“33.

Il-Kummissjoni qablet li l-effiċjenzi kienu speċifiċi għall-fużjoni, iżda hija kkonfermat bħala verifikabbli biss l-iffrankar tal-kostijiet relatati mat-trasport Ewropew bin-netwerk tal-ajru u tal-art, li jirriżulta matul l-ewwel tliet snin wara t-tlestija tal-Fużjoni, li rispettivament jammonta għal EUR [...] miljun, għas-sinerġiji tan-netwerk tal-ajru intra-Ewropew u għal EUR [...] miljun għat-trasport bl-art. Dan l-iffrankar kien allokat fuq livell ta’ pajjiż b’pajjiż ibbażat fuq il-volum tal-UPS u d-dejta tal-kost fuq il-livell ta' korsija. Sabiex isir estimu fuq ir-rata tal-infiltrazzjoni tat-tibdil fil-kostijiet varjabbli għall-konsumaturi, il-Kummissjoni użat l-estimu tal-impatt tal-medja totali tat-tibdil tal-kostijiet fuq il-prezz ta’ servizzi ta’ konsenja express internazzjonali fiż-ŻEE pprovdut mill-partijiet wara analiżi tal-konċentrazzjoni tal-prezzijiet tagħhom.' Fid-dawl tal-istruttura tal-kost tal-Partijiet, dan jista' jkun ikkunsidrat bħala estimu għoli wisq tat-trasferiment tal-kostijiet varjabbli.”