EUR-Lex Access to European Union law
This document is an excerpt from the EUR-Lex website
Document 62013TN0470
Case T-470/13: Action brought on 30 August 2013 — Merck v Commission
Kawża T-470/13: Rikors ippreżentat fit- 30 ta’ Awwissu 2013 — Merck vs Il-Kummisjoni
Kawża T-470/13: Rikors ippreżentat fit- 30 ta’ Awwissu 2013 — Merck vs Il-Kummisjoni
ĠU C 325, 9.11.2013, p. 46–47
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
ĠU C 325, 9.11.2013, p. 44–45
(HR)
9.11.2013 |
MT |
Il-Ġurnal Uffiċjali tal-Unjoni Ewropea |
C 325/46 |
Rikors ippreżentat fit-30 ta’ Awwissu 2013 — Merck vs Il-Kummisjoni
(Kawża T-470/13)
2013/C 325/74
Lingwa tal-kawża: l-Ingliż
Partijiet
Rikorrenti: Merck KGaA (Darmstadt, il-Ġermanja) (rappreżentanti: B. Bär-Bouyssière, K. Lillerud, L. Voldstad, B. Marschall, P. Sabbadini, R. De Travieso, M. Holzhäuser, S. O, avukati, M. Marelus, solicitor, R. Kreisberger u L. Osepciu, barristers)
Konvenuta: Il-Kummissjoni Ewropea
Talbiet tar-rikorrenti
— |
tannulla l-Artikoli 1(1) u 2(1) tad-Deċiżjoni tal-Kummissjoni C(2013) 3803 finali, tad-19 ta’ Ġunju 2013, fil-Każ COMP/39.226 — Lundbeck, u l-Artikoli 2(5), 3 u 4 sa fejn dawn huma indirizzati lil Merck; |
— |
sussidjarjament, tannulla jew tnaqqas il-multa imposta fuq Merck; u |
— |
fi kwalunkwe każ, tirrimborsa lil Merch l-ispejjeż tagħha. |
Motivi u argumenti prinċipali
Insostenn tar-rikors tagħha, ir-rikorrenti tinvoka tlettax-il motiv.
(1) |
L-ewwel motiv ibbażat fuq il-fatt li l-Kummissjoni interpretat b’mod żbaljat il-kunċett ta’ restrizzjoni minħabba l-għan fis-sens tal-Artikolu 101 TFUE. |
(2) |
It-tieni motiv ibbażat fuq il-fatt li t-teorija tad-dannu tal-Kummissjoni hija fundamentalment żbaljata. |
(3) |
It-tielet motiv ibbażat fuq il-fatt li l-approċċ tal-Kummissjoni jmur kontra l-prinċipju ta’ ċertezza legali. |
(4) |
Ir-raba’ motiv ibbażat fuq il-fatt li l-Kummissjoni wettqet żball meta naqset milli tikkunsidra jew tagħmel dan b’mod xieraq, il-kuntest fattwali, ekonomiku u legali, li kien juri li, fl-assenza tal-ftehim, GUK ma kinitx tniehdi s-citalopram b’mod iktar rapidu fir-Renju Unit jew fis-swieq l-oħrajn taż-ŻEE. |
(5) |
Il-ħames motiv ibbażat fuq il-fatt li l-Kummissjoni wettqet evalwazzjoni żbaljata tal-portata tal-ftehim bejn Lundbeck u GUK. |
(6) |
Is-sitt motiv ibbażat fuq il-fatt li l-Kummissjoni wettqet żball ta’ liġi u ta’ fatt meta qieset li Lundbeck u GUK huma kompetituri potenzjali. |
(7) |
Is-seba’ motiv ibbażat fuq il-fatt li l-Kummissjoni wettqet żball manifest ta’ evalwazzjoni meta kkonkludiet li GUK kellu intenzjonijiet antikompetittivi meta kkonkkluda l-Ftehim Renju Unit u ŻEE. |
(8) |
It-tmien motiv ibbażat fuq il-fatt li l-Kummissjoni wettqet żball ta’ fatt fil-konstatazzjonijiet tagħha rigward id-daqs u l-għan tat-trasferiment monitarju bejn Lundbeck u GUK. |
(9) |
Id-disa’ motiv ibbażat fuq il-fatt li l-Kummissjoni ma evalwatx b’mod korrett l-argumenti mqajma mill-partijiet taħt l-Artikolu 101(3) TFUE. |
(10) |
L-għaxar motiv ibbażat fuq il-fatt li l-Kummissjoni naqset milli tieħu debitament inkunsiderazzjoni l-provi ta’ Merck li jikkonfutaw il-preżunzjoni tal-influwenza deċiżiva u, konsegwentement, wettqet żball ta’ liġi u ta’ fatt billi kkonstatat li din il-preżunzjoni ma kinitx ikkonfutata. |
(11) |
Il-ħdax-il motiv ibbażat fuq il-fatt li d-deċiżjoni tal-Kummissjoni għandha tiġi annullata fuq il-bażi tad-dewmien eċċessiv. |
(12) |
It-tnax-il motiv ibbażat fuq il-fatt li l-Kummissjoni kisret id-dritt għal smigħ tal-partijiet. |
(13) |
It-tlettax-il motiv ibbażat fuq il-fatt li l-Kummissjoni wettqet żball fl-evalwazzjoni tagħha tas-sanzjonijiet. |