IL-KUMMISSJONI EWROPEA

Strasburgu, 17.6.2025

COM(2025) 826 final

2025/0826(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2017/2402 tal-Parlament Ewropew u tal-Kunsill tat-12 ta’ Diċembru 2017 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata

(Test b’rilevanza għaż-ŻEE)

{SEC(2025) 825 final} - {SWD(2025) 826 final} - {SWD(2026) 825 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

It-tnedija mill-ġdid tas-suq Ewropew tat-titolizzazzjoni tista’ tgħin biex jiżdied l-ammont ta’ finanzjament disponibbli għall-ekonomija reali. Dan huwa aktar importanti minn qatt qabel fl-ambjent ekonomiku u ġeopolitiku attwali fejn l-Unjoni qed tiffaċċja ħtiġijiet sinifikanti ta’ investiment biex tibqa’ reżiljenti u kompetittiva. Swieq tat-titolizzazzjoni li jiffunzjonaw tajjeb jistgħu jikkontribwixxu għal tkabbir ekonomiku ogħla u jiffaċilitaw il-finanzjament tal-objettivi strateġiċi tal-Unjoni, inklużi l-investimenti fit-tranżizzjoni ekoloġika, diġitali u soċjali, billi jippermettu lill-banek jittrasferixxu r-riskji lejn dawk li huma l-aktar adattati biex jerfgħuhom u b’hekk jilliberaw il-kapital tagħhom. Il-banek huma mistennija jużaw dan il-kapital għal self addizzjonali lill-unitajiet domestiċi u lin-negozji, inklużi l-intrapriżi żgħar u ta’ daqs medju (SMEs). Permezz tar-ridistribuzzjoni tar-riskju fi ħdan is-sistema finanzjarja usa’, it-titolizzazzjoni tista’ tipprovdi wkoll lill-investituri tas-suq kapitali b’aktar opportunitajiet ta’ investiment. Il-qafas tat-titolizzazzjoni attwali tal-UE qed iżomm lura lill-ekonomija tal-UE milli tisfrutta ħafna mill-benefiċċji li tista’ toffri t-titolizzazzjoni.

Ir-rapporti ta’ Enrico Letta 1 u Mario Draghi 2 rrakkomandaw it-titolizzazzjoni bħala mezz ta’ tisħiħ tal-kapaċità ta’ self tal-banek tal-Unjoni Ewropea għall-ħtiġijiet ta’ finanzjament tal-prijoritajiet tal-UE inklużi d-difiża, il-ħolqien ta’ swieq kapitali aktar profondi , il-bini tal-Unjoni tat-Tfaddil u tal-Investimenti u ż-żieda fil-kompetittività tal-UE.

Il-Kunsill Ewropew talab lill-Kummissjoni Ewropea tidentifika miżuri biex tniedi mill-ġdid is-suq Ewropew tat-titolizzazzjoni, inkluż “permezz ta’ bidliet regolatorji u prudenzjali, bl-użu tal-ispazju disponibbli għall-immanuvrar” 3 u biex tipproponi malajr, fl-2025, qafas tat-titolizzazzjoni rivedut 4 . Hemm ukoll sejħa għal azzjoni minn ħafna partijiet ikkonċernati, inklużi l-emittenti, l-investituri u s-superviżuri, biex jiġu indirizzati l-ostakli li qed ifixklu l-iżvilupp tas-suq tat-titolizzazzjoni tal-UE 5 .

Il-qafas tat-titolizzazzjoni tal-UE ġie stabbilit wara l-kriżi finanzjarja tal-2008 u wieġeb għal tħassib dwar titolizzazzjonijiet riskjużi tal-Istati Uniti. Dak iż-żmien, tqis li kienu meħtieġa rekwiżiti stretti biex tiġi rrestawrata r-reputazzjoni tas-suq tat-titolizzazzjoni li kien qed isofri minħabba protezzjonijiet inadegwati u sfiduċja serja mill-investituri. Issa li ġew integrati sew salvagwardji xierqa fl-organizzazzjoni tas-suq u t-titolizzazzjoni qed terġa’ tikseb il-fiduċja tal-investituri, jeħtieġ li jinstab bilanċ aħjar bejn is-salvagwardji u l-opportunitajiet ta’ tkabbir - kemm għall-investimenti kif ukoll għall-ħruġ. L-esperjenza bil-qafas tindika li huwa wisq konservattiv u jillimita l-użu potenzjali tat-titolizzazzjonijiet fl-UE. Il-kostijiet operazzjonali għoljin u r-rekwiżiti ta’ kapital konservattivi żżejjed iżommu lil ħafna emittenti u investituri milli jidħlu fis-suq tat-titolizzazzjoni.

Ir-rieżami għandu l-għan li jirrikonoxxi l-mitiganti tar-riskju implimentati fl-oqfsa regolatorji u superviżorji tat-titolizzazzjoni tal-UE, li naqqsu b’mod sinifikanti r-riskji integrati fit-tranżazzjonijiet ta’ titolizzazzjoni, kif ukoll il-prestazzjoni kreditizja tajba tat-titolizzazzjonijiet tal-UE. Din il-proposta tikkontribwixxi għall-prijorità tal-Kummissjoni tal-2024-2029 ta’ “Pjan ġdid għall-prosperità u l-kompetittività sostenibbli tal-Ewropa”. Il-proposta hija komponent tal-Unjoni tat-Tfaddil u tal-Investimenti 6 , li hija l-pedament tal-mandat tal-Kummissjoni tal-2024-2029, u hija l-ewwel inizjattiva leġiżlattiva taħt l-Unjoni tat-Tfaddil u tal-Investimenti. Fl-istess ħin, huwa importanti li jiġi rikonoxxut li r-Rieżami tat-Titolizzazzjoni ma huwiex soluzzjoni perfetta. Il-proġett tal-Unjoni tat-Tfaddil u tal-Investimenti jinkludi firxa wiesgħa ta’ miżuri oħrajn u komplementari biex jintlaħqu l-għanijiet tiegħu. Madankollu, il-Kummissjoni Ewropea tistenna li l-emendi tar-rekwiżiti mhux prudenzjali u prudenzjali previsti f’dan il-pakkett ta’ proposti se jwasslu biex l-istituzzjonijiet finanzjarji jinvolvu ruħhom f’aktar attività ta’ titolizzazzjoni u, b’mod importanti, biex jużaw it-tnaqqis ta’ piż fuq il-kapital li jirriżulta għal self addizzjonali.

Ir-rieżami propost tal-qafas tat-titolizzazzjoni għandu l-għan li jneħħi ostakli bla bżonn għall-ħruġ u għall-investiment fis-suq tat-titolizzazzjoni tal-UE, speċifikament: 

·Biex inaqqas il-kostijiet operazzjonali eċċessivi għall-emittenti u għall-investituri, filwaqt li joħloq bilanċ ma’ standards adegwati tat-trasparenza, tal-protezzjoni tal-investituri u tas-superviżjoni. 

·Biex jaġġusta l-qafas prudenzjali għall-banek u għall-assiguraturi, sabiex jitqiesu aħjar ir-riskji reali u jitneħħew il-kostijiet prudenzjali bla bżonn meta jinħarġu u jsir investiment fit-titolizzazzjonijiet, filwaqt li fl-istess ħin tiġi salvagwardata l-istabbiltà finanzjarja. 

Is-salvagwardji ewlenin tal-istabbiltà finanzjarja fil-qafas (ir-ritenzjoni tar-riskju, il-projbizzjoni fuq ir-rititolizzazzjoni, l-istandards robusti tal-għoti ta’ kreditu) mhux se jiġu affettwati minn din ir-riforma. Barra minn hekk, il-bidliet proposti huma akkumpanjati minn bidliet fil-qafas superviżorju li jtejbu l-konverġenza superviżorja u jiżguraw li l-qafas superviżorju jkun adattat għal suq tat-titolizzazzjoni tal-UE li qed jikber.

Ir-rieżami tal-qafas tat-titolizzazzjoni tal-UE għandu l-għan li jneħħi l-ostakli indebiti li jfixklu t-tkabbir u l-iżvilupp tas-suq tat-titolizzazzjoni tal-UE, iżda mingħajr ma jintroduċi riskji għall-istabbiltà finanzjarja, għall-integrità tas-suq jew għall-protezzjoni tal-investituri. Sabiex jinkiseb dan, ir-riformi proposti huma mmirati bir-reqqa biex jindirizzaw impedimenti speċifiċi għall-ħruġ u għall-investiment (mhux bankarju). Ir-rieżami jipprevedi bidliet f’erba’ atti legali:

·proposta leġiżlattiva li temenda r-Regolament (UE) 2017/2402 tal-Parlament Ewropew u tal-Kunsill (ir-“Regolament dwar it-Titolizzazzjoni” 7 ), li jistabbilixxi regoli tal-prodotti u regoli tal-kondotta għall-emittenti u l-investituri

·proposta li temenda r-Regolament (UE) Nru 575/2013 tal-Parlament Ewropew u tal-Kunsill (“ir-Regolament dwar ir-Rekwiżiti ta’ Kapital” jew “CRR” 8 ), li tistabbilixxi r-rekwiżiti ta’ kapital għall-banek li jżommu u jinvestu fit-titolizzazzjoni, kif ukoll

·emendi ta’ żewġ Regolamenti delegati: ir-Regolament Delegat tal-Kummissjoni (UE) 2015/61 (l-“Att Delegat dwar il-Proporzjon tal-Kopertura tal-Likwidità (LCR, Liquidity Coverage Ratio”) 9 ), li jirregola l-kriterji ta’ eliġibbiltà għall-assi li għandhom jiġu inklużi fir-riżervi ta’ likwidità tal-banek, u r-Regolament Delegat tal-Kummissjoni (UE) 2015/35 (l-“Att Delegat dwar is-Solvenza II (SII)” 10 ), li jirregola r-rekwiżiti ta’ kapital għall-impriżi tal-assigurazzjoni u tar-riassigurazzjoni.

Il-bidliet previsti għandhom l-għan li jagħmlu titjib immirat fil-qafas, aktar milli jirriformawh. Dawk il-bidliet għandhom jitqiesu bħala pakkett, peress li l-ebda wieħed mill-komponenti individwali mhu se jikseb ir-riżultat mixtieq waħdu. L-elementi tal-pakkett jindirizzaw kemm in-naħa tal-provvista kif ukoll dik tad-domanda tas-suq u jsaħħu lil xulxin biex jipproduċu l-impatt mixtieq. Is-simplifikazzjoni tar-rekwiżiti ta’ rapportar u t-tnaqqis tar-rekwiżiti ta’ kapital se jnaqqsu kemm l-ostakli għad-dħul kif ukoll jagħmluha orħos għall-banek biex joriġinaw it-titolizzazzjonijiet. Is-simplifikazzjoni tad-diliġenza dovuta u l-emendar tal-allokazzjonijiet ta’ kapital u t-trattament tal-likwidità se jagħmluha aktar faċli u aktar attraenti li jsir investiment fit-titolizzazzjoni. Bażi tal-investituri akbar u aktar dinamika se tinċentiva wkoll aktar ħruġ. It-tnedija mill-ġdid tas-suq tat-titolizzazzjoni tal-UE hija kwistjoni kumplessa li titlob li jsiru bidliet f’diversi partijiet tal-qafas biex jitrawmu l-provvista u d-domanda fis-suq tat-titolizzazzjoni.

Ir-regolamentazzjoni waħedha hija limitata f’termini ta’ stimolu tal-iżvilupp ta’ dan is-suq: il-parteċipanti fis-suq iridu wkoll jinvolvu ruħhom u jagħmlu l-parti tagħhom, eż. billi jħaddnu l-istandardizzazzjoni u l-inizjattivi fl-industrija kollha lejn segmenti speċifiċi – mingħajr sforzi tal-parteċipanti fis-suq, it-tkabbir tas-suq ma huwiex se jkun possibbli.

Diversi kontributi infurmaw dan ir-rieżami, inkluż ir- rapport tal-EBA tal-2020 dwar it-trasferiment tar-riskju sinifikanti , ir-rapport tal-BERS dwar il-Monitoraġġ tar-riskji sistemiċi fis-suq tat-titolizzazzjoni tal-UE tal-2020, ir- Rapport tal-Kummissjoni tal-2022 dwar ir-Regolament dwar it-Titolizzazzjoni , il- parir tal-Kumitat Konġunt tal-ASE tal-2022 dwar il-qafas prudenzjali , il- konsultazzjoni mmirata tal-2024 dwar il-funzjonament tal-qafas tat-titolizzazzjoni tal-UE , u l-Ir-Rapport tal-2025 tal-Kumitat Konġunt dwar l-implimentazzjoni u l-funzjonament tal-qafas tat-titolizzazzjoni. Il-Kummissjoni organizzat ukoll diversi laqgħat bilaterali mal-partijiet ikkonċernati kif ukoll sessjoni ta’ ħidma f’Lulju 2024 biex tiddiskuti l-fehmiet tal-partijiet ikkonċernati dwar il-qafas tat-titolizzazzjoni tal-UE.

F’termini ta’ żmien, l-emendi tar-Regolament dwar it-Titolizzazzjoni u r-Regolament dwar ir-Rekwiżiti ta’ Kapital huma adottati mill-Kummissjoni flimkien. Fl-istess data, l-abbozzi ta’ emendi tar-Regolament Delegat dwar il-Proporzjon tal-Kopertura tal-Likwidità għandhom jiġu ppubblikati fuq Semma’ Leħnek għal konsultazzjoni ta’ 4 ġimgħat. Il-Kummissjoni qed tippjana li tadotta abbozzi ta’ emendi tar-Regolament Delegat dwar is-Solvenza II f’pakkett usa’ ta’ emendi ta’ dak ir-Regolament li huwa mistenni li jiġi ppubblikat għall-konsultazzjoni fit-tieni nofs ta’ Lulju ta’ din is-sena.

•Konsistenza mad-dispożizzjonijiet eżistenti fil-qasam ta’ politika

Il-proposta attwali tallinja d-dispożizzjonijiet dwar id-delega tal-kompiti ta’ diliġenza dovuta ma’ dawk li jinsabu fid-Direttiva 2011/61/UE tal-Parlament Ewropew u tal-Kunsill (l-“AIFMD”) 11 .

Minbarra l-bidliet leġiżlattivi inklużi f’dan il-pakkett, il-Kummissjoni qed tikkunsidra wkoll li temenda l-limitu tal-emittent fl-Impriżi għall-Investiment Kollettiv fid-Direttiva 2009/65/KE tal-Parlament Ewropew u tal-Kunsill (id-“Direttiva UCITS”) 12 fil-kuntest tar-rieżami ġenerali li jmiss tad-Direttiva UCITS. Id-Direttiva UCITS timponi limitu fuq il-fondi tal-UCITS biex ma jinġabrux aktar minn 10 % tat-titoli ta’ dejn ta’ korp emittenti wieħed. F’każ ta’ titolizzazzjoni dan ifisser li l-fondi tal-UCITS jitħallew jinvestu biss sa 10 % fi ħruġ ta’ titolizzazzjoni wieħed peress li l-entità ta’ titolizzazzjoni nnifisha titqies bħala l-emittent.

•Konsistenza ma’ politiki oħrajn tal-Unjoni

Billi tagħmel il-qafas ta’ titolizzazzjoni tal-UE inqas oneruż u, aktar ibbażat fuq il-prinċipji, il-proposta attwali tikkontribwixxi wkoll għall-isforz attwali tal-Kummissjoni kollha biex taqta’ l-burokrazija u tissimplifika l-ambjent tan-negozju kif imħabbar fil-programm ta’ ħidma tal-Kummissjoni tal-2025.

Ir-rieżami tal-qafas tat-titolizzazzjoni huwa wkoll konformi mal-istrateġija aktar wiesgħa tal-Kummissjoni Ewropea biex tiġi reġuvinata l-ekonomija tal-UE, kif deskritt fil- Boxxla għall-Kompetittività . Billi tneħħi l-ostakli bla bżonn għall-ħruġ u l-investiment fis-suq tat-titolizzazzjoni tal-UE, il-Kummissjoni għandha l-għan li tiżgura li l-ekonomija tal-UE tkun tista’ tibbenefika minn opportunitajiet ta’ kondiviżjoni tar-riskji u finanzjament akbar, biex b’hekk jiġu appoġġati t-tkabbir ekonomiku u l-kompetittività tal-UE.

Parti mill-ostakli identifikati għall-ħruġ u għall-investiment tirriżulta minn kostijiet operazzjonali għoljin marbuta mar-regolament. Għalhekk, it-tneħħija ta’ dawn il-kostijiet hija wkoll konformi mal-komunikazzjoni tal-Kummissjoni dwar “ A Simpler and Faster Europe ”, li tenfasizza t-tnaqqis tal-piż regolatorju kemm fuq l-unitajiet domestiċi kif ukoll fuq in-negozji.

Fl-aħħar nett, il-proposta hija konsistenti mal-objettiv tal-Unjoni li tissalvagwardja l-istabbiltà finanzjarja billi tiżgura li s-swieq tat-titolizzazzjoni joperaw b’mod trasparenti, prudenti u reżiljenti.

2.BAŻI LEGALI, SUSSIDJARJETÀ U PROPORZJONALITÀ

•Bażi legali

•Sussidjarjetà (għall-kompetenza mhux esklużiva) 

Il-prodotti tat-titolizzazzjoni huma segment importanti tas-swieq finanzjarji tal-UE, u jikkontribwixxu għall-integrazzjoni finanzjarja tal-Unjoni. It-titolizzazzjoni torbot l-istituzzjonijiet finanzjarji minn setturi differenti tas-swieq finanzjarji u minn Stati Membri u ġuriżdizzjonijiet mhux tal-UE differenti u tista’ tqajjem kwistjonijiet ta’ stabbiltà finanzjarja jekk ma tkunx irregolata kif xieraq. Għalhekk, it-titolizzazzjoni teħtieġ regolamentazzjoni fil-livell tal-Unjoni.

B’mod partikolari, il-proposta teżamina ċerti dispożizzjonijiet dwar id-diliġenza dovuta, it-trasparenza u s-superviżjoni 13 . Hija biss l-azzjoni fil-livell tal-UE li tista’ tiżgura li fil-futur, dawk id-dispożizzjonijiet regolatorji jiġu applikati b’mod uniformi u jiggarantixxu l-eżistenza tal-qafas regolatorju stabbilit sew fir-rigward tal-bidu u l-eżerċizzju tat-titolizzazzjoni u tan-negozju fis-Suq Uniku. Dan huwa speċjalment importanti peress li l-maġġoranza tal-attività ta’ titolizzazzjoni tal-UE hija kkonċentrata f’għadd żgħir ta’ Stati Membri tal-UE. Qafas regolatorju għall-Unjoni kollha huwa fundamentali biex jiffaċilita t-titolizzazzjonijiet transfruntieri, u b’mod partikolari biex jippermetti tali attività fl-Istati Membri fejn bħalissa hemm użu baxx tat-titolizzazzjonijiet b’mod ġenerali. Il-kapaċità tal-Istati Membri li jadottaw miżuri nazzjonali hija limitata, peress li l-qafas tat-titolizzazzjoni tal-UE eżistenti diġà jipprevedi sett armonizzat ta’ regoli fil-livell tal-UE u l-bidliet fil-livell nazzjonali jkunu konfliġġenti mad-dritt tal-Unjoni attwalment fis-seħħ.

•Proporzjonalità

Fl-istess ħin, l-għażliet ta’ politika ma jmorrux lil hinn minn dak li huwa meħtieġ biex jintlaħqu l-objettivi ddikjarati u jevitaw riforma sħiħa tal-qafas regolatorju.

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

Twettqet evalwazzjoni tal-qafas tat-titolizzazzjoni li tkopri l-perjodu mid-data tal-applikazzjoni tal-qafas tat-titolizzazzjoni (l-1 ta’ Jannar 2019) sal-preżent. Il-kamp ta’ applikazzjoni tagħha jinkludi l-qafas legali fl-intier tiegħu (ir-Regolament dwar it-Titolizzazzjoni, il-partijiet rilevanti tas-CRR, tal-Att Delegat LCR u tal-Att Delegat SII li jappartjenu għat-tranżazzjonijiet ta’ titolizzazzjoni).

F’konformità mal-Istrumenti għal Regolamentazzjoni Aħjar, din teżamina jekk l-objettivi tal-qafas tat-titolizzazzjoni ntlaħqux matul il-perjodu tal-applikazzjoni tiegħu (effettività) u jekk komplewx ikunu xierqa (rilevanza) u jekk il-qafas, filwaqt li jitqiesu l-kostijiet u l-benefiċċji assoċjati mal-applikazzjoni tiegħu, kienx effiċjenti biex jintlaħqu l-objettivi tiegħu (effiċjenza). L-evalwazzjoni tqis ukoll jekk il-qafas tat-titolizzazzjoni, bħala leġiżlazzjoni fil-livell tal-Unjoni, ipprovdiex valur miżjud (valur miżjud tal-UE) u jekk huwiex konsistenti ma’ biċċiet ta’ leġiżlazzjoni relatati oħrajn (koerenza). L-evalwazzjoni twettqet b’mod parallel mal-valutazzjoni tal-impatt li takkumpanja l-proposta li tirrevedi l-qafas tat-titolizzazzjoni.

L-evalwazzjoni kkonkludiet li l-qafas tat-titolizzazzjoni kien parzjalment ta’ suċċess fl-ilħuq tal-objettivi oriġinali tiegħu. Din appoġġat l-istandardizzazzjoni tal-proċessi u l-prattiki u indirizzat parzjalment l-inċertezza regolatorja. Madankollu, kellu biss suċċess parzjalment fit-tneħħija tal-istigma assoċjata mat-titolizzazzjoni, u fit-tneħħija tal-iżvantaġġi regolatorji għal titolizzazzjonijiet sempliċi u trasparenti, minkejja t-titjib regolatorju ġab miegħu. Barra minn hekk, il-Qafas ma kienx ta’ suċċess fit-tnaqqis tal-kostijiet operazzjonali għoljin u fl-espansjoni sinifikanti tas-suq tat-titolizzazzjoni fl-UE.

B’riżultat ta’ dan, l-evalwazzjoni kkonkludiet li jeħtieġ li jsir aktar biex jiġi żgurat li t-titolizzazzjoni tkun tista’ tikkontribwixxi b’mod sinifikanti għat-titjib tal-finanzjament tal-ekonomija tal-UE u tkompli tiżviluppa l-Unjoni tat-Tfaddil u tal-Investimenti. B’mod aktar speċifiku, l-evalwazzjoni vvalutat li rekwiżiti legali preskrittivi ħafna fil-qasam tat-trasparenza u d-diliġenza dovuta jirriżultaw f’kostijiet operazzjonali għoljin għall-emittenti u għall-investituri fit-titolizzazzjonijiet, u li approċċ aktar ibbażat fuq il-prinċipji jista’ jkun aktar xieraq. Il-qafas prudenzjali għall-banek u għall-assiguraturi ma huwiex sensittiv biżżejjed għar-riskju u n-“nonnewtralità” tal-kapital hija sproporzjonalment għolja għal ċerti tranżazzjonijiet ta’ titolizzazzjoni. Għalhekk, sabiex jiġu indirizzati l-ostakli prudenzjali bla bżonn, hija meħtieġa reviżjoni tat-trattament prudenzjali tat-titolizzazzjonijiet.

•Konsultazzjonijiet mal-partijiet ikkonċernati

Fit-3 ta’ Lulju 2024, il-Kummissjoni ospitat Sessjoni ta’ Ħidma dwar it-Titolizzazzjoni, li stiednet rappreżentanti mill-industrija/l-assoċjazzjonijiet bankarji, mill-Ministeri, mill-Awtoritajiet Superviżorji Ewropej (ASE), mill-Mekkaniżmu Superviżorju Uniku tal-Bank Ċentrali Ewropew, mill-Bank Ewropew tal-Investiment, mill-assiguraturi, mill-maniġers tal-assi, mill-organizzazzjonijiet mhux governattivi u mill-fondi tal-pensjonijiet biex jikkondividu l-fehmiet tagħhom.

Bejn id-19 ta’ Frar 2025 u s-26 ta’ Marzu 2025, tnediet sejħa għal evidenza 15 biex jintalab feedback mill-partijiet ikkonċernati dwar ir-rieżami tal-qafas tat-titolizzazzjoni. Il-partijiet ikkonċernati ntalbu jipprovdu fehmiet dwar il-fehim tal-problema u s-soluzzjonijiet possibbli tal-Kummissjoni, u jipprovdu informazzjoni rilevanti. 34 rispondent wieġbu għas-sejħa għal evidenza u ppreżentaw il-fehmiet tagħhom 16 . Minn dawk l-34 rispondent, 26 17 kienu wieġbu wkoll għall-konsultazzjoni mmirata tal-2024, bil-fehmiet tagħhom jibqgħu, b’mod ġenerali, l-istess. Il-punti li tressqu minn dawk li wieġbu għall-ewwel darba kienu wkoll konsistenti mal-feedback tal-konsultazzjoni mmirata li kien wasal qabel.

•Ġbir u użu tal-għarfien espert

It-tħejjija ta’ din il-proposta bbenefikat minn kontribut espert estensiv, inklużi konsultazzjonijiet mal-partijiet ikkonċernati, laqgħat, u ħidma analitika mwettqa mill-ASE. B’mod partikolari, l-ASE bagħtu r-rapporti tal-Kumitat Konġunt tal-Artikolu 44 tal-2021 u l-2025 dwar l-implimentazzjoni u l-funzjonament tar-Regolament dwar it-Titolizzazzjoni 18 . Dawk ir-rapporti ffukaw fuq l-implimentazzjoni tar-rekwiżiti ġenerali applikabbli għat-titolizzazzjonijiet, inklużi r-rekwiżiti taż-żamma tar-riskju, tad-diliġenza dovuta u tat-trasparenza, u rekwiżiti speċifiċi relatati mat-titolizzazzjoni sempliċi, trasparenti u standardizzata (STS), fir-rigward tal-objettiv oriġinali tal-Qafas li jikkontribwixxi għall-irkupru tajjeb tal-qafas tat-titolizzazzjoni tal-UE.

L-awtoritajiet nazzjonali ġew ikkonsultati fil-qafas tal-Grupp ta’ Ħidma tal-Grupp tal-Euro+ (EWG+, Eurogroup Working Group+), il-Kumitat tas-Servizzi Finanzjarji tal-Kunsill, u l-Grupp ta’ Esperti tal-Kummissjoni dwar is-Settur Bankarju, il-Pagamenti u l-Assigurazzjoni. Diversi Stati Membri wieġbu wkoll għall-Konsultazzjoni Mmirata permezz tal-ministeri tal-finanzi tagħhom u involvew ruħhom mal-Kummissjoni b’mod bilaterali.

•Valutazzjoni tal-impatt

•Idoneità regolatorja u simplifikazzjoni

Il-proposta tissimplifika u tirfina d-dispożizzjonijiet legali eżistenti li japplikaw għat-titolizzazzjonijiet, biex ittejjeb l-effiċjenza fis-suq tat-titolizzazzjoni. Għalhekk, hija ta’ rilevanza għall-Programm dwar l-Idoneità tar-Regolamentazzjoni (REFIT). L-għażla ppreferuta li tikkonċerna r-Regolament dwar it-Titolizzazzjoni tinvolvi s-simplifikazzjoni tad-dmirijiet ta’ diliġenza dovuta għan-negozji u qafas ta’ trasparenza aktar effiċjenti. Billi jnaqqsu dawk l-obbligi, in-negozji se jiffaċċjaw kostijiet ta’ konformità aktar baxxi, li jippermettu li jiġu allokati aktar riżorsi għal attivitajiet kummerċjali ewlenin. Filwaqt li l-emittenti jistgħu jiffaċċjaw xi kostijiet ta’ adattament ta’ darba, it-tnaqqis rikorrenti fil-piżijiet amministrattivi għandu jkun akbar minn dak l-infiq inizjali. Permezz ta’ aġġustamenti mmirati u simplifikazzjoni strateġika, dawk il-miżuri jinsabu f’pożizzjoni li jsaħħu l-kapaċità tas-suq, jattiraw bażi usa’ ta’ investituri, u jħeġġu t-tkabbir ekonomiku—filwaqt li jżommu ekosistema finanzjarja reżiljenti u trasparenti.

•Drittijiet fundamentali

Il-proposta x’aktarx ma jkollhiex impatt dirett fuq id-drittijiet previsti fil-Karta tad-Drittijiet Fundamentali tal-Unjoni Ewropea. Il-miżuri ta’ simplifikazzjoni u effiċjenza ma jindirizzawx direttament il-kwistjonijiet relatati mad-data personali jew mal-privatezza. Madankollu, il-bidliet fl-istandards ta’ divulgazzjoni u rapportar iridu jikkonformaw mal-liġijiet eżistenti dwar il-protezzjoni tad-data biex jiżguraw is-sigurtà u l-privatezza ta’ kwalunkwe data personali involuta fil-proċess tat-titolizzazzjoni.

Il-proposta għandha l-għan li tnaqqas il-kostijiet operazzjonali għoljin u tneħħi l-ostakli prudenzjali bla bżonn, filwaqt li tevita deterjorament bla bżonn tal-protezzjoni u tevita inċentivi għal teħid ta’ riskju eċċessiv. Għalhekk din tirrappreżenta bilanċ tal-ħtieġa għal stimolu ekonomiku maż-żamma ta’ standards robusti, u b’hekk timminimizza l-impatti negattivi fuq is-soċjetà. B’mod ġenerali, filwaqt li l-miżuri proposti jiffukaw l-aktar fuq ir-regolamentazzjoni finanzjarja, hemm benefiċċji indiretti potenzjali li jistgħu jinħolqu, li jħallu impatt fuq id-drittijiet soċjali, ambjentali u fundamentali b’modi li jipprovdu appoġġ u sostenibbli. L-iżgurar ta’ suq tat-titolizzazzjoni stabbli jikkontribwixxi indirettament għall-protezzjoni tad-drittijiet ekonomiċi fundamentali billi jippromwovi l-istabbiltà finanzjarja permezz tad-diversifikazzjoni tar-riskju.

4.IMPLIKAZZJONIJIET BAĠITARJI

5.ELEMENTI OĦRAJN

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

•Spjegazzjoni fid-dettall tad-dispożizzjonijiet speċifiċi tal-proposta

Interazzjoni u konsistenza bejn l-elementi tal-pakkett  

Din il-proposta għal Regolament tagħmel parti minn rieżami usa’ tat-titolizzazzjoni li jinkludi bidliet f’żewġ Regolamenti (minbarra r-Regolament dwar it-Titolizzazzjoni, is-CRR) u żewġ atti delegati (l-Att Delegat dwar l-LCR u l-Att Delegat dwar is-Solvenza II). Il-bidliet proposti għandhom jitqiesu bħala pakkett ta’ miżuri li jindirizza b’mod komprensiv il-kwistjonijiet tal-provvista u tad-domanda fis-suq tat-titolizzazzjoni.  

Il-proposta tiċċara li s-servizzjant huwa entità li timmaniġġja aggregazzjoni ta’ riċevibbli mixtrija jew l-iskoperturi ta’ kreditu sottostanti fuq bażi minn jum għal jum u taqa’ taħt il-kamp ta’ applikazzjoni tar-Regolament (UE) 2017/2402 (ir-“Regolament dwar it-Titolizzazzjoni”). L-emenda hija kjarifika u ma hijiex maħsuba biex twessa’ l-kamp ta’ applikazzjoni peress li servizzjant diġà huwa soġġett għar-Regolament.

Definizzjonijiet (l-Artikolu 2)

It-titolizzazzjonijiet pubbliċi u privati huma ddefiniti fl-Artikolu 2, il-punti (32) u (33). B’mod speċifiku, “titolizzazzjoni pubblika” hija stabbilita bħala tali jekk tissodisfa kwalunkwe kundizzjoni minn dawn li ġejjin:

(i) irid jitfassal prospett;

(ii) in-noti li jikkostitwixxu pożizzjonijiet ta’ titolizzazzjoni jiġu ammessi għan-negozjar f’ċentri tan-negozjar speċifiċi,;

(iii) it-titolizzazzjoni tiġi kummerċjalizzata b’mod ġenerali lill-investituri u t-termini speċifiċi ma jkunux negozjabbli bejn il-partijiet, jiġifieri t-tranżazzjonijiet jiġu offruti lill-investituri fuq bażi ta’ “dawn jew xejn”.

Titolizzazzjoni privata hija waħda li ma tissodisfa l-ebda wieħed mill-kriterji msemmija hawn fuq – ma jkollhiex prospett, ma tkunx ammessa għan-negozjar, u t-termini u l-kundizzjonijiet jiġu nnegozjati b’mod bilaterali bejn l-oriġinatur u grupp żgħir ta’ investituri. Il-kjarifika tad-definizzjoni ta’ titolizzazzjonijiet pubbliċi u privati hija partikolarment rilevanti għall-applikazzjoni tar-rekwiżiti ta’ trasparenza.

Diliġenza dovuta (l-Artikolu 5)

Sabiex jiġi ffaċilitat investiment aktar sempliċi u aktar simplifikat fit-titolizzazzjonijiet tal-Unjoni, isiru xi emendi tal-Artikolu 5 tar-Regolament (UE) 2017/2402. Ir-rekwiżiti ta’ verifika (l-Artikolu 5(1) u l-Artikolu 5(3), il-punt (c)) jitneħħew għall-investituri kull meta l-parti fuq in-naħa tal-bejgħ responsabbli għall-konformità mad-dispożizzjonijiet rilevanti fuq in-naħa tal-bejgħ tkun stabbilita u taħt superviżjoni fl-Unjoni. Barra minn hekk, il-valutazzjoni tar-riskju fl-Artikolu 5(3), il-punt (a) u 5(3), il-punt (b) tar-Regolament (UE) 2017/2402 issir aktar ibbażata fuq il-prinċipji billi titneħħa l-lista dettaljata tal-karatteristiċi strutturali li l-investituri jeħtieġ li jivverifikaw u billi jiġi ċċarat fi premessa li l-valutazzjoni tad-diliġenza dovuta għandha tkun proporzjonata mar-riskju tat-titolizzazzjoni. Il-proċeduri bil-miktub taħt l-Artikolu 5(4) tar-Regolament (UE) 2017/2402 isiru wkoll aktar ibbażati fuq il-prinċipji billi titneħħa l-lista dettaljata ta’ informazzjoni fl-Artikolu 5(4), it-tieni subparagrafu, il-punt (a) tar-Regolament (UE) 2017/2402. It-tranżazzjonijiet tas-suq sekondarju jingħataw 15-il jum addizzjonali biex jiddokumentaw id-diliġenza dovuta tagħhom. Fl-aħħar nett, id-delega tad-diliġenza dovuta taħt l-Artikolu 5(5) tar-Regolament (UE) 2017/2402 hija allinjata ma’ leġiżlazzjonijiet settorjali oħra meta d-delega tal-kompiti ma tittrasferixxix ir-responsabbiltà legali.

Tingħata eżenzjoni mir-rekwiżiti ta’ diliġenza dovuta meta l-banek multilaterali tal-iżvilupp jiggarantixxu bis-sħiħ il-pożizzjoni ta’ titolizzazzjoni, u b’hekk dan isir riskju baxx ħafna. Dan ifisser li l-investituri jistgħu jinvestu f’pożizzjonijiet bħal dawn mingħajr ma jagħmlu kontrolli estensivi.

Id-diliġenza dovuta aktar ħafifa, speċifikament permezz tal-eżenzjoni mir-rekwiżiti ta’ verifika u d-dokumentazzjoni, hija pprovduta f’każ li t-titolizzazzjoni tinkludi segment tal-ewwel telf li jkun iggarantit jew miżmum minn lista ddefinita b’mod ristrett ta’ entitajiet pubbliċi u meta l-ewwel segment ikun jirrappreżenta mill-inqas 15 % tal-valur nominali tal-iskoperturi titolizzati.

Għall-investimenti f’pożizzjonijiet maħruġa minn emittenti mhux tal-UE, l-investituri jkomplu jkunu meħtieġa jivverifikaw li tranżazzjoni partikolari tikkonforma mar-regoli tal-UE.

Żamma tar-riskju (l-Artikolu 6)

Tingħata eżenzjoni miż-żamma tar-riskju f’każ li t-titolizzazzjoni tkun tinkludi segment tal-ewwel telf li jkun iggarantit jew miżmum minn lista ddefinita b’mod ristrett ta’ entitajiet pubbliċi u meta dak is-segment ikun jirrappreżenta mill-inqas 15 % tal-valur nominali tal-iskoperturi titolizzati.

Trasparenza (l-Artikolu 7)

Sabiex jitnaqqas il-piż tar-rapportar fuq l-emittenti, għandhom jiġu riveduti l-mudelli tar-rapportar fir-Regolament Delegat tal-Kummissjoni (UE) 2020/1224 u fir-Regolament ta’ Implimentazzjoni tal-Kummissjoni (UE) 2020/1225. B’mod partikolari, l-għadd ta’ oqsma meħtieġa għandu jitnaqqas b’mod sinifikanti – b’mill-inqas 35 %, jew aktar fejn ikun fattibbli. Sabiex ikompli jitnaqqas il-piż tal-konformità fuq l-entitajiet relaturi, ir-rieżami għandu jikkunsidra d-distinzjoni bejn l-oqsma obbligatorji u volontarji. Barra minn hekk, il-formoli ta’ rapportar ma għandhomx jeħtieġu informazzjoni fil-livell ta’ self meta l-iskoperturi sottostanti jkunu granulari ħafna u fuq terminu qasir (bħal skoperturi ta’ karti tal-kreditu jew ċertu self lill-konsumatur). Ir-rieżami tal-mudelli ta’ rapportar, filwaqt li jitqiesu l-prinċipji msemmija hawn fuq stabbiliti f’din il-proposta, għandu jitwettaq mis-sottokumitat tat-titolizzazzjoni tal-Kumitat Konġunt tal-ASE, taħt it-tmexxija tal-EBA, f’kooperazzjoni mal-ASE l-oħra.

Il-mudell ta’ rapportar għat-titolizzazzjonijiet privati għandu jkun ħafna eħfef minn dak għat-titolizzazzjonijiet pubbliċi u jkun iffukat biss fuq il-ħtiġijiet tas-superviżuri. Sabiex jiġu mminimizzati l-kostijiet ta’ implimentazzjoni għall-industrija, dan il-mudell għandu jsegwi mill-qrib mudelli ta’ notifika eżistenti, b’mod partikolari l-gwida dwar in-notifika ta’ tranżazzjonijiet tat-titolizzazzjoni mill-Mekkaniżmu Superviżorju Uniku. Sabiex tiġi żgurata trasparenza akbar tas-suq u jiġu ffaċilitati s-superviżjoni u l-monitoraġġ tas-suq privat, dan il-mudell iddedikat għat-titolizzazzjonijiet privati għandu jiġi rrapportat lir-repożitorji tat-titolizzazzjoni.

Repożitorju tat-Titolizzazzjoni (l-Artikoli 10 u 17)

L-emendi tal-Artikolu 10 tar-Regolament (UE) 2017/2402 jikkoreġu referenza ħażina għall-Artikolu 5 ta’ dak ir-Regolament, li għandha tiġi sostitwita b’referenza għall-Artikolu 7. L-emendi proposti tal-Artikolu 17 tar-Regolament (UE) 2017/2402 huma introdotti fid-dawl tal-emendi tal-Artikolu 7 li se jestendu r-rapport għar-repożitorju wkoll għat-titolizzazzjoni privata. Fid-dawl ta’ dawk il-bidliet, ġiet proposta differenzjazzjoni fl-aċċess immedjat u mingħajr ħlas għar-repożitorju. Tali aċċess għandu jingħata lill-ASE, lill-Bord Ewropew dwar ir-Riskju Sistemiku, lill-awtoritajiet kompetenti u ta’ riżoluzzjoni u, fuq talba, lill-Kummissjoni Ewropea. Fid-dawl tan-natura differenti tat-titolizzazzjoni pubblika, l-aċċess jingħata wkoll lill-investituri u lill-investituri potenzjali f’titolizzazzjonijiet bħal dawn. Ir-restrizzjoni tal-aċċess tal-investituri u tal-investituri potenzjali għal titolizzazzjonijiet privati hija maħsuba biex tipproteġi l-kunfidenzjalità tal-informazzjoni f’dawk it-titolizzazzjonijiet.

Rekwiżiti STS (l-Artikoli 20, 26b, 26c, 26e)

Sabiex tiġi ffaċilitata t-titolizzazzjoni tas-self lill-SMEs fit-titolizzazzjoni STS, ir-rekwiżit ta’ omoġeneità fl-Artikoli 20(8), (15) u fl-Artikolu 26b(8) tar-Regolament (UE) 2017/2402, għandu jiġi emendat biex jiġi stipulat li titolizzazzjoni fejn mill-inqas 70 % tal-aggregazzjoni sottostanti ta’ skoperturi tikkonsisti f’self lill-SMEs titqies li tikkonforma ma’ dak ir-rekwiżit. Il-limitu ta’ 70 % huwa inqas mir-rekwiżit attwali ta’ 100 %.

Sabiex l-impriżi tal-assigurazzjoni u tar-riassigurazzjoni jkunu jistgħu jipparteċipaw b’mod sinifikanti fis-suq fil-karta bilanċjali tal-STS, il-kriterji ta’ eliġibbiltà għall-protezzjonijiet tal-kreditu fl-Artikolu 26e(8) tar-Regolament (UE) 2017/2402 huma emendati biex jinkludu wkoll garanzija mhux iffinanzjata minn impriża tal-assigurazzjoni jew tar-riassigurazzjoni li tissodisfa ċerti kriterji ta’ robustezza, solvenza u diversifikazzjoni.

Għadd ta’ emendi tekniċi oħra, iżda mhux sostantivi, jiffaċilitaw l-implimentazzjoni tal-kriterji STS.

Verifikaturi ta’ Partijiet terzi (l-Artikolu 28)

Il-proposta tistipula li l-Verifikaturi ta’ Partijiet Terzi tal-konformità mal-STS jeħtieġ li jkunu taħt superviżjoni flimkien ma’ dawk awtorizzati mill-awtorità nazzjonali kompetenti rispettiva tagħhom.

Superviżjoni (l-Artikoli 29, 30, 32 u 36)

Biex tippromwovi l-konverġenza superviżorja u tipprevjeni l-frammentazzjoni u l-interpretazzjonijiet regolatorji differenzjali, il-proposta ssaħħaħ ir-rwol tas-sottokumitat tat-titolizzazzjoni tal-Kumitat Konġunt tal-ASE. B’mod partikolari, is-sottokumitat tat-titolizzazzjoni jingħata l-mandat li jadotta linji gwida biex jistabbilixxi proċeduri superviżorji komuni u jiżviluppa l-mudelli ta’ rapportar imsemmija fl-Artikolu 7. Sabiex jiġu żgurati aktar responsabbiltà u kontinwità, l-EBA titqiegħed f’pożizzjoni ta’ tmexxija fil-ħidma tas-sottokumitat tat-titolizzazzjoni tal-Kumitat Konġunt tal-ASE, se tipprovdi s-segretarjat u l-viċi president tiegħu, filwaqt li tappoġġa lill-President fl-eżerċizzju tal-kompiti tiegħu u fit-twettiq tal-kompiti tal-president fin-nuqqas ta’ dan tal-aħħar, fuq bażi permanenti.

Sabiex tiġi żgurata superviżjoni effiċjenti u konsistenti tal-kriterji STS, l-Artikolu 29 tar-Regolament (UE) 2017/2402 għandu jagħti lill-awtoritajiet kompetenti nazzjonali bankarji r-responsabbiltà li jwettqu s-superviżjoni tal-applikazzjoni tal-kriterji STS minn titolizzazzjonijiet li joriġinaw mill-banek. Għall-istituzzjonijiet ta’ kreditu fl-Unjoni Bankarja, dik is-superviżjoni titwettaq mill-Mekkaniżmu Superviżorju Uniku.

Sabiex is-superviżuri jkunu jistgħu jinfurzaw ir-rekwiżiti ta’ diliġenza dovuta, l-Artikolu 32 tar-Regolament (UE) 2017/2402 huwa emendat biex jinkludi b’mod espliċitu fil-lista ta’ sitwazzjonijiet fejn l-Awtoritajiet Nazzjonali Kompetenti (NCAs) jistgħu japplikaw sanzjonijiet amministrattivi meta l-investituri istituzzjonali jonqsu milli jissodisfaw ir-rekwiżiti ta’ diliġenza dovuta fl-Artikolu 5 tar-Regolament (UE) 2017/2402.

Rapporti u Rieżami (l-Artikoli 44 u 46)

Il-mandat kontinwu fl-Artikolu 44 tar-Regolament (UE) 2017/2402 għall-ASE biex jirrapportaw dwar l-implimentazzjoni ta’ dan ir-Regolament huwa aġġornat biex jeħtieġ ukoll valutazzjoni tal-kontribut tat-titolizzazzjoni għall-finanzjament tal-kumpaniji u tal-ekonomija tal-UE.

Il-Kummissjoni għandha l-mandat li tirrevedi l-funzjonament ta’ dan ir-Regolament emendatorju sa 5 snin wara d-data tal-applikazzjoni tiegħu. Fejn xieraq, ir-rapport jiġi akkumpanjat minn proposta leġislattiva.

2025/0826 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2017/2402 tal-Parlament Ewropew u tal-Kunsill tat-12 ta’ Diċembru 2017 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea u, b’mod partikolari, l-Artikolu 114 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Bank Ċentrali Ewropew,

Wara li kkunsidraw l-opinjoni tal-Kumitat Ekonomiku u Soċjali Ewropew,

Filwaqt li jaġixxu skont il-proċedura leġiżlattiva ordinarja,

Billi:

(1)It-titolizzazzjoni tista’ tagħti spinta lill-investiment billi tippermetti lill-banek jittrasferixxu r-riskji lil dawk li jistgħu jġarrbuhom u b’hekk jilliberaw il-kapital tagħhom, li jistgħu jużaw għal self addizzjonali lil unitajiet domestiċi u negozji, inklużi intrapriżi żgħar u ta’ daqs medju (SMEs). Ir-Regolament (UE) 2017/2402 tal-Parlament Ewropew u tal-Kunsill 19 , li jkopri kemm it-titolizzazzjonijiet sempliċi, trasparenti u standardizzati (STS) kif ukoll titolizzazzjonijiet mhux STS, saħħaħ it-trasparenza, is-sikurezza u l-istandardizzazzjoni tas-suq. Fl-istess ħin, dak ir-Regolament jenħtieġ li jiġi ssimplifikat aktar biex jiġu sfruttati aktar bis-sħiħ il-benefiċċji li jistgħu joffru t-titolizzazzjonijiet.

(2)Huwa importanti li l-istituzzjonijiet finanzjarji jużaw il-kapital tagħhom fejn huwa l-aktar meħtieġ biex jintlaħqu l-għanijiet ekonomiċi tal-Unjoni u biex tiġi ffinanzjata l-ekonomija reali. Minbarra l-flessibbiltà prevista mir-regoli eżistenti, il-bidliet immirati fir-Regolament (UE) 2017/2402 jiżguraw li l-qafas tat-titolizzazzjoni tal-Unjoni jappoġġa aħjar l-investimenti fl-ekonomija u jiffaċilita s-self lin-negozji.

(3)Sabiex tissaħħaħ it-trasparenza u jiġi żgurat trattament regolatorju konsistenti li għandu l-għan li jnaqqas il-kostijiet għall-emittenti, jenħtieġ li tiġi introdotta definizzjoni ta’ titolizzazzjoni pubblika u privata. L-ambitu tat-titolizzazzjonijiet pubbliċi jenħtieġ li jkopri tranżazzjonijiet fejn in-noti sottostanti jiġu ammessi għan-negozjar fi swieq regolati, f’Faċilitajiet Multilaterali tan-Negozjar (MTFs), f’Faċilitajiet Organizzati tan-Negozjar (OTFs), jew fi kwalunkwe ċentru tan-negozjar ieħor fl-Unjoni, u tranżazzjonijiet ikkummerċjalizzati lill-investituri taħt termini u kundizzjonijiet li ma jistgħux jinbidlu meta l-pakkett jiġi offrut fuq bażi ta’ “dan jew xejn” u l-investituri ma jkollhom l-ebda kuntatt dirett mal-oriġinatur jew l-isponsor u għalhekk ma jkunux jistgħu jirċievu l-informazzjoni meħtieġa biex iwettqu d-diliġenza dovuta mingħajr ma l-oriġinatur jew l-isponsor jiddivulgaw informazzjoni kummerċjalment sensittiva lis-suq. Id-definizzjoni ta’ dawk it-tipi ta’ tranżazzjonijiet bħala pubbliċi, bis-saħħa tal-aċċessibbiltà tagħhom għal firxa wiesgħa ta’ investituri, jenħtieġ li tiżgura li tali tranżazzjonijiet ikunu soġġetti għar-rekwiżiti ta’ trasparenza u għall-iskrutinju regolatorju xierqa u jikkontribwixxu għal sorveljanza u funzjonament aħjar tas-suq.

(4)Ir-rekwiżiti ta’ diliġenza dovuta jenħtieġ li jkunu proporzjonati għall-profil tar-riskju tal-pożizzjonijiet ta’ titolizzazzjoni. Għalhekk, id-diliġenza dovuta tal-investituri jenħtieġ li tkun iffukata fuq il-karatteristiċi tar-riskji u l-karatteristiċi strutturali li jistgħu jaffettwaw materjalment il-prestazzjoni tat-titolizzazzjoni, filwaqt li jiġu evitati obbligi duplikati, ta’ piż żejjed jew ġeneriċi li jistgħu ma jkunux sinifikanti bejn it-tipi differenti ta’ titolizzazzjoni. Għall-istess raġuni, l-obbligi ta’ diliġenza dovuta jenħtieġ li jiġu ssimplifikati, u b’hekk jitnaqqsu l-kostijiet mhux meħtieġa għall-investituri—b’mod partikolari f’titolizzazzjonijiet b’riskju aktar baxx—u titrawwem imġiba tal-investituri aktar proporzjonata u sensittiva għar-riskju fis-suq tat-titolizzazzjoni.

(5)L-oriġinaturi, il-mutwanti oriġinali, l-isponsors jew l-entitajiet bi skop speċjali tat-titolizzazzjoni (SSPEs,) (l-“entitajiet fuq in-naħa tal-bejgħ”) li huma stabbiliti fl-Unjoni diġà huma soġġetti għal superviżjoni fl-Unjoni u jistgħu jiġu ssanzjonati f’każ li jiksru l-obbligi tagħhom skont ir-Regolament (UE) 2017/2402. Għalhekk huwa xieraq li l-investituri ma jibqgħux meħtieġa jivverifikaw jekk l-entitajiet fuq in-naħa tal-bejgħ tal-Unjoni jikkonformawx mar-rekwiżiti ta’ diliġenza dovuta stabbiliti fir-Regolament (UE) 2017/2402, meta dawk l-entitajiet ikunu responsabbli f’isem il-partijiet fuq in-naħa tal-bejgħ fit-tranżazzjoni. Madankollu, jenħtieġ li l-investituri xorta waħda jivverifikaw jekk ikkonformawx mal-obbligi tagħhom li għalihom huma responsabbli l-entitajiet fuq in-naħa tal-bejgħ ta’ pajjiżi terzi skont ir-Regolament (UE) 2017/2402.

(6)Jenħtieġ li s-segmenti superjuri, li tipikament jibbenefikaw minn titjib sostanzjali tal-kreditu u li joħolqu riskju aktar baxx, ikunu jeħtieġu rieżami inqas estensiv tad-diliġenza dovuta mis-segmenti subordinati jew intermedji, li jassumu riskju ogħla u skopertura akbar għat-telf. Dak l-approċċ proporzjonali jappoġġa allokazzjoni aktar effiċjenti tar-riżorsi mill-investituri u jevita piżijiet eċċessivi għal investimenti b’riskju baxx.

(7)Peress li l-konformità mar-rekwiżiti STS diġà hija soġġetta għal sorveljanza u notifika regolatorji separati, l-obbligu għall-investituri li jivverifikaw il-konformità ma’ dawk ir-rekwiżiti huwa żejjed. Barra minn hekk, il-verifika tal-konformità mal-kriterji STS ma hijiex rilevanti għat-tipi kollha ta’ investituri. Għalhekk, ir-rekwiżit korrispondenti jenħtieġ li jitħassar.

(8)L-investituri jenħtieġ li jitħallew iwettqu diliġenza dovuta simplifikata għal investimenti fi tranżazzjonijiet ripetuti fejn il-karatteristiċi tar-riskju ewlenin diġà huma mifhuma sew. Għal dawk il-finijiet, l-investiment fi tranżazzjonijiet ripetuti jenħtieġ li jitqies bħala investiment f’pożizzjonijiet ta’ titolizzazzjoni maħruġa mill-istess oriġinatur, iggarantiti mill-istess tip ta’ assi sottostanti, li juri l-istess karatteristiċi strutturali, u li joffri l-istess livell jew livell aktar baxx ta’ riskju ta’ kreditu meta mqabbel ma’ investimenti preċedenti. Dik il-bidla jenħtieġ li tiżgura l-konsistenza fil-prattiki ta’ diliġenza dovuta filwaqt li tiffaċilita l-parteċipazzjoni tal-investituri fi strutturi magħrufa sew u trasparenti.

(9)Il-banek multilaterali tal-iżvilupp jista’ jkollhom rwol sinifikanti fl-iffaċilitar tal-aċċess tal-investituri għas-swieq tat-titolizzazzjoni, fit-titjib tal-likwidità, u fl-appoġġ tal-objettivi tal-Unjoni tat-Tfaddil u l-Investimenti. Meta pożizzjoni ta’ titolizzazzjoni tkun garantita b’mod sħiħ, mingħajr kundizzjoni u b’mod irrevokabbli minn bank multilaterali tal-iżvilupp elenkat fl-Artikolu 117(2) tar-Regolament (UE) 575/2013 tal-Parlament Ewropew u tal-Kunsill 20 , ir-riskju ta’ kreditu li jirriżulta mill-pożizzjoni ta’ titolizzazzjoni jiġi ttrasferit b’mod effettiv mill-grupp ta’ assi sottostanti lill-garanti, li jirriżulta f’piż tar-riskju ta’ 0 % ta’ tali skopertura. Barra minn hekk, tali pożizzjoni ta’ titolizzazzjoni hija kkategorizzata bħala assi tal-Livell 1 taħt l-Artikolu 10(1), il-punt (g), tar-Regolament Delegat tal-Kummissjoni (UE) 2015/61 21 . F’każijiet bħal dawn, huwa xieraq li l-investituri istituzzjonali, ħlief l-entità li tipprovdi l-garanzija, jiġu eżentati mir-rekwiżiti ta’ diliġenza dovuta tagħhom bis-sħiħ skont ir-Regolament (UE) 2017/2402.

(10)It-tranżazzjonijiet fejn is-segment tal-ewwel telf ikun jew miżmum jew inkella ggarantit mill-Unjoni, mill-banek jew l-istituzzjonijiet promozzjonali nazzjonali skont it-tifsira tal-Artikolu 2, il-punt (3) tar-Regolament (UE) 2015/1017 tal-Parlament Ewropew u tal-Kunsill 22 b’mod inerenti għandhom karatteristiċi li jimmitigaw il-ħtieġa li ssir id-diliġenza dovuta sħiħa u li jitwettaq ir-rekwiżit taż-żamma tar-riskju. Dawn it-tranżazzjonijiet huma soġġetti għal assigurazzjoni mill-garanti, li jwettaq il-proċessi tad-diliġenza dovuta qabel ma jagħti dik il-garanzija. Din il-valutazjzoni tneħħi l-ħtieġa li l-investituri istituzzjonali jwettqu valutazzjoni sħiħa tad-diliġenza dovuta skont ir-Regolament (UE) 2017/2402. Barra minn hekk, l-essenza ta’ garanzija hija li l-garanti jassumi r-riskju. Għalhekk, huwa xieraq li jitneħħa r-rekwiżit taż-żamma tar-riskju. Dawn il-bidliet huma mistennija jinkludu l-investiment privat fi strutturi bi tnaqqis tar-riskji b’garanzija pubblika.

(11)Investitur istituzzjonali li jiddelega l-awtorità biex jieħu deċiżjonijiet dwar il-ġestjoni tal-investiment lil investitur istituzzjonali ieħor jenħtieġ li jkun jista’ jagħti struzzjonijiet lid-delegat biex iwettaq l-obbligi tad-diliġenza dovuta stabbiliti fir-Regolament (UE) 2017/2402. Madankollu, jenħtieġ li tali delega ma tittrasferixxix ir-responsabbiltà legali. L-investitur istituzzjonali li jiddelega jenħtieġ li jibqa’ fl-aħħar mill-aħħar responsabbli biex jiżgura l-konformità mar-rekwiżiti tad-diliġenza dovuta. Dik l-ispeċifikazzjoni hija maħsuba biex tirrifletti l-prattika regolatorja stabbilita u biex tiżgura li l-obbligi jiġu ssodisfati b’mod effettiv filwaqt li jinżammu linji ċari ta’ akkontabilità.

(12)Ir-rekwiżiti tad-divulgazzjoni jenħtieġ li jikkunsidraw il-granularità tal-aggregazzjoni sottostanti tal-iskoperturi, jiġifieri kemm ikun hemm self fl-aggregazzjoni sottostanti. Barra minn hekk, huwa importanti li titqies il-maturità medja tal-iskoperturi sottostanti. Id-divulgazzjoni fil-livell ta’ self għal aggregazzjonijiet granulari ħafna ta’ skoperturi fuq terminu qasir ħafna tista’ tkun partikolarment għalja u tinvolvi piż konsiderevoli għall-emittenti, spiss mingħajr ma toffri benefiċċji sinifikanti f’termini ta’ informazzjoni addizzjonali lill-investituri. Għalhekk, ir-rekwiżiti ta’ divulgazzjoni għat-titolizzazzjonijiet ta’ skoperturi tal-karti tal-kreditu u ċerti tipi ta’ self lill-konsumatur ma għandhomx ikunu meħtieġa jinkludu r-rapportar fil-livell ta’ kull skopertura sottostanti individwali. Madankollu, l-awtoritajiet kompetenti xorta jenħtieġ li jkollhom il-possibbiltà li jitolbu informazzjoni addizzjonali biex jiżguraw li jkollhom għarfien ġenerali tas-suq, inkluż dwar l-iskoperturi li jikkostitwixxu l-aggregazzjoni sottostanti, fit-twettiq ta’ dmirijiethom skont ir-Regolament (UE) 2017/2402.

(13)Il-mudelli tar-rapportar attwali 23 kemm għat-titolizzazzjonijiet pubbliċi kif ukoll għal dawk privati huma għaljin wisq u ta’ piż żejjed. Għalhekk jenħtieġ li l-piż fuq l-entitajiet meta jikkonformaw mal-obbligi ta’ rapportar tagħhom jitnaqqas, mingħajr ma jiġi mminat l-għan li tiġi pprovduta trasparenza lis-suq. Il-mudelli ta’ rapportar jenħtieġ li jiġu ssimplifikati biex jitnaqqas l-għadd ta’ oqsma obbligatorji tad-data. Jenħtieġ li r-reviżjoni tal-mudell ikollha l-għan li twassal għal tnaqqis ta’ mill-inqas 35 % tal-oqsma obbligatorji tad-data. Il-konverżjoni ta’ ċerti oqsma obbligatorji f’oqsma volontarji tista’ żżid aktar flessibbiltà, iżda jenħtieġ li tingħata attenzjoni xierqa biex jiġi żgurat li dan ma jikkompromettix il-kwalità jew il-faċilità ta’ użu tad-data.

(14)Il-qafas ta’ rapportar jenħtieġ li jqis il-karatteristiċi speċifiċi tat-titolizzazzjonijiet privati. Jenħtieġ li jiġi żviluppat mudell ta’ rapportar dedikat u simplifikat għat-titolizzazzjonijiet privati. Meta jiġu speċifikati d-dettalji tar-rekwiżiti ta’ rapportar, jenħtieġ li l-informazzjoni li hija meħtieġa li tiġi rrapportata tkun allinjata kemm jista’ jkun mill-qrib ma’ mudelli oħrajn li jkunu stabbiliti sew, b’mod partikolari mal-gwida dwar in-notifika ta’ tranżazzjonijiet ta’ titolizzazzjoni żviluppata mill-Bank Ċentrali Ewropew skont l-Artikolu 6(5), il-punt (a), tar-Regolament tal-Kunsill (UE) Nru 1024/2013 24 . Kwalunkwe bidla futura fil-gwida tal-Bank Ċentrali Ewropew jenħtieġ li tiġi vvalutata u jista’ jkun meħtieġ li l-mudelli ta’ rapportar jiġu riveduti, fejn xieraq. Sabiex is-superviżuri jkollhom viżibbiltà bażika tas-suq privat, jenħtieġ li t-titolizzazzjonijiet privati jirrapportaw lir-repożitorji. Jenħtieġ li t-titolizzazzjonijiet privati ma jkunux meħtieġa jirrapportaw l-istess ammont ta’ informazzjoni bħat-titolizzazzjonijiet pubbliċi. Il-ħtieġa li t-tranżazzjonijiet privati jirrapportaw lir-repożitorji tat-titolizzazzjoni, bl-użu ta’ mudell simplifikat, għandha ttejjeb is-sorveljanza superviżorja u l-monitoraġġ tas-suq. Madankollu, sabiex tinżamm il-kunfidenzjalità tat-tranżazzjonijiet privati, jenħtieġ li d-data minn dawk it-tranżazzjonijiet ma tiġix divulgata pubblikament.

(15)Is-sottokumitat tat-titolizzazzjoni tal-Kumitat Konġunt tal-Awtoritajiet Superviżorji Ewropej (il-“Kumitat tat-Titolizzazzjoni tal-Kumitat Konġunt - JCSC”), imsemmi fl-Artikolu 36(3) tar-Regolament (UE) 2017/2402, taħt it-tmexxija tal-Awtorità Bankarja Ewropea (EBA), jenħtieġ li jiżviluppa abbozzi ta’ standards tekniċi regolatorji biex tiġi speċifikata aktar l-informazzjoni li l-oriġinatur, l-isponsor u l-SSPE għandhom jipprovdu biex jikkonformaw mal-obbligu ta’ rapportar. Dawk l-abbozzi ta’ standards tekniċi regolatorji jenħtieġ jqisu l-utilità tal-informazzjoni għad-detentur tal-pożizzjoni ta’ titolizzazzjoni, jekk it-titolizzazzjoni hijiex pubblika jew privata, jekk il-pożizzjoni ta’ titolizzazzjoni hijiex ta’ natura b’terminu qasir u, fil-każ ta’ tranżazzjoni ta’ programm ta’ karta kummerċjali iggarantita permezz ta’ assi (ABCP), jekk hijiex kompletament appoġġata minn sponsor. Jenħtieġ li l-Kummissjoni tingħata s-setgħa li tissupplimenta r-Regolament (UE) 2017/2402 billi tadotta dawk l-istandards tekniċi regolatorji permezz ta’ atti delegati skont l-Artikolu 290 tat-Trattat dwar il-Funzjonament tal-Unjoni Ewropea (TFUE) u f’konformità mar-Regolament (UE) Nru 1093/2010 tal-Parlament Ewropew u tal-Kunsill 25 , ir-Regolament (UE) Nru 1094/2010 tal-Parlament Ewropew u tal-Kunsill 26 u r-Regolament (UE) Nru 1093/2010 tal-Parlament Ewropew u tal-Kunsill 27 . Barra minn hekk, jenħtieġ li l-JCSC, taħt it-tmexxija tal-EBA, jiżviluppa abbozzi ta’ standards tekniċi ta’ implimentazzjoni biex jispeċifika l-format għall-għoti tal-informazzjoni lir-repożitorji. Il-Kummissjoni jenħtieġ li tingħata s-setgħa li tadotta dawk l-istandards tekniċi ta’ implimentazzjoni permezz ta’ att ta’ implimentazzjoni skont l-Artikolu 291 tat-TFUE u f’konformità mar-Regolamenti (UE) Nru 1093/2010, (UE) Nru 1094/2010 u (UE) Nru 1095/2010.

(16)Sabiex jiġi appoġġat l-aċċess għall-finanzjament ibbażat fuq is-suq għall-SMEs, u biex jiġi ffaċilitat l-iżvilupp ta’ titolizzazzjonijiet transfruntieri li jinvolvu skoperturi minn diversi Stati Membri, jenħtieġ li jiġu riveduti l-kriterji għall-omoġeneità tal-gruppi ta’ assi. Filwaqt li huwa possibbli li jkun hemm titolizzazzjonijiet li jinvolvu skoperturi minn diversi Stati Membri, ir-rekwiżit ta’ omoġeneità, kif definit fil-preżent, jitqies bħala ostaklu għat-titolizzazzjonijiet tal-SMEs. Sabiex jingħeleb dak l-ostaklu, aggregazzjoni ta’ skoperturi sottostanti jenħtieġ li titqies omoġenja meta mill-inqas 70 % tal-iskoperturi fl-oriġinazzjoni jkunu jikkonsistu minn skoperturi għall-SMEs. Dak il-limitu aktar baxx jirrikonoxxi l-ħtiġijiet u l-karatteristiċi speċifiċi tal-finanzjament tal-SMEs u jiżgura li l-aggregazzjonijiet imħallta ma’ komponent predominanti tal-SMEs ikunu jistgħu jibbenefikaw miċ-ċertezza legali u mill-effiċjenzi operazzjonali assoċjati ma’ aggregazzjonijiet omoġeni. Il-porzjon li jifdal tal-aggregazzjoni jenħtieġ li jitħalla jinkludi tipi oħra ta’ skoperturi, anke minn Stati Membri differenti, mingħajr ma jiġi affettwat l-istatus tat-titolizzazzjoni bħala STS.

(17)Fl-2021, ir-Regolament (UE) 2017/2402 ġie emendat bir-Regolament (UE) 2021/557 tal-Parlament Ewropew u tal-Kunsill 28 biex jestendi l-qafas STS għal titolizzazzjonijiet sintetiċi. Kif indikat fir-rapport tal-Kumitat Konġunt tal-Awtoritajiet Superviżorji Ewropej, dik l-estensjoni tat-tikketta STS wasslet għal riżultati sodisfaċenti f’termini tal-ftuħ tat-triq għal ħruġ ġdid u t-tħeġġiġ ta’ aktar attività f’dan is-segment tas-suq. Madankollu, l-implimentazzjoni prattika tar-rekwiżiti STS żvelat il-ħtieġa li jittejbu aktar iċ-ċarezza u l-konsistenza f’rekwiżiti speċifiċi b’xi aġġustamenti tekniċi.

(18)Sabiex jiġi żgurat li l-għażla konsistenti tal-iskoperturi sottostanti f’titolizzazzjoni u sabiex l-investituri jkunu jistgħu jivvalutaw ir-riskju ta’ kreditu tal-grupp ta’ assi qabel l-investiment, il-ġestjoni attiva tal-portafoll fuq bażi diskrezzjonali ta’ skopertura ta’ titolizzazzjoni hija pprojbita. L-Artikolu 26b tar-Regolament (UE) 2017/2402 fih lista eżawrjenti ta’ attivitajiet ta’ ġestjoni permessi u jistipula li ċerti attivitajiet jenħtieġ li ma jitqisux bħala ġestjoni attiva tal-portafoll fuq bażi diskrezzjonali u għalhekk jenħtieġ li ma jiġux ipprojbiti. Huwa meħtieġ li dik il-lista tiġi aġġornata biex tinkludi assorbimenti minħabba sanzjonijiet imposti fuq entità matul il-ħajja tat-tranżazzjoni jew prattiki frawdolenti, jew emendi tas-self minħabba bidla fil-liġi li taffettwa l-infurzabbiltà, li huma barra mill-kontroll tal-oriġinatur. Iż-żewġ ċirkostanzi jkollhom impatt fuq l-infurzabbiltà tal-iskoperturi sottostanti (lil hinn mill-kontroll tal-oriġinatur) u t-tneħħija ta’ dawk l-iskoperturi sottostanti jenħtieġ li ma titqiesx bħala ġestjoni attiva tal-portafoll fuq bażi diskrezzjonali.

(19)Il-kriterji relatati mal-istandardizzazzjoni stabbiliti fl-Artikolu 26c tar-Regolament (UE) 2017/2402 jiddeskrivu l-mekkaniżmi għall-allokazzjoni tat-telf għad-detenturi tal-pożizzjoni ta’ titolizzazzjoni u jiddeterminaw l-applikazzjoni ta’ diversi metodi ta’ amortizzament għas-segmenti. L-għan ċentrali ta’ dawk il-kriterji huwa li jiżguraw li l-amortizzament mhux sekwenzjali jintuża biss meta jkun akkumpanjat minn skattaturi kuntrattwali speċifikati b’mod distint. Dawk l-iskattaturi huma maħsuba biex iwasslu għal bidla lejn pagamenti sekwenzjali bbażati fuq il-ġerarkija tal-anzjanità, u b’hekk jipproteġu t-tranżazzjoni mill-amortizzament prematura tat-titjib tal-kreditu fil-każ ta’ tnaqqis fil-kwalità tal-kreditu. Tali amortizzament qabel iż-żmien jista’ jesponi lill-oriġinaturi li jkollhom dawk is-segmenti għal riskji assoċjati ma’ riżerva ta’ titjib tal-kreditu li tonqos. Madankollu, dawk il-kriterji jonqsu milli jikkunsidraw b’mod adegwat il-kapaċità ta’ telf ta’ segmenti subordinati għas-segmenti protetti f’titolizzazzjoni, li twassal għal applikazzjoni ħażina meta jiġu interpretati litteralment fil-kuntest ta’ titolizzazzjonijiet sintetiċi li jinkludu segmenti intermedji. Dawk il-kriterji jassumu b’mod mhux intenzjonat li t-telf assoċjat kollu jaqa’ biss fuq is-segment protett, u b’hekk jinjoraw l-assenjazzjoni għal segmenti aktar subordinati. Għalhekk jenħtieġ li jiġi speċifikat li, f’każijiet fejn is-segmenti subordinati jassorbu porzjonijiet tat-telf tal-iskopertura sottostanti, il-kapaċitajiet tagħhom li jġarrbu t-telf jenħtieġ li jitqiesu għall-applikazzjoni tal-kriterji.

(20)L-Artikolu 26e(3) tar-Regolament (UE) 2017/2402 bħalissa jispeċifika li l-primjums tal-protezzjoni tal-kreditu li għandhom jitħallsu taħt il-ftehim ta’ protezzjoni tal-kreditu għandhom jiġu strutturati bħala kontinġenti fuq l-ammont nominali pendenti tal-iskoperturi titolizzati produttivi fil-mument tal-pagament u jirriflettu r-riskju tas-segment protett. Sabiex tiġi żgurata l-effettività tal-ftehim dwar il-protezzjoni tal-kreditu mill-perspettiva tal-oriġinaturi u fl-istess ħin tiġi pprovduta ċertezza legali għall-investituri fid-data tat-terminazzjoni biex jagħmlu pagamenti billi jiġi speċifikat il-perjodu massimu ta’ estensjoni għar-ristrutturar tad-dejn, jenħtieġ li jiġi speċifikat li huma permessi biss primjums għall-protezzjoni tal-kreditu kontinġenti fuq id-daqs tas-segment pendenti u r-riskju ta’ kreditu tas-segment protett.

(21)L-Artikolu 26e(7) tar-Regolament (UE) 2017/2402 jispeċifika l-kundizzjonijiet skont liema oriġinatur jista’ jimpenja marġni pożittiv sintetiku bħala titjib fil-kreditu għall-investituri. Waħda minn dawk il-kundizzjonijiet hija li, għall-oriġinaturi li ma jużawx l-Approċċ IRB imsemmi fl-Artikolu 143 tar-Regolament (UE) Nru 575/2013, il-kalkolu tat-telf mistenni ta’ sena tal-portafoll sottostanti għandu jiġi ddeterminat b’mod ċar fid-dokumentazzjoni tat-tranżazzjoni. Sabiex jiġu speċifikati r-rekwiżiti għall-marġni pożittiv sintetiku impenjat mill-oriġinatur u disponibbli bħala titjib tal-kreditu għall-investituri, ġie introdott kriterju speċifiku fl-emenda tal-2021 tar-Regolament (UE) 2017/2402. L-applikazzjoni ta’ dan il-kriterju wriet li teħtieġ kjarifika ulterjuri. Barra minn hekk, ġiet identifikata inkonsistenza fir-rigward tar-rekwiżiti għall-oriġinaturi li ma jużawx l-approċċ IRB. Dak ir-rekwiżit jenħtieġ li jiġi emendat biex jallinja mal-intenzjoni li jiġi stabbilit limitu massimu, ekwivalenti għat-telf mistenni ta’ sena, fuq l-ammont totali ta’ marġni pożittiv sintetiku li l-oriġinatur għandu jimpenja fis-sena, u b’hekk jiġu żgurati l-konsistenza u ċ-ċarezza fl-applikazzjoni ta’ dik id-dispożizzjoni.

(22)Il-kriterju attwali li jirrikjedi l-protezzjoni tal-kreditu għandu jiġi ffinanzjat fil-qafas STS għat-titolizzazzjoni sintetika fil-karta bilanċjali taħt ir-reġim STS illimita l-kapaċità tal-kumpaniji tal-assigurazzjoni jew tar-riassigurazzjoni li jipparteċipaw fis-suq tat-titolizzazzjoni STS fil-karta bilanċjali. Dan huwa ta’ detriment għall-iżvilupp tas-suq STS u l-kapaċità tal-oriġinaturi li jittrasferixxu r-riskju ta’ kreditu barra mis-sistema bankarja. Madankollu, biex il-protezzjoni tal-kreditu mhux iffinanzjat titħalla tkun eliġibbli għat-tikketta STS, jenħtieġ li din ma timminax il-kwalità tat-tikketta STS jew l-affidabbiltà tal-ftehim tal-protezzjoni tal-kreditu, u jenħtieġ ukoll li ma toħloqx inċentivi biex l-impriżi tal-assigurazzjoni jew tar-riassigurazzjoni mingħajr esperjenza jew mhux diversifikati jsiru esposti għal livelli għoljin ta’ riskju. Għalhekk huwa xieraq li jiġu stabbiliti salvagwardji biex jiġi żgurat li l-parteċipazzjoni tkun limitata għall-assiguraturi b’ċertu livell ta’ robustezza u diversifikazzjoni. Għalhekk, l-eliġibbiltà għall-forniment ta’ protezzjoni tal-kreditu mhux iffinanzjata taħt it-tikketta STS jenħtieġ li tkun akkumpanjata minn rekwiżiti relatati mad-diversifikazzjoni, is-solvenza, il-kejl tar-riskju, u d-daqs minimu tal-fornitur tal-protezzjoni. B’mod speċifiku, fir-rigward tal-kejl tar-riskju, l-impriża tal-assigurazzjoni jew tar-riassigurazzjoni jenħtieġ li tuża mudell intern approvat biex tikkalkula r-rekwiżiti tal-kapital għal tali ftehimiet ta’ protezzjoni tal-kreditu. Fir-rigward tas-solvenza, l-impriża tal-assigurazzjoni jew tar-riassigurazzjoni jenħtieġ li tikkonforma mar-Rekwiżit Kapitali tas-Solvenza u mar-Rekwiżit Kapitali Minimu msemmi fl-Artikoli 100 u 128 tad-Direttiva 2009/138/KE, rispettivament, u jenħtieġ li tkun ġiet assenjata għall-iskala tal-kwalità kreditizja 3 jew aħjar. Fir-rigward tad-diversifikazzjoni, l-impriża tal-assigurazzjoni jew tar-riassigurazzjoni jenħtieġ li topera b’mod effettiv attivitajiet ta’ negozju f’mill-inqas żewġ klassijiet ta’ assigurazzjoni mhux tal-ħajja, li jenħtieġ li jnaqqsu l-esponiment żejjed għal kwalunkwe tip ta’ riskju uniku. Fl-aħħar nett, fir-rigward tad-daqs minimu, l-impriża tal-assigurazzjoni jew tar-riassigurazzjoni jenħtieġ li jkollha assi totali ta’ aktar minn EUR 20 biljun.

(23)Il-verifikaturi ta’ partijiet terzi għandhom rwol fil-valutazzjoni tal-konformità tat-titolizzazzjonijiet mal-kriterji STS. Ir-Regolament (UE) 2017/2402 jirrikjedi biss li l-verifikaturi ta’ partijiet terzi jiġu awtorizzati mill-awtoritajiet kompetenti nazzjonali. Tali awtorizzazzjoni hija, madankollu, ta’ assigurazzjoni limitata jekk l-awtoritajiet kompetenti ma jkunux f’pożizzjoni li jivvalutaw jekk dawk il-verifikaturi ta’ partijiet terzi għadhomx jikkonformaw mal-kundizzjonijiet għall-awtorizzazzjoni tagħhom fuq bażi kontinwa. Għalhekk huwa xieraq li jiġi stabbilit li l-awtoritajiet kompetenti huma responsabbli wkoll għas-superviżjoni kontinwa ta’ tali verifikaturi ta’ partijiet terzi u jingħataw is-setgħa adegwata biex jagħmlu dan.

(24)Sabiex jiġu żgurati l-implimentazzjoni u l-infurzar effettivi tar-Regolament (UE) 2017/2402, huwa meħtieġ li jiġu ċċarati r-responsabbiltajiet tal-awtoritajiet kompetenti fis-superviżjoni tal-konformità tal-partijiet rilevanti kollha involuti f’titolizzazzjoni. L-awtoritajiet kompetenti jenħtieġ li jissorveljaw l-imġiba tal-oriġinaturi, tal-isponsors, tal-mutwanti oriġinali, u tal-SSPEs. Dan jinkludi verifika ta’ jekk tranżazzjonijiet tat-titolizzazzjoni individwali jikkonformawx mar-rekwiżiti applikabbli skont dan ir-Regolament.

(25)Sabiex tissaħħaħ il-konformità mar-Regolament (UE) 2017/2402, u sabiex tittejjeb l-effettività tiegħu, jenħtieġ li l-ambitu tas-setgħat ta’ sanzjonar skont l-Artikolu 32 ta’ dak ir-Regolament jitwessa’ biex jinkludi b’mod espliċitu l-ksur tal-obbligi tad-diliġenza dovuta. L-investituri istituzzjonali għandhom rwol ewlieni fl-iżgurar tas-solidità u t-trasparenza tas-suq tat-titolizzazzjoni billi jwettqu d-diliġenza dovuta xierqa qabel u matul l-iskoperturi tagħhom. Sabiex jiġi żgurat infurzar konsistenti madwar l-Unjoni ta’ dawk ir-rekwiżiti ta’ diliġenza dovuta, jenħtieġ li jiġi speċifikat li n-nuqqas ta’ konformità ma’ dawk ir-rekwiżiti għandu jkun soġġett għal miżuri ta’ rimedju u sanzjonijiet amministrattivi mill-awtoritajiet kompetenti.

(26)It-trawwim tal-konverġenza superviżorja huwa essenzjali għall-funzjonament xieraq u għall-iżvilupp ulterjuri tas-suq tat-titolizzazzjoni li jlaqqa’ flimkien firxa wiesgħa ta’ atturi ekonomiċi li spiss ikunu bbażati f’ġuriżdizzjonijiet differenti, anke għall-istess tranżazzjoni. L-involviment ta’ diversi awtoritajiet kompetenti, flimkien mal-kumplessità attwali tal-proċess tat-teħid tad-deċiżjonijiet, jenfasizza l-ħtieġa li tissaħħaħ il-koordinazzjoni superviżorja. Is-simplifikazzjoni u t-tisħiħ tal-oqfsa eżistenti għall-koordinazzjoni superviżorja, fejn fattibbli, jenħtieġ li jappoġġaw l-għan usa’ ta’ simplifikazzjoni fir-regolamentazzjoni u s-superviżjoni. Tista’ tinkiseb konverġenza aktar b’saħħitha bl-użu aktar effiċjenti u effettiv tas-setgħat eżistenti allokati lill-ASE u lill-awtoritajiet kompetenti. Dan ir-riżultat jenħtieġ li jiġi appoġġat ukoll billi jingħata rwol aktar prominenti lill-EBA, li jenħtieġ li tassumi ġestjoni permanenti tal-kwistjonijiet ta’ koordinazzjoni tas-superviżjoni għas-suq tat-titolizzazzjoni fl-Unjoni.

(27)Il-Kumitat tat-Titolizzazzjoni tal-Kumitat Konġunt, magħmul minn awtoritajiet kompetenti tas-suq u prudenzjali, jenħtieġ li jiffoka fuq kwistjonijiet li jirriżultaw mis-superviżjoni u jenħtieġ li jiffaċilita u jippromwovi l-konverġenza superviżorja permezz ta’ prattiki superviżorji komuni. Il-mandat attwali tal-JCSC jenħtieġ li jiġi rieżaminat biex issir enfasi fuq il-konverġenza superviżorja u l-ħidma relatata mal-Artikolu 44 ta’ dan ir-Regolament. Il-JCSC jista’ jiltaqa’ f’formati differenti jew jistabbilixxi sottogruppi għal kompiti speċifiċi skont il-kwistjonijiet li għandhom jiġu diskussi. L-EBA jenħtieġ li tipprovdi s-segretarjat u viċi president għall-Kumitat tat-Titolizzazzjoni tal-Kumitat Konġunt fuq bażi permanenti, filwaqt li tissostitwixxi u tappoġġa lill-president fit-twettiq tad-dmirijiet tiegħu. Fin-nuqqas tal-president, il-viċi president jenħtieġ li jwettaq il-kompiti tal-president, inkluż f’sitwazzjonijiet fejn ma jiġi elett l-ebda president. Ir-rappreżentanti ta’ dan il-korp mis-suq parteċipanti u l-awtoritajiet kompetenti prudenzjali jenħtieġ li jkollhom il-livell xieraq ta’ għarfien u esperjenza fi kwistjonijiet li jkunu qed jiġu diskussi. Il-monitoraġġ regolari tal-istat tas-suq u l-evalwazzjoni tal-qafas superviżorju tat-titolizzazzjoni fl-Unjoni permezz ta’ rapporti ta’ monitoraġġ, l-iżvilupp ta’ linji gwida u reviżjonijiet regolari bejn il-pari jkomplu jsaħħu l-qafas superviżorju li jippromwovi l-aħjar prattiki (superviżorji).

(28)Minħabba li l-attività ta’ titolizzazzjoni fl-Unjoni hija primarjament ikkonċentrata fis-settur bankarju, huwa xieraq li l-EBA tassumi r-rwol ta’ ġestjoni permanenti fil-Kumitat tat-Titolizzazzjoni tal-Kumitat Konġunt. Fl-eżerċizzju tar-rwol permanenti tagħha fil-Kumitat tat-Titolizzazzjoni tal-Kumitat Konġunt, l-EBA jenħtieġ li tagħti attenzjoni partikolari lit-tisħiħ ta’ relazzjonijiet ta’ ħidma b’saħħithom u kollaborattivi mal-Awtorità Ewropea tat-Titoli u s-Swieq (ESMA) u mal-Awtorità Ewropea tal-Assigurazzjoni u l-Pensjonijiet tax-xogħol (EIOPA) filwaqt li tqis kif xieraq il-perspettivi settorjali tagħhom. Jenħtieġ li jkun mistenni li tali koordinazzjoni superviżorja msaħħa tirriżulta f’superviżjoni aktar robusta u konsistenti tas-suq tat-titolizzazzjoni fl-Unjoni. F’din il-kapaċità, l-EBA jenħtieġ li tmexxi wkoll il-ħidma għall-iżvilupp tal-mudelli ta’ divulgazzjoni kif previst fl-Artikolu 7 ta’ dan ir-Regolament. Dan se jkun strumentali fit-tħejjija tas-suq għat-tkabbir antiċipat u fl-iżvilupp tal-kapaċità superviżorja u t-tħejjija biex tiġi appoġġata din l-espansjoni. L-assenjazzjoni ta’ rwol ta’ ġestjoni lill-EBA f’din il-kapaċità superviżorja tikkonforma mal-viżjoni strateġika ta’ xenarju regolatorju effiċjenti u simplifikat.

(29)Fil-każ ta’ titolizzazzjonijiet transfruntieri, il-ħatra ta’ superviżur ewlieni tissimplifika s-superviżjoni tal-konformità mar-Regolament (UE) 2017/2402 u tiżgura konsistenza u koordinazzjoni aħjar fost l-awtoritajiet kompetenti differenti. Is-superviżur ewlieni jenħtieġ li jinħatar minn fost l-awtoritajiet kompetenti tal-entitajiet involuti fit-tranżazzjoni, bid-deċiżjoni meħuda mill-awtoritajiet kompetenti kkonċernati. F’każ ta’ nuqqas ta’ qbil, il-kwistjoni jenħtieġ li tiġi indirizzata fil-livell tal-Kumitat tat-Titolizzazzjoni tal-Kumitat Konġunt. Kull meta tranżazzjoni ġdida tinvolvi entitajiet taħt superviżjoni mill-istess awtoritajiet kompetenti, il-mexxej maħtur qabel jista’ jżomm dak ir-rwol.

(30)Huwa importanti li jiġi żgurat li l-qafas regolatorju għat-titolizzazzjonijiet jibqa’ effettiv u jadatta għax-xenarju finanzjarju li qed jevolvi. Għal dik ir-raġuni, il-Kummissjoni jenħtieġ li tirrevedi b’mod komprensiv l-impatt u l-funzjonalità ta’ dan ir-Regolament fi żmien 5 snin wara l-adozzjoni tiegħu, b’attenzjoni bir-reqqa għall-influwenza tiegħu fuq is-suq tat-titolizzazzjoni u l-implikazzjonijiet ekonomiċi usa’ tiegħu. Dak ir-rieżami jenħtieġ li jiffoka fuq aspetti kritiċi, inklużi d-dinamika tas-suq, l-aċċessibbiltà tal-kreditu b’mod partikolari għall-SMEs, l-investimenti, u l-interkonnettività tal-istituzzjonijiet finanzjarji li hija vitali għaż-żamma tal-istabbiltà tas-settur finanzjarju. Filwaqt li tikkombina l-għarfien mir-rapporti msemmija fl-Artikolu 44 tar-Regolament (UE) 2017/2402 u fl-analiżijiet ulterjuri, il-Kummissjoni jenħtieġ li tiddetermina l-ħtieġa għal aġġornamenti leġiżlattivi biex jiġi ssalvagwardjat ir-rwol tar-Regolament (UE) 2017/2402 fl-appoġġ għal ekonomija reżiljenti u dinamika fl-Unjoni Ewropea.

(31)Billi l-objettivi ta’ dan ir-Regolament ma jistgħux jintlaħqu b’mod suffiċjenti mill-Istati Membri minħabba li s-swieq tat-titolizzazzjonijiet joperaw globalment u minħabba li jenħtieġ li jiġu żgurati kundizzjonijiet ekwi fis-suq intern għall-investituri istituzzjonali u għall-entitajiet kollha involuti fit-titolizzazzjoni iżda li, minħabba l-iskala u l-effetti tagħhom, jistgħu jintlaħqu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħqu dawk l-objettivi.

(32)Għalhekk, jenħtieġ li r-Regolament (UE) 2017/2402 jiġi emendat kif xieraq,

ADOTTAW DAN IR-REGOLAMENT:

Artikolu 1 Emenda tar-Regolament (UE) Nru 2017/2402

Ir-Regolament (UE) 2017/2402 huwa emendat kif ġej:

(1)fl-Artikolu 1, il-paragrafu 2 huwa sostitwit b’dan li ġej:

“Dan ir-Regolament japplika għal investituri istituzzjonali u għal oriġinaturi, sponsors, mutwanti oriġinali, servizzjanti u entitajiet bi skop speċjali tat-titolizzazzjoni.”;

(2)fl-Artikolu 2, jiżdiedu l-punti (32) sa (33) li ġejjin:

“(32)    ‘titolizzazzjoni pubblika’ tfisser titolizzazzjoni li tissodisfa kwalunkwe wieħed mill-kriterji li ġejjin:

(a)irid jitfassal prospett għal dik it-titolizzazzjoni skont l-Artikolu 3 tar-Regolament (UE) 2017/1129 tal-Parlament Ewropew u tal-Kunsill 29 ;

(b)it-titolizzazzjoni tiġi kummerċjalizzata b’noti li jikkostitwixxu pożizzjonijiet ta’ titolizzazzjoni ammessi għan-negozjar f’ċentru tan-negozjar tal-Unjoni kif definit fl-Artikolu 4(1), il-punt (24) tad-Direttiva 2014/65/UE tal-Parlament Ewropew u tal-Kunsill 30 ;

(c)it-titolizzazzjoni tkun ikkummerċjalizzata lill-investituri u t-termini u l-kundizzjonijiet ma jkunux negozjabbli bejn il-partijiet.

(33)    ‘titolizzazzjoni privata’ tfisser titolizzazzjoni li ma tissodisfa l-ebda wieħed mill-kriterji stabbiliti fil-punt (32).”

(3)l-Artikolu 5 huwa emendat kif ġej:

(a)il-paragrafu 1 huwa emendat kif ġej:

(i)    il-punt (c) jitħassar;

(ii)    il-punti (e) u (f) huma sostitwiti b’dan li ġej:

“(e)    jekk l-oriġinatur, l-isponsor jew l-SSPE maħtura f’konformità mal-Artikolu 7(2) tkun stabbilita f’pajjiż terz u tkun għamlet disponibbli l-informazzjoni meħtieġa mill-Artikolu 7(1) f’konformità mal-frekwenza u l-modalitajiet previsti f’dak il-paragrafu;

(f)    fil-każ ta’ skoperturi li ma jrendux, jekk l-oriġinatur, l-isponsor jew il-mutwant oriġinali jkun stabbilit f’pajjiż terz u jkun applika standards sodi fl-għażla u fl-ipprezzar tal-iskoperturi.”;

(b)il-paragrafu 3 huwa emendat kif ġej:

(i)    il-punt (b) huwa sostitwit b’dan li ġej:

“(b)    il-karatteristiċi strutturali kollha tat-titolizzazzjoni li jistgħu jaffettwaw materjalment il-prestazzjoni tal-pożizzjoni ta’ titolizzazzjoni;”;

(ii)    il-punt (c) jitħassar;

(c)il-paragrafu 4 huwa emendat kif ġej:

(i)    fil-punt (a), it-tieni subparagrafu jitħassar;

(ii)    jiżdied il-punt (g) li ġej:

“(g)    fil-każ ta’ investimenti f’suq sekondarju, jiddokumenta l-valutazzjoni tad-diliġenza dovuta u l-verifiki f’perjodu ta’ żmien raġonevoli li fi kwalunkwe każ ma għandux jaqbeż 15-il jum kalendarju wara l-investiment.”;

(d)jiddaħħlu l-paragrafi 4a u 4b li ġejjin:

“(4a)    Il-paragrafi 1 sa 4 ma għandhomx japplikaw għal investituri li jżommu pożizzjoni ta’ titolizzazzjoni fejn tali pożizzjoni ta’ titolizzazzjoni tkun garantita minn bank multilaterali tal-iżvilupp elenkat fl-Artikolu 117(2) tar-Regolament (UE) Nru 575/2013.

Għall-finijiet tal-ewwel subparagrafu, il-garanzija għandha tissodisfa l-kundizzjonijiet tal-Artikoli 213 u 215 tar-Regolament (UE) Nru 575/2013.

(4b)    Il-paragrafi 1 u 4 ma għandhomx japplikaw għal investituri istituzzjonali li jżommu pożizzjoni ta’ titolizzazzjoni meta s-segment tal-ewwel telf li jkun jirrappreżenta ta’ mill-inqqas 15 % tal-valur nominali tal-iskoperturi titolizzati jkun miżmum jew iggarantit mill-Unjoni jew mill-banek jew istituzzjonijiet promozzjonali nazzjonali skont it-tifsira tal-Artikolu 2, il-punt (3) tar-Regolament (UE) 2015/1017 tal-Parlament Ewropew u tal-Kunsill.”;

(e)il-paragrafu 5 huwa sostitwit b’dan li ġej:

“(5) Mingħajr preġudizzju għall-paragrafi 1 sa 4 ta’ dan l-Artikolu, meta investitur istituzzjonali jkun ta lil investitur istituzzjonali ieħor l-awtorità li jieħu deċiżjonijiet ta’ ġestjoni ta’ investiment li jistgħu jesponuh għal titolizzazzjoni, l-investitur istituzzjonali li jiddelega jista’ jagħti struzzjonijiet lill-investitur istituzzjonali delegat taħt dan l-Artikolu fir-rigward ta’ kwalunkwe esponiment għal titolizzazzjoni li jirriżulta minn dawk id-deċiżjonijiet. Ir-responsabbiltà tal-investitur istituzzjonali li jiddelega taħt dan l-Artikolu ma għandhiex tkun affettwata mill-fatt li l-investitur istituzzjonali jkun iddelega l-funzjonijiet.”

(4)l-Artikolu 6 huwa emendat kif ġej:

(a)fil-paragrafu 5, jiżdied il-punt (f):

“(f) l-Unjoni.”

(b)jiddaħħal il-paragrafu 5a:

“(5a) Il-paragrafu 1 ma għandux japplika meta s-segment tal-ewwel telf li jirrappreżenta ta’ mill-inqas 15 % tal-valur nominali tal-iskoperturi titolizzati jkun miżmum jew iggarantit minn xi waħda mill-entitajiet elenkati taħt il-punti (a) sa (f) tal-paragrafu 5.”

(5)l-Artikolu 7 huwa emendat kif ġej:

(a)fil-paragrafu 1, ir-raba’ subparagrafu huwa sostitwit b’dan li ġej:

“Fil-każ ta’ ABCP jew ta’ titolizzazzjoni ta’ aggregazzjonijiet ta’ esponimenti fuq terminu qasir granulari ħafna, l-informazzjoni deskritta fil-punti (a), (c)(ii) u (e)(i) tal-ewwel subparagrafu għandha tkun disponibbli f’forma aggregata għad-detenturi ta’ pożizzjoni ta’ titolizzazzjoni u, fuq talba, għall-investituri potenzjali.”;

(b)fil-paragrafu 2, it-tielet subparagrafu huwa sostitwit b’dan li ġej:

“It-titolizzazzjonijiet privati għandhom ikunu soġġetti għal qafas ta’ rapportar distint li jirrikonoxxi l-karatteristiċi uniċi tagħhom, li jvarjaw minn titolizzazzjoni pubblika, f’mudell ta’ rapportar dedikat u simplifikat. Dak il-mudell ta’ rapportar dedikat u simplifikat għandu jiżgura li l-informazzjoni essenzjali rilevanti għall-awtoritajiet kompetenti nazzjonali tiġi rrapportata b’mod adegwat, mingħajr ma tiġi imposta l-firxa sħiħa tal-obbligi ta’ rapportar applikabbli għat-titolizzazzjonijiet pubbliċi. It-titolizzazzjonijiet privati għandhom jissodisfaw l-obbligi tagħhom taħt dan is-subparagrafu minn [data stabbilita f’dan l-Artikolu, il-paragrafi 3 u 4, ir-raba’ subparagrafi.].”

(c)il-paragrafu 3 huwa sostitwit b’dan li ġej:

“3.    L-ASE għandhom jiżviluppaw, permezz tal-Kumitat Konġunt tal-Awtoritajiet Superviżorji Ewropej, taħt it-tmexxija tal-EBA u f’kooperazzjoni mill-qrib mal-ESMA u mal-EIOPA, abbozzi ta’ standards tekniċi regolatorji skont l-Artikoli 10 sa 14 tar-Regolamenti (UE) Nru 1093/2010, (UE) Nru 1094/2010 u (UE) Nru 1095/2010 biex jispeċifikaw l-informazzjoni li l-oriġinatur, l-isponsor u l-SSPE għandhom jipprovdu biex jikkonformaw mal-paragrafu 1, l-ewwel subparagrafu, il-punti (a) u (e), u l-paragrafu 2 filwaqt li jqisu:

(a)    l-utilità tal-informazzjoni għad-detentur tal-pożizzjoni ta’ titolizzazzjoni u għas-superviżuri;

(b)    jekk it-titolizzazzjoni hijiex pubblika jew privata;

(c)    jekk il-pożizzjoni ta’ titolizzazzjoni hijiex ta’ natura b’terminu qasir;

(d)    fil-każ ta’ tranżazzjoni ABCP, jekk dik it-tranżazzjoni hijiex appoġġata bis-sħiħ minn sponsor.

L-ASE, permezz tal-Kumitat Konġunt tal-Awtoritajiet Superviżorji Ewropej, taħt it-tmexxija tal-EBA u f’kooperazzjoni mill-qrib mal-ESMA u mal-EIOPA, għandhom jissottomettu dawk l-abbozzi ta’ standards tekniċi regolatorji lill-Kummissjoni sa [6 xhur wara d-data tad-dħul fis-seħħ ta’ dan ir-Regolament emendatorju].

Il-Kummissjoni hija mogħtija s-setgħa tissupplimenta dan ir-Regolament billi tadotta l-istandards tekniċi regolatorji msemmija f’dan il-paragrafu f’konformità mal-Artikoli 10 sa 14 tar-Regolamenti (UE) Nru 1093/2010, (UE) Nru 1094/2010 u (UE) Nru 1095/2010.

L-istandards tekniċi regolatorji għandhom jidħlu fis-seħħ [12-il xahar] wara l-adozzjoni mill-Kummissjoni.

Mill-inqas kull 3 snin mid-data tal-adozzjoni tagħhom mill-Kummissjoni, l-ASE, permezz tal-Kumitat Konġunt tal-Awtoritajiet Superviżorji Ewropej, għandhom jivvalutaw l-istandards tekniċi regolatorji biex jiddeterminaw ir-rilevanza u l-preċiżjoni kontinwa tagħhom, biex jiżguraw li jibqgħu effettivi, aġġornati, allinjati mal-prattiki u mal-ħtiġijiet tas-suq. L-ASE, permezz tal-Kumitat Konġunt tal-Awtoritajiet Superviżorji Ewropej, għandhom jinfurmaw lill-Kummissjoni bir-riżultati tal-valutazzjoni.”

(d)il-paragrafu 4 huwa sostitwit b’dan li ġej:

“4.    Sabiex jiġu żgurati kundizzjonijiet uniformi ta’ applikazzjoni għall-informazzjoni li għandha tiġi speċifikata f’konformità mal-paragrafu 3, l-ASE, permezz tal-Kumitat Konġunt tal-Awtoritajiet Superviżorji Ewropej, taħt it-tmexxija tal-EBA u f’kooperazzjoni mill-qrib mal-ESMA u mal-EIOPA, għandhom jiżviluppaw abbozzi ta’ standards tekniċi ta’ implimentazzjoni skont l-Artikolu 15 tar-Regolamenti (UE) Nru 1093/2010, (UE) Nru 1094/2010 u (UE) Nru 1095/2010 li jispeċifikaw il-format tagħhom permezz ta’ mudelli standardizzati.

L-ASE, permezz tal-Kumitat Konġunt tal-Awtoritajiet Superviżorji Ewropej, għandhom jissottomettu dawk l-abbozzi ta’ standards tekniċi ta’ implimentazzjoni lill-Kummissjoni sa [6 xhur wara d-data tad-dħul fis-seħħ ta’ dan ir-Regolament emendatorju].

Il-Kummissjoni tingħata s-setgħa tadotta l-istandards tekniċi ta’ implimentazzjoni msemmija f’dan il-paragrafu f’konformità mal-Artikolu 15 tar-Regolamenti (UE) Nru 1093/2010, (UE) Nru 1094/2010 u (UE) Nru 1095/2010.

L-istandards tekniċi ta’ implimentazzjoni għandhom jidħlu fis-seħħ [12-il xahar] wara l-adozzjoni mill-Kummissjoni.

Mill-inqas kull 3 snin mid-data tal-adozzjoni tagħhom mill-Kummissjoni, l-ASE, permezz tal-Kumitat Konġunt tal-Awtoritajiet Superviżorji Ewropej, għandhom jivvalutaw l-istandards tekniċi regolatorji ta’ implimentazzjoni biex jiddeterminaw ir-rilevanza u l-preċiżjoni kontinwa tagħhom, biex jiżguraw li jibqgħu effettivi, aġġornati, allinjati mal-prattiki u l-ħtiġijiet tas-suq. L-ASE, permezz tal-Kumitat Konġunt tal-Awtoritajiet Superviżorji Ewropej, għandhom jinfurmaw lill-Kummissjoni bir-riżultati ta’ dik il-valutazzjoni.”;

(6)l-Artikolu 10 huwa emendat kif ġej:

(a)il-paragrafu 1 huwa sostitwit b’dan li ġej:

“1.    Repożitorju tat-titolizzazzjoni għandu jirreġistra mal-ESMA għall-finijiet tal-Artikolu 7 taħt il-kundizzjonijiet u l-proċedura stabbiliti f’dan l-Artikolu.”;

(b)il-paragrafu 2 huwa sostitwit b’dan li ġej:

“2. Sabiex ikun eliġibbli biex jiġi rreġistrat skont dan l-Artikolu, repożitorju tat-titolizzazzjoni għandu jkun persuna ġuridika stabbilita fl-Unjoni, japplika proċeduri biex jivverifika l-kompletezza u l-konsistenza tal-informazzjoni magħmula disponibbli lilu skont l-Artikolu 7(1) ta’ dan ir-Regolament, u jissodisfa r-rekwiżiti previsti fl-Artikoli 78 u 79 u fl-Artikolu 80(1), (2), (3), (5) u (6) tar-Regolament (UE) Nru 648/2012. Għall-finijiet ta’ dan l-Artikolu, ir-referenzi għall-Artikoli 78 u 80 tar-Regolament (UE) Nru 648/2012 u għall-Artikolu 9 tiegħu għandhom jiġu interpretati bħala referenzi għall-Artikolu 7 ta’ dan ir-Regolament.”

(7)l-Artikolu 17 huwa emendat kif ġej:

(a)il-paragrafu 1 huwa sostitwit b’dan li ġej:

“1.    Mingħajr preġudizzju għall-Artikolu 7(2), repożitorju tat-titolizzazzjoni msemmi fl-Artikolu 10 għandu jiġbor u jżomm id-dettalji tat-titolizzazzjoni. Huwa għandu jipprovdi aċċess dirett u immedjat u mingħajr ħlas lill-entitajiet kollha li ġejjin biex ikunu jistgħu jwettqu r-responsabbiltajiet, il-mandati u l-obbligi rispettivi tagħhom:

(a)    l-EBA;

(b)    l-EIOPA;

(c)    l-ESMA;

(d)    il-BERS;

(e)    il-membri rilevanti tas-Sistema Ewropea ta’ Banek Ċentrali (SEBĊ), inkluż il-Bank Ċentrali Ewropew (BĊE) fit-twettiq tal-kompiti tiegħu fi ħdan mekkaniżmu superviżorju uniku skont ir-Regolament (UE) Nru 1024/2013;

(f)    l-awtoritajiet rilevanti li r-responsabbiltajiet u l-mandati superviżorji rispettivi tagħhom ikopru t-tranżazzjonijiet, is-swieq, il-parteċipanti u l-assi li jaqgħu taħt il-kamp ta’ applikazzjoni ta’ dan ir-Regolament;

(g)    l-awtoritajiet ta’ riżoluzzjoni maħtura skont l-Artikolu 3 tad-Direttiva 2014/59/UE tal-Parlament Ewropew u tal-Kunsill 31 ;

(h)    il-Bord Uniku ta’ Riżoluzzjoni stabbilit bir-Regolament (UE) Nru 806/2014 tal-Parlament Ewropew u tal-Kunsill 32 ;

(i)    l-awtoritajiet imsemmija fl-Artikolu 29 ta’ dan ir-Regolament;

(j)    il-Kummissjoni fuq talba;

(k)    fil-każ ta’ titolizzazzjonijiet pubbliċi, investituri u investituri potenzjali.”

(b)fil-paragrafu 2, jitħassar il-punt (a).

(8)l-Artikolu 20 huwa emendat kif ġej:

(a)fil-paragrafu 8, jiżdied is-subparagrafu li ġej:

“Aggregazzjoni ta’ skoperturi sottostanti għandha titqies li tikkonforma mal-ewwel subparagrafu meta mill-inqas 70 % tal-iskoperturi fl-aggregazzjoni fl-oriġinazzjoni jkunu jikkonsistu minn skoperturi għall-SMEs.”;

(b)fil-paragrafu 11, il-punt (a), il-punt (ii) huwa sostitwit b’dan li ġej:

“(ii)    l-informazzjoni pprovduta mill-oriġinatur, mill-isponsor u mill-SSPE tistabbilixxi b’mod espliċitu l-proporzjon ta’ skoperturi sottostanti ristrutturati, il-ħin u d-dettalji tar-ristrutturar, u l-prestazzjoni tagħhom mid-data tar-ristrutturar;”;

(9)l-Artikolu 22 huwa emendat kif ġej:

(a)fil-paragrafu 4, l-ewwel subparagrafu huwa sostitwit b’dan li ġej:

“F’każ ta’ titolizzazzjoni fejn l-iskoperturi sottostanti jkunu self residenzjali jew self għal karozzi, l-oriġinatur u l-isponsor għandhom jippubblikaw informazzjoni disponibbli relatata mal-prestazzjoni ambjentali tal-assi ffinanzjati minn tali self residenzjali jew self jew kirjiet għal karozza.”;

(b)il-paragrafu 5 huwa sostitwit b’dan li ġej:

“5.    L-oriġinatur u l-isponsor għandhom ikunu responsabbli għall-konformità mal-Artikolu 7. Fil-każ ta’ titolizzazzjoni pubblika, l-informazzjoni meħtieġa mill-Artikolu 7(1), l-ewwel subparagrafu, il-punt (a), għandha tkun disponibbli qabel l-ipprezzar għall-investituri potenzjali fuq talba. Fil-każ ta’ titolizzazzjoni pubblika, l-informazzjoni meħtieġa mill-Artikolu 7(1), l-ewwel subparagrafu, il-punti (b) sa (d), għandha tkun disponibbli qabel l-ipprezzar mill-inqas f’forma ta’ abbozz jew inizjali. Id-dokumentazzjoni finali għandha tkun disponibbli għall-investituri mhux iktar tard minn 15-il jum wara l-għeluq tat-tranżazzjoni.”;

(10)l-Artikolu 24 huwa emendat kif ġej:

(a)fil-paragrafu 9, il-punt (a), il-punt (ii) huwa sostitwit b’dan li ġej:

“(ii)    l-informazzjoni pprovduta mill-oriġinatur, mill-isponsor u mill-SSPE tistabbilixxi b’mod espliċitu l-proporzjon ta’ skoperturi sottostanti ristrutturati, il-ħin u d-dettalji tar-ristrutturar, u l-prestazzjoni tagħhom mid-data tar-ristrutturar;”;

(b)fil-paragrafu 15, jiddaħħal is-subparagrafu li ġej:

“Aggregazzjoni ta’ skoperturi sottostanti għandha titqies li tikkonforma mal-ewwel subparagrafu meta mill-inqas 70 % tal-iskoperturi fl-aggregazzjoni fl-oriġinazzjoni tkun tikkonsisti minn skoperturi għall-SMEs.”;

(11)l-Artikolu 26b huwa emendat kif ġej:

(a)fir-raba’ subparagrafu tal-paragrafu 7, jiżdiedu l-punti (e) u (f) li ġejjin:

“(e)    kienet is-suġġett ta’ miżuri restrittivi tal-Unjoni jew ta’ prattiki frawdolenti pprovati;

“(f)    kienet soġġetta għal bidliet fil-qafas legali nazzjonali li jaffettwaw l-infurzabbiltà tal-pretensjonijiet tal-iskoperturi sottostanti.”;

(b)fil-paragrafu 8, jiżdied is-subparagrafu li ġej:

“Aggregazzjoni ta’ skoperturi sottostanti għandha titqies li tikkonforma mal-ewwel subparagrafu meta mill-inqas 70 % tal-iskoperturi fl-aggregazzjoni fl-oriġinazzjoni tkun tikkonsisti minn skoperturi għall-SMEs.”;

(c)fil-paragrafu 11, il-punt (a), il-punt (ii) huwa sostitwit b’dan li ġej:

“(ii)    l-informazzjoni pprovduta mill-oriġinatur, mill-isponsor u mill-SSPE tistabbilixxi b’mod espliċitu l-proporzjon ta’ skoperturi sottostanti ristrutturati, il-ħin u d-dettalji tar-ristrutturar, u l-prestazzjoni tagħhom mid-data tar-ristrutturar;”;

(12)fl-Artikolu 26c, fil-paragrafu 5, it-tmien subparagrafu huwa sostitwit b’dan li ġej:

“Meta avveniment ta’ kreditu kif imsemmi fl-Artikolu 26e jkun seħħ fir-rigward ta’ skoperturi sottostanti u r-ristrutturar tad-dejn għal dawk l-iskoperturi ma jkunx tlesta, l-ammont ta’ protezzjoni tal-kreditu li jifdal fi kwalunkwe data ta’ pagament flimkien mal-ammont ta’ kwalunkwe segment miżmum li jikklassifika bħala subordinat għas-segmenti koperti mill-protezzjoni tal-kreditu li jidfal fi kwalunkwe data ta’ pagament għandu jkun mill-inqas ekwivalenti għall-ammont nominali pendenti ta’ dawk l-iskoperturi sottostanti, li minnu jitnaqqas l-ammont ta’ kwalunkwe pagament interim magħmul fir-rigward ta’ dawk l-iskoperturi sottostanti.”;

(13)l-Artikolu 26e huwa emendat kif ġej:

(a)fil-paragrafu 3, it-tielet subparagrafu huwa sostitwit b’dan li ġej:

W“Il-primjums għall-protezzjoni tal-kreditu li għandhom jitħallsu skont il-ftehim ta’ protezzjoni tal-kreditu għandhom ikunu strutturati bħala kontinġenti fuq id-daqs pendenti tas-segment u r-riskju tal-kreditu tas-segment protett. Għal dawk il-finijiet, il-ftehim ta’ protezzjoni tal-kreditu ma għandux jistipula primjums garantiti, pagamenti bil-quddiem tal-primjum, mekkaniżmi ta’ ribass jew mekkaniżmi oħra li jistgħu jevitaw jew inaqqsu l-allokazzjoni attwali tat-telf għall-investituri jew għar-ritorn ta’ parti mill-primjums imħallsin lill-oriġinatur wara l-maturità tat-tranżazzjoni.”;

(b)fil-paragrafu 7, il-punt (d) huwa ssostitwit b’dan li ġej:

“(d)    għal oriġinaturi li ma jużawx l-approċċ IRB imsemmi fl-Artikolu 143 tar-Regolament (UE) Nru 575/2013:

(i)    l-ammont totali impenjat fis-sena ma għandux ikun ogħla mit-telf mistenni ta’ sena tal-portafoll għal dik is-sena;

(ii)    il-kalkolu tat-telf mistenni ta’ sena tal-portafoll sottostanti għandu jiġi ddeterminat b’mod ċar fid-dokumentazzjoni tat-tranżazzjoni.”;

(c)il-paragrafu 8 huwa emendat kif ġej:

(i)jiddaħħal il-punt (aa) li ġej:

“(aa)    garanzija li tissodisfa r-rekwiżiti stabbiliti fil-Parti Tlieta, it-Titolu II, il-Kapitolu 4 tar-Regolament (UE) Nru 575/2013, li permezz tagħha r-riskju ta’ kreditu jiġi ttrasferit lil impriża tal-assigurazzjoni jew tar-riassigurazzjoni li tissodisfa l-kriterji kollha li ġejjin:

(i)    l-impriża tuża mudell intern approvat f’konformità mal-Artikoli 112 u 113 tad-Direttiva 2009/138/KE għall-kalkolu tar-rekwiżiti ta’ kapital għal tali garanziji;

(ii)    l-impriża tikkonforma mar-Rekwiżit Kapitali tas-Solvenza tagħha u mar-Rekwiżit Kapitali Minimu tagħha msemmija fl-Artikoli 100 u 128 tad-Direttiva 2009/138/KE, rispettivament, u ġiet assenjata għall-iskala tal-kwalità kreditizja 3 jew aħjar;

(iii)    l-impriża effettivament topera attivitajiet ta’ negozju f’mill-inqas żewġ klassijiet ta’ assigurazzjoni mhux tal-ħajja skont it-tifsira tal-Anness I tad-Direttiva 2009/138/KE;

(iv)    l-assi ġestiti mill-impriża tal-assigurazzjoni jew tar-riassigurazzjoni jaqbżu l-20 biljun euro;

(ii)il-punt (c) huwa ssostitwit b’dan li ġej:

(c)    protezzjoni ta’ kreditu oħra mhux imsemmija fil-punti (a), (aa) u (b) ta’ dan il-paragrafu fil-forma ta’ garanzija, derivattiva ta’ kreditu jew nota marbuta ma’ kreditu li tissodisfa r-rekwiżiti stabbiliti fl-Artikolu 249 tar-Regolament (UE) Nru 575/2013, dment li l-obbligi tal-investitur ikunu żgurati minn kollateral li jissodisfa r-rekwiżiti stabbiliti fil-paragrafi 9 u 10 ta’ dan l-Artikolu.”;

(14)fil-paragrafu 28(1), l-ewwel subparagrafu, il-formulazzjoni introduttorja hija sostitwita b’dan li ġej:

“Parti terza kif imsemmi fl-Artikolu 27(2) għandha tkun awtorizzata u taħt superviżjoni tal-awtorità kompetenti biex tivvaluta l-konformità tat-titolizzazzjonijiet mal-kriterji STS previsti fl-Artikoli 19 sa 22, l-Artikoli 23 sa 26, u l-Artikoli 26a sa 26e. L-awtorità kompetenti għandha tagħti l-awtorizzazzjoni jekk jiġu ssodisfati l-kundizzjonijiet li ġejjin:”;

(15)l-Artikolu 29 huwa emendat kif ġej:

(a)jiddaħħal il-paragrafu 4a li ġej:

“4a.    L-awtoritajiet kompetenti responsabbli għas-superviżjoni tal-oriġinaturi, l-isponsors u l-SSPEs f’konformità mad-Direttiva 2013/36/UE, inkluż il-BĊE fir-rigward ta’ kompiti speċifiċi mogħtija lilu bir-Regolament (UE) Nru 1024/2013, għandhom iwettqu s-superviżjoni tal-konformità tal-oriġinaturi, l-isponsors u l-SSPEs mal-obbligi stabbiliti fl-Artikoli 18 sa 27 ta’ dan ir-Regolament.”;

(b)fil-paragrafu 5, l-ewwel sentenza hija sostitwita b’din li ġejja:

“Għall-entitajiet taħt is-superviżjoni tal-awtoritajiet kompetenti għajr dawk imsemmija fil-paragrafu 4a, l-Istati Membri għandhom jaħtru awtorità kompetenti waħda jew aktar biex iwettqu s-superviżjjoni tal-konformità tal-oriġinaturi, tal-isponsors u tal-SSPEs mal-Artikoli 18 sa 27, u l-konformità ta’ partijiet terzi mal-Artikolu 28.”;

(16)l-Artikolu 30 huwa emendat kif ġej

(a)jiddaħħal il-paragrafu 1a li ġej:

“1a. L-awtorità kompetenti għandha twettaq is-superviżjoni tal-konformità tal-oriġinaturi, tal-isponsors, tal-SSPEs u tal-mutwanti oriġinali ma’ dan ir-Regolament f’konformità mal-Artikolu 29.”;

(b)il-paragrafu 5 huwa mħassar.

(17)fl-Artikolu 32(1), l-ewwel subparagrafu, jiżdied il-punt (i) li ġej:

“(i)    investitur istituzzjonali, għajr l-oriġinatur, l-isponsor jew il-mutwant oriġinali, ikun naqas milli jissodisfa r-rekwiżiti previsti fl-Artikolu 5;

(18)l-Artikolu 36 huwa emendat kif ġej:

(a)il-paragrafu 2 huwa mħassar

(b)il-paragrafu 3 huwa sostitwit b’dan li ġej:

“Għandu jiġi stabbilit sottokumitat tat-titolizzazzjoni speċifiku fil-qafas tal-Kumitat Konġunt tal-Awtoritajiet Superviżorji Ewropej, fejn l-awtoritajiet kompetenti għandhom jikkooperaw mill-qrib, sabiex iwettqu d-dmirijiet tagħhom skont l-Artikoli 30 sa 34. Is-sottokumitat tat-titolizzazzjoni għandu jitmexxa mill-EBA bil-kooperazzjoni tal-ESMA u tal-EIOPA. L-EBA għandha tipprovdi s-segretarjat u viċi president lis-sottokumitat tat-titolizzazzjoni fuq bażi permanenti. Is-sottokumitat tat-titolizzazzjoni għandu jrawwem konverġenza superviżorja biex jiżgura prattiki superviżorji komuni. Il-membri tas-sottokumitat tat-titolizzazzjoni taħt l-amministrazzjoni tal-EBA, għandhom jikkoordinaw mill-qrib l-azzjonijiet ta’ superviżjoni tagħhom sabiex jidentifikaw u jirrimedjaw il-ksur ta’ dan ir-Regolament, jiżviluppaw u jippromwovu l-aħjar prassi, jiffaċilitaw il-kollaborazzjoni, irawmu l-applikazzjoni konsistenti tal-liġi u jipprovdu valutazzjonijiet transġuriżdizzjonali f’każ ta’ kwalunkwe nuqqas ta’ qbil. Is-sottokumitat tat-titolizzazzjoni għandu jimmonitorja regolarment l-istat tas-suq u l-applikazzjoni ta’ dan ir-Regolament.”;

(c)jiddaħħlu l-paragrafi 3a u 3b li ġejjin:

“3a.    Is-sottokumitat tat-titolizzazzjoni msemmi fil-paragrafu 3 għandu sa [12-il xahar wara l-adozzjoni] jiżviluppa linji gwida biex jiġu stabbiliti proċeduri superviżorji komuni.

3b.    Wara n-notifika lill-awtoritajiet kompetenti skont l-Artikolu 7(1), l-awtoritajiet kompetenti tal-entitajiet fuq in-naħa tal-bejgħ fit-tranżazzjoni għandhom jaħtru superviżur ewlieni biex jikkoordina l-azzjonijiet u jevita d-diverġenzi fl-applikazzjoni ta’ dan ir-Regolament għal tranżazzjonijiet li jinvolvu entitajiet fuq in-naħa tal-bejgħ taħt il-mandat ta’ awtoritajiet kompetenti minn aktar minn Stat Membru wieħed. Awtorità kompetenti tista’ tiddelega l-eżerċizzju ta’ xi wħud mill-kompiti u s-setgħat jew is-setgħat kollha msemmija f’dan ir-Regolament lis-superviżur ewlieni. F’każ li l-awtoritajiet kompetenti tal-entitajiet fuq in-naħa tal-bejgħ ma jilħqux ftehim dwar il-ħatra tas-superviżur ewlieni, is-sottokumitat tat-titolizzazzjoni stabbilit skont il-paragrafu 3 għandu jaħtar is-superviżur ewlieni.”;

(d)fil-paragrafu 6, l-ewwel u t-tieni subparagrafi huma sostitwiti b’dan li ġej:

“Meta tirċievi l-informazzjoni msemmija fil-paragrafu 4, l-awtorità kompetenti tal-entità ssuspettata mill-ksur għandha tieħu kwalunkwe azzjoni meħtieġa fi żmien 15-il jum ta’ xogħol biex tindirizza l-ksur identifikat u tinnotifika lill-awtoritajiet kompetenti l-oħra involuti, b’mod partikolari dawk tal-oriġinatur, l-isponsor u l-SSPE, u l-awtoritajiet kompetenti tad-detentur b’pożizzjoni ta’ titolizzazzjoni, meta tkun magħrufa. Awtorità kompetenti li ma taqbilx ma’ awtorità kompetenti oħra dwar il-proċedura jew il-kontenut tal-azzjoni jew in-nuqqas ta’ azzjoni tagħha, għandha tinnotifika lill-awtoritajiet kompetenti l-oħra kollha involuti dwar in-nuqqas ta’ qbil tagħha mingħajr dewmien żejjed. Jekk dak in-nuqqas ta’ qbil ma jiġix solvut fi żmien 3 xhur mid-data li fiha l-awtoritajiet kompetenti kollha involuti jkunu ġew notifikati, il-kwistjoni għandha tiġi riferuta lill-EBA f’konformità mal-Artikolu 19 u, fejn applikabbli, l-Artikolu 20 tar-Regolament (UE) Nru 1093/2010. Il-perjodu ta’ konċiljazzjoni msemmi fl-Artikolu 19(2) tar-Regolament (UE) Nru 1093/2010 għandu jkun ta’ xahar.

Jekk l-awtoritajiet kompetenti kkonċernati ma jaslux għal ftehim fil-fażi ta’ konċiljazzjoni msemmija fl-ewwel subparagrafu, l-EBA għandha tieħu d-deċiżjoni msemmija fl-Artikolu 19(3) tar-Regolament (UE) Nru 1093/2010 fi żmien xahar. Matul il-proċedura msemmija f’dan l-Artikolu titolizzazzjoni li tidher fil-lista miżmuma mill-ESMA skont l-Artikolu 27 ta’ dan ir-Regolament għandha tkompli titqies bħala STS skont il-Kapitolu 4 ta’ dan ir-Regolament u għandha tinżamm fuq tali lista.”;

(e)il-paragrafu 7 huwa sostitwit b’dan li ġej

“7.    Fi żmien 3 snin mid-data tal-applikazzjoni ta’ dan ir-Regolament, u kull 3 snin wara dan, l-EBA, f’kooperazzjoni mal-ESMA u mal-EIOPA, għandha twettaq rieżami bejn il-pari skont l-Artikolu 30 tar-Regolament (UE) Nru 1093/2010 dwar l-implimentazzjoni tas-setgħat superviżorji previsti fl-Artikolu 30 ta’ dan ir-Regolament.”;

(f)jitħassar il-paragrafu 8;

(19)l-Artikolu 44 huwa emendat kif ġej:

(a)fl-ewwel subparagrafu, il-punt (e) huwa sostitwit b’dan li ġej:

“(e)    il-kontribuzzjoni tat-titolizzazzjoni għall-finanzjament tal-kumpaniji tal-Unjoni u għall-ekonomija tal-Unjoni.”;

(b)jitħassar it-tieni subparagrafu;

(20)l-Artikolu 46 huwa sostitwit b’dan li ġej:

“Artikolu 46

Rieżami

Sa …[PO jekk jogħġbok daħħal id-data: 5 snin wara d-dħul fis-seħħ], il-Kummissjoni għandha tippreżenta rapport lill-Parlament Ewropew u lill-Kunsill dwar il-funzjonament ta’ dan ir-Regolament, akkumpanjat, fejn xieraq, bi proposta leġiżlattiva.

Dak ir-rapport għandu jikkunsidra b’mod partikolari s-sejbiet tar-rapporti msemmija fl-Artikolu 44, u għandu jivvaluta:

(a)    l-effetti ta’ dan ir-Regolament fuq il-funzjonament u l-iżvilupp tas-suq għat-titolizzazzjonijiet fl-Unjoni;

(b)    il-kontribuzzjoni tat-titolizzazzjoni għal:

(i)     il-finanzjament ta’ kumpaniji u l-ekonomija tal-UE, b’mod partikolari dwar l-aċċess għall-kreditu għall-SMEs u l-investimenti;

(ii)    l-interkonnettività bejn l-istituzzjonijiet finanzjarji u l-istabbiltà tas-settur finanzjarju;

(c)    jekk fil-qasam tat-titolizzazzjonijiet STS jistax jiġi introdott reġim ta’ ekwivalenza għal oriġinaturi, sponsors u SSPEs ta’ pajjiżi terzi, inkluż fir-rigward ta’ rekwiżiti ta’ diliġenza dovuta, filwaqt li jitqiesu l-iżviluppi internazzjonali fil-qasam tat-titolizzazzjoni, b’mod partikolari inizjattivi dwar titolizzazzjonijiet sempliċi, trasparenti u komparabbli;

(d)    l-implimentazzjoni tar-rekwiżiti stabbiliti fl-Artikoli 22(4) u 26d(4) u jekk jistgħux jiġu estiżi għal titolizzazzjoni meta l-iskoperturi sottostanti ma jkunux self residenzjali jew self jew lokazzjonijiet għal karozzi jew, bil-ħsieb tal-integrazzjoni tad-divulgazzjoni ambjentali, soċjali u ta’ governanza.

Artikolu 2 Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu,

DIKJARAZZJONI FINANZJARJA U DIĠITALI LEĠIŻLATTIVA - AĠENZIJI

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i)

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

1.3.4.Indikaturi tal-prestazzjoni

1.4.Il-proposta/l-inizjattiva hija relatata ma’:

1.5.Raġunijiet għall-proposta/għall-inizjattiva

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadanji mill-koordinazzjoni, iċ-ċertezza legali, l-effettività akbar jew il-komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-qafas finanzjarju pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

1.7.Metodu/i ta’ implimentazzjoni tal-baġit ippjanat(i)

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

3.2.Impatt finanzjarju stmat tal-proposta fuq l-approprjazzjonijiet

3.2.1.Sommarju tal-impatt stmat fuq l-approprjazzjonijiet operazzjonali

3.2.1.1.Approprjazzjonijiet mill-baġit ivvutat

3.2.1.2.Approprjazzjonijiet minn dħul assenjat estern

3.2.2.Output stmat iffinanzjat minn approprjazzjonijiet operazzjonali

3.2.3.Sommarju tal-impatt stmat fuq l-approprjazzjonijiet amministrattivi

3.2.3.1. Approprjazzjonijiet mill-baġit ivvutat

3.2.4.Rekwiżiti stmati ta’ riżorsi umani

3.2.4.1.Iffinanzjati mill-baġit ivvutat

3.2.5.Ħarsa ġenerali lejn l-impatt stmat fuq investimenti relatati ma’ teknoloġija diġitali

3.2.6.Kompatibbiltà mal-qafas finanzjarju pluriennali attwali

3.2.7.Kontribuzzjonijiet ta’ partijiet terzi

3.2.8.Riżorsi umani stmati u l-użu tal-approprjazzjonijiet meħtieġa f’aġenzija deċentralizzata

3.3.Impatt stmat fuq id-dħul

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/l-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota / azzjoni preparatorja 33  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadanji mill-koordinazzjoni, iċ-ċertezza legali, l-effettività akbar jew il-komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-qafas finanzjarju pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

 durata limitata

–    fis-seħħ minn [JJ/XX]SSSS sa [JJ/XX]SSSS

–    impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

 durata mhux limitata

–Implimentazzjoni b’perjodu tal-bidu mill-2027 sal-2029,

–segwita minn operazzjoni fuq skala sħiħa.

1.7.Metodu/i ta’ implimentazzjoni tal-baġit ippjanat(i) 34   

 Ġestjoni diretta mill-Kummissjoni

– mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–    mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni baġitarja:

– lill-pajjiżi terzi jew lill-korpi maħtura minnhom

– lill-organizzazzjonijiet internazzjonali u lill-aġenziji tagħhom (iridu jiġu speċifikati)

– lill-Bank Ewropew tal-Investiment u lill-Fond Ewropew tal-Investiment

– lill-korpi msemmija fl-Artikoli 70 u 71 tar-Regolament Finanzjarju

– lill-korpi tad-dritt pubbliku

– lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

– lill-korpi jew lill-persuni fdati bl-implimentazzjoni ta’ azzjonijiet speċifiċi fil-politika estera u ta’ sigurtà komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–lill-korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-Unjoni jew ta’ garanziji baġitarji, sa fejn tali korpi jkunu kkontrollati minn korpi tad-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu ta’ appoġġ mill-Unjoni.

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali

–    Il-proposta/l-inizjattiva ma tirrikjedix l-użu ta’ approprjazzjonijiet operazzjonali

–    Il-proposta/l-inizjattiva tirrikjedi l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

Is-sussidju tal-Unjoni lill-ESMA se jitnaqqas bl-ammonti murija fit-tabella ta’ hawn taħt:

L-approprjazzjonijiet u l-kontribuzzjoni tal-baġit tal-UE lill-Awtorità Bankarja Ewropea (EBA) se jiġu kkumpensati parzjalment bi tnaqqis fl-approprjazzjonijiet u fil-kontribuzzjoni tal-baġit tal-UE għall-Awtorità Ewropea tat-Titoli u s-swieq (ESMA) – li jirriżultaw fl-ammonti netti murija fit-tabelli ta’ hawn taħt.

miljuni ta’ EUR (sa tliet pożizzjonijiet deċimali)

3.2.1.2.Approprjazzjonijiet minn dħul assenjat estern 

miljuni ta’ EUR (sa tliet pożizzjonijiet deċimali)

3.2.2.Output stmat iffinanzjat minn approprjazzjonijiet operazzjonali 

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/l-inizjattiva ma tirrikjedix l-użu ta’ approprjazzjonijiet ta’ natura amministrattiva

–    Il-proposta/l-inizjattiva tirrikjedi l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

3.2.4.Rekwiżiti stmati ta’ riżorsi umani 

–    Il-proposta/l-inizjattiva ma tirrikjedix l-użu ta’ riżorsi umani

–    Il-proposta/l-inizjattiva tirrikjedi l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent) 43

Il-persunal meħtieġ għall-implimentazzjoni tal-proposta (f’FTEs):

Deskrizzjoni tal-kompiti li jridu jitwettqu:

3.2.5.Ħarsa ġenerali lejn l-impatt stmat fuq investimenti relatati ma’ teknoloġija diġitali 

Obbligatorju: fit-tabella ta’ hawn taħt għandha tiġi inkluża l-aħjar stima tal-investimenti relatati mat-teknoloġija diġitali li jirriżultaw mill-proposta/mill-inizjattiva.

B’mod eċċezzjonali, meta jkun meħtieġ għall-implimentazzjoni tal-proposta/tal-inizjattiva, l-approprjazzjonijiet skont l-Intestatura 7 għandhom jiġu ppreżentati fil-linja ddeżinjata.

L-approprjazzjonijiet skont l-Intestaturi 1-6 għandhom jiġu riflessi bħala “Nefqa tal-IT marbuta mal-politika fil-qafas ta’ programmi operazzjonali”. Din in-nefqa tirreferi għall-baġit operazzjonali li għandu jintuża għall-użu mill-ġdid/għax-xiri/għall-iżvilupp ta’ pjattaformi/għodod tal-IT relatati direttament mal-implimentazzjoni tal-inizjattiva u mal-investimenti assoċjati tagħhom (eż. liċenzji, studji, ħżin ta’ data eċċ.). L-informazzjoni pprovduta f’din it-tabella għandha tkun konsistenti mad-dettalji ppreżentati fit-Taqsima 4 “Dimensjonijiet diġitali”.

3.2.6.Kompatibbiltà mal-qafas finanzjarju pluriennali attwali 

Il-proposta/l-inizjattiva:

–    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

–    teħtieġ l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali ddefiniti fir-Regolament dwar il-QFP

–    teħtieġ reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/l-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

3.2.8.Riżorsi umani stmati u l-użu tal-approprjazzjonijiet meħtieġa f’aġenzija deċentralizzata 

Rekwiżiti tal-persunal (unitajiet ekwivalenti għall-full-time)

Approprjazzjonijiet koperti mill-kontribuzzjoni tal-baġit tal-UE f’miljuni ta’ EUR (sa tliet pożizzjonijiet deċimali)

Approprjazzjonijiet koperti minn tariffi, jekk applikabbli, f’miljuni ta’ EUR (sa tliet pożizzjonijiet deċimali)

Mhux applikabbli

Approprjazzjonijiet koperti minn kofinanzjament, jekk applikabbli, f’miljuni ta’ EUR (sa tliet pożizzjonijiet deċimali)

Il-kontribuzzjoni mill-awtoritajiet nazzjonali kompetenti lill-Awtorità Bankarja Ewropea se tiġi kkumpensata parzjalment minn tnaqqis fil-kontribuzzjonijiet mill-awtoritajiet nazzjonali kompetenti lill-Awtorità Ewropea tat-Titoli u s-Swieq.

Il-kontribuzzjonijiet mill-awtoritajiet kompetenti nazzjonali lill-ESMA se jitnaqqsu bl-ammonti murija fit-tabella ta’ hawn taħt, li jikkorrispondu għal FTE wieħed:

Ħarsa ġenerali/sommarju tar-riżorsi umani u l-approprjazzjonijiet (f’miljuni ta’ EUR) meħtieġa mill-proposta/inizjattiva f’aġenzija deċentralizzata

Is-sussidju tal-Unjoni u l-kontribuzzjoni mill-awtoritajiet kompetenti nazzjonali lill-Awtorità Bankarja Ewropea se jiġu kkumpensati parzjalment bi tnaqqis tas-sussidju u l-kontribuzzjoni lill-Awtorità Ewropea tat-Titoli u s-Swieq.

L-għadd ta’ persunal tal-ESMA se jitnaqqas b’FTE wieħed, li jippermetti tnaqqis fis-sussidju tal-Unjoni u l-kontribuzzjoni mill-awtoritajiet kompetenti nazzjonali lill-ESMA, kif muri fit-tabella ta’ hawn taħt:

3.3.Impatt stmat fuq id-dħul 

–    Il-proposta/l-inizjattiva ma għandha l-ebda impatt finanzjarju fuq id-dħul.

–    Il-proposta/l-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    jekk jogħġbok indika, jekk id-dħul hux assenjat għal-linji tan-nefqa

miljuni ta’ EUR (sa tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

4.Dimensjonijiet diġitali

L-emendi proposti tar-Regolament (UE) 2017/2402 ma jimmodifikawx b’mod sostanzjali l-infrastruttura u l-proċessi diġitali li jappoġġaw l-implimentazzjoni tar-Regolament. Konsegwentement, il-proposta titqies li ma għandha l-ebda rilevanza diġitali.

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

(1)    Letta, E. (2024). Much more than a market - Speed, Security, Solidarity. Empowering the Single Market to deliver a sustainable future and prosperity for all EU Citizens.

(2)    Draghi, M. (2024). The Future of European Competitiveness—A Competitiveness Strategy for Europe. 

(3)     Il-konklużjonijiet tal-Kunsill Ewropew ta’ Marzu 2024 .

(4)     Il-konklużjonijiet tal-Kunsill Ewropew ta’ Marzu 2025.

(5)    Feedback dwar is-sejħa għal evidenza dwar ir-rieżami tal-Qafas tat-Titolizzazzjoni, id-19 ta’ Frar 2025 – is-26 ta’ Marzu 2025, europa.eu ; feedback dwar konsultazzjoni mmirata dwar il-funzjonament tal-qafas tat-titolizzazzjoni tal-UE tal-2024, id-9 ta’ Ottubru – l-4 ta’ Diċembru 2024, finance.ec.europa.eu .

(6)    https://finance.ec.europa.eu/document/download/13085856-09c8-4040-918e-890a1ed7dbf2_en?filename=250319-communication-savings-investmlents-union_mt.pdf

(7)    Ir-Regolament (UE) 2017/2402 tal-Parlament Ewropew u tal-Kunsill tat-12 ta’ Diċembru 2017 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata, u li jemenda d-Direttivi 2009/65/KE, 2009/138/KE u 2011/61/UE u r-Regolamenti (KE) Nru 1060/2009 u (UE) Nru 648/2012, ĠU L 347, 28.12.2017, p. 35, ELI:  http://data.europa.eu/eli/reg/2017/2402/oj ).

(8)    Ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012, ĠU L 176, 27.6.2013, p. 1, ELI:  http://data.europa.eu/eli/reg/2013/575/oj ).

(9)    Ir-Regolament ta’ Delega tal-Kummissjoni (UE) 2015/61 tal-10 ta’ Ottubru 2014 li jissupplimenta r-Regolament (UE) Nru 575/2013 tal-Parlament Ewropew u tal-Kunsill rigward ir-rekwiżit ta’ kopertura tal-likwidità għall-Istituzzjonijiet ta’ Kreditu, ĠU L 11 17.1.2015, p. 1, ELI:  http://data.europa.eu/eli/reg_del/2015/61/oj ).))

(10)    Ir-Regolament ta’ Delega tal-Kummissjoni (UE) 2015/35 tal-10 ta’ Ottubru 2014 li jissupplimenta d-Direttiva 2009/138/UE tal-Parlament Ewropew u tal-Kunsill dwar il-bidu u l-eżerċizzju tan-negozju tal-Assigurazzjoni u r-Riassigurazzjoni (Solvenza II) (ĠU L 12, 17.1.2015, p. 1, ELI:  http://data.europa.eu/eli/reg_del/2015/35/oj )

(11)    Id-Direttiva 2011/61/UE tal-Parlament Ewropew u tal-Kunsill tat-8 ta’ Ġunju 2011 dwar Maniġers ta’ Fondi ta’ Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010, ĠU L 174, 1.7.2011, p. 1, ELI:  http://data.europa.eu/eli/dir/2011/61/oj ).

(12)    Id-Direttiva 2009/65/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal- impriżi ta’ investiment kollettiv f’titoli trasferibbli (UCITS) (riformulazzjoni), ĠU L 302, 17.11.2009, p. 32, ELI: http://data.europa.eu/eli/dir/2009/65/oj).

(13)    Il-bidliet immirati fis-superviżjoni għandhom l-għan li jtejbu l-funzjonament effettiv tas-superviżjoni taħt il-qafas eżistenti. Dawk l-aġġustamenti għandhom l-għan li jappoġġaw prattiki superviżorji aktar konsistenti u jiffaċilitaw l-attività ta’ titolizzazzjoni transfruntiera fl-Unjoni. Billi jiċċaraw ċerti aspetti u jiżguraw delineazzjoni aktar ċara tar-responsabbiltajiet, l-emendi proposti huma mistennija li jrawmu konverġenza superviżorja akbar mingħajr ma jimponu obbligi ġodda sinifikanti fuq il-partijiet ikkonċernati

(14)    Disponibbli fuq https://finance.ec.europa.eu/regulation-and-supervision/consultations-0/targeted-consultation-functioning-eu-securitisation-framework-2024_en

(15)     Titoli u swieq - rieżami tal-Qafas tat-Titolizzazzjoni

(16)    Rispondent wieħed għamel żewġ kontributi separati (sostanzjalment simili); rispondent ieħor issottometta tliet kontributi separati. Għalhekk, waslu 37 kontribut, minn 34 rispondent individwali.

(17)    Ir-rispondenti li kienu diġà wieġbu għall-konsultazzjoni mmirata rrappreżentaw: 7 kumpaniji/negozji, 15-il assoċjazzjoni tan-negozju, 2 organizzazzjonijiet mhux governattivi (NGOs, non-governmental organisations), 2 rispondenti tali identifikati bħala “oħrajn”

(18)     https://www.eiopa.europa.eu/system/files/2021-05/jc-2021-31-jc-report-on-the-implementation-and-functioning-of-the-securitisation-regulation.pdf

(19)    Ir-Regolament (UE) 2017/2402 tal-Parlament Ewropew u tal-Kunsill tat-12 ta’ Diċembru 2017 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata, u li jemenda d-Direttivi 2009/65/KE, 2009/138/KE u 2011/61/UE u r-Regolamenti (KE) Nru 1060/2009 u (UE) Nru 648/2012 (ĠU L 347, 28.12.2017, p. 35, ELI: http://data.europa.eu/eli/reg/2017/2402/oj).

(20)    Ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1, ELI: http://data.europa.eu/eli/reg/2013/575/oj).

(21)    Ir-Regolament Delegat tal-Kummissjoni (UE) 2015/61 tal-10 ta’ Ottubru 2014 li jissupplimenta r-Regolament (UE) Nru 575/2013 tal-Parlament Ewropew u tal-Kunsill rigward ir-rekwiżit ta’ kopertura tal-likwidità għall-Istituzzjonijiet ta’ Kreditu (ĠU L 11, 17.1.2015, p. 1, ELI:  http://data.europa.eu/eli/reg_del/2015/61/oj ).

(22)    Ir-Regolament (UE) 2015/1017 tal-Parlament Ewropew u tal-Kunsill tal-25 ta’ Ġunju 2015 dwar il-Fond Ewropew għall-Investimenti Strateġiċi, iċ-Ċentru Ewropew ta’ Konsulenza għall-Investimenti u l-Portal Ewropew ta’ Proġetti ta’ Investiment u li jemenda r-Regolamenti (UE) Nru 1291/2013 u (UE) Nru 1316/2013 — il-Fond Ewropew għall-Investimenti Strateġiċi (ĠU L 169, 1.7.2015, p. 1).

(23)    Ir-Regolament Delegat tal-Kummissjoni (UE) 2020/1224 tas-16 ta’ Ottubru 2019 li jissupplimenta r-Regolament (UE) 2017/2402 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw l-informazzjoni u d-dettalji ta’ titolizzazzjoni li għandhom jitqiegħdu għad-dispożizzjoni mill-oriġinatur, mill-isponsor u mill-SSPE u r-Regolament ta’ Implimentazzjoni tal-Kummissjoni (UE) 2020/1225 tad-29 ta’ Ottubru 2019 li jistabbilixxi standards tekniċi ta’ implimentazzjoni fir-rigward tal-format u l-mudelli standardizzati biex l-informazzjoni u d-dettalji ta’ titolizzazzjoni mill-oriġinatur, l-isponsor u l-SSPE jiġu magħmulin disponibbli (ĠU L 289, 3.9.2020, p. 1, ELI: http://data.europa.eu/eli/reg_del/2020/1224/oj).

(24)    Ir-Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (ĠU L 287, 29.10.2013, p. 63, ELI: http://data.europa.eu/eli/reg/2013/1024/oj).

(25)    Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea), li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12, ELI: http://data.europa.eu/eli/reg/2010/1093/oj?locale=mt).

(26)    Ir-Regolament (UE) Nru 1094/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol), u li jemenda d-Deċiżjoni Nru 716/2009/KE u li jħassar id-Deċiżjoni tal-Kummissjoni 2009/79/KE (ĠU L 331, 15.12.2010, p. 48)

(27)    Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84)

(28)    Ir-Regolament (UE) 2021/557 tal-Parlament Ewropew u tal-Kunsill tal-31 ta’ Marzu 2021 li jemenda r-Regolament (UE) 2017/2402 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata biex jgħin l-irkupru mill-kriżi tal-COVID-19 (ĠU L 116, 6.4.2021, p. 1, ELI: http://data.europa.eu/eli/reg/2021/557/oj).

(29)    Ir-Regolament (UE) 2017/1129 tal-Parlament Ewropew u tal-Kunsill tal-14 ta’ Ġunju 2017 dwar il-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f’suq regolat, u li jħassar id-Direttiva 2003/71/KE (ĠU L 168, 30.6.2017, p. 12, ELI:  http://data.europa.eu/eli/reg/2017/1129/oj ).

(30)    Id-Direttiva 2014/65/UE tal-Parlament Ewropew u tal-Kunsill tal-15 ta’ Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (riformulazzjoni) (ĠU L 173 12.6.2014, p. 349, ELI:  http://data.europa.eu/eli/dir/2014/65/oj ).”;

(31)    Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/KE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, p. 190, ELI:  http://data.europa.eu/eli/dir/2014/59/oj ).

(32)    Ir-Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU L 225, 30.7.2014, p. 1, ELI:  http://data.europa.eu/eli/reg/2014/806/oj ).

(33)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.

(34)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fis-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx .

(35)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(36)    EFTA: Assoċjazzjoni Ewropea tal-Kummerċ Ħieles.

(37)    Pajjiżi kandidati u, fejn applikabbli, kandidati potenzjali mill-Balkani tal-Punent.

(38)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew azzjonijiet tal-UE (li qabel kienu l-linji “BA”), riċerka indiretta u riċerka diretta.

(39)    L-approprjazzjonijiet meħtieġa jenħtieġ li jiġu ddeterminati bl-użu taċ-ċifri relatati mal-kostijiet medji annwali disponibbli fuq il-paġna web xierqa tal-BUDGpedia.

(40)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew azzjonijiet tal-UE (li qabel kienu l-linji “BA”), riċerka indiretta u riċerka diretta.

(41)    L-outputs huma l-prodotti u s-servizzi li jridu jiġu pprovduti (eż.: l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(42)    Kif deskritt fit-Taqsima 1.3.2. “Objettiv(i) speċifiku/speċifiċi”

(43)    Speċifika taħt it-tabella, kemm mill-FTEs fl-għadd indikat huma diġà assenjati għall-ġestjoni tal-azzjoni u/jew jistgħu jiġu riallokati fid-DĠ tiegħek, u x’inhuma l-ħtiġijiet netti tiegħek.

(44)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.