EUR-Lex Access to European Union law

Back to EUR-Lex homepage

This document is an excerpt from the EUR-Lex website

Document 62019TN0518

Kawża T-518/19: Rikors ippreżentat fit-22 ta’ Lulju 2019 — Sipcam Oxon vs Il-Kummissjoni

ĠU C 305, 9.9.2019, p. 65–66 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

9.9.2019   

MT

Il-Ġurnal Uffiċjali tal-Unjoni Ewropea

C 305/65


Rikors ippreżentat fit-22 ta’ Lulju 2019 — Sipcam Oxon vs Il-Kummissjoni

(Kawża T-518/19)

(2019/C 305/75)

Lingwa tal-kawża: l-Ingliż

Partijiet

Rikorrenti: Sipcam Oxon SpA (Milan, l-Italja) (rappreżentanti: C. Mereu, P. Sellar, avukati)

Konvenuta: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha:

tiddikkjara r-rikors ammissibbli u fondat;

tannulla r-Regolament ta’ Implimentazzjoni tal-Kummissjoni (UE) 2019/677 tad-29 ta’ April 2019;

tikkundanna lill-konvenuta għall-ispejjeż kollha tal-proċeduri.

Motivi u argumenti prinċipali

Insostenn tar-rikors tagħha, ir-rikorrenti tinvoka ħames motivi.

1.

L-ewwel motiv ibbażat fuq li r-Regolament ikkontestat ġie adottat abbażi ta’ żbalji manifesti ta’ evalwazzjoni.

2.

It-tieni motiv ibbażat fuq li r-Regolament ikkontestat jirriżulta minn proċedura li matulha d-drittijiet tad-difiża tar-rikorrenti ma ġewx irrispettati.

3.

It-tielet motiv ibbażat fuq li r-Regolament ikkontestat ġie adottat bi ksur tal-prinċipju ta’ ċertezza legali minħabba li ġew applikati linji gwida b’mod żbaljat.

4.

Ir-raba’ motiv ibbażat fuq li r-Regolament ikkontestat ġie adottat bi ksur tal-prinċipju ta’ proporzjonalità.

5.

Il-ħames motiv ibbażat fuq li r-Regolament ikkontestat ġie adottat bi ksur tal-prinċipju ta’ prekawzjoni.


Top