23.4.2016   

MT

Il-Ġurnal Uffiċjali tal-Unjoni Ewropea

C 144/22

1.

Fit-18 ta’ April 2016, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Kesko Oyj (“Kesko”, il-Finlandja) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll uniku ta’ Onninen Oy kollha kemm hi (“Onninen”, il-Finlandja) permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—   Kesko: bejjiegħ b’operazzjoni fi tliet segmenti ta’ negozju prinċipali: (i) il-kummerċ fil-merċa, (ii) il-kummerċ fil-bini u t-titjib tad-djar kif ukoll kummerċ fi prodotti ta’ speċjalità; u (iii) l-kummerċ tal-karozzi,

—   Onninen: attiva fid-distribuzzjoni ta’, fost oħrajn, prodotti ta’ installazzjoni.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7910 — Kesko/Onninen, fl-indirizz li ġej: