Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62014TN0574

Kawża T-574/14: Rikors ippreżentat fl- 1 ta’ Awwissu 2014 – EAEPC vs Il-Kummissjoni

ĠU C 409, 17.11.2014, p. 47–47 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

17.11.2014   

MT

Il-Ġurnal Uffiċjali tal-Unjoni Ewropea

C 409/47

Rikors ippreżentat fl-1 ta’ Awwissu 2014 – EAEPC vs Il-Kummissjoni

(Kawża T-574/14)

2014/C 409/67

Lingwa tal-kawża: l-Ingliż

Partijiet

Rikorrenti: European Association of Euro Pharmaceutical Companies (EAEPC) (Brussell, il-Belġju) (rappreżentanti: J. Buendía Sierra, L. Ortiz Blanco, Á. Givaja Sanz u M. Araujo Boyd, avukati)

Konvenuta: Il-Kummissjoni Ewropea

Talbiet tar-rikorrenti

—

tiddikjara r-rikors għal annullament ammissibbli;

—

tannulla d-deċiżjoni tal-Kummissjoni Ewropea tas-27 ta’ Mejju 2014 fil-Każ Nru COMP/AT.36957 – Glaxo Wellcome;

—

tikkundanna lill-Kummissjoni Ewropea għall-ispejjeż rispettivi tagħha kif ukoll għal dawk li jistgħu jiġu sostnuti mill-EAEPC fir-rigward ta’ din il-kawża.

Motivi u argumenti prinċipali

Permezz ta’ dan ir-rikors, ir-rikorrenti titlob l-annullament tad-Deċiżjoni tal-Kummissjoni C(2014) 3654 finali, tas-27 ta’ Mejju 2014 fil-Każ COMP/AT.36957 – Glaxo Wellcome, li fiha l-Kummissjoni tiċħad l-ilment tar-rikorrenti fejn għalhekk tirrifjuta investigazzjoni ulterjuri fl-allegat ksur min-naħa ta’ Glaxo Wellcome SA, illum GlaxoSmithKline SA, tal-Artikolu 101 TFUE fid-dawl tas-sentenzi tas-27 ta’ Settembru 2006, GlaxoSmithKline Services vs Il-Kummissjoni (T-168/01, EU:T:2006:265) u tas-6 ta’ Ottubru 2009, GlaxoSmithKline Services vs Il-Kummissjoni (C-501/06 P, C-513/06 P, C-515/06 P u C-519/06 P, EU:C:2009:610).

Insostenn tar-rikors tagħha, ir-rikorrenti tinvoka tliet motivi.

1.

L-ewwel motiv ibbażat fuq żball manifest ta’ evalwazzjoni min-naħa tal-Kummissjoni bi ksur tal-Artikoli 101, 105 u 266 TFUE u tal-Artikolu 7 tar-Regolament Nru 1/2003 (1) billi sostniet li l-effett tas-sentenza GlaxoSmithKline Services vs Il-Kummissjoni (EU:C:2009:610) huwa li d-deċiżjoni inizjali tal-2001 ġiet ikkunsidrata nulla u li s-sitwazzjoni kellha titqies bħallikieku l-Kummissjoni qatt ma kienet adottat id-Deċiżjoni tal-2001. Ir-rikorrenti ssostni ulterjorment li l-Kummissjoni kisret id-dmir tagħha li tagħti motivazzjoni suffiċjenti u l-obbligu tagħha li tisma’ lir-rikorrenti dwar din il-kwistjoni qabel ma tadotta deċiżjoni definittiva.

2.

It-tieni motiv ibbażat fuq il-fatt li d-deċiżjoni kkontestata tikser l-Artikolu 101 TFUE jew li l-Kummissjoni naqset milli tikkonforma ruħha mad-dmir ta’ motivazzjoni tagħha taħt l-Artikolu 296 TFUE meta evalwat l-eżistenza ta’ interess tal-UE fil-każ. Ir-rikorrenti ssostni ulterjorment li l-Kummissjoni kisret id-dritt għal smigħ tar-rikorrenti.

3.

It-tielet motiv ibbażat fuq il-fatt li l-materji kollha ta’ fatt u ta’ liġi ma humiex analizzati fid-deċiżjoni kkontestata.

(1)  Regolament tal-Kunsill (KE) Nru 1/2003, tas-16 ta’ Diċembru 2002, fuq l-implimentazzjoni tar-regoli tal-kompetizzjoni mniżżlin fl-Artikoli [101 TFUE] u [102 TFUE] (ĠU Edizzjoni Speċjali bil-Malti, Kapitolu 8, Vol. 2, p. 205)

Top