Ebda oppożizzjoni għal konċentrazzjoni notifikata

(Każ COMP/M.6593 – Audi/Ducati Motor Holding)

(Test b’relevanza għaż-ŻEE)

2012/C 197/01

Fit-28 ta’ Ġunju 2012, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’rilevanza għaż-ŻEE, għajr f’dak li għandu x’jaqsam mal-prodotti rilevanti mal-Anness I tat-Trattat)

2012/C 197/02

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

Rata tal-kambju tal-euro (1)

L-4 ta’ Lulju 2012

2012/C 197/03

1 euro =

(1)  Sors: rata tal-kambju ta' referenza ppubblikata mill-Bank Ċentrali Ewropew.

DEĊIŻJONI TA’ IMPLIMENTAZZJONI TAL-KUMMISSJONI

tal-4 ta’ Lulju 2012

li tikkonċerna l-finanzjament għas-sena 2012 ta' attivitajiet fil-qasam veterinarju li huma marbutin mal-politika tat-tagħrif tal-Unjoni Ewropea u s-sostenn ta' organizzazzjonijiet internazzjonali, ma' għadd ta' miżuri meħtieġa biex jiżguraw l-applikazzjoni tar-Regolament (KE) Nru 882/2004 u lejn proġett bi prova dwar Netwerk Ewropew ikkoordinat dwar it-Trattament Xieraq tal-Annimali

2012/C 197/04

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE, Euratom) Nru 1605/2002 tal-25 ta' Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (1) (minn hawn 'il quddiem imsejjaħ ir-“Regolament Finanzjarju”), u b'mod partikolari l-Artikoli 49(6)a u 75 tiegħu,

Wara li kkunsidrat id-Deċiżjoni tal-Kunsill 2009/470/KE tal-25 ta’ Mejju 2009 dwar in-nefqa fil-kamp veterinarju (2), u b’mod partikolari l-Artikoli 20, 23 u 27 tagħha,

Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u tal-ikel, mas-saħħa tal-annimali u mar-regoli dwar il-welfare tal-annimali (3) u partikolarment, l-Artikolu 66(1)(c) tiegħu,

Billi:

IDDEĊIDIET KIF ĠEJ:

TITOLU I

Il-programm ta' ħidma li jimplimenta d-Deċiżjoni tal-Kunsill 2009/470/KE

Artikolu 1

Il-programm ta' ħidma annwali għall-implimentazzjoni tal-Artikoli 20, 23, u 27 tad-Deċiżjoni tal-Kunsill 2009/470/KE, kif stipulat fl-Anness I, huwa b'dan adottat.

Artikolu 2

Ġie stabbilit li l-kontribuzzjoni massima awtorizzata b'dan it-Titolu għall-implimentazzjoni tal-programm hija ta' EUR 3 254 600 u għandha tiġi ffinanzjata mil-Linja Baġitarja 17 04 02 01 tal-Baġit Ġenerali tal-Unjoni Ewropea għall-2012.

Artikolu 3

L-implimentazzjoni baġitarja ta' kompiti marbutin mal-punt 2. fl-Anness I tista' tiġi fdata f'idejn l-organizzazzjoni internazzjonali li ġejja, li tapplika standards li joffru garanziji ekwivalenti għall-istandards aċċettati internazzjonalment fil-proċeduri ta' kontabilità, ta' awditjar, ta' kontrolli interni u ta' akkwisti: L-Organizzazzjoni Dinjija għas-Saħħa tal-Annimali (OIE)

TITOLU II

Il-programm ta' ħidma li jimplimenta r-Regolament tal-Kunsill (KE) Nru 882/2004

Artikolu 4

Il-programm ta' ħidma annwali għall-implimentazzjoni tal-Artikolu 66(1)(c), kif stabbilit fl-Anness II, huwa b'dan adottat.

Artikolu 5

Ġie stabbilit li l-kontribuzzjoni massima awtorizzata b'dan it-Titolu għall-implimentazzjoni tal-programm hija ta' EUR 277 650 u għandha tiġi ffinanzjata mil-Linja Baġitarja 17 04 07 01 tal-Baġit Ġenerali tal-Unjoni Ewropea għall-2012.

TITOLU III

Proġett ta' prova ta' Netwerk Ewropew ikkoordinat għat-Trattament Xieraq tal-Annimali

Artikolu 6

Il-proġett bi prova, kif stipulat fl-Anness III huwa b'dan adottat.

Artikolu 7

Ġie stabbilit li l-kontribuzzjoni massima awtorizzata b'dan it-Titolu għall-implimentazzjoni tal-programm ta' prova hija ta' EUR 1 000 000 u għandha tiġi ffinanzjata mil-Linja Baġitarja 17 04 01 02 tal-Baġit Ġenerali tal-Unjoni Ewropea għall-2012.

TITOLU IV

Dispożizzjonijiet ġenerali

Artikolu 8

Il-programmi ta' ħidma msemmijin fit-Titoli I, II u III jikkostitwixxu deċiżjonijiet ta' finanzjament fit-tifsira tal-Artikolu 75 tar-Regolament Finanzjarju.

Artikolu 9

1.   L-uffiċjal awtorizzanti jista’ jadotta kwalunke bidliet għal kull wieħed mit-Titoli li ma jitqisux sostanzjali fit-tifsira tal-Artikolu 90(4) tar-Regolament (KE, Euratom) Nru 2342/2002, skont il-prinċipji ta’ amministrazzjoni finanzjarja soda u tal-proporzjonalità.

2.   Bidliet kumulattivi tal-allokazzjonijiet għall-azzjonijiet koperti mill-programm ta' ħidma li ma jaqbżux l-10 % tal-kontribuzzjoni massima prevista mill-Artikoli 2, 5 u 7 ta' din id-Deċiżjoni ma għandhomx jitqiesu bħala sostanzjali fit-tifsira tal-Artikolu 90(4) tar-Regolament (KE, Euratom) Nru 2342/2002, sakemm dawn ma jaffettwawx b'mod sinifikanti n-natura u l-għan tal-programmi ta' ħidma.

Artikolu 10

L-aproprjazzjonijiet imsemmija fl-Artikoli 2, 5 u 7 jistgħu jkopru wkoll l-imgħax li għandu jitħallas fuq ħlas b'lura.

Artikolu 11

Din id-Deċiżjoni hija indirizzata lill-uffiċjali ta' awtorizzazzjoni ddelegati.

(1)  ĠU L 248, 16.9.2002, p. 1.

(2)  ĠU L 155, 18.6.2009, p. 30.

(3)  ĠU L 165, 30.4.2004, p. 1. kif ikkoreġut mill-ĠU L 191, 28.5.2004, p. 1.

(4)  ĠU L 357, 31.12.2002, p. 1.

(5)  ĠU C 83, 30.3.2010, p. 47.

(6)  ĠU L 303, 18.11.2009, p. 1.

(7)  COM(2012) 6 finali.

Sommarju eżekuttiv tal-Opinjoni tal-Kontrollur Ewropew għall-Protezzjoni tad-Data dwar il-proposta għal deċiżjoni tal-Parlament Ewropew u tal-Kunsill dwar theddid serju għas-saħħa transkonfinali

(It-test sħiħ ta’ din l-Opinjoni huwa disponibbli bl-EN, FR & DE fis-sit tal-EDPS http://www.edps.europa.eu)

2012/C 197/05

I.   Daħla

II.   Konklużjoni

(It-test sħiħ ta’ din l-Opinjoni huwa disponibbli bl-EN, FR & DE fis-sit tal-EDPS http://www.edps.europa.eu)

(1)  ĠU L 268, 3.10.1998, p. 1.

(2)  ĠU L 21, 26.1.2000, p. 32.

(3)  L-ECDC huwa stabbilit bir-Regolament (KE) Nru 851/2004 (ĠU L 142, 30.4.2004, p. 1).

(4)  Disponibbli fuq is-sit elettroniku tal-KEPD: http://www.KEPD.europa.eu/KEPDWEB/webdav/site/mySite/shared/Documents/Supervision/Priorchecks/Opinions/2010/10-04-26_EWRS_EN.pdf

(5)  ĠU L 36, 9.2.2012, p. 31.

(6)  Artikolu 6(5)(a) tal-Proposta.

(7)  Artikolu 8(2) tal-Proposta.

(8)  Artikolu 18(6) tal-Proposta.

Informazzjoni kkomunikata mill-Istati Membri dwar l-għeluq tas-sajd

2012/C 197/06

F’konformità mal-Artikolu 35(3) tar-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (1), ittieħdet deċiżjoni biex is-sajd jingħalaq kif deskritt fit-tabella ta' hawn taħt:

(1)  ĠU L 343, 22.12.2009, p. 1

Stedina biex jitressqu kummenti skont l-Artikolu 1(2) fil-Parti I tal-Protokoll 3 tal-Ftehim bejn l-Istati tal-EFTA dwar it-Twaqqif ta’ Awtorità ta' Sorveljanza u Qorti tal-Ġustizzja dwar kwistjonijiet ta' għajnuna mill-Istat rigward għajnuna potenzjali mogħtija lil Oslo Sporveier u AS Sporveisbussene fin-Norveġja

2012/C 197/07

Permezz tad-Deċiżjoni Nru 123/12/COL tat-28 ta’ Marzu 2012, riprodotta fil-lingwa awtentika fil-paġni li jsegwu dan is-sommarju, l-Awtorità ta’ Sorveljanza tal-EFTA bdiet proċedimenti skont l-Artikolu 1(2) fil-Parti I tal-Protokoll 3 tal-Ftehim bejn l-Istati tal-EFTA dwar it-Twaqqif ta' Awtorità ta' Sorveljanza u ta' Qorti tal-Ġustizzja. L-awtoritajiet Norveġiżi ġew infurmati permezz ta’ kopja tad-deċiżjoni.

Permezz ta’ din in-notifika l-Awtorità ta’ Sorveljanza tal-EFTA tavża lill-Istati tal-EFTA, lill-Istati Membri tal-UE u lill-partijiet interessati biex iressqu l-kummenti tagħhom dwar il-miżura inkwistjoni fi żmien xahar mid-data tal-pubblikazzjoni lil:

Il-kummenti se jkunu kkomunikati lill-awtoritajiet Norveġiżi. L-identità tal-parti interessata li tissottometti l-kummenti tista’ tinżamm mistura wara talba bil-miktub li tiddikjara r-raġunijiet għat-talba.

SOMMARJU

L-Isfond

Fin-Norveġja, is-settur tat-trasport bil-karozzi tal-linja lokali huwa rregolat mill-Att tat-Trasport Kummerċjali tal-2002 (is-“CTA”) u r-Regolament dwar it-Trasport Kummerċjali tal-2003 (is-“CTR”). Kemm is-CTA kif ukoll is-CTR ħassru leġiżlazzjoni preċedenti li kienet sostanzjalment simili. Dan il-qafas leġiżlattiv jipprovdi fost l-oħrajn għal sistema ta’ konċessjonijiet li huma neċessarji għal impriżi biex isiru eliġibbli biex jiġu fdati bit-twettiq ta’ servizzi tal-karozzi tal-linja pubbliċi, u tikkonferixxi fuq il-kontej, bħall-Muniċipalità ta' Oslo, ir-responsabbiltà li tagħti kumpens lill-impriżi li joperaw rotot li ma jrendux. Tali kumpens jista' jingħata biex tiġi koperta d-differenza bejn id-dħul iġġenerat mill-bejgħ tal-biljetti u l-ispejjeż tal-operar tas-servizz.

F’Oslo, sa minn qabel id-dħul fis-seħħ tal-Ftehim ŻEE, kien jingħata kumpens annwali lill-konċessjonarji għal rotot li ma jrendux skont il-proċedura tal-baġit tal-belt. Il-kumpens kien jitħallas permezz ta' somma f’daqqa annwali, li kienet ibbażata fuq l-ispejjeż imġarrba fis-snin preċedenti, billi jittieħed kont ta’ firxa ta' fatturi ta' korrezzjoni. Sa mill-2008 il-kuntratti kollha għal servizzi tal-karozzi tal-linja skedati ġew mogħtija lill-impriżi wara sejħa pubblika għall-offerti. Minn dak iż-żmien ’il quddiem l-ebda kumpens kif deskritt hawn fuq ma ġie mogħti lil AS Oslo Sporveier għal servizzi tal-karozzi tal-linja skedati.

AS Oslo Sporveier u aktar tard is-sussidjarja tagħha, AS Sporveisbussene, ġew fdati bil-provvediment ta’ servizzi tal-karozzi tal-linja skedati f’Oslo skond id-dispożizzjonijiet deskritti fil-qosor hawn fuq minn ħafna qabel id-dħul fis-seħħ tal-Ftehim ŻEE sal-2008.

AS Oslo Sporveier għaddiet minn bosta riorganizzazzjonijiet mill-1994. Pereżempju l-operazzjoni tas-servizzi tal-karozzi tal-linja kollha, inklużi s-servizzi tal-karozzi turistiċi kummerċjali kollha apparti s-servizzi tal-karozzi tal-linja skedati f’Oslo, ingħatat lis-sussidjarja tagħha AS Sporveisbussene fl-1997. Bħala riżultat ta’ dan, AS Oslo Sporveier u AS Sporveisbussene daħlu f’hekk imsejjaħ Ftehim dwar it-Trasport sabiex AS Sporveisbussene tkun tista’ ssir ir-riċevitur effettiv tal-kumpens annwali. Taħt dan il-Ftehim dwar it-Trasport, il-kumpens għas-servizz tal-karozzi tal-linja skedati tħallas skont id-dispożizzjonijiet deskritti hawn fuq. L-awtoritajiet Norveġiżi jsostnu li matul il-perjodu kollu investigat – mill-1994 sal-2008 – inżammu kontijiet separati għall-attivitajiet ta’ servizzi kummerċjali u pubbliċi fil-grupp Oslo Sporveier, u li l-attivitajiet kummerċjali kienu dejjem iċċarġjati prezzijiet tas-suq għal servizzi li rċevew minn attivitajiet ta’ servizzi pubbliċi.

Fl-2004, il-Muniċipalità ta’ Oslo – li dak iż-żmien kienet azzjonista ta’ 98,8 % minn Oslo Sporveier – injettat NOK 111 760 000 ta' kapital biex tkopri n-nuqqas ta' fondi fil-fondi tal-pensjonijiet ta’ AS Sporveisbussene. In-nuqqas ta' fondi kien akkumula fil-perjodu ta’ qabel l-1997, u kien relatat mal-obbligazzjonijiet tal-pensjonijiet għall-impjegati kemm fis-servizz pubbliku kif ukoll fid-diviżjoni tal-karozzi turistiċi ta’ AS Oslo Sporveier. AS Oslo Sporveier kienu obbligati jirrimedjaw għan-nuqqas ta' fondi. L-injezzjoni tal-kapital intgħażlet mill-Muniċipalità ta’ Oslo, fil-kapaċità tagħha bħala s-sid, bħala l-orħos mezz biex tagħmel dan.

Valutazzjoni tal-miżura

Il-preżenza tal-għajnuna mill-Istat

L-Awtorità tikkunsidra li kemm l-injezzjoni tal-kapital kif ukoll il-pagamenti ta' kumpens annwali jinvolvu l-għajnuna mill-Istat.

Fir-rigward tal-injezzjoni tal-kapital biex tkopri n-nuqqas ta' fondi tal-kontijiet tal-pensjonijiet tal-attività kummerċjali, l-Awtorità bħalissa mhijiex kapaċi teskludi li din tagħti vantaġġ ekonomiku lil AS Oslo Sporveier, peress li l-ebda informazzjoni ma ġiet sottomessa li turi li din ingħatat f’konformità mal-prinċipju tal-investitur f’ekonomija tas-suq.

Barra minn hekk, l-Awtorità hi tal-fehma preliminari li kemm il-kumpens annwali kif ukoll l-injezzjoni tal-kapital biex tkopri n-nuqqas ta' fondi li jirrigwardaw kontijiet għall-pensjonijiet tas-servizz pubbliku (li huma marbuta ma’ spejjeż li jistgħu jiffurmaw ukoll il-bażi għal kumpens annwali) ma ġewx determinati permezz ta' proċedura tal-akkwist pubbliku u mhumiex simili għall-ispiża li impriża, immexxija tajjeb u mgħammra b’mod adegwat, kien ikollha tagħmel. Għalhekk, ir-raba' kriterju tal-ġurisprudenza Altmark mhuwiex sodisfatt u għalhekk iż-żewġ miżuri jikkostitwixxu għajnuna mill-Istat fit-tifsira tal-Artikolu 61(1) tal-Ftehim ŻEE.

In-natura tal-għajnuna

F'dan l-istadju, l-Awtorità mhijiex kapaċi tikkonkludi jekk l-għajnuna kenitx mogħtija taħt skema ta’ għajnuna eżistenti, li kienet tkun ibbażata fuq is-CTA u s-CTR kif applikati f’Oslo minn qabel id-dħul fis-seħħ tal-Ftehim ŻEE. Għandu jiġi nnutat li ma ngħatat l-ebda għajnuna ulterjuri skont id-dispożizzjonijiet ta’ hawn fuq mill-2008. Jekk nassumu li hemm skema ta’ għajnuna eżistenti fis-seħħ mill-1994, l-Awtorità bħalissa mhijiex kapaċi tiddeskrivi l-iskema eżatt, u jekk l-għajnuna kollha mogħtija kenitx ibbażata fuq dik l-iskema. Barra minn hekk, mhijiex kapaċi teskludi li l-miżuri jinvolvu, għallinqas sa ċertu punt, partikolarment fir-rigward tal-kopertura tal-obligazzjonijiet tal-pensjonijiet relatati mal-attivitajiet kummerċjali, għajnuna mill-Istat illegali u inkompatibbli.

Kompatibbiltà tal-għajnuna

F’dan l-istadju l-Awtorità jidhrilha li l-pagamenti li saru sal-konċessjoni mogħtija direttament kienu spiċċaw sal-2008, u l-injezzjoni tal-kapital tal-2004 sabiex tpatti għan-nuqqas ta' fondi fil-fond tal-pensjonijiet setgħet, għallinqas fil-parti l-kbira tagħha, tkun kumpens kompatibbli għas-servizz pubbliku taħt l-Artikolu 49 taż-ŻEE. Il-valutazzjoni ta’ kompatibbiltà fid-deċiżjoni finali għalhekk tiffoka partikolarment fuq jekk kienx hemm kumpens żejjed. Barra minn hekk, l-għajnuna tista’, għall-inqas parzjalment, tkun kompatibbli taħt l-Artikolu 61(3)(c).

Konklużjoni

Fid-dawl tal-kunsiderazzjonijiet imsemmija hawn fuq, l-Awtorità ddeċidiet li tiftaħ proċedura ta' investigazzjoni formali skont l-Artikolu 1(2) tal-Ftehim ŻEE. Il-partijiet interessati huma mistiedna jressqu l-kummenti tagħhom fi żmien xahar mill-pubblikazzjoni ta’ dan l-avviż f’Il-Ġurnal Uffiċjali tal-Unjoni Ewropea.

AVVIŻ TA' KOMPETIZZJONIJIET ĠENERALI

2012/C 197/08

L-Uffiċċju Ewropew għall-Għażla tal-Persunal (EPSO) qed jorganizza dawn il-kompetizzjonijiet ġenerali:

INTERPRETI TAL-KONFERENZI

L-avviżi tal-kompetizzjonijiet huma ppubblikati esklussivament bid-Daniż, bil-Ġermaniż, bl-Ingliż u bis-Slovakk fil-Ġurnal Uffiċjali C 197 A tal-5 ta' Lulju 2012.

Għal aktar informazzjoni kkonsulta l-websajt tal-EPSO http://www.eu-careers.info

Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel

2012/C 197/09

Din il-pubblikazzjoni tagħti d-dritt għal oġġezzjoni għad-domanda skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu għand il-Kummissjoni fi żmien sitt xhur mid-data ta' din il-pubblikazzjoni

DOKUMENT UNIKU

IR-REGOLAMENT TAL-KUNSILL (KE) Nru 510/2006

“AGNELLO DEL CENTRO ITALIA”

KE Nru: IT-PGI-0005-0808-18.05.2010

IĠP ( X ) DPO ( )

1.   Isem:

“Agnello del Centro Italia”

2.   Stat Membru jew Pajjiż terz:

L-Italja

3.   Deskrizzjoni tal-prodott agrikolu jew tal-oġġett tal-ikel:

3.1.   Tip ta' prodott:

3.2.   Deskrizzjoni tal-prodott li japplika għalih l-isem fl-punt 1:

L-Agnello del Centro Italia jirriżulta mill-maċell tal-ħrief, li jkunu iżgħar minn 12-il xahar, u li jkunu ġejjin mir-razez lokali u t-taħliet bejniethom, li ġejjin: Appenninica, Bergamasca, Biellese, Fabrianese, Merinizzata Italiana, Pomarancina, Sopravissana, Zerasca; Comisana, Cornella Bianca, Cornigliese (Corniglio), Garfagnina Bianca, Gentile di Puglia, Massese, Pagliarola, Pecora delle Langhe. Il-karkassi jinqasmu fi tliet tipi, kkarratterizzati kif ġej: Ħaruf ħafif, li jiżen bejn it-8,01u t-13,0 kg; l-ammont ta' xaħam ikun fl-ambitu tal-klassi 1; 2; 3 kif hemm spjegat fit-“Tabella Komunitarja tal-klassifikazzjoni tal-karkassi tal-ħrief ħfief”. Ħaruf tqil, li jiżen daqs jew iżjed minn 13,01 kg; f’konformità mal-ambitu tal-klassi: U; R; O; l-ammont ta' xaħam ikun fl-ambitu tal-klassi: 2; 3; 4 kif hemm spjegat fit-“Tabella Komunitarja tal-klassifikazzjoni tal-karkassi tal-ovini”. Ħaruf kastrat, li jiżen daqs jew iżjed minn 20,0 kg; f’konformità mal-ambitu tal-klassi: E; U; R; l-ammont ta' xaħam ikun fl-ambitu tal-klassi: 2; 3; 4; kif hemm spjegat fit-“Tabella Komunitarja tal-klassifikazzjoni tal-karkassi tal-ovini”.

Il-pH tal-laħam titkejjel fuq il-musklu Longissimus toraci u jkollha valur ta' bejn 6,15 u 6,80 jekk tittieħed wara li jitlestew il-proċeduri kollha tal-maċell u qabel mal-karkassi jiddaħħlu fil-friġġ; jew bejn il-5,15 u 5,80 jekk tittieħed bejn 24 u 30 siegħa wara l-maċell.

3.3.   Materja prima (għall-prodotti pproċessati biss):

—

3.4.   Għalf (għall-prodotti li ġejjin mill-annimali biss):

Il-ħrief jistgħu jieħdu biss ħalib tal-omm sal-ftim. Wara, il-bażi alimentari tkun magħmula minn għalf prodott minn elementi naturali tal-pjanura, tal-mergħa, ħaxix u/jew grani, kollha kemm huma ġejjin miż-żona ġeografika. Jistgħu jieħdu integraturi minerali u/jew bil-vitamini, tal-għalf sa kwantità massima ta’ 0.4 kg kuljum għal kull ħaruf.

3.5.   Stadji speċifiċi tal-produzzjoni li għandhom jitwettqu fiż-żona ġeografika identifikata:

Il-ħrief jitwieldu u jitrabbew fl-istess azjendi agrikoli li jinsabu fiż-żona ġeografika tal-produzzjoni li hija deskritta fil-punt li jmiss nru 4.

3.6.   Regoli speċifiċi għat-tqattigħ, għat-tħakkik, għall-ippakkjar, eċċ.:

—

3.7.   Regoli speċifiċi għat-tikkettar:

Il-laħam tal-Agnello del Centro Italia jrid ikollu t-tikketta fuqu u jkollu miegħu l-informazzjoni li ġejja: il-logo tal-Agnello del Centro Italia; it-tip tal-prodott (Ħafif – Tqil – Kastrat); is-simbolu grafiku tal-UE.

4.   Deskrizzjoni fil-qosor taż-żona ġeografika:

Iż-żona ġeografika tal-produzzjoni tal-Agnello del Centro Italia tinkludi t-territorji tar-reġjuni li ġejjin; Abruzzo, Lazio, Marche, Toscana, Umbria; Emilia-Romagna limitata għat-territorji interni tal-provinċja ta’ Bologna, Rimini, Forlì-Cesena, Ravenna u, parzjalment, it-territorji tal-provinċja ta’ Modena, Reggio nell’Emilia u Parma, delimitati matul l-awtostrada A1 Bologna-Milano li tibda mill-konfini tal-provinċja ta’ Bologna – fejn taqsam l-awtostrada A16 Parma-La Spezia u sal-konfini mar-reġjun ta’ Toscana – Passo della Cisa.

5.   Rabta maż-żona ġeografika:

5.1.   Speċifiċità taż-żona ġeografika:

Iż-żona ġeografika tinsab fuq tliet livelli ta’ għoli: il-muntanji tal-Apennini li jikkostitwixxu l-assi ċentrali, fejn hemm prevalenza ta' ġir; l-għoljiet li huma prinċipalment taflin; u finalment il-pjanuri f’qiegħ il-wied li huma magħmula minn ħamrija alluvjonali.

Il-varjazzjoni ambjentali tikkondizzjona b’mod kwantitattiv u kwalitattiv il-produzzjoni veġetali u, minn qiegħ il-wied sal-ogħla punt, wieħed jista’ josserva kambjament progressiv fil-perċentwal tal-kompożizzjoni tar-riżorsi tal-mergħa.

B’hekk il-porzjon alimentari tal-ovini jinkludi mergħa u mergħa miżrugħa li huma prinċipalment magħmula minn grani tal-għalf u legumi.

It-trobbija tal-ovini hija perfettament adattata għall-partikolaritajiet u l-karatteristiċi ġeografiċi u klimatiċi diffiċli taż-żona tal-Italja ċentrali, u l-prattika tat-transumanza (iċ-ċaqliq tal-għanem minn staġun għall-ieħor), kemm orizzontali iżda fuq kollox vertikali, kemm fuq skala żgħira iżda wkoll fuq skala kbira ipprattikata mir-raħħala tal-imgħoddi biex wettqu l-integrazzjoni fost ir-riżorsi tal-għalf ta’ żoni diversi, fejn ittrasferixxwew il-merħliet fuq il-pjanuri tal-mergħa u sal-baħar matul ix-xitwa, u bil-kontra, fuq il-pjanura tal-Apennini matul il-perjodu tar-rebbiegħa u s-sajf. Dawn il-prattiċi jirrapreżentaw każ eżemplari ta’ integrazzjoni ekoloġika bejn sistemi lokali tal-produzzjoni u r-riżorsi disponibbli fl-ispazju ġeografiku ta’ referenza u jistgħu jiġu interpretati wkoll bħala mezz tal-awtorganizzazzjoni tal-impriżi tat-trobbija tal-merħliet biex jissuperaw mhux biss l-avversitajiet klimatiċi imma wkoll l-iżbilanċ li jeżisti bejn il-bżonnijiet alimentari tal-ovini u d-disponibbiltà tal-għalf.

5.2.   Speċifiċità tal-prodott:

Il-karatteristiċi tal-laħam tal-Agnello del Centro Italia jirreferu għar-rabta li teżisti bejn kemm il-ħrief jikbru maljar u r-rendiment tagħhom.

L-iżvilupp kmieni tad-dgħif irendi bilanċ tajjeb bejn il-laħam u l-għadam matul il-maċell, element li kumplessivament huwa vantaġġuż mil-lat kummerċjali. Fil-fatt għandu l-aħjar rendiment meta mqabbel ma’ laħam ieħor tal-ovini, b'mod partikolari ma' dawk li jipproduċu l-ħalib u li huma preżenti fis-suq lokali, fattur li jagħmluh apprezzat kemm mill-konsumatur kif ukoll mill-operaturi kummerċjali.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew kwalità speċifika, ir-reputazzjoni jew karatteristiċi oħra tal-prodott (għall-IĠP):

Il-prodott jinkiseb minn laħam li ġej mir-razza pura jew taħliet bejn ir-razez li trabbew fiż-żona tal-produzzjoni fejn uħud jieħdu isimhom miż-żoni ġeografiċi fejn urew l-aħjar adattament għall-ambjent u l-prestazzjoni produttiva. Din ir-rabta profonda bejn l-ambjent u l-patrimonju ġenetiku, li ġej minn razza magħrufa b’mod ġenerali bħala “Appenninica” u użata fil-produzzjoni tal-laħam tal-Agnello del Centro Italia, rendiet l-aħjar vantaġġ biex dawn l-ovini kibru aktar malajr meta mqabbla ma’ razez/tipi ġenetiċi oħrajn mrobbija fiż-żona.

Minbarra dan, huma l-ismijiet tal-istess razez ovini li jagħtu xiehda tar-rabta tagħhom maż-żona ġeografika. Fil-fatt, it-taħlit kontinwu bejn ir-razez, l-ibridazzjoni u l-għażla tal-popolazzjoni ovina tal-Italja Ċentrali ġġeneraw tipi li adattaw perfettament għall-karatteristiċi reali taż-żona, tant li ħadu l-isem tal-muniċipalitajiet fejn kisbu l-punt tal-aħjar rendiment produttiv: il-Fabrianese minn Fabriano; il-Pomarancina minn Pomarance; is-Sopravissana minn Visso li nfirxet madwar ir-reġjun tal-Marche fil-bidu tas-seklu għoxrin (’900) u minn dan ir-reġjun sal-Umbria, sal-Agro Romano, il-parti tal-Maremma li tinsab bejn it-Toscana u Lazio, u sal-Abruzzo, fejn il-prattika tat-transumanza saret il-protagonista tal-ispostamenti staġonali l-kbar. Ir-razza Massese, li orġinat minn Valle del Forno fil-provinċja ta’ Massa Carrara; il-popolazzjoni ta’ Garfagnina Bianca, li nfirxet fil-Valle del Serchio fil-Garfagnana u fil-Val di Magra (Lunigiana u ż-żona ta’ Pontremoli); u ż-Zerasca f’Lunigiana, fit-territorju ta’ Zeri, fil-provinċja ta’ Massa-Carrara.

Ir-reputazzjoni tal-Agnello del Centro Italia, għalhekk, tirriżulta mis-sintesi kwalitattiva li saret fuq ir-razez storikament preżenti fiż-żona, li l-valur produttiv tagħhom ikompli jiżdied minħabba alimentazzjoni ta' kwalità tajba, li nkisbet permezz ta’ sistema ta’ trobbija tal-merħliet li, minħabba l-fatt li jgħaddu mill-inqas 8 xhur fis-sena barra, għandhom il-possibbiltà li jagħmlu użu kbir mill-mergħat li fihom jikber ukoll għalf veġetali endemiku. Ir-reputazzjoni tirriżulta wkoll mill-kapaċitajiet amministrattivi ta' dawk li jrabbuhom u mill-monitoraġġ tagħhom biex itejbu l-kwalità u l-produttività.

L-Agnello del Centro Italia jgawdi minn reputazzjoni li ilha stabbilita sa mill-1961 minħabba dokument li ġie ppubblikat f'Settembru ta' dik is-sena mill-Associazione Nazionale della Pastorizia, fil-kuntest tar-Rassegna Interregionale ovina li sseħħ f'Castelluccio di Norcia (Perugia), fejn ġie ddikjarat li “l-għan huwa t-titjib fil-kundizzjonijiet tal-għejxien fiż-żoni muntanjużi li joħolqu l-kundizzjonijiet neċessarji għall-iżvilupp tal-merħla u b’mod partikolari tal-Agnello del Centro Italia.”

Referenza għall-pubblikazzjoni tal-ispeċifikazzjoni:

(L-Artikolu 5(7) tar-Regolament (KE) Nru 510/2006)

Qed jiġi kkomunikat ukoll li din l-Amministrazzjoni nediet il-proċedura nazzjonali ta' oġġezzjoni bil-pubblikazzjoni tal-proposta għar-rikonoxximent tal-indikazzjoni ġeografika protetta “Agnello de Centro Italia” fil-Gazzetta Ufficiale della Repubblica Italiana Nru 66 tal-20 ta’Marzu 2010.

It-test ikkonsolidat tal-ispeċifikazzjoni tal-prodott jinsab fuq is-sit tal-internet li ġej: http://www.politicheagricole.it/flex/cm/pages/ServeBLOB.php/L/IT/IDPagina/3335

Jew

billi wieħed imur direttament fil-paġna ewlenija tas-sit elettroniku tal-Ministeru għall-Politika Agrikola, l-Ikel u l-Forestrija (http://www.politicheagricole.it ) u mbagħad jikklikkja fuq il-kliem “Qualità e sicurezza” (fuq in-naħa ta’ fuq tal-lemin tal-iskrin), u fl-aħħar jikklikkja fuq il-kliem “Disciplinari di Produzione all’esame dell’UE”.

(1)  ĠU L 93, 31.3.2006, p. 12.

Rettifika għan-notifika tal-Kummissjoni dwar ir-rati ta' interessi ta' rkupru preżenti għall-Għajnuna mill-Istat u rati ta' referenza/tnaqqis għas-27 Stat Membru applikabbli mill-1 ta' Lulju 2008

( Il-Ġurnal Uffiċjali tal-Unjoni Ewropea C 166 tal-1 ta’ Lulju 2008 )

2012/C 197/10

F’paġna 2 għandu jiżdied it-test li ġej: