This document is an excerpt from the EUR-Lex website
Document 32015R0131
Commission Implementing Regulation (EU) 2015/131 of 23 January 2015 amending Regulation (EC) No 1235/2008 laying down detailed rules for implementation of Council Regulation (EC) No 834/2007 as regards the arrangements for imports of organic products from third countries Text with EEA relevance
Regolament ta' Implimentazzjoni tal-Kummissjoni (UE) 2015/131 tat- 23 ta' Jannar 2015 li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi Test b'rilevanza għaż-ŻEE
Regolament ta' Implimentazzjoni tal-Kummissjoni (UE) 2015/131 tat- 23 ta' Jannar 2015 li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi Test b'rilevanza għaż-ŻEE
ĠU L 23, 29.1.2015, p. 1–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2021; Impliċitament imħassar minn 32021R2306
- Date of document:
- 26/01/2015
- Date of effect:
- 01/02/2015; Applikazzjoni Applikazzjoni parzjali Ara Art. 2
- Date of effect:
- 05/02/2015; Dħul fis-seħħ Data tal-pubblikazzjoni +7 Ara Art. 2
- Date of effect:
- 01/05/2015; Applikazzjoni Applikazzjoni parzjali Ara Art. 2
- Date of end of validity:
- 31/12/2021; Impliċitament imħassar minn 32021R2306
- Author:
- Il-Kummissjoni Ewropea
- Form:
- Regolament implimentattiv
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32007R0834 - A33P2 32007R0834 - A33P3 32007R0834 - A38PTD)
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32008R1235 Tlestija anness III 01/02/2015 Modifies 32008R1235 Emenda anness IV 01/05/2015
No data available in the table
- Modified by:
-
Relation Act Comment Subdivision concerned From To Corrected by 32015R0131R(01) Corrected by 32015R0131R(02) (FR) Implicitly repealed by 32021R2306 01/01/2022 - Link
- EUROVOC descriptor:
- Subject matter:
- Directory code:
|
29.1.2015 |
MT |
Il-Ġurnal Uffiċjali tal-Unjoni Ewropea |
L 23/1 |
REGOLAMENT TA' IMPLIMENTAZZJONI TAL-KUMMISSJONI (UE) 2015/131
tat-23 ta' Jannar 2015
li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 834/2007 tat-28 ta' Ġunju 2007 dwar il-produzzjoni organika u t-tikkettar ta' prodotti organiċi u li jħassar ir-Regolament (KEE) Nru 2092/91 (1), u b'mod partikolari l-Artikolu 33(2) u (3) u l-Artikolu 38(d) tiegħu,
Billi:
|
(1) |
L-Anness III tar-Regolament (KE) Nru 1235/2008 (2) jistabbilixxi l-lista ta' pajjiżi terzi li s-sistemi tal-produzzjoni u l-miżuri tal-kontroll tagħhom għall-produzzjoni organika ta' prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007. |
|
(2) |
Ir-Repubblika tal-Korea ressqet talba f'konformità mal-Artikolu 33(2) tar Regolament (KE) Nru 834/2007 lill-Kummissjoni biex tiġi inkluża fil-lista stabbilita fl-Anness III għar-Regolament (KE) Nru 1235/2008 għal ċerti prodotti agrikoli pproċessati. Hija ressqet l-informazzjoni meħtieġa skont l-Artikoli 7 u 8 ta' dak ir-Regolament. L-analiżi ta' dik l-informazzjoni, id-diskussjonijiet sussegwenti mal-awtoritajiet tar-Repubblika tal-Korea u eżami fuq il-post dwar ir-regoli tal-produzzjoni u l-miżuri ta' kontroll applikati mir-Repubblika tal-Korea wasslu għall-konklużjoni li f'dak il-pajjiż ir-regoli li jirregolaw il-produzzjoni u l-kontrolli tal-prodotti organiċi ta' prodotti agrikoli pproċessati biex jintużaw bħala ikel huma ekwivalenti għal dawk stabbiliti fir-Regolament (KE) Nru 834/2007. Konsegwentement, ir-Repubblika tal-Korea għandha tiġi inkluża fil-lista stabbilita fl-Anness III tar- Regolament (KE) Nru 1235/2008 għal prodotti agrikoli pproċessati biex jintużaw bħala ikel (prodotti tal-Kategorija D). |
|
(3) |
L-Anness IV tar-Regolament (KE) Nru 1235/2008 fih lista ta' korpi ta' kontroll u awtoritajiet ta' kontroll li huma kompetenti biex iwettqu l-kontrolli u joħorġu ċ-ċertifikati f'pajjiżi terzi għall-għan ta' ekwivalenza. Bħala konsegwenza tal-inklużjoni tar-Repubblika tal-Korea fl-Anness III ta' dak ir-Regolament, il-korpi ta' kontroll u l-awtoritajiet ta' kontroll rilevanti rikonoxxuti s'issa għall-importazzjoni ta' prodotti tal-kategorija D mir-Repubblika tal-Korea għandhom jitħassru mill-Anness IV. |
|
(4) |
Għaldaqstant, l-Annessi III u IV tar-Regolament (KE) Nru 1235/2008 għandhom jiġu emendati skont dan. |
|
(5) |
L-inklużjoni tar-Repubblika tal-Korea fl-Anness III tar-Regolament (KE) Nru 1235/2008 għandha tapplika mill-1 ta' Frar 2015. Sabiex l-operaturi jkunu jistgħu jadattaw għall-emendi li saru fl-Annessi III u IV tar-Regolament (KE) Nru 1235/2008, l-emenda tal-aħħar Anness għandha, madankollu, tapplika biss wara perjodu ta' żmien raġonevoli. |
|
(6) |
Il-miżuri stipulati f'dan ir-Regolament huma skont l-opinjoni tal-Kumitat regolatorju għall-produzzjoni organika, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 1235/2008 huwa emendat kif ġej:
|
(1) |
L-Anness III huwa emendat skont l-Anness I ta' dan ir-Regolament. |
|
(2) |
L-Anness IV huwa emendat skont l-Anness II ta' dan ir-Regolament. |
Artikolu 2
Dan ir-Regolament għandu jidħol fis-seħħ fis-seba' jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Il-punt (1) tal-Artikolu 1 għandu japplika mill-1 ta' Frar 2015.
Il-punt (2) tal-Artikolu 1 għandu japplika mill-1 ta' Mejju 2015.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta' Jannar 2015.
Għall-Kummissjoni
Il-President
Jean-Claude JUNCKER
(1) ĠU L 189, 20.7.2007, p. 1.
(2) Ir-Regolament tal-Kummissjoni (KE) Nru 1235/2008 tat-8 ta' Diċembru 2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (ĠU L 334, 12.12.2008, p. 25).
ANNESS I
Fl-Anness III għar-Regolament (KE) Nru 1235/2008, jiddaħħal it-test li ġej:
“IR-REPUBBLIKA TAL-KOREA
1. Kategoriji tal-prodott :
|
Kategorija tal-prodotti |
Deżinjazzjoni tal-kategorija skont l-Anness IV |
Limitazzjonijiet |
|
Prodotti agrikoli pproċessati biex jintużaw bħala ikel |
D |
|
2. Oriġini : ingredjenti mkabbrin organikament fil-prodotti tal-kategorija D li tkabbru fir-Repubblika tal-Korea jew li ġew importati lejn ir-Repubblika tal-Korea:
|
— |
mill-Unjoni, jew |
|
— |
minn pajjiż terz li għalih r-Repubblika tal-Korea rrikonoxxiet li l-prodotti ġew prodotti u kkontrollati f'dak il-pajjiż terz skont regoli ekwivalenti għal dawk stabbiliti mil-leġiżlazzjoni tar-Repubblika tal-Korea. |
3. Standards tal-produzzjoni : L-Att dwar il-Promozzjoni ta' Agrikoltura u Sajd li jħarsu l-Ambjent u l-Ġestjoni u Appoġġ għall-Ikel Organiku.
4. Awtoritajiet kompetenti : Ministeru tal-Agrikoltura, l-Ikel u l-Affarijiet Rurali
5. Korpi tal-kontroll :
|
Numru tal-kodiċi |
Isem |
Indirizz tal-Internet |
|
KR-ORG-001 |
Korea Agricultural Product and Food Certification |
www.kafc.kr |
|
KR-ORG-002 |
Doalnara Organic Certificated Korea |
www.doalnara.or.kr |
|
KR-ORG-003 |
Bookang tech |
www.bkt21.co.kr |
|
KR-ORG-004 |
Global Organic Agriculturalist Association |
www.goaa.co.kr |
|
KR-ORG-005 |
OCK |
|
|
KR-ORG-006 |
Konkuk University industrial cooperation corps |
http://eco.konkuk.ac.kr |
|
KR-ORG-007 |
Korea Environment-Friendly Organic Certification Center |
www.a-cert.co.kr |
|
KR-ORG-008 |
Konkuk Ecocert Certification Service |
www.ecocert.co.kr |
|
KR-ORG-009 |
Woorinong Certification |
www.woric.co.kr |
|
KR-ORG-010 |
ACO(Australian Certified Organic) |
www.aco.net.au |
|
KR-ORG-011 |
BCS(BCS Oko-Garantie GmbH) |
www.bcs-oeko.com |
|
KR-ORG-012 |
BCS Korea |
www.bcskorea.com |
|
KR-ORG-014 |
The Center for Environment Friendly Agricultural Products Certification |
www.hgreent.or.kr |
|
KR-ORG-015 |
ECO-Leaders Certification Co.,Ltd. |
www.ecoleaders.kr |
|
KR-ORG-016 |
Ecocert |
www.ecocert.com |
|
KR-ORG-017 |
Jeonnam bioindustry foundation |
www.jbio.org/oc/oc01.asp |
|
KR-ORG-018 |
Controlunion |
http://certification.controlunion.com |
6. Korpi u awtoritajiet li joħorġu ċ-ċertifikati : bħal f'punt 5.
7. Tul taż-żmien tal-inklużjoni : sal-31 ta' Jannar 2018.”
ANNESS II
L-Anness IV għar-Regolament (KE) Nru 1235/2008 huwa emendat kif ġej:
|
(1) |
Fl-entrata dwar “Australian Certified Organic”, fil-punt 3, ir-ringiela li tikkonċerna il-pajjiż terz “il-Korea t'Isfel” u n-numru tal-kodiċi “KR-BIO-107” jitħassru; |
|
(2) |
Fl-entrata dwar “BCS Öko-Garantie GmbH”, fil-punt 3, fir-ringiela li tikkonċerna il-pajjiż terz “il-Korea t'Isfel” u n-numru tal-kodiċi “KR-BIO-141”, is-salib fil-kolonna D jitħassar; “Il-Korea t'Isfel” hija sostitwita b'“Ir-Repubblika tal-Korea”; |
|
(3) |
Fl-entrata dwar “Bioagricert S.r.l.”, fil-punt 3, fir-ringiela li tikkonċerna il-pajjiż terz “il-Korea t'Isfel” u n-numru tal-kodiċi “KR-BIO-132”, is-salib fil-kolonna D jitħassar; “Il-Korea t'Isfel” hija sostitwita b'“Ir-Repubblika tal-Korea”; |
|
(4) |
Fl-entrata dwar “Bio.inspecta AG”, fil-punt 3, fir-ringiela li tikkonċerna il-pajjiż terz “il-Korea t'Isfel” u n-numru tal-kodiċi “KR-BIO-161”, is-salib fil-kolonna D jitħassar; “Il-Korea t'Isfel” hija sostitwita b'“Ir-Repubblika tal-Korea”; |
|
(5) |
Fl-entrata dwar “Control Union Certifications”, fil-punt 3, fir-ringiela li tikkonċerna il-pajjiż terz “il-Korea t'Isfel” u n-numru tal-kodiċi “KR-BIO-149”, is-salib fil-kolonna D jitħassar; “Il-Korea t'Isfel” hija sostitwita b'“Ir-Repubblika tal-Korea”; |
|
(6) |
L-entrata dwar “Doalnara Certified Organic Korea, LLC” għandha tiġi emendata kif ġej:
|
|
(7) |
Fl-entrata dwar “Ecocert SA”, fil-punt 3, fir-ringiela li tikkonċerna il-pajjiż terz “il-Korea t'Isfel” u n-numru tal-kodiċi “KR-BIO-154”, is-salib fil-kolonna D jitħassar; “Il-Korea t'Isfel” hija sostitwita b'“Ir-Repubblika tal-Korea”; |
|
(8) |
Fl-entrata dwar “Organic Certifiers”, fil-punt 3, fir-ringiela li tikkonċerna il-pajjiż terz “il-Korea t'Isfel” u n-numru tal-kodiċi “KR-BIO-106”, is-salib fil-kolonna D jitħassar; “Il-Korea t'Isfel” hija sostitwita b'“Ir-Repubblika tal-Korea”. |
