This document is an excerpt from the EUR-Lex website
Document 62013TA0562
Case T-562/13: Judgment of the General Court of 4 February 2016 — Isotis v Commission (Arbitration clause — Competitiveness and Innovation Framework Programme — REACH112 contract — Reimbursement of sums advanced — Eligible costs)
Kawża T-562/13: Sentenza tal-Qorti Ġenerali tal-4 ta’ Frar 2016 – Isotis vs Il-Kummissjoni (“Klawżola ta’ arbitraġġ — Programm qafas dwar l-innovazzjoni u l-kompetittività — Kuntratt REACH112 — Rimbors tas-somom antiċipati — Spejjeż eliġibbli”)
Kawża T-562/13: Sentenza tal-Qorti Ġenerali tal-4 ta’ Frar 2016 – Isotis vs Il-Kummissjoni (“Klawżola ta’ arbitraġġ — Programm qafas dwar l-innovazzjoni u l-kompetittività — Kuntratt REACH112 — Rimbors tas-somom antiċipati — Spejjeż eliġibbli”)
ĠU C 106, 21.3.2016, p. 29–30
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
- Date of document:
- 04/02/2016
- Date lodged:
- 24/10/2013
- Author:
- Il-Qorti Ġenerali
- Form:
- Informazzjoni ġudizzjarja
- Authentic language:
- Grieg
- Type of procedure:
- Klawsola ta’ arbitraġġ - m’hemmx neċessità għal deċiżjoni, Klawsola ta’ arbitraġġ
- Link
- Select all documents mentioning this document
- Case affecting:
-
- Related EU case-law document 62013TJ0562
- Instruments cited in case law:
- Link
- EUROVOC descriptor:
|
21.3.2016 |
MT |
Il-Ġurnal Uffiċjali tal-Unjoni Ewropea |
C 106/29 |
Sentenza tal-Qorti Ġenerali tal-4 ta’ Frar 2016 – Isotis vs Il-Kummissjoni
(Kawża T-562/13) (1)
((“Klawżola ta’ arbitraġġ - Programm qafas dwar l-innovazzjoni u l-kompetittività - Kuntratt REACH112 - Rimbors tas-somom antiċipati - Spejjeż eliġibbli”))
(2016/C 106/32)
Lingwa tal-kawża: il-Grieg
Partijiet
Rikorrenti: Koinonia Tis Pliroforias Anoichti Stis Eidikes Anagkes – Isotis (Ateni, il-Greċja) (rappreżentant: S. Skliris, avukat)
Konvenuta: Il-Kummissjoni Ewropea (rappreżentanti: L. Di Paolo u S. Lejeune, aġenti, assistiti inizjalment minn E. Petritsi, sussegwentement minn E. Roussou, avukati)
Suġġett
Minn naħa, talbiet ibbażati fuq l-Artikolu 272 TFUE, intiżi, prinċipalment, sabiex it-talba tal-Kummissjoni għar-rimbors tal-finanzjament bil-quddiem li jammonta għal EUR 47 197,93, imħallas lir-rikorrenti abbażi tal-Kuntratt Nru 238940, “REsponding to All Citizens needing Help (REACH112)”, konkluż bejn il-Komunità Ewropea u r-rikorrenti, tiġi ddikjarata infondata u, sussidjarjament, sabiex it-talba tal-Kummissjoni għar-rimbors tal-imsemmi finanzjament bil-quddiem tiġi ddikjarata infondata f’dak li jirrigwarda l-ispejjeż ippreżentati lill-Kummissjoni għall-ewwel perjodu ta’ riferiment tal-proġett REACH112 li jammontaw għal EUR 13 821,12, kif ukoll, min-naħa l-oħra, kontrotalba intiża sabiex ir-rikorrenti tiġi ordnata tirrimborsa l-finanzjament bil-quddiem imħallas indebitament fil-kuntest ta’ dan il-kuntratt u tħallas interessi moratorji.
Dispożittiv
|
1) |
Ma hemmx lok li tingħata deċiżjoni fuq it-talbiet ta’ Koinonia tis Pliroforias Anoichti Stis Eidikes Anagkes – Isotis intiża li jiġi ddikjarat li, peress li l-kundizzjonijiet ġenerali tas-Sitt Programm Qafas ma japplikawx għall-kuntratt inkwistjoni, hija ma tistax tinżamm responsabbli għall-ħlas ta’ kumpens fil-forma ta’ somma f’daqqa abbażi ta’ dan tal-aħħar u li, għaldaqstant, il-Kummissjoni Ewropea kisret il-kuntratt inkwistjoni meta ddikjarat li kellha l-intenzjoni li titlob tali kumpens. |
|
2) |
It-talba ta’ Koinonia tis Pliroforias Anoichti Stis Eidikes Anagkes – Isotis intiża sabiex tiġi kkonstatata l-infondatezza tat-talba għar-rimbors tal-finanzjament bil-quddiem li hija rċeviet abbażi tal-Kuntratt Nru 238940 “REsponding to All Citizens needing Help (REACH112)” hija milqugħa f’dak li jirrigwarda l-ispejjeż li hija ddikjarat għall-ewwel perjodu ta’ riferiment tal-proġett REACH112. |
|
3) |
Il-kumplament tar-rikors ippreżentat minn Koinonia Tis Pliroforias Anoichti Stis Eidikes Anagkes – Isotis huwa miċħud. |
|
4) |
It-talba tal-Kummissjoni sabiex Koinonia Tis Pliroforias Anoichti Stis Eidikes Anagkes – Isotis tiġi kkundannata tirrimborsa l-finanzjament bil-quddiem li hija rċeviet abbażi tal-Kuntratt Nru 238940 “REsponding to All Citizens needing Help (REACH112)” hija miċħuda f’dak li jirrigwarda l-ispejjeż iddikjarati minnha għall-ewwel perijodu ta’ riferiment tal-proġett REACH112. |
|
5) |
Koinonia Tis Pliroforias Anoichti Stis Eidikes Anagkes – Isotis hija kkundannata tħallas lill-Kummissjoni l-ammont ta’ EUR 33 376,81 miżjud bl-interessi moratorji bir-rata ta’ 4 % fis-sena mid-29 ta’ Ottubru 2013 u sal-ħlas sħiħ ta’ dan l-ammont. |
|
6) |
Koinonia Tis Pliroforias Anoichti Stis Eidikes Anagkes – Isotis u l-Kummissjoni għandhom isostnu l-ispejjeż rispettivi tagħhomet la Commission supporteront chacune leurs propres dépens. |
