Det här dokumentet är ett utdrag från EUR-Lex webbplats
Dokument 62019TN0139
Case T-139/19: Action brought on 4 March 2019 — Pilatus Bank v ECB
Kawża T-139/19: Rikors ippreżentat fl-4 ta’ Marzu 2019 — Pilatus Bank vs BĊE
Kawża T-139/19: Rikors ippreżentat fl-4 ta’ Marzu 2019 — Pilatus Bank vs BĊE
ĠU C 139, 15.4.2019, s. 106–107
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
15.4.2019 |
MT |
Il-Ġurnal Uffiċjali tal-Unjoni Ewropea |
C 139/106 |
Rikors ippreżentat fl-4 ta’ Marzu 2019 — Pilatus Bank vs BĊE
(Kawża T-139/19)
(2019/C 139/108)
Lingwa tal-kawża: l-Ingliż
Partijiet
Rikorrenti: Pilatus Bank plc (Ta’ Xbiex, Malta) (rappreżentanti: O. Behrends, M. Kirchner u L. Feddern, avukati)
Konvenut: Il-Bank Ċentrali Ewropew
Talbiet
Ir-rikorrenti titlob li l-Qorti Ġenerali jogħġobha:
|
— |
tannulla, konformement mal-Artikolu 264 TFUE, id-deċiżjoni kkontestata li permezz tagħha l-BĊE rrifjuta li jassumi r-responsabbiltà li jissorvelja direttament lir-rikorrenti skont l-Artikolu 6(5)(b) tar-Regolament Nru 1024/2013 (1), |
|
— |
tikkundanna lill-konvenut għall-ispejjeż konformement mal-Artikoli 134 u 135 tar-Regoli tal-Proċedura tal-Qorti Ġenerali. |
Motivi u argumenti prinċipali
Insostenn tar-rikors tagħha, ir-rikorrenti tinvoka disa’ motivi.
|
1. |
L-ewwel motiv huwa bbażat fuq l-argument li l-BĊE assuma b’mod żbaljat li ma kienx għad għandu kompetenza jissorvelja lir-rikorrenti wara l-irtirar tal-liċenzja tagħha. |
|
2. |
It-tieni motiv huwa bbażat fuq l-argument li l-BĊE huwa obbligat jassumi r-responsabbiltà ta’ sorveljanza għaliex għandu jżomm standards għolja ta’ sorveljanza. |
|
3. |
It-tielet motiv huwa bbażat fuq ksur tad-dritt għal rimedju effettiv u tal-prinċipju ta’ opportunitajiet ugwali għall-partijiet. |
|
4. |
Ir-raba’ motiv huwa bbażat fuq ksur tal-prinċipju ta’ aspettattivi leġittimi u ta’ ċertezza legali. |
|
5. |
Il-ħames motiv huwa bbażat fuq ksur tal-prinċipju ta’ proporzjonalità. |
|
6. |
Is-sitt motiv huwa bbażat fuq użu ħażin ta’ poter. |
|
7. |
Is-seba’ motiv huwa bbażat fuq motivazzjoni insuffiċjenti. |
|
8. |
It-tmien motiv huwa bbażat fuq ksur tad-dritt għal smigħ. |
|
9. |
Id-disa’ motiv huwa bbażat fuq ksur tal-prinċipju ta’ nemo auditur. |
(1) Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (ĠU 2013, L 287, p. 63).