Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 92c1c33c-4c71-11ec-91ac-01aa75ed71a1

Consolidated text: Regolament ta’ Implimentazzjoni tal-Kummissjoni (UE) 2020/1191 tal-11 ta’ Awwissu 2020 li jistabbilixxi miżuri li jipprevjenu l-introduzzjoni u t-tixrid fl-Unjoni tal-virus tal-frott imkemmex u kannella tat-tadam (ToBFV) u li jħassar id-Deċiżjoni ta’ Implimentazzjoni (UE) 2019/1615

Access initial legal act
(

Legal status of the document No longer in force

)

Access current version (01/09/2023)

Date of document:
03/11/2021
Date of effect:
03/11/2021
Author:
Not available
Form:
Test konsolidat
Additional information:
LASTMODIN 32021R1809
Consolidation: basic act:
32020R1191

02020R1191 — MT — 03.11.2021 — 002.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

►B

REGOLAMENT TA’ IMPLIMENTAZZJONI TAL-KUMMISSJONI (UE) 2020/1191

tal-11 ta’ Awwissu 2020

li jistabbilixxi miżuri li jipprevjenu l-introduzzjoni u t-tixrid fl-Unjoni tal-virus tal-frott imkemmex u kannella tat-tadam (ToBFV) u li jħassar id-Deċiżjoni ta’ Implimentazzjoni (UE) 2019/1615

(ĠU L 262 12.8.2020, p. 6)

Emendat bi:

 

 

Il-Ġurnal Uffiċjali

  Nru

Paġna

Data

►M1

IR-REGOLAMENT TA’ IMPLIMENTAZZJONI TAL-KUMMISSJONI (UE) 2021/74 tas-26 ta’ Jannar 2021

  L 27

15

27.1.2021

►M2

REGOLAMENT TA’ IMPLIMENTAZZJONI TAL-KUMMISSJONI (UE) 2021/1809 tat-13 ta’ Ottubru 2021

  L 365

41

14.10.2021



▼B

REGOLAMENT TA’ IMPLIMENTAZZJONI TAL-KUMMISSJONI (UE) 2020/1191

tal-11 ta’ Awwissu 2020

li jistabbilixxi miżuri li jipprevjenu l-introduzzjoni u t-tixrid fl-Unjoni tal-virus tal-frott imkemmex u kannella tat-tadam (ToBFV) u li jħassar id-Deċiżjoni ta’ Implimentazzjoni (UE) 2019/1615



Artikolu 1

Definizzjonijiet

Għall-iskopijiet ta’ dan ir-Regolament, għandhom japplikaw id-definizzjonijiet li ġejjin:

(a) 

“pest speċifikat” tfisser il-virus tal-frott imkemmex u kannella tat-tadam (ToBRFV);

▼M2

(b) 

“pjanti speċifikati” tfisser il-pjanti, minbarra ż-żrieragħ speċifikati u l-frott speċifikat, tas-Solanum lycopersicum L. u tal-ibridi tiegħu u tal-Capsicum spp.;

(c) 

“żrieragħ speċifikati” tfisser iż-żrieragħ tas-Solanum lycopersicum L. u tal-ibridi tiegħu u tal-Capsicum spp;

(d) 

“frott speċifikat” tfisser il-frott tas-Solanum lycopersicum L. u tal-ibridi tiegħu u tal-Capsicum spp.

▼B

Artikolu 2

Projbizzjonijiet li jikkonċernaw il-pest speċifikat

Il-pest speċifikat ma għandux jiġi introdott, jinġarr, jinżamm, jiżdied jew jiġi rilaxxat fit-territorju tal-Unjoni.

Artikolu 3

Id-detezzjoni jew il-preżenza suspettata tal-pest speċifikat

1.  
Kull persuna li tissuspetta jew li ssir taf bil-preżenza tal-pest speċifikat fit-territorju tal-Unjoni, għandha tinforma lill-korp uffiċjali responsabbli minnufih u tipprovdilu l-informazzjoni rilevanti kollha li tikkonċerna l-preżenza, jew il-preżenza suspettata, tal-pest speċifikat.
2.  

Meta tirċievi din l-informazzjoni, l-awtorità kompetenti għandha:

(a) 

minnufih tirreġistra l-informazzjoni pprovduta;

(b) 

tieħu l-miżuri kollha meħtieġa biex tiġi kkonfermata l-preżenza jew il-preżenza suspettata tal-pest speċifikat;

(c) 

tiżgura li kull persuna li jkollha pjanti li jistgħu jkunu infettati bil-pest speċifikat taħt il-kontroll tagħha tkun infurmata immedjatament b’dan li ġej:

(i) 

il-preżenza jew il-preżenza suspettata tal-pest speċifikat, kif ukoll

(ii) 

ir-riskji possibbli assoċjati mal-pest speċifikat u l-miżuri li jridu jittieħdu.

▼M2

Artikolu 4

Miżuri dwar il-preżenza kkonfermata tal-pest speċifikat

1.  
Fejn il-preżenza jew il-preżenza suspettata tal-pest speċifikat tkun ikkonfermata uffiċjalment fit-territorju ta’ Stat Membru, l-awtorità kompetenti tal-Istat Membru kkonċernat għandha tiżgura li jittieħdu l-miżuri xierqa biex jinqered il-pest speċifikat f’konformità mal-Artikolu 17 tar-Regolament (UE) 2016/2031.

Barra minn hekk, dik l-awtorità kompetenti għandha tieħu l-miżuri stabbiliti fil-paragrafi 2 u 3 ta’ dan l-Artikolu, sakemm ma jiġux issodisfati l-kundizzjonijiet tal-Artikolu 18(4) tar-Regolament (UE) 2016/2031 fir-rigward tal-pest speċifikat.

2.  

L-awtorità kompetenti għandha, mingħajr dewmien, tistabbilixxi żona demarkata kif ġej:

(a) 

fil-każ tal-preżenza tal-pest speċifikat f’siti tal-produzzjoni bi protezzjoni fiżika, iż-żona demarkata għandha tikkonsisti mill-inqas fis-sit tal-produzzjoni fejn ikun instab il-pest speċifikat;

(b) 

fil-każ tal-preżenza tal-pest speċifikat f’siti ta’ produzzjoni għajr dawk imsemmija fil-punt (a), iż-żona demarkata għandha tikkonsisti minn:

(i) 

żona infestata li tinkludi mill-inqas is-sit tal-produzzjoni fejn tkun instabet il-preżenza tal-pest speċifikat;

(ii) 

żona ta’ lqugħ ta’ mill-inqas 30 m madwar iż-żona infestata.

3.  

Fiż-żona demarkata, l-awtorità kompetenti, jew l-operatur professjonali taħt is-superviżjoni uffiċjali tal-awtorità kompetenti, għandhom:

(a) 

għal siti tal-produzzjoni maħsuba għall-produzzjoni ta’ pjanti speċifikati jew għall-produzzjoni ta’ żrieragħ speċifikati:

(i) 

immedjatament ineħħu u jeqirdu l-lottijiet infettati kollha tal-pjanti speċifikati għat-tħawwil u, fejn applikabbli, iż-żrieragħ speċifikati li joriġinaw minn dawk il-lottijiet. It-tneħħija u l-qerda għandhom jitwettqu b’tali mod li ma jkun hemm l-ebda riskju ta’ tixrid tal-pest speċifikat;

(ii) 

japplikaw miżuri tal-iġjene speċifiċi fuq il-persunal, l-istrutturi, l-għodod u l-makkinarju tas-sit tal-produzzjoni, il-materjali u l-mezzi tat-trasport, biex jipprevjenu t-tixrid tal-pest speċifikat għal-lottijiet l-oħra preżenti fis-sit tal-produzzjoni u għall-għelejjel suċċessivi tal-pjanti speċifikati jew għal siti oħra tal-produzzjoni;

(iii) 

jeqirdu jew jittrattaw il-materjal tat-tkabbir mill-inqas fl-aħħar tal-istaġun tal-kultivazzjoni b’tali mod li ma jkun hemm l-ebda riskju identifikabbli ta’ tixrid tal-pest speċifikat;

(b) 

għal siti tal-produzzjoni maħsuba għall-produzzjoni ta’ frott speċifikat:

(i) 

ineħħu u jeqirdu l-pjanti kollha mis-sit tal-produzzjoni, mill-inqas fl-aħħar tal-istaġun tal-kultivazzjoni. It-tneħħija għandha titwettaq b’tali mod li ma jkun hemm l-ebda riskju identifikabbli ta’ tixrid tal-pest speċifikat;

(ii) 

japplikaw miżuri tal-iġjene speċifiċi fuq il-persunal, l-istrutturi, l-għodod u l-makkinarju tas-sit tal-produzzjoni, il-materjali u l-mezzi tal-ippakkjar u tat-trasport tal-frott, biex jipprevjenu t-tixrid tal-pest speċifikat għal għelejjel suċċessivi tal-pjanti speċifikati jew għal siti oħra tal-produzzjoni;

(iii) 

jeqirdu jew jittrattaw il-materjal tat-tkabbir mill-inqas fi tmiem l-istaġun tal-kultivazzjoni b’tali mod li ma jkun hemm l-ebda riskju identifikabbli ta’ tixrid tal-pest speċifikat;

4.  
L-awtoritajiet kompetenti jistgħu jabolixxu żona demarkata u jtemmu l-miżuri ta’ qerda rispettivi meta, wara t-teħid ta’ kampjuni u l-ittestjar tal-pjanti speċifikati ta’ għelejjel suċċessivi, is-sit ikun instab ħieles mill-pest speċifikat għal perjodu ta’ mill-inqas sitt xhur wara t-tħawwil ta’ dawk il-pjanti.

▼B

Artikolu 5

Stħarriġ dwar il-preżenza tal-pest speċifikat fl-Istati Membri

1.  
L-Istati Membri għandhom iwettqu stħarriġ annwali għall-preżenza tal-pest speċifikat fuq pjanti speċifikati għat-tħawwil, żrieragħ speċifikati u frott speċifikat fit-territorju tagħhom, inkluż f’postijiet ta’ produzzjoni ta’ żrieragħ speċifikati u pjanti speċifikati għat-tħawwil.
2.  

Dak l-istħarriġ għandu:

(a) 

jinkludi l-kampjunar u l-ittestjar kif stabbilit fl-Anness; kif ukoll

(b) 

ikunu bbażati fuq:

(i) 

ir-riskju vvalutat tal-introduzzjoni u t-tixrid tal-pest speċifikat lejn l-Istat Membru kkonċernat u fih, u

(ii) 

prinċipji xjentifiċi u tekniċi sodi, fir-rigward tal-possibbiltà li ssir detezzjoni tal-pest speċifikat.

3.  
L-Istati Membri għandhom jinnotifikaw lill-Kummissjoni u lill-Istati Membri l-oħra sat-30 ta’ April ta’ kull sena, bir-riżultati tal-istħarriġ li jkunu twettqu fis-sena kalendarja preċedenti.

Artikolu 6

Moviment tal-pjanti speċifikati għat-tħawwil fl-Unjoni

1.  

Il-pjanti speċifikati għat-tħawwil jistgħu jinġarru fl-Unjoni biss jekk ikunu akkumpanjati minn passaport tal-pjanti u jekk jiġu ssodisfati ż-żewġ kundizzjonijiet li ġejjin:

(a) 

il-pjanti speċifikati jkunu tkabbru f’sit ta’ produzzjoni fejn ikun magħruf li ma jinsabx il-pest speċifikat, abbażi ta’ spezzjonijiet uffiċjali mwettqa fiż-żmien speċifiku meta jkun attiv il-pest speċifikat, u, meta l-pjanti speċifikati jkunu qed juru sintomi tal-pest speċifikat, dawn il-pjanti jkunu ġew soġġetti għal kampjunar u ttestjar mill-awtorità kompetenti, u dawn it-testijiet ikunu wrew li huma ħielsa mill-pest speċifikat;

(b) 

il-lottijiet tal-pjanti speċifikati għat-tħawwil ikunu nżammu separati minn lottijiet oħra ta’ pjanti speċifikati billi jkunu ġew applikati miżuri ta’ iġjene xierqa u separazzjoni fiżika.

Il-kampjunar għall-ittestjar, kif imsemmi f’dan il-paragrafu, għandu jsir kif stabbilit fl-Anness.

2.  

Il-paragrafu 1 ma għandux japplika għal:

(a) 

Pjanti speċifikati ta’ varjetajiet Capsicum spp., magħrufa li huma reżistenti għall-pest speċifikat;

(b) 

il-pjanti speċifikati għat-tħawwil prodotti f’konformità mad-Deċiżjoni ta’ Implimentazzjoni (UE) 2019/1615.

Artikolu 7

Il-ġarr ta’ żrieragħ speċifikati fl-Unjoni

1.  

Iż-żrieragħ speċifikati jistgħu jinġarru fl-Unjoni biss jekk ikunu akkumpanjati minn passaport tal-pjanti u jekk jiġu ssodisfati l-kundizzjonijiet kollha li ġejjin:

(a) 

il-pjanti omm tagħhom ikunu ġew prodotti f’sit ta’ produzzjoni fejn ikun magħruf li ma jinsabx il-pest speċifikat, abbażi ta’ spezzjonijiet uffiċjali mwettqa fiż-żmien adatt biex issir detezzjoni tal-pest speċifikat;

▼M2

(b) 

iż-żrieragħ jew il-pjanti omm tagħhom ikunu għaddew minn kampjunar u ttestjar għall-pest speċifikat mill-awtorità kompetenti, jew ikunu ġew soġġetti għal kampjunar u ttestjar minn operaturi professjonali taħt is-superviżjoni uffiċjali tal-awtorità kompetenti, u skont dawk it-testijiet, ikunu nstabu ħielsa mill-pest speċifikat. Meta l-pjanti omm jiġu ttestjati, il-kampjunar għandu jsir fl-iqsar żmien possibbli qabel l-ewwel ħsad tal-frott.

Fil-każ tal-preżenza suspettata tal-pest speċifikat, dawk il-kampjunar u l-ittestjar għandhom jitwettqu biss mill-awtoritajiet kompetenti f’konformità mal-Artikolu 87(3)(c) tar-Regolament (UE) 2016/2031;

▼B

(c) 

l-oriġini tal-lottijiet kollha taż-żrieragħ speċifikati jiġu rreġistrati u ddokumentati.

▼M1

Iż-żrieragħ speċifikati li nħasdu qabel il-15 ta’ Awwissu 2020 għandhom jiġu eżentati mill-kundizzjoni fil-punt (a).

▼M1

2.  
B’deroga mill-punt (a) u mill-ewwel subparagrafu tal-punt b) tal-paragrafu 1, iż-żrieragħ speċifikati li ġew maħżuna qabel il-15 ta’ Awwissu 2020 għandu jitteħdilhom kampjun u jiġu ttestjati għall-pest speċifikat mill-awtorità kompetenti jew minn operaturi professjonali taħt is-superviżjoni uffiċjali tal-awtorità kompetenti u jinstabu ħielsa minn dak il-pest, qabel l-ewwel ġarr tagħhom fl-Unjoni.

Iż-żrieragħ speċifikati li jinġarru għall-ewwel darba fl-Unjoni mill-1 ta’ April 2021 ’il quddiem, u li ġew ittestjati qabel it-30 ta’ Settembru 2020 bil-metodu Elisa, għandhom jerġgħu jiġu ttestjati b’metodu ta’ ttestjar, għajr dak tal-ELISA, kif imsemmi fil-punt 3 tal-Anness.

▼B

3.  
Il-kampjunar u l-ittestjar taż-żrieragħ għandhom isiru kif stipulat fl-Anness.
4.  
Il-paragrafi 1 u 2 ma japplikawx għaż-żrieragħ tal-varjetajiet Capsicum spp., magħrufa li huma reżistenti għall-pest speċifikat;

Artikolu 8

Introduzzjoni fl-Unjoni tal-pjanti speċifikati għat-tħawwil

1.  

Il-pjanti speċifikati għat-tħawwil, minbarra dawk tal-varjetajiet Capsicum spp., magħrufa li huma reżistenti għall-pest speċifikat, li joriġinaw minn pajjiżi terzi jistgħu jiġu introdotti fl-Unjoni biss jekk ikunu akkumpanjati minn ċertifikat fitosanitarju li, taħt l-intestatura “Dikjarazzjoni addizzjonali”, jinkludi l-elementi li ġejjin:

(a) 

dikjarazzjoni uffiċjali li l-pjanti speċifikati għat-tħawwil joriġinaw minn żrieragħ speċifikati li jkunu għaddew minn kampjunar u ttestjar għall-pest speċifikat kif stabbilit fl-Anness, u li dawn it-testijiet juru li jkunu ħielsa mill-pest speċifikat;

(b) 

dikjarazzjoni uffiċjali li l-pjanti għat-tħawwil speċifikati jkunu ġew prodotti f’sit ta’ produzzjoni li huwa rreġistrat u ssorveljat mill-organizzazzjoni nazzjonali għall-protezzjoni tal-pjanti fil-pajjiż tal-oriġini u li jkun magħruf li huma ħielsa mill-pest speċifikat fuq il-bażi ta’ spezzjonijiet uffiċjali mwettqa fi żmien xieraq għad-detezzjoni ta’ dak il-pest, u fil-każ ta’ sintomi, jkunu għaddew minn kampjunar uffiċjali u ttestjar għall-pest speċifikat u, skont dawk it-testijiet, instabu li kienu ħielsa mill-pest speċifikat;

(c) 

l-isem tas-sit tal-produzzjoni rreġistrat.

2.  
Il-pjanti speċifikati tal-varjetajiet Capsicum spp., magħrufa li huma reżistenti għall-pest speċifikat, li joriġinaw minn pajjiżi terzi jistgħu jiddaħħlu fl-Unjoni biss jekk ikunu akkumpanjati minn ċertifikat fitosanitarju li, taħt l-intestatura “Dikjarazzjoni addizzjonali”, jinkludi l-elementi li ġejjin:

Artikolu 9

Introduzzjoni ta’ żrieragħ speċifikati fl-Unjoni

1.  

Iż-żrieragħ speċifikati, li joriġinaw minn pajjiżi terzi, minbarra dawk tal-varjetajiet Capsicum spp., magħrufa li huma reżistenti għall-pest speċifikat, jistgħu jiddaħħlu fl-Unjoni biss jekk ikunu akkumpanjati minn ċertifikat fitosanitarju li, taħt l-intestatura “Dikjarazzjoni addizzjonali”, jinkludi l-elementi li ġejjin:

(a) 

dikjarazzjoni uffiċjali li l-kundizzjonijiet kollha li ġejjin ikunu ġew issodisfati:

(i) 

il-pjanti omm taż-żrieragħ speċifikati kkonċernati jkunu ġew prodotti f’sit ta’ produzzjoni fejn ikun magħruf li ma jinsabx il-pest speċifikat, abbażi ta’ spezzjonijiet uffiċjali mwettqa fiż-żmien adatt biex issir detezzjoni tal-pest speċifikat;

▼M2

(ii) 

iż-żrieragħ speċifikati kkonċernati jew il-pjanti omm ta’ dawk iż-żrieragħ speċifikati kkonċernati jkunu għaddew minn kampjunar u minn ittestjar uffiċjali għall-pest speċifikat kif stabbilit fl-Anness u, skont dawk it-testijiet, ikunu nstabu ħielsa mill-pest speċifikat.

Meta l-pjanti omm jiġu ttestjati, il-kampjunar għandu jsir fl-iqsar żmien possibbli qabel l-ewwel ħsad tal-frott;

▼B

(b) 

►M1  informazzjoni li tiżgura t-traċċabbiltà tas-sit tal-produzzjoni tal-pjanti omm. ◄

2.  
Iż-żrieragħ speċifikati tal-varjetajiet Capsicum spp., magħrufa li huma reżistenti għall-pest speċifikat, li joriġinaw minn pajjiżi terzi jistgħu jiġu introdotti fl-Unjoni biss jekk ikunu akkumpanjati minn ċertifikat fitosanitarju li, taħt l-intestatura “Dikjarazzjoni addizzjonali”, jinkludi l-elementi li ġejjin:

▼M1

3.  
B’deroga mill-punt (a)(i) tal-paragrafu 1, għaż-żrieragħ speċifikati, li nħasdu qabel il-15 ta’ Awwissu 2020, id-Dikjarazzjoni Addizzjonali għandha tiddikjara biss l-issodisfar tal-kundizzjoni taħt il-punt (a)(ii) tal-paragrafu 1 u għandha tinkludi d-dikjarazzjoni: “Iż-żrieragħ inħasdu qabel il-15 ta’ Awwissu 2020.
4.  
Fiċ-ċertifikati fitosanitarji maħruġa wara l-31 ta’ Marzu 2021, id-Dikjarazzjoni Addizzjonali għandha tikkonferma li ż-żrieragħ speċifikati li oriġinaw minn pajjiżi terzi ġew ittestjati skont wieħed mill-metodi ta’ ttestjar, għajr dak tal-ELISA, kif imsemmi fil-punt 3 tal-Anness tar-Regolament ta’ Implimentazzjoni (UE) 2020/1191.

▼M2

Artikolu 10

Kontrolli uffiċjali mal-introduzzjoni fl-Unjoni

Għandhom jiġu kkampjunati u ttestjati mill-awtorità kompetenti fil-post ta’ kontroll fuq il-fruntiera tal-ewwel wasla fl-Unjoni jew f’punt ta’ kontroll, mhux inqas minn 20 % tal-kunsinni taż-żrieragħ speċifikati u tal-pjanti speċifikati għat-tħawwil, kif imsemmi fir-Regolament Delegat tal-Kummissjoni (UE) 2019/2123 ( 1 ), kif stabbilit fl-Anness ta’ dan ir-Regolament.

Għal kunsinni ta’ żrieragħ speċifikati u pjanti speċifikati għat-tħawwil li joriġinaw fl-Iżrael, ir-rata ta’ kampjunar u ttestjar għandha tkun ta’ 50 % u għall-kunsinni ta’ żrieragħ speċifikati li joriġinaw fiċ-Ċina, għandha tkun ta’ 100 %.

▼B

Artikolu 11

Tħassir tad-Deċiżjoni ta’ Implimentazzjoni (UE) 2019/1615

Id-Deċiżjoni ta’ Implimentazzjoni (UE) 2019/1615 titħassar mill-15 ta’ Awwissu 2020.

Artikolu 12

Perjodu ta’ applikazzjoni

Dan ir-Regolament għandu japplika sal- ►M2  31 ta’ Mejju 2023 ◄ .

Artikolu 13

Dħul fis-seħħ

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.



ANNESS

1.    Skemi ta’ kampjunar taż-żrieragħ, għajr iż-żrieragħ tal-varjetajiet tal-Capsicum spp. magħrufa li huma reżistenti għall-pest speċifikat

Il-kampjunar taż-żrieragħ għall-ittestjar għandu jitwettaq fl-iskemi ta’ kampjunar li ġejjin, skont il-lottijiet taż-żrieragħ kif imsemmija fit-tabella rilevanti tal-Istandards Internazzjonali għall-Miżuri Fitosanitarji Nru 31 “Methodologies for sampling of consignments” (ISPM31):

— 
għal-lottijiet ta’ 3 000 żerriegħa jew inqas: applikazzjoni ta’ skema ta’ kampjunar iperġeometrika li kapaċi tidentifika b’affidabbiltà ta’ 95 % livell ta’ preżenza ta’ pjanti infettati ta’ 10 % jew iżjed;
— 
għal-lottijiet ta’ aktar minn 3 000 żerriegħa iżda inqas minn 30 000 żerriegħa: applikazzjoni ta’ skema ta’ kampjunar li kapaċi tidentifika b’affidabbiltà ta’ 95 % livell ta’ preżenza ta’ pjanti infettati ta’ 1 % jew iżjed;
— 
għal-lottijiet ta’ aktar minn 30 000 żerriegħa: applikazzjoni ta’ skema ta’ kampjunar li kapaċi tidentifika b’affidabbiltà ta’ 95 % livell ta’ preżenza ta’ pjanti infettati ta’ 0,1 % jew iżjed.

Is-subkampjuni għandhom jikkonsistu minn massimu ta’ 1 000 żerriegħa għall-metodi ta’ Reazzjoni Katina bil-Polimerażi (PCR).

Is-subkampjuni għandhom jikkonsistu minn massimu ta’ 250 żerriegħa għall-metodu tal-assaġġ ta’ immunoassorbiment enzimatiku (Enzyme Linked Immuno Sorbent Assay - ELISA).

▼M2

2.    Skemi ta’ kampjunar ta’ pjanti speċifikati, għajr dawk tal-varjetajiet tal-Capsicum spp. magħrufa li huma reżistenti għall-pest speċifikat

Fil-każ ta’ pjanti speċifikati, għajr dawk tal-varjetajiet tal-Capsicum spp. magħrufa li huma reżistenti għall-pest speċifikat, għandhom jinġabru 200 werqa minn kull sit tal-produzzjoni u kultivar, preferibbilment il-weraq iż-żgħar min-naħa ta’ fuq tal-pjanti.

Fil-każ ta’ pjanti sintomatiċi, il-kampjunar għall-ittestjar għandu jsir fuq mill-inqas tliet werqiet sintomatiċi

▼B

3.    Metodi ta’ ttestjar għad-detezzjoni u l-identifikazzjoni tal-pest speċifikat fuq iż-żrieragħ, għajr iż-żrieragħ tal-varjetajiet tal-Capsicum spp. magħrufa li huma reżistenti għall-pest speċifikat

Wieħed mill-metodi tal-ittestjar li ġejjin għandu jintuża għad-detezzjoni tal-pest speċifikat fuq iż-żrieragħ speċifikati:

— 
ELISA, sal-1 ta’ Ottubru 2020, għall-konferma tal-ħelsien mill-pesti għall-ħruġ ta’ passaporti tal-pjanti jew ċertifikati fitosanitarji biss;
— 
RT-PCR f’ħin reali bl-użu tal-primers u tas-sondi deskritti fil-protokoll tal-ISF (2020) ( 2 )
— 
RT-PCR f’ħin reali bl-użu ta’ primers u ta’ sonda ta’ Menzel and Winter (Acta Horticulturae, fl-istampa).

Fil-każ ta’ riżultat pożittiv tat-test ta’ detezzjoni, għandu jitwettaq metodu tal-ittestjar ieħor, differenti minn dak użat għad-detezzjoni, b’wieħed mill-metodi tal-RT-PCR f’ħin reali elenkati hawn fuq, billi jintuża l-istess kampjun biex tiġi kkonfermata l-identifikazzjoni. F’każ li tinkiseb inkonsistenza bejn ir-riżultati tad-detezzjoni u tal-identifikazzjoni għaż-żrieragħ miksija, il-kisi taż-żrieragħ għandu jitneħħa u ż-żrieragħ għandhom jiġu ttestjati mill-ġdid.

▼M2

4.    Metodi ta’ ttestjar għad-detezzjoni u l-identifikazzjoni tal-pest speċifikat fuq il-pjanti speċifikati, għajr dawk tal-varjetajiet tal-Capsicum spp. magħrufa li huma reżistenti għall-pest speċifikat, u fuq il-frott speċifikat

Għandu jitwettaq wieħed mill-metodi ta’ ttestjar li ġejjin għad-detezzjoni tal-pest speċifikat fuq il-pjanti speċifikati, għajr dawk tal-varjetajiet tal-Capsicum spp. magħrufa li huma reżistenti għall-pest speċifikat, u fuq il-frott speċifikat:

▼B

— 
ELISA, għall-materjal sintomatiku biss;
— 
RT-PCR konvenzjonali bl-użu tal-primers ta’ Alkowni et al. (2019);
— 
RT-PCR konvenzjonali bl-użu tal-primers ta’ Rodriguez-Mendoza et al. (2019);
— 
RT-PCR f’ħin reali bl-użu tal-primers u tas-sondi deskritti fil-protokoll tal-ISF (2020) ( 3 );
— 
RT-PCR f’ħin reali bl-użu ta’ primers u ta’ sonda ta’ Menzel and Winter (Acta Horticulturae, fl-istampa).

Fil-każ ta’ riżultat pożittiv tat-test ta’ detezzjoni, għandu jitwettaq metodu tal-ittestjar ieħor, differenti minn dak użat għad-detezzjoni, b’wieħed mill-metodi RT-PCR elenkati hawn fuq, billi jintuża l-istess kampjun biex tiġi kkonfermata l-identifikazzjoni.


( 1 ) Ir-Regolament Delegat tal-Kummissjoni (UE) 2019/2123 tal-10 ta’ Ottubru 2019 li jissupplimenta r-Regolament (UE) 2017/625 tal-Parlament Ewropew u tal-Kunsill fir-rigward tar-regoli għall-każijiet meta l-verifiki identitarji u l-verifiki fiżiċi fuq ċerti oġġetti jistgħu jitwettqu f’punti ta’ kontroll u l-verifiki dokumentarji jistgħu jitwettqu ’l bogħod mill-postijiet ta’ kontroll fuq il-fruntieri u l-kundizzjonijiet li bihom isiru dawn il-verifiki, (ĠU L 321, 12.12.2019, p. 64).

( 2 ) Protokoll żviluppat mill-Federazzjoni Internazzjonali għaż-Żrieragħ (L-Inizjattiva Internazzjonali dwar is-Saħħa taż-Żrieragħ għall-Għelejjel tal-Ħaxix (ISHI-Veg).

( 3 ) Protokoll żviluppat mill-Federazzjoni Internazzjonali għaż-Żrieragħ (L-Inizjattiva Internazzjonali dwar is-Saħħa taż-Żrieragħ għall-Għelejjel tal-Ħaxix (ISHI-Veg).

Top