This document is an excerpt from the EUR-Lex website
Document 32004D0527
2004/527/EC:Council Decision of 28 June 2004 on the request by Burkina Faso to accede to the Protocol on ACP Sugar
Id-Deċiżjoni tal-Kunsill tat- 28 ta' Ġunju 2004 fuq it-talba tal-Burkina Faso sabiex taderixxi mal-Protokoll fuq iz-Zokkor mill-ACP
Id-Deċiżjoni tal-Kunsill tat- 28 ta' Ġunju 2004 fuq it-talba tal-Burkina Faso sabiex taderixxi mal-Protokoll fuq iz-Zokkor mill-ACP
ĠU L 232, 1.7.2004, p. 40–41
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 142M, 30.5.2006, p. 83–84
(MT)
In force
|
30.5.2006 |
MT |
Il-Ġurnal Uffiċjali ta’ l-Unjoni Ewropea |
83 |
ID-DEĊIŻJONI TAL-KUNSILL
tat-28 ta' Ġunju 2004
fuq it-talba tal-Burkina Faso sabiex taderixxi mal-Protokoll fuq iz-Zokkor mill-ACP
(2004/527/KE)
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 133, flimkien ma' l-ewwel sentenza ta' l-Artikolu 300(2) tiegħu,
Wara li kkunsidra l-proposta mill-Kummissjoni,
Billi:
|
(1) |
Id-Dikjarazzjoni Konġunta dwar il-Protokoll 3 dwar iz-Zokkor mill-ACP tal-Ftehim ta' Sħubija ACP-KE (1) tipprovdi li kull talba minn Parti Kontraenti għall-Konvenzjoni mill-Istati Afrikani, tal-Karibew u tal-Paċifiku (ACP) li mhix imsemmija speċifikament f'dak il-Protokoll sabiex tieħu sehem fid-disposizzjonijiet tiegħu għandha tkun eżaminata. |
|
(2) |
Il-Burkina Faso hija Stat ACP li huwa Parti Kontraenti għall-Ftehim ta' Sħubija ACP-KE u talbet f'Novembru 2000 sabiex tieħu sehem fid-disposizzjonijiet tal-Protokoll imsemmi. |
|
(3) |
F'ittra tat-30 ta' Settembru 2002, l-Istati ACP urew il-kunsens tagħhom għall-adeżjoni tal-Burkina Faso mal-Protokoll imsemmi. |
|
(4) |
Eżami tat-talba tal-Burkina Faso wera li l-pajjiż mhux pajjiż esportatur nett taz-zokkor u mhux kapaċi jesporta z-zokkor fuq bażi permanenti. |
|
(5) |
Huwa xieraq li din il-konklużjoni tintbagħat lill-Burkina Faso permezz ta' ittra, |
IDDEĊIEDA KIF ĠEJ:
Artikolu Uniku
It-talba tal-Burkina Faso sabiex taderixxi mal-Protokoll 3 dwar iz-zokkor mill-ACP-KE tal-Ftehim ta' Sħubija ACP-KE mhix aċċettata.
L-ittra mehmuża għandha tinbagħat lill-Burkina Faso.
Magħmula fil-Lussemburgu, nhar it-28 ta' Ġunju 2004.
Għall-Kunsill
Il-President
M. CULLEN
(1) ĠU L 317, tal-15.12.2000, p. 267.
ANNESS
Brussell,
Eċċellenza,
Għandi l-unur li nirreferi għall-ittra tiegħek li ġġib id-data tat-8 ta' Novembru 2000 li titlob l-adeżjoni mal-Protokoll dwar iz-zokkor mill-ACP. F'konformità mad-Dikjarazzjoni Konġunta annessa mal-Protokoll dwar iz-zokkor mill-ACP, il-Komunità Ewropea eżaminat it-talba tiegħek u waslet għall-konklużjoni li fil-preżent il-Burkina Faso mhix f'pożizzjoni li tissodisfa fuq bażi permanenti l-obbligi tal-Protokoll. F'każijiet preċedenti, il-kapaċità li dawn l-obbligi jiġu sodisfatti kienet definita mill-fatt li l-pajjiż in kwistjoni kien esportatur nett taz-zokkor.
Għalhekk jisgħobbija li l-Komunità ma tistax taċċetta t-talba tal-Burkina Faso sabiex tingħaqad mal-Protokoll taz-Zokkor.
Kopja ta' din l-ittra intbagħtet lis-Segretarju Ġenerali ta' l-Istati ACP.
Jekk jogħġbok aċċetta, Eċċellenza, l-assigurazzjoni tal-kunsiderazzjoni mill-aktar għolja tiegħi.
Għan-nom tal-Kunsill ta' l-Unjoni Ewropea