This document is an excerpt from the EUR-Lex website
Document JOL_2006_048_R_0022_01
2006/113/EC: Council Decision of 14 February 2006 on the signature, on behalf of the European Community, and the provisional application of the Agreement in the form of an Exchange of Letters concerning the provisional application of the Protocol amending the Protocol setting out the fishing opportunities and the financial contribution provided for in the Agreement on cooperation in the sea fisheries sector between the European Community and the Islamic Republic of Mauritania for the period 1 August 2001 to 31 July 2006#Agreement in the form of an Exchange of Letters concerning the provisional application of the Protocol amending the Protocol setting out the fishing opportunities and the financial contribution provided for in the Agreement on cooperation in the sea fisheries sector between the European Community and the Islamic Republic of Mauritania for the period 1 August 2001 to 31 July 2006
Deċiżjoni tal-Kunsill ta' l- 14 ta’ Frar 2006 dwar l-iffirmar, f’isem il-Komunità Ewropea, u l-applikazzjoni provviżorja tal-Ftehim fl-għamla ta' Skambju ta' Ittri dwar l-applikazzjoni provviżorja tal-Protokoll li jemenda l-Protokoll li jistipula l-possibiltajiet ta' sajd u l-kontroparti finanzjarja pprovduti fil-Ftehim ta’ Kooperazzjoni fil-qasam tas-sajd marittimu bejn il-Komunità Ewropea u r-Repubblika Islamika tal-Mawritanja għall-perjodu mill- 1 ta’ Awissu 2001 sal- 31 ta’ Lulju 2006
Deċiżjoni tal-Kunsill ta' l- 14 ta’ Frar 2006 dwar l-iffirmar, f’isem il-Komunità Ewropea, u l-applikazzjoni provviżorja tal-Ftehim fl-għamla ta' Skambju ta' Ittri dwar l-applikazzjoni provviżorja tal-Protokoll li jemenda l-Protokoll li jistipula l-possibiltajiet ta' sajd u l-kontroparti finanzjarja pprovduti fil-Ftehim ta’ Kooperazzjoni fil-qasam tas-sajd marittimu bejn il-Komunità Ewropea u r-Repubblika Islamika tal-Mawritanja għall-perjodu mill- 1 ta’ Awissu 2001 sal- 31 ta’ Lulju 2006
ĠU L 48, 18.2.2006, p. 22–25
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 270M, 29.9.2006, p. 220–223
(MT)
- Date of document:
- 18/02/2006
- Author:
- Il-Kunsill tal-Unjoni Ewropea
- Form:
- Deċiżjoni
|
29.9.2006 |
MT |
Il-Ġurnal Uffiċjali ta’ l-Unjoni Ewropea |
220 |
DEĊIŻJONI TAL-KUNSILL
ta' l-14 ta’ Frar 2006
dwar l-iffirmar, f’isem il-Komunità Ewropea, u l-applikazzjoni provviżorja tal-Ftehim fl-għamla ta' Skambju ta' Ittri dwar l-applikazzjoni provviżorja tal-Protokoll li jemenda l-Protokoll li jistipula l-possibiltajiet ta' sajd u l-kontroparti finanzjarja pprovduti fil-Ftehim ta’ Kooperazzjoni fil-qasam tas-sajd marittimu bejn il-Komunità Ewropea u r-Repubblika Islamika tal-Mawritanja għall-perjodu mill-1 ta’ Awissu 2001 sal-31 ta’ Lulju 2006
(2006/113/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 37 flimkien ma' l-Artikolu 300(2) tiegħu,
Wara li kkunsidra l-proposta mill-Kummissjoni,
Billi:
|
(1) |
Il-Protokoll li jistipola l-opportunitajiet ta' sajd u l-kontroparti finanzjarja pprovduti fil-Ftehim ta’ Kooperazzjoni fil-qasam tas-sajd marittimu bejn il-Komunità Ewropea u r-Repubblika Islamika tal-Mawritanja huwa applikabbli għall-perijodu mill-1 ta’ Awissu 2001 sal-31 ta’ Lulju 2006 (1). |
|
(2) |
Meta jitqiesu l-opinjonijiet xjentifiċi dwar il-qagħda tar-riżorsi fiż-Żona Ekonomika Esklussiva tal-Mawritanja u speċjalment ir-riżultati tar-raba’ u tal-ħames grupp ta’ ħidma ta’ l-Istitut tal-Mawritanja għar-Riċerka Oċeanografika u s-Sajd (IMROP) u tal-grupp ta’ ħidma xjentifiku konġunt, u meta jitqiesu l-konklużjonijiet li rriżultaw fil-Kummissjoni mħallta ta’ l-10 ta’ Settembru 2004 u tal-15 u tas-16 ta’ Diċembru 2004, iż-żewġ partijiet iddeċidew li jemendaw l-opportunitajiet attwali ta’ sajd. |
|
(3) |
Ir-riżultati ta’ dawn l-emendi ddaħħlu fl-iskambju ta’ ittri u jittrattaw tnaqqis temporanju ta’ l-attività tas-sajd għall-kategorija tas-sajd għaċ-ċefalopodi (kategorija 5), l-iffissar tat-tieni perjodu ta’ waqfien bijoloġiku ta’ xahar għas-sajd għall-ħut tal-qiegħ, iż-żieda ta' l-għadd ta’ bastimenti għall-kategorija tas-sajd għat-tonn bil-qasab u x-xlief u bil-konzijiet tal-wiċċ (kategorija 8) u għall-kategorija tas-sajd minn bastimenti tas-sajd għal ħut pelaġiku bil-friża (kategorija 9). |
|
(4) |
Sabiex dawn l-emendi li jimmodifikaw l-opportunitajiet ta’ sajd japplikaw mill-iktar fis possibbli, jeħtieġ għalhekk li jiġi ffirmat ftehim fl-għamla ta' skambju ta’ ittri, suġġett għall-konklużjoni definittiva tiegħu mill-Kunsill. |
|
(5) |
Għandu jiġi kkonfermat it-tqassim fost l-Istati Membri tal-possibilitajiet ġodda ta’ sajd kif emendati, |
IDDEĊIEDA KIF ĠEJ:
Artikolu 1
L-iffirmar tal-ftehim fl-għamla ta' skambju ta' ittri dwar l-applikazzjoni provviżorja tal-Protokoll li jemenda l-Protokoll li jistipula l-possibiltajiet ta' sajd u l-kontroparti finanzjarja pprovduti fil-Ftehim ta’ Kooperazzjoni fil-qasam tas-sajd marittimu bejn il-Komunità Ewropea u r-Repubblika Islamika tal-Mawritanja għall-perjodu mill-1 ta’ Awissu 2001 sal-31 ta’ Lulju 2006 b'dan huwa approvat f’isem il-Komunità, soġġett għall-konklużjoni ta' l-imsemmi ftehim.
It-test tal-Ftehim huwa mehmuż ma' din id-Deċiżjoni.
Artikolu 2
Il-President tal-Kunsill b'dan huwa awtorizzat li jinnomina l-persuna/i bis-setgħa li tiffirma/jiffirmaw il-ftehim fl-għamla ta' skambju ta' ittri f'isem il-Komunità, suġġett għall-konklużjoni tiegħu.
Artikolu 3
Il-ftehim fl-għamla ta’ skambju ta’ ittri jiġi applikat mill-Komunità b’mod provviżorju mill-1 ta’ Jannar 2005.
Artikolu 4
B'riżultat ta' l-emendi msemmija fl-iskambju ta’ ittri, l-opportunitajiet il-ġodda ta’ sajd għall-kategorija tas-sajd “bastimenti tas-sajd għat-tonn bil-qasab u x-xlief u bil-konzijiet tal-wiċċ” (fajl tekniku nru 8 tal-Protokoll) u għall-kategorija tas-sajd “bastimenti tas-sajd għall-ħut pelaġiku bil-friża” (fajl tekniku nru 9) huma mqassma fost l-Istati Membri kif ġej:
|
Kategoriji tas-sajd |
Stat Membru |
Tunnellaġġ/Numru ta’ bastimenti li jistgħu jintużaw |
|
Bastimenti tas-sajd għat-tonn bil-qasab u x-xlief Bastimenti bil-konzijiet tal-wiċċ (bastimenti) |
Spanja |
20 + 3 = 23 |
|
Il-Portugall |
3 + 0 = 3 |
|
|
Franza |
8 + 1 = 9 |
|
|
Għall-ħut pelaġiku (bastimenti) |
|
15 + 10 = 25 |
It-tnaqqis temporanju ta’ ħames (5) liċenzji għas-sajd għall-kategorji tas-sajd tal-ċefalopodi jgħodd mill-1 ta’ Jannar 2005. Il-mobilitazzjoni fil-ġejjieni ta’ dawn il-ħames (5) liċenzji se tiġi deċiża bi qbil komuni fi ħdan kummissjoni mħallta komposta mill-Kummissjoni u l-awtoritajiet Mawritani skond il-qagħda tar-riżorsa.
Jekk il-applikazzjonijiet għal-liċenzji ta’ l-Istati Membri ma jkoprux l-opportunitajiet ta’ sajd iffissati mill-Protokoll, il-Kummissjoni tista’ tqis l-applikazzjonijiet għal-liċenzji ta’ Stat Membru ieħor.
Magħmul fi Brussell, nhar il-14 ta’ Frar 2006.
Għall-Kunsill
Il-President
K.-H. GRASSER
(1) ĠU L 341, 22.12.2001, p. 128.
FTEHIM
Fl-għamla ta’ skambju ta’ ittri dwar l-applikazzjoni provviżorja tal-protokoll li jemenda l-protokoll li jiffissa l-opportunitajiet ta' sajd u l-kontroparti finanzjarja pprovduti fil-ftehim ta’ kooperazzjoni fil-qasam tas-sajd marittimu bejn il-komunità ewropea u r-Repubblika Islamika tal-Mawritanja għall-perjodu mill-1 ta’ Awissu 2001 sal-31 ta’ Lulju 2006.
A. Ittra mill-Gvern tar-Repubblika Islamika tal-Mawritanja
Għażiż Sinjur,
Filwaqt li nirreferi għall-Protokoll, inizjalat fil-31 ta’ Lulju 2001, li jiffissa l-opportunitajiet ta' sajd u l-kontroparti finanzjarja pprovduti fil-Ftehim ta’ Kooperazzjoni fil-qasam tas-sajd marittimu bejn il-Komunità Ewropea u r-Repubblika Islamika tal-Mawritanja għall-perjodu mill-1 ta’ Awissu 2001 sal-31 ta’ Lulju 2006, u għar-riżultat tal-Kummissjoni mħallta ta’ l-10 ta’ Settembru 2004 u tal-15 u tas-16 ta’ Diċembru 2004, għandi l-unur ninfurmak li l-Gvern tar-Repubblika Islamika tal-Mawritanja jinsab lest li japplika, skond l-opinjonijiet xjentifiċi, tnaqqis temporanju ta’ l-attività ta’ sajd għall-kategorija tas-sajd għaċ-ċefalopodi kif stipolata fil-fajl tekniku tas-sajd nru 5 ta’ dan il-Protokoll, billi temporanjament inaqqas b'5 liċenzji l-opportunitajiet ta’ sajd fir-rigward tal-opportunitajiet offruti mill-Protokoll. Il-mobilitazzjoni tal-ġejjieni ta’ dawn il-5 liċenzji se tkun deċiża bi qbil komuni skond il-qagħda tar-riżorsa. Il-Gvern tar-Repubblika Islamika tal-Mawritanja se jiddeċiedi wkoll dwar it-tieni perjodu ta’ waqfien bijoloġiku ta’ xahar għas-sajd tal-ħut tal-qiegħ fuq bażi mhux diskriminatorja. Il-Gvern tar-Repubblika Islamika tal-Mawritanja jimpenja ruħu wkoll għall-applikazzjoni ta’ l-emendi magħmula lill-Protokoll għad-dispożizzjonijiet dwar l-opportunitajiet ta’ sajd iffissati mill-fajl tekniku tas-sajd nru 8 għall-kategorija tas-sajd għat-tonn bil-qasbiet u għall-iskejjen li jistadu bil-konz tal-wiċċ billi jżid l-għadd ta' bastimenti ta’ din il-kategorija minn 31 għal 35 u fil-fajl tekniku tas-sajd nru 9 għall-kategorija tas-sajd tal-bastimenti għat-tkarkir għall-ħut pelaġiku bil-friża billi jżid l-għadd ta’ bastimenti ta’ din il-kategorija minn 15 għal 25, b’mod provviżorju b’effett mill-1 ta’ Jannar 2005, fl-istennija tad-dħul tiegħu fis-seħħ, sakemm il-Komunità Ewropea tkun disposta tagħmel l-istess.
Nibqa' nafulek jekk tikkonfermali l-ftehim tal-Komunità Ewropea dwar din l-applikazzjoni provviżorja.
Dejjem tiegħek.
Għall-Gvern tar-Repubblika Islamika tal-Mawritanja
B. Ittra tal-Komunità Ewropea
Għażiż Sinjur,
Għandi l-unur ngħarrfek li rċevejt l-ittra tiegħek bid-data tal-lum, li tgħid kif ġej:
“Għażiż Sinjur,
Filwaqt li nirreferi għall-Protokoll, inizjalat fil-31 ta’ Lulju 2001, li jiffissa l-opportunitajiet ta' sajd u l-kontroparti finanzjarja pprovduti fil-Ftehim ta’ Kooperazzjoni fil-qasam tas-sajd marittimu bejn il-Komunità Ewropea u r-Repubblika Islamika tal-Mawritanja għall-perjodu mill-1 ta’ Awissu 2001 sal-31 ta’ Lulju 2006, u għar-riżultat tal-Kummissjoni mħallta ta’ l-10 ta’ Settembru 2004 u tal- u tas-16 ta’ Diċembru 2004, għandi l-unur ninfurmak li l-Gvern tar-Repubblika Islamika tal-Mawritanja jinsab lest li japplika, skond l-opinjonijiet xjentifiċi, tnaqqis temporanju ta’ l-attività ta’ sajd għall-kategorija tas-sajd għaċ-ċefalopodi kif stipolata fil-fajl tekniku tas-sajd nru 5 ta’ dan il-Protokoll, billi temporanjament inaqqas b'5 liċenzji l-opportunitajiet ta’ sajd fir-rigward tal-opportunitajiet offruti mill-Protokoll. Il-mobilitazzjoni tal-ġejjieni ta’ dawn il-5 liċenzji se tkun deċiża bi qbil komuni skond il-qagħda tar-riżorsa. Il-Gvern tar-Repubblika Islamika tal-Mawritanja se jiddeċiedi wkoll dwar it-tieni perjodu ta’ waqfien bijoloġiku ta’ xahar għas-sajd tal-ħut tal-qiegħ fuq bażi mhux diskriminatorja. Il-Gvern tar-Repubblika Islamika tal-Mawritanja jimpenja ruħu wkoll għall-applikazzjoni ta’ l-emendi magħmula lill-Protokoll għad-dispożizzjonijiet dwar l-opportunitajiet ta’ sajd iffissati mill-fajl tekniku tas-sajd nru 8 għall-kategorija tas-sajd għat-tonn bil-qasbiet u għall-iskejjen li jistadu bil-konz tal-wiċċ billi jżid l-għadd ta' bastimenti ta’ din il-kategorija minn 31 għal 35 u fil-fajl tekniku tas-sajd nru 9 għall-kategorija tas-sajd tal-bastimenti għat-tkarkir għall-ħut pelaġiku bil-friża billi jżid l-għadd ta’ bastimenti ta’ din il-kategorija minn 15 għal 25, b’mod provviżorju b’effett mill-1 ta’ Jannar 2005, fl-istennija tad-dħul tiegħu fis-seħħ, sakemm il-Komunità Ewropea tkun disposta tagħmel l-istess.
Nibqa' nafulek jekk tikkonfermali l-ftehim tal-Komunità Ewropea dwar din l-applikazzjoni provviżorja.”
Għandni l-unur nikkonfermalek il-qbil tal-Komunità Ewropea dwar din l-applikazzjoni provviżorja.
Dejjem tiegħek.
F'isem il-Komunità Ewropea
