Tento dokument je výňatkem z internetových stránek EUR-Lex
Reducing the presence of acrylamide in food
Tnaqqis tal-preżenza tal-akrilammid fl-ikel
Tnaqqis tal-preżenza tal-akrilammid fl-ikel
- Datum poslední revize:
- 11/07/2018
- Autor:
- Uffiċċju tal-Pubblikazzjonijiet tal-Unjoni Ewropea
- Odpovědné subjekty:
- Id-Direttorat Ġenerali għas-Saħħa u s-Sikurezza Alimentari
- Shrnuté dokumenty:
- Kód shrnutí:
-
- 30.10.07.02 Kontaminanti
- Deskriptor EUROVOC:
- Kód oblastí:
Tnaqqis tal-preżenza tal-akrilammid fl-ikel
SOMMARJU TA’:
X’INHU L-GĦAN TA’ DAN IR-REGOLAMENT?
Huwa għandu l-għan li jnaqqas il-livell tal-akrilammid1 fl-ikel.
Huwa jagħmel dan billi jirrikjedi lill-manifatturi, lill-ktajjen tal-fast food u lir-ristoranti, li lkoll flimkien huma magħrufa bħala operaturi ta’ negozji tal-ikel, biex isegwu ċerti proċeduri.
Dawn il-“miżuri ta’ mitigazzjoni” huma mfassla biex jiżguraw li l-livelli tal-akrilammid għal ikel differenti jkunu inqas mill-parametri referenzjarji indikattivi stabbiliti fil-leġiżlazzjoni.
PUNTI EWLENIN
Il-proċeduri:
- huma bbażati fuq għarfien xjentifiku u tekniku attwali;
- ivarjaw skont id-daqs tal-operatur tal-ikel — dawn huma aktar onerużi għal negozji kbar.
L-operaturi tan-negozji tal-ikel għandhom:
- japplikaw il-miżuri ta’ mitigazzjoni stabbiliti fl-annessi tar-Regolament;
- jieħdu kampjunar u janalizzaw l-ikel li jipproduċu;
- jikkunsidraw jekk humiex meħtieġa bidliet għall-proċessi tal-produzzjoni tagħhom.
Il-miżuri japplikaw għal:
- l-għażla, il-ħżin u t-trasport ta’ ingredjenti mhux ipproċessati;
- ir-riċetti u l-proċessi tat-tfassil;
- l-informazzjoni lill-pubbliku.
Il-prodotti koperti mil-leġiżlazzjoni huma:
- Ċipps, prodotti oħrajn imqattgħin u moqlijin kompletament fiż-żejt, u krisps tal-patata magħmulin mill-patata friska;
- krisps tal-patata, snacks, krekers u prodotti oħrajn tal-patata magħmulin mill-għaġina tal-patata;
- ħobż;
- prodotti fini tal-forn bħal cookies, gallettini, ħobż mixwi (rusks), bars taċ-ċereali, scones, kornets, wejfers, crumpets, gingerbread, krekers u ħobż iqarmeċ;
- kafè (inkaljat u instant) u sostituti tal-kafè;
- ikel tat-trabi u, ikel ipproċessat biċ-ċereali maħsub għat-trabi u għat-tfal żgħar.
Il-Kummissjoni Ewropea se:
- tikkunsidra tistabbilixxi livelli massimi tal-akrilammid għal ċertu ikel;
- jirrieżaminaw il-livelli tal-parametri referenzjarji fir-Regolament kull 3 snin. L-ewwel darba se tkun fl-2021.
MINN META JIBDA JAPPLIKA R-REGOLAMENT?
Huwa beda japplika mill-.
SFOND
L-akrilammid huwa sustanza karċinoġenika li tifforma b’mod naturali meta l-ikel, speċjalment prodotti bbażati fuq il-patata jew fuq iċ-ċereali, il-kafè jew is-sostituti tal-kafè, ikun moqli, mixwi jew moħmi f’temperaturi li jaqbżu l-120°C.
L-Awtorità Ewropea dwar is-Sigurtà fl-Ikel fl-2015 ikkonfermat li l-akrilammid potenzjalment iżid ir-riskju tal-kanċer.
Ir-Regolament huwa konformi mal-prinċipju stabbilit fir-Regolament (KE) Nru 852/2004 dwar l-iġjene tal-oġġetti tal-ikel li l-ikel li nieklu għandu jissodisfa livelli għoljin ta’ protezzjoni tal-konsumatur.
Għal aktar tagħrif ara:
- Akrilammid: vot favur il-proposta tal-Kummissjoni li titnaqqas il-preżenza tiegħu fl-ikel — stqarrija għall-istampa (il-Kummissjoni Ewropea)
- Akrilammid (l-Awtorità Ewropea dwar is-Sigurtà fl-Ikel).
TERMINI EWLENIN
- Akrilammid: sustanza naturali li tifforma minn amminoaċidu u zokkor f’temperaturi għoljin.
DOKUMENT EWLIENI
Ir-Regolament tal-Kummissjoni (UE) 2017/2158 tal- li jistabbilixxi miżuri ta’ mitigazzjoni u livelli ta’ parametri referenzjarji għat-tnaqqis tal-preżenza tal-akrilammid fl-ikel (ĠU L 304, , pp. 24-44)
l-aħħar aġġornament
