E2004C0065

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - E2004C0065 - EN

Help

Search tips

Need more search options? Use the Advanced search

Document E2004C0065

Rakkmandazzjoni ta’ l-Awtorità ta’ Sorveljanza ta’ l-EFTA Nru 65/04/COL tal- 31 ta’ Marzu 2004 dwar il-programm koordinat għall-kontroll uffiċjali ta’ l-għalf tal-bhejjem għall-2004

ĠU L 126, 19.5.2005, p. 59–67 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 349M, 12.12.2006, p. 13–21 (MT)

Legal status of the document In force

ELI: http://data.europa.eu/eli/reco/2004/65/oj

Date of document:: 31/03/2004
Date of effect:: 31/03/2004; Jidħol fis-seħħ Data tad-dokument
Date of signature:: 31/03/2004; Brussell
Date of end of validity:: No end date

Author:: L-Awtorità ta’ Sorveljanza tal-EFTA
Form:: Rakkomandazzjoni
Addressee:: L-Istati Membri tal-EFTA

Treaty:

Ftehim dwar iż-Żona Ekonomika Ewropea

Legal basis:

Link

Select all documents mentioning this document

Instruments cited:

21994A0103(51)

Link

EUROVOC descriptor:

Subject matter:

Directory code:

HTML

PDF

Official Journal

12.12.2006

Il-Ġurnal Uffiċjali ta’ l-Unjoni Ewropea

RAKKMANDAZZJONI TA’ L-AWTORITÀ TA’ SORVELJANZA TA’ L-EFTA

Nru 65/04/COL

tal-31 ta’ Marzu 2004

dwar il-programm koordinat għall-kontroll uffiċjali ta’ l-għalf tal-bhejjem għall-2004

L-AWTORITÀ TA’ SORVELJANZA TA’ L-EFTA

Wara li kkunsidrat il-Ftehim dwar iż-Żona Ekonomika Ewropea, u b’mod partikolari l-Artikolu 109 u l-Protokoll 1 tiegħu,

Wara li kkunsidrat il-Ftehim bejn l-Istati ta’ l-EFTA dwar it-twaqqif ta’ Awtorità ta’ Sorveljanza u Qorti tal-Ġustizzja u b’mod partikolari l-Artikolu 5(2)(b) u l-Protokoll 1 tiegħu,

Wara li kkunsidrat l-Att li hemm referenza għalih f’punt 31a tal-Kapitolu II ta’ Anness I għall-Ftehim taż-ŻEE, (Direttiva tal-Kunsill 95/53/KE tal-25 ta’ Ottubru 1995 li tistipula l-prinċipji li jiggvernaw l-organizzazzjoni ta’ l-ispezzjonijiet fil-qasam tan-nutrizzjoni ta’ l-annimali) (1), kif emendata, u kif adattata għall-Ftehim taż-ŻEE mill-Protokoll 1 tiegħu, u b’mod partikolari l-Artikolu 22(3) tiegħu,

Filwaqt li:

(1)	Hu meħtieġ, bil-għan li jkun assigurat l-operat xieraq taż-Żona Ekonomika Ewropea, li jkunu organizzati programmi koordinati ta’ spezzjoni ta’ l-għalf fi ħdan iż-ŻEE li għandhom l-għan li titjieb l-implimentazzjoni armonizzata tal-kontrolli uffiċjali mill-Istati taż-ŻEE.

(2)	Dawn il-programmi għandhom jagħmlu enfażi fuq l-osservanza tal-leġiżlazzjoni rilevanti fis-seħħ taħt il-Ftehim taż-ŻEE, u fuq il-ħarsien tas-saħħa pubblika u ta’ l-annimali.

(3)	Ir-riżultati ta’ l-implimentazzjoni simultanja tal-programmi nazzjonali u l-programmi koordinati jistgħu jipprovdu informazzjoni u esperjenza li dwarhom jistgħu jkunu bbażati attivitajiet u leġiżlazzjoni futuri ta’ kontroll.

(4)

Għalkemm l-Att li hemm referenza għalih f’punt 33 tal-Kapitolu II ta’ Anness I għall-Ftehim taż-ŻEE (Direttiva 2002/32/KE tal-Parlament Ewropew u tal-Kunsill tas-7 ta’ Mejju 2002 dwar sustanzi mhux mixtieqa fl-għalf tal-bhejjem) (2) jistabbilixxi l-kontenut massimu ta’ aflatoksin B1 fl-għalf tal-bhejjem, m’hemm l-ebda leġiżlazzjoni fis-seħħ taħt il-Ftehim taż-ŻEE għal mikotoksins, bħal okratoksin A, zearalenone, deoxynivalenol u fumonisins. Il-ġbir ta’ informazzjoni dwar il-preżenza ta’ dawn il-mikotoksins permezz ta’ teħid ta’ kampjuni b’mod irregolari jista’ jipprovdi tagħrif utli biex issir analiżi tas-sitwazzjoni biex eventwalment tkun żviluppata l-leġIżlazzjoni. Aktar minn hekk, ċertu materjal ta’ l-għalf bħaċ-ċereali u ż-żerriegħa li minnha jingħasar iż-żejt huma esposti b’mod partikolari għal kontaminazzjoni bil-mikotoksin minħabba l-kondizzjonijiet ta’ ħsad, ħażna u trasport. Peress li l-konċentrazzjoni ta’ mikotoksin tvarja minn sena għal sena, jixraq li t-tagħrif jinġabar minn snin konsekuttivi għall-mikotoksins kollha msemmija.

(5)	Kontrolli preċedenti għall-preżenza ta’ antibijotiċi u koċċidjostati f’ċertu għalf tal-bhejjem fejn dawn is-sustanzi mhumiex awtorizzati jindikaw li dan it-tip ta’ ksur għadu jseħħ. Il-frekwenza tad-drabi li dawn instabu u s-sensittività tal-materja tiġġustifika l-kontinwazzjoni tal-kontrolli.

(6)

Il-parteċipazzjoni tan-Norveġja u l-Iżlanda fil-programmi fi ħdan l-iskop ta’ Anness II ta’ din ir-Rakkmandazzjoni li tikkonċerna s-sustanzi mhux awtorizzati bħala addittivi ta’ l-għalf jeħtieġ li tkun evalwata b’rispett għall-eżenzjonijiet tagħhom minn Kapitolu II ta’ Anness I għall-Ftehim taż-ŻEE.

(7)	Hu importanti li jkun assigurat li r-restrizzjonijiet fuq l-użu ta’ materjal ta’ l-għalf li joriġina mill-annimali fl-għalf tal-bhejjem, kif imniżżla fil-leġIżlazzjoni rilevanti taż-ŻEE, ikunu infurzati effettivament.

(8)

Il-każ tal-kontaminazzjoni ta’ l-għalf u l-katina ta’ l-ikel bil-medroxyprogesterone acetate (MPA) irrimarka l-valur ta’ l-għażla tal-provvisti fis-sigurtà ta’ l-għalf tal-bhejjem. Xi ingredjenti fl-għalf tal-bhejjem huma prodotti li joriġinaw mill-industrija agrikola ta’ l-ikel jew ta’ industriji oħra, jew ta’ estrazzjoni minerali. Is-sors tal-materjal ta’ l-għalf ta’ oriġini industrijali u l-metodi ta’ ipproċessar applikati fuqhom jistgħu jkunu ta’ importanza partikolari għas-sigurtà tal-prodotti. Għaldaqstant, l-awtoritajiet kompetenti għandhom jikkunsidraw dan l-aspett meta jwettqu l-kontrolli tagħhom.

(9)	Il-miżuri pprovduti f’din ir-Rakkmandazzjoni huma konformi ma’ l-opinjoni tal-Kumitat dwar il-Pjanti u l-Għalf tal-Bhejjem ta’ l-EFTA li jassisti lill-Awtorità ta’ Sorveljanza ta’ l-EFTA.

B’DAN JIRRAKKMANDA LILL-ISTATI TA’ L-EFTA:

Biex matul is-sena 2004 jwettqu programm koordinat ta’ spezzjoni bl-għan li jiġi vverifikat:

(a)

il-konċentrazzjoni ta’ mikotoksins (aflatoksin B1, okratoksin A, zearalenone, deoxynivalenol u fumonisins) fl-għalf tal-bhejjem, b’indikazzjoni tal-metodi ta’ analiżi; il-metodu tat-teħid ta’ kampjuni għandu jinkludi kemm kampjuni meħuda b’mod irregolari kif ukoll immirat; fil-każ ta’ teħid ta’ kampjuni mmirati, il-kampjuni għandhom ikunu għalf li hu suspettat li fih konċentrazzjonijiet ogħla ta’ mikotoksins, bħall-qamħ taċ-ċereali, iż-żerriegħa li minnha jingħasar iż-żejt, frott żejtni, il-prodotti u l-prodotti sekondarji tagħhom, u għalf maħżun għal perjodu twil ta’ żmien jew li kien ittrasportat bil-baħar fuq distanza twila; ir-riżultati tal-kontrolli għandhom ikunu rrappurtati skond il-mudell definit fl-Anness I;

(b)

ċertu sustanzi mediċinali, kemm jekk awtorizzati bħala addititivi ta’ l-għalf għal ċerti speċi u kategoriji ta’ annimali u kemm jekk le, f’sustanzi ta’ qabel it-taħlit mhux medikat u għalf tal-bhejjem kompost li fihom dawn is-sustanzi mediċinali mhumiex awtorizzati; il-kontrolli għandhom ikunu mmirati fuq dawk is-sustanzi ta’ qabel it-taħlit u għalf tal-bhejjem kompost jekk l-awtorità kompetenti tqis li hemm probabbiltà akbar li ssib xi irregolaritajiet; ir-riżultati għandhom ikunu rrappurtati skond il-mudell iddefinit fl-Anness II;

(ċ)	l-implimentazzjoni tar-restrizzjonijiet fuq il-produzzjoni u l-użu ta’ l-għalf li joriġina mill-annimali, kif stipulat fl-Anness III;

(d)	il-proċeduri applikati mill-manifatturi ta’ għalf kompost għall-bhejjem b’mod li jkunu magħżula u analizzati l-provvisti tagħhom ta’ għalf ta’ oriġini industrijali u biex ikun assigurat l-kwalità u s-sigurtà ta’ dawn l-ingredjenti, kif stipulat fl-Anness IV;

Li tinkludi r-riżultati tal-programm koordinat ta’ spezzjoni pprovdut fil-paragrafu 1 f’Kapitolu separat fir-rapport annwali dwar l-attivitajiet ta’ spezzjoni li għandhom jintbagħtu lill-Awtorità ta’ Sorveljanza ta’ l-EFTA sa l-1 ta’ April 2005 skond l-Artikolu 22(2) tad-Direttiva 95/53/KE u l-aħħar verżjoni tal-mudell armonizzat ta’ rappurtaġġ.

Magħmul fi Brussell, nhar il-31 ta’ Marzu 2004.

Għall-Awtorità ta’ Sorveljanza ta’ l-EFTA

Bernd HAMMERMAN

Membru tal-Kulleġġ

Niels FENGER

Direttur

(1) ĠU L 265, 8.11.1995, p. 17. Direttiva kif l-aħħar emendata mid-Direttiva 2001/46/KE tal-Parlament Ewropew u l-Kunsill (ĠU L 234, 1.9.2001, p. 55).

(2) ĠU L 140, 30.5.2002, p. 10. Direttiva kif l-aħħar emendata mid-Direttiva tal-Kummissjoni 2005/8/KE (ĠU L 27, 29.1.2005, p. 44).

ANNESS I

Konċentrazzjoni ta’ ċertu mikotoksins (aflatoksin B1, okratoksin A, zearalenone, deoxynivalenol, fumonisins) fl-għalf tal-bhejjem

Riżultati individwali tal-kampjuni kollha ttestjati; mudell għar-rapporti skond ir-referenza magħmula f’paragrafu 1(a)

Għalf tal-Bhejjem		Teħid ta’ Kampjuni (Irregolari jew Immirat)	Tip u konċentrament ta’ mikotoksins (μg/kg relattiv għall-għalf tal-bhejjem b’kontenut ta’ rtuba ta’ 12 %)
Tip	Pajjiż ta’ oriġini	Teħid ta’ Kampjuni (Irregolari jew Immirat)	Aflatoksin B1	Okratoksin A	Zearalenone	Deoxynivalenol	Fumonisins (1)

L-awtorità kompetenti għandha tindika wkoll:

—	l-azzjoni meħuda meta jinqabżu l-livelli massimi għal aflatoksin B1

—	il-metodi ta’ analiżi użati

—	il-limiti tal-lokalizzazzjoni.

(1) Il-konċentrazzjoni ta’ fumonisins tinkludi t-total ta’ fumonisins B1, B2 u B3.

ANNESS II

Il-preżenza ta’ ċertu sustanzi mhux awtorizzati bħala addittivi fl-għalf

Ċertu antibijotiċi, koċċidjostati u sustanzi oħra jistgħu jkunu legalment preżenti bħala addittivi f’sustanzi ta’ qabel it-taħlit jew għalf tal-bhejjem kompost għal ċertu speċi u kategoriji ta’ annimali, meta awtorizzati taħt l-Att li hemm referenza għalih f’punt 1 tal-Kapitolu II ta’ Anness I għall-Ftehim taż-ŻEE (Direttiva tal-Kunsill 70/524/KEE tat-23 ta’ Novembru 1970 dwar l-addittivi fl-għalf tal-bhejjem) (1).

Il-preżenza ta’ sustanzi mhux awtorizzati fl-għalf tal-bhejjem tikkostitwixxi infrazzjoni.

Is-sustanzi li għandhom jiġu kkontrollati għandhom jintagħżlu fost dawn li ġejjin:

Sustanzi awtorizzati bħala addittivi għall-għalf għal ċertu speċi jew kategoriji ta’ annimali biss:

avilamycin

decoquinate

diclazuril

flavophospholipol

halofuginone hydrobromide

lasalocid A sodium

maduramicin ammonium alpha

monensin sodium

narasin

narasin – nicarbazin

robenidine hydrochloride

salinomycin sodium

semduramicin sodium

Sustanzi li m’għadhomx awtorizzati bħala addittivi għall-għalf:

amprolium

amprolium/ethopabate

arprinocid

avoparcin

carbadox

dimetridazole

dinitolmid

ipronidazol

meticlorpindol

meticlorpindol/methylbenzoquate

nicarbazin

nifursol

olaquindox

ronidazol

spiramycin

tetracyclines

tylosin phosphate

virginiamycin

zinc bacitracin

ustanzi oħrajn għal kontra sl-mikrobi

3.	Sustanzi li qatt ma kienu awtorizzati bħala addittivi għall-għalf: sustanzi oħra

Riżultati individwali tal-kampjuni kollha li mhumiex konformi: mudell għar-rapporti skond ir-referenza magħmula f’paragrafu (b)

Tip ta’ għalf tal-bhejjem

(speċi u kategorija ta’ l-annimal)

Sustanza misjuba

Livell misjub

Raġuni għall-infrazzjoni (1)

Azzjoni meħuda

L-awtorità kompetenti għandha tindika wkoll:

—	in-numru totali ta’ kampjuni ttestjati;

—	l-ismijiet tas-sustanzi li kienu investigati;

—	il-metodi ta’ analiżi użati;

—	il-limiti tal-lokalizzazzjoni.

(1) ĠU L 270, 14.12.1970, p. 1.

(1) Raġuni li twassal għall-preżenza ta’ sustanza mhux awtorizzata fl-għalf tal-bhejjem, kif konkluż wara investigazzjoni mwettqa mill-awtorità kompetenti.

ANNESS III

Restrizzjonijiet fuq il-produzzjoni u l-użu ta’ għalf ta’ oriġini ta’ annimali

Mingħajr preġudizzju għall-Artikoli 3 sa 13 u 15 tad-Direttiva 95/53/KE, l-Istati ta’ l-EFTA matul l-2004 għandhom iwettqu programm koordinat ta’ spezzjoni biex jiddeterminaw jekk ir-restrizzjonijiet fuq il-produzzjoni u l-użu ta’ l-għalf li joriġinaw mill-annimali kienux osservati.

Partikolarment, b’mod li jkun assigurat li l-projbizzoni fuq l-għoti ta’ proteini ta’ l-annimali pproċessati lil ċertu annimali, kif stipulat fl-Anness IV ta’ l-Att li hemm referenza għalih f’punt 7, 1, 12 tal-Kapitolu I ta’ l-Anness I għall-Ftehim taż-ŻEE (Regolament (KE) Nru 999/2001 tal-Parlament Ewropew u l-Kunsill tal-22 ta’ Mejju 2001 li jistipula r-regoli għall-prevenzjoni, kontroll u l-eleminazzjoni ta’ ċertu enċefalopatiji sponġiformi li jistgħu jinxterdu) (1), huma applikati effettivament, l-Istati ta’ l-EFTA għandhom jimplimentaw programm ta’ kontroll speċifiku bbażat fuq kontrolli mmirati. B’konformità ma’ Artikolu 4 tad-Direttiva 95/53/KE, dak il-programm ta’ kontroll għandu jkun ibbażat fuq strateġija bbażata fuq ir-riskji fejn il-fażijiet kollha tal-produzzjoni u t-tipi kollha tal-postijiet fejn l-għalf hu prodott, immaniġġjat u amministrat huma inklużi. L-Istati ta’ l-EFTA għandhom jagħtu attenzjoni speċjali għad-definizzjoni ta’ kriterji li jistgħu jkunu marbutin ma’ riskju. Il-valur mogħti lil kull kriterju għandu jkun proporzjonat mar-riskju. Il-frekwenza ta’ l-ispezzjoni u n-numru ta’ kampjuni analizzati fuq il-post għandu jkun korrelatat mat-total tal-valur allokat għal dawk il-postijiet.

Il-postijiet u l-kriterji indikattivi segwenti għandhom ikunu kkunsidrati fit-tħejjija ta’ programm ta’ kontroll:

Postijiet

Kriterji

Valur

Imtieħen ta’ l-għalf

—	Imtieħen ta’ l-għalf doppji li jipproduċu għalf kompost li jinxtarr u għalf kompost li ma jinxtarrx li jinkludi proteini ta’ l-annimali pproċessati derogati

—	Imtieħen ta’ l-għalf bi storja preċedenti, jew suspett, ta’ nuqqas ta’ osservanza

—	Imtieħen ta’ l-għalf b’ammont kbir ta’ għalf tal-bhejjem impurtat b’kontenut għoli ta’ proteini bħall-ikel b’ bażi ta’ ħut, ikel b’ bażi ta’ sojja, ikel b’ bażi ta’ qamħ glutinuż u konċentrat ta’ proteina

—	Imtieħen ta’ l-għalf bi produzzjoni għolja ta’ għalf tal-bhejjem

—	Riskju ta’ kontaminazzjoni interna li tirriżulta minn proċeduri operattivi interni (allokazzjoni ta’ silos, kontroll tas-seperazzjoni effettiva tal-linja, kontroll ta’ l-ingredjenti, laboratorju intern, proċeduri ta’ teħid ta’ kampjuni, eċċ.)

Postijiet ta’ Spezzjoni tal-Fruntiera u punti oħra ta’ dħul fiż-ŻEE

—	Ammonti kbar/żgħar ta’ importazzjonijiet ta’ għalf tal-bhejjem

—	Għalf tal-bhejjem b’kontenut għoli ta’ proteini

Irziezet

—	Taħlit intern bl-użu ta’ proteini ta’ l-annimali pproċessati derogati

—	Irziezet li jżommu annimali li jixtarru u speċi oħra (riskju ta’ taħlit fl-għalf)

—	Irziezet li jixtru għalf tal-bhejjem bi kwantità

Negozjanti

—	Imħażen u ħażna intermedja ta’ għalf tal-bhejjem b’kontenut għoli ta’ proteini

—	Volumi kbar ta’ għalf tal-bhejjem bil-kwantità nnegozjati

—	Negozjanti ta’ għalf kompost tal-bhejjem prodott barra l-pajjiż

Taħlit mobbli

—	Postijiet ta’ taħlit ta’ produzzjoni kemm għall-annimali li jixtarru u kemm annimali li ma jixtarrux

—	Postijiet ta’ taħlit bi storja preċedenti, jew suspett, ta’ nuqqas ta’ osservanza

—	Postijiet ta’ taħlit li jinkorporaw għalf tal-bhejjem b’kontenut għoli ta’ proteini

—	Postijiet ta’ taħlit b’produzzjoni għolja ta’ għalf tal-bhejjem

—	Numru kbir ta’ irziezet servuti inklużi rziezet li jżommu annimali li jixtarru

Mezzi ta’ trasport

—	Vetturi użati għat-trasportazzjoni ta’ proteini ta’ l-annimali pproċċessati u għalf tal-bhejjem

—	Vetturi bi storja preċedenti, jew suspett, ta’ nuqqas ta’ osservanza

Bħala alternattiva għal dawn il-postijiet u kriterji indikattivi, l-Istati ta’ l-EFTA għandhom jippreżentaw l-analiżi tagħhom tar-riskji lill-Awtorità ta’ Sorveljanza ta’ l-EFTA qabel il-30 ta’ April 2004.

It-teħid ta’ kampjuni għandu jkun immirat fuq ammonti jew avvenimenti fejn hemm ċans kbir li ssir kontaminazzjoni reċiproka ma’ proteini pproċċessati pprojbiti (l-ewwel ammont wara t-trasport ta’ għalf tal-bhejjem li kien jinkludi proteini ta’ annimali pprojbiti f’dan l-ammont, problemi tekniċi jew bidliet fil-linji ta’ produzzjoni, bidliet fil-bunkers tal-ħażna jew silos għall-kwantitajiet ta’ materjal).

In-numru mimimu ta’ spezzjonijiet kull sena fi Stat ta’ l-EFTA għandu jkun ta’ 10 kull 100 000 tunnellata ta’ għalf kompost tal-bhejjem prodott. In-numru minimu ta’ kampjuni uffiċjali fis-sena fi Stat ta’ l-EFTA għandu jkun ta’ 20 kull 100 000 tunnellata ta’ għalf tal-bhejjem kompost prodott. Skond l-approvazzjoni ta’ metodi alternattivi, identifikazzjoni mikroskopika u stima kif deskritta fid-Direttiva tal-Kummissjoni 98/88/KE li tistabbilixxi il-linji ta’ gwida għall-indentifikazzjoni mikroskopika u l-istima tal-kostitwenti li joriġinaw mill-annimali għall-kontroll ta’ l-għalf tal-bhejjem (2) li għandhom jintużaw għall-analiżi tal-kampjuni. Kull preżenza ta’ kostitwenti pprojbiti li joriġinaw mill-annimali fl-għalf tal-bhejjem għandha titqies bħala ksur tal-projbizzjoni fuq l-għalf tal-bhejjem.

Ir-riżultati tal-programmi ta’ spezzjoni għandhom ikunu kkomunikati lill-Awtorità ta’ Sorveljenza ta’ l-EFTA skond il-formatt segwenti:

Sommarju tal-kontrolli li jikkonċernaw ir-restrizzjonijiet fuq l-għalf tal-bhejjem li joriġina mill-annimali (tmigħ ta’ proteini ta’ l-annimali pproċessati pprojbiti)

A. Spezzjoni ta’ Dokumenti

Fażi	Numru ta’ Spezzjonijiet li jinkludu l-kontrolli tal-preżenza ta’ proteini ta’ l-annimali pproċċessati	Numru ta’ infrazzjonijiet ibbażati fuq kontrolli dokumentati eċċ u mhux fuq ittestjar fil-laboratorju
Importazzjoni ta’ għalf tal-bhejjem
Ħażna ta’ għalf tal-bhejjem
Imtieħen ta’ għalf tal-bhejjem
Taħlit lokali/mobbli
Intermedjarji ta’ l-għalf tal-bhejjem
Mezzi ta’ trasport
Irziezet/farms li jżommu annimali li ma jixtarrux
Irziezet/farms li jżommu annimali li jixtarru
Oħrajn: …

B. Teħid ta’ kampjuni u ttestjar ta’ għalf u għalf tal-bhejjem kompost għall-proteini ta’ l-annimali pproċessati

Postijiet	Numru ta’ kampjuni uffiċjali ttestjati għall-proteini ta’ l-annimali			Numru ta’ kampjuni mhux konformi
				Preżenza ta’ proteini ta’ l-annimali pproċċessati minn annimali ta’ l-art			Preżenza ta’ proteini ta’ l-annimali pproċċessati mill-ħut
	Għalf	Għalf tal-bhejjem kompost		Għalf	Għalf tal-bhejjem kompost		Għalf	Għalf tal-bhejjem kompost
	Għalf	Għal annimali li jixtarru	Għal annimali li ma jixtarrux	Għalf	Għal annimali li jixtarru	Għal annimali li ma jixtarrux	Għalf	Għal annimali li jixtarru	Għal annimali li ma jixtarrux
Ma’ l-importazzjoni
Imtieħen ta’ l-għalf
Intermedjarji/ħażna
Mezzi ta’ trasport
Taħlit lokali/taħlit mobbli
Fir-razzett
Oħrajn: …

C. Sommarju ta’ proteini ta’ l-annimali pproċċesati pprojbiti misjuba fil-kampjuni ta’ l-għalf tal-bhejjem intiżi għal annimali li jixtarru

	Xahar tat-teħid tal-kampjuni	Tip, livell u oriġini tal-kontaminazzjoni	Sanzjonijiet (jew miżuri oħra) applikati
1
2
3
4
5
…

Barra minn hekk, Stati ta’ l-EFTA għandhom janalizzaw ix-xaħam u ż-żjut veġetali intiżi għall-għalf tal-bhejjem għall-preżenza ta’ traċċi ta’ għadam u jinkludu r-riżultati ta’ dawn l-analiżi fir-rapport li hemm referenza għalih f’paragrafu 2 ta’ din ir-Rakkmandazzjoni.

(1) ĠU L 147, 31.5.2001, p. 1.

(2) ĠU L 318, 27.11.1998, p. 45.

ANNESS IV

Proċeduri għall-għażla u l-analiżi ta’ provvisti ta’ materjal ta’ għalf ta’ oriġini industrijali

L-awtoritajiet kompetenti għandhom jidentifikaw u jiddeskrivu fil-qosor il-proċeduri segwiti mill-manifatturi ta’ għalf tal-bhejjem kompost b’mod li jagħżlu u janalizzaw il-provvisti tal-materjal ta’ għalf ta’ oriġini industrijali. Xi proċeduri jistgħu jkunu marbuta mad-definizzjoni minn qabel ta’ karatteristiċi jew ħtiġijiet għall-provvista tal-prodotti, jew għall-provdituri. Proċeduri oħra jistgħu jkunu marbuta ma’ kontrolli interni għall-verifika ta’ l-osservanza ta’ ċertu parametri, imwettqa mill-manifatturi ta’ għalf tal-bhejjem kompost hekk kif jirċievu l-provvisti.

Għal kull proċedura identifikata (proċedura għall-għażla u analiżi tal-provvisti), l-awtoritajiet kompetenti għandhom jindikaw il-vantaġġi u l-iżvantaġġi ta’ l-applikazzjoni tal-proċedura f’termini ta’ sigurtà ta’ l-għalf. Fl-aħħar, huma għandhom janalizzaw jekk, b’konsiderazzjoni tar-riskji potenzjali, kull proċedura hiex aċċettabbli, insuffiċjenti jew mhux aċċettabbli biex tassigura s-sigurtà ta’ l-għalf tal-bhejjem, u jiddikjaraw ir-raġunijiet li wasslu għal dik il-konklużjoni.

Evalwazzjoni tal-proċeduri

Proċedura (deskrizzjoni qasira, inklużi l-kriterji biex l-għalf ikun aċċettat/miċħud)	Vantaġġi	Żvantaġġi	Analiżi ta’ l-aċċettabilità tal-proċeduri

Top

All

Choose the experimental features you want to try