This document is an excerpt from the EUR-Lex website
Document 62016TN0653
Case T-653/16: Action brought on 19 September 2016 — Malta v Commission
Kawża T-653/16: Rikors ippreżentat fid-19 ta’ Settembru 2016 – Malta vs Il-Kummissjoni
Kawża T-653/16: Rikors ippreżentat fid-19 ta’ Settembru 2016 – Malta vs Il-Kummissjoni
ĠU C 428, 21.11.2016, p. 18–18
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
21.11.2016 |
MT |
Il-Ġurnal Uffiċjali tal-Unjoni Ewropea |
C 428/18 |
Rikors ippreżentat fid-19 ta’ Settembru 2016 – Malta vs Il-Kummissjoni
(Kawża T-653/16)
(2016/C 428/20)
Lingwa tal-kawża: l-Ingliż
Partijiet
Rikorrenti: Ir-Repubblika ta’ Malta (rappreżentant: A. Buhagiar, aġent)
Konvenuta: Il-Kummissjoni Ewropea
Talbiet
— |
tannulla d-deċiżjoni tal-Kummissjoni tat-13 ta’ Lulju 2016, mogħtija skont ir-Regolament (KE) Nru 1049/2001 (1), dwar talba għal aċċess għal dokumenti rreġistrata bir-referenza GESTDEM 2015/5711; |
— |
tikkundanna lill-Kummissjoni għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka ħames motivi.
1. |
L-ewwel motiv ibbażat fuq in-nuqqas ta’ osservanza tat-termini proċedurali previsti mir-Regolament Nru 1049/2001; |
2. |
It-tieni motiv ibbażat fuq it-trattament żbaljat ta’ talba għal aċċess għal dokumenti bħala talba ġdida; |
3. |
It-tielet motiv ibbażat fuq l-estensjoni irregolari tal-kamp ta’ applikazzjoni tat-talba għal aċċess għal dokument fl-istadju konfermattiv; |
4. |
Ir-raba’ motiv ibbażat fuq l-inklużjoni mill-konvenuta fid-deċiżjoni kontenzjuża ta’ dokumenti għall-finijiet ta’ komunikazzjoni lil terz li l-iżvelar tagħhom jikser l-Artikolu 113 tar-Regolament Nru 1224/2009 (2). |
(1) Regolament (KE) Nru 1049/2001 tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331).
(2) Regolament tal-Kunsill (KE) Nru 1224/2009, tal-20 ta’ Novembru 2009, li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU 2009, L 343, p. 1).