ANNESS

1.   AMMINISTRAZZJONI PUBBLIKA EWROPEA

1.   Deskrizzjoni tal-funzjonijiet

L-irwol ġenerali tal-amministraturi fil-qasam tal-amministrazzjoni pubblika Ewropea huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew l-entità tagħhom.

Id-dmirijiet ewlenin tagħhom, li jistgħu jvarjaw minn istituzzjoni għal oħra, jinkludu:

—	it-tfassil, l-implimentazzjoni, is-segwitu u l-kontroll tal-programmi u l-pjanijiet ta' azzjoni;

—	il-ġestjoni ta' riżorsi, b'mod speċjali l-persunal, il-finanzi u t-tagħmir;

—	l-assistenza lil dawk li jieħdu d-deċiżjonijiet permezz ta' kontribuzzjonijiet miktuba jew orali;

—	it-tfassil ta' aġġornamenti ta' analiżi ta' politika;

—	il-komunikazzjoni esterna kif ukoll r-rappurtar u l-komunikazzjoni interna;

—	il-koordinazzjoni u l-konsultazzjoni bejn is-servizzi u l-istituzzjonijiet, kif ukoll r-relazzjonijiet ma' partijiet interessati esterni.

2.   Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma.

L-istudenti li qegħdin fl-aħħar sena tal-istudji universitarji jistgħu jipparteċipaw għall-kompetizzjoni sakemm ikunu kisbu d-diploma tagħhom sal-31 ta' Lulju 2011.

Grad AD 7

Livell ta' edukazzjoni li jikkorrispondi għal studji universitarji konklużi ta' erba' snin jew iktar iċċertifikati b'diploma.

Jew

Livell ta' edukazzjoni li jikkorrispondi għal studji universitarji konklużi ta' mill-inqas tliet snin iċċertifikati b'diploma, segwiti minn esperjenza professjonali ta' mill-inqas sena relatata man-natura tal-funzjonijiet.

NB: L-esperjenza professjonali ta' mill-anqas sena hija parti integrali tad-diploma u ma tistax tittieħed inkonsiderazzjoni fin-numru ta' snin ta' esperjenza professjonali mitlub hawn taħt.

3.   Esperjenza professjonali

Grad AD 5

L-ebda esperjenza professjonali mhi meħtieġa.

Grad AD 7

Esperjenza professjonali ta' livell universitarju ta' mill-inqas sitt snin b'rabta man-natura tal-funzjonijiet.

Din l-esperjenza professjonali hija relevanti biss jekk tkun inkisbet wara d-diploma li tagħti aċċess għall-kompetizzjoni.

2.   LIĠI

1.   Deskrizzjoni tal-funzjonijiet

L-irwol ġenerali tal-amministraturi fil-qasam tal-liġi huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew l-entità tagħhom, jipprovdu konsulenza u pariri legali lill-unitajiet ta' ġestjoni u/jew operattivi fi ħdan id-dipartiment tagħhom, filwaqt li jiżguraw konformità mal-liġi Ewropea u nazzjonali.

Id-dmirijiet ewlenin involuti, li jistgħu jvarjaw minn istituzzjoni għal oħra, jinkludu:

—	l-assistenza lil dawk li jieħdu d-deċiżjonijiet permezz ta' kontribuzzjonijiet miktuba jew orali;

—	l-analiżi, ir-riċerka, il-pariri u l-assistenza fil-qasam legali kif ukoll is-superviżjoni ta' kwistjonijiet legali;

—	it-tfassil ta' dokumenti legali;

—	ir-rappurtar u l-komunikazzjoni interna dwar kwistjonijiet legali;

—	il-koordinazzjoni mad-dipartimenti l-oħra u l-konsultazzjoni tagħhom dwar kwistjonijiet legali;

—	il-ġestjoni ta' riżorsi, b'mod speċjali l-persunal, il-finanzi u t-tagħmir;

—	it-tfassil, l-implimentazzjoni, is-segwitu u l-kontroll tal-programmi u l-pjanijiet ta' azzjoni.

2.   Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma fil-liġi.

L-istudenti li qegħdin fl-aħħar sena tal-istudji universitarji jistgħu jipparteċipaw għall-kompetizzjoni sakemm ikunu kisbu l-kwalifiki tagħhom mhux aktar tard mill-31 ta' Lulju 2011.

Grad AD 7

Livell ta' edukazzjoni li jikkorrispondi għal studji universitarji konklużi ta' erba' snin jew iktar, iċċertifikati b'diploma fil-liġi.

Jew

Livell ta' edukazzjoni li jikkorrispondi għal studji universitarji konklużi ta' mill-inqas tliet snin iċċertifikati b'diploma, segwiti minn esperjenza professjonali ta' mill-inqas sena b'rabta man-natura tal-funzjonijiet.

NB: L-esperjenza professjonali ta' mill-anqas sena hija parti integrali tad-diploma u ma tistax tittieħed inkonsiderazzjoni fin-numru ta' snin ta' esperjenza professjonali mitlub hawn taħt.

3.   Esperjenza professjonali

Grad AD 5

L-ebda esperjenza professjonali mhi meħtieġa.

Grad AD 7

Esperjenza professjonali ta' livell universitarju ta' mill-inqas sitt snin b'rabta man-natura tal-funzjonijiet.

Din l-esperjenza professjonali hija relevanti biss jekk tkun inkisbet wara d-diploma li tagħti aċċess għall-kompetizzjoni.

3.   EKONOMIJA

1.   Deskrizzjoni tal-funzjonijiet

L-irwol ġenerali tal-amministraturi fil-qasam tal-ekonomija huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew entità tagħhom, jipprovdu analiżi ekonomika u/jew statistika meħtieġa għall-bidu, żvilupp, ġestjoni u/jew evalwazzjoni tal-politiki tal-Unjoni Ewropea.

Id-dmirijiet ewlenin tagħhom, li jistgħu jvarjaw minn istituzzjoni għal oħra, jinkludu:

—	l-assistenza lil dawk li jieħdu d-deċiżjonijiet permezz ta' kontribuzzjonijiet miktuba jew orali;

—	l-analiżi strateġika kif ukoll id-definizzjoni u l-implimentazzjoni tal-metodi ta' analiżi u ta' studji tal-politika, b'mod speċjali l-metodi empiriċi fil-qasam tal-ekonomija;

—

l-analiżi u t-tfassil tal-politiki ekonomiċi fil-qasam tal-finanzi pubbliċi, ir-riformi strutturali (inkluż is-suq tax-xogħol), il-munita unika, is-swieq u l-istituzzjonijiet finanzjarji, l-integrazzjoni u l-iżvilupp ekonomiku tal-pajjiż u l-kummerċ internazzjonali fil-qasam istituzzjonali mogħti mit-Trattat;

—	il-komunikazzjoni esterna relatata mal-politika kif ukoll ir-rappurtar u l-komunikazzjoni interni;

—	ir-relazzjonijiet ma' istituzzjonijiet tal-UE u dipartimenti interni oħra kif ukoll ir-relazzjonijiet ma' partijiet interessati esterni, u r-relazzjonijiet mal-Istati Membri;

—	il-koordinazzjoni mad-dipartimeni l-oħra u l-konsultazzjoni tagħhom dwar kwistjonijiet ta' politika;

—	il-valutazzjoni tal-impatt u tar-riskji;

—	it-tfassil, l-implimentazzjoni, is-segwitu u l-kontroll tal-programmi u l-pjanijiet ta' azzjoni;

—	il-koordinazzjoni ta' gruppi ta' ħidma stabbiliti mill-Istati membri, l-istituzzjonijiet u l-partijiet interessati esterni;

—	il-ġestjoni ta' riżorsi, b'mod speċjali l-persunal, il-finanzi u t-tagħmir.

2.   Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma fl-ekonomija.

L-istudenti li qegħdin fl-aħħar sena tal-istudji universitarji jistgħu jipparteċipaw għall-kompetizzjoni sakemm ikunu kisbu l-kwalifiki tagħhom sal-31 ta' Lulju 2011.

Grad AD 7

Livell ta' edukazzjoni li jikkorrispondi għal studji universitarji konklużi ta' erba' snin jew iktar iċċertifikati b'diploma fl-ekonomija.

Jew

Livell ta' edukazzjoni li jikkorrispondi għal studji universitarji konklużi ta' mill-inqas tliet snin iċċertifikati b'diploma, segwiti minn esperjenza professjonali ta' mill-inqas sena b'rabta man-natura tal-funzjonijiet.

NB: L-esperjenza professjonali ta' mill-anqas sena hija parti integrali tad-diploma u ma tistax tittieħed inkonsiderazzjoni fin-numru ta' snin ta' esperjenza professjonali mitlub hawn taħt.

3.   Esperjenza professjonali

Grad AD 5

L-ebda esperjenza professjonali mhi meħtieġa.

Grad AD 7

Esperjenza professjonali ta' livell universitarju ta' mill-inqas sitt snin b'rabta man-natura tal-funzjonijiet.

Din l-esperjenza professjonali hija relevanti biss jekk tkun inkisbet wara d-diploma li tagħti aċċess għall-kompetizzjoni.

4.   AWDITJAR

1.   Deskrizzjoni tal-funzjonijiet

L-irwol ġenerali tal-amministraturi fil-qasam tal-awditjar huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew l-entità tagħhom.

Huma jkunu mitluba wkoll biex jaħdmu f'oqsma bħall-awditjar finanzjarju, tal-prestazzjoni u dik interna. Dawn l-awdituri jipprovdu servizzi ta' assigurazzjoni u ta' konsulenza fl-oqsma operattivi kollha tal-Unjoni Ewropea bl-għan li jtejbu l-governanza u l-ġestjoni. Dan jista' jinvolvi operazzjonijiet fis-27 Stat Membru kif ukoll f'pajjiżi terzi.

Id-dmirijiet ewlenin involuti, li jistgħu jvarjaw minn istituzzjoni għal oħra, jinkludu:

—	l-awditjar estern, l-awditjar finanzjarju kif ukoll l-eżaminazzjoni tal-ġestjoni finanzjarja tajba, inklużi l-implimentazzjoni u r-rappurtar;

—	il-kontroll u l-ispezzjonijiet esterni, it-titjib ta' sistemi ta' kontroll;

—	l-awditjar intern, l-appoġġ metodoloġiku, il-konsulenza u t-taħriġ;

—	il-koordinazzjoni u l-konsultazzjoni bejn is-servizzi dwar kwistjonijiet tal-awditjar;

—	l-informazzjoni u l-konsulenza dwar kwistjonijiet tal-awditjar.

2.   Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin, iċċertifikati b'diploma b'rabta man-natura tal-funzjonijiet, jew taħriġ professjonali/kwalifika professjonali ta' livell ekwivalenti relevanti ma' dawk il-funzjonijiet.

L-istudenti li qegħdin fl-aħħar sena tal-istudji universitarji jistgħu jipparteċipaw għall-kompetizzjoni sakemm ikunu kisbu l-kwalifiki tagħhom sal-31 ta' Lulju 2011.

Grad AD 7

Livell ta' edukazzjoni li jikkorrispondi għal studji universitarji konklużi ta' mill-anqas erba' snin iċċertifikati b'diploma b'rabta man-natura tal-funzjonijiet, jew taħriġ professjonali/kwalifika professjonali ta' livell ekwivalenti relevanti ma' dawk il-funzjonijiet.

Jew

Livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma b'rabta man-natura tal-funzjonijiet, jew taħriġ professjonali/kwalifika professjonali ta' livell ekwivalenti relevanti ma' dawk il-funzjonijiet, segwiti minn esperjenza professjonali ta' mill-inqas sena b'rabta man-natura tal-funzjonijiet.

NB: L-esperjenza professjonali ta' mill-anqas sena hija parti integrali tad-diploma u ma tistax tittieħed inkonsiderazzjoni fin-numru ta' snin ta' esperjenza professjonali mitlub hawn taħt.

Jekk jogħġbok kun af li jista' jkollok bżonn tagħti prova ċara tas-suġġetti studjati sabiex ikun iktar faċli għall-bord tal-għażla biex jivvaluta jekk il-kwalifiki humiex rilevanti.

3.   Esperjenza professjonali

Grad AD 5

L-ebda esperjenza professjonali mhi meħtieġa.

Grad AD 7

Esperjenza professjonali ta' mill-inqas sitt snin b'rabta man-natura tal-funzjonijiet.

Din l-esperjenza professjonali hija relevanti biss jekk tkun inkisbet wara d-diploma li tagħti aċċess għall-kompetizzjoni.

5.   FINANZI

1.   Deskrizzjoni tal-funzjonijiet

L-irwol ġenerali tal-amministraturi fil-qasam tal-finanzi huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew l-entità tagħhom.

Huma jkunu mitluba wkoll biex jaħdmu f'oqsma bħall-proċeduri finanzjarji, baġitarji, it-tfassil ta' rapporti u ta' kontijiet annwali u ta' diversi xogħlijiet ta' awditjar.

Dawn l-aġenti jipprovdu lid-dipartimenti l-informazzjoni neċessarja biex jistabbilixxu l-informazzjoni finanzjarja jew biex jikkontrollaw il-ġestjoni u jiżguraw il-preżentazzjoni tal-kontijiet fl-oqsma operattivi kollha tal-Unjoni Ewropea, bil-ħsieb li jtejbu l-governanza u l-ġestjoni. Dan jista' jinvolvi operazzjonijiet fis-27 Stat Membru kif ukoll f'pajjiżi terzi.

Id-dmirijiet ewlenin tagħhom, li jistgħu jvarjaw minn istituzzjoni għal oħra, jinkludu:

—	il-kontroll u l-ispezzjonijiet esterni, it-titjib ta' sistemi ta' kontroll;

—	is-segwitu tal-proċeduri finanzjarji u baġitarji (krediti, impenji, pagamenti);

—	il-parteċipazzjoni fl-elaborazzjoni tal-previżjonijiet baġitarji u t-tfassil ta' rapporti u kontijiet annwali;

—	il-ġestjoni tar-riskji tal-organizzazzjoni, operattivi, strateġiċi, soċjali, ġuridiċi, politiċi u ambjentali;

—	l-assigurazzjoni tal-preżentazzjoni tal-kontijiet;

—	l-użu tar-riżorsi b'kunsiderazzjoni tal-prinċipji ta' ekonomija, effiċjenza u effikaċja;

—	diversi xogħlijiet ta' awditjar estern, intern u ta' konsulenza;

—	l-iżgurar li t-tranżazzjonijiet finanzjarji jkunu kodifikati b'mod korrett u segwiti fis-sistemi finanzjarji/ta' kontabbiltà.

2.   Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma b'rabta man-natura tal-funzjonijiet.

L-istudenti li qegħdin fl-aħħar sena tal-istudji universitarji jistgħu jipparteċipaw għall-kompetizzjoni sakemm ikunu kisbu l-kwalifiki tagħhom sal-31 ta' Lulju 2011.

Grad AD 7

Livell ta' edukazzjoni li jikkorrispondi għal studji universitarji konklużi ta' erba' snin jew iktar iċċertifikati b'diploma b'rapport man-natura tal-funzjonijiet.

Jew

Livell ta' edukazzjoni li jikkorrispondi għal studji universitarji konklużi ta' mill-inqas tliet snin iċċertifikati b'diploma, segwiti minn esperjenza professjonali ta' mill-inqas sena b'rabta man-natura tal-funzjonijiet.

NB: L-esperjenza professjonali ta' mill-anqas sena hija parti integrali tad-diploma u ma tistax tittieħed inkonsiderazzjoni fin-numru ta' snin ta' esperjenza professjonali mitlub hawn taħt.

3.   Esperjenza professjonali

Grad AD 5

L-ebda esperjenza professjonali mhi meħtieġa.

Grad AD 7

Esperjenza professjonali ta' mill-inqas sitt snin b'rabta man-natura tal-funzjonijiet.

Din l-esperjenza professjonali hija relevanti biss jekk tkun inkisbet wara d-diploma li tagħti aċċess għall-kompetizzjoni.

6.   STATISTIKA

1.   Deskrizzjoni tal-funzjonijiet

L-irwol ġenerali tal-amministraturi fil-qasam tal-istatistika jikkontribwixxi għat-tfassil u l-implimentazzjoni tal-programm ta' statistika fl-oqsma ta' metodoloġija ta' statistika, ġestjoni tad-dejta u analiżi tad-dejta tal-istatistika, attivitajiet regolatorji u ta' koordinazzjoni fl-oqsma ta' statistika, disseminazzjoni tal-informazzjoni tal-istatistika u ġestjoni ta' proġetti/proċessi ta' statistika.

Id-dmirijiet ewlenin involuti jinkludu:

—	ħidma fuq il-metodoloġija ġenerali ta' statistika, inklużi l-metodi matematiċi għall-istatistiċi uffiċjali;

—	ħidma fl-oqsma tal-istatistiki ekonomiċi u finanzjarji, statistiki soċjali, statistiki agrikoli u ambjentali, sistemi ta' kontabbiltà ta' statistika;

—	analiżi tad-domanda u l-użu tad-dejta u l-indikaturi tal-istatistika, it-tfassil u l-ġestjoni tal-proġetti u l-proċessi;

—	definizzjoni tal-objettivi u l-koordinazzjoni tal-attivitajiet relatati mal-ġabra, trattament, analiżi u d-disseminazzoni tal-informazzjoni tal-istatistika, u t-titjib tal-kwalità;

—	analiżi ta' validazzjoni, kwantitattiva u kwalitattiva tad-dejta tal-istatistika;

—	l-immudellar statistiku u ekonometriku;

—	analiżi kwantitattiva, b'mod partikolari l-analiżi soċjometrika u ekonometrika.

Dawn il-funzjonijiet jeħtieġu l-kapaċita ta' ħidma f'oqsma trażversali, kif ukoll ħiliet tajbin ta' komunikazzjoni u ta' tfassil.

2.   Kwalifiki

Grad AD 5

Livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma fl-istatistika, fl-ekonomija, fil-matematika jew f'dixxipplina oħra b'rabta man-natura tal-funzjonijiet.

L-istudenti li qegħdin fl-aħħar sena tal-istudji universitarji jistgħu jipparteċipaw għall-kompetizzjoni sakemm ikunu kisbu l-kwalifiki tagħhom sal-31 ta' Lulju 2011.

Grad AD 7

Livell ta' edukazzjoni li jikkorrispondi għal studji universitarji konklużi ta' erba' snin jew iktar iċċertifikati b'diploma fl-istatistika, fl-ekonomija, fil-matematika jew f'dixxipplina oħra b'rabta mad-deskrizzjoni tal-funzjonijiet.

Jew

Livell ta' edukazzjoni li jikkorrispondi għal studji universitarji konklużi ta' mill-inqas tliet snin iċċertifikati b'diploma fl-istatistika, fl-ekonomija, fil-matematika jew f'dixxipplina oħra b'rabta man-natura tal-funzjonijiet, segwiti minn esperjenza professjonali ta' mill-inqas sena b'rabta man-natura tal-funzjonijiet.

NB: L-esperjenza professjonali ta' mill-anqas sena hija parti integrali tad-diploma u ma tistax tittieħed inkonsiderazzjoni fin-numru ta' snin ta' esperjenza professjonali mitlub hawn taħt.

Jekk jogħġbok kun af li jista' jkollok bżonn tagħti prova ċara tas-suġġetti studjati sabiex ikun iktar faċli għall-bord tal-għażla biex jivvaluta jekk il-kwalifiki humiex rilevanti.

3.   Esperjenza professjonali

Grad AD 5

L-ebda esperjenza professjonali mhi meħtieġa.

Grad AD 7

Esperjenza professjonali ta' livell universitarju ta' mill-inqas sitt snin b'rabta man-natura tal-funzjonijiet.

Din l-esperjenza professjonali hija relevanti biss jekk tkun inkisbet wara d-diploma li tagħti aċċess għall-kompetizzjoni.