This document is an excerpt from the EUR-Lex website
Document 32017D0802(01)
Commission Decision of 1 August 2017 on the conclusion of the amendments to Protocols 1 and 2 to the Agreement between the French Republic, the European Atomic Energy Community and the International Atomic Energy Agency (IAEA) for the Application of Safeguards in Connection with the Treaty for the Prohibition of Nuclear Weapons in Latin America and the Caribbean
Deċiżjoni tal-Kummissjoni tal-1 ta’ Awwissu 2017 dwar il-konklużjoni tal-emendi tal-Protokolli 1 u 2 tal-Ftehim bejn ir-Repubblika Franċiża, il-Komunità Ewropea tal-Enerġija Atomika u l-Aġenzija Internazzjonali tal-Enerġija Atomika (IAEA) għall-Applikazzjoni tas-Salvagwardji b’Rabta mat-Trattat għall-Projbizzjoni ta’ Armi Nukleari fl-Amerika Latina u l-Karibew
Deċiżjoni tal-Kummissjoni tal-1 ta’ Awwissu 2017 dwar il-konklużjoni tal-emendi tal-Protokolli 1 u 2 tal-Ftehim bejn ir-Repubblika Franċiża, il-Komunità Ewropea tal-Enerġija Atomika u l-Aġenzija Internazzjonali tal-Enerġija Atomika (IAEA) għall-Applikazzjoni tas-Salvagwardji b’Rabta mat-Trattat għall-Projbizzjoni ta’ Armi Nukleari fl-Amerika Latina u l-Karibew
C/2017/5303
ĠU C 251, 2.8.2017, pp. 2–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
2.8.2017 |
MT |
Il-Ġurnal Uffiċjali tal-Unjoni Ewropea |
C 251/2 |
DEĊIŻJONI TAL-KUMMISSJONI
tal-1 ta’ Awwissu 2017
dwar il-konklużjoni tal-emendi tal-Protokolli 1 u 2 tal-Ftehim bejn ir-Repubblika Franċiża, il-Komunità Ewropea tal-Enerġija Atomika u l-Aġenzija Internazzjonali tal-Enerġija Atomika (IAEA) għall-Applikazzjoni tas-Salvagwardji b’Rabta mat-Trattat għall-Projbizzjoni ta’ Armi Nukleari fl-Amerika Latina u l-Karibew
(2017/C 251/02)
IL-KUMMISSJONI EWROPEA,
Wara li kkunsidrat it-Trattat li jistabbilixxi l-Komunità Ewropea tal-Enerġija Atomika, u b’mod partikolari t-tieni paragrafu tal-Artikolu 101 tiegħu,
Wara li kkunsidrat l-approvazzjoni tal-Kunsill,
Billi:
|
(1) |
Jenħtieġ li jiġu konklużi l-emendi tal-Protokolli 1 u 2 tal-Ftehim bejn ir-Repubblika Franċiża, il-Komunità Ewropea tal-Enerġija Atomika u l-Aġenzija Internazzjonali tal-Enerġija Atomika (IAEA) għall-Applikazzjoni tas-Salvagwardji b’Rabta mat-Trattat għall-Projbizzjoni ta’ Armi Nukleari fl-Amerika Latina u l-Karibew. |
IDDEĊIDIET KIF ĠEJ:
Artikolu 1
L-emendi tal-Protokolli 1 u 2 tal-Ftehim bejn ir-Repubblika Franċiża, il-Komunità Ewropea tal-Enerġija Atomika u l-Aġenzija Internazzjonali tal-Enerġija Atomika (IAEA) għall-Applikazzjoni tas-Salvagwardji b’Rabta mat-Trattat għall-Projbizzjoni ta’ Armi Nukleari fl-Amerika Latina u l-Karibew b’dan huma approvati f’isem il-Komunità Ewropea tal-Enerġija Atomika. It-test tal-emendi msemmija hawn fuq huwa mehmuż ma’ din id-Deċiżjoni.
Artikolu 2
Il-Kummissarju responsabbli għall-Azzjoni Klimatika u l-Enerġija, jew id-Direttur Ġenerali tad-Direttorat Ġenerali responsabbli għall-Enerġija, jew ir-rappreżentant maħtur tiegħu, b’dan huma awtorizzati jiffirmaw l-emendi u jwettqu l-passi kollha meħtieġa għad-dħul fis-seħħ ta’ dawn l-emendi, li se jiġu konklużi f’isem il-Komunità Ewropea tal-Enerġija Atomika.
Magħmul fi Brussell, l-1 ta’ Awwissu 2017.
Għall-Kummissjoni
Miguel ARIAS CAÑETE
Membru tal-Kummissjoni
ANNESS
Il-paragrafu I tal-Protokoll 1 tal-Ftehim bejn ir-Repubblika Franċiża, il-Komunità Ewropea tal-Enerġija Atomika u l-Aġenzija Internazzjonali tal-Enerġija Atomika għall-Applikazzjoni tas-Salvagwardji b'Rabta mat-Trattat għall-Projbizzjoni ta' Armi Nukleari fl-Amerika Latina u l-Karibew (minn hawn 'il quddiem imsejjaħ “il-Ftehim dwar is-Salvagwardji”) huwa emendat sabiex jinqara kif ġej:
|
“I. |
|
Il-paragrafu I tal-Protokoll 2 tal-Ftehim dwar is-Salvagwardji huwa emendat sabiex jinqara kif ġej:
|
“I. |
Fil-mument li l-Komunità tinnotifika lill-Aġenzija skont it-Taqsima 1(C) tal-Protokoll 1 ta' dan il-Ftehim li hemm materjal nukleari f'attivitajiet nukleari paċifiċi fit-territorji Franċiżi tal-Protokoll I fi kwantitajiet li jaqbżu l-limiti msemmija fit-Taqsima 1(A)(1) tal-Protokoll 1 ta' dan il-Ftehim, jew li d-deċiżjoni tkun ittieħdet biex jinbena jew jiġi awtorizzat il-bini ta' faċilità, kif definit fid-Definizzjonijiet, fit-territorji Franċiżi tal-Protokoll I, kif imsemmi fit-Taqsima 1(A)(2) tal-Protokoll 1 ta' dan il-Ftehim, skont liema minnhom isseħħ l-ewwel, għandu jiġi miftiehem Protokoll għal proċeduri għall-kooperazzjoni fl-applikazzjoni tas-salvagwardji previsti fil-Ftehim bejn Franza, il-Komunità u l-Aġenzija. Dawn il-proċeduri se jamplifikaw ċerti dispożizzjonijiet tal-Ftehim u, b'mod partikolari, jispeċifikaw il-kundizzjonijiet u l-mezzi skont liema l-kooperazzjoni msemmija hawn fuq għandha tiġi implimentata b'tali mod sabiex tiġi evitata d-duplikazzjoni mhux meħtieġa tal-attivitajiet ta' salvagwardja. Il-proċeduri għandhom ikunu, safejn huwa prattikabbli, ibbażati fuq dawk li dak iż-żmien kienu fis-seħħ skont il-Protokolli għal ftehimiet tas-salvagwardji oħra, jew arranġamenti sussidjarji tagħhom, bejn l-Istati Membri tal-Komunità, il-Komunità u l-Aġenzija, inklużi l-fehimiet speċjali relatati miftiehma mill-Komunità u l-Aġenzija.” |