—

id-data dwar ir-relazzjoni bejn il-partijiet fil-kuntest tal-importazzjoni tal-merkanzija u tal-bejgħ tagħha fl-ewwel livell kummerċjali fl-Unjoni (kunsinni li jmorru lura għal żmien twil u li jitwettqu b’mod regolari ta’ merkanzija tal-istess tip, fi kwantitajiet kbar u b’valur kunsiderevoli) li teskludi n-natura ad hoc tar-relazzjoni fir-rigward tal-importazzjoni konkreta li tkun is-suġġett tal-verifika;

—

id-data dwar il-fatturi maħruġa fir-rigward tal-kunsinni, dwar il-ħlas tal-prezz, dwar ir-reġistrazzjoni tal-fatturi fil-kontabbiltà u fir-reġistri tal-VAT tal-importatur u dwar id-dritt għat-tnaqqis tat-taxxa tal-input eżerċitat bħala konsegwenza ta’ din ir-reġistrazzjoni;

—

il-valur iddikjarat tat-tranżazzjoni tal-importazzjoni konkreta li tkun is-suġġett tal-verifika, liema valur ikun nettament superjuri għall-valur stabbilit għall-importazzjoni tal-istess prodott kif iddeterminat mill-Kummissjoni għall-finijiet tal-applikazzjoni tad-dazji fuq l-importazzjoni fis-settur tal-ħaxix, f’sitwazzjoni fejn l-istess prodott jinbiegħ b’telf fl-Unjoni;

—

l-importatur ma ppreżentax kuntratt kummerċjali fil-kuntest tal-importazzjoni konkreta, kif mitlub mill-awtoritajiet doganali, u lanqas ma ppreżenta xi tip ieħor ta’ dokument li jistabbilixxi r-relazzjoni legali bejn il-partijiet kontraenti?

—

il-kundizzjoni prevista fl-Artikolu 70(3)(d) tar-Regolament Nru 952/2013, li jipprovdi li “ma [għandu] jkun hemm l-ebda relazzjoni bejn ix-xerrej u l-bejjiegħ jew ir-relazzjoni ma tkunx influwenzat il-prezz”, tista’ tiġi ddeterminata għall-ewwel darba fil-kuntest tal-proċedura ġudizzjarja jew l-awtorità doganali għandha diġà tasal għal konklużjoni f’dan ir-rigward fil-motivi tad-deċiżjoni kkontestata?

—

meta l-importatur ma jkunx indika b’mod espliċitu li kien ser jiddetermina l-valur tal-merkanzija importata konformement mal-Artikolu 74(2)(c) tar-Regolament Nru 952/2013, minkejja li kellu l-possibbiltà proċedurali li jagħmel dan, ikun kuntrarju għall-Artikolu 75(5) u (6) tar-Regolament Delegat 2017/891, b’mod partikolari għat-terminu ta’ preskrizzjoni stabbilit għal din id-determinazzjoni, li dan il-valur jiġi stabbilit għall-ewwel darba fil-kuntest tal-proċedura ta’ rikors kontra d-deċiżjoni, inkluż fil-kuntest tal-eżami tal-oġġezzjonijiet tal-importatur ibbażati fuq il-fatt li l-prezz tal-bejgħ tal-merkanzija fl-Unjoni kien qrib il-valur iddikjarat tat-tranżazzjoni?

—

l-awtoritajiet doganali, jew fil-kuntest ta’ rikors, il-qorti, għandhom jieħdu inkunsiderazzjoni l-fatt li l-merkanzija importata (ħaxix) inbiegħet b’telf fl-Unjoni bħala indizju serju li l-imsemmi prezz tal-importazzjoni kien għoli b’mod artifiċjali, inkluż fid-dawl tal-evalwazzjoni tal-kwistjoni ta’ jekk il-fatt li l-persuni kienu relatati influwenzax il-valur iddikjarat tat-tranżazzjoni, inkluż sabiex jiġu evitati l-frodi tad-dazji doganali u t-telf tad-dħul fiskali?

—

l-importatur huwa meħtieġ jipproduċi kuntratt jew dokument ekwivalenti li jipprova l-prezz li għandu jitħallas għall-merkanzija meta din tinbiegħ għall-esportazzjoni lejn it-territorju doganali tal-Unjoni jew huwa biżżejjed li jipprova li ħallas il-valur iddikjarat tal-merkanzija mal-importazzjoni? jew

—

l-importatur għandu jippreżenta biss id-dokumenti msemmija b’mod espliċitu fir-raba’ subparagrafu tal-Artikolu 75(5) tar-Regolament Delegat 2017/891 bħala prova tal-valur iddikjarat tat-tranżazzjoni għall-importazzjoni ta’ ħaxix, u għalhekk iċ-ċirkustanzi marbuta mal-bejgħ b’telf ta’ dan il-prodott fl-Unjoni ma humiex rilevanti għall-finijiet tal-verifika prevista fl-Artikolu 75(6) tal-imsemmi regolament, fir-rigward tan-nuqqas ta’ aċċettazzjoni tal-valur tat-tranżazzjoni u tad-determinazzjoni tad-dazju tal-importazzjoni?

—

il-valur iddikjarat tat-tranżazzjoni tal-prodott ikun ogħla b’mod sinjifikattiv għall-valur stabbilit għall-importazzjoni għall-istess merkanzija ddeterminat mill-Kummissjoni għall-finijiet tal-applikazzjoni tad-dazji fuq l-importazzjoni fis-settur tal-ħaxix;

—

l-awtorità doganali la tikkontesta u lanqas ma ddaħħal inkwistjoni b’xi mod ieħor in-natura awtentika tal-fattura u tal-konferma tal-ħlas għall-merkanzija prodotti bħala prova tal-prezz tal-importazzjoni effettivament imħallas;

—

l-importatur, bi tweġiba għat-talba tal-awtorità doganali, la ppreżenta kuntratt u lanqas xi dokument ekwivalenti ieħor sabiex jipprova l-prezz li għandu jitħallas għall-merkanzija meta din tinbiegħ għall-esportazzjoni lejn it-territorju doganali tal-Unjoni, inklużi provi supplimentari li jistabbilixxu elementi ekonomiċi marbuta mal-merkanzija li jiġġustifikaw il-valur ogħla tagħha fil-mument meta nxtrat mill-esportatur, bħalma jkun il-każ fir-rigward ta’ lott ta’ ħaxix prodott b’biedja organika jew ta’ kwalità superjuri?