EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Dokument 62008CJ0385
Judgment of the Court (Fourth Chamber) of 22 December 2010.#European Commission v Republic of Poland.#Failure of a Member State to fulfil obligations - Accession of new Member States - Marketing authorisations for medicinal products that are generics of the reference product Plavix - Conditional decisions authorising the marketing of pharmaceutical products - Infringement of the acquis.#Case C-385/08.
Sentenza tal-Qorti tal-Ġustizzja (ir-Raba' Awla) tat-22 ta' Diċembru 2010.
Il-Kummissjoni Ewropea vs ir-Repubblika tal-Polonja.
Nuqqas ta' Stat li jwettaq obbligu - Adeżjoni ta' Stati ġodda - Awtorizzazzjonijiet għat-tqegħid fis-suq ta' prodotti mediċinali ġeneriċi li jikkorrispondu għall-prodott ta' referenza Plavix - Deċiżjonijiet kundizzjonali ta' awtorizzazzjoni għat-tqegħid fis-suq ta' prodotti farmaċewtiċi - Ksur tal-acquis.
Kawża C-385/08.
Sentenza tal-Qorti tal-Ġustizzja (ir-Raba' Awla) tat-22 ta' Diċembru 2010.
Il-Kummissjoni Ewropea vs ir-Repubblika tal-Polonja.
Nuqqas ta' Stat li jwettaq obbligu - Adeżjoni ta' Stati ġodda - Awtorizzazzjonijiet għat-tqegħid fis-suq ta' prodotti mediċinali ġeneriċi li jikkorrispondu għall-prodott ta' referenza Plavix - Deċiżjonijiet kundizzjonali ta' awtorizzazzjoni għat-tqegħid fis-suq ta' prodotti farmaċewtiċi - Ksur tal-acquis.
Kawża C-385/08.
IdentifikaturECLI: ECLI:EU:C:2010:801
Sentenza tal-Qorti tal-Ġustizzja (Ir-Raba’ Awla) tat-22 ta’ Diċembru 2010 – Il-Kummissjoni vs Il-Polonja
(Kawża C‑385/08)
“Nuqqas ta’ Stat li jwettaq obbligu – Adeżjoni ta’ Stati ġodda – Awtorizzazzjonijiet għat-tqegħid fis-suq ta’ prodotti mediċinali ġeneriċi li jikkorrispondu għall-prodott ta’ riferiment Plavix – Deċiżjonijiet kundizzjonali ta’ awtorizzazzjoni għat-tqegħid fis-suq ta’ prodotti farmaċewtiċi – Ksur tal-acquis”
1. Rikors għal nuqqas ta’ twettiq ta’ obbligu - Suġġett tal-kawża (Artikolu 226 KE) (ara l-punti 28-33)
2. Proċedura - Rikors promotur - Rekwiżiti proċedurali - Identifikazzjoni tas-suġġett tal-kawża - Sunt tal-motivi invokati - Formulazzjoni inekwivoka tat-talbiet tar-rikorrent (Regoli tal-Proċedura tal-Qorti tal-Ġustizzja, Artikolu 38(1)(ċ)) (ara l-punti 34-37)
3. Approssimazzjoni tal-liġijiet - Prodotti mediċinali għall-użu mill-bniedem - Awtorizzazzjoni ta’ tqegħid fis-suq (Trattat ta’ Adeżjoni tal-2003, Artikoli 2 u 24, u Anness XII, Kapitolu 1, punt 5; Regolament tal-Parlament Ewropew u tal-Kunsill Nru 726/2004, Artikoli 89 u 90; Regolament tal-Kunsill Nru 2309/93, Artikolu 13(4); Direttiva tal-Parlament Ewropew u tal-Kunsill 2001/83, Artikolu 6(1)) (ara l-punti 62-70, 77-82 u d-dispożittiv)
Suġġett
Nuqqas ta’ Stat li jwettaq obbligu - Ksur tal-Artikolu 6(1) tad-Direttiva 2001/83/KE tal-Parlament Ewropew u tal-Kunsill, tas-6 ta’ Novembru 2001, dwar il-kodiċi tal-Komunità li għandu x’jaqsam ma’ prodotti mediċinali għall-użu mill-bniedem (ĠU Edizzjoni Speċjali bil-Malti, Kapitolu 13, Vol. 27, p. 69), moqri flimkien mal-Artikolu 13(4) tar-Regolament tal-Kunsill (KEE) Nru 2309/93, tat-22 ta’ Lulju 1993, li jistipula proċeduri tal-Komunità għall-awtorizzazzjoni u s-sorveljanza ta’ prodotti mediċinali għall-użu tal-bniedem u veterinarju u li jistabbilixxi Aġenzija Ewropea għall-Valutazzjoni ta’ Prodotti Mediċinali (ĠU Edizzjoni Speċjali bil-Malti, Kapitolu 13, Vol. 12, p. 151), kif ukoll mal-Artikoli 89 u 90 tar-Regolament (KE) Nru 726/2004 tal-Parlament Ewropew u tal-Kunsill, tal-31 ta’ Marzu 2004, li jistabbilixxi proċeduri Komunitarji għall-awtorizzazzjoni u s-sorveljanza ta’ prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (ĠU Edizzjoni Speċjali bil-Malti, Kapitolu 13, Vol. 34, p. 229) - Awtorizzazzjonijiet għat-tqegħid fis-suq ta’ prodotti mediċinali ġeneriċi li jikkorrispondu għall-prodott ta’ referenza Plavix, bi ksur tal-perijodu ta’ protezzjoni ta’ għaxar snin li minnu kien jibbenefika dan il-prodott - Deċiżjonijiet kundizzjonali ta’ awtorizzazzjoni għat-tqegħid fis-suq ta’ prodotti farmaċewtiċi mogħtija qabel id-data tal-adeżjoni tal-Polonja fl-Unjoni Ewropea li iżda saru effettivi wara din id-data - Deċiżjonijiet mhux konformi mad-dispożizzjonijiet tad-Direttiva 2001/83/KE |
Dispożittiv
1) |
Ir-Repubblika tal-Polonja |
– billi żammet fis-seħħ id-deċiżjonijiet tal-Ministru tas-Saħħa dwar l-awtorizzazzjoni għat-tqegħid fis-suq ta’ prodotti mediċinali ġeneriċi li jikkorrispondu għall-prodott ta’ referenza Plavix, u
– billi introduċiet u billi żammet fis-suq, wara l-1 ta’ Mejju 2004, prodotti mediċinali li l-awtorizzazzjonijiet għat-tqegħid fis-suq fir-rigward tagħhom ma nħarġux inkonformità mal-Artikolu 6(1) tad-Direttiva 2001/83/KE tal-Parlament Ewropew u tal-Kunsill, tas-6 ta’ Novembru 2001, dwar il-kodiċi tal-Komunità li għandu x’jaqsam ma’ prodotti mediċinali għall-użu mill-bniedem,
naqset milli twettaq l-obbligi tagħha, fir-rigward tal-ewwel inċiż indikat iktar ’il fuq, taħt id-dispożizzjonijiet moqrija flimkien tal-Artikolu 6(1) tad-Direttiva 2001/83, tal-Artikolu 13(4) tar-Regolament tal-Kunsill (KEE) Nru 2309/93, tat-22 ta’ Lulju 1993, li jistipula proċeduri tal-Komunità għall-awtorizzazzjoni u s-sorveljanza ta’ prodotti mediċinali għall-użu tal-bniedem u veterinarju u li jistabbilixxi Aġenzija Ewropea għall-Valutazzjoni ta’ Prodotti Mediċinali, kif ukoll tal-Artikoli 89 u 90 tar-Regolament (KE) Nru 726/2004 tal-Parlament Ewropew u tal-Kunsill, tal-31 ta’ Marzu 2004, li jistabbilixxi proċeduri Komunitarji għall-awtorizzazzjoni u s-sorveljanza ta’ prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini, u, fir-rigward tat-tieni inċiż indikat iktar ’il fuq, taħt l-Artikolu 6(1) tad-Direttiva 2001/83.
2) |
Ir-Repubblika tal-Polonja hija kkundannata għall-ispejjeż. |
3) |
Ir-Repubblika tal-Litwanja għandha tbati l-ispejjeż rispettivi tagħha. |