28.1.2015   

MT

Il-Ġurnal Uffiċjali tal-Unjoni Ewropea

C 28/10

1.

Fit-22 ta’ Jannar 2015, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha ZF Friedrichshafen AG (“ZF”, il-Ġermanja) takkwista skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll uniku ta’ TRW Automotive Holdings Corp. (“TRW”, l-Istati Uniti tal-Amerika) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—   għal ZF: fornitur globali ta’ prodotti għall-applikazzjonijiet awtomottivi u dawk industrijali. In-negozju awtomottiv ta’ ZF jikkonċentra fuq it-teknoloġija tal-powertrain u tax-xażi,

—   għal TRW: manifattur dinji ta’ komponenti awtomottivi ffukat fuq it-teknoloġiji ta’ sikurezza attiva u passiva.

3.

Wara analiżi preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni Ewropea tistieden lill-partijiet terzi interessati sabiex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni Ewropea mhux aktar tard minn għaxart ijiem mid-data ta’ din il-pubblikazzjoni. Il-kummenti jistgħu jintbagħtu lill-Kummissjoni Ewropea permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7420 — ZF/TRW, f’dan l-indirizz: