a)

Dawn l-entitajiet huma rreġistrati fi Stat Membru, il-Portugall, ikkonkludew fil-Portugall żewġ kuntratti ta’ swap komposti minn ISDA Master Agreements u żewġ konfermi, innegozjati mir-Reġjun Awtonomu ta’ Madeira li kien qiegħed jirrappreżenta lil SMD;

b)

F’din in-negozzjazzjoni, ir-Reġjun Awtonomu ta’ Madeira, assistit minn Banco BPI, S.A., u minn kumpannija ta’ avukati, stieden lil iktar minn bank internazzjonali wieħed sabiex jippreżentaw proposti, fejn wieħed mill-banek mistiedna kien JPMorgan;

c)

Banco Santander Totta, S.A., huwa 100 % miżmum minn Banco Santander, u huwa ddomiċiljat fi Spanja;

d)

Banco Santander Totta, S.A., aġixxa fil-kapaċità tiegħu bħala bank internazzjonali, b’sussidjarji f’varji Stati Membri, u taħt l-isem kummerċjali uniku Santander;

e)

Banco Santander Totta, S.A., ġie kkunsidrat fl-ISDA Master Agreement bħala Multibranch Party, fejn jista’ jwettaq jew jirċievi pagamenti fi kwalunkwe tranżazzjoni permezz tas-sussidjarji tiegħu f’Londra jew fil-Lussemburgu;

f)

Skont l-ISDA Master Agreement magħmul, il-partijiet jistgħu, f’każijiet speċifiċi, jittrasferixxu d-drittijiet u l-obbligi tagħhom favur uffiċċji ta’ rappreżentanza jew sussidjarji oħrajn;

g)

Il-partijiet fil-kuntratti ta’ swap għażlu l-liġi Ingliża bħala dik applikabbli u kkonkludew ftehim ta’ ġurisdizzjoni fejn taw ġurisdizzjoni esklużiva u sħiħa lill-qrati Ingliżi;

h)

Il-kuntratti ġew redatti bl-Ingliż u t-terminoloġija u l-kunċetti użati huma anglo-sassoni;

i)

Il-kuntratti ta’ swap ġew konklużi bil-għan li jiġi kopert ir-riskju ta’ varjazzjoni tar-rata tal-interessi ta’ żewġ kuntratti ta’ finanzjament, it-tnejn li huma redatti bl-Ingliż u ffirmati ma’ żewġ entitajiet barranin (waħda bis-sede tagħha fil-Pajjiżi l-Baxxi u l-oħra fl-Italja), fejn f’wieħed mill-kuntratti ta’ finanzjament huwa previst li l-pagamenti tad-debituri f’self ta’ flus għandhom isiru lejn kont tal-bank HSBC Bank plc. f’Londra, f’dati ddefiniti b’riferiment għaż-żona orarja ta’ Londra, u huwa suġġett għal-liġi Ingliża u għall-qrati Ingliżi;

j)

Banco Santander Totta, S.A. aġixxa bħala intermedjarju fis-suq internazzjonali, fejn ikkonkluda kuntratti simmetriċi ta’ kopertura fil-kuntest tas-suq internazzjonali?