This document is an excerpt from the EUR-Lex website
Document 32004E0534
Council Joint Action 2004/534/CFSP of 28 June 2004 extending the mandate of the Special Representative of the European Union for the Middle East peace process and amending Joint Action 2003/873/CFSP
Azzjoni Kunġunta tal-Kunsill 2004/534/PESK tat- 28 ta' Ġunju 2004 li testendi l-mandat tar-Rappreżentant Speċjali ta' l-Unjoni Ewropea għall-proċess ta' paċi fil-Lvant Nofsani u li temenda l-Azzjoni Konġunta 2003/873/PESK
Azzjoni Kunġunta tal-Kunsill 2004/534/PESK tat- 28 ta' Ġunju 2004 li testendi l-mandat tar-Rappreżentant Speċjali ta' l-Unjoni Ewropea għall-proċess ta' paċi fil-Lvant Nofsani u li temenda l-Azzjoni Konġunta 2003/873/PESK
ĠU L 234, 3.7.2004, p. 18–18
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 142M, 30.5.2006, p. 97–97
(MT)
No longer in force, Date of end of validity: 28/02/2005
30.5.2006 |
MT |
Il-Ġurnal Uffiċjali ta’ l-Unjoni Ewropea |
97 |
AZZJONI KUNĠUNTA TAL-KUNSILL 2004/534/PESK
tat-28 ta' Ġunju 2004
li testendi l-mandat tar-Rappreżentant Speċjali ta' l-Unjoni Ewropea għall-proċess ta' paċi fil-Lvant Nofsani u li temenda l-Azzjoni Konġunta 2003/873/PESK
IL-KUNSILL TA' L-UNJONI EWROPEA,
Wara li kkunsidra t-Trattat dwar l-Unjoni Ewropea u, b'mod partikolari, l-Artikoli 14, 18(5) u 23(2) tiegħu,
Billi:
(1) |
Fit-8 ta' Diċembru 2003 il-Kunsill adotta l-Azzjoni Konġunta 2003/873/PESK (1) li temenda u testendi sat-30 ta' Ġunju 2004 il-mandat tar-Rappreżentant Speċjali ta' l-Unjoni Ewropea għall-proċess ta' paci fil-Lvant Nofsani. |
(2) |
Abbażi ta' reviżjoni ta' l-Azzjoni Konġunta 2003/873/PESK, il-mandat tar-Rappreżentant Speċjali għandu jiġi estiż. |
(3) |
Fis-17 ta' Novembru 2003, il-Kunsill adotta linji gwida dwar il-ħatra, l-mandat u l-iffinanzjar tar-Rappreżentanti Speċjali ta' l-Unjoni Ewropea. |
(4) |
Ir-Rappreżentant Speċjali ta' l-Unjoni Ewropea ser jimplimenta l-mandat tiegħu fil-kuntest ta' sitwazzjoni li tista' tiħżien u tkun ta' ħsara għall-għanijiet tal-PESK kif stabbiliti fl-Artikolu 11 tat-Trattat dwar l-Unjoni Ewropea, |
ADOTTA DIN L-AZZJONI KONĠUNTA:
Artikolu 1
Il-mandat tas-Sinjur Marc OTTE bħala r-Rappreżentant Speċjali ta' l-Unjoni Ewropea (EUSR) għall-Proċess ta' Paċi fil-Lvant Nofsani, kif stabbilit fl-Azzjoni Konġunta 2003/873/PESK, hu hawnhekk estiż sat-28 ta' Frar 2005.
Artikolu 2
L-Artikolu 5 1 ta' l-Azzjoni Konġunta 2003/873/PESK huwa hawnhekk emendat kif ġej:
1) |
Il-paragrafu 1 għandu jinbidel b'dan li ġej: “1. L-ammont ta' referenza finanzjarju maħsub sabiex ikopri l-ispiża relatata mal-mandat tal-EUSR għandu jkun ta' EUR 1 030 000.” |
2) |
Il-paragrafu li ġej għandu jiżdied: “5. It-tagħmir u l-provvisti ta' l-uffiċċju ta' Brussel ta' l-EUSR għall Proċess ta' Paċi tal-Lvant Nofsani għandhom ikunu mixtrija jew mikrija f'isem l-Unjoni Ewropea u għaliha.” |
Artikolu 3
Din l-Azzjoni Konġunta għandha tidħol fis-seħħ fl-1 ta' Lulju 2004.
Artikolu 4
Din l-Azzjoni Konġunta għandha tiġi ppubblikata fil-Ġurnal Uffiċjali ta' l-Unjoni Ewropea.
Magħmula fil-Lussemburgu, nhar it-28 ta' Ġunju 2004.
Għall-Kunsill
Il-President
M. CULLEN
(1) ĠU L 326, tat-13.12.2003, p. 46.