—

il-fatt li l-konvenuti ppreġudikaw l-aspetattivi leġittimi tagħha, bi ksur tal-Artikolu 10 tal-Kodiċi Ewropew ta’ Prattika Amministrattiva Tajba, billi kkanċellaw b’mod mhux mistenni d-deċiżjoni li l-proġett inkwistjoni jingħata lill-Konsorzju fuq il-bażi ta’ allegata ‘dikjarazzjoni falza’;

—

il-fatt li l-konvenuti kisru l-prinċipju ġenerali taċ-ċertezza legali u d-dispożizzjonijiet tal-Artikolu 4 tal-Kodiċi Ewropew ta’ Prattika Amministrattiva Tajba, billi akkużaw lir-rikorrenti li għamlet dikjarazzjoni falza, mingħajr ma identifikaw minn qabel id-dokumenti ppreżentati bħala ffalsifikati;

—

il-fatt li l-konvenuti kisru d-dritt għal smigħ xieraq tar-rikorrenti billi ma nformawhiex bl-intenzjoni tagħhom li jikkanċellaw l-għoti tal-kuntratt, bi ksur tal-Artikolu 16 tal-Kodiċi Ewropew ta’ Prattika Amministrattiva Tajba;

—

il-fatt li l-konvenuti naqsu milli jipprovdu motivazzjoni fir-rigward ta’ liema dokumenti ġew allegatament iffalsifikati mir-rikorrenti, bi ksur tal-Artikolu 18 tal-Kodiċi Ewropew ta’ Prattika Amministrattiva Tajba;

—

il-fatt li l-konvenuti naqsu milli jinformaw lir-rikorrenti bl-azzjonijiet disponibbli sabiex din tikkontesta d-deċiżjoni meħuda kontriha, bi ksur tal-Artikoli 11 u 19 tal-Kodiċi Ewropew ta’ Prattika Amministrattiva Tajba;

—

il-fatt li l-konvenuti abbużaw mis-setgħa diskrezzjonali tagħhom sabiex jiddeċiedu fuq il-fatti ppreżentati quddiemhom u għaldaqstant qabżu l-limiti tas-setgħat tagħhom peress li r-raġunijiet imressqa mill-awtorità kontraenti setgħu jiġu applikati biss sabiex tiġi skwalifikata offerta waqt is-sejħa għal offerti, minħabba nuqqas ta’ konformità mal-kriterji ta’ evalwazzjoni, u mhux wara li l-kuntratt ikun effettivament ingħata.