This document is an excerpt from the EUR-Lex website
Document 52018XX0731(01)
Opinion of the Advisory Committee on restrictive practices and dominant positions at its meeting on 19 January 2018 concerning the draft decision relating to Case AT.40220 — Qualcomm (Exclusivity Payments) — Rapporteur: Austria
Opinjoni tal-Kumitat Konsultattiv dwar prattiki restrittivi u pożizzjonijiet dominanti fil-laqgħa tieħu tad-19 ta’ Jannar 2018 rigward l-abbozz tad-deċiżjoni dwar il-Każ AT.40220 — Qualcomm (Pagamenti tal-Esklussività) — Relatur: L-Awstrija
Opinjoni tal-Kumitat Konsultattiv dwar prattiki restrittivi u pożizzjonijiet dominanti fil-laqgħa tieħu tad-19 ta’ Jannar 2018 rigward l-abbozz tad-deċiżjoni dwar il-Każ AT.40220 — Qualcomm (Pagamenti tal-Esklussività) — Relatur: L-Awstrija
ĠU C 269, 31.7.2018, p. 13–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
31.7.2018 |
MT |
Il-Ġurnal Uffiċjali tal-Unjoni Ewropea |
C 269/13 |
Opinjoni tal-Kumitat Konsultattiv dwar prattiki restrittivi u pożizzjonijiet dominanti fil-laqgħa tieħu tad-19 ta’ Jannar 2018 rigward l-abbozz tad-deċiżjoni dwar il-Każ AT.40220 — Qualcomm (Pagamenti tal-Esklussività)
Relatur: L-Awstrija
(2018/C 269/13)
1.
Il-Kumitat Konsultattiv jaqbel mal-Kummissjoni li s-suq tal-prodott relevanti huwa s-suq merkantili dinji taL-LTE chipsets kif definit fl-abbozz tad-deċiżjoni.
2.
Il-Kumitat Konsultattiv jaqbel mal-Kummissjoni li Qualcomm kellha pożizzjoni dominanti fis-suq dinji għal-LTE chipsets bejn l-1 ta’ Jannar 2011 u l-31 ta’ Diċembru 2016.
3.
Il-Kumitat Konsultattiv jaqbel mal-Kummissjoni li l-pagamenti mogħtija minn Qualcomm lil Apple kif deskritt fl-abbozz tad-deċiżjoni kienu pagamenti tal-esklussività.
4.
Il-Kumitat Konsultattiv jaqbel mal-analiżi tal-Kummissjoni dwar il-kapaċità tal-pagamenti tal-esklussività ta’ Qualcomm li jkollhom effetti antikompetittivi u mal-konklużjoni tal-Kummissjoni li dawn il-pagamenti tal-esklussività jikkostitwixxu abbuż ta’ pożizzjoni dominanti.
5.
Il-Kumitat Konsultattiv jaqbel mal-Kummissjoni li Qualcomm ma urietx li l-pagamenti tal-esklussività kienu kontrobilanċjati jew megħluba minn vantaġġi f’termini ta’ effiċjenza li minnha gawda wkoll il-konsumatur.
6.
Il-Kumitat Konsultattiv jaqbel mal-valutazzjoni tal-Kummissjoni rigward iż-żmien li dam il-każ ta’ ksur kif deskritt fl-abbozz tad-deċiżjoni.
7.
Il-Kumitat Konsultattiv jaqbel mal-Kummissjoni li hija għandha ġurisdizzjoni biex tapplika l-Artikolu 102 TFUE u l-Artikolu 54 ŻEE fil-każ preżenti.
8.
Il-Kumitat Konsultattiv jaqbel mal-Kummissjoni li l-imġiba koperta mill-abbozz tad-deċiżjoni għandha effett sinifikattiv fuq il-kummerċ bejn l-Istati Membri u bejn il-Partijiet Kontraenti fis-sens tal-Artikolu 102 TFUE u l-Artikolu 54 ŻEE.
9.
Il-Kumitat Konsultattiv jirrakkomanda l-pubblikazzjoni tal-opinjoni tiegħu f’Il-Ġurnal Uffiċjali tal-Unjoni Ewropea.