Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62015CN0096

Kawża C-96/15: Talba għal deċiżjoni preliminari mressqa mit-Tribunal de grande instance de Nanterre (Franza) fis-26 ta’ Frar 2015 – Saint Louis Sucre SA, suċċessur fit-titolu ta’ Saint Louis Sucre SNC vs Directeur général des douanes et droits indirects

ĠU C 146, 4.5.2015, p. 28–29 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

4.5.2015   

MT

Il-Ġurnal Uffiċjali tal-Unjoni Ewropea

C 146/28

Talba għal deċiżjoni preliminari mressqa mit-Tribunal de grande instance de Nanterre (Franza) fis-26 ta’ Frar 2015 – Saint Louis Sucre SA, suċċessur fit-titolu ta’ Saint Louis Sucre SNC vs Directeur général des douanes et droits indirects

(Kawża C-96/15)

(2015/C 146/34)

Lingwa tal-kawża: il-Franċiż

Qorti tar-rinviju

Tribunal de grande instance de Nanterre

Partijiet fil-kawża prinċipali

Rikorrenti: Saint Louis Sucre SA, suċċessur fit-titolu ta’ Saint Louis Sucre SNC

Konvenut: Directeur général des douanes et droits indirects

Domandi preliminari

1)

L-Artikolu 15(2) u (8) tar-Regolament [tal-Kunsill (KE)] Nru 1260/2001, tad-19 ta’ Ġunju 2001 (1), moqri fid-dawl tal-premessi 9 u 11 tiegħu u tas-sentenzi Zuckerfabrik Jülich I u II, u l-prinċipji ġenerali tad-dritt Komunitarju ta’ projbizzjoni tal-arrikkiment indebitu, ta’ proporzjonalità u ta’ libertà tal-intrapriża, għandhom jiġu interpretati fis-sens li produttur taz-zokkor għandu d-dritt li jiġi rrimborsat il-kontribuzzjonijiet għall-produzzjoni mħallsa għall-kwantitajiet ta’ zokkor taħt kwota li kienu għadhom maħżuna fit-30 ta’ Ġunju 2006, peress li l-iskema ta’ kontribuzzjonijiet għall-produzzjoni ma ġietx imġedda wara din id-data mir-Regolament tal-Kunsill Nru 318/2006 tal-20 ta’ Frar 2006 (2)?

2)

 

a)

Fil-każ ta’ risposta fil-pożittiv għad-domanda preliminari preċedenti, l-ammont ta’ kontribuzzjonijiet li għandhom jiġu rrimborsati lill-produtturi għandu jkun ibbażat biss fuq it-tunnellaġġ ta’ zokkor li jirriżulta maħżun fit-30 ta’ Ġunju 2006?

b)

Fil-każ ta’ risposta fin-negattiv għad-domanda preliminari preċedenti, it-tunnellaġġ ta’ zokkor li jservi bħala bażi għar-rimbors tal-kontribuzzjonijiet għandu jkun ibbażat fuq il-varjazzjoni tal-ħażniet Komunitarji ta’ zokkor bejn l-1 ta’ Lulju 2001 u t-30 ta’ Ġunju 2006?

3)

Il-kalkolu tal-kontribuzzjoni li għandha tiġi rrimborsata jista’ validament jirriżulta mill-multiplikazzjoni tal-ħażna ta’ zokkor ikkonstatata b’risposta għat-tieni domanda preliminari permezz tal-medja ponderata tat-“telf medju” kkonstatat waqt l-OKS 2001/2006 jew għandu jiġi kkalkolat b’mod differenti u b’liema mod?

4)

Fil-każ ta’ risposta fil-pożittiv għad-domandi preċedenti, ir-Regolament [(KE)] Nru 164/2007, tad-19 ta’ Frar 2007 li jiffissa, għas-sena ta’ kummerċjalizzazzjoni 2005/2006, l-ammonti tal-kontribuzzjonijiet għall-produzzjoni għas-settur taz-zokkor (3) huwa invalidu?

(1)  Regolament tal-Kunsill (KE) Nru 1260/2001, tad-19 ta’ Ġunju 2001, dwar l-organizzazzjoni komuni tas-swieq fis-settur taz-zokkor (ĠU Edizzjoni Speċjali bil-Malti, Kapitolu 3, Vol. 33, p. 17).

(2)  Regolament tal-Kunsill (KE) Nru 318/2006, tal-20 ta’ Frar 2006, dwar l-organizzazzjoni komuni tas-swieq fis-settur taz-zokkor (ĠU L 58, p. 1)

(3)  ĠU L 51, p. 17

Top