Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62020TN0582

Kawża T-582/20: Rikors ippreżentat fis-17 ta’ Settembru 2020 – Ighoga Region 10 et vs Il-Kummissjoni

ĠU C 414, 30.11.2020, p. 39–40 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

30.11.2020   

MT

Il-Ġurnal Uffiċjali tal-Unjoni Ewropea

C 414/39

Rikors ippreżentat fis-17 ta’ Settembru 2020 – Ighoga Region 10 et vs Il-Kummissjoni

(Kawża T-582/20)

(2020/C 414/60)

Lingwa tal-kawża: il-Ġermaniż

Partijiet

Rikorrenti: Interessengemeinschaft der Hoteliers und Gastronomen Region 10 e.V. (Ighoga Region 10) (Ingolstadt, il-Ġermanja), MJ u MK (rappreżentant: A. Bartosch, avukat)

Konvenuta: Il-Kummissjoni Ewropea

Talbiet

Ir-rikorrenti jitolbu li l-Qorti Ġenerali jogħġobha:

—

tannulla d-deċiżjoni tal-konvenuta tat-28 ta’ April 2020 dwar l-għajnuna mill-Istat SA.48582 (2017/FC) – il-Ġermanja – Allegata għajnuna mill-Istat favur Maritim-Gruppe u KHI Immobilien GmbH (Ingolstadt); u

—

tikkundanna lill-konvenuta għall-ispejjeż tar-rikorrenti.

Motivi u argumenti prinċipali

Insostenn tar-rikors tagħhom, ir-rikorrenti jinvokaw motiv wieħed, li permezz tiegħu r-rikorrenti jallegaw li d-drittijiet proċedurali tagħhom bħala parti interessata skont l-Artikolu 1(h) tar-Regolament tal-Kunsill (UE) 2015/1589 tat-13 ta’ Lulju 2015 li jistabblixxi regoli dettaljati għall-applikazzjoni tal-Artikolu 108 tat-Trattat dwar il-Funzjonament tal-Unjoni Ewropea (1) ġew miksura minħabba li l-konvenuta rrifjutat li tiftaħ l-proċedura ta’ investigazzjoni formali kontra l-Ġermanja skont l-Artikolu 108(2) TFUE.

Dan il-motiv uniku huwa maqsum f’erba’ partijiet kif ġej.

1.

L-ewwel motiv: ir-rikorrenti jsostnu li d-diffikultajiet serji fir-rigward tal-vantaġġi diretti ta’ Maritim-Gruppe b’rabta mal-operat tal-Ingolstädter Kongresszentrums (iktar ’il quddiem iċ-“CC-IN”) u l-lukandi ma negħlbux minħabba li

—

il-konvenuta naqset milli twettaq eżami indipendenti ta’ din is-sejħa għal offerti għall-operat taċ-CC-IN minkejja l-eżistenza ta’ evidenza speċifika li tqiegħed fid-dubju l-korrettezza tas-sejħa għal offerti;

—

il-konvenuta użat standard legalment inammissibbli fl-eżami tagħha tal-adegwatezza tas-suq tal-kundizzjonijiet tal-kiri;

—

barra minn hekk, hija applikat kriterju mhux adatt għal dan l-eżami tal-adegwatezza tas-suq tal-kundizzjonijiet tal-kiri; u

—

fl-aħħar nett, hija rrifjutat li tapplika standard xieraq għall-evalwazzjoni tal-adegwatezza tas-suq.

2.

It-tieni motiv: ir-rikorrenti jsostnu li d-diffikultajiet serji fir-rigward tal-vantaġġi indiretti ta’ Maritim-Gruppe ma negħlbux minħabba li l-konvenuta injorat kompletament is-sottomissjoni tal-ilment u b’riżultat ta’ dan wettqet numru ta’ żbalji fattwali ta’ evalwazzjoni.

3.

It-tielet motiv: ir-rikorrenti jsostnu li d-diffikultajiet serji ma negħlbux minħabba l-assenza ta’ kwalunkwe eżami tas-suġġett tal-ilment, jiġifieri l-allegat kumpens żejjed tal-finanzjament taċ-CC-IN.

4.

Ir-raba’ motiv: ir-rikorrenti jsostnu li d-diffikultajiet serji li jirriżultaw minn evalwazzjoni żbaljata tal-kriterju ta’ għajnuna intergovernattiva ma negħlbux minħabba li

—

il-konvenuta eżaminat dan l-element fir-rigward ta’ attività ekonomika inkorretta;

—

hija bbażat dan fuq premessa legalment inkorretta;

—

hija injorat kompletament l-evidenza prodotta fl-ilment insostenn tas-sottomissjoni tagħhom li l-kriterju intergovernattiv ġie ssodisfatt; u

—

fl-aħħar nett, hija applikat kriterji mhux adatti u fattwalment inkorretti.

(1)  ĠU 2015, L 248, p. 9.

Top