Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Opportunitajiet tas-sajd fil-Mediterran u fil-Baħar l-Iswed (2023)

    Date of last review:
    17/05/2023
    Author:
    Uffiċċju tal-Pubblikazzjonijiet tal-Unjoni Ewropea
    Responsible entity(ies):
    Id-Direttorat Ġenerali għall-Affarijiet Marittimi u s-Sajd
    Summarised document(s):

    Opportunitajiet tas-sajd fil-Mediterran u fil-Baħar l-Iswed (2023)

     

    SOMMARJU TA’:

    Ir-Regolament (UE) 2023/195 li jiffissa għall-2023 l-opportunitajiet tas-sajd għal ċerti stokkijiet u gruppi ta’ stokkijiet tal-ħut fil-Mediterran u fil-Baħar l-Iswed

    X’INHU L-GĦAN TAR-REGOLAMENT?

    • Huwa jiffissa l-opportunitajiet tas-sajd għal ċerti stokkijiet tal-ħut u gruppi ta’ stokkijiet tal-ħut fil-Mediterran u fil-Baħar l-Iswed għall-2023.
    • Huwa jelenka d-definizzjonijiet u ż-żoni tas-sajd li japplikaw għall-iskopijiet tar-regolament.

    Ir-regolament jemenda r-Regolament (UE) 2022/110 (ara s-sommarju) dwar l-opportunitajiet tas-sajd fl-istess oqsma għall-2022.

    PUNTI EWLENIN

    Kamp ta’ applikazzjoni

    Ir-regolament japplika għal bastimenti tas-sajd tal-Unjoni Ewropea (UE) li joperaw fil-Mediterran u l-Baħar l-Iswed li jagħmlu użu mill-istokkijiet li ġejjin:

    • qroll aħmar u l-lampuki komuni fil-Baħar Mediterran;
    • gambli blu u ħomor, gambli roża tal-fond, gambli ħomor kbar, merluzz Ewropew, awwista tan-Norveġja u trilja ħamra fil-Punent tal-Baħar Mediterran;
    • inċova, sardin, merluzz Ewropew, awwista tan-Norveġja, lingwata komuni, gambli roża tal-fond u trilja ħamra fil-Baħar Adrijatiku;
    • gambli ħomor kbar u gambli blu u ħomor fil-Fliegu ta’ Sqallija, fil-Baħar Jonju u fil-Baħar Levantin;
    • paġella ħamra fil-Baħar Alboran;
    • laċċa kaħla u barbun imperjali fil-Baħar l-Iswed.

    Japplika wkoll għal sajd rikreattiv* fejn dawn huma speċifikament imsemmija fir-regolament.

    L-opportunitajiet tas-sajd koperti minn dan ir-regolament jinkludu:

    • limiti tal-qbid għas-sena 2023;
    • limiti tal-isforz tas-sajd għas-sena 2023.

    Qabdiet totali permissibbli

    Il-qabdiet totali permissibbli (TACs), stabbiliti fl-annessi, huma ddeterminati kull sena mill-Istati Membri tal-UE abbażi ta’ proposti mill-Kummissjoni Ewropea.

    • It-TACs jirreferu għall-kwantità massima ta’ ħut ta’ speċi differenti li jistgħu jinqabdu matul is-sena rispettiva.
    • Dawn jistabbilixxu limiti skont il-prinċipju tal-użu sostenibbli tad-diversi stokkijiet f’konformità mar-rendiment massimu sostenibbli*.
    • It-TACs huma bbażati fuq l-aħjar parir xjentifiku disponibbli, li jieħdu inkunsiderazzjoni l-aspetti bijoloġiċi u soċjoekonomiċi filwaqt li jiżguraw trattament ġust bejn is-setturi tas-sajd.
    • It-TAC għal kull speċi individwali hija maqsuma fi kwoti — proporzjonijiet tat-TAC assenjati lill-UE, lill-Istati Membri tagħha jew lill-pajjiżi mhux tal-UE.
    • Il-limiti tal-qbid u l-isforz huma konformi ma’:
      • il-pjan ta’ ġestjoni pluriennali għall-istokkijiet demersali* fil-Baħar Mediterran tal-Punent, adottat skont ir-Regolament (UE) 2019/1022 (ara s-sommarju); u
      • id-deċiżjonijiet tal-Kummissjoni Ġenerali tas-Sajd għall-Mediterran (GFCM) dwar il-qroll aħmar, il-lampuki, l-ispeċi pelaġiċi żgħar u l-istokkijiet demerasli tal-Baħar Adrijatiku, il-gambli ħomor kbar u l-istokkijiet tal-gamblu blu u ħomor fil-Baħar Jonju, il-Baħar Levant u l-Fliegu ta’ Sqallija, u l-pjan ta’ ġestjoni pluriennali tal-GFCM għall-barbun għall-Lvant tal-Baħar l-Iswed.

    MINN META BEDA JAPPLIKA R-REGOLAMENT?

    Ilha tapplika mid-1 ta’ Jannar 2023.

    SFOND

    Għal aktar informazzjoni, ara:

    TERMINI EWLENIN

    Sajd rikreattiv. Attivitajiet tas-sajd mhux kummerċjali, bħar-rikreazzjoni, it-turiżmu jew l-isport, l-isfruttament tar-riżorsi bijoloġiċi tal-baħar.
    Rendiment massimu sostenibbli. L-akbar rendiment (qabda) li jista’ jittieħed mill-istokk ta’ speċi fuq perjodu indefinit (jiġifieri mingħajr ma tiġi pperikolata s-sopravivenza tagħha).
    Stokkijiet demersali. Stokkijiet ta’ speċi tal-ħut li jgħixu fuq jew viċin qiegħ il-baħar.

    DOKUMENT EWLIENI

    Ir-Regolament tal-Kunsill (UE) 2023/195 tat-30 ta’ Jannar 2023 dwar l-iffissar għall-2023 tal-opportunitajiet tas-sajd għal ċerti stokkijiet u gruppi ta’ stokkijiet tal-ħut applikabbli fil-Baħar Mediterran u l-Baħar l-Iswed u li jemenda r-Regolament (UE) 2022/110 fir-rigward tal-opportunitajiet tas-sajd għall-2022 applikabbli fil-Baħar Mediterran u l-Baħar l-Iswed (ĠU L 28, 31.1.2023, pp. 220–248).

    L-emendi suċċessivi għar-Regolament (UE) 2023/195 ġew inkorporati fit-test oriġinali. Din il-verżjoni konsolidata għandha valur dokumentarju biss.

    DOKUMENTI RELATATI

    Ir-Regolament tal-Kunsill (UE) 2022/110 tas-27 ta’ Jannar 2022 li jistabbilixxi l-opportunitajiet tas-sajd għal ċerti stokkijiet tal-ħut u għal ċerti gruppi ta’ stokkijiet tal-ħut applikabbli fil-Baħar Mediterran u fil-Baħar l-Iswed għall-2022 (ĠU L 21, 31.1.2022, pp. 165–186).

    Ara l-verżjoni kkonsolidata.

    Ir-Regolament (UE) 2019/1022 tal-Parlament Ewropew u tal-Kunsill tal-20 ta’ Ġunju 2019 li jistabbilixxi pjan pluriennali għas-sajd li jisfrutta l-istokkijiet tal-ħut tal-qiegħ fil-Punent tal-Mediterran u li jemenda r-Regolament (UE) Nru 508/2014 (ĠU L 172, 26.6.2019, pp. 1–17).

    Ara l-verżjoni kkonsolidata.

    Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, pp. 22–61).

    Ara l-verżjoni kkonsolidata.

    Ir-Regolament (UE) Nru 1343/2011 tal-Parlament Ewropew u tal-Kunsill tat-13 ta’ Diċembru 2011 dwar ċerti dispożizzjonijiet għas-sajd fiż-żona tal-Ftehim tal-GFCM (Kummissjoni Ġenerali tas-Sajd għall-Baħar Mediterran) u li jemenda r-Regolament tal-Kunsill (KE) Nru 1967/2006 dwar miżuri ta’ ġestjoni għall-isfruttament sostenibbli ta’ riżorsi tas-sajd fil-Baħar Mediterran (ĠU L 347, 30.12.2011, pp. 44–61).

    Ara l-verżjoni kkonsolidata.

    Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-politika komuni tas-sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, pp. 1–50).

    Ara l-verżjoni kkonsolidata.

    Ir-Regolament tal-Kunsill (KE) Nru 847/96 of 6 ta’ Mejju 1996 li jintroduċi kondizzjonijiet addizzjonali għal tmexxija minn sena għal sena tat-TACs u l-kwoti (ĠU L 115, 9.5.1996, pp. 3–5).

    Ara l-verżjoni kkonsolidata.

    l-aħħar aġġornament 17.05.2023

    Top