EUR-Lex Access to European Union law
This document is an excerpt from the EUR-Lex website
Document 62023TN0129
Case T-129/23: Action brought on 9 March 2023 — Meta Platforms Ireland v European Data Protection Board
Kawża T-129/23: Rikors ippreżentat fid-9 ta’ Marzu 2023 – Meta Platforms Ireland vs Il-Bord Ewropew għall-Protezzjoni tad-Data
Kawża T-129/23: Rikors ippreżentat fid-9 ta’ Marzu 2023 – Meta Platforms Ireland vs Il-Bord Ewropew għall-Protezzjoni tad-Data
ĠU C 155, 2.5.2023, p. 72–73
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
2.5.2023 |
MT |
Il-Ġurnal Uffiċjali tal-Unjoni Ewropea |
C 155/72 |
Rikors ippreżentat fid-9 ta’ Marzu 2023 – Meta Platforms Ireland vs Il-Bord Ewropew għall-Protezzjoni tad-Data
(Kawża T-129/23)
(2023/C 155/89)
Lingwa tal-kawża: l-Ingliż
Partijiet
Rikorrent: Meta Platforms Ireland Ltd (Dublin, l-Irlanda) (rappreżentanti: H. Kamann, F. Louis, M. Braun u A. Vallery, avukati, P. Nolan, B. Johnston, C. Monaghan u D. Breatnach, Solicitors, D. McGrath, E. Egan McGrath u H. Godfrey, Barristers)
Konvenut: Il-Bord Ewropew għall-Protezzjoni tad-Data (EDPB)
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-Deċiżjoni Vinkolanti 3/2022 dwar it-tilwima mibdija mill-Irish SA kontra Meta Platforms Ireland Limited u s-servizz Facebook tagħha (Artikolu 65 tal-GDPR) adottata fil-5 ta’ Diċembru 2022 fl-intier tagħha jew, sussidjarjament, fil-partijiet rilevanti tagħha; u |
— |
tikkundanna lill-konvenut għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka ħames motivi.
1. |
L-ewwel motiv ibbażat fuq li l-EDPB mar lil hinn mill-kompetenza tiegħu taħt l-Artikolu 65 GDPR. |
2. |
It-tieni motiv ibbażat fuq li l-EDPB kiser l-Artikolu 6(1)(f) GDPR billi interpreta l-kunċett ta’ neċessità kuntrattwali b’mod strett ħafna u billi applika dan l-istandard legali b’mod żbaljat abbażi ta’ interpretazzjoni żbaljata tal-Kundizzjonijiet tal-Użu ta’ Meta Ireland. |
3. |
It-tielet motiv ibbażat fuq li l-EDPB kiser id-dritt għal amministrazzjoni tajba kif sanċit fl-Artikolu 41 tal-Karta tad-Drittijiet Fundamentali tal-Unjoni Ewropea. |
4. |
Ir-raba’ motiv ibbażat fuq li l-EDPB naqas milli jaġixxi bħala korp imparzjali. |
5. |
Il-ħames motiv ibbażat fuq li l-EDPB kiser l-Artikolu 83 GDPR u diversi prinċipji sottostanti li jirregolaw id-determinazzjoni ta’ multi taħt il-GDPR. |