32005D0690

Deċiżjoni tal-Kunsill

tat- 18 ta’ Ġunju 2005

dwar il-konklużjoni tal-Ftehim Ewro-Mediterranju li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika Alġerina Demokratika u tal-Poplu, min-naħa l-oħra

(2005/690/KE)

IL-KUNSILL TA’ L-UNJONI EWROPEA,

Wara li kkunsidra it-Trattat li jistabbilixxi l-Komunità Ewropea, u b’mod partikolari l-Artikolu 310 tiegħu, flimkien mat-tieni sentenza ta’ l-Artikolu 300 (2), l-ewwel sub-paragrafu, u l-Artikolu 300 (3), it-tieni sub-paragrafu, tiegħu,

Wara li kkunsidra l-proposta mill-Kummissjoni,

Wara li kkunsidra l-kunsens tal-Parlament Ewropew [1],

Billi:

(1) Il-Ftehim Ewro-Mediterranju li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika Alġerina Demokratika u tal-Poplu, min-naħa l-oħra, ġie ffirmat f’isem il-Komunità Ewropea, f’Valenzja fit- 22 ta’ April 2002, taħt riżerva ta’ konklużjoni eventwali f’data aktar tard.

(2) L-imsemmi Ftehim għandu jiġi approvat,

IDDEĊIEDA KIF ĠEJ:

Artikolu 1

1. Il-Ftehim Ewro-Mediterranju li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika Alġerina Demokratika u tal-Poplu, min-naħa l-oħra, l-annessi u l-protokolli mehmuża, kif ukoll id-dikjarazzjonijiet komuni u dawk tal-Komunità Ewropea mehmuża ma’ l-att finali huma approvati f’isem il-Komunità Ewropea.

2. It-testi msemmija fil-paragrafu 1 huma mehmuża ma’ din id-Deċiżjoni.

Artikolu 2

1. Il-pożizzjoni li għandha tiġi adottata mill-Komunità fi ħdan il-Kunsill ta’ Assoċjazzjoni u l-Kumitat ta’ Assoċjazzjoni hija ddefinita mill-Kunsill, fuq proposta tal-Kummissjoni, jew, jekk ikun il-każ, mill-Kummissjoni, f’konformità mad-disposizzonijiet rilevanti tat-Trattati.

2. F’konformità ma’ l-Artikolu 93 tal-Ftehim ta’ Assoċjazzjoni Ewro-Mediterranju, il-President tal-Kunsill jippresjedi l-Kunsill ta’ Assoċjazzjoni. Rappreżentant tal-Kummissjoni jippresjedi l-Kumitat ta’ Assoċjazzjoni, skond ir-regoli ta’ proċedura tiegħu.

3. Id-deċiżjoni li jiġu pubblikati d-deċiżjonijiet tal-Kunsill ta’ Assoċjazzjoni u tal-Kumitat ta’ Assoċjazzjoni fil-Ġurnal Uffiċjali tal-Komunitajiet Ewropej tittieħed każ b’każ mill-Kunsill u mill-Kummissjoni rispettivament.

Artikolu 3

Il-President tal-Kunsill huwa awtorizzat jaħtar il-persuna/i bis-setgħa li jiddepożitaw, f’isem il-Komunità Ewropea, l-att ta’ notifika previst fl-Artikolu 110 tal-Ftehim.

Magħmula fi Brussel, 18 ta’ Ġunju 2005.

Għall-Kunsill

Il-President

J. Straw

[1] ĠU C 279 E, 20.11.2003, p. 115.

--------------------------------------------------