This document is an excerpt from the EUR-Lex website
Document E2022C0010
EFTA Surveillance Authority Decision No 10/22/COL of 26 January 2022 supplementing the Guidelines on certain State aid measures in the context of the system for greenhouse gas emission allowance trading post-2021 [2022/1353]
Deċiżjoni tal-Awtorità ta’ Sorveljanza tal-EFTA Nru 10/22/COL tas-26 ta’ Jannar 2022 li tissupplimenta l-Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti ta’ emissjonijiet ta’ gassijiet serra għal wara l-2021 [2022/1353]
Deċiżjoni tal-Awtorità ta’ Sorveljanza tal-EFTA Nru 10/22/COL tas-26 ta’ Jannar 2022 li tissupplimenta l-Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti ta’ emissjonijiet ta’ gassijiet serra għal wara l-2021 [2022/1353]
ĠU L 204, 4.8.2022, pp. 3–15
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 26/01/2022; Data ta' adozzjoni
- Date of effect:
- 01/01/2021; Applikazzjoni Ara Art. Uniku
- Date of effect:
- 24/08/2022; Dħul fis-seħħ Data tal-pubblikazzjoni +20
- Date of end of validity:
- No end date
- Author:
- L-Awtorità ta’ Sorveljanza tal-EFTA
- Form:
- Deċiżjoni
- Treaty:
- Ftehim dwar iż-Żona Ekonomika Ewropea
- Legal basis:
-
- 21994A0103(01) - A61 21994A0103(01) - A62 21994A0103(01) - A63
- 21994A0103(27)
- E1994A1231(01) - A05P2PTB) E1994A1231(01) - A24
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies E2021X0415(01) Żieda anness I tabella Test 01/01/2021 Modifies E2021X0415(01) Żieda anness II 01/01/2021 Modifies E2021X0415(01) Żieda anness III kolonna tat-tabella 3 Test 01/01/2021 Modifies E2021X0415(01) Żieda punt 15 punt 15 paragrafu mhux numerat 01/01/2021 Modifies E2021X0415(01) Żieda punt 28 punt (b) Test 01/01/2021 Modifies E2021X0415(01) Sostituzzjoni punt 15 punt 15 Test 01/01/2021 - Instruments cited:
- Link
- Related document(s):
-
- 52021XC1230(01) Relation
- EUROVOC descriptor:
- Subject matter:
- Directory code:
-
- 08.60.00.00 Politika dwar il-kompetizzjoni / Għajnuniet mill-Istat u sussidji oħra
- 11.40.10.10 Relazzjonijiet esterni / Ftehimiet bilaterali ma’ pajjiżi li mhumiex membri / Pajjiżi Ewropej / Pajjiżi membri tal-Assoċjazzjoni Ewropea tal-Kummerċ Ħieles (EFTA)
- 15.10.20.30 Ambjent, konsumaturi u saħħa / Ambjent / Tniġġis u irritazzjonijiet / Monitoraġġ tat-tniġġis atmosferiku
|
4.8.2022 |
MT |
Il-Ġurnal Uffiċjali tal-Unjoni Ewropea |
L 204/3 |
DEĊIŻJONI TAL-AWTORITÀ TA’ SORVELJANZA TAL-EFTA Nru 10/22/COL
tas-26 ta’ Jannar 2022
li tissupplimenta l-Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti ta’ emissjonijiet ta’ gassijiet serra għal wara l-2021 [2022/1353]
L-AWTORITÀ TA’ SORVELJANZA TAL-EFTA (EFTA SURVEILLANCE AUTHORITY, “ESA”),
Wara li kkunsidrat il-Ftehim dwar iż-Żona Ekonomika Ewropea (“il-Ftehim dwar iż-ŻEE”), b’mod partikolari l-Artikoli minn 61 sa 63 u l-Protokoll 26,
Wara li kkunsidrat il-Ftehim bejn l-Istati tal-EFTA dwar l-Istabbiliment ta’ Awtorità ta’ Sorveljanza u Qorti tal-Ġustizzja (“il-Ftehim dwar is-Sorveljanza u l-Qorti”), u b’mod partikolari l-Artikolu 24 u l-Artikolu 5(2)(b).
Billi:
Skont l-Artikolu 24 tal-Ftehim dwar is-Sorveljanza u l-Qorti, l-ESA għandha ddaħħal fis-seħħ id-dispożizzjonijiet tal-Ftehim dwar iż-ŻEE li jikkonċernaw l-għajnuna mill-Istat.
Skont l-Artikolu 5(2)(b) tal-Ftehim dwar is-Sorveljanza u l-Qorti, l-ESA għandha toħroġ avviżi jew linji gwida dwar kwistjonijiet indirizzati fil-Ftehim dwar iż-ŻEE, jekk dan il-Ftehim jew il-Ftehim dwar is-Sorveljanza u l-Qorti jipprevedi dan b’mod speċifiku jew jekk l-ESA tqis li jkun meħtieġ.
Fis-16 ta’ Diċembru 2020, il-Kummissjoni Ewropea adottat id-Deċiżjoni Nru 156/20/COL, li tintroduċi Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti tal-emissjonijiet ta’ gassijiet serra għal wara l-2021 (“il-Linji Gwida tal-ETS tal-ESA”) (1).
Dawn il-Linji Gwida jikkorrispondu għal-Linji Gwida tal-Kummissjoni Ewropea (“il-Kummissjoni”), adottati fil-21 ta’ Settembru 2020, dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti tal-emissjonijiet ta’ gassijiet serra għal wara l-2021 (“il-Linji Gwida tal-ETS tal-Kummissjoni”) (2).
Fl-24 ta’ Novembru 2021, il-Kummissjoni adottat Komunikazzjoni li tissupplimenta l-Linji Gwida tal-ETS (“is-Supplimenti tal-Linji Gwida tal-ETS tal-Kummissjoni”) (3).
Is-Supplimenti tal-Linji Gwida tal-ETS tal-Kummissjoni huma wkoll rilevanti għaż-Żona Ekonomika Ewropea (“iż-ŻEE”).
Trid tiġi żgurata l-applikazzjoni uniformi tar-regoli taż-ŻEE dwar l-għajnuna mill-Istat fiż-ŻEE kollha kemm hi skont l-objettiv tal-omoġeneità stabbilit fl-Artikolu 1 tal-Ftehim dwar iż-ŻEE.
Huwa xieraq li l-Linji Gwida tal-ETS tal-ESA jiġu ssupplimentati f’konformità mas-Supplimenti tal-Linji Gwida tal-ETS tal-Kummissjoni (4).
Dawn is-supplimenti għal-Linji Gwida tal-ETS tal-ESA jipprovdu fatturi għall-kalkolu tal-ammonti ta’ kumpens għall-ispejjeż indiretti mġarrba mill-benefiċjarji mill-2021 u jikkostitwixxu f’elementi importanti biex tiġi żgurata l-proporzjonalità tal-miżuri ta’ għajnuna mogħtija skont il-Linji Gwida tal-ETS u huma għalhekk, f’konformità mal-paragrafu 65 tal-Linji Gwida tal-ETS tal-ESA, applikabbli mill-1 ta’ Jannar 2021.
Skont il-paragrafu II taħt l-intestatura “ĠENERALI” tal-Anness XV tal-Ftehim dwar iż-ŻEE, l-ESA, wara konsultazzjoni mal-Kummissjoni, għandha tadotta atti li jikkorrispondu ma’ dawk adottati mill-Kummissjoni.
Wara li kkonsultat mal-Kummissjoni Ewropea,
Wara li kkonsultat mal-Istati tal-EFTA,
ADOTTAT DIN ID-DEĊIŻJONI:
Artikolu Uniku
1. L-ESA qed tintroduċi Supplimenti tal-Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti ta’ emissjonijiet ta’ gassijiet serra għal wara l-2021. Is-Supplimenti huma annessi ma’ din id-Deċiżjoni u jagħmlu parti integrali minnha.
2. L-ESA tapplika s-Supplimenti għal-Linji Gwida tagħha tal-ETS b’effett mill-1 ta’ Jannar 2021.
Magħmul fi Brussell, is-26 ta’ Jannar 2022.
Għall-Awtorità ta’ Sorveljanza tal-EFTA
Arne RØKSUND
Il-President
Membru tal-Kulleġġ Responsabbli
Stefan BARRIGA
Membru tal-Kulleġġ
Árni Páll ÁRNASON
Membru tal-Kulleġġ
Melpo-Menie JOSÉPHIDÈS
Kontrofirmatarju bħala Direttur,
Affarijiet Legali u Eżekuttivi
(1) Id-Deċiżjoni tal-Awtorità ta’ Sorveljanza tal-EFTA Nru 156/20/COL tas-16 ta’ Diċembru 2020 li tadotta Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti tal-emissjonijiet ta’ gassijiet serra għal wara l-2012 [2021/604] (ĠU L 130, 15.4.2021, p. 1, u s-Suppliment taż-ŻEE Nru 27, 15.4.2021, p. 3).
(2) Il-Komunikazzjoni tal-Kummissjoni Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti ta’ emissjonijiet ta’ gassijiet serra għal wara l-2021 (ĠU C 317, 25.9.2020, p. 5).
(3) C(2021) 8413 finali Is-Supplimenti tal-Linji Gwida tal-ETS tal-Kummissjoni għadhom ma ġewx ippubblikati f’Il-Ġurnal Uffiċjali tal-Unjoni Ewropea.
(4) Id-Dokument Nru 1254304.
ANNESS
Supplimenti tal-linji gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti ta’ emissjonijiet ta’ gassijiet serra għal wara l-2021
Il-Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti ta’ emissjonijiet ta’ gassijiet serra għal wara l-2021 (1) huma supplimentati kif ġej:
|
(1) |
fil-punt 15, numru 15, iċ-ċifra “80” tiddaħħal minflok l-indikazzjoni “[…]”, u jiżdiedu żewġ paragrafi, biex il-kliem attwali ta’ din id-definizzjoni jkun jista’ jinqara kif ġej:
|
|
(2) |
fil-punt 28(b), id-deskrizzjoni tal-fattur Ct użat fil-formula hija ssupplimentata, biex il-kliem attwali ta’ dan il-punt jinqara kif ġej:
Amaxt = Ai × Ct × Pt-1 × EF × AECt F’din il-formula, Ai hija l-intensità tal-għajnuna, espressa bħala frazzjoni (pereżempju 0,75); Ct huwa l-fattur tal-emissjoni tas-CO2 applikabbli jew il-fattur tal-emissjoni tas-CO2 ibbażat fuq is-suq (tCO2/MWh) (fis-sena t); Pt-1 huwa l-prezz forward tal-EUA fis-sena t-1 (EUR/tCO2); EF huwa l-parametru referenzjarju ta’ riżerva għall-effiċjenza fil-konsum tal-elettriċità kif iddefinit fil-punt 15 numru 15; u AEC huwa l-konsum reali tal-elettriċità (MWh) fis-sena t.” |
|
(3) |
fit-Tabella fl-Anness I, id-deskrizzjoni tas-settur kopert bil-kodiċi 20.16.40.15 tan-NACE hija kkompletata/supplimentata, biex il-kliem attwali ta’ din id-deskrizzjoni jinqara kif ġej: “Gliċoli tal-polietilen u alkoħoli polieteri oħrajn, f’forom primarji” |
|
(4) |
jiddaħħal l-Anness II li ġej: “ANNESS II Parametri referenzjarji għall-effiċjenza fil-konsum tal-elettriċità u rati annwali ta’ tnaqqis għall-prodotti msemmija fl-Anness I — Parametri referenzjarji għall-effiċjenza fil-konsum tal-elettriċità għall-prodotti msemmija fl-Anness I bi skambjabbiltà tal-fuel u tal-elettriċità: Prodotti li għalihom ġiet stabbilita l-possibbiltà ta’ skambju tal-fuel u tal-elettriċità fit-Taqsima 2 tal-Anness I tar-Regolament Delegat (UE) 2019/331. Ir-Regolament Delegat (UE) 2019/331 fl-Anness I stabbilixxa li fir-rigward ta’ xi proċessi tal-produzzjoni hemm sostitwibbiltà bejn fuel u elettriċità. Għal dawn il-prodotti, mhuwiex xieraq li jiġi stabbilit parametru referenzjarju fuq il-bażi ta’ MWh/t ta’ prodott. Minflok, il-kurvi speċifiċi tal-emissjonijiet tal-gassijiet serra li joħorġu għall-emissjonijiet diretti jkunu l-punti tat-tluq. Għal dawn il-prodotti, il-parametri referenzjarji ta’ prodotti ġew iddeterminati fuq il-bażi tas-somma tal-emissjonijiet diretti (minn enerġija u emissjonijiet minn proċess), kif ukoll emissjonijiet indiretti li jirriżultaw mill-użu tal-inter-skambjalità tal-elettriċità. F’dawn il-każijiet, il-fattur “E” fil-formula għall-kalkolu tal-ammont massimu ta’ għajnuna kif imsemmi fil-paragrafu 28(a) ta’ dawn il-Linji Gwida għandha tinbidel bit-test li jsegwi terminu li jikkonverti parametru referenzjarju ta’ prodott skont ir-Regolament Delegat 2019/331 f’parametru referenzjarju tal-effiċjenza fil-konsum tal-elettriċità fuq il-bażi ta’ medja Ewropea tal-fattur ta’ intensità tal-emissjoni ta’ 0,376 tCO2/MWh: Il-parametru referenzjarju eżistenti ta’ prodott mill-Anness Taqsima 2 mir-Regolament ta’ Implimentazzjoni tal-Kummissjoni (UE) 2021/447 (*1) (f’tCO2/t) × is-sehem tal-emissjonijiet indiretti rilevanti għall-perjodu ta’ referenza (%)/0,376 (tCO2/MWh). Il-valur tal-parametri referenzjarji tal-effiċjenza għal prodotti bi skambjabbiltà ta’ fuel u elettriċità li għandhom jiġu applikati fil-perjodu 2021 - 2025 jista’ jinstab fir-Regolament (UE) 2021/447 tat-12 ta’ Marzu 2021 li jiddetermina l-valuri riveduti tal-parametri referenzjarji għall-allokazzjoni bla ħlas tal-kwoti tal-emissjonijiet għall-perjodu mill-2021 sal-2025 skont l-Artikolu 10a(2) tad-Direttiva 2003/87/KE tal-Parlament Ewropew u tal-Kunsill. — Valuri referenzjarji tal-effiċjenza għall-prodotti msemmija fl-Anness I li mhumiex elenkati fit-Tabella 1 ta’ dan l-Anness Il-parametru referenzjarju alternattiv għall-effiċjenza fil-konsum tal-elettriċità kif definit fil-punt 15 numru 15 ta’ dawn il-Linji Gwida huwa applikabbli għall-prodotti eliġibbli kollha msemmija fl-Anness I li għalihom mhuwiex definit valur referenzjarju għall-effiċjenza fil-konsum tal-elettriċità. — Parametri referenzjarji aġġornati tal-effiċjenza għal ċerti prodotti msemmija fl-Anness I It-Tabella 1 telenka l-valuri referenzjarji li għandhom jintużaw bħala punt tat-tluq għad-determinazzjoni tal-valur referenzjarju tal-effiċjenza applikabbli għal sena speċifika, filwaqt li titqies ir-rata ta’ tnaqqis annwali korrispondenti. Din ir-rata annwali ta’ tnaqqis tiddeskrivi b’kemm il-punti ta’ riferiment se jitnaqqsu awtomatikament kull sena. Sakemm ma jkunx iddikjarat mod ieħor fit-Tabella 1, il-parametri referenzjarji kollha tal-effiċjenza (inkluż il-“parametru referenzjarju alternattiv għall-effiċjenza fil-konsum tal-elettriċità”) għandhom jitnaqqsu (mis-sena t = 2022) b’1,09 % fuq bażi annwali, skont il-formula li ġejja: parametru referenzjarju tal-effiċjenza applikabbli fi (sena t) = valur referenzjarju fl-2021 × (1 + rata ta’ tnaqqis annwali) ^ (sena t - 2021) Tabella 1 Parametri referenzjarji għall-effiċjenza fil-konsum tal-elettriċità għal ċerti prodotti msemmija fl-Anness I
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(5) |
fl-Anness III, id-data numerika tiddaħħal fit-tielet kolonna tat-tabella, biex il-kliem attwali ta’ dan l-Anness jinqara kif ġej: “ ANNESS III Fatturi tal-emissjonijiet massimi reġjonali tas-CO2 f’żoni ġeografiċi differenti (*) (tCO2/MWh)
|
(1) Id-Deċiżjoni tal-Awtorità ta’ Sorveljanza tal-EFTA Nru 156/20/COL tas-16 ta’ Diċembru 2020 li tadotta Linji Gwida dwar ċerti miżuri ta’ għajnuna mill-Istat fil-kuntest tas-sistema għall-iskambju ta’ kwoti tal-emissjonijiet ta’ gassijiet serra għal wara l-2012 [2021/604] (ĠU L 130, 15.4.2021, p. 1, u s-Suppliment taż-ŻEE Nru 27, 15.4.2021, p. 3).
(*1) Ir-Regolament ta’ Implimentazzjoni tal-Kummissjoni (UE) 2021/447 tat-12 ta’ Marzu 2021 li jiddetermina l-valuri riveduti tal-parametri referenzjarji għall-allokazzjoni bla ħlas tal-kwoti tal-emissjonijiet għall-perjodu mill-2021 sal-2025 skont l-Artikolu 10a(2) tad-Direttiva 2003/87/KE tal-Parlament Ewropew u tal-Kunsill (ĠU L 87, 15.3.2021, p. 29) Ir-Regolament 2021/447 huwa inkorporat fil-Ftehim dwar iż-ŻEE fil-punt 21alo tal-Anness XX mid-Deċiżjoni tal-Kumitat Konġunt taż-ŻEE Nru 221/2021 (għadha mhijiex ippubblikata).
(*) Iż-żona ġeografika għal-Liechtenstein u l-fattur applikabbli tal-emissjoni tas-CO2 jiġu stabbiliti fi stadju aktar tard.
(*1) Il-fattur applikabbli tal-emissjoni tas-CO2 għall-Iżlanda jiġi stabbilit fi stadju aktar tard.
(*2) Il-fattur applikabbli tal-emissjoni tas-CO2 għan-Norveġja jiġi stabbilit fi stadju aktar tard.”
