This document is an excerpt from the EUR-Lex website
Document C2016/060/07
Prior notification of a concentration (Case M.7841 — Avril Pôle Animal/Tönnies International Holding/JV) — Candidate case for simplified procedure (Text with EEA relevance)
Notifika minn qabel ta’ konċentrazzjoni (Il-Każ M.7841 — Avril Pôle Animal/Tönnies International Holding/JV) — Każ li jista’ jiġi kkunsidrat għal proċedura ssimplifikata (Test b'rilevanza għaż-ŻEE)
Notifika minn qabel ta’ konċentrazzjoni (Il-Każ M.7841 — Avril Pôle Animal/Tönnies International Holding/JV) — Każ li jista’ jiġi kkunsidrat għal proċedura ssimplifikata (Test b'rilevanza għaż-ŻEE)
ĠU C 60, 16.2.2016, p. 12–12
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
16.2.2016 |
MT |
Il-Ġurnal Uffiċjali tal-Unjoni Ewropea |
C 60/12 |
Notifika minn qabel ta’ konċentrazzjoni
(Il-Każ M.7841 — Avril Pôle Animal/Tönnies International Holding/JV)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2016/C 60/07)
1. |
Fl-10 ta’ Frar 2016, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Avril Pôle Animal (“APA”, Franza), li jappartjenu għall-Grupp Avril (“Avril”, Franza), u Tönnies International Holding Gmbh (il-Ġermanja), li tappartjeni għall-Grupp Tönnies (“Tönnies”, il-Ġermanja) jakkwistaw skont it-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ kumpanija ġdida (“NewCo”, Franza) li tikkostitwixxi impriża konġunta. |
2. |
L-attivitajiet kummerċjali tal-impriżi kkonċernati huma: — għal Avril: attivitajiet fis-setturi taż-żejt u l-proteini inkluż il-qtil tal-ħnieżer u l-produzzjoni, il-kummerċjalizzazzjoni u l-bejgħ ta’ prodotti tal-majjal għall-konsum mill-bniedem u mill-annimali. — għal Tönnies: ix-xiri u l-qtil ta’ ħnieżer u baqar, l-ipproċessar, l-ippakkjar u l-bejgħ ta’ prodotti tal-laħam. — għal NewCo: l-ipproċessar, l-ippakkjar u l-bejgħ ta’ majjal frisk ta’ oriġini Franċiża u prodotti tal-laħam taċ-ċanga lill-kanal tal-bejgħ bl-imnut għall-konsum mill-bniedem. |
3. |
Wara analiżi preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż. |
4. |
Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni b’faks (+32 22964301) b’email lil COMP-MERGER-REGISTRY@ec.europa.eu jew bil-posta, bin-numru ta’ referenza M.7841 — Avril Pôle Animal/Tönnies International Holding/JV, f’dan l-indirizz:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.