Is-Semestru Ewropew 2020: rakkomandazzjonijiet speċifiċi għall-pajjiżi

 

SOMMARJU TA’:

Komunikazzjoni tal-Kummissjoni — Is-Semestru Ewropew 2020: rakkomandazzjonijiet speċifiċi għall-pajjiżi

Is-Semestru Ewropew: rakkomandazzjonijiet integrati speċifiċi għall-pajjiżi

X’INHUMA L-GĦANIJIET TAL-KOMUNIKAZZJONI U TAR-RAKKOMANDAZZJONIJIET?

Filwaqt li jirriflettu r-realtà soċjoekonomika tal-kriżi tal-COVID-19, ir-rakkomandazzjonijiet tas-Semestru Ewropew 2020 tal-Kummissjoni Ewropea huma strutturati madwar żewġ oqsma biex jinkoraġġixxu lill-Istati Membri jsaħħu r-reżiljenza tal-ekonomiji tagħhom, b’mod partikolari:

• l-għoti ta’ rispons immedjat b’rabta mal-politika ekonomika biex jiġi indirizzat u mmitigat l-impatt fuq is-saħħa u dak soċjoekonomiku tal-kriżi tal-COVID-19 fuq medda qasira ta’ żmien;
• ir-rilanċ tal-attività ekonomika u t-tqegħid mill-ġdid tat-tkabbir fit-triq it-tajba, it-trawwim ta’ tranżizzjoni ekoloġika u t-trasformazzjoni diġitali fuq medda ta’ żmien qasira sa medja.

PUNTI EWLENIN

Sostenibbiltà kompetittiva

L-istrateġija annwali għat-tkabbir sostenibbli, adottata mill-Kummissjoni f’Diċembru 2019, tiffoka fuq il-promozzjoni tas-sostenibbiltà kompetittiva biex tinbena ekonomija li taħdem għan-nies u għall-pjaneta. Ir-rakkomandazzjonijiet speċifiċi għall-pajjiżi maħruġa lill-Istati Membri tal-UE jibnu fuq dan l-għan u jiffokaw fuq l-erba’ pilastri tas-sostenibbiltà kompetittiva:

• l-istabbiltà ekonomika,
• il-ġustizzja soċjali,
• is-sostenibbiltà ambjentali, u
• il-produttività u l-kompetittività, kif ukoll enfasi speċifika fuq is-saħħa.

Il-pandemija tal-COVID-19 żvelat kemm dawn l-aspetti huma interkonnessi u kif kwalunkwe strateġija ta’ rkupru trid tirrikonoxxi dan.

Ir-rakkomandazzjonijiet jirriflettu wkoll l-impenn tal-Kummissjoni li tintegra l-għanijiet ta’ żvilupp sostenibbli tan-Nazzjonijiet Uniti fis-Semestru Ewropew għall-qafas integrat tagħhom li jkopri t-tħassib dwar is-saħħa pubblika, dak soċjali, ambjentali u ekonomiku.

Stabbiltà

Ir-rakkomandazzjonijiet tal-2021 iqisu l-ħtieġa li tiġi indirizzata l-pandemija u li jiġi ffaċilitat l-irkupru ekonomiku bħala pass importanti biex jiġi evitat li fil-futur ikun hemm żbilanċi ġodda. L-Istati Membri jridu jitħallew jitbiegħdu temporanjament mill-impenji baġitarji biex jippreservaw l-impjiegi, jgħinu lill-kumpaniji u jappoġġjaw irkupru robust. Reġim fiskali ta’ appoġġ se jiffaċilita l-irkupru tal-konsum, l-investiment u t-tkabbir.

Ir-rakkomandazzjonijiet jinkludu:

• l-ikkompletar ta’ unjoni ekonomika u monetarja;
• finanzi pubbliċi sodi;
• settur finanzjarju stabbli;
• il-prevenzjoni tal-iżbilanċi domestiċi u esterni;
• ir-riformi strutturali biex tingħata spinta lill-produttività.

Ġustizzja

Il-preservazzjoni tal-impjiegi u l-provvista ta’ benefiċċji adegwati għall-qgħad u s-sostituzzjoni tal-introjtu għall-ħaddiema kollha huma importanti. L-iżgurar tas-saħħa u s-sikurezza okkupazzjonali u l-garanzija tad-dritt għall-iżvilupp tal-ħiliet, b’mod partikolari dawk diġitali, huma prijoritajiet ewlenin. L-indirizzar tal-inugwaljanzi u l-faqar, u l-protezzjoni tal-gruppi vulnerabbli huma wkoll punt fokali.

Ir-rakkomandazzjonijiet jinkludu:

• l-implimentazzjoni tal-Pilastru Ewropew tad-Drittijiet Soċjali;
• il-ġlieda kontra l-faqar;
• l-investiment fil-ħiliet u s-saħħa;
• l-ugwaljanza bejn il-ġeneri;
• it-tassazzjoni ġusta;
• Il-koeżjoni soċjali u territorjali;
• il-kwalità tal-impjiegi.

Sostenibbiltà ambjentali

L-investiment fl-irkupru joħloq l-opportunità li l-ekonomija tal-UE titfassal mill-ġdid u ssir aktar sostenibbli. L-awtoritajiet nazzjonali għandhom jidentifikaw proġetti li jagħtu spinta lin-newtralità klimatika, speċjalment fis-setturi industrijali u tat-trasport. Il-Patt Ekoloġiku Ewropew u l-pjanijiet nazzjonali għall-enerġija u l-klima għandhom imexxu l-investiment.

Ir-rakkomandazzjonijiet jinkludu:

• l-għoti ta’ spinta lill-investiment sostenibbli;
• il-produzzjoni u l-użu tal-enerġija b’mod nadif u effiċjenti;
• it-tassazzjoni ekoloġika;
• in-newtralità karbonika;
• il-bidla lejn ekonomija aktar ċirkolari.

Il-produttività u l-kompetittività

It-tkabbir tal-produttività u l-funzjonament bla xkiel tas-suq intern huma kruċjali f’irkupru robust. Il-politiki għandhom jippromwovu l-innovazzjoni, l-investiment fid-diġitalizzazzjoni, l-edukazzjoni, il-ħiliet u t-taħriġ, ambjent ta’ investiment ta’ appoġġ u swieq tax-xogħol li jiffunzjonaw tajjeb.

Ir-rakkomandazzjonijiet ikopru:

• ir-riċerka u l-innovazzjoni;
• id-diġitalizzazzjoni;
• swieq effiċjenti u kompetittivi;
• bażi industrijali b’saħħitha;
• appoġġ għal intrapriżi żgħar u medji;
• aċċess għall-finanzi;
• ambjent tan-negozju ssimplifikat;
• is-suq intern.

Kura tas-saħħa

Ir-rispons immedjat għall-pandemija tal-COVID-19 kien jinkludi miżuri biex tiżdied il-provvista ta’ prodotti mediċi kritiċi, biex jiġu estiżi l-kapaċità tal-laboratorji u l-unitajiet ta’ kura intensiva u biex jiġu reklutati ħaddiema tas-saħħa addizzjonali. Fost il-miżuri mill-Kummissjoni biex tappoġġja b’mod dirett is-sistemi tas-saħħa nazzjonali hemm:

• is-sejħiet għall-offerti għal tagħmir u fornituri mediċi biex tinħoloq riżerva strateġika ta’ fornituri mediċi essenzjali għall-Istati Membri;
• l-appoġġ għar-riċerka dwar il-vaċċini, id-dijanjostika u t-trattament;
• il-kundizzjonijiet tax-xogħol tal-ħaddiema tas-saħħa.

Rakkomandazzjonijiet tal-Kunsill

Fl-20 ta’ Lulju 2020, il-Kunsill adotta rakkomandazzjonijiet speċifiċi għall-pajjiżi u stieden lill-Istati Membri jimplimentawhom bis-sħiħ u fil-ħin.

SFOND

Ara wkoll:

• Is-Semestru Ewropew (il-Kummissjoni Ewropea)
• Is-Semestru Ewropew (il-Kunsill tal-Unjoni Ewropea).

DOKUMENTI EWLENIN

Komunikazzjoni tal-Kummissjoni lill-Parlament Ewropew, lill-Kunsill Ewropew, lill-Kunsill, lill-Bank Ċentrali Ewropew, lill-Kumitat Ekonomiku u Soċjali Ewoprew, lill-Kumitat tar-Reġjuni u lill-Bank Ewropew tal-Investiment — Is-Semestru Ewropew 2020: Rakkomandazzjonijiet speċifiċi għall-pajjiżi (COM(2020) 500 final, 20.5.2020)

Is-Semestru Ewropew: rakkomandazzjonijiet integrati speċifiċi għall-pajjiżi, il-Kunsill tal-Unjoni Ewropea, 24.6.2020

DOKUMENTI RELATATI

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Belġju tal-2020 u li tagħti opinjoni tal-Kunsill dwar il-Programm ta’ Stabbiltà tal-Belġju tal-2020 (COM(2020) 501 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-2020 tal-Bulgarija u li tagħti opinjoni tal-Kunsill dwar il-Programm ta’ Konverġenza tal-2020 tal-Bulgarija (COM(2020) 502 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma taċ-Ċekja tal-2020 u li tagħti opinjoni tal-Kunsill dwar il-Programm ta’ Konverġenza taċ-Ċekja tal-2020 (COM(2020) 503 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tad-Danimarka tal-2020 u li tagħti opinjoni tal-Kunsill dwar il-Programm ta’ Konverġenza tad-Danimarka tal-2020 (COM(2020) 504 final, 20.5.2020)

Rakkomandazzjoni għal rakkomandazzjoni tal-kunsill dwar il-Programm Nazzjonali ta’ Riforma tal-Ġermanja tal-2020 u li tagħti opinjoni tal-Kunsill dwar il-Programm ta’ Stabbiltà tal-Ġermanja tal-2020 (COM(2020) 505 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Estonja tal-2020 u li tagħti opinjoni tal-Kunsill dwar il-Programm ta’ Stabbiltà tal-Estonja tal-2020 (COM(2020) 506 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Irlanda tal-2020 u li tagħti opinjoni tal-Kunsill dwar il-Programm ta’ Stabbiltà tal-Irlanda tal-2020 (COM(2020) 507 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Greċja tal-2020 u li tagħti l-opinjoni tal-Kunsill dwar il-Programm ta’ Stabbiltà tal-Greċja tal-2020 (COM(2020) 508 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-2020 ta’ Spanja u li tagħti opinjoni tal-Kunsill dwar il-Programm ta’ Stabbiltà tal-2020 ta’ Spanja (COM(2020) 509 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-2020 ta’ Franza u li tagħti opinjoni tal-Kunsill dwar il-Programm ta’ Stabbiltà tal-2020 ta’ Franza (COM(2020) 510 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Kroazja tal-2020 u li tagħti l-opinjoni tal-Kunsill dwar il-Programm ta’ Konverġenza tal-Kroazja tal-2020 (COM(2020) 511 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Italja tal-2020 u li tagħti l-opinjoni tal-Kunsill dwar il-Programm ta’ Stabbiltà tal-Italja tal-2020 (COM(2020) 512 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma ta’ Ċipru tal-2020 u li tagħti l-opinjoni tal-Kunsill dwar il-Programm ta’ Stabbiltà ta’ Ċipru tal-2020 (COM(2020) 513 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Latvja tal-2020 u li tagħti l-opinjoni tal-Kunsill dwar il-Programm ta’ Stabbiltà tal-Latvja tal-2020 (COM(2020) 514 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-2020 tal-Litwanja u li tagħti opinjoni tal-Kunsill dwar il-Programm ta’ Stabbiltà tal-2020 tal-Litwanja (COM(2020) 515 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Lussemburgu tal-2020 u li tagħti l-opinjoni tal-Kunsill dwar il-Programm ta’ Stabbiltà tal-Lussemburgu tal-2020 (COM(2020) 516 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Ungerija tal-2020 u li tagħti opinjoni tal-Kunsill dwar il-Programm ta’ Konverġenza tal-Ungerija tal-2020 (COM(2020) 517 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-2020 ta’ Malta u li tagħti opinjoni tal-Kunsill dwar il-Programm ta’ Stabbiltà tal-2020 ta’ Malta (COM(2020) 518 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tan-Netherlands tal-2020 u li tagħti l-opinjoni tal-Kunsill dwar il-Programm ta’ Stabbiltà tan-Netherlands tal-2020 (COM(2020) 519 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Awstrija tal-2020 u li tagħti l-opinjoni tal-Kunsill dwar il-Programm ta’ Stabbiltà tal-Awstrija tal-2020 (COM(2020) 520 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Polonja tal-2020 u li tagħti opinjoni tal-Kunsill dwar il-Programm ta’ Konverġenza tal-Polonja tal-2020 (COM(2020) 521 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm ta’ Riforma Nazzjonali tal-Portugall tal-2020 u li tagħti l-opinjoni tal-Kunsill dwar il-Programm ta’ Stabbiltà tal-Portugall tal-2020 (COM(2020) 522 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm ta’ Riforma Nazzjonali tal-2020 tar-Rumanija u li twassal opinjoni tal-Kunsill dwar il-Programm ta’ Konverġenza tal-2020 tar-Rumanija (COM(2020) 523 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm ta’ Riforma Nazzjonali tal-2020 tas-Slovenja u li twassal l-opinjoni tal-Kunsill dwar il-Programm ta’ Stabbiltà tal-2020 tas-Slovenja (COM(2020) 524 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tas-Slovakkja tal-2020 u li tagħti l-opinjoni tal-Kunsill dwar il-Programm ta’ Stabbiltà tas-Slovakkja tal-2020 (COM(2020) 525 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Finlandja tal-2020 u li tagħti l-opinjoni tal-Kunsill dwar il-Programm ta’ Stabbiltà tal-Finlandja tal-2020 (COM(2020) 526 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tal-Iżvezja tal-2020 u li tagħti l-opinjoni tal-Kunsill dwar il-Programm ta’ Konverġenza tal-Iżvezja tal-2020 (COM(2020) 527 final, 20.5.2020)

Rakkomandazzjoni għal rakkomandazzjoni tal-Kunsill dwar il-Programm Nazzjonali ta’ Riforma tar-Renju Unit għall-2020 u li tagħti l-opinjoni tal-Kunsill dwar il-Programm ta’ Konverġenza tar-Renju Unit tal-2020 (COM(2020) 528 final, 20.5.2020)

l-aħħar aġġornament 30.07.2020