Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62022CN0761

Kawża C-761/22: Talba għal deċiżjoni preliminari mressqa mil-Landgericht Bochum (il-Ġermanja) fil-15 ta’ Diċembru 2022 – Verband Wirtschaft im Wettbewerb Verein für Lauterkeit in Handel und Industrie e.V. vs Roller GmbH & Co. KG

ĠU C 94, 13.3.2023, p. 22–23 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Date of document:
15/12/2022
Date lodged:
15/12/2022
Author:
Il-Qorti tal-Ġustizzja
Form:
Informazzjoni ġudizzjarja
Authentic language:
Ġermaniż
Type of procedure:
Rikors għal deċiżjoni preliminari
Link
Select all documents mentioning this document
Case affecting:
  • Submits a preliminary question about 32017R1369 artikolu 6 paragrafu mhux numerat 1 punt (a)
Link

13.3.2023   

MT

Il-Ġurnal Uffiċjali tal-Unjoni Ewropea

C 94/22

Talba għal deċiżjoni preliminari mressqa mil-Landgericht Bochum (il-Ġermanja) fil-15 ta’ Diċembru 2022 – Verband Wirtschaft im Wettbewerb Verein für Lauterkeit in Handel und Industrie e.V. vs Roller GmbH & Co. KG

(Kawża C-761/22)

(2023/C 94/24)

Lingwa tal-kawża: il-Ġermaniż

Qorti tar-rinviju

Landgericht Bochum

Partijiet fil-kawża prinċipali

Rikorrent: Verband Wirtschaft im Wettbewerb Verein für Lauterkeit in Handel und Industrie e.V.

Konvenut: Roller GmbH & Co. KG

Domandi preliminari

1)

Jirriżulta diġà direttament mill-punt a tal-ewwel paragrafu tal-Artikolu 6 tar-Regolament (UE) 2017/1369 tal-Parlament Ewropew u tal-Kunsill tal-4 ta’ Lulju 2017 li jistabbilixxi qafas għat-tikkettar tal-enerġija u li jħassar id-Direttiva 2010/30/UE (1) obbligu tal-fornituri jew tal-bejjiegħa mill-ġdid ta’ prodotti kkonċernati mill-ittikkettjar tal-enerġija li jirreferu, fir-reklamar tagħhom, għall-klassi ta’ effiċjenza enerġetika u għall-firxa ta’ klassijiet ta’ effiċjenza enerġetika, mingħajr ma l-imsemmija dispożizzjoni tkun suġġetta għal riżerva ta’ konkretizzazzjoni permezz ta’ att delegat?

2)

a)

Fil-każ ta’ risposta fl-affermattiv għall-ewwel domanda:

Obbligu tal-fornituri jew tal-bejjiegħa mill-ġdid ta’ prodotti kkonċernati mill-ittikkettjar tal-enerġija li jirreferu, fir-reklamar tagħhom, għall-klassi ta’ effiċjenza enerġetika u għall-firxa ta’ klassijiet ta’ effiċjenza enerġetika, li jirriżulta diġà direttament mill-punt a tal-ewwel paragrafu tal-Artikolu 6 tar-Regolament 2017/1369 għandu bħala konsegwenza li l-fornituri jew il-bejjiegħa mill-ġdid għandhom, sad-dħul fis-seħħ tal-atti delegati l-ġodda, ċertu marġni ta’ manuvra rigward it-tip ta’ preżentazzjoni?

b)

Fil-każ li tingħata risposta fl-affermattiv għad-domanda 2(a):

Sad-dħul fis-seħħ tal-atti delegati l-ġodda, liema hija/huma l-possibbiltà/possibiltajiet konformi mad-dritt tal-Unjoni li l-fornituri jew il-bejjiegħa mill-ġdid għandhom sabiex jippreżentaw l-informazzjoni mitluba dwar il-klassi ta’ effiċjenza enerġetika u l-firxa ta’ klassijiet ta’ effiċjenza enerġetika? Jekk ikun il-każ, il-kombinazzjoni magħżula mill-konvenuta tal-klassi ta’ effiċjenza enerġetika u l-arranġament tal-kuluri skont l-Anness K 1 tar-rikors hija suffiċjenti?

3)

Fil-każ li tingħata risposta fin-negattiv għall-ewwel domanda:

L-obbligu tal-fornituri jew tal-bejjiegħa mill-ġdid ta’ prodotti kkonċernati mill-ittikkettjar tal-enerġija li jirreferu, fir-reklamar tagħhom, għall-klassi ta’ effiċjenza enerġetika u għall-firxa ta’ klassijiet ta’ effiċjenza enerġetika, huwa, f’dan ir-rigward, għal kollox sospiż sad-dħul fis-seħħ tal-atti delegati l-ġodda?

(1)  ĠU 2017, L 198, p. 1.

Top