—

wara li kkunsidra l-proposta mill-Kummissjoni lill-Kunsill (COM(2007)0012) (1),

—

wara li kkunsidra l-Artikolu 37 tat-Trattat KE, skond liema artikolu l-Parlament ġie kkonsultat mill- Kunsill (C6-0057/2007),

—

wara li kkunsidra l-Artikoli 51 u 43(1) tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Biedja u l-Iżvilupp Rurali (A6-0038/2007),

1.

Japprova l-proposta mill-Kummissjoni;

2.

Jitlob lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

3.

Jitlob lill-Kunsill sabiex jikkonsultah mill-ġdid jekk ikollu l-ħsieb li jemenda il-proposta mill-Kummissjoni b'mod sustanzjali;

4.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill- Kummissjoni.

—

wara li kkunsidra l-proposta mill-Kummissjoni lill-Kunsill (COM(2007)0048) (1),

—

wara li kkunsidra l-Artikolu 37 tat-Trattat KE, skond liema artikolu ġie kkonsultat mill-Kunsill (C6-0076/2007),

—

wara li kkunsidra l-Artikoli 51 u 43(1) tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Biedja u l-Iżvilupp Rurali (A6-0051/2007),

1.

Japprova l-proposta mill-Kummissjoni;

2.

Jistieden lill-Kunsill sabiex javżah jekk ikollu l-ħsieb li jitbiegħed mit-test approvat mill-Parlament;

3.

Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta mill-Kummissjoni b'mod sustanzjali;

4.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill- Kummissjoni.

—

wara li kkunsidra l-proposta tal-Kummissjoni lill-Kunsill (COM(2006)0448) (1),

—

wara li kkunsidra l-Artikoli 37, 279 u 308 tat-Trattat KE, skond liema artikoli ġie kkonsultat mill- Kunsill (C6-0277/2006),

—

wara li kkunsidra l-Artikolu 51 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Baġit (A6-0056/2007),

1.

Japprova l-proposta tal-Kummissjoni;

2.

Jistieden lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

3.

Jitlob lill-Kunsill sabiex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

4.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u l-Kummissjoni.

—

wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2006)0507) (1),

—

wara li kkunsidra l-Artikolu 251(2) u l-Artikoli 47(2) u 55 tat-Trattat KE, skond liema artikoli l-Kummissjoni ppreżentat il-proposta lill-Parlament (C6-0298/2006),

—

wara li kkunsidra l-Artikolu 51 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Ekonomiċi u Monetarji (A6-0027/2007),

1.

Japprova l-proposta tal-Kummissjoni kif emendata;

2.

Jitlob lill-Kummissjoni biex terġa' tikkonsultah jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill- Kummissjoni.

—

wara li kkunsidra l-Kommunikazzjoni tal-Kummissjoni dwar l-implimentazzjoni tas-sħubija għat-tkabbir u l-imjiegi: nagħmlu l-Ewropa pilastru ta' eċċellenza dwar r-responsabbilita soċjali ta'l-impriżi (COM(2006)0136) (Kommunikazzjoni tal-Kummissjoni dwar s-CSR),

—

wara li kkunsidra l-aktar żewġ standards awtorevoli miftiehma internazzjonalment dwar il-kondotta ta' l-intrapriżi id-Dikjarazzjoni bejn Tliet Partijiet tal-Prinċipji li jikkonċernaw l-Impriżi Multinazzjonali u l- Politika Soċjali ta' l-Organizzazzjoni Internazzjonali tax-Xogħol (ILO) u l-Linji Gwida għall-Impriżi Multinazzjonali ta' l-Organizzazzjoni tal-Koperazzjoni Ekonomika u l-Iżvilupp (OECD) kif l-aħħar rivedut fl-2000, u wara li kkunsidra l-kodiċi ta' mġieba miftehma taħt il-patroċinju ta' l-organizzazzjonijiet internazzjonali oħra bhalma huma l-Organizzazzjoni ta' l-Ikel u ta'l-Aġrikoltura tan-NU, l-Organizzazzjoni Dinjija tas-Saħħa u l-Bank Dinji u l-isforzi taħt l-awspiċju tal-Konferenza dwar il-Kummerċ u l- Iżvilupp tan-NU fir-rigward ta' l-attivitajiet ta' l-intrapriżi fil-pajjiżi li qegħdin jiżviluppaw,

—

wara li kkunsidra d-Dikjarazzjoni ta' l-ILO dwar il-Prinċipji Fundamentali u d-Drittijiet fuq il-Post tax- Xogħol, adottata fl-1998, u l-Konvenzjonijiet ta'l-ILO li jistabbilixxu standards bażiċi u universali dwar l-abolizzjoni tax-xogħol infurzat (C29 (1930) u C105 (1957); il-libertà ta' assoċjazzjoni u d-dritt ta' negozjar kollettiv, C87 (1948) u C98 (1949); l-abolizzjoni tax-xogħol tat-tfal, C138 (1973) u C182 (1999); u n-non-diskriminazzjoni fl-impjieg, C100(1951) u C111(1958),

—

wara li kkunsidra d-Dikjarazzjoni Universali tan-Nazzjonijiet Uniti ta'l-1948 dwar id-Drittijiet tal-Bniedem u b'mod partikulari l-proklamazzjoni ta'l-Assemblea Ġenerali tagħha li tgħid li kull individwu u kull organu tas-soċjetà huwa mitlub li jkollu rwol fl-iżgurar ta' l-osservanza universali tad-drittijiet talbniedem, il-Ftehim Internazzjonali dwar id-Drittijiet Ċivili u Politiċi tan-NU ta' l-1966, il-Ftehim dwar id-Drittijiet Ekonomiċi, Soċjali u Kulturali tan-NU ta' l-1966, il-Konvenzjoni dwar l-Eliminazzjoni tal- Forom Kollha ta' Diskriminazzjoni Kontra n-Nisa tan-NU ta' l-1979, il-Konvenzjoni dwar id-Drittijiet tat-Tfal tan-NU ta' l-1989, l-Abbozz ta' Dikjarazzjoni dwar id-Drittijiet tal-Popli Indiġeni tan-NU l- 1994,

—

wara li kkunsidra l-Konvenzjoni dwar il-Ġlieda Kontra t-Tixħim ta' l-OECD ta'l-1997,

—

wara li kkunsidra l-Linji Gwida dwar is-Sostenibilita' u l-rappurtar tal-G3, 2006 ta'l-Inizjattiva Globali ta' Rappurtar,

—

wara li kkunsidra l-Patt Globali tan-Nazzjonijiet Uniti li tnieda f'Lulju 2000,

—

wara li kkunsidra t-tħabbira fis-6 ta' Ottubru 2006 li l-Patt Globali tan-Nazzjonijiet Uniti u l-Inizjattiva Globali ta' Rappurtar ffurmaw “alleanza strateġika”.

—

wara li kkunsidra l-Abbozz ta' Normi tan-NU dwar ir-responsabilitajiet tal-korporazzjonijiet transnazzjonali u intrapriżi ta' negozju oħra fir-rigward tad-drittijiet tal-bniedem, 2003,

—

wara li kkunsidra r-riżultat tal-Laqgħa Għolja Dinjija f'Johannesburg fl-2002 dwar l-Iżvilupp Sostenibbli, b'mod partikulari l-istedina għal inizjattivi intergovernattivi dwar il-kwistjoni ta'l-obbligu ta' intrapriżi li jagħtu kont ta' għemilhom u l-konklużjonijiet tal-Kunsill tat-3 ta' Diċembru 2002 dwar is-segwitu tal- Laqgħa Għolja,

—

wara li kkunsidra r-rapport tas-Segretarju Ġenerali tan-NU, “Lejn sħubijiet globali — Koperazzjoni msaħħa bejn in-Nazzjonijiet Uniti u l-isħab kollha relevanti, b'mod partikulari s-settur privat”, ta' l-10 ta' Awissu 2005,

—

wara li kkunsidra r-rapport interim tat-22 ta' Frar 2006 tar-Rappreżentant Speċjali tas-Segretarju Ġenerali tan-NU dwar il-kwistjoni tad-Drittijiet tal-Bniedem u l-korporazzjonijiet transnazzjonali u l-intrapriżi ta' negozju oħra, u l-ewwel u t-tieni konsultazzjonijiet reġjonali li saru f'Johannesburg fis-27 u t- 28 ta' Marzu 2006 u f'Bangkok fis-26 u s-27 ta' Ġunju 2006,

—

wara li kkunsidra r-riżoluzzjoni tiegħu tal-15 ta' Jannar 1999 dwar l-istandards ta' l-UE għall-Intrapriżi Ewropej li joperaw fil-pajjiżi li qegħdin jiżviluppaw: lejn Kodiċi ta' Mġiba Ewropea (1), li tirrakkomanda l-ħolqien ta' Mudell Ewropew ta' Kodiċi ta' Mġiba appoġġjata minn Pjattaforma Ewropea ta' Monitoraġġ,

—

wara li kkunsidra r-Regolament tal-Kunsill (KE) Nru 44/2001 tat-22 ta' Diċembru 2000 dwar il-ġurisdizzjoni u r-rikonoxximent u l-infurzar tad-deċiżjonijiet fi kwistjonijiet ċivili u kummerċjali (2), li ħadet post il-Konvenzjoni ta' Brussel ta' l-1968 minbarra fir-rigward tar-relazzjonijiet bejn id-Danimarka u Stati Membri Oħra,

—

wara li kkunsidra r-Regolament (KE) Nru 761/2001 tal-Parlament Ewropew u tal-Kunsill tad-19 ta' Marzu 2001 li jippermetti l-parteċipazzjoni volontarja mill-organizzazzjonijiet fl-iskema Komunitarja ta' l-eko-ġestjoni u l-verifika (EMAS) (3),

—

wara li kkunsidra r-Riżoluzzjoni tal-Kunsill tat-3 ta' Diċembru 2001 (4) dwar is-segwitu tal-Green Paper rigward il-promozzjoni ta' qafas ewropew għar-responsabilità soċjali ta' l-intrapriżi,

—

wara li kkunsidra r-riżoluzzjoni tiegħu tat-30 ta' Mejju 2002 dwar il-Green Paper tal-Kummissjoni dwar il-promozzjoni ta' qafas Ewropew għar-responsabilità soċjali ta' l-intrapriżi (5),

—

wara li kkunsidra r-riżoluzzjoni tiegħu tat-13 ta' Mejju 2003 dwar il-Komunikazzjoni mill-Kummissjoni l rigward r-Responsabilità Soċjali ta' l-Intrapriżi: Il-kontribuzzjoni tan-negozju għall-Iżvilupp Sostenibbli (6),

—

wara li kkunsidra r-Rakkomandazzjoni tal-Kummissjoni 2001/453/KE tat-30 ta' Mejju 2001 dwar irrikonoxximent, il-kejl u l-kxif ta' kwistjonijiet ambjentali fil-kontabilita' annwali u fir-rapporti annwali tal-kumpaniji (7),

—

wara li kkunsidra r-riżoluzzjoni tiegħu ta' l-4 ta' Lulju 2002 dwar il-Komunikazzjoni tal-Kummissjoni lill-Kunsill, il-Parlament Ewropew u l-Kumitat Ekonomiku u Soċjali intitolata “Il-Promozzjoni ta' l-Istandards Bażiċi tax-Xogħol u t-Titjib fil-Governanza Soċjali fil-kuntest tal-Globalizzazzjoni” (8),

—

wara li kkunsidra r-Riżoluzzjoni tal-Kunsill tas-6 ta' Frar 2003 dwar ir-responsabilità soċjali ta' l-intrapriżi (9),

—

wara li kkunsidra l-Komunikazzjoni tal-Kummissjoni dwar il-Governanza u l-Iżvilupp (COM(2003)0615),

—

wara li kkunsidra d-Direttiva 2003/51/KE tal-Parlament Ewropew u tal-Kunsill tat-18 ta' Ġunju 2003 dwar il-kontijiet konsolidati annwali ta' ċertu tip ta' kumpaniji, banek u istituzzjonijiet finanzjarji oħra u intrapriżi ta' assigurazzjoni (10),

—

wara li kkunsidra d-Direttiva 2004/18/KE tal-Parlament Ewropew u tal-Kunsill tal-31 ta' Marzu 2004 dwar il-koordinazzjoni ta' proċeduri għall-għoti ta' kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi (11),

—

wara li kkunsidra r-rapport finali tal-Multistakeholder Forum Ewropew dwar is-CSR tad-29 ta' Ġunju 2004, b'mod partikolari s-seba' r-rakkomandazzjoni li tappoġġja l-azzjoni li tipprommwovi l-ħolqien tal-kundizzjonijiet xierqa għas-CSR,

—

wara li kkunsidra l-Komunikazzjoni tal-Kummissjoni “Id-Dimensjoni Soċjali ta' Globalizzazzjoni — ilkontribuzzjoni politika ta' l-UE dwar l-estensjoni tal-benefiċċji għal kulħadd” (COM(2004)0383),

—

wara li kkunsidra d-Direttiva 2005/29/KE tal-Parlament Ewropew u tal-Kunsill tal-11 ta' Mejju 2005 dwar prattiki kummerċjali żleali fin-negozju mal-konsumatur fis-suq intern, li temenda d-Direttiva tal- Kunsill 84/450/KEE dwar reklamar qarrieqi, id-Direttivi 97/7/KE, 98/27/KE u 2002/65/KE tal-Parlament Ewropew u tal-Kunsill u tar-Regolament (KE) Nru 2006/2004 tal-Parlament Ewropew u tal-Kunsill (“Direttiva dwar il-Prattiki Kummerċjali Inġusti fin-Negozju”) (12),

—

wara li kkunsidra l-Kunsill Ewropew tar-Rebbiegħa tat-22 u t-23 ta' Marzu 2005 li reġa' nieda l-istrateġija ta' Liżbona, u iffoka s-sħubija bejn l-istituzzjonijiet ta'l-UE u l-Istati Membri u s-soċjeta' ċivili fuq ittema “Naħdmu flimkien għat-tkabbir u l-impjiegi”,

—

wara li kkunsidra r-riżoluzzjoni tiegħu tal-5 ta' Lulju 2005 dwar l-esplojtazzjoni tat-tfal fil-pajjiżi li qegħdin jiżviluppaw, b'emfasi speċjali fuq ix-xogħol tat-tfal (13),

—

wara li kkunsidra l-Komunikazzjoni tal-Kummissjoni dwar r-reviżjoni ta' l-Istrateġija ta' Żvilupp Sostenibbli — Pjattaforma għall-azzjoni (COM(2005)0658), u l-Istrateġija mġedda ta' l-Iżvilupp Sostenibbli ta' l-UE adottata mill-Kunsill Ewropew fil-15 u fis-16 ta' Ġunju — 2006,

—

wara li kkunsidra d-dikjarazzjoni konġunta tal-20 ta' Diċembru 2005 tal-Kunsill u r-rappreżentanti talġvernijiet ta'l-Istati Membri li ltaqgħu fi ħdan il-Kunsill, il-Parlament Ewropew u l-Kummissjoni dwar il- Politika Ewropea ta'l-Iżvilupp: 'l-Kunsens Ewropew (14),

—

wara li kkunsidra s-Sistema Ġenerali ta' Preferenzi ġdida (GSP+), fis-seħħ mill-1 ta' Jannar 2006, implimentata l-ewwel permezz tar-Regolament tal-Kunsill (KE) Nru 980/2005 tas-27 ta'Ġunju 2005 li japplika skema ġenerali ta' preferenzi tarifarji (15) li tiggarantixxi aċċess mingħajr ħlas ta' dazju jew tnaqqis fit-tariffi għal numru akbar ta' prodotti u tinkludi wkoll inċentiv ġdid għal pajjiżi vulnerabbli li jiffaċċjaw ħtiġijiet kummerċjali, finanzjarji jew ta' żvilupp speċifiċi,

—

wara li kkunsidra l-Komunikazzjoni tal-Kummissjoni “Il-Promozzjoni ta' xogħol diċenti għal kulħadd — il-kontribuzzjoni ta' l-UE fl-implimentazzjoni ta' l-aġenda tax-xogħol diċenti fid-dinja” (COM(2006) 0249),

—

wara li kkunsidra l-Green Paper tal-Kummissjoni dwar l-Inizjattiva Ewropea għat-Trasparenza (COM (2006)0194),

—

wara li kkunsidra r-riżoluzzjoni tas-6 ta' Lulju 2006 dwar il-Kummerċ Ġust u l-Iżvilupp (16),

—

wara li kkunsidra l-Komunikazzjoni tal-Kummissjoni “L-Immodernizzar tal-Liġi tal-Kumpaniji u t-Tisħiħ tal-Governanza ta' l-Impriżi fl-Unjoni Ewropea” — Pjan għall-Avvanz (COM(2003)0284) (Pjan ta' Azzjoni dwar it-Governanza Korporattiva)

—

wara li kkunsidra s-Seduta ta' Smigħ tal-5 ta' Ottubru 2006 immexxija mil-Kumitat tiegħu għall-Impjiegi u l-Affarijiet Soċjali, “Responsabilità Soċjali ta' l-Intrapriżi — jeżisti approċċ Ewropew?”,

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Impjiegi u l-Affarijiet Soċjali u l-opinjonijiet tal-Kumitat għall-Industrija, ir-Riċerka u l-Enerġija u tal-Kumitat għad-Drittijiet tan-Nisa u l-Ugwaljanza bejn is-Sessi (A6-0471/2006),

A.

filwaqt li l-kumpaniji m'għandhomx jitqiesu responsabbli għan-nuqqas tal-awtoritajiet pubbliċi li jeżerċitaw kontroll fuq il-konformità ma' l-istandards soċjali u ambjentali,

1.

Huwa konvint li ż-żieda fir-responsabilità soċjali u ambjentaligħan-negozji, marbuta mal-prinċipju ta'lobbligu ta' l-impriżi li jagħtu kont, tirrappreżenta element essenzjali tal-mudell soċjali Ewropew, ta' l-istrateġija Ewropea għall-iżvilupp sostenibbli u biex jiġu milqugħa l-isfidi soċjali tal-globalizzazzjoni ekonomika;

2.

Jilqa' l-fatt li l-Komunikazzjoni tal-Kummissjoni dwar is-CSR tagħti impetu ġdid lid-dibattitu ta' l-UE dwar ir-responsabilità soċjali ta' l-intrapriżi (CSR) imma jinnota t-tħassib espress minn uħud minn dawk li għandhom interess f' dan il-qasam (stakeholders) ewlenin dwar in-nuqqas ta' trasparenza u bilanċ fil-proċedura ta' konsultazzjoni li saret qabel l-adozzjoni;

3.

Jirrikonoxxi li d-dibattitu jibqa' miftuħ bejn il-gruppi differenti li għandhom interess (stakeholders) fuq definizzjoni xierqa tas-CSR, u li l-kunċett li s-CSR jaqa' “lil hinn mill-konformità” jista' jippermetti lil xi kumpaniji jiddikjaraw li huma konformi mas-CSR filwaqt li fl-istess ħin ma jirrispettawx il-liġijiet lokali jew internazzjonali; jemmen li l-assistenza ta' l-UE lill-gvernijiet ta' pajjiżi terzi fl-implimentazzjoni ta' regolamenti soċjali u ambjentali konsistenti ma' konvenzjonijiet internazzjonali, flimkien ma' reġimi ta' spezzjoni effettivi, huma kumplement meħtieġ għall-avvanz tas-CSR tan-negozju Ewropew madwar id-dinja kollha;

4.

Jirrikonoxxi d-definizzjoni tal-Kummissjoni li s-CSR hija l-integrazzjoni volontarja ta' kunsiderazzjonijiet ambjentali u soċjali f'operazzjonijiet tan-negozju, minbarra r-rekwiżiti legali u l-obbligi kuntrattwali; jemmen li l-politiki tas-CSR għandhom jiġu promossi skond il-merti tagħhom, la għandhom ikunu sostituzzjoni għall-adozzjoni ta' regolament xieraq f'oqsmarilevanti u lanqas bħala approċċ moħbi għall-introduzzjoni ta' leġiżlazzjoni bħal din;

5.

Jinnota illi l-varjetà ta' l-inizjattivi volontarji tas-CSR jistgħu jiġu pperċepiti bħala ostakolu għall-politiki tas-CSR, kif ukoll bħala nuqqas ta' inċentiv għall-kumpaniji sabiex imexxu azzjonijiet aktar kredibbli tas-CSR jew iktar politiki ambizzjużi tas-CSR għalkemm jista' jiġi argumentat li tali varjetà tipprovdi lill-kumpaniji b'iktar ispirazzjoni; jistieden lill-Kummissjoni sabiex tinkoraġixxi t-tixrid ta' prattika tajba li tirriżulta minn inizjattivi volontarji tas-CSR; jemmen li l-Kummissjoni għandha tikkunsidra wkoll li tistabilixxi lista ta' kriterji li għandhom jiġu rispettati mill-intrapriżi jekk jiddikjaraw li huma responsabbli;

6.

Jemmen li l-kredibilità ta' l-inizjattivi volontarji tas-CSR hija wkoll dipendenti fuq l-impenn li jiġu applikati l-istandards u prinċipji eżistenti miftiehma internazzjonalment, u fuq l-approċċ ta' bosta partijiet interessati (multi-stakeholder), kif irrakkomandat mill-MSF, kif ukoll dwar l-applikazzjoni ta' monitoraġġ u ta' verifika indipendenti;

7.

Jemmen li d-dibattitu ta' l-UE dwar is-CSR wasal qrib il-punt fejn l-enfażi għandu jinbidel minn fuq ’proċessi’ għal ’riżultati’, u għandu jwassal għal kontribuzzjoni trasparenti u li titkejjel min-negozji fil-ġlieda kontra l-esklużjoni soċjali u d-degradazzjoni ambjentali fl-Ewropa u madwar id-dinja;

8.

Jirrikonoxxi li ħafna kumpaniji diġa' jagħmlu sforz kbir u li dejjem jiżdied biex ilaħħqu mar-responsabilità soċjali tagħhom;

9.

Jinnota li s-swieq u l-kumpaniji huma fi stadji differenti ta' żvilupp madwar l-Ewropa; jikkunsidra għalhekk illi l-mudell 'qies wieħed tajjeb għal kulħadd' għall-imġieba ta' l-intrapriżi m'huwiex xieraq u ma jwassalx għall-adozzjoni bis-sens tas-CSR min-negozji; jikkunsidra barra minnhekk illi l-enfażi għandu jitpoġġa fuq l-iżvilupp ta' soċjetà ċivili u b'mod partikolari fuq l-għarfien tal-konsumatur dwar produzzjoni responsabbli biex tippromwovi l-adozzjoni ta' responsabilità ta' l-intrapriżi li hija dejjiema u relevanti għallkuntest nazzjonali jew reġjonali speċifiku;

10.

Jinnota li s-CSR għandha tindirizza oqsma ġodda bħat-taħriġ għal matul il-ħajja, l-organizzazzjoni tax-xogħol, opportunitajiet ugwali, inklużjoni soċjali, żvilupp sostenibbli u etika, sabiex topera bħala strument addizzjonali għall-immaniġġjar tal-bidla industrijali u ta' l-istrutturar;

11.

Jinnota d-deċiżjoni tal-Kummissjoni biex tinħoloq Alleanza Ewropea għar-Responsabilità Soċjali ta' l- Intrapriżi fi sħubija ma' diversi networks tan-negozju; jirrakkomanda li l-Kummissjoni nnifisha għandha tiżgura punt wieħed ta' koordinazzjoni sabiex iżżomm l-għarfien ta' l-attivitajiet u s-sħubija ta' l-Alleanza, kif ukoll isir qbil dwar objettivi ċari, skedi u viżjoni strateġika li tinforma x-xogħol ta' l-Alleanza; jinkorraġixxi kumpaniji Ewropej jew kumpaniji ta' pajjiżi terzi li joperaw fl-Ewropa, kbar jew żgħar, biex jieħdu din linizjattiva, u biex l-Alleanza titkabbar bil-parteċipazzjoni tal-parteċipanti l-oħra;

12.

Jemmen li d-djalogu soċjali kien mezz effettiv biex jippromwovi inizjattivi tas-CSR u li l-kunsilli taxxogħol Ewropej kellhom ukoll irwol kostruttiv fl-iżvilupp ta' l-aħjar prattika fil-konfront tas-CSR;

13.

Jissuġġerixxi li żieda sostanzjali fl-adozzjoni tal-prattiki tas-CSR fost il-kumpaniji ta' l-UE, l-iżvilupp ta' mudelli ġodda ta' l-aħjar prattika minn mexxejja ġenwini fost il-kumpaniji u entitatjiet ta' trade unions firrigward t'aspetti differenti tas-CSR, l-identifikazzjoni u l-promozzjoni ta' l-azzjoni speċifika ta' l-UE sabiex tappoġġja lis-CSR, u l-evalwazzjoni ta' l-impatt ta' tali inizjattivi fuq l-ambjent u fuq id-drittijiet umani u soċjali jistgħu jikkostitwixxu l- ’benchmarks’ ewlenin tas-suċċess ta' l-Alleanza; jissuġġerixxi ukoll li tiġi stabbilita skadenza ta' sentejn għat-tlestija tax-xogħol tal-’laboratorji’ mwaqqfa taħt il-ħarsien tagħha kif issuġġerit mis-CSR Ewropa;

14.

Jinnota li t-tlaqqigħ mill-ġdid tal-MSF kien żieda tardiva mal-Komunikazzjoni tal-Kummissjoni, u li hemm bżonn li jittieħdu l-miżuri sabiex tinħoloq l-kunfidenza f' partijiet interessati differenti li għandu jseħħ djalogu ġenwin li jwassal għal impatt reali tal-politiki u tal-programmi ta' l-UE li jippromwovu l-adozzjoni u l-applikazzjoni tas-CSR mill-intrapriżi fl-UE; jemmen li għandhom jittieħdu lezzjonijiet fir-rigward tas-sentejn li l-MSF operat qabel, li kienu pożittivi fir-rigward tar-regola “fama xejn, mistħija xejn” u b'mod partikolari bl-użu tar-rapporteurs indipendenti; jirrimarka, pero', li jeħtieġ ikun hemm titjib fir-rigward ta' bini ta' kunsens; iħeġġeġ ukoll biex ir-rappreżentanti tal-Kummissjoni jipparteċipaw b'mod aktar attiv fid-dibattitu;

15.

Jitlob lill-Kummissjoni biex tistieden rappreżentanti min-numru ta' gvernijiet nazzjonali, reġjonali u lokali li huma impenjati li jużaw l-akkwist pubbliku u għodda oħra ta' politika pubblika biex javvanzaw is- CSR biex jifformaw il-laboratorju tagħhom fil-qafas ta' l-Alleanza u biex jintegraw ir-riżultati tiegħu fixxogħol futur ta'l-Alleanza;

16.

Jappoġġja sforzi mill-Kummissjoni biex testendi s-sħubija fl-MSF biex tinkludi investituri, is-settur edukattiv u l-awtoritajiet pubbliċi, filwaqt li jinsisti li għandha tibqa' l-opportunità għal djalogu sostnut biex jintlaħqu l-objettivi miftiehma;

17.

Jistieden lill-Kummissjoni biex tħeġġeġ, fil-monitoraġġ tal-progress tas-CSR, parteċipazzjoni akbar min-nisa fl-MSF u skambju ta' informazzjoni u ta' prattiki tajbin fil-qasam ta' l-ugwaljanza bejn is-sessi;

18.

Jagħti appoġġ għal kxif mandatorju għall-intrapriżi u ’lobbyists’ oħra u għall-aċċess bilanċjat bejn gruppi ta' negozju u partijiet interessati oħra lejn it-tfassil tal-politika nnifisha ta' l-UE;

19.

Jilqa' l-għan tal-Komunikazzjoni tal-Kummissjoni li torbot is-CSR ma' l-objettivi ekonomiċi, soċjali u ambjentali ta' l-Istrategija ta' Liżbona, preċiżament għaliex jikkonsidra li approċċ serju lejn is-CSR mill-kumpaniji jista' jikkontribwixxi kemm għal żieda fin-numru ta' l-impjiegi kif ukoll għat-titjib fil-kundizzjonijiet tax-xogħol u għall-assigurazzjoni tar-rispett lejn id-drittijiet tal-ħaddiema u l-promozzjoni tar-riċerka u liżvilupp fir-rigward ta' innovazzjonijiet tekniċi; jappoġġja l-prinċipju ta' “kompettitività responsabbli” bħala parti integrali tal-Programm tal-Kummissjoni għall-Innovazzjoni u l-Kompettitività (CIP); jisfida lill-kumpaniji Ewropej biex jinkludu fir-rappurtaġġ tagħhom kif qed jikkontribwixxu għall-objettivi ta' Liżbona;

20.

Jirrikonoxxi li regoli ta' kompetizzjoni effettivi, ġewwa u barra l-Ewropa, huma element essenzjali biex wieħed jassigura prattika ta' negozju responsabbli, b'mod partikolari billi jiġi salvagwardjat trattament ġust u aċċess għall-intrapriżi ta' daqs żgħir u medju (SMEs) li huma bbażati lokalment;

21.

Jerġa' jtenni illi l-implimentazzjoni, fi ħdan is-CSR, ta' prattiki responsabbli u mhux diskriminatorji li jippromwovu l-impjegar tan-nisa u persuni żvantaġġjati tikkontribwixxi sabiex jintlaħqu l-objettivi ta' Liżbona;

22.

Jinnota inkonsistenza bejn l-għażliet ta' strateġiji kompetittivi minn kumpaniji li jfittxu titjib kontinwu fil-flessibilità u l-ispejjeż min-naħa, u impenji volontarji tas-CSR li jfittxu li jevitaw prattiki ta' sfruttar ta' impjieg u jippromwovu relazzjonijiet għal żmien twil mal-fornituri min-naħa l-oħra; jilqa' iktar djalogu dwar dan il-punt;

23.

Jissuġġerixxi, f'dan ir-rigward, illi l-evalwazzjonijiet u l-monitoraġġ ta' kumpaniji Ewropej li huma meqjusa bħala responsabbli jiġu estiżi biex ikopru l-attivitajiet tagħhom u ta' dawk li huma subkuntratturi tagħhom barra l-Unjoni Ewropea, sabiex jiġi assigurat li s-CSR tagħti benefiċċji wkoll lil pajjiżi terzi u speċjalment pajjiżi li għadhom jiżviluppaw, skond il-konvenzjonijiet ta' l-ILO, b'mod partikolari fir-rigward ta' l-abolizzjoni ta' xogħol infurzat, il-liberta' t' assoċjazzjoni u ta' negozjar kollettiv, l-abolizzjoni tax-xogħol tal-tfal u tax-xogħol infurzat, u n-non diskriminazzjoni fl-impjiegi;

24.

Jirrikonoxxi lis-CSR bħala rota motriċi importanti tan-negozju u jitlob l-integrazzjoni tal-politiki soċjali, bħar-rispett għad-drittijiet tal-ħaddiema, il-politika ta' pagi ġusti, in-nondiskriminazzjoni, it-tagħlim matul il-ħajja, u kwistjonijiet ambjentali iffukati b'mod partikolari fuq il-promozzjoni dinamika ta' l-iżvilupp sostenibbli, kemm bħala appoġġ għal prodotti ġodda u proċessi permezz ta' innovazzjoni ta' l-UE u politiki tan-negozju, kif ukoll għat-tfassil ta' strateġiji settorali, sub-reġjonali u urbani ta'kompettività;

25.

Jenfasizza li l-intrapriżi li juru responsabilità soċjali jikkontribbwixxu b'mod importanti biex jirrimedjaw in-nuqqas ta' ugwaljanzi fis-suq tax-xogħol li jaffettwaw, b'mod partikulari, lin-nisa u lill-persuni żvantaġġjati, inklużi l-persuni b'diżabilità, fis-suq tax-xogħol, mhux l-inqas fir-rigward ta' l-aċċess għall-impjiegi, tal-benefiċċji soċjali, tat-taħriġ, ta' l-iżvilupp fil-karriera u ta' politika dwar salarji ġusti; jenfasizza li l-intrapriżi għandhom iwettqu l-politika ta' reklutaġġ tagħhom skond id-Direttiva tal-Kunsill 76/207/KEE tad-9 ta' Frar 1976 dwar l-implimentazzjoni tal-prinċipju tat-trattament ugwali għall-irġiel u n-nisa fir-rigward ta' laċċess għall-impjiegi, għat-taħriġ vokazzjonali u għall-promozzjoni, u l-kundizzjonijiet tax-xogħol (17);

26.

Jilqa' t-tendenza li kumpaniji akbar jippubblikaw rapporti volontarji soċjali u ambjentali fis-snin reċenti; jinnota li n-numru ta' rapporti bħal dawn żdied mill-1993 iżda issa sar kemmxejn statitku u li huma biss minoranza tar-rapporti li jużaw standards u prinċipji internazzjonalment aċċettati, ikopru l-katina kollha tal-provvista tal-kumpanija jew jinvolvu monitoraġġ u verifiki indipendenti;

27.

Ifakkar lill-Kummissjoni fl-istedina tal-Parlament biex tressaq proposta biex temenda ir-Raba' Direttiva tal-Kunsill 78/660/KEE tal-25 ta' Lulju 1978 ibbażata fuq l-Artikolu 54(3)(g) tat-Trattat dwar il-kontijiet annwali ta' ċerti tipi ta' kumpaniji (ir-Raba' Direttiva dwar il-Liġi tal-Kumpaniji) (18) sabiex ir-rappurtaġġ soċjali u ambjentali jiġi inkluż biswit ir-rekwiżiti tar-rappurtaġġ finanzjarju; jikkunsidra importanti li titqajjem kuxjenza dwar id-dispożizzjonijiet tar-rappurtaġġ soċjali u ambjentali fi ħdan ir-Rakkomandazzjoni tal-Kummissjoni 2001/453/KE dwar il-Kxif Ambjentali, id-Direttiva 2003/51/KE dwar l-Immodernizzar tal-Kontijiet, u d-Direttiva 2003/71/KE (19) dwar il-Prospetti, jappoġġja t-traspożizzjoni effettiva tagħhom fi ħdan l-Istati Membri, u jitlob li jsiru studji dwar l-implimentazzjoni effettiva sabiex tiġi żviluppata tali kuxjenza;

28.

Jagħraf il-limitazzjonijiet preżenti ta' ’l-industrija’ tas-CSR fir-rigward ta' kejl ta' imġieba korporattiva, verifiki soċjali u ċertifikazzjoni, b'mod partikolari fir-rigward ta' l-ispiża, komparabilità u indipendenza, u jemmen li ser ikun meħtieġ li jiġi żviluppat qafas professjonali inkluż kwalifiki speċifiċi f'dan il-qasam;

29.

Jirrakkomanda li l-Kummissjoni testendi r-responsabilità tad-diretturi tal-kumpaniji b'iktar minn 1000 impjegat biex tinkludi l-obbligu tad-diretturi nfushom li jimminimizzaw kwalunkwe impatt ta' ħsara soċjali u ambjentali ta' l-attivitajiet tal-kumpaniji;

30.

Jerġa' jtenni l-appoġġ tiegħu għall-Iskema ta' l-EU tal-Ekoġestjoni u tal-Verifika, b'mod partikolari rrekwiżit tagħha għal verifiki esterni u l-obbligazzjoni fuq l-Istat Membru biex jippromwovi l-iskema, u jemmen li hemm skop għall-iżvilupp ta' skemi simili li jikkonċernaw il-protezzjoni tad-drittijiet tax-xogħol, soċjali u umani;

31.

Jappoġġja l-Kodiċi ta' Prattika Tajba ta' l-Alleanza ta'l-Akkreditazzjoni Internazzjonali Soċjali u Ambjentali u ta' Ttikkettar, bħala eżempju ewlieni għall-promozzjoni ta' kolloborazzjoni bejn inizjattivi ta' ttikkettar eżistenti, bi preferenza għall-ħolqien ta' tikketti soċjali ġodda f'livell nazzjonali jew Ewropew;

32.

Jistieden lill-Kummissjoni biex timplimenta mekkaniżmu li permezz tiegħu vittmi, inklużi ċittadini minn pajjiżi terzi, jista' jkollhom rimedji kontra kumpaniji Ewropej fil-qrati nazzjonali ta' l-Istati Membri;

33.

Jinnota li l-kwistjoni ta' l-Investiment Responsabbli Soċjali ma'ġietx msemmija fil-Komunikazzjoni tal-Kummissjoni dwar is-CSR, jappoġġja parteċipazzjoni sħiħa mill-investituri bħala l-partijiet interessati fid-dibattitu fuq is-CSR fil-livell ta' l-UE li incluż fil-qafas ta'l-MSF; jappoġġja t-talbiet ta' l-industrija għattrasparenza aktar milli għall-preskrizzjoni permezz ta' l-introduzzjoni ta' “dikjarazzjoni ta' prinċipji ta' investiment” fl-UE kollha għal fondi ta' investiment;

34.

Jinnota li l-konsumaturi jilgħabu parti importanti fil-ħolqien ta' inċentivi għal produzzjoni responsabbli u prattiki ta' negozju responsabbli; jemmen, pero', li s-sitwazzjoni fil-preżent hija impenetrabbli għallkonsumaturi minħabba in-numru li jikkonfondi ta' istandards differenti rigward il-prodott nazzjonal u liskemi ta' ttikkettar tal-prodotti, li kollha qed jgħinu biex idgħajfu t-tikkettar tal-prodott soċjali eżistenti; jiġbed l-attenzjoni għall-fatt li, fl-istess ħin, spejjeż konsiderevoli qed jintefqu mill-kumpaniji meta jibdlu bejn ħafna rekwiżiti u standards nazzjonali differenti; jinnota wkoll li huwa għoli li jitwaqqfu mekkaniżmi ta' monitoraġġ biex jissorveljaw it-tikkettar tal-prodott soċjali, b'mod partikolari għall-pajjiżi ż-żgħar;

35.

Jappoġġja l-isforzi ta' l-Eurostat biex jiżviluppa indikaturi għal kejl tat-twettiq tas-CSR fil-kuntest ta' l- Istrateġija ta' Żvilupp Sostenibbli ta' l-UE kif ukoll l-intenzjoni tal-Kummissjoni biex tiżviluppa indikaturi ġodda biex tkejjel l-għarfien u l-konsum ta' prodotti ta' l-EU eko-ttikkettati u s-sehem tal-produzzjoni millintrapriżi reġistrati ma' l-EMAS;

36.

Ifakkar fil-kunsiderazzjoni mogħtija qabel lill-ħatra ta' Ombudsman ta' l-UE dwar is-CSR biex imexxi inkjesti indipendenti dwar kwistjonijiet relatati mas-CSR fuq talba tal-kumpaniji jew kwalunkwe grupp interessat; jistieden iktar riflessjoni dwar dan u proposti simili għall-futur;

37.

Jemmen li politiki tas-CSR jistgħu jitjiebu b'għarfien akbar u b'implimentazzjoni ta' strumenti legali eżistenti; jistieden lill-Kummissjoni sabiex torganizza u tippromwovi kampanji ta' tagħrif u tissorvelja limplimentazzjoni ta' l-applikazzjoni tar-responsabilità diretta barranija skond il-Konvenzjoni ta' Brussell, u fuq l-applikazzjoni tad-Direttivi 84/450/KEE (20) fuq reklamar qarrieqi u 2005/29/KE fuq prattiki kummerċjali inġusti fin-negozju għall-aderenza mill-kumpaniji għall-kodiċi ta' mġieba volontarja tas-CSR;

38.

Jerġa' jtenni l-ħtieġa li tintuża lingwa sempliċi, faċilment miftehma sabiex tinkoraġixxi lill-kumpaniji jippromwovu s-CSR;

39.

Jerġa' jiddikjara li għandhom isiru sforzi kbar mill-Kummissjoni u mill-Istati Membri ta' l-UE f'livell nazzjonali, reġjonali u lokali sabiex jiġu użati l-opportunitajiet ipprovduti mir-reviżjoni tad-Direttivi ta' Sejħat għall-Offerti Pubbliċi fl-2004 sabiex is-CSR tiġi appoġġjata billi jiġu promossi kriterji soċjali u ambjentali bejn fornituri potenzjali, filwaqt li tiġi rikonoxxuta l-ħtieġa li jiġu evitati piżijiet amministrattivi addizzjonali fuq intrapriżi żgħar li jistgħu jiskorraġuhom milli jitfgħu l-offerta u billi jiġu applikati klawsoli soċjali u ambjentali ll-kuntratti tagħhom, sabiex fejn huwa neċessarju jiskwalifikaw kumpaniji inklużi f'każijiet ta' korruzzjoni; jitlob lill-Kummissjoni, il-Bank Ewropew ta' Investiment u l-Bank Ewropew għar-Rikostruzzjoni u l-Iżvilupp sabiex japplikaw kriterji stretti soċjali u ambjentali għal kull għotja u self allokat lill-kumpaniji fis-settur privat, sostnuti minn mekkaniżmi ċari ta' lmenti billi jibnu fuq l-eżempju li jgħaqqad l-akkwist pubbliku u l-konformita' ta' Olanda ma' Konvenzjonijiet Ewlenin ta' l-ILO u Linji ta' Gwida ta' l-OECD għall- Intrapriżi Multinazzjonali fl-Olanda, u mal-konformita ta' diversi provinċji Taljani ma' l-istandard SA8000 CSR; ifakkar li l-Istati Membri għandhom jieħdu l-passi biex jassiguraw li kwalunkwe garanziji fuq kreditu għall-esportazzjoni jkunu konformi ma' l-ogħla kriterji soċjali u ambjentali u m'għandhomx jintużaw għal proġetti li jmorru kontra objettivi politiċi miftehma ta' l-UE dwar, per eżempju, l-enerġija u l-armamenti;

40.

Jilqa' l-impenji tal-Kummissjoni ripetuti fil-Komunikazzjoni tagħha dwar s-CSR li tappoġġja u tippromwovi s-CSR fl-oqsma kollha ta' l-attività tagħha u jitlob għal sforz kbir biex dawn l-impenji jissarrfu f'azzjonijiet konkreti fil-kategoriji kollha;

41.

Jemmen li d-dibattitu dwar s-CSR m'għandux jiġi separat mill-mistoqsijiet ta'l-obbliġu ta' impriżi li jagħtu kont, u li kwistjonijiet ta' l-impatt soċjali u ambjentali tan-negozju, ir-relazzjonijiet mal-partijiet interessati, il-protezzjoni tad-drittijiet tal-minorità ta'l-azzjonisti u d-dmirijiet tad-diretturi tal-kumpaniji f'dan irrigward għandhom jiġu integrati b'mod sħiħ fil-Pjan ta' Azzjoni tal-Governanza ta' l-Impriżi tal-Kummissjoni; jirrimarka li dawn il-kwistjonijiet għandhom jiffurmaw parti mid-dibattitu dwar is-CSR; jitlob il-Kummissjoni biex tikkunsidra dawn il-punti partikolari u biex tressaq proposti konkreti biex tindirizzahom;

42.

Jilqa' l-appoġġ finanzjarju dirett għall-inizjattivi tas-CSR mill-Kummissjoni, b'mod partikulari sabiex tiġi inkuraġġita l-innovazzjoni, biex jiġi permess l-involviment tal-partijiet interessati u jiġu assistiti gruppi ta' vittmi potenzjali f'konnessjoni ma' allegata prattika ħażina, inkluż il-corporate manslaughter; jinkoraġixxi lill- Kummissjoni biex tiżviluppa, b'mod partikolari, mekkaniżmi li jiżguraw li l-komunitajiet affetwati minn kumpaniji Ewropej huma intitolati għal proċess ta' ġustizzja ġust u accessibli; jenfasizza l-importanza tallinja tal-baġit ta' l-UE B3-4000 (entrata 04 03 03 01) għal proġetti pilota bħal dawk li jinvolvu l-impenn komunitarju ta' l-impjegat, fondi ipotekati biex jappoġġjaw is-CSR fi ħdan is-CIP, u għat-3 % tar-riċerka taxxjenza soċjali u umanistika li għandhom jingħataw għall-kummerċ fis-soċjetà taħt is-Seba' Programm ta' Qafas; jitlob għal sforzi ferm ikbar mill-Kummissjoni biex tappoġġja s-CSR fir-rigward ta' kumpaniji ta' l- EU li joperaw f'terzi pajjiżi permezz tal-programmi ta' assistenza esterna tagħha;

43.

Jilqa' l-impenn li l-edukazzjoni ssir waħda mit-tmien oqsma ta' prijorità ta' azzjoni, jitlob għal integrazzjoni akbar tas-CSR fil-programm Sokrates, il-provvista ta' firxa wiesgħa ta' materjali tas-CSR f'ċentru tar-riżorsi tat-tagħlim Ewropew tal-futur, u l-ħolqien ta' direttorju Ewropew ’online’ ta' skejjel tal-kummerċ u universitajiet dwar is-CSR u l-iżvilupp sostenibbli;

44.

Jinkoraġixxi inizjattivi f'livell ta' l-UE u ta' l-Istati Membri biex jitjieb it-tagħlim ta' immaniġġjar u produzzjoni responsabbli fl-iskejjel tal-kummerċ ta' l-Ewropa;

45.

Jirrimarka illi r-responsabilità soċjali u ambjentali tapplika għall-organizzazzjonijiet governattivi u non-governattivi, daqs kemm tapplika għall-kummerċ, u jitlob il-Kummissjoni biex twettaq l-impenn tagħha li tippubblika rapport annwali dwar l-impatt soċjali u ambjentali ta' l-attivitajiet diretti tagħha, kif ukoll li tiżviluppa politiki biex tinkoraġixxi l-persunal ta' l-istituzzjonijiet ta' l-UE biex jieħu impenn volontarju komunitarju;

46.

Jikkonsidra li, bħala parti mis-CSR, il-kumpaniji jistgħu jisponsorjaw attivitajiet kulturali u edukattivi li joffruvalur miżjud lill-politiki Ewropej fil-qasam tal-kultura u t-tagħlim matul il-ħajja kollha;

47.

Jistieden lill-Kummissjoni sabiex tintegra bis-sħiħ is-CSR fil-politiki tal-kummerċ, filwaqt li tirrispetta r-regoli tad-WTO u ma toħloqx barrieri kummerċjali billi tfittex li tintroduċi dispożizzjonijiet fil-ftehimiet bilaterali, reġjonali jew multilaterali u torbot l-artikoli b'konformità ma' l-Istandards tas-CSR miftiehma internazzjonalment bħalma huma l-Linji Gwida ta' l-OECD għall-Intrapriżi Multinazzjonali, id-Dikjarazzjoni bejn it-Tliet Partijiet tal-ILO u l-Prinċipji ta' Rio, kif ukoll riserva tal-poteri regolatorji dwar kwistjonijiet ta' drittijiet tal-bniedem, responsabilità soċjali u ambjentali; jilqa' l-appoġġ mogħti lil dawn l-objettivi fil-Komunikazzjoni tal-Kummissjoni dwar xogħol diċenti; jirrepeti t-talba tiegħu għad-Delegazzjonijiet tal-Kummissjoni fil-pajjiżi terzi, li jaħdmu fi ħdan il-kompetenza tagħhom, sabiex jippromwovu u jaġixxu bħala punti ta' kuntatt fir-rigward tal-Linji Gwida ta' l-OECD; jitlob lill-Kummissjoni u lill-Istati Membri biex itejbu t-tħaddim tal-Punti ta' Kuntatt Nazzjonali (NCPs) b'mod partikolari meta jirrigwardjaw mumenti speċifiċi dwar allegati vjolazzjonijiet matul operazzjonijiet u ktajjen ta' provvisti ta' kumpaniji Ewropej madwar id-dinja;

48.

Jinnota l-kontribuzzjoni magħmula mill-moviment internazzjonali tal-kummerċ ġust biex ipoġġi fuq quddiem prattiki ta' negozju responsabbli għal sittin sena u jipprova li prattiki bħal dawn huma vijabbli u sostenibbli tul il-katina tal-provvisti; jitlob il-Kummissjoni biex tikkunsidra l-esperjenza tal-moviment talkummerċ ġust u biex tesplora b'mod sistematiku kif din l-esperjenza tista' tintuża fil-kuntest tas-CSR;

49.

Jitlob il-Kummissjoni biex tassigura illi kumpaniji transnazzjonali bbażati fl-UE b'faċilitajiet ta' produzzjoni f'terzi pajjiżi, b'mod partikolari dawk li jipparteċipaw fl-iskema GSP+, jimxu ma' l-istandards ewlenin ta' l-ILO, il-konvenzjonijiet soċjali u ambjentali u l-ftehim internazzjonali biex jintlaħaq bilanċ mad-dinja kollha bejn it-tkabbir ekonomiku u standards ogħla soċjali u ambjentali;

50.

Jilqa' l-impenn tal-Kunsens Ewropew għall-Iżvilupp sabiex tiġi appoġġjata s-CSR bħala azzjoni ta' prijorità; jitlob azzjoni prattika Direttorat Generali tal-Kummissjoni għall-Iżvilupp biex jilgħab irwol importanti fid-dibattitu, biex jeżamina l-kundizzjonijiet tax-xogħol u l-kundizzjonijiet biex jintużaw riżorsi naturali fid-dinja li qed tiżviluppa, biex taħdem ma' intrapriżi domestiċi kif ukoll l-operazzjonijiet barranin tal-kumpaniji ta' l-UE, intrapriżi sub-kuntratturi u l-partijiet interessati fihom, biex jiffaċċjaw l-abbuż u l-prattika ħażina fi ktajjen ta' provvisti, biex jikkumbattu l-faqar u biex joħolqu tkabbir ġust;

51.

Jissuġġerixxi li l-Kummissjoni timmira lejn il-parteċipazzjoni tan-negozji żgħar u ta'daqs medju fis- CSR permezz ta' ħidma konġunta ma' entitajiet intermedjarji, billi toffri appoġġ speċifiku għall-parteċipazzjoni ta' koperattivi u intrapriżi soċjali ekonomiċi permezz ta' l-assoċjazzjonijiet speċjalisti tagħhom, l-użu tan-network taċ-Ċentri ta' l-Informazzjoni Ewropea sabiex jiġu promossi direttament l-inizjattivi tas-CSR u tikkunsidra l-ħatra t'invjat tas-CSR simili għall-Invjat ta'l-SMEs fid-Direttorat Generali tal-Kummissjoni għall- Intrapriża;

52.

Jirrakkomanda li l-Kummissjoni tmexxi studju fid-dettal madwar l-Ewropa kollha dwar il-modi differenti li bihom l-SMEs jistgħu jipparteċipaw fis-CSR u dwar l-inċentivi għalihom biex jaddottaw il-prinċipji tas-CSR fuq bażi volontarja individwali, u li titgħallem il-lezzjonijiet it-tajbin mill-esperjenza miksuba u millprattika tajba f'dan il-qasam;

53.

Jilqa' l-impenn tal-Komunikazzjoni tal-Kummissjoni dwar is-CSR sabiex jissaħħaħ l-irwol ta' l-impjegati u tat-trade unions tagħhom fis-CSR u jtenni t-talba tiegħu lill-Kummissjoni u lill-imsieħba soċjali sabiex jibnu fuq in-negozjati lki jirnexxu ta' 50 Qafas ta' Ftehimiet Internazzjonali u 30 Qafas ta' Ftehimiet Ewropej fir-rigward ta' l-istandards prinċipali tax-xogħol għall-kumpaniji individwali jew għas-setturi bħala approċċ wieħed biex tiġi -żviluppata r-responsabilità ta' l-intrapriżi fl-Ewropa u fid-dinja; jirreferi għall-kunsilli Ewropej tax-xogħolijiet li huma adattati partikolarment għall-promozzjoni tas-CSR u, b'mod partikolari, biexjavvanzaw id-drittijiet fundamentali tal-ħaddiema fil-kumpaniji multinazzjonali;

54.

Jisħaq fuq l-importanza ta' l-irwol ta' l-isħab soċjali fil-promozzjoni ta' l-impjegar tan-nisa u fil-ġlieda kontra d-diskriminazzjoni; jinkuraġġixxi l-isħab soċjali biex jieħdu inizjattivi, fi ħdan qafas ta' CSR, sabiex iħeġġu parteċipazzjoni akbar min-nisa fil-bordijiet tal-kumpaniji, f'kunsilli għax-xogħlijiet u f'korpi ta' djalogu soċjali;

55.

Jirrakkomanda li r-riċerka futura tas-CSR tmur lil hinn mis-sempliċi ’każ ta' negozju’ għas-CSR, biex tiffoka fuq ir-rabta bejn il-kompetittività u l-iżvilupp sostenibbli, fil-livell makro (l-UE u l-Istati Membri) illivell meso (setturi industrijali u ktajjen ta' provvisti) u l-livell mikro (SMEs), u l-interrelazzjoni bejniethom, kif ukoll l-impatt ta' l-inizjattivi tas-CSR preżenti u l-vjolazzjonijiet possibli tal-prinċipji CSR; jappoġġja lirwol ewlieni ta'l-Akkademja Ewropea tan-Negozju fis-Soċjetà f'dan ir-rigward; jistieden lill-Kummissjoni tippubblika l-'Istat Annwali tas-CSR' awtorevoli, imfassal b'koperazzjoni ma' esperti u riċerkaturi indipendenti li jqabblu l-informazzjoni eżistenti, u jiddeskrivu xejriet ġodda u jipprovdu rakkomandazzjonijiet għallazzjonijiet futuri;

56.

Jemmen li l-impatt potenzjali tal-politiki tas-CSR jibqa' l-akbar fir-rigward tal-ktajjen globali ta' provvista tal-kumpaniji, sabiex jippermettu l-investiment responsabbli mill-kumpaniji biex jassistu l-ġlieda kontra l-faqar fil-pajjiżi li qegħdin jiżviluppaw, sabiex jippromwovu kundizzjonijiet deċenti tax-xogħol, sabiex jappoġġjaw il-kummerċ ġust u l-governanza tajba, kif ukoll li jitnaqqsu l-inċidenzi ta' ksur ta' standards internazzjonali, inklużi standards tax-xogħol, minn korporazzjonijiet fil-pajjiżi fejn ir-reġimi regolatorji huma dgħajfin jew ma jeżistux;

57.

Jistieden lill-Kummissjoni twettaq riċerka speċifika fuq l-impatt tal-politiki tas-CSR u biex tressaq proposti biex jiżdied l-investiment responsabbli mill-kumpaniji u r-responsabilità tagħhom;

58.

Jirrikonoxxi illi numru ta' inizjattivi internazzjonali tas-CSR huma iktar fil-fond u laħqu maturità ġdida, inkluż il-pubblikazzjoni reċenti tal-Linji Gwida ’G3’ mill-Inizjattiva Globali għas-Sostenibilita' u għar- Rappurtar, it-tneħħija ta' 200 kumpanija mill-Patt Globali tan-NU u l-ħatra ta' Rappreżentant Speċjali tas- Segretarju Ġenerali tan-NU għan-negozju u d-drittijiet tal-bniedem;

59.

Jesprimi d-diżappunt li l-Kummissjoni ma tatx prijorità akbar lill-promozzjoni ta' l-inizjattivi globali fil-komunikazzjoni tagħha dwar is-CSR, u jistieden lill-Kummissjoni fil-ħidma tagħha ma' l-Istati Membri u mal-partijiet interessati sabiex it-tnejn jiżviluppaw viżjoni strateġika u biex jikkontribwixxu għall-iżvilupp ta' l-inizjattivi tas-CSR fil-livell globali, kif ukoll bħala sforz kbir sabiex tiżdied b'mod sinifikattiv il-parteċipazzjoni f'inizjattivi bħal dawn mill-kumpaniji ta' l-UE;

60.

Jistieden lill-Istati Membri u lill-Kummissjoni biex jappoġġjaw u jippromwovu r-rispett lejn l-istandards bażiċi ta' l-ILO bħala fattur fis-CSR fl-oqsma li joperaw fihom;

61.

Jemmen li d-dimensjoni internazzjonali tas-CSR għandha tkun ta' stimolu għal linji gwida biex jitfasslu b'mod li jippromwovu l-iżvilupp ta' politiki ta' dan it-tip madwar id-dinja;

62.

Jistieden lill-Kummissjoni, fil-ħidma tagħha ma' msieħba oħra relevanti, sabiex torganizza inizjattiva internazzjonali ewlenija fl-2007 sabiex tiċċelebra l-ħames anniversarju ta' l-impenn miftiehem fil-Laqgħa Għolja Dinjija għall-Iżvilupp Sostenibbli sabiex timpenja ruħha f'inizjattivi intergovernattivi fil-qasam tarobbligu ta' l-impriżi li jagħtu kont;

63.

Jistieden lill-Kummissjoni sabiex tibni fuq is-suċċess tad-djalogu transatlantiku bejn l-impriżi dwar is- CSR li sar fis-snin disgħin, billi torganizza eżerċizzju simili bejn l-UE u l-Ġappun;

64.

Jinkoraġixxi iktar żvilupp fl-inizjattivi internazzjonali għal trasparenza sħiħa rigward d-dħul millkumpaniji Ewropej fl-attivitajiet tagħhom f' terzi pajjiżi, biex jagħtu rispett sħiħ lid-drittijiet tal-bniedem floperazzjonijiet f'żoni ta' kunflitt u li jirrifjutaw ’lobbying’ inkluż ’ftehimiet mill-pajjiż li jospita’ li jkunu magħmula minn kumpaniji biex idgħajfu jew jevadu r-rekwiżiti regolatorji f'pajjiżi bħal dawn;

65.

Jistieden lill-Kummissjoni u l-Istati Membri biex jikkontribwixxu għall-appoġġ u t-tisħiħ tal-Linji Gwida ta' l-OECD għal-Intrapriżi Multinazzjonali, b'mod partikolari billi jmexxu reviżjoni dwar l-effettività ta'l-NCPs Ewropej u l-irwol tagħhom fil-medjazzjoni effettiva bejn il-partijiet interessati fir-riżoluzzjoni talkunflitti; jitlob għall-iżvilupp ta' mudell għall-NCPs Ewropej li jinkludi l-aħjar prattika fil-formazzjoni istituzzjonali, fil-visibilità, fl-aċċessibilità għall-partijiet kollha interessati u fl-immaniġġjar ta' l-ilmenti; jitlob għal interpretazzjoni wiesgħa tad-definizzjoni ta' l-investiment fl-applikazzjoni tal-Linji Gwida ta' l-OECD biex jiżgura li kwistjonijiet ta' katina ta' provvista jiġu koperti bil-proċeduri ta' l-implimentazzjoni;

66.

Jitlob l-appoġġ għall-iżvilupp ta' l-Inizjattiva Globali tar-Rappurtar billi jistieden kumpaniji ta' l-UE biex jipparteċipaw f'approċċi settorali ġodda li jkopru oqsma bħall-kostruzzjoni, il-kimiċi u l-agrikoltura; biex tinħoloq riċerka dwar il-parteċipazzjoni ta' l-SMEs, biex ikun jista' jsir xogħol li jilħaq lil pajjiżi oħra b'mod partikolari pajjiżi fl-Ewropa ċentrali u tal-lvant, u biex jiġu żviluppati indiċi ta' sostenibbilità flimkien ma' swieq ta' ishma fi swieq emerġenti;

67.

Jitlob il-Kummissjoni biex fi ftehimiet futuri ta' koperazzjoni ma' pajjiżi li għadhom jiżviluppaw tinkludi kapitoli dwar ir-riċerka, il-monitoraġġ u l-għajnuna biex tirrimedja l-problemi soċjali, umani u ambjentali f'operazzjonijiet u fil-katina ta' provvista ta' kumpaniji bbażati fl-UE f'pajjiżi terzi;

68.

Jilqa' fil-prinċipju d-diskussjonijiet li qed isiru mill-Organizzazzjoni Internazzjonali ta' l-Istandards dwar il-ħarsien ta' standard ta' responsabilità soċali u jistieden lir-rappreżentanza Ewropea biex tiżgura li kull riżultat ikun konstitenti ma' standards u ftehimiet internazzjonali, u bl-opportunità li jiġu żviluppati metodi paralleli ta' evalwazzjoni esterna u ċertifikazzjoni;

69.

Jagħti istruzzjonijiet lill-President tiegħu biex iressaq din ir-riżoluzzjoni lill-Kunsill, lill-Kummissjoni u lil istituzzjonjiet u organizzazzjonijiet imsemmija fiha.

—

wara li kkunsidra l-komunikazzjoni tal-Kummissjoni bl-isem “Il-Pjan Direzzjonali għall-ugwaljanza bejn in-nisa u l-irġiel 2006-2010” (COM(2006)0092),

—

wara li kkunsidra d-deċiżjoni tal-Kunsill 2001/51/KE ta' l-20 ta' Diċembru 2000 li tistabbilixxi Programm dwar l-Istrateġija Qafas tal-Kommunita' rigward l-ugwaljanza bejn s-sessi (2001-2005) (1), kif ukoll il-pożizzjoni tal-Parlament tal-15 ta' Novembru 2000 (2) fuq l-istess suġġett,

—

wara li kkunsidra l-istrumenti legali tan-Nazzjonijiet Uniti fil-qasam tad-drittijiet tal-bniedem, u b'mod speċjali tad-drittijiet tan-nisa, u partikularment il-Konvenzjoni dwar l-eliminazzjoni ta' Kull Forma ta' Diskriminazzjoni kontra n-Nisa (CEDAW), kif ukoll l-istrumenti l-oħra tan-NU rigward il-vjolenza kontra n-nisa, bħad-Dikjarazzjoni u l-Programm ta' Azzjoni ta' Vjenna adottat mill-Konferenza Dinjija dwar id-Drittijiet tal-Bniedem, fi Vienna, fl-14-25 ta' Ġunju 1993, u r-Riżoluzzjoni dwar l-eliminazzjoni talvjolenza fuq in-nisa ta' l-20 ta' Diċembru 1993 (3), ir-Riżoluzzjoni dwar l-eliminazzjoni tal-vjolenza domestika fuq in-nisa tad-19 ta' Frar 2004 (4), ir-Riżoluzzjoni dwar miżuri li għandhom jittieħdu biex jiġu evitati delitti ta' l-unur li jsiru fuq in-nisa tal-20 ta' Diċembru 2004 (5), ir-Riżoluzzjoni dwar miżuri rigward il-prevenzjoni ta' delitti u dwar il-liġi penali biex tiġi evitata l-vjolenza kontra n-nisa tat-2 ta' Frar 1998 (6),

—

wara li kkunsidra d-Dikjarazzjoni ta' Beijing u l-Pjattaforma għall-Azzjoni adottat waqt ir-Raba' Konferenza Dinjija dwar in-Nisa fil-15 ta' Settembru 1995, kif ukoll ir-riżoluzzjonijiet tal-Parlament Ewropew tat-18 ta' Mejju 2000 dwar is-segwitu għall-Pjattaforma għall-Azzjoni ta' Beijing (7) u ta' l-10 ta' Marzu 2005 dwar is-segwitu għar-Raba' Konferenza dinjija dwar in-Nisa — Pjattaforma għall-Azzjoni (Beijing +10) (8),

—

wara li kkunisdra r-rapport tas-Segretarju Generali tan-NU tas-6 ta' Lulju 2006 intitolat:“Studju Dettaljat dwar il-forom kollha ta' vjolenza kontra n-nisa” (9),

—

wara li kkunsidra r-rapport finali ta' Marzu 2005 tad-49 sessjoni tal-Kummissjoni dwar l-Istatus tan- Nisa tan-NU, ,

—

wara li kkunsidra l-Protokoll tal-Karta Afrikana dwar d-drittijiet Umani u d-drittijiet tal-Ġnus dwar id- Drittijiet tan-Nisa fl-Afrika, magħruf bħala “Il-Protokoll ta' Maputo”, li daħal fis-seħħ fis-25 ta' Novembru 2005 u li jipprojbixxi b'mod partikulari kull forma ta' mutilizzjoni ġenitali,

—

wara li kkunsidra r-Riżoluzzjoni 1325 tal-31 ta' Ottubru 2000 tal-Kunsill tas-Sigurtà tan-NU dwar innisa, il-paċi u s-sigurtà (10), li jħeġġeġ involviment akbar tan-nisa fil-prevenzjoni ta' konflitti armati u lkisba tal-paċi,

—

wara li kkunsidra r-rapport ta' Mejju 2003 tal-Kumitat Konsultattiv tal-Kummissjoni dwar Opportunitajiet Indaqs għall-Irgiel u n-Nisa rigward l-integrazzjoni tad-dimensjoni tal-ġeneru fil-baġits,

—

wara li kkunsidra l-konklużżjonijiet tal-Presidenza tal-Kunsill Ewropew Straodinarju a' Liżbona tat-23 u l-24 ta' Marzu 2000, il-Kunsill Ewropew tas-Stokkolma tat-23 u l-24 ta' Marzu 2001, il-Kunsill Ewropew ta' Barċellona tal-15 u s-16 ta' Marzu 2002, u l-Kunsilli Ewropej ta' Brussell ta' l-20 u l-21 ta' Marzu 2003 u tal-25 u s-26 ta' Marzu 2004,

—

wara li kkunsidra d-Deċiżjoni tal-Kunsill Nru 2005/600/CE tat-12 ta' Lulju 2005 rigward Linji Gwida għall-Politiki għall-Impjiegi ta' l-Istati Membri (11),

—

wara li kkunsidra r-riżoluzzjoni tad-19 ta' Jannar 2006 dwar il-futur ta' l-Istrateġija ta' Liżbona rigwardmill- perspettiva tal-ġeneru (12),

—

wara li kkunsidra r-riżoluzzjoni tiegħu tad-9 ta' Marzu 2004 dwar il-ksib ta' bilanċ aħjar bejn il-ħajja professjonali, il-ħajja privata u l-ħajja tal-familja (13),

—

wara li kkunsidra r-riżoluzzjoni tiegħu tal-11 ta' Frar 2004 dwar l-użu tal-ħin tax-xogħol (Emenda għad-direttiva 93/104/KE) (14),

—

wara li kkunsidra r-riżoluzzjoni tal-Parlament Ewropew tat-2 ta' Frar 2006 dwar is-sitwazzjoni attwali tal-ġlieda kontra l-vjolenza fuq in-nisa u kwalunkwe attività fil-futur (15),

—

wara li kkunsidra r-riżoluzzjoni tiegħu tas-17 ta' Jannar 2006 dwar l-istrateġiji għall-prevenzjoni tattraffikar ta' nisa u tfal u l-vulnerabilità tagħhom għall-esplojtazzjoni sesswali (16),

—

wara l-kkunsidra r-riżoluzzjoni tiegħu ta' l-24 ta' Ottubru 2006 dwar l-immigrazzjoni tan-nisa: l-irwol u l-post in-nisa migranti fl-Unjoni Ewropea (17),

—

wara li kkunsidra d-Dikjarazzjoni Ministerjali tal-Konferenza tal-Ministri inkarigata mill-ugwaljanza bejn in-nisa u l-irġiel ta' l-4 ta' Frar 2005 fil-Lussemburgu,

—

wara li kkunsidra l-Patt Ewropew għall-Ugwaljanza bejn il-Ġeneri, adottat mill-Kunsill Ewropew fit-23 u l-24 ta' Marzu 2006,

—

wara li kkunsidra l-Pjan Direzzjonali għall-Ugwaljanza bejn il-Ġeneri, 2005-2015 adottat mill-Commonwealth,

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għad-Drittijiet tan-Nisa u l-Ugwaljanza bejn is-Sessi u l-opinjonijiet tal-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Industriji, ir-Riċerka u l-Enerġija u l-Kumitat għall-Libertajiet Ċivili, il-Ġustizzja u l-Affarijiet Interni (A6-0033/2007),

A.

billi d-Dikjarazzjoni ta' Vienna, adottata fil-25 ta' Ġunju 1993 mill-Konferenza tan-Nazzjonijiet Uniti dwar id-Drittijiet tal-Bniedem tistqarr li 'id-drittijiet tal-bniedem għan-nisa u għal-bniet huma parti inaljenabbli, integrali u indiviżibbli mid-drittijiet universali tal-bniedem', u billi l-ugwaljanza bejn l-irġiel u n-nisa huwa dritt u prinċipju fundamentali ta' l-UE, rikonoxxut mit-Trattat ta' l-Unjoni Ewropea u mill- Karta tad-Drittijiet Fundamentali ta' l-Unjoni Ewropea; billi minkejja l-progress notevoli li sar f'dan ilqasam għad baqa' bosta inugwaljanzi bejn l-irġiel u n-nisa.

B.

billi l-vjolenza kontra n-nisa tikkostitwixxi l-ksur l-aktar mifrux tad-drittijiet tal-bniedem, mingħajr distinzjoni ġeografika, ekonomika jew soċjali, u billi minkejja l-isforzi magħmula fil-livell nazzjonali, komunitarju u internazzjonali, in-numru ta' vittmi nisa ta' vjolenza huwa allarmanti (18),

C.

billi jikkonsidra li t-terminu “vjolenza kontra n-nisa” għandu jiġi ntiż li jinkludu l-atti kollha ta' vjolenza ibbażata fuq l-generu, li jirriżultaw, jew li probabilment jirriżultaw fi ħsara jew tbatija għan-nisa, li tista tkun fiżika, sesswali jew psikoloġika, inkluż it-theddid ta' atti bħal dawn, użu ta' forza, jew iċ-ċaħda arbitrarja tal-libertà, kemm jekk dan isir fil-ħajja pubblika, kemm jekk fil-ħajja privata,

D.

billi l-periklu tal-faqar jaffettwa aktar lin-nisa, inklużi n-nisa li jaħdmu (19), u partikularment lil nisa ta' ċertu eta', nisa li jmexxu familji b'ġenitur wieħed, tfajliet ta' bejn it-tlittax u dsatax-il sena li huma wkoll ommijiet, u nisa li jaħdmu f'negozji tal-familja, minħabba diskriminazzjoni sesswali u nuqqas ta' ugwaljanza rigward taħriġ, servizzi personali, aċċess għall-impjiegi, responsabbiltajiet tal-familja, drittijiet għall-pensjoni u salvagwadji legali fil-każ ta' separazzjoni jew divorzju, speċjalment fejn jintlaqtu nisa li huma ekonomikament dipendenti,

E.

E billi t-totalità tal-prinċipji u l-valuri kulturali u soċjali li fuqhom hija msejsa l-UE u l-Istati Membri tagħha, bħalma huma r-rispett għad-drittijiet tal-bniedem, id-dinjità tal-persuna umana, l-ugwaljanza, iddjalogu, is-solidrjetà u l-parteċipazzjoni hija wirt li jgawdu minnu ċ-ċittadini u r-residenti kollha ta' l- Unjoni, u li l-assimilazzjoni tiegħu hija prijorità għall-Unjoni Ewropea u fattur li tikkontribwixxi għallemanċipazzjoni u l-integrazzjoni, speċjalment għal nisa u bniet li huma iżolati minħabba lingwa, kultura jew ostakli reliġjużi,

F.

billi għandha tingħata aktar konsidrazzjoni għal-integrazzjoni tad-dimensjoni dwar għarfien tad-differenzi bejn is-sessi fil-baġits nazzjonali sabiex ikun hemm governanza effikaċi tal-politiki għall-ugwaljanza ta' opportunitajiet, u billi li l-kompetenzi u l-esperjenza xierqa f'livell Ewropew, nazzjonali jew reġjunali jkun jista' jippermetti l-applikazzjoni tagħha minn issa fil-baġit u fil-programmi komunitarji, sa mill-fażijiet ta' tfassil, ta' implimentazzjoni u ta' evalwazzjoni (20),

G.

billi jikkonsidra li l-Artikolu 3 (2), 13 u 152 tat-Trattat jiddiskribu l-irwol tal-Komunità fit-twettiq ta' lugwaljanza bejn is-sessi fil-politiki ta' ħarsien tas-saħħa tal-bniedem,

H.

billi biex jintlaħqu l-miri ta' Liżbona rigward l-impjiegi għan-nisa jkun meħtieġ li tittieħed aktar azzjoni skond il-metodu miftuħ tal-koordinazzjoni, ibbażat fuq prattiki ezistenti tajbin fil-livell nazzjonali u reġjunali b'rikonoxximent tal-fatt li politiki ta' taħriġ u aċċess għall-impjieġi, politiki għal bilanċ bejn ħajja u xogħol, servizzi, u l-promozzjoni tal-parteċipazzjoni tan-nisa fit-teħid tad-deċiżjonijiet huma ħoloq ta' relazzjoni interdipendenti; billi f'din il-perspettiva għandu jsir sforz partikulari biex tiġi żgurata l-koeżjoni soċjoekonomika sabiex tingħeleb il-firda diġitali bejn il-ġeneri u sabiex jippromwovi l-irwol tan-nisa fix-xjenza,

I.

billi jikkonsidra li minkejja l-leġiżlazzjoni komunitarja u d-dispożizzjonijiet nazzjonali rigward l-ugwaljanza fil-pagi, tippersiti d-differenza kbira bejn il-pagi tan-nisa u ta' l-irġiel billi n-nisa fl-UE bħala medja jaqilgħu 15 % anqas mill-irġiel, differenza li qed tonqos ħafna aktar bil-mod minn dik li hemm bejn irrati ta' impjieġi bejn l-irġiel u n-nisa,

J.

billi n-nisa għandhom ħafna drabi dritt għal pensjonijiet iżgħar mill-irġiel, kemm minħabba li l-pagi li jaqilgħu huma anqas, kemm minħabba l-fatt li l-karrieri professjonjali tagħhom huma aqsar u jisfaw interrotti minħabba obbligi tal-familja akbar,

K.

K billi jikkonsidra li politiku għall-ksib ta' bilanċ bejn l-ħajja tal-familja u l-ħajja tax-xogħol għandhom ikunu mmirati kemm għan-nisa, kif ukoll għall-irġiel u li għalhekk dawn jeħtiġilhom approċċ globali li jagħti każ tad-diskriminazzjoni kontra n-nisa u jħares lejn il-ġenerazzjonijiet li tilgħin u jikkonsidrahom bħala ta' benefiċċju għas-soċjetà ġenerali kollha,

L.

L billi minkejja li n-nisa jirrapreżentaw 52 % tal-popolazzjoni Ewropea, dan il-proporzjon m'hux rifless fl-aċċess għal u fil-parteċipazzjoni f'pożizzjonijiet tal-poter; billi r-rappreżentanza tas-soċjetà kollha kemm hi huwa element li jsaħħaħ il-goveranza u l-pertinenza tal-politiki vis à vis l-aspettativi tal-pubbliku u billi, barra minn hekk, tezisti wkoll għażla ta' soluzzjonijiet fil-livell nazzjonali (liġijiet, ftehim u inizjattivi privati) biex tiġi konkretizzata r-rappreżentanza tan-nisa fiċ-ċentri fejn jittieħdu d-deċiżjonijiet,

M.

billi l-qafas strateġiku “i2010” (is-Soċjetà ta' l-Informatika Ewropea għat-Tkabbir u għall-Impjiegi 2010) propost mill-komunikazzjoni tal-Kummissjoni (COM(2005)0229) jimmira fost affarijiet oħra għat-titjib fil-kwalità tal-ħajja billi tippermetti l-parteċipazzjoni ta' kulħadd fis-soċjeta' ta' l-informatika,

1.

Jinnota d-determinazzjoni tal-Kummissjoni li ssegwi l-istrateġija għal opportunitajiet indaqs fuq bażi multi-annwali, billi dan jgħin fit-twettiq ta' strateġija mifruxa fuq perjodu twil ta' żmien għall-promozzjoni ta' l-ugwaljanza fil-livell Ewropew, iżda jiġbed l-attenzjoni għall-fatt li l-Pjan Direzzjonali jonqos milli jispeċifika r-responsabbiltajiet tal-Kummissjoni u ta' l-Istati Membri rigward l-implimentazzjoni u l-informazzjoni għaċ-ċittadini, jew rigward fondi li se jiġu allokati biex jiġu implimentati r-rakkomandazzjonijiet,

2.

Jagħraf li l-promozzjoni ta' l-ugwaljanza ta' opportunitajiet teħtieġ approċċ doppju għaliex l-ugwaljanza trid tiġi integrata fil-politiki kollha waqt li fl-istess ħin tkun qed issir promozzjoni ta' l-ugwaljanza permezz ta' miżuri speċifiċi;

3.

Jitlob lill-Kummissjoni sabiex tfassal qafas ġenerali għall-evalwazzjoni tal-politiki u l-programmi biex jippromwovu l-ugwaljanza bejn is-sessi li jinkludi l-politiki nazzjonali li jirriżultaw minnhom; jitlob b'mod partikolari li ssir evalwazzjoni bir-reqqa tal-qafas ta' strateġija tal-Komunità għall-ugwaljanza bejn is-sessi (2001-2005) (21) u biex issir analiżi ta' l-implimentazzjoni tad-direttivi dwar opportunitajiet indaqs, b'mod speċjali d-Direttivi 86/613/KEE (22), 89/391/KEE (23) 92/85/KEE (24) u 2003/41/KE (25) bl-iskop li jiġi stabbilit, permezz ta' data u statistika affidabbli, programmazzjoni koerenti, l-implimentazzjoni, il-monitoraġġ u levalwazzjoni tal-Pjan Direzzjonali; jemmen, li biex jintlaħaq dan il-għan, li l-Istitut Ewropew għall-Ugwaljanza bejn is-Sessi jeħtieġ li jiġi mwaqqaf kemm jista' jkun malajr sabiex jippermetti l-monteraġġ kontinwu tal-progress taħt tal-Pjan Direzzjonali.

4.

Jitlob lill-Kummissjoni biex tittratta l-politiki rigward ugwaljanza bejn is-sessi, mhux biss bħala prijorità ta' l-UE, imma wkoll u fuq kollox, bħala rekwiżit indispensabbli għar-rispett tad-drittijiet ta' l-individwu; jikkonsidra li approċċ bħal dan għandu jwassal għal sforz biex jiġu koordinati u msaħħa miżuri Ewropej u nazzjonali għal protezzjoni bil-liġi tan-nisa u tat-tfal, u b'mod partikulari:

u jitlob lill-Kummissjoni sabiex:

u jistieden lill-Istati Membri sabiex:

5.

Jitlob lill-Istati Membri li għadhom m'għamlux dan, biex jirrattifikaw mingħajr aktar dewmien, il-Protokoll dwar il-Prevenzjoni, is-Suppressjoni u l-Ikkastigar tat-Traffikar tal-Bnedmin, speċjalment nisa u tfal, li jissuplimenta l-Konvenzjoni tan-NU kontra l-Kriminalità Transnazzjonali Organizzata (“il-protokolli ta' Palermo”) kif ukoll il-Konvenzjoni tal-Kunsill ta' l-Ewropa dwar il-Glieda kontra t-Traffikar tal-Bnedmin, u biex jimplimentaw id-Direttiva 2004/81/KE tal-Kunsill tad-29 ta' April 2004 dwar il-permess ta' residenza maħruġ lil ċittadini ta' pajjiżi terzi li huma vittmi tat-traffikar fi bnedmin jew li kienu s-suġġett ta' azzjoni għall-faċilitazzjoni ta' immigrazzjoni illegali, li jikkoperaw ma' l-awtoritajiet kompetenti (26),

6.

Jikkonsidra li fin-neguzjati għas-sħubija tal-pajjiżi kandidati r-rispett għad-drittijiet tan-nisa hija eżigenza fundamentali daqs kemm hi għad-drittijiet l-oħra tal-bniedem; jitlob għalhekk lill-Kummissjoni biex tikkontrolla u tikkomunika lill-Parlament Ewropew u lill-Kunsill tagħrif dwar atti ta' diskriminazzjoni u ta' vjolenza bħal dawn li jisfaw vittmi tagħhom in-nisa f'dawn il-pajjiżi u biex tħeġġeġ attivament il-parteċipazzjoni tal-pajjiżi li sejrin jissieħbu fil-programmi komunitarji PROGRESS u DAPHNE;

7.

Jenfasizza li r-rispett għad-drittijiet tan-nisa għandu jkun kundizzjoni essenzjali tal-politika għall-viċinat Ewropew, il-politika barannija u dik għall-iżvilupp, u f'dan ir-rigward:

8.

Jitlob lill-Kummissjoni biex tieħu miżuri li jiggarrantixxu lin-nisa d-drittijiet tagħhom għas-saħħa, inkluża s-saħħa sesswali u s-saħħa riproduttiva; jerġa' jisħaq li hu essenzjali, b'mod partikulari fil-ġlieda kontra l-HIV/AIDS, li jitkabbar l-aċċess għal informazzjoni dwar is-saħħa sesswali u riproduttiva, kif ukoll dwar is-servizzi tas-saħħa;

9.

Jagħraf li l-bniet huma vulnerabbli b'mod partikulari għall-vjolenza u għad-diskriminazzjoni u jitlob li jsiru sforzi akbar biex jipproteġu l-bniet minn kull għamla ta' vjolenza, inkluż l-istupru, l-esplojtazzjoni sesswali u l-ingaġġ ta' bilfors fl-armati, u sabiex jiġu inkuraġġuti politiki u programmi biex jippromwovu lprotezzjoni tad-drittijiet ta' bniet f'sitwazzjonijiet ta' konflitt u ta' wara l-konflitt;

10.

Jitlob li l-Kummissjoni tirrispetta l-impenn li ħadet li tippreżenta komunikazzjoni dwar “Viżjoni Ewropea dwar l-Ugwaljanza bejn l-Irġiel u n-Nisa fil-Kooperazzjoni dwar l-Iżvilupp”;

11.

Jitlob li l-Kummissjoni tiżgura l-koordinazzjoni bejn l-UE u n-NU dwar politiki għal opportunitajiet indaqs u d-drittijiet tal-bniet; jisħaq fuq l-importanza li tiġi promozza koperazzjoni mill-qrib ma' istituzzjonijiet Ewropej u internazzjonali, reġjunali u/jew bilaterali, inklużi entitajiet fi ħdan in-NU, sabiex jiġu armonizzati approċċi rigward ġeneru fl-oqsma ta' l-għajnuna umanitarja u l-kooperazzjoni għall-iżvilupp, b'mod speċjali billi tissaħħaħ ir-rabta bejn il-Pjattaforma għall-Azzjoni ta' Peking u l-Programm ta'Azzjoni tal-Kajr, iċ-CEDAW u l-protokoll mhux obligatorju tagħha, u l-MDGs;

12.

Jitlob lill-Kummissjoni biex tassigura li, l-politiki għall-Afrika u għall-istrateġiji nazzjonali għall-iżvilupp tal-pajjiżi Afrikani, jippromwovu r-ratifika u l-implimentazzjoni tal-Protokoll ta' Maputo mill-pajjiżi Afrikani kollha, waqt li tingħata attenzjoni parikulari għall-Artikolu 5 li jikkundanna u jipprojbixxi kull forma ta' mutilazzjoni ġenitali;

13.

Jilqa' b'sodisfazzjon l-impenn li ħadet il-Kummissjoni li tippromwovi l-implimentazzjoni tar-Riżoluzzjoni 1325 tal-Kunsill tas-Sigurtà tan-NU, msemmija hawn fuq, u li tfassal il-linji gwida għall-integrazzjoni tad-dimensjoni tal-ġeneru fl-attivitajiet għat-taħriġ ta' l-immaniġġjar tal-kriżijiet;

14.

Jitlob lill-Istati Membri u lill-Kummissjoni biex jadottaw inizjattivi konkreti għall-emanċipazzjoni u lintegrazzjoni ekonomika u soċjali tan-nisa immigrati, b'mod partikulari fi ħdan il-Programm ta' Qafas Komuni għall-Integrazzjoni taċ-Ċittadini ta' Pajjiżi Terzi, miżuri għall-iżvilupp tat-tagħlim tal-lingwi, u għall-fehim tad-drittijiet u d-doveri li joħorġu mill-acquis komunitarju, minn konvenzjonijiet internazzjonali, minn prinċipji u leġiżlazzjonijiet attwali tal-pajjiżi ospitanti (li, fost oħrajn tinkludi l-projbizzjoni tal-poligamija taħt pretest ta' rijunifikazzjoni tal-familji) u tmill-valuri fondamentali ta' l-UE, billi jitfasslu politiki għattaħriġ speċifiku rigward opportunitajiet indaqs, non-diskriminazzjoni bbażata fuq il-ġeneru u interventi millperspettiva ta' ġeneru; programmi għall-ġlieda kontra d-diskriminazzjoni fl-aċċesss għall-impiegi u fuq ixxogħol; appoġġ għal proġetti għal intrapriżi minn nisa immigrati li jgħinu biex tiġi promossa u mifruxa rrikkezza kulturali tal-pajjiżi ta' oriġini tagħhom u il-ħolqien ta' u appoġġ ta' spazji pubbliċi għall-parteċipazzjoni għan-nisa immigrati li fihom huma jkunu rappreżentati attivament;

15.

Jirrakkomanda lill-Istati Membri u lill-Kummissjoni biex jipprovdu għall-finanzjament ta' programmi biex fil-pajjiżi ta' oriġini jxerrdu informazzjoni dwar pre-rekwiżiti għall-wasla u żjara ta' immigranti fl- Unjoni Ewropea, kif ukoll dwar ir-riskji ta' l-immigrazzjoni illegali;

16.

Jitlob lill-Kummissjoni biex tniedi l-ewwel proġetti pilota dwar l-integrazzjoni ta' l-aspett tal-ġeneru fil-baġit ġenerali ta' l-UE u fil-programmi Komunitarji, b'mod speċjali fil-Fondi Struttutrali, s-Se ba' Programm ta' Qafas tal-Komunità Ewropea għar-riċerka, l-iżvilupp teknoloġiku u l-attivitajiet ta'dimostrazzjoni (2007-2013), il-Programm ta' Azzjoni Komunitarju fil-qasam tas-saħħa u l-protezzjoni tal-konsumaturi (2007-2013), u l-Programm ta' Azzjoni Komunitarju fil-qasam tas-saħħa pubblika (2003-2008); jikkonsidra li dawn il-proġetti jridu jindirizzaw l-impatt tal-baġit ġenerali fuq l-ugwaljanza tas-sessi (approċċ orizzontali), l-effikaċja ta'kontribuzzjonijiet speċifiċi għan-nisa jew għal proġetti proposti minn nisa, kif ukoll analiżi taddiffikultajiet li n-nisa jiffaċċjaw biex jipparteċipaw f'dawn il-programmi (approċċ speċifiku);

17.

Jitlob lill-Istati Membri biex iżidu jew isaħħu l-pjanijiet tagħhom nazzjonali għall-impjiegi u l-integrazzjoni soċjali sabiex jiġu inklużi miżuri biex jgħinu lin-nisa jidħlu fis-suq tax-xogħol fuq bażi ta' dinjità ugwali u pagi ugwali għal xogħol ugwali, miżuri biex jippromwovu l-attività imprenditorjali fost in-nisa u biex jidentifikaw u jappoġġjaw opportunitajiet ġodda ta' xogħol fis-setturi soċjali u tas-saħħa u fis-servizzi personali u għall-familja, fejn il-ħaddiema huma kwazi kollha nisa, waqt li ssir emfasi fuq il-valur soċjali u ekonomiku ta' dan ix-xogħol u tiġi provduta r-reġolamentazzjoni meħtieġa biex tiġi garantita l-kwalita' tasservizzi, ir-rikonoxximent ta' drittijiet soċjali u d-dinjità ta' dawk li jipprovdu dawn is-servizzi, kif ukoll biex jgħinu fit-tnaqqis tal-faqar; jikkonsidra li minħabba l-pożizzjoni żvantaġġata tan-nisa fl-oqsma soċjali u ekonomiċi li huma kkaratterizzati b'livelli għoljin ta' qagħad u pagi aktar baxxi minn ta' l-irġiel, hemm riskju akbar għan-nisa ta' esplojtazzjoni;

18.

Jitlob lill-Istati Membri biex jimplimentaw strateġiji konkreti biex isaħħu s-sens ta' intrapriża fost innisa, bl-użu per eżempju, ta' l-opportunitajiet li toffri l-ICT, u miżuri biex jiffaċilitaw l-aċċess għal intraprendituri nisa għal self u serviżżi minn banek, b'mod partikulari rigward miżuri u mikrofinanzjament bħala appoġġ għal networks ta' intraprendituri nisa;

19.

Jinnota li d-diffikultajiet li jiffaċċaw l-Istati Membri u l-Unjoni Ewropea fil-qasam ta' l-ugwaljanza bejn l-irġiel u n-nisa qegħdin jiżdiedu minħabba l-kompetizzjoni ekonomika dinjija intensifikata u minħabba ddomanda li tirriżulta minn dan għal ħaddiema dejjem aktar flessibbli u mobbli; jenfasizza li n-nisa qed ikomplu jkunu vittmi ta' diskriminazzjoni soċjali u fl-impjegar, u ta' tipi ta' diskriminazzji oħra u li hemm tendenza li dawn l-eżiġenzi jkollhom aktar effetti ħżiena fuq in-nisa milli fuq l-irġiel; jikkonsidra li din issitwazzjoni m'għandhiex titħalla dgħajjef l-ugwaljanza bejn l-irġiel u n-nisa u fuq id-drittijiet li għandhom in-nisa rigward ir-riproduzzjoni;

20.

Jitlob lill-Istati Membri biex jinnominaw uffiċjal nazzjonali responsabbli għall-ugwaljanza bejn is-sessi rigward l-implimentazzjoni ta' l-istrateġija ta' Liżbona bl-inkariku li tipparteċipa fit-tfassil u r-reviżjoni talpjanijiet nazzjonali differenti u biex timmoniterja l-implimentazzjoni tagħhom sabiex jiġi promoss l-integrazzjoni tad-dimensjoni tal-ġeneru in generali u, b'mod partikulari fil-baġit fir-rigward ta' politiki u objettivi stabbiliti f'dawn il-pjanijiet;

21.

Jiddeplora li d-differenza fil-pagi bejn l-irġiel u n-nisa għadha tilħaq il-15 %; jitlob lill-Kummissjoni biex terga' tikkunsidra bi prijorità id-Direttiva tal-Kunsill 75/117/KEE (27), b'mod speċjali rigward il-punti relatati ma' spettorati ta' xogħol u mar-rimedji legali disponibbli fil-każ ta' diskriminazzjoni; jistieden ukoll lill-Kummissjoni biex tiżġura li id-direttiva dwar paġi ndaqs tiġi implimentata b'mod li n-nisa ma jsofrux diskriminazzjonijiet minħabba perjodi iqsar ta' esperjenza tax-xogħol dovuta għat-trobbija ta' tfal;

22.

Jitlob lill-Kummissjoni biex, b'kollaborazzjoni ma' l-Istati Membri u l-imsieħba soċjali tagħha, tinkoraġġixxi l-ħolqien ta' politiki għar-rikonċiljazzjoni tal-ħajja tal-familja mal-ħajja tax-xogħol billi:

23.

Jitlob lill-Kummissjoni biex tiżġura li l-analiżi ta' l-impatt tal-ġeneru jiġi meqjus fir-reviżjoni jew ittfassil tat-testi leġiżlattivi komunitarji, bħal fid-Direttiva 93/104/KE, u li l-Kummissjoni taġixxi kif xieraq jekk impatt negattiv ikun probabbli, bħal fil-każ ta' din id-direttiva; jitlob lill-Kunsill biex ineħħi l-possibiltà ta' opt-out minn din id-direttiva għaliex dan jagħmel ħsara aktar lin-nisa milli lill-irġiel, u jirrendi r-rikonċiljazzjoni bejn ix-xogħol u l-ħajja tal-familja izjed diffiċli;

24.

Jappella lill-Kummissjoni biex tikkunsidra r-rizultati tal-Konferenza fuq l-Ugwaljanza bejn l-Irġiel u n- Nisa, organizzata mill-Presidenza Finlandiża ta' l-Unjoni, kif ukoll l-irwol ta' l-irġiel fit-twettiq ta' l-ugwaljanza bejn is-sessi;

25.

Jitlob lill-Kummissjoni, fl-isfond tal-ħidma ta' l-Istitut Ewropew għall-Ugwaljanza bejn is-Sessi u lprogress magħmul immonitorjat mid-databank fuq it-teħid ta' deċiżjonijiet (29), biex tevalwa prattika tajba internazzjonali, nazzjonali jew reġjunali tajbin li tippermetti l-parteċipazzjoni tan-nisa fit-teħid ta' deċiżjonijiet, u biex jinkoraggixxu d-disseminazzjoni u l-adozzjoni tagħha, inter alia, billi jingħata appoġġ għal network ta' nisa involuti fil-proċess tat-teħid ta' deċiżjonijiet;

26.

Iħeġġeġ lill-Istati Membri biex jistabbilixxu u jimplimentaw objettivi u skadenzi ċari rigward it-tkabbir tal-parteċipazzjoni tan-nisa f'kull għamla ta' teħid ta' deċiżjonijiet u biex tissaħħaħ ir-rappreżentanza tan-nisa fil-ħajja pubblika;

27.

Jikkonsidra li huwa importanti li l-preżenza tan-nisa fil-karrieri xjentifiċi u fis-settur tar-riċerka tiġi inkurraġġuta; għal dan il-għan, huwa meħtieġ li jkun hemm politiki u strumenti li flimkien jiżguraw bilanċ bejn l-irġiel u n-nisa u l-eċċellenza f'dawn il-karrieri;

28.

Jikkonsidra li jeħtieġ li l-preżenza tan-nisa fil-karrieri xjentifiċi tiġi inkurraġġuta, b'mod partikulari billi jiġu pprovduti soluzzjonijiet kontrattwali bħal ma huma boroż ta' studju jew xogħol fuq bażi part-time sabiex huma jkunu jistgħu jirrikonċiljaw il-ħajja professjonali tagħhom mal-ħajja tal-familja;

29.

Jemmen li jekk il-media xxandar bi prominenza eżempji tajbin, kemm ta' rwoli tan-nisa fis-soċjetà kif ukoll tar-riżultati miksuba minnhom fis-setturi kollha, u jekk dawn jiġu enfasizzati biex jinħolqu immagini pożittivi tan-nisa u biex jinkuraġġixxu l-involviment ta' nisa u rġiel oħrajn sabiex tinkiseb l-ugwaljanza bejn is-sessi u l-bilanċ bejn il-ħajja tax-xogħol u l-ħajja tal-familja, dan ikun ta' għajnuna kbira fil-ġlieda kontra listerjotipi negattivi li jiffaċċjaw in-nisa; jitlob lill-Kummissjoni, għalhekk, sabiex tħeġġeġ it-tfassil ta' inizjattivi pereżempju skond il-programm Media 2007, sabiex tqajjem għarfien aħjar fil-media, pereżempju permezz ta' fora ta' konsultazzjoni permanenti ma' membri ta' dan is-settur, dwar l-isterjotipi li dawn jirrapreżentaw u sabiex jippromwovu opportunitajiet indaqs, b'mod partikulari bil-għan li jinfurmaw u jqajmu għarfien akbar fost iż-żagħżagħ, irgiel u nisa;

30.

Iħeġġeġ lill-Istati Membri biex jieħdu miżuri biex jeliminaw sterjotipi dwar il-ġeneru, b'mod partikulari fis-suq tax-xogħol u biex jippromwovu l-preżenza ta' l-irġiel fis-setturi u fit-tipi ta' xogħol okkupati b'mod predominanti min-nisa, bħal fl-iskjejjel primarji u f'faċilitajiet għall-kura;

31.

Iħeġġeġ lill-Kummissjoni biex tinkludi fil-Pjan Direzzjonali d-drittijiet ta' persuni transesswali u lproblemi li dawn jiffaċċjaw, skond d-deċiżjonijiet li ngħataw reċentement mill-Qorti tal-Ġustizzja tal-Komunitajiet Ewropej;

32.

Jistieden lill-Kummissjoni biex tniedi taħriġ dwar l-integrazzjoni ta' l-aspett tal-ġeneru u dwar is-sensibilizzazzjoni dwar kwistjonijiet ta' ġeneru għall-Membri tal-Kummissjoni u għall-funzjonarji għoljin, kif ukoll f'kull taħriġ rigward amministrazzjoni għall-funzjonarji Ewropej;

33.

Jitlob lill-Kummissjoni biex tippromwovi fid-dokumenti kollha uffiċjali u sabiex tiġi interpretata fillingwi kollha uffiċjali ta' l-UE l-użu ta' terminoloġija li tkun sensitiva għal-ġeneru u li tista' tilħaq il-kulturi kollha konċernati;

34.

Iħeġġeġ lill-istituzzjonijiet u lill-aġenziji Ewropej biex jippromwovu l-ugwaljanza bejn l-irgiel in-nisa fil-livelli amministrattivi u sabiex jimmiraw għall-ilħuq ta'l-ugwaljanza bejn l-irġiel u n-nisa fl-impjegar u filħatriet, b'mod partikulari għal pożizzjonijiet ta' xogħol ta' livell għoli;

35.

Jitlob lill-Kummissjoni biex fir-Rapport Annwali rigward il-Pjan Direzzjonali tiddedika kapitlu separat dwar opportunitajiet indaqs għan-nisa u l-irġiel fl-Unjoni Ewropea u biex tagħti rapport f'dan il-kapitlu dwar il-progress li sar dwar dan fir-rigward tal-Pjan Direzzjonali;

36.

Jitlob lill-Kummissjoni sabiex tinforma regolarment lill-kumitat(i) kompetenti tiegħu dwar il-moniteraġġ tal-progress li jsir rigward il-Pjan Direzzjonali, b'mod partikulari permezz ta' rapporti pubbliċi dwar kull kull pajjiż individwali;

37.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni, lill-Kumitat Ekonomiku u Soċjali, lill-Kumitat għar-Reġjuni, kif ukoll lill-organi eżekuttivi u organi elettivi responsabbli għall-qasam ta' l-opportunitajiet indaqs fil-livelli lokali, reġjunali u nazzjonali.

—

wara li kkunsidra r-Rakkomandazzjoni tal-Kummissjoni 2005/737/KE tat-18 ta' Ottubru 2005 dwar limmaniġġjar transkonfinali kollettiv tad-drittijiet ta' l-awtur u d-drittijiet relatati għal servizzi mużikali online leġittimi (1) (minn hawn 'il quddiem imsejħa “ir-Rakkomandazzjoni”),

—

wara li kkunsidra t-Trattat li jistabbilixxi l-Komunità Ewropea, b'mod partikolari l-Artikoli 95 u 151 tiegħu,

—

wara li kkunsidra l-Artikoli II-77 u II-82 tal-Karta dwar id-Drittijiet Fundamentali ta' l-Unjoni Ewropea,

—

wara li kkunsidra l-Artikolu III-181 tat-Trattat li jistabbilixxi Kostituzzjoni għall-Ewropa,

—

wara li kkunsidra l-ftehimiet internazzjonali fis-seħħ li japplikaw għad-drittijiet tal-mużika, jiġifieri l- Konvenzjoni ta' Ruma tas-26 ta' Ottubru 1961 għall-Protezzjoni ta' l-Artisti, tal-Produtturi ta' Fonogrammi u ta' l-Organizzazzjonijiet ta' Xandir, il-Konvenzjoni ta' Berna għall-Protezzjoni ta' Xogħlijiet Litterarji u Artistiċi, it-Trattat dwar id-Drittijiet ta' l-Awtur tal-WIPO ta' l-20 ta' Diċembru 1996, it- Trattat dwar ir-Rappreżentazzjonijiet u l-Fonogrammi ta' l-20 ta' Diċembru 1996, u l-Ftehima tad- WTO dwar Aspetti tad-Drittijiet tal-Proprjetà Intellettwali Relatati mal-Kummerċ (TRIPS) tal-15 ta' April 1994,

—

wara li kkunsidra l-ġabra ta' liġijiet tal-KE (“acquis communautaire”) fil-qasam tad-drittijiet ta' l-awtur u drittijiet relatati li tapplika għad-drittijiet tal-mużika, speċifikament id-Direttiva 2006/115/KE tal-Parlament Ewropew u tal-Kunsill tat-12 ta' Diċembru 2006 dwar dritt ta' kiri u dritt ta' self u dwar ċerti drittijiet relatati mad-drittijiet ta' l-awtur fil-qasam tal-proprjetà intellettwali (2), id-Direttiva tal-Kunsill 93/83/KEE tas-27 ta' Settembru 1993 dwar il-koordinazzjoni ta' ċerti regoli dwar id-drittijiet ta' lawtur u drittijiet relatati ma' drittijiet ta' l-awtur applikabbli għal xandir bis-satellita u ritrażmissjoni bil-cable (3), id-Direttiva 2006/116/KE tal-Parlament Ewropew u tal-Kunsill tat-12 ta' Diċembru 2006 dwar il-perjodu ta' protezzjoni ta' drittijiet ta' l-awtur u ta' ċerti drittijiet relatati (4) u d-Direttiva 2001/29/KE tal-Parlament Ewropew u tal-Kunsill tat-22 ta' Mejju 2001 dwar l-armonizzazzjoni ta' ċerti aspetti ta' drittijiet ta' l-awtur u drittijiet relatati fis-soċjetà ta' l-informazzjoni (5),

—

wara li kkunsidra l-Green Paper tal-Kummissjoni Ewropea dwar id-drittijiet ta' l-awtur u d-drittijiet relatati fis-Soċjetà ta' l-Informazzjoni (COM(1995)0382),

—

wara li kkunsidra r-riżoluzzjoni tiegħu tal-15 ta' Mejju 2003 dwar il-protezzjoni ta' artisti fis-settur awdjoviżiv (6),

—

wara li kkunsidra r-riżoluzzjoni tiegħu tal-15 ta' Jannar 2004 dwar qafas Komunitarju għal soċjetajiet ta' mmaniġġjar kollettiv fil-qasam tad-drittijiet ta' l-awtur u d-drittijiet relatati (7),

—

wara li kkunsidra l-Komunikazzjoni tal-Kummissjoni tas-16 ta' April 2004 dwar l-Immaniġġjar tad- Drittijiet ta' l-Awtur u Drittijiet Relatati fis-Suq Intern (COM(2004)0261),

—

wara li kkunsidra r-riżoluzzjoni tiegħu tal-5 ta' Lulju 2006 dwar l-implimentazzjoni tal-Programm Komunitarju ta' Liżbona: aktar riċerka u innovazzjoni — investiment għat-tkabbir u l-impjiegi: Approċċ komuni (8),

—

wara li kkunsidra r-riżoluzzjoni tiegħu tas-6 ta' Lulju 2006 dwar il-libertà ta' l-espressjoni fuq l-Internet (9),

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali u l-opinjoni tal-Kumitat għall-Kultura u l- Edukazzjoni (A6-0053/2007),

A.

billi l-Kummissjoni naqqset li twettaq proċess ta' konsultazzjoni wiesa' u bir-reqqa mal-partijiet interessati u mal-Parlament qabel adottat ir-Rakkomandazzjoni; billi l-kategoriji kollha ta' detenturi ta' drittijiet għandhom ikunu kkonsultati dwar kwalunkwe attività regolatorja f'dan il-qasam fil-futur sabiex tiġi żgurata rappreżentanza ġusta u bbilanċjata ta' l-interessi,

B.

billi n-nuqqas tal-Kummissjoni li tinvolvi lill-Parlament formalment hija inaċċettabbli, partikolarment meta titqies ir-riżoluzzjoni tal-Parlament tal-15 ta' Jannar 2004 msemmija hawn fuq, ladarba r-Rakkomandazzjoni evidentement tmur lil hinn mis-sempliċi interpretazzjoni jew suppliment tar-regoli eżistenti,

C.

billi huwa inaċċettabbli li ngħażel approċċ ta' soft law mingħajr konsultazzjoni minn qabel u mingħajr l-involviment formali tal-Parlament u l-Kunsill, b'hekk ġie evitat il-proċess demokratiku, speċjalment minħabba li l-inizjattiva meħuda diġà infuwenzat deċiżjonijiet fis-suq għad-detriment potenzjali talkompetizzjoni u d-diversità kulturali,

D.

billi r-rakkomandazzjoni għandha sempliċement il-ħsieb li tirregola l-bejgħ online ta' reġistrazzjonijiet mużikali, imma — minħabba l-mod impreċiż kif tpoġġa l-kliem — tista' tiġi applikata wkoll għal servizzi online oħra (pereżempju servizzi ta' xandir) li jinkludu reġistrazzjonijiet mużikali; billi n-nuqqas ta' ċarezza li jirriżulta dwar l-applikabilità ta' sistemi ta' liċenzjar li jvarjaw iwassal għal inċertezza legali u jinvolvi żvantaġġi b'mod partikulari għal sistemi ta' xandir online,

E.

billi hemm riskju li d-detenturi tad-drittijiet li jikkonformaw mar-rakkomandazzjoni f'dak li għandu x'jaqsam mad-drittijiet online interattivi tagħhom se jċaħħdu lill-amministraturi kollettivi tad-drittijiet (CRMs) lokali minn drittijiet oħra (pereżempju ta' dawk relatati max-xandir), biex b'hekk utenti ta' dawk id-drittijiet jitwaqqfu milli jiksbu drittijiet ta' utent għal repertorju diversifikat mill-istess CRM uniku,

F.

billi huwa inaċċettabbli li l-Kummissjoni għandha l-intenzjoni li tadotta rakkomandazzjoni dwar issistema attwali ta' kumpens ġust għal kopja privata, kif imsemmi fl-Artikolu 5(2)(b) tad-Direttiva 2001/29/KE, biex b'hekk għal darb'oħra jkun qed jiġi evitat il-proċess demokratiku applikabbli għarregolar tad-drittijiet ta' l-awtur u d-drittijiet relatati,

G.

billi huwa importanti li jkun evitat it-theddid possibbli u li jintlaħaq bilanċ raġonevoli bejn id-drittijiet u l-interessi tad-diversi partijiet li għandhom sehem fil-qasam;

H.

billi l-mużika mhix merkanzija u l-amministraturi kollettivi tad-drittijiet huma l-biċċa l-kbira organizzazzjonijiet mingħajr skop ta' qligħ, u billi l-introduzzjoni ta' sistema bbażata fuq kompetizzjoni kontrollata ti sta' ma tkunx fl-interessi tad-detenturi tad-drittijiet jew tal-promozzjoni tad-diversità kulturali u tal-kreattività,

I.

billi s-CRMs nazzjonali għandu jibqa' jkollhom irwol importanti x'jaqdu fil-forniment ta' appoġġ għallpromozzjoni ta' detenturi ta' drittijiet ġodda u minoritarji, għad-diversità kulturali, għall-kreattività u għar-repertorju lokali, fatt li jassumi minn qabel li s-CRMs nazzjonali għandhom iżommu d-dritt li jiċċarġjaw drittijiet kulturali,

J.

billi n-netwerk eżistenti tas-CRMs nazzjonali għandu rwol importanti fil-forniment ta' appoġġ finanzjarju għall-promozzjoni ta' repertorju Ewropew ġdid u minoritarju u billi dan m'għandux jintilef;

K.

billi kompetizzjoni ikbar, iżda kkontrollata, fl-immaniġġjar kollettiv tad-drittijiet ta' l-awtur u tad-drittijiet relatati fis-settur tal-mużika online ti sta' tkun ta' benefiċċju għall-partijiet kollha u ti sta' sservi ta' pedament għad-diversità kulturali, dejjem sakemm tkun ġusta u trasparenti u sakemm dik il-kompetizzjoni tikkonċerna biss il-kwalità u l-prezz tal-forniment tas-servizz partikolari mingħajr ma taffettwa lvalur tad-drittijiet,

L.

billi hemm tħassib dwar l-effetti negattivi potenzjali ta' xi dispożizzjonijiet tar-Rakkomandazzjoni dwar repertorji lokali u dwar id-diversità kulturali meta wieħed jikkunsidra r-riskju potenzjali li tkun aġevolata konċentrazzjoni ta' drittijiet fis-CRMs ikbar, u billi l-impatt ta' kwalunkwe inizjattiva għall-introduzzjoni ta' kompetizzjoni bejn amministraturi tad-drittijiet biex jattiraw id-detenturi tad-drittijiet li l-aktar joffru qligħ iridu jkunu eżaminati u mwieżna fid-dawl ta' l-effetti ħżiena ta' tali approċċ fuq detenturi iżgħar ta' drittijiet, fuq CRMs ta' daqs żgħir u medju u fuq id-diversità kulturali,

M.

billi l-kapaċità tad-detenturi tad-drittijiet u l-utenti li jagħżlu CRM indipendentement mill-Istat Membru li jkunu fih trid:

N.

billi s-sistema eżistenti ta' ftehimiet reċiproċi u tal-ġbir reċiproku ta' royalties għandha tinżamm sabiex il-kompetizzjoni tiġi introdotta fuq il-bażi ta' l-effiċjenza u l-kwalità tas-servizzi li jistgħu joffru s-CRMs u s-sehem perċentwali rappreżentat mill-ispejjeż amministrattivi, u utenti impenjati fil-bejgħ online ta' reġistrazzjonijiet mużikali huma liċenzjati fuq il-bażi tat-tariffa applikabbli fil-pajjiż fejn se jseħħ l-att ta' konsum tad-dritt ta' l-awtur mill-utent individwali u billi l-Istati Membri, b'koerenza sħiħa mar-regoli għax-xandir transkonfinali stabbiliti fid-Direttiva 93/83/KEE dwar xandir bis-satellita u ritrażmissjoni bil-cable, għandhom joħolqu ċertezza legali għal min jipprovdi servizzi online apparti l-bejgħ online ta' mużika u għandhom jippermettu li utenti oħra ta' dan it-tip japplikaw għall-kunsensi legali meħtieġa u jħallsu kif dovut royalties ekwi lill-kategoriji kollha ta' detenturi ta' drittijiet skond kundizzjonijiet ġusti, raġonevoli u li ma jiddiskriminawx,

O.

billi s-sistema ta' ftehimiet ta' rappreżentazzjoni reċiproka għandha tinżamm, peress li tippermetti lillutenti individwali u kummerċjali kollha biex bla diskriminazzjoni jkollhom aċċess indaqs għar-repertorju dinji, tiżgura ħarsien aħjar għad-detenturi tad-drittijiet, tiggarantixxi diversità kulturali reali u tistimula kompetizzjoni ġusta fis-suq intern;

P.

billi s-CRMs għandhom ikunu ħielsa li jipprovdu liċenzji pan-Ewropej u għal ħafna repertorji għall-użu transkonfinali u l-użu online, għall-użu fit-telefonija mobbli u f'netwerks diġitali oħra lill-utenti kummerċjali bbażati fi kwalunkwe post fl-UE fejn qegħdin f'pożizzjoni adattata biex jamministraw l-utilizzazzjoni tad-drittijiet liċenzjati, u billi liċenzji multiterritorjali ta' dan it-tip għandhom jingħataw fuq kundizzjonijiet negozjati b'mod ġust mingħajr diskriminazzjoni bejn l-utenti, biex tiġi żgurata l-interoperabilità bejn pjattaformi teknoloġiċi differenti sabiex il-prassi ta' liċenzjar tas-CRM ma tirriżultax f'tagħwiġ fil-kompetizzjoni fost l-utenti differenti tad-drittijiet u l-mezzi ta' trażmissjoni teknoloġika differenti u li m'humiex interoperabbli,

Q.

billi l-eżistenza ta' ’one-stop shops’ minn fejn utenti kummerċjali jistgħu jiksbu liċenzja li tkopri rrepertorju dinji għat-territorji li jeħtieġu, flimkien ma' grad għoli ta' protezzjoni għas-sidien tad-drittijiet billi jiġi evitat il-'forum-shopping' (utenti li jfittxu s-CRM li tipprovdi l-orħos liċenzji), għandha tkun fiċċentru tal-koperazzjoni mill-qrib bejn is-CRMs; billi, sabiex jinżamm one-stop shop, is-sistema eżistenti ta' ġbir reċiproku tar-royalties għandha tinżamm, flimkien ma' grad għoli ta' protezzjoni għall-utenti tad-drittijiet, sabiex tkun evitata pressjoni negattiva fuq id-dħul, filwaqt li jkun żgurat ukoll li ma jingħatawx mandati esklussivi mhux mixtieqa li jfixklu l-kompetizzjoni ġusta,

R.

billi, b'mod speċjali fir-rigward ta' l-abbużi possibbli ta' monopolji, hemm bżonn ta' gvernar aħjar ta' xi CRMs permezz ta' solidarjetà, trasparenza, non-diskriminazzjoni, rappreżentanza ġusta u bilanċjata ta' kull kategorija ta' detenturi ta' drittijiet, u ta' regoli dwar responsabilità mtejbin flimkien ma' mekkaniżmi ta' kontroll xierqa fl-Istati Membri; billi s-CRMs għandhom jipprovdu s-servizzi tagħhom fuq ilbażi tat-tliet prinċipji ewlenin ta' effiċjenza, ekwità u trasparenza,

S.

billi, kull meta d-drittijiet ikunu mmaniġġjati b'mod kollettiv, għandhom jiddaħħlu mekkaniżmi ekwi u effettivi għas-soluzzjoni ta' tilwim fl-Istati Membri sabiex jiġi żgurat li d-detenturi tad-drittijiet u l-utenti jkollhom aċċess għal mezz biex tintlaħaq soluzzjoni għat-tilwim, bla ħsara għad-dritt ta' kulħadd għal stħarriġ ġudizzjarju, u billi, b'konsegwenza, għandhom jiddaħħlu mekkaniżmi għas-soluzzjoni ta' tilwim ekwi, imparzjali u effettivi, bażati fuq kriterji ċari u relevanti għall-partijiet li għandhom sehem filqasam,

T.

billi l-Kummissjoni għandha twettaq evalwazzjoni ta' l-impatt bir-reqqa bażata fuq ’data’ korretta u kompluta dwar l-iżvilupp u l-implimentazzjoni ta' ftehimiet u arranġamenti biex jittejbu r-riżultati possibbli u biex jiġu evalwati r-riskji ta' liċenzjar multiterritorjali u ta' ħafna repertorji għas-servizzi ta' mużika online, waqt li titqies b'mod sħiħ id-dimensjoni kulturali, ekonomika u soċjali,

U.

billi hemm bżonn ta' għodod komuni u parametri li jistgħu jitqabblu bejniethom u tal-koordinazzjoni ta' l-oqsma ta' attività tas-CRMs sabiex titjieb il-koperazzjoni bejn is-CRMs u jitqies l-iżvilupp tas-soċjetà ta' l-informazzjoni,

V.

billi kwalunkwe sforz magħmul biex tkun stimulata l-kompetizzjoni fis-suq intern u biex tiġi promossa d-distribuzzjoni internazzjonali tax-xogħlijiet mużikali Ewropej, indipendentement minn liema CRM timmaniġġja d-dritt ta' l-awtur, jintlaqa' bi pjaċir, filwaqt li wieħed iżomm f'moħħu li kull repertorju, indipendentement minn jekk ikunx magħruf b'mod wiesa' jew le, għandu jkun itrattat b'mod ugwali,

W.

billi, waqt li r-Rakkomandazzjoni hija intenzjonata biex tkopri biss il-bejgħ online ta' reġistrazzjonijiet mużikali, il-mod wiesa' kif tpoġġa l-kliem fiha jkopri wkoll servizzi online oħra (bħas-servizzi ta' xandara) li jinzertaw li jinkludu mużika minn reġistrazzjonijiet ta' dan it-tip, imma li jistgħu jbatu minħabba l-inċertezza legali li toħloq ir-Rakkomandazzjoni dwar liema reġim ta' liċenzjar jista' japplika għal servizzi ta' dan it-tip, u billi s-soluzzjonijiet teknoloġiċi li se jiġu applikati fis-suq intern jridu jagħmlu mezz li kollox ikun bil-miftuħ u interoperabbli f'suriet li jservu biex iħarsu lill-konsumatur u mhux biss lid-detenturi tad-drittijiet,

X.

billi kompetizzjoni akbar fl-immaniġġjar kollettiv tad-drittijiet ta' l-awtur u tad-drittijiet relatati fl-industrija tal-mużika tista', jekk tkun ġusta u trasparenti u fiċ-cirkustanzi t-tajba, tissalvagwardja l-pożizzjoni ta' l-awturi fl-Ewropa (inklużi l-awturi lokali u r-repertorji minoritarji) u tħeġġeġ id-diversità kulturali fl- Ewropa,

Y.

billi l-Kummissjoni għandha tassessja inizjattivi xierqa biex ikompli jiġi żgurat aċċess pubbliku wiesa' għar-repertorji, inklużi dawk iżgħar jew lokali, bi qbil mal-Konvenzjoni ta' l-UNESCO dwar il-Ħarsien u l-Promozzjoni tad-Diversità ta' l-Espressjonijiet Kulturali, minħabba n-natura partikulari ta' l-era diġitali iżda waqt li jitqiesu wkoll l-impatti diretti u indiretti li dan se jkollu fuq il-pożizzjoni globali ta' l-awturi u fuq id-diversità kulturali.

1.

Jistieden lill-Kummissjoni biex tagħmilha ċara li r-Rakkomandazzjoni ta' l-2005 tapplika esklussivament għall-bejgħ online ta' reġistrazzjonijiet mużikali, biex kemm jista' jkun malajr tippreżenta — wara li tikkonsulta mill-qrib mal-partijiet interessati — proposta għal direttiva qafas flessibbli li għandha tiġi adottata mill-Parlament u l-Kunsill b'kodeċiżjoni bl-intenzjoni li jiġi rregolat l-immaniġġjar kollettiv tad-drittijiet ta' l-awtur u d-drittijiet relatati fir-rigward tas-servizzi mużikali online transkonfinali, waqt li titqies l-ispeċifiċità ta' l-era diġitali u waqt li jiġu salvagwardjati d-diversità kulturali Ewropea, il-partijiet li għandhom sehem żgħir fil-qasam u r-repertorji lokali, fuq il-bażi ta' trattament indaqs;

2.

Jenfasizza li l-bażi tal-konsultazzjoni tal-Kummissjoni tal-partijiet interessati għandha jkollha bażi kemm jista' jkun wiesgħa, waqt li fid-diskussjoni tagħha jiġu inklużi l-għażliet l-oħra kollha, u mhux biss dawk stipulati fir-Rakkomandazzjoni u fid-Dokument ta' Ħidma ta' l-Istaff tal-Kummissjoni intitolat “Studju dwar inizjattiva Komunitarja dwar l-immaniġġjar kollettiv transkonfinali tad-drittijiet ta' l-awtur” tas-7 ta' Lulju 2005;

3.

Jifhem u jappoġġja d-dispożizzjonijiet dwar il-possibilità eżistenti għad-detenturi tad-drittijiet li jagħżlu amministratur kollettiv tad-drittijiet, li jistabbilixxu d-drittijiet online fdati lilhom u l-kamp ta' applikazzjoni territorjali tagħhom u d-dritt li jirtiraw id-drittijiet mis-CRM jew li jgħadduhom lil CRM ieħor, u jenfasizza limportanza li titqies l-effiċjenza tal-koperazzjoni bejn is-CRMs biex jitħarsu wkoll l-interessi ta' detenturi iżgħar u lokali tad-drittijiet u b'hekk biex tiġi salvagwardjata d-diversità kulturali;

4.

Jikkunsidra wkoll li l-interessi ta' l-awturi u għalhekk tad-diversità kulturali fl-Ewropa jkunu moqdija laħjar bl-introduzzjoni ta' sistema kompetittiva ġusta u trasparenti li tevita pressjoni negattiva fuq id-dħul ta' l-awturi;

5.

Jistieden lill-Istati Membri u lis-CRMs biex jiżguraw rappreżentanza ġusta tal-kategoriji kollha taddetenturi tad-drittijiet fis-CRMs u b'hekk il-parteċipazzjoni bilanċjata tagħha fil-proċess intern ta' teħid ta' deċiżjonijiet;

6.

Jenfasizza li d-direttiva proposta m'għandha bl-ebda mod iddgħajjef il-kompetittività tan-negozji kreattivi tas-settur, l-effettività tas-servizzi pprovduti mis-CRMs jew il-kompetittività tan-negozji ta' l-utenti — b'mod partikolari d-detenturi tad-drittijiet u l-utenti ż-żgħar — u għandha:

7.

Barra minn hekk, iqis li biex jiġi żgurat it-tħaddim sħiħ u komplet tas-sistema ta' reċiproċità għall-ġid tas-sidien kollha tad-drittijiet, huwa kruċjali li tiġi pprojbita kull forma ta' mandat esklussiv bejn issidien ewlenin tad-drittijiet u s-CRMs għall-ġbir dirett tar-royalties fl-Istati Membri kollha, għax dan iwassal għall-estinzjoni f'qasir żmien tas-CRMs nazzjonali u tiddgħajjef il-pożizzjoni tar-repertorji minoritarji u tad-diversità kulturali fl-Ewropa;

8.

Jappoġġja l-idea li CRM għandu jkun ħieles li jipprovdi lill-utenti kummerċjali bbażati kullimkien fl- Unjoni Ewropea liċenzji pan-Ewropej u għal varjetà ta' repertorji biex jiġu użati online (inklużi l-użi ta' telefonija mobbli), skond termini ġusti u nnegozjati individwalment u bla diskriminazzjoni bejn l-utenti; jistieden lill-Kummissjoni biex twettaq evalwazzjoni ta' l-impatt ta' liċenzja globali għal servizzi online u ta' l-effetti tagħha fuq is-sitwazzjoni ekonomika u soċjali ta' l-awturi

9.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-gvernijiet u lill-parlamenti ta' l-Istati Membri.