This document is an excerpt from the EUR-Lex website
Document 52022M10545
Prior notification of a concentration (M.10545 – PSA / TIL / PNIT) Candidate case for simplified procedure (Text with EEA relevance) 2022/C 14 I/06
Notifika minn qabel ta’ konċentrazzjoni (M.10545 — PSA / TIL / PNIT) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2022/C 14 I/06
Notifika minn qabel ta’ konċentrazzjoni (M.10545 — PSA / TIL / PNIT) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2022/C 14 I/06
PUB/2021/1037
ĠU C 14I, 12.1.2022, pp. 7–8
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
|
12.1.2022 |
MT |
Il-Ġurnal Uffiċjali tal-Unjoni Ewropea |
CI 14/7 |
Notifika minn qabel ta’ konċentrazzjoni
(M.10545 — PSA / TIL / PNIT)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2022/C 14 I/06)
1.
Fl-20 ta’ Diċembru 2021, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
PSA International Pte. Ltd. (“PSA”, Singapore), |
|
— |
Terminal Investment Limited Sàrl (“TIL”, l-Iżvizzera), |
|
— |
Pusan Newport International Terminal Co., Ltd. (“PNIT”, il-Korea), ikkontrollata minn PSA. |
TIL, permezz ta’ Terminal Investment Switzerland Sàrl (“TIS”), u PSA jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt indirett ta’ PNIT.
Il-konċentrazzjoni hija mwettqa permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
għal PSA: operatur internazzjonali ta’ terminals tal-port. Hija attiva prinċipalment fil-forniment ta’ servizzi ta’ burdnara fil-portijiet, b’attenzjoni partikulari għall-forniment ta’ servizzi tat-terminals tal-kontejners għat-traportaturi marittimi, |
|
— |
għal TIL: hija tiżviluppa, iġġestixxi u tinvesti f’terminals tal-kontejners madwar id-dinja, ta’ spiss f’impriżi konġunti ma’ operaturi tat-terminals ewlenin oħrajn. TIL hija indirettament ikkontrollata b’mod konġunt minn MSC Mediterranean Shipping Company tal-Iżvizzera u ċerti fondi huma ġestiti minn Global Infrastructure Management, LLC. tal-Istati Uniti, |
|
— |
għal PNIT: topera terminal tal-kontejners f’Busan New Port li jinsab f’Busan, belt li sservi ta’ port fix-Xlokk tal-Korea t’Isfel. Bħalissa hija kkontrollata minn PSA. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.10545 — PSA / TIL / PNIT
Il-kummenti jistgħu jintbagħtu lill-Kummissjoni permezz tal-posta elettronika, bil-fax jew bil-posta. Uża d-dettalji ta’ kuntatt ta’ hawn taħt:
Indirizz Elettroniku: COMP-MERGER-REGISTRY@ec.europa.eu
Fax +32 22964301
Indirizz tal-posta:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).