This document is an excerpt from the EUR-Lex website
Document 62021TN0332
Case T-332/21: Action brought on 11 June 2021 — Wizz Air Hungary v Commission
Kawża T-332/21: Rikors ippreżentat fil-11 ta’ Ġunju 2021 – Wizz Air Hungary vs Il-Kummissjoni
Kawża T-332/21: Rikors ippreżentat fil-11 ta’ Ġunju 2021 – Wizz Air Hungary vs Il-Kummissjoni
ĠU C 310, 2.8.2021, p. 37–38
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
2.8.2021 |
MT |
Il-Ġurnal Uffiċjali tal-Unjoni Ewropea |
C 310/37 |
Rikors ippreżentat fil-11 ta’ Ġunju 2021 – Wizz Air Hungary vs Il-Kummissjoni
(Kawża T-332/21)
(2021/C 310/50)
Lingwa tal-kawża: l-Ingliż
Partijiet
Rikorrent: Wizz Air Hungary Légiközlekedési Zrt. (Wizz Air Hungary Zrt.) (Budapest, l-Ungerija) (rappreżentanti: E. Vahida, S. Rating u I. G. Metaxas Maranghidis, avukati)
Konvenuta: Il-Kummissjoni Ewropea
Talbiet
Ir-rikorrent jitlob li l-Qorti Ġenerali jogħġobha:
— |
tannulla d-deċiżjoni tal-konvenuta, tat-2 ta’ Ottubru 2020, dwar Għajnuna mill-Istat SA.56810 (2020/N) – ir-Rumanija – COVID-19: Għajnuna lil TAROM (1); u |
— |
tikkundanna lill-konvenuta għall-ispejjeż. |
Motivi u argumenti prinċipali
Insostenn tar-rikors tiegħu, ir-rikorrent jinvoka erba’ motivi.
1. |
L-ewwel motiv huwa bbażat fuq il-fatt li l-konvenuta applikat ħażin l-Artikolu 107(2)(b) TFUE u li wettqet żball manifest ta’ evalwazzjoni fl-eżami tal-proporzjonalità tal-għajnuna fir-rigward tad-dannu kkawżat mill-kriżi tal-COVID-19. |
2. |
It-tieni motiv huwa bbażat fuq il-fatt li l-konvenuta kisret dispożizzjonijiet speċifiċi tat-TFUE u l-prinċipji ġenerali tad-dritt Ewropew li rregolaw il-liberalizzazzjoni tat-trasport bl-ajru fl-Unjoni Ewropea sa mill-aħħar tat-tmeninijiet (jiġifieri n-nondiskriminazzjoni, il-libertà li jiġu pprovduti servizzi, applikati għat-trasport bl-ajru bir-Regolament Nru 1008/2008 (2), u l-libertà ta’ stabbiliment) |
3. |
It-tielet motiv huwa bbażat fuq il-fatt li l-konvenuta ma nidietx proċedura ta’ investigazzjoni uffiċjali minkejja diffikultajiet serji u injorat id-drittijiet proċedurali tar-rikorrenti. |
4. |
Ir-raba’ motiv huwa bbażat fuq il-fatt li l-konvenuta naqset mill-obbligu tagħha li tagħti l-motivi tad-deċiżjoni tagħha. |
(2) Regolament (KE) Nru 1008/2008 tal-Parlament Ewropew u tal-Kunsill tal-24 ta’ Settembru 2008 dwar regoli komuni għall-operat ta’ servizzi ta’ l-ajru fil-Komunità (ĠU 2008, L 293, p. 3).