR għandu jiġi assistit minn Ċellula ad hoc ta’ Koordinazzjoni (ACC) stabbilita f’Addis Ababa, li taġixxi taħt l-awtorità tiegħu, kif imsemmi fl-Artikolu 5(2) ta’ l-Azzjoni Konġunta 2005/557/PESK

2.   L-ACC għandha tinkludi konsulent politiku, konsulent militari u konsulent tal-pulizija.

3.   Il-konsulenti tal-pulizija u militari fl-ACC għandhom jaġixxu bħala konsulenti lill-EUSR rispettivament fir-riward tal-komponenti tal-pulizija u dawk militari ta’ l-azzjoni ta’ appoġġ ta’ l-Unjoni msemmija fil-paragrafu 1. F’dik il-kapaċità, għandhom jirrapurtaw lill-EUSR.

4.   Il-konsulenti tal-pulizija u militari m’għandhomx jirċievu struzzjonijiet mill-EUSR fir-rigward ta’ l-amministrazzjoni ta’ l-infiq relatat rispettivament mal-komponenti tal-pulizija u dawk militari ta’ l-azzjoni ta’ appoġġ ta’ l-Unjoni msemmija fil-paragrafu 1. L-EUSR m’għandu jkollu ebda responsabbiltà f’dan ir-rigward.

Artikolu 8

Bħala regola, l-EUSR għandu jirrapporta personalment lir-Rappreżentant Għoli u lill-PSC u jista' jirrapporta wkoll lill-Grupp ta' Ħidma rilevanti. Rapporti regolari bil-miktub għandhom jiġu ċirkolati lir-Rappreżentant Għoli, lill-Kunsill u lill-Kummissjoni. Fuq rakkomandazzjoni tar-Rappreżentant Għoli tal-PSC, l-EUSR jista’ jirrapporta lill-Kunsill għall-Affarijiet Ġenerali u r-Relazzjonijiet Esterni.

Artikolu 9

Sabiex tiġi żgurata l-konsistenza ta’ l-azzjoni esterna ta' l-Unjoni Ewropea, l-attivitajiet ta’ l-EUSR għandhom ikunu koordinati ma’ dawk tar-Rappreżentant Għoli, tal-Presidenza u tal-Kummissjoni. L-EUSR għandu jipprovdi aġġornamenti regolari lill-missjonijiet ta' l-Istati Membri u lid-delegazzjonijiet tal-Kummissjoni. F'dan il-qasam, għandu jinżamm kollegament mill-qrib mal-Presidenza, il-Kummissjoni u l-Kapijiet tal-Missjoni li għandhom jagħmlu mill-aħjar biex jgħinu lill-EUSR fl-implimentazzjoni tal-mandat. L-EUSR għandu wkoll jżomm kollegament ma’ atturi internazzjonali u regjonali oħra f’dan il-qasam.

Artikolu 10

L-implimentazzjoni ta' din l-Azzjoni Konġunta u l-konsistenza tagħha ma’ kontributi oħra mill-Unjoni lir-reġjun għandhom jiġu riveduti regolarment. L-EUSR għandu jippreżenta rapport komprensiv bil-miktub dwar l-implimentazzjoni tal-mandat lir-Rappreżentant Għoli, lill-Kunsill u lill-Kummissjoni xahrejn qabel ma jiskadi l-mandat. Ir-rapport għandu jservi ta' bażi għall-valutazzjoni ta’ l-Azzjoni Konġunta fil-Gruppi ta’ Ħidma rilevanti u mill-PSC. Fil-kuntest tal-prioritajiet globali għall-insedjament, ir-Rappreżentant Għoli għandu jagħmel rakkomandazzjonijiet lill-PSC fir-rigward tad-deċiżjoni tal-Kunsill dwar it-tiġdid, l-emenda jew it-tmiem tal-mandat.

Artikolu 11

Din l-Azzjoni Konġunta għandha tidħol fis-seħħ fil-jum ta’ l-adozzjoni tagħha.

Hija għandha tapplika sa tmiem l-azzjoni ta’ appoġġ ta’ l-Unjoni kif deċiż mill-Kunsill skond l-Artikolu 16(2) ta’ l-Azzjoni Konġunta 2005/557/PESK.

Artikolu 12

Din l-Azzjoni Konġunta għandha tiġi pubblikata fil-Ġurnal Uffiċjali ta' l-Unjoni Ewropea.