IL-KUMMISSJONI EWROPEA

Brussell, 22.12.2021

COM(2021) 569 final

2021/0429(APP)

Proposta għal

REGOLAMENT TAL-KUNSILL

li jemenda r-Regolament (UE, Euratom) 2020/2093 li jistabbilixxi l-qafas finanzjarju pluriennali għas-snin mill-2021 sal-2027

MEMORANDUM TA’ SPJEGAZZJONI

1.KUNTEST TAL-PROPOSTA

1.1Appoġġ għal tranżizzjoni ekoloġika soċjalment ġusta

1.2 L-implimentazzjoni tal-ġenerazzjoni li jmiss ta’ riżorsi proprji għall-baġit tal-UE.

–sehem mid-dħul taħt id-Direttiva dwar l-Iskema għall-Iskambju ta’ Kwoti tal-Emissjonijiet (ETS) 4 , li l-Kummissjoni pproponiet li temenda 5 ,

–sehem mid-dħul li se jakkumula mill-Mekkaniżmu ta’ Aġġustament tal-Karbonju fil-Fruntieri 6 ,

–l-applikazzjoni ta’ rata ta’ prelevazzjoni uniformi għas-sehem tal-profitti residwi tal-intrapriżi multinazzjonali, riallokati lill-Istati Membri [skont id-Direttiva dwar l-implimentazzjoni tal-ftehim globali dwar ir-riallokazzjoni tad-drittijiet ta’ tassazzjoni].

Fil-konklużjonijiet tiegħu tal-21 ta’ Lulju 2020, il-Kunsill Ewropew iddikjara li d-dħul mir-riżorsi proprji l-ġodda introdotti wara l-2021 għandu jintuża għall-ħlas lura tas-self tal-UE tal-Ġenerazzjoni li Jmiss. Barra minn hekk, huwa stieden lill-Kummissjoni biex “tipproponi reviżjoni tal-QFP għal dan il-għan fi żmien debitu”  7 .

Il-Ftehim Interistituzzjonali tas-16 ta’ Diċembru 2020, il-Parlament Ewropew, il-Kunsill u l-Kummissjoni qablu li “l-ħlas lura tal-kapital tal-fondi biex jintużaw għan-nefqa taħt l-Istrument tal-Unjoni Ewropea għall-Irkupru (NextGenerationEU) u l-imgħax relatat dovut irid jiġi ffinanzjat mill-baġit ġenerali tal-Unjoni, inkluż permezz ta’ rikavat suffiċjenti mir-riżorsi proprji ġodda introdotti wara l-2021.” Barra minn hekk, it-tliet istituzzjonijiet irrikonoxxew l-importanza tal-kuntest tal-Istrument tal-Unjoni Ewropea għall-Irkupru u ddikjaraw li “n-nefqa mill-baġit tal-Unjoni marbut mal-ħlas lura tal-Istrument tal-Unjoni Ewropea għall-Irkupru m’għandux iwassal għal tnaqqis mhux dovut fin-nefqa tal-programm jew strumenti tal-investiment skont il-QFP”. Il-Ftehim Interistituzzjonali jiddikjara wkoll li “huwa wkoll mixtieq li jittaffew iż-żidiet fir-riżorsi proprji bbażati fuq l-ING għall-Istati Membri” 8 .

Ir-riżorsi proprji l-ġodda proposti llum huma previsti li jiġu introdotti sal-2023.

1.3Ir-raġunijiet għall-proposta u l-objettivi tagħha

Il-Kummissjoni qed tipproponi reviżjoni mmirata tar-Regolament tal-Kunsill (UE, Euratom) 2020/2093 tas-17 ta’ Diċembru 2020 9 għall-finijiet li ġejjin:

2.ELEMENTI ĠURIDIĊI TAL-PROPOSTA

2.1Żieda tal-limiti massimi tan-nefqa tal-Qafas Finanzjarju Pluriennali għall-Fond Soċjali għall-Klima.

Bħala parti mill-pakkett leġiżlattiv “Fit for 55”, il-Kummissjoni pproponiet l-istabbiliment ta’ Fond Soċjali għall-Klima (“il-Fond”) biex jgħin biex jiġu indirizzati l-impatti soċjali li jirriżultaw mill-iskambju tal-emissjonijiet għas-setturi tal-bini u tat-trasport bit-triq. Il-Fond jenħtieġ li jipprovdi finanzjament lill-Istati Membri biex jappoġġa miżuri u investimenti fl-effiċjenza enerġetika, sistemi ġodda ta’ tisħin u tkessiħ, mobbiltà aktar nadifa kif ukoll appoġġ temporanju għad-dħul dirett.

Il-Fond se jimmira lejn unitajiet domestiċi vulnerabbli, utenti vulnerabbli tat-trasport u mikrointrapriżi vulnerabbli affettwati mill-ETS il-ġdida għat-trasport bit-triq u l-bini.

Il-Fond se jiġi ffinanzjat taħt l-Intestatura 3 “Riżorsi Naturali u Ambjent” tal-qafas finanzjarju pluriennali, u fin-nomenklatura baġitarja annwali bħala parti mir-raggruppament “Politika ta’ Azzjoni dwar l-Ambjent u l-Klima”.

L-Anness I tar-Regolament tal-Kunsill (UE, Euratom) 2020/2093 tas-17 ta’ Diċembru 2020 10 għandu għalhekk jiġi emendat u sostitwit bl-Anness għal din il-proposta.

2.2Aġġustament annwali speċifiku bbażat fuq riżorsi proprji ġodda

–aġġustament tal-limitu massimu tal-Qafas Finanzjarju Pluriennali għas-subintestatura 2b f’approprjazzjonijiet ta’ impenn, u tal-limitu massimu għall-approprjazzjonijiet ta’ pagament, li għandu jsir kull sena, proporzjonat għad-dħul reali li ġej minn riżorsi proprji ġodda miġbura fis-sena preċedenti, kif imdaħħal fil-kontijiet proviżorji tal-Kummissjoni skont l-Artikolu 245(3) tar-Regolament Finanzjarju;

–il-mekkaniżmu għall-aġġustament annwali se jiġi implimentat mill-2024 abbażi tal-introduzzjoni prevista tar-riżorsi proprji l-ġodda sal-1 ta’ Jannar 2023;

–l-ammont tal-aġġustament se jkun limitat għal ammont annwali ta’ EUR 15-il biljun fi prezzijiet tal-2018. Għas-sena 2027, l-ammont tal-aġġustament se jitnaqqas b’ammont ta’ EUR 8 biljun (fi prezzijiet tal-2018).

–l-aġġustament se jiġi kkomunikat mill-Kummissjoni lill-Parlament Ewropew u lill-Kunsill ftit wara l-adozzjoni tal-kontijiet proviżorji u għalhekk sa nofs April.

Ammont ta’ EUR 15-il biljun jikkorrispondi għal profil ta’ ripagament lineari mill-baġit tal-Unjoni għal appoġġ mhux ripagabbli abbażi tal-ippjanar tal-ħruġ tal-Kummissjoni għal NextGenerationEU, inkluża l-istruttura tal-maturità.

L-ammont fiss ta’ EUR 8 biljun li se jitnaqqas fil-kalkolu tal-aġġustament fis-sena 2027 jikkorrispondi għan-nefqa medja annwali għall-Fond Soċjali għall-Klima mill-2026, meta d-dħul mit-trasport bit-triq u mill-bini tal-ETS se jibda, sal-2032.

Dan l-aġġustament annwali speċifiku tal-limitu massimu ta’ pagament mhux se jitqies għall-kalkolu tal-ammonti massimi għall-aġġustament annwali fil-limitu massimu ta’ pagament skont l-Istrument ta’ Marġni Uniku msemmi fl-Artikolu 11(3) tar-Regolament QFP.

Il-mekkaniżmu ta’ aġġustament ibbażat fuq riżorsi proprji ġodda se jkun akkumpanjat minn abbozz ta’ baġit emendatorju biex tiżdied, kif xieraq, il-linja(i) baġitarja/i tan-nefqa fil-baġit tas-sena li fiha jiġi applikat il-mekkaniżmu.

3.IMPATT BAĠITARJU

L-impatt baġitarju tal-aġġustament annwali speċifiku bbażat fuq riżorsi proprji ġodda se jidħol fis-seħħ mill-2024. L-ammont se jkun ekwivalenti għall-ammont reali ta’ dħul li ġej minn riżorsi proprji ġodda miġbura fis-sena preċedenti, kif imdaħħal fil-kontijiet provviżorji, u se jkun limitat għal ammont annwali ta’ EUR 15-il biljun fi prezzijiet tal-2018. Għas-sena 2027, il-kalkolu tal-aġġustament se jkun fih tnaqqis tal-ammont fiss ta’ EUR 8 biljun (fi prezzijiet tal-2018).

Gfir-rigward tal-Fond Soċjali għall-Klima, il-Kummissjoni tipproponi li jiżdied il-limitu massimu tal-approprjazzjonijiet ta’ impenn tal-intestatura 3 “Riżorsi Naturali u Ambjent” b’ammont ta’ EUR 2 176 miljun fl-2025, EUR 9 132 miljun fl-2026 u EUR 8 786 miljun fl-2027, fi prezzijiet tal-2018.

Iż-żidiet proposti fil-limitu massimu tal-impenji se jirriżultaw f’żieda fil-ħtiġijiet ta’ pagament. Il-Kummissjoni għalhekk tipproponi li tirrevedi l-limitu massimu tal-pagamenti għas-snin 2025, 2026 u 2027 b’EUR 2 176 miljun, EUR 9 132 miljun u EUR 8 786 miljun rispettivament, bil-prezzijiet tal-2018.

2021/0429 (APP)

Proposta għal

REGOLAMENT TAL-KUNSILL

li jemenda r-Regolament (UE, Euratom) 2020/2093 li jistabbilixxi l-qafas finanzjarju pluriennali għas-snin mill-2021 sal-2027

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 312 tiegħu,

Wara li kkunsidra t-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a tiegħu,

Wara li kkunsidraw il-proposta mill-Kummissjoni Ewropea,

Wara li kkunsidra l-kunsens tal-Parlament Ewropew 11 ,

Wara li l-abbozz tal-att leġiżlattiv intbagħat lill-parlamenti nazzjonali,

Filwaqt li jaġixxi f'konformità ma' proċedura leġiżlattiva speċjali,

Billi:

(1)Fil-qafas tal-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda 12 , il-Parlament Ewropew, il-Kunsill u l-Kummissjoni impenjaw ruħhom għal pjan direzzjonali għall-introduzzjoni ta’ riżorsi proprji ġodda matul id-durata tal-qafas finanzjarju pluriennali għas-snin mill-2021 sal-2027 u li jaħdmu lejn l-introduzzjoni ta’ riżorsi proprji ġodda suffiċjenti bil-ħsieb li jiġi kopert l-ammont li jikkorrispondi man-nefqa mistennija għall-ħlas lura tan-NextGenerationEU.

(2)Huwa xieraq li jiġi stabbilit mekkaniżmu li jippermetti r-ripagamenti tal-ispejjeż ta’ finanzjament ta’ NextGenerationEU matul il-perjodu tal-qafas finanzjarju pluriennali għas-snin mill-2024 sal-2027 b’ammonti ekwivalenti għar-riżorsi proprji ġodda miġbura skont id-Deċiżjoni tal-Kunsill (UE, Euratom) 2020/2053 13 (id- “Deċiżjoni dwar ir-Riżorsi Proprji”) u mdaħħla fil-kontijiet proviżorji, mingħajr ma titnaqqas in-nefqa għall-programmi tal-Unjoni.

(3)L-introduzzjoni tal-iskambju tal-kwoti tal-emissjonijiet tal-UE għas-setturi tal-bini u tat-trasport bit-triq, kif stabbilit fid-Direttiva 2003/87/KE tal-Parlament Ewropew u tal-Kunsill 14 , tista’ twassal għal impatti soċjali fuq terminu qasir. Biex tiġi indirizzata din l-isfida, ir-Regolament (UE) [XXX] finali tal-Parlament Ewropew u tal-Kunsill stabbilixxa 15 Fond Soċjali għall-Klima, li għandu jiġi ffinanzjat mill-baġit ġenerali tal-Unjoni skont il-qafas finanzjarju pluriennali. Għalhekk, jenħtieġ li l-limitu massimu għall-approprjazzjonijiet ta’ impenn tal-intestatura 3, “Riżorsi Naturali u Ambjent”, u l-limitu massimu għall-approprjazzjonijiet ta’ pagament jiġu adattati għas-snin 2025, 2026 u 2027.

(4)Ir-Regolament (KE, Euratom) 2020/2093 għandu għalhekk jiġi emendata skond dan,

ADOTTA DAN IR-REGOLAMENT:

Artikolu 1

Ir-Regolament (UE, Euratom) 2020/2093 huwa emendat kif ġej:

(1)fl-Artikolu 4, il-paragrafu 4 huwa sostitwit b'dan li ġej:

‘4. Mingħajr preġudizzju għall-Artikoli 4a, 6 u 7, l-ebda aġġustament tekniku ieħor ma għandu jsir fir-rigward tas-sena inkwistjoni, la matul is-sena u lanqas bħala korrezzjonijiet ex post fis-snin sussegwenti.’;

(2)jiddaħħal l-Artikolu 4a li ġej:

'Artikolu 4a
Aġġustament annwali speċifiku bbażat fuq riżorsi proprji ġodda

1.Mill-2024, wara l-preżentazzjoni tal-kontijiet proviżorji tas-sena n-1 skont l-Artikolu 245(3) tar-Regolament Finanzjarju, għandu jsir aġġustament ’il fuq għal-limitu massimu tan-nefqa għall-approprjazzjonijiet ta’ impenn tas-subintestatura 2b u għal-limitu massimu għall-approprjazzjonijiet ta’ pagament għas-sena kurrenti.

2.Dan l-aġġustament annwali għandu jkun tal-ammonti li ġejjin:

(a)għas-snin 2024, 2025 u 2026, ammont ekwivalenti għad-dħul li jkun iddaħħal fil-kontijiet proviżorji msemmija fil-paragrafu 1 li jirriżulta mir-riżorsi stabbiliti fl-Artikolu 2(1), il-punti (e), (f) u (g), tad-Deċiżjoni dwar ir-Riżorsi Proprji.

(b)għas-sena 2027, ammont ekwivalenti għad-dħul li ddaħħal fil-kontijiet proviżorji msemmija fil-paragrafu 1 li jirriżulta mir-riżorsi stabbiliti fl-Artikolu 2(1), il-punti(e), (f) u (g), tad-Deċiżjoni dwar ir-Riżorsi Proprji, imnaqqas b’ammont fiss ta’ EUR 8 000 miljun (fi prezzijiet tal-2018).

L-aġġustamenti annwali msemmija fl-ewwel subparagrafu ma għandhomx jaqbżu l-EUR 15 000 miljun (fi prezzijiet tal-2018) kull sena għas-snin mill-2024 sal-2027.

3.Il-Kummissjoni għandha tikkomunika r-riżultati tal-aġġustamenti annwali msemmija fil-paragrafu 2 lill-Parlament Ewropew u lill-Kunsill fi żmien 15-il jum mill-preżentazzjoni tal-kontijiet proviżorji għas-sena n-1 skont l-Artikolu 245(3) tar-Regolament Finanzjarju.’;

(3)fl-Artikolu 11(3), it-tieni subparagrafu huwa sostitwit b’dan li ġej:

‘L-ammonti li jikkorrispondu mal-aġġustamenti ’l fuq msemmija mal-Artikolu 4a(1) u fit-tieni subparagrafu tal-Artikolu 5(2) għandhom ikunu flimkien mal-ammonti massimi msemmija fl-ewwel subparagrafu ta' dan il-paragrafu.’;

(4)L-Anness I huwa sostitwit bit-test fl-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

(1)    Proposta għal Regolament tal-Parlament Ewropew u tal-Kunsill li jistabbilixxi Awtorità Ewropea tax-Xogħol COM(2021) 568 final, 14.07.2021.

(2)    Il-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali għall-introduzzjoni ta’ riżorsi proprji ġodda, ĠU L 433I, 22.12.2020, p. 28.

(3)    COM(2021)570.

(4)    Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi sistema ta’ kwoti ta’ emissjonijiet ta’ gassijiet serra ġewwa l-Unjoni, ĠU L 275, 25.10.2003, p. 32-46.

(5)    Proposta għal Direttiva tal-Parlament Ewropew u tal-Kunsill li temenda d-Direttiva 2003/87/KE li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni, id-Deċiżjoni (UE) 2015/1814 dwar l-istabbiliment u l-funzjonament ta’ riżerva tal-istabbiltà tas-suq għall-iskema ta’ negozjar tal-emissjonijiet tal-gassijiet serra tal-Unjoni u r-Regolament (UE) 2015/757, COM(2021)551 final, 14.07.2021.

(6)    Proposta għal Regolament tal-Parlament Ewropew u tal-Kunsill li jistabbilixxi mekkaniżmu ta’ aġġustament tal-karbonju fil-fruntieri COM(2021) 564, 14.07.2021

(7)    Konklużjonijiet tal-Kunsill Ewropew tal-21 ta’ Lulju 2020, paragrafi A29 u 150.

(8)    Anness II, Preambolu, punti D u E.

(9)    Ir-Regolament tal-Kunsill (UE, Euratom) 2020/2093 tas-17 ta’ Diċembru 2020 li jistabbilixxi l-qafas finanzjarju pluriennali għas-snin mill-2021 sal-2027, ĠU L 433 I, 22.12.2020, p. 11–22.

(10)    Kif emendat l-aħħar skont id-dispożizzjonijiet tar-Regolament tal-Kunsill (UE, Euratom) 2020/2093. L-Anness għal din il-proposta huwa bbażat fuq l-aġġustament tekniku tal-qafas finanzjarju pluriennali għall-2022 f’konformità mal-Artikolu 4 tar-Regolament tal-Kunsill (UE, Euratom) 2020/2093 li jistabbilixxi l-qafas finanzjarju pluriennali għas-snin mill-2021 sal-2027, COM(2021)365 tas-7 ta’ Ġunju 2021.

(11)    ĠU C […], […], p. […].

(12)    ĠU L 433I, 22.12.2020, p. 28.

(13)    Id-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema tar-riżorsi proprji tal-Unjoni Ewropea u li tħassar id-Deċiżjoni 2014/335/UE, Euratom (ĠU L 424, 15.12.2020, p. 1)

(14)    Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni u li temenda d-Direttiva tal-Kunsill 96/61/KE (ĠU L 275, 25.10.2003, p. 32).

(15)    ĠU […], […], p. […].

IL-KUMMISSJONI EWROPEA

Brussell, 22.12.2021

COM(2021) 569 final

ANNESS

ta' [...]

proposta għal Regolament tal-Kunsill

li temenda r-Regolament tal-Kunsill (UE, Euratom) 2020/2093 li jistabbilixxi l-qafas finanzjarju pluriennali għas-snin mill-2021 sal-2027

ANNESS

‘ANNESS I

QAFAS FINANZJARJU PLURIENNALI (EU-27)