Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52015XX0124(01)

Opinjoni tal-Kumitat Konsultattiv dwar il-fużjonijiet mogħtija fil-laqgħa tiegħu tal- 25 ta’ Settembru 2013 fir-rigward ta’ abbozz ta’ deċiżjoni relatata mal-Każ COMP/M.6796 — Aegean/Olympic II — Relatur: Il-Polonja

ĠU C 25, 24.1.2015, pp. 3–4 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

24.1.2015   

MT

Il-Ġurnal Uffiċjali tal-Unjoni Ewropea

C 25/3

Opinjoni tal-Kumitat Konsultattiv dwar il-fużjonijiet mogħtija fil-laqgħa tiegħu tal-25 ta’ Settembru 2013 fir-rigward ta’ abbozz ta’ deċiżjoni relatata mal-Każ COMP/M.6796 — Aegean/Olympic II

Relatur: Il-Polonja

(2015/C 25/03)

Konċentrazzjoni

1.

Il-Kumitat Konsultattiv jaqbel mal-Kummissjoni li l-operazzjoni nnotifikata tikkostitwixxi konċentrazzjoni fit-tifsira tar-Regolament tal-Kunsill Nru 139/2004 (ir-“Regolament dwar l-Għaqdiet”).

2.

Il-Kumitat Konsultattiv jaqbel mal-Kummissjoni li l-operazzjoni nnotifikata tkun eżaminata skont l-Artikolu 22(3) tar-Regolament dwar l-Għaqdiet.

Definizzjoni tas-suq

3.

Il-Kumitat Kosultattiv jaqbel mad-definizzjonijiet tal-Kummissjoni dwar is-swieq tal-prodott rilevanti kif iddikjarat fl-abbozz tad-deċiżjoni. B’mod partikolari, rigward id-definizzjoni tas-suq tal-prodott, il-Kumitat Konsultattiv jaqbel mal-approċċ tal-Kummissjoni li tħalli miftuħa f’dan il-każ

(a)

id-distinzjoni bejn il-passiġġieri sensibbli għall-fattur tal-ħin u dawk li mhumiex sensittivi għall-ħin; kif ukoll

(b)

l-inklużjoni ta’ servizzi bil-lanċa fis-suq rilevanti għal passiġġieri mhux sensittivi l-passiġġieri kollha fuq ir-rotot ikkonċernati (minbarra għar-rotta Ateni-Mykonos u r-rotta Ateni-Rhodi) speċifikati fl-abbozz tad-deċiżjoni.

Valutazzjoni tal-kompetizzjoni

4.

Il-Kumitat Konsultattiv jaqbel mal-Kummissjoni li l-konċentrazzjoni proposta twassal għal impediment sinifikanti ta’ kompetizzjoni effettiva minħabba l-eliminazzjoni tal-kompetizzjoni attwali bejn Olympic Air u Aegean fuq dawn il-ħames rotot domestiċi li ġejjin.

(a)

Ateni-Chania,

(b)

Ateni-Santorini,

(c)

Ateni-Mytilini,

(d)

Ateni-Kos, u

(e)

Ateni-Korfu.

5.

Il-Kumitat Konsultattiv jaqbel mal-Kummissjoni li l-konċentrazzjoni proposta timpedixxi b’mod sinifikanti l-kompetizzjoni effettiva bħala riżultat tal-eliminazzjoni ta’ parteċipant kredibbli potenzjali fuq is-sitt rotot li ġejjin.

(a)

Ateni-Alexandroupolis,

(b)

Ateni-Rhodi,

(c)

Ateni-Salonika,

(d)

Ateni-Heraklion,

(e)

Ateni-Chios,

(f)

Ateni-Samos.

6.

Il-Kumitat Konsultattiv jaqbel mal-Kummissjoni li t-tranżazzjoni proposta mhix se xxekkel b’mod sinifikanti l-kompetizzjoni effettiva kif tikkonċerna s-suq għall-attribuzzjoni ta’ rotot tal-OSP fil-Greċja.

Entrata

7.

Il-Kumitat Konsultattiv jaqbel mal-konklużjoni tal-Kummissjoni li l-ebda dħul fil-ħin u suffiċjenti wara l-formazzjoni tal-għaqda minn linji tal-ajru internazzjonali u/jew domestiċi li jistabbilixxu bażi fl-ajruport ta’ Ateni ma hi probabbli fil-futur prevedibbli.

Ditta fi stat ta’ falliment tad-difiża

8.

Il-Kumitat Konsultattiv jaqbel mal-Kummissjoni li l-kriterji ta’ difiża tal-kumpanija li qed tfalli huma sodisfati fil-każ preżenti.

Konklużjoni

9.

Il-Kumitat Konsultattiv jaqbel mal-Kummissjoni li t-tranżazzjoni notifikata trid għalhekk tiġi ddikjarata kompatibbli mas-suq intern u mal-funzjonament tal-Ftehim taż-ŻEE skont l-Artikoli 2(2) u 8(1) tar-Regolament dwar l-Għaqdiet u l-Artikolu 57 tal-Ftehim ŻEE.
Top