—

tannulla d-Deċiżjoni ta’ Implimentazzjoni tal-Kummissjoni (UE) 2025/2334 tad-19 ta’ Novembru 2025 li teskludi mill-finanzjament tal-Unjoni Ewropea ċertu nefqa mġarrba minn ċerti Stati Membri fl-ambitu tal-Fond Agrikolu Ewropew ta’ Garanzija (FAEG) u fl-ambitu tal-Fond Agrikolu Ewropew għall-Iżvilupp Rurali (FAEŻR), sa fejn din tikkonċerna lir-Renju ta’ Spanja, u sa fejn teskludi żewġ miljuni seba’ mija u disa’ u disgħin elf seba’ mija u sitta u tmenin Euro u ċenteżmu (EUR 2 799 786,01);

—

tikkundanna lill-istituzzjoni konvenuta għall-ispejjeż.

A –

Kontroll relatat mal-istabbiliment għall-ewwel darba f’impriża agrikola bħala kap tal-impriża.

Id-deċiżjoni kkontestata tagħti interpretazzjoni żbaljata tal-leġiżlazzjoni li tinsab fir-Regolamenti Nru 1307/2013 (1) u Nru 639/2014 (2) sa fejn din tinterpreta b’mod restrittiv il-kunċett ta’ “bidwi żagħżugħ” b’tali mod li timplika kontroll iktar strett tal-installazzjoni tiegħu bħala kap tal-impriża. Dan l-ewwel motiv huwa kompost miż-żewġ fergħat li ġejjin li, min-naħa tagħhom, juru l-ksur li l-Kummissjoni wettqet permezz tad-Deċiżjoni 2025/2334.

B –

Kontroll relatat mal-konformità mal-kundizzjonijiet għall-istabbiliment għall-ewwel darba ta’ impriża agrikola u tad-data tal-preżentazzjoni tal-applikazzjoni unika għall-għajnuna.

Ksur tal-Artikoli 30(11) u 50(2) tar-Regolament Nru 1307/2013, u tal-Artikoli 28(4), 49 u 50 tar-Regolament Nru 639/2014.

Id-deċiżjoni kkontestata tinterpreta b’mod żbaljat u eċċessivament strett id-dispożizzjonijiet previsti fir-Regolamenti Nru 1307/2013 u Nru 639/2014 sa fejn tipprevedi li l-kundizzjonijiet ta’ ammissibbiltà għall-“istabbiliment għall-ewwel darba” bħala kap tal-impriża u għall-“bidu ta’ attività agrikola” għandhom ikunu ssodisfatti l-iktar tard fil-mument tal-preżentazzjoni tal-applikazzjoni għall-għajnuna. Minn qari flimkien tal-Artikolu 72(1) tar-Regolament Nru 1306/2013 u tal-Artikolu 15 tar-Regolament ta’ Implimentazzjoni Nru 809/2014 (3) jirriżulta li sakemm ma tinqabiżx id-data finali għat-tressiq ta’ emendi, l-applikazzjoni ma tistax titqies li hija kompleta u li, fid-dawl tal-possibbiltà li jiżdiedu jew jiġu rranġati l-ħbula ta’ raba’, fil-każ tal-istabbiliment ta’ bdiewa żgħażagħ, sakemm ma tinqabiżx din id-data ma jistax ikun magħruf b’ċertezza liema hija l-impriża li fuqha huma ser jistabbilixxu ruħhom u, għaldaqstant, it-terminu għad-data ta’ dan l-istabbiliment għandu jkun ekwivalenti.