IL-KUMMISSJONI EWROPEA

Brussell, 2.7.2025

COM(2025) 524 final

2025/0524(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2021/1119 li jistabbilixxi l-qafas biex tinkiseb in-newtralità klimatika

{SWD(2025) 524 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

•Konsistenza mad-dispożizzjonijiet eżistenti fil-qasam ta’ politika kkonċernat

•Konsistenza ma’ politiki oħra tal-Unjoni

L-inizjattiva hija marbuta ma’ ħafna oqsma ta’ politika oħrajn, peress li l-azzjonijiet u l-politiki kollha tal-UE għandhom irawmu l-kompetittività tal-UE, u tranżizzjoni ġusta lejn in-newtralità klimatika u futur sostenibbli. Bil-Boxxla għall-Kompetittività u l-Patt għal Industrija Nadifa, il-Kummissjoni stabbiliet il-perkors biex terġa’ tingħata spinta lid-dinamiżmu ekonomiku fl-UE bi strateġija ta’ tkabbir u prosperità li tgħaqqad flimkien il-klima u l-kompetittività. Il-Patt għal Industrija Nadifa għal industriji kompetittivi u impjiegi ta’ kwalità jistabbilixxi l-pjan ta’ ħidma biex jiġu appoġġati u jinħolqu l-kundizzjonijiet it-tajba għall-kumpaniji biex jilħqu għanijiet komuni ta’ dekarbonizzazzjoni u biex jibbenefikaw mis-suq globali li qed jespandi malajr għal teknoloġiji b’emissjonijiet żero netti, li huwa pproġettat li jittrippla għal valur annwali ta’ madwar EUR 600 biljun globalment sal-2030 6 . Sabiex tinkiseb il-kompetittività fit-tul tal-industrija tal-UE hekk kif din tgħaddi minn tranżizzjoni lejn in-newtralità klimatika, il-Patt għal Industrija Nadifa jipprevedi diversi miżuri, inkluż Qafas għall-Għajnuna mill-Istat tal-Patt għal Industrija Nadifa ġdid, l-istabbiliment ta’ Bank għad-Dekarbonizzazzjoni Industrijali li se jkollu l-għan li jimmobilizza sa EUR 100 biljun f’finanzjament għal proġetti ta’ dekarbonizzazzjoni innovattivi, qafas tal-akkwist pubbliku rivedut biex jappoġġa l-iżvilupp ta’ swieq ewlenin għal teknoloġiji u prodotti nodfa. Il-Patt għal Industrija Nadifa jipprevedi wkoll inizjattivi biex jittejjeb l-aċċess għal materjali kritiċi, biex jiġu promossi metodi ta’ produzzjoni ċirkolari u biex jiġu żgurati kundizzjonijiet ekwi għall-industrija tal-UE. L-innovazzjoni għandha rwol ċentrali f’dawn l-isforzi kollha, billi tixpruna l-iżvilupp u l-użu ta’ teknoloġiji rivoluzzjonarji, taċċellera t-trasformazzjoni industrijali, u tippermetti lill-kumpaniji tal-UE jkunu minn ta’ quddiem fl-ekonomija globali b’emissjonijiet żero netti. L-Unjoni għandha l-għan li żżid il-produzzjoni sostenibbli u reżiljenti fl-Ewropa u għandha toħloq il-kundizzjonijiet it-tajba biex jiġi attirat l-investiment privat u pubbliku tul il-katina tal-valur. Dawn l-isforzi se jgħinu t-tiġdid industrijali tal-UE filwaqt li jnaqqsu l-impronta ambjentali tagħha u jsaħħu r-reżiljenza tal-ktajjen tal-provvista tagħha.

Il-kundizzjonijiet ekwi għan-negozji fl-Ewropa u globalment jinħolqu tassew meta pajjiżi oħrajn jadottaw ipprezzar tal-karbonju għalihom, li jikkontribwixxi wkoll għal żieda fl-ambizzjoni klimatika globali. It-Task Force għad-Diplomazija tas-Swieq tal-Karbonju u tal-Ipprezzar tal-Karbonju Internazzjonali tal-Kummissjoni tkompli tinvolvi ruħha mal-pajjiżi sħab u tappoġġahom biex jistabbilixxu swieq tal-karbonju u jiżviluppaw approċċ globali għall-ipprezzar tal-karbonju. Wara l-fażi tranżizzjonali attwali, il-Mekkaniżmu ta’ Aġġustament tal-Karbonju fil-Fruntieri (CBAM, Carbon Border Adjustment Mechanism) se japplika fir-reġim definittiv tiegħu mill-2026. Billi jikkonferma li jkun tħallas prezz għall-emissjonijiet tal-karbonju inkorporati ġġenerati fil-produzzjoni ta’ ċerti oġġetti importati fl-UE, is-CBAM se jiżgura li l-prezz tal-karbonju tal-importazzjonijiet ikun ekwivalenti għall-prezz tal-karbonju tal-produzzjoni domestika, u li l-objettivi klimatiċi tal-UE ma jiġux imminati. Barra minn hekk, il-Komunikazzjoni “It-twettiq tal-Patt dwar l-Industrija Nadifa” tat-2 ta’ Lulju ħabbret miżuri addizzjonali li se jnaqqsu r-riskju ta’ rilokazzjoni tal-emissjonijiet tal-karbonju għall-esportaturi Ewropej tal-merkanzija tas-CBAM.

2.BAŻI LEGALI, SUSSIDJARJETÀ U PROPORZJONALITÀ

•Bażi legali

•Sussidjarjetà (għall-kompetenza mhux esklużiva)

Mira klimatika għall-Unjoni kollha għall-2040 se jkollha implikazzjonijiet fl-ekonomija kollha tal-UE. Hija meħtieġa biex tiggwida firxa wiesgħa ta’ politiki tal-UE u se tkun tirrikjedi reazzjonijiet ta’ politika fil-livell tal-UE, lil hinn mill-politika dwar it-tibdil fil-klima. Permezz ta’ azzjoni kkoordinata, se jkun possibbli li jitqiesu l-kapaċitajiet differenti tal-Istati Membri u tar-reġjuni biex jaġixxu u jużaw is-setgħa tas-suq uniku tal-UE bħala mutur għal bidla kosteffiċjenti. Barra minn hekk, l-azzjoni klimatika kkoordinata fil-livell tal-UE hija ta’ importanza għall-azzjoni klimatika internazzjonali, b’mod partikolari bil-għan li jiġi ddeterminat il-Kontribut Stabbilit fil-Livell Nazzjonali tal-UE skont il-Ftehim ta’ Pariġi li għandu jiġi kkomunikat fil-ħarifa tal-2025.

•Proporzjonalità

Il-proposta għandha l-għan li tipprovdi direzzjoni billi tiddefinixxi aktar il-perkors lejn in-newtralità klimatika. Ma tippreskrivix politiki, teknoloġiji jew miżuri speċifiċi, u tħalli l-flessibbiltà lill-Istati Membri, filwaqt li tqis il-qafas regolatorju sabiex jintlaħqu l-miri għat-tnaqqis tal-emissjonijiet ta’ gassijiet serra. Ir-rapport dwar il-valutazzjoni tal-impatt li jakkumpanja l-Komunikazzjoni dwar il-mira klimatika għall-2040 9 sab li tnaqqis ta’ 90-95 % (għażla 3) kien l-aktar proporzjonat biex l-ekonomija tal-UE ssir newtrali għall-klima sal-2050 u biex l-UE tikkontribwixxi għall-azzjoni klimatika globali f’konformità mal-miri għat-temperatura tal-Ftehim ta’ Pariġi li ż-żieda fit-temperatura tiġi limitata għal ferm inqas minn 2 °C ’il fuq mil-livelli preindustrijali u li jiġu segwiti sforzi biex iż-żieda fit-temperatura tiġi limitata għal 1,5 °C ’il fuq mil-livelli preindustrijali.

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Konsultazzjonijiet mal-partijiet ikkonċernati

•Valutazzjoni tal-impatt

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar

•Spjegazzjoni fid-dettall tad-dispożizzjonijiet speċifiċi tal-proposta

2025/0524 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2021/1119 li jistabbilixxi l-qafas biex tinkiseb in-newtralità klimatika

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea u, b’mod partikolari l-Artikolu 192(1) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 18 ,

Wara li kkunsidraw l-opinjoni tal-Kumitat tar-Reġjuni 19 ,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)L-eżitu tal-ewwel rendikont globali 20 skont il-Ftehim ta’ Pariġi 21 , konkluż fil-Konferenza tan-Nazzjonijiet Uniti dwar it-Tibdil fil-Klima fi tmiem l-2023, sab li l-partijiet qed idaħħlu fis-seħħ politiki dejjem aktar effettivi dwar il-klima, iżda li hija meħtieġa azzjoni addizzjonali urġenti biex id-dinja titqiegħed fit-triq it-tajba biex jintlaħqu l-għanijiet tal-Ftehim ta’ Pariġi.

(2)Permezz tal-adozzjoni tar-Regolament (UE) 2021/1119 tal-Parlament Ewropew u tal-Kunsill 22 , l-Unjoni naqqxet fil-leġiżlazzjoni objettiv vinkolanti ta’ newtralità klimatika fl-ekonomija kollha sal-2050, u b’hekk tnaqqas l-emissjonijiet għal żero netti sa dik id-data, u l-għan li jinkisbu emissjonijiet negattivi minn hemm ’il quddiem, stabbilixxa mira klimatika intermedja vinkolanti tal-Unjoni għall-2030 u ppreveda l-istabbiliment ta’ mira klimatika intermedja għall-Unjoni kollha għall-2040.

(3)Filwaqt li qieset il-parir xjentifiku tal-Bord Konsultattiv Xjentifiku Ewropew dwar it-Tibdil fil-Klima u abbażi ta’ Valutazzjoni tal-Impatt dettaljata, il-Kummissjoni ppreżentat mira rakkomandata ta’ tnaqqis ta’ 90 % fl-emissjonijiet netti ta’ gassijiet serra meta mqabbla mal-livelli tal-1990 għall-2040 fil-Komunikazzjoni tagħha tas-6 ta’ Frar 2024 bit-titolu “Niżguraw il-futur tagħna: Il-mira klimatika tal-Ewropa għall-2040 u l-perkors għan-newtralità klimatika sal-2050 aħna u nibnu soċjetà sostenibbli, prospera u ġusta” 23 .

(4)Sabiex tipproponi l-mira klimatika tal-Unjoni għall-2040, il-Kummissjoni qieset l-aħjar evidenza xjentifika disponibbli u dik l-aktar reċenti, inklużi l-aħħar rapporti tal-Grupp Intergovernattiv ta’ Esperti dwar it-Tibdil fil-Klima (IPCC, Intergovernmental Panel on Climate Change) u tal-Bord Konsultattiv; l-impatti soċjali, ekonomiċi u ambjentali, inklużi l-kostijiet ta’ nuqqas ta’ azzjoni; il-ħtieġa li tiġi żgurata tranżizzjoni ġusta u soċjalment ekwa għal kulħadd; il-kosteffettività u l-effiċjenza ekonomika; il-kompetittività tal-ekonomija tal-Unjoni, b’mod partikolari tal-intrapriżi żgħar u ta’ daqs medju u s-setturi l-aktar esposti għal rilokazzjoni tal-emissjonijiet tal-karbonju; l-aqwa teknoloġiji kosteffettivi, sikuri u skalabbli disponibbli; l-effiċjenza enerġetika u l-prinċipju “l-effiċjenza enerġetika tiġi l-ewwel”, l-affordabbiltà tal-enerġija u s-sigurtà tal-provvista; l-ekwità u s-solidarjetà bejn l-Istati Membri u fi ħdanhom; il-ħtieġa li jiġu żgurati l-effettività ambjentali u l-fatt li jsir progress maż-żmien; il-ħtieġa li l-bjar naturali jinżammu, jiġu ġestiti u jiġu mtejba fit-tul u li l-bijodiversità tiġi mħarsa u rrestawrata inkluż l-ambjent tal-baħar; il-ħtiġijiet u l-opportunitajiet b’rabta mal-investiment; l-iżviluppi u l-isforzi li saru fil-livell internazzjonali biex jintlaħqu l-objettivi fit-tul tal-Ftehim ta’ Pariġi u l-objettiv aħħari tal-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC, United Nations Framework Convention on Climate Change); l-informazzjoni eżistenti dwar il-baġit indikattiv ipprojettat tal-Unjoni għall-gassijiet serra għall-perjodu 2030-2050.

(5)Sabiex tintlaħaq il-mira klimatika għall-2040, huwa essenzjali li, fost l-oħrajn, jiġi implimentat bis-sħiħ il-qafas maqbul għall-2030, jiġi żgurat u pprovdut appoġġ għall-kompetittività u r-reżiljenza tal-industrija Ewropea, jiġu żgurati perkorsi ta’ tranżizzjoni bbażati fuq l-aħjar teknoloġiji kosteffettivi, sikuri u skalabbli disponibbli, tiġi stabbilita enfasi akbar fuq tranżizzjoni ġusta li ma tħalli lil ħadd lura, tiġi żgurata kompetizzjoni ġusta mas-sħab internazzjonali, tiġi dekarbonizzata s-sistema tal-enerġija bis-soluzzjonijiet kollha tal-enerġija b’emissjonijiet żero u baxxi tal-karbonju (inklużi l-enerġija rinnovabbli, l-enerġija nukleari, l-effiċjenza enerġetika, il-ħżin, is-CCS, is-CCU, l-assorbimenti tal-karbonju, l-enerġija ġeotermali u l-idroenerġija, u t-teknoloġiji l-oħra kollha attwali u futuri tal-enerġija b’emissjonijiet żero netti), u jiġi organizzat djalogu strateġiku dwar il-qafas ta’ wara l-2030 mas-setturi rilevanti kollha. Bil-Patt għal Industrija Nadifa, l-UE qed tistabbilixxi l-kundizzjonijiet għal tranżizzjoni b’suċċess, li tiffoka kemm fuq id-dekarbonizzazzjoni kif ukoll fuq it-tiġdid industrijali, inklużi mekkaniżmi ta’ appoġġ għall-industrija Ewropea, aċċess aħjar għall-finanzi pubbliċi u privati, kundizzjonijiet ekwi globali, u kundizzjonijiet abilitanti ċari għall-adozzjoni u l-iskalar ta’ teknoloġiji nodfa, sabiex jissaħħu l-kompetittività industrijali u l-innovazzjoni fl-UE.

(6)Fid-dawl tal-objettiv tan-newtralità klimatika għall-2050, sal-2040 l-emissjonijiet ta’ gassijiet serra jenħtieġ li jitnaqqsu u l-assorbimenti jiżdiedu, sabiex l-emissjonijiet netti ta’ gassijiet serra, jiġifieri l-emissjonijiet wara t-tnaqqis tal-assorbimenti, jitnaqqsu fl-ekonomija kollha b’90 % sal-2040 meta mqabbla mal-livelli tal-1990.

(7)Jenħtieġ li tingħata prijorità lit-tnaqqis domestiku fl-emissjonijiet tal-gassijiet serra, filwaqt li jiġi kkomplementat b’żieda fl-assorbimenti, inkluż permezz ta’ soluzzjonijiet kemm naturali kif ukoll teknoloġiċi. Fl-iżvilupp tal-pakkett ta’ politika ta’ wara l-2030, jenħtieġ li tingħata attenzjoni xierqa lill-kontribut tat-tnaqqis gross tal-emissjonijiet meta mqabbel mal-assorbimenti naturali u teknoloġiċi. L-assorbimenti bbażati fuq in-natura u dawk industrijali se jaqdu rwol dejjem akbar fl-ekonomija tal-Unjoni fid-deċennji li ġejjin, fid-dawl tal-ħtieġa li jiġu bbilanċjati l-emissjonijiet u l-assorbimenti tal-gassijiet serra sa mhux aktar tard mill-2050 u li jinkisbu emissjonijiet negattivi minn hemm ’il quddiem. Se jiġu żviluppati inċentivi fl-okkażjoni tar-rieżami tad-Direttiva 2003/87/KE tal-Parlament Ewropew u tal-Kunsill 24 fl-2026, fejn il-Kummissjoni tbassar li se tipprevedi assorbimenti permanenti domestiċi tal-karbonju fis-sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni (“EU ETS”, EU Emissions Trading System) biex tikkumpensa għall-emissjonijiet residwi minn setturi diffiċli sabiex jitrażżnu.

(8)L-Unjoni għandha stabbilit qafas regolatorju biex tilħaq il-mira klimatika għall-2030. Fost il-leġiżlazzjoni li timplimenta dik il-mira nsibu d-Direttiva 2003/87/KE li tistabbilixxi l-EU ETS, ir-Regolament (UE) 2018/842 tal-Parlament Ewropew u tal-Kunsill 25 , li daħħal miri nazzjonali għat-tnaqqis tal-emissjonijiet tal-gassijiet b’effett ta’ serra sal-2030, u r-Regolament (UE) 2018/841 tal-Parlament Ewropew u tal-Kunsill 26 li jistabbilixxi miri tal-assorbiment nett tal-karbonju għas-settur tal-użu tal-art. Il-Kummissjoni jenħtieġ li tivvaluta kif il-leġiżlazzjoni rilevanti tal-Unjoni jeħtieġ li tiġi emendata sabiex tintlaħaq il-mira klimatika għall-2040. Meta tfassal l-arkitettura futura, jenħtieġ li l-Kummissjoni tħejji valutazzjonijiet tal-impatt dettaljati, inklużi l-impatti fuq il-kompetittività u l-intrapriżi żgħar u ta’ daqs medju, u tikkunsidra li tieħu l-miżuri meħtieġa, inklużi proposti leġiżlattivi kif xieraq. Jenħtieġ li jiġu riflessi b’mod xieraq għadd ta’ elementi biex tiġi ffaċilitata l-kisba tal-mira għall-2040, inkluż kontribut limitat potenzjali għall-mira tal-2040 ta’ krediti internazzjonali ta’ kwalità għolja skont l-Artikolu 6 tal-Ftehim ta’ Pariġi, fit-tieni parti tad-deċennju 2030–2040, f’konformità mar-regoli kontabilistiċi tal-Ftehim ta’ Pariġi; ir-rwol tal-assorbimenti permanenti domestiċi (Qbid tal-Emissjonijiet Bijoġeniċi bil-Ħżin tal-Karbonju (BioCCS, Biogenic Emissions Capture with Carbon Storage) u Qbid mill-Arja bil-Ħżin tal-Karbonju (DACCS, Direct Air Capture with Carbon Storage)) fl-EU ETS; aktar flessibbiltà fost is-setturi. Sabiex jiġu vvalutati l-impatti soċjali, ekonomiċi u ambjentali, l-arkitettura futura jenħtieġ li tkun ibbażata fuq valutazzjonijiet tal-impatt robusti. L-arkitettura futura jenħtieġ li trawwem ukoll il-konverġenza filwaqt li tqis l-ekwità u l-ispeċifiċitajiet tal-Istati Membri, inklużi dawk tal-gżejjer u tar-reġjuni ultraperiferiċi.

(9)Minħabba li l-objettiv ta’ dan ir-Regolament, jiġifieri li tiġi stabbilita mira klimatika għall-Unjoni kollha għall-2040, ma jistax jintlaħaq b’mod suffiċjenti mill-Istati Membri iżda pjuttost jista’, minħabba l-iskala jew l-effetti tiegħu, jintlaħaq aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv.

(10)Għaldaqstant, jenħtieġ li r-Regolament (UE) 2021/1119 jiġi emendat skont dan,

ADOTTAW DAN IR-REGOLAMENT:

Artikolu 1

Emendi tar-Regolament (UE) 2021/1119

Ir-Regolament (UE) 2021/1119 huwa emendat kif ġej:

(1) fl-Artikolu 1, it-tieni paragrafu, tiżdied is-sentenza li ġejja:

“Dan ir-Regolament jistabbilixxi wkoll mira vinkolanti tal-Unjoni għall-2040.”;

(2) fl-Artikolu 4, il-paragrafi 3, 4 u 5 huma sostitwiti b’dan li ġej:

“3. Sabiex jintlaħaq l-objettiv tan-newtralità klimatika stabbilit fl-Artikolu 2(1), il-mira klimatika vinkolanti tal-Unjoni għall-2040 għandha tkun tnaqqis tal-emissjonijiet netti ta’ gassijiet b’effett serra (emissjonijiet wara t-tnaqqis tal-assorbimenti) b’90 % sal-2040 meta mqabbla mal-livelli tal-1990.

4. Bi tħejjija għall-perjodu wara l-2030, il-Kummissjoni għandha twettaq rieżami tal-leġiżlazzjoni rilevanti tal-Unjoni sabiex tippermetti l-ilħuq tal-mira stabbilita fil-paragrafu 3 ta’ dan l-Artikolu u l-objettiv tan-newtralità klimatika stabbilit fl-Artikolu 2(1) u tikkunsidra li tieħu l-miżuri meħtieġa, kif xieraq u abbażi ta’ valutazzjoni tal-impatt dettaljata, f’konformità mat-Trattati.

Filwaqt li xi politiki abilitanti diġà ġew implimentati u l-impatt tagħhom diġà huwa viżibbli, dan għadu mhuwiex il-każ għal kollox. Il-Kummissjoni għandu jkollha l-għan li taċċellera u ssaħħaħ il-qafas ta’ abilitazzjoni biex tiżgura li jkun hemm fis-seħħ kundizzjonijiet li jappoġġaw lill-industrija u liċ-ċittadini Ewropej matul it-tranżizzjoni, b’rispett sħiħ tad-dritt tal-UE.

Fil-qafas tar-rieżami msemmi fl-ewwel subparagrafu, sabiex jiġi ffaċilitat l-ilħuq tal-mira stabbilita fil-paragrafu 3 ta’ dan l-Artikolu, il-Kummissjoni għandha tiżgura li l-elementi li ġejjin ikunu riflessi kif xieraq fil-proposti leġiżlattivi:

(a)Mill-2036, kontribut limitat possibbli lejn il-mira għall-2040 minn krediti internazzjonali ta’ kwalità għolja skont l-Artikolu 6 tal-Ftehim ta’ Pariġi ta’ 3 % tal-emissjonijiet netti tal-UE għall-1990 li jappoġġaw lill-UE u lil pajjiżi terzi fl-ilħuq ta’ trajettorji ta’ tnaqqis fl-emissjonijiet netti ta’ gassijiet serra kompatibbli mal-objettiv tal-Ftehim ta’ Pariġi biex iż-żieda fit-temperatura medja globali tinżamm sew taħt 2 °C, u jsiru sforzi biex iż-żieda fit-temperatura tiġi limitata għal 1,5 °C iżjed mil-livelli preindustrijali – l-oriġini, il-kriterji ta’ kwalità u kundizzjonijiet oħrajn li jikkonċernaw l-akkwist u l-użu ta’ kwalunkwe kreditu bħal dan għandhom ikunu rregolati fid-dritt tal-Unjoni;

(b)ir-rwol tal-assorbimenti permanenti domestiċi fis-sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni (“EU ETS”, EU Emissions Trading System) biex jikkumpensaw għall-emissjonijiet residwi minn setturi diffiċli sabiex jitrażżnu;

(c)flessibbiltà akbar fis-setturi kollha, biex jiġi appoġġat l-ilħuq tal-miri b’mod kosteffettiv;

(d)Il-miri u l-isforzi tal-Istati Membri għal wara l-2030 għandhom jirriflettu l-kosteffiċjenza u s-solidarjetà, fid-dawl taċ-ċirkostanzi nazzjonali;

(e)l-aqwa evidenza xjentifika disponibbli u dik l-aktar reċenti, inklużi l-aħħar rapporti tal-IPCC u tal-Bord Konsultattiv;

(f)l-impatti soċjali, ekonomiċi u ambjentali;

(g)il-kostijiet tan-nuqqas ta’ azzjoni u l-benefiċċji ta’ azzjoni fuq perjodu ta’ żmien medju sa twil;

(h)il-ħtieġa li tiġi żgurata tranżizzjoni ġusta u soċjalment ekwa għal kulħadd;

(i)is-simplifikazzjoni, in-newtralità teknoloġika, il-kosteffettività, l-effiċjenza ekonomika, u s-sigurtà ekonomika;

(j)l-azzjoni klimatika bħala mutur għall-investiment u għall-innovazzjoni;

(k)il-ħtieġa li tissaħħaħ il-kompetittività globali tal-ekonomija tal-Unjoni, b’mod partikolari tal-intrapriżi żgħar u ta’ daqs medju u s-setturi industrijali l-aktar esposti għal rilokazzjoni tal-karbonju, sabiex tiġi żgurata l-kompetizzjoni ġusta;

(l)l-aqwa teknoloġiji kosteffettivi, sikuri u skalabbli disponibbli;

(m)l-affordabbiltà tal-enerġija, is-sigurtà tal-provvista, l-effiċjenza enerġetika u l-prinċipju “l-effiċjenza enerġetika tiġi l-ewwel”;

(n)l-ekwità u s-solidarjetà bejn l-Istati Membri u fi ħdanhom;

(o)il-ħtieġa li jiġu żgurati l-effettività ambjentali u l-fatt li jsir progress maż-żmien;

(p)il-ħtieġa li l-bjar naturali jinżammu, jiġu ġestiti u jiġu mtejba fit-tul u li l-bijodiversità tiġi mħarsa u rrestawrata, kif ukoll li jitqiesu l-inċertezzi b’mod partikolari dawk marbuta mal-impatti tat-tibdil fil-klima fis-settur tal-użu tal-art;

(q)il-ħtiġijiet u l-opportunitajiet ta’ investiment, inkluż l-aċċess għall-finanzi pubbliċi u privati;

(r)l-iżviluppi u l-isforzi fil-livell internazzjonali biex jintlaħqu l-objettivi fit-tul tal-Ftehim ta’ Pariġi u l-objettiv aħħari tal-UNFCCC, kif ukoll l-appoġġ tal-Unjoni lis-sħab tagħha fl-indirizzar tat-tibdil fil-klima u l-impatti tiegħu.”.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA U DIĠITALI LEĠIŻLATTIVA

1.QAFAS TAL-PROPOSTA/TAL-INIZJATTIVA3

1.1.Titolu tal-proposta/tal-inizjattiva3

1.2.Qasam/Oqsma ta’ politika kkonċernat(i)3

1.3.Objettiv(i)3

1.3.1.Objettiv(i) ġenerali3

1.3.2.Objettiv(i) speċifiku/speċifiċi3

1.3.3.Riżultat(i) u impatt mistennija3

1.3.4.Indikaturi tal-prestazzjoni3

1.4.Il-proposta/L-inizjattiva hija relatata ma’:4

1.5.Raġunijiet għall-proposta/għall-inizjattiva4

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva4

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.4

1.5.3.Tagħlimiet meħuda minn esperjenzi simili fl-imgħoddi4

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra5

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni5

1.6.Durata tal-proposta/tal-inizjattiva u tal-impatt finanzjarju tagħha6

1.7.Metodu/i tal-implimentazzjoni tal-baġit ippjanat(i)6

2.MIŻURI TA’ ĠESTJONI8

2.1.Regoli ta’ monitoraġġ u ta’ rapportar8

2.2.Sistema/i ta’ ġestjoni u ta’ kontroll8

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta8

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom8

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)8

2.3.Miżuri għall-prevenzjoni ta’ frodi u ta’ irregolaritajiet9

3.IMPATT FINANZJARJU STMAT TAL-PROPOSTA/TAL-INIZJATTIVA10

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i10

3.2.Impatt finanzjarju stmat tal-proposta fuq l-approprjazzjonijiet12

3.2.1.Sommarju tal-impatt stmat fuq l-approprjazzjonijiet operazzjonali12

3.2.1.1.Approprjazzjonijiet mill-baġit ivvutat12

3.2.1.2.Approprjazzjonijiet minn dħul assenjat estern17

3.2.2.Output stmat iffinanzjat minn approprjazzjonijiet operazzjonali22

3.2.3.Sommarju tal-impatt stmat fuq l-approprjazzjonijiet amministrattivi24

3.2.3.1. Approprjazzjonijiet mill-baġit ivvutat24

3.2.3.2.Approprjazzjonijiet minn dħul assenjat estern24

3.2.3.3.Total tal-approprjazzjonijiet24

3.2.4.Rekwiżiti stmati ta’ riżorsi umani25

3.2.4.1.Iffinanzjati mill-baġit ivvutat25

3.2.4.2.Iffinanzjati minn dħul assenjat estern26

3.2.4.3.Rekwiżiti totali ta’ riżorsi umani26

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali28

3.2.6.Kompatibbiltà mal-qafas finanzjarju pluriennali attwali28

3.2.7.Kontribuzzjonijiet ta’ partijiet terzi28

3.3.Impatt stmat fuq id-dħul29

4.Dimensjonijiet diġitali29

4.1.Rekwiżiti ta’ rilevanza diġitali30

4.2.Data30

4.3.Soluzzjonijiet diġitali31

4.4.Valutazzjoni tal-interoperabbiltà31

4.5.Miżuri li jappoġġaw l-implimentazzjoni diġitali32

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/L-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 27  

✓ l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

 durata limitata

–    fis-seħħ minn [JJ/XX]SSSS sa [JJ/XX]SSSS

–    impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

✓ durata mhux limitata

–Implimentazzjoni b’perjodu tal-bidu mill-2025 sal-2026,

–segwita minn operazzjoni fuq skala sħiħa.

1.7.Metodu/i tal-implimentazzjoni tal-baġit ippjanat(i) 28   

✓ Ġestjoni diretta mill-Kummissjoni

–✓ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–    mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni tal-baġit:

– lill-pajjiżi terzi jew lill-korpi nnominati minnhom

– lill-organizzazzjonijiet internazzjonali u lill-aġenziji tagħhom (għandhom jiġu speċifikati)

– lill-Bank Ewropew tal-Investiment u lill-Fond Ewropew tal-Investiment

– lill-korpi msemmija fl-Artikoli 70 u 71 tar-Regolament Finanzjarju

– lill-korpi tad-dritt pubbliku

– lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

– lill-korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-Unjoni jew ta’ garanziji baġitarji, sa fejn dawn il-korpi jkunu kkontrollati minn korpi rregolati mid-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti garanziji finanzjarji adegwati fil-forma ta’ responsabbiltà in solidum mill-korpi kontrollanti jew garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu tal-appoġġ tal-Unjoni.

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–    Il-proposta/L-inizjattiva ma teħtieġx l-użu ta’ approprjazzjonijiet operazzjonali

–    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

miljuni ta’ EUR (sa tliet pożizzjonijiet deċimali)

miljuni ta' EUR (sa tliet pożizzjonijiet deċimali)

miljuni ta’ EUR (sa tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

3.2.4.Rekwiżiti stmati ta’ riżorsi umani 

–    Il-proposta/L-inizjattiva ma teħtieġx l-użu ta’ riżorsi umani

–    Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent) 35

Ma hija meħtieġa l-ebda riżorsa addizzjonali. It-tim kurrenti se jkompli jimmaniġġja l-inizjattiva. Ma huwa meħtieġ l-ebda persunal addizzjonali.

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

3.2.6.Kompatibbiltà mal-qafas finanzjarju pluriennali attwali 

Il-proposta/L-inizjattiva:

–    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

–    tirrikjedi l-użu tal-marġni mhux allokat skont l-intestatura rilevanti tal-QFP u/jew l-użu tal-istrumenti speċjali kif definiti fir-Regolament QFP

–    tirrikjedi reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/L-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

3.3.    Impatt stmat fuq id-dħul 

–    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    indika jekk id-dħul hux assenjat għal-linji tan-nefqa

miljuni ta’ EUR (sa tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

(1)    COM(2025) 30 final.

(2)     Ir-rapport ta’ Draghi dwar il-kompetittività tal-UE .

(3)    COM(2024) 63 final.

(4)    SWD(2024) 63 final.

(5)    SWD(2024) 63 final.

(6)    COM(2024) 163 final.

(7)     COM(2025) 79 final.

(8)    COM(2025) 96 final.

(9)    SWD(2024) 63 final.

(10)    Il-Bord Konsultattiv Xjentifiku Ewropew dwar it-Tibdil fil-Klima, Scientific advice for the determination of an EU-wide 2040 climate target and a greenhouse gas budget for 2030-2050, DOI: 10.2800/609405.

(11)    Il-Bord Konsultattiv Xjentifiku Ewropew dwar it-Tibdil fil-Klima, Towards EU climate neutrality: progress, policy gaps and opportunities, Assessment Report 2024, DOI:10.2800/216446.

(12)    Il-Bord Konsultattiv Xjentifiku Ewropew dwar it-Tibdil fil-Klima, Scientific advice for amending the European Climate Law – Setting climate goals to strengthen EU strategic priorities, DOI: 10.2800/1978453.

(13)    SEC(2024) 64 final.

(14)    COM(2024) 196 final.

(15)    ĠU C 326, 26.10.2012, p. 391.

(16)    COM(2025) 274 final.

(17)    Kif spjegat fl-informazzjoni teknika li takkumpanja r-Rapport tal-Kummissjoni lill-Parlament Ewropew u lill-Kunsill Rapport ta’ Progress dwar l-Azzjoni Klimatika tal-UE tal-2024, SWD(2024) 249 final, COM(2024) 498 final.

(18)    ĠU C , , p. .

(19)    ĠU C , , p. .

(20)    Id-Deċiżjoni 1/CMA.5.

(21)    ĠU L 282, 19.10.2016, p. 4.

(22)    Ir-Regolament (UE) 2021/1119 tal-Parlament Ewropew u tal-Kunsill tat-30 ta’ Ġunju 2021 li jistabbilixxi l-qafas biex tinkiseb in-newtralità klimatika u li jemenda r-Regolamenti (KE) Nru 401/2009 u (UE) 2018/1999 (“il-Liġi Ewropea dwar il-Klima”) (ĠU L 243, 9.7.2021, p. 1, ELI: http://data.europa.eu/eli/reg/2021/1119/oj).

(23)    COM(2024) 63 final.

(24)    Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva tal-Kunsill 96/61/KE (ĠU L 275, 25.10.2003, p. 32, ELI: http://data.europa.eu/eli/dir/2003/87/oj).

(25)    Ir-Regolament (UE) 2018/842 tal-Parlament Ewropew u tal-Kunsill tat-30 ta’ Mejju 2018 dwar it-tnaqqis annwali vinkolanti tal-emissjonijiet ta’ gassijiet serra mill-Istati Membri mill-2021 sal-2030 li jikkontribwixxi għall-azzjoni klimatika biex jiġu onorati l-impenji li saru fil-Ftehim ta’ Pariġi, u li jemenda r-Regolament (UE) Nru 525/2013 (ĠU L 156, 19.6.2018, p. 26, ELI: http://data.europa.eu/eli/reg/2018/842/oj).

(26)    Ir-Regolament (UE) 2018/841 tal-Parlament Ewropew u tal-Kunsill tat-30 ta’ Mejju 2018 dwar l-inklużjoni tal-emissjonijiet u l-assorbimenti ta’ gassijiet serra minn użu tal-art, tibdil fl-użu tal-art u l-forestrija fil-qafas ta’ politika għall-klima u l-enerġija għall-2030 u li jemenda r-Regolament (UE) Nru 525/2013 u d-Deċiżjoni Nru 529/2013/UE (ĠU L 156, 19.6.2018, p. 1, ELI: http://data.europa.eu/eli/reg/2018/841/oj).

(27)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.

(28)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fuq is-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx .

(29)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.

(30)    EFTA: Assoċjazzjoni Ewropea tal-Kummerċ Ħieles.

(31)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(32)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.

(33)    Sabiex jiġu ddeterminati l-approprjazzjonijiet meħtieġa għandhom jintużaw iċ-ċifri relatati mal-kostijiet medji annwali, disponibbli fuq il-paġna web rilevanti tal-BUDGpedia.

(34)    Sabiex jiġu ddeterminati l-approprjazzjonijiet meħtieġa għandhom jintużaw iċ-ċifri relatati mal-kostijiet medji annwali, disponibbli fuq il-paġna web rilevanti tal-BUDGpedia.

(35)    Speċifika taħt it-tabella, kemm mill-FTEs fl-għadd indikat huma diġà assenjati għall-ġestjoni tal-azzjoni u/jew jistgħu jiġu riallokati fid-DĠ tiegħek, u x’inhuma l-ħtiġijiet netti tiegħek.

(36)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.