Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62022CN0457

Kawża C-457/22: Rikors ippreżentat fit-8 ta’ Lulju 2022 – Il-Kummissjoni Ewropea vs Ir-Repubblika tas-Slovenja

ĠU C 326, 29.8.2022, pp. 16–17 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

29.8.2022   

MT

Il-Ġurnal Uffiċjali tal-Unjoni Ewropea

C 326/16

Rikors ippreżentat fit-8 ta’ Lulju 2022 – Il-Kummissjoni Ewropea vs Ir-Repubblika tas-Slovenja

(Kawża C-457/22)

(2022/C 326/24)

Lingwa tal-kawża: is-Sloven

Partijiet

Rikorrent: Il-Kummissjoni Ewropea (rappreżentanti: M. Kocjan, L. Malferrari, E. Manhaeve, U. Małecka)

Konvenut: Ir-Repubblika tas-Slovenja

Talbiet

Il-Kummissjoni titlob li l-Qorti tal-Ġustizzja jogħġobha:

—

tikkonstata li peress li ma adottatx id-dispożizzjonijiet leġiżlattivi, regolamentari u amministrattivi neċessarji sabiex tikkonforma ruħha mad-Direttiva (UE) 2018/1972 tal-Parlament Ewropew u tal-Kunsill tal-11 ta’ Diċembru 2018 li tistabbilixxi l-Kodiċi Ewropew għall-Komunikazzjonijiet Elettroniċi (1), u fi kwalunkwe każ peress li ma kkomunikathomx lill-Kummissjoni, ir-Repubblika tas-Slovenja naqset milli twettaq l-obbligi tagħha taħt l-Artikolu 124(1) tad-Direttiva;

—

tikkundanna lir-Repubblika tas-Slovenja, bis-saħħa tal-Artikolu 260(3) TFUE, għal pagamenti ta’ penalità ta’ kuljum ta’ EUR 6 256,17 mid-data tal-għoti tas-sentenza f’din il-kawża minħabba li naqset milli twettaq l-obbligu tagħha li tikkomunika l-miżuri ta’ traspożizzjoni tad-Direttiva (UE) 2018/1972;

—

tikkundanna lir-Repubblika tas-Slovenja, bis-saħħa tal-Artikolu 260(3) TFUE, għal pagament ta’ ammont b’rata fissa ta’ kuljum ta’ EUR 1 390,77, immultiplikat bin-numru ta’ ġranet tat-tul tal-ksur sal-ammont minimu ta’ EUR 383 000; u

—

tikkundanna lir-Repubblika tas-Slovenja għall-ispejjeż.

Motivi u argumenti prinċipali

Id-Direttiva (UE) 2018/1972 tal-Parlament Ewropew u tal-Kunsill tal-11 ta’ Diċembru 2018 li tistabbilixxi l-Kodiċi Ewropew għall-Komunikazzjonijiet Elettroniċi toħloq qafas legali li jiggarantixxi l-libertà ta’ provvista ta’ networks u ta’ servizzi ta’ komunikazzjonijiet elettroniċi fil-livell tal-Unjoni. It-terminu għat-traspożizzjoni tad-Direttiva jiskadi fil-21 ta’ Diċembru 2020.

Ir-Repubblika tas-Slovenja, fi tmiem it-terminu għat-traspożizzjoni tad-Direttiva, ma kkomunikat l-ebda miżura ta’ traspożizzjoni lill-Kummissjoni. Għalhekk, il-Kummissjoni bagħtet lir-Repubblika tas-Slovenja, fl-4 ta’ Frar 2021, ittra ta’ intimazzjoni u fit-23 ta’ Settembru 2021 opinjoni motivata. Ir-Repubblika tas-Slovenja, minkejja dan, baqgħet ma adottatx il-miżuri kollha neċessarji għat-traspożizzjoni tad-Direttiva fid-dritt nazzjonali u fi kwalunkwe każ ma ddikjarathomx lill-Kummissjoni.

(1)  Direttiva (UE) 2018/1972 tal-Parlament Ewropew u tal-Kunsill tal-11 ta’ Diċembru 2018 li tistabbilixxi l-Kodiċi Ewropew għall-Komunikazzjonijiet Elettroniċi (riformulazzjoni) (ĠU 2018, L 321, p. 36, rettifika fil-ĠU 2019, L 334, p. 164 u fil-ĠU 2020, L 419, p. 36).

Top