IL-KUMMISSJONI EWROPEA

Brussell, 5.12.2018

COM(2018) 834 final

2018/0427(NLE)

Proposta għal

DEĊIŻJONI TAL-KUNSILL

dwar il-Konklużjoni tal-Ftehim dwar il-ħruġ tar-Renju Unit tal-Gran Brittanja u tal-Irlanda ta' Fuq mill-Unjoni Ewropea u mill-Komunità Ewropea tal-Enerġija Atomika

(Test b’rilevanza għaż-ŻEE)

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

•Konsistenza ma’ politiki oħra tal-Unjoni

•Drittijiet fundamentali

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Proporzjonalità

•Għażla tal-istrument

3.IMPLIKAZZJONIJIET BAĠITARJI

4.ELEMENTI OĦRA

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

It-Titolu 2 tas-Sitt Parti tal-Ftehim dwar il-Ħruġ jistabbilixxi Kumitat Konġunt li se jimmonitorja kontinwament l-implimentazzjoni u l-applikazzjoni ta’ dan il-ftehim. Il-Kumitat Konġunt huwa magħmul minn rappreżentanti tal-Unjoni u minn rappreżentanti tar-Renju Unit li se jiltaqgħu tal-anqas darba f’sena u se jissorveljaw u jiffaċilitaw l-implimentazzjoni u l-applikazzjoni tal-ftehim, jiddeċiedu dwar il-kompiti tal-kumitati speċjalizzati u jissorveljaw il-ħidma tagħhom u jemendaw il-Ftehim fejn ikun speċifikament previst fil-Ftehim innifsu. Il-Kumitat Konġunt jista’ jagħmel id-deċiżjonijiet u r-rakkomandazzjonijiet tiegħu biss bi ftehim bejn l-Unjoni u r-Renju Unit. Ma jista’ bl-ebda mod jillimita t-teħid tad-deċiżjonijiet fil-livell tal-Unjoni. L-Unjoni u r-Renju Unit jistgħu, permezz tal-Kumitat Konġunt, jiddeċiedu li jemendaw ċerti aspetti tal-Ftehim, f’dawk il-każijiet biss fejn dan huwa previst minnu b’mod speċifiku. Meta l-Partijiet japprovaw tali deċiżjoni, din għandha tkun soġġetta għar-rekwiżiti u l-proċeduri interni applikabbli rispettivi tagħhom.

Il-kumitati speċjalizzati se joperaw taħt il-kontroll tal-Kumitat Konġunt, jiġifieri subkumitat wieħed għal kull wieħed mill-partijiet ewlenin tal-Ftehim dwar il-Ħruġ:

(a)il-Kumitat dwar id-drittijiet taċ-ċittadini;

(b)il-Kumitat dwar id-dispożizzjonijiet ta’ separazzjoni l-oħrajn;

(c)il-Kumitat dwar kwistjonijiet relatati mal-implimentazzjoni tal-Protokoll dwar l-Irlanda/l-Irlanda ta’ Fuq;

(d)il-Kumitat dwar kwistjonijiet relatati mal-implimentazzjoni tal-Protokoll relatat mal-Arei ta’ Bażi Sovrana f’Ċipru;

(e)il-Kumitat dwar kwistjonijiet relatati mal-implimentazzjoni tal-Protokoll dwar Ġibiltà; kif ukoll

(f)il-Kumitat dwar id-dispożizzjonijiet finanzjarji.

Il-proposta tipprevedi wkoll rwol għall-Kumitat Konġunt fis-soluzzjoni tat-tilwim, li huwa indirizzat fit-Titolu 3 tal-Parti Sitta tal-Ftehim dwar il-Ħruġ.

L-implimentazzjoni u l-applikazzjoni tal-Ftehim dwar il-Ħruġ fl-Unjoni

F’konformità mal-Artikolu 216(2) tat-Trattat dwar il-Funzjonament tal-Unjoni Ewropea, il-ftehimiet konklużi mill-Unjoni huma vinkolanti fuq l-istituzzjonijiet tal-Unjoni u l-Istati Membri tagħha. L-implimentazzjoni u l-applikazzjoni tal-Ftehim dwar il-Ħruġ fl-Unjoni għandu jseħħ b’rispett sħiħ tal-allokazzjoni tal-kompiti bejn, minn naħa, l-Unjoni u l-Istati Membri tagħha u, min-naħa l-oħra, bejn l-istituzzjonijiet differenti tal-Unjoni. Jaqa’ għalhekk, bis-saħħa tal-kompiti tagħha kif stabbiliti fl-Artikolu 17(1) tat-Trattat dwar l-Unjoni Ewropea, l-aktar fuq il-Kummissjoni biex taġixxi f’isem l-Unjoni u l-Euratom. F’ċerti każijiet, u skont il-funzjoni tat-tfassil tal-politika tal-Kunsill kif stipulat fl-Artikolu 16(1) tat-TUE, il-Kunsill se jaġixxi f’isem l-Unjoni u l-Euratom.

Pereżempju, fejn il-Ftehim jiddikjara li l-Unjoni għandha tipprovdi lir-Renju Unit b’mod partikolari informazzjoni jew notifiki, dan għandu bi prinċipju jitwettaq mill-Kummissjoni f’isem l-Unjoni, jekk ikun meħtieġ abbażi tal-informazzjoni pprovduta mill-Istati Membri jew istituzzjonijiet oħra jew korpi jew entitajiet tal-Unjoni rilevanti. Dan japplika b’mod partikolari għad-dispożizzjonijiet li ġejjin tal-Ftehim:

(a)L-Artikolu 18(1)(c): notifika mill-Unjoni li problemi tekniċi jipprevjenu l-Istat ospitanti jew milli jirreġistra l-applikazzjoni jew milli joħroġ iċ-ċertifikat ta’ applikazzjoni msemmija fil-punt (b) ta’ dak l-Artikolu;

(b)l-Artikolu 33(2): notifika mill-Unjoni tad-data tad-dħul fis-seħħ ta’ kull ftehim imsemmi fl-Artikolu 33(1);

(c)l-Artikolu 36(1): informazzjoni li għandha tiġi pprovduta mill-Unjoni lir-Renju Unit dwar leġislazzjoni ġdida jew li temenda rilevanti li tikkonċerna dispożizzjonijiet tas-sigurtà soċjali;

(d)L-Artikolu 36 (4): informazzjoni li għandha tiġi pprovduta mill-Unjoni lir-Renju Unit fil-Kumitat Konġunt dwar il-proposti għall-adattament tal-Anness rilevanti tal-Ftehim għall-għanijiet ta’ allinjament ma’ Deċiżjonijiet u Rakkomandazzjonijiet tal-Kummissjoni Amministrattiva dwar is-Sigurtà Soċjali;

(e)l-Artikolu 55(3): komunikazzjoni mill-Unjoni lir-Renju Unit tal-informazzjoni meħtieġa għar-reġistrazzjoni jew għotja fir-Renju Unit tad-drittijiet ta’ proprjetà intellettwali msemmija fl-Artikolu 54(1) jew (2);

(f)l-Artikolu 96(6): informazzjoni mill-Unjoni fuq talba tar-Renju Unit biex jikkonforma mal-obbligi ta’ rappurtar tiegħu taħt l-Artikolu 7 tal-Protokoll ta’ Montreal dwar Sustanzi Li Jnaqqsu s-Saff tal-Ożonu; u biex japplika penali f’konformità mal-Artikolu 25 tar-Regolament (UE) Nru 517/2014 u l-Artikolu 29 tar-Regolament (KE) Nru 1005/2009.

(g)l-Artikolu 102: l-Unjoni għandha tinnotifika lir-Renju Unit meta l-postijiet, bini, proprjetà jew assi tagħha ma jibqgħux jintużaw jew ikunu tneħħew mir-Renju Unit;

(h)l-Artikolu 103: l-Unjoni għandha tinnotifika lir-Renju Unit dwar it-tneħħija ta’ kwalunkwe wieħed mill-arkivji tagħha mir-Renju Unit;

(i)l-Artikolu 116(3): l-Unjoni għandha tinnotifika lil dawk l-awtoritajiet bl-istatus ta’ kwalunkwe persuna li jkun rilevanti għall-intitolament ta’ dik il-persuna għal privileġġ jew immunità taħt dan it-Titolu;

(j)l-Artikolu 119: notifika mill-Unjoni lir-Renju Unit bid-data tat-tlestija ta’ rilokazzjoni tal-aġenziji;

(k)l-Artikolu 127(7)(b): notifika mill-Unjoni lir-Renju Unit meta matul il-perjodu ta’ tranżizzjoni dan ta’ l-aħħar ma jitqiesx bħala Stat Membru għall-iskopijiet ta’ skambju tal-informazzjoni, proċedura jew programm li għadu qed jiġi implimentat jew jibda wara t-tmiem tal-perjodu ta’ tranżizzjoni, u fejn tali parteċipazzjoni tkun tagħti aċċess għal informazzjoni sensittiva relatata mas-sigurtà li l-Istati Membri biss għandu jkollhom għarfien tagħha;

(l)l-Artikolu 134: informazzjoni li għandha tiġi pprovduta mill-Unjoni lill-entitajiet fdati rilevanti kkomunikata mir-Renju Unit;

(m)l-Artikolu 140(2) u (3): informazzjoni li għandha tiġi pprovduta mill-Unjoni lir-Renju Unit dwar l-ammonti ta’ impenji pendenti msemmija f’dawn id-dispożizzjonijiet;

(n)l-Artikolu 142 (3), (4) u (5): informazzjoni li għandha tiġi pprovduta lir-Renju Unit dwar l-obbligazzjonijiet fi tmiem l-2020 imsemmija f’dawn id-dispożizzjonijiet;

(o)l-Artikolu 143 (1) (b), (2), (3) u (4): rapporti u informazzjoni li għandhom jiġu pprovduti mill-Unjoni lir-Renju Unit dwar l-obbligazzjonijiet finanzjarji rilevanti kontinġenti relatati ma’ self għall-assistenza finanzjarja, l-EFSI, l-EFSD u l-mandat ta’ self estern imsemmija f’dawn id-dispożizzjonijiet;

(p)l-Artikolu 144 (1): informazzjoni li għandha tiġi pprovduta mill-Unjoni lir-Renju Unit dwar l-istrumenti finanzjarji taħt implimentazzjoni diretta jew indiretta ffinanzjati mill-programmi tal-QFP 2014–2020 jew taħt il-perspettivi finanzjarji ta’ qabel;

(q)L-Artikolu 147 (2): informazzjoni li għandha tiġi pprovduta mill-Unjoni lir-Renju Unit rigward l-obbligazzjonijiet kontinġenti relatati ma’ każijiet legali;

(r)L-Artikolu 148 (2): informazzjoni li għandha tiġi pprovduta mill-Unjoni lir-Renju Unit skont din id-dispożizzjoni dwar ħlasijiet wara l-2020;

(s)L-Artikolu 159 (2): informazzjoni li għandha tiġi pprovduta mill-Unjoni lill-Kumitat speċjalizzat dwar id-drittijiet taċ-ċittadini;

(t)l-Artikolu 185: in-notifika lir-Renju Unit f’isem l-Unjoni fir-rigward ta’ kwalunkwe Stat Membru li jkun iddikjara, f’konformità mad-dispożizzjoni li matul il-perjodu tranżitorju, dan l-Istat Membru mhux se jċedi liċ-ċittadini tagħha skont id-Deċiżjoni Qafas 2002/584/ĠAI.

F’ċerti każijiet, il-Ftehim dwar il-Ħruġ jidentifika istituzzjoni jew korp ieħor tal-Unjoni li għandha tittrażmetti dik l-informazzjoni, pereżempju:

(a)l-Artikolu 149: ir-rimborż mill-Bank Ċentrali Ewropew tal-kapital imħallas; jew

(b)l-Artikolu 150(4): ir-rimborż mill-Bank Ewropew tal-Investiment tal-kapital imħallas.

Fejn il-Ftehim jipprovdi li l-Unjoni tista’ tiddeċiedi li tistieden lir-Renju Unit, matul il-perjodu ta’ tranżizzjoni, biex jipparteċipa eċċezzjonalment f’ċerti laqgħat tal-kumitati jew tal-gruppi tal-esperti jew laqgħat ta’ korpi, uffiċċji u aġenziji tal-Unjoni (jiġifieri l-Artikolu 128(5) tal-Ftehim) jew f’negozjati internazzjonali u laqgħat ta’ konsultazzjoni (jiġifieri l-Artikolu 129(2) b) u l-Artikolu 130(3) tal-Ftehim), stediniet bħal dawn biex ir-Renju Unit għandu fil-prinċipju jsiru mill-Kummissjoni f’isem l-Unjoni. Fejn il-laqgħa hija organizzata minn korpi, uffiċċji jew aġenziji tal-Unjoni, se jkun f’idejn dawk il-korpi tal-Unjoni, l-uffiċċji jew l-aġenziji li jibagħtu stediniet xierqa. Stediniet bħal dawn jistgħu jinħarġu biss sakemm il-kundizzjonijiet stipulati fil-Ftehim ikunu ssodisfati. Il-Kummissjoni għandha l-ħsieb li tippubblika gwida f’dan ir-rigward, sabiex tiżgura l-applikazzjoni konsistenti ta’ dawn id-dispożizzjonijiet.

Fejn il-Ftehim jiddikjara li l-Unjoni għandha tikkonsulta mar-Renju Unit matul il-perjodu ta’ tranżizzjoni: tali konsultazzjoni għandha ssir ukoll mill-Kummissjoni f’isem l-Unjoni. Dan japplika b’mod partikolari għad-dispożizzjonijiet li ġejjin tal-Ftehim: 

(a)l-Artikolu 128(7): l-obbligu għall-Unjoni li tikkonsulta mar-Renju Unit dwar abbozz ta’ atti tal-Unjoni li jidentifikaw jew jirreferu direttament għall-awtoritajiet, proċeduri jew dokumenti speċifiċi tal-Istati Membri;

(b)l-Artikolu 129(5): il-possibbiltà li tikkonsulta lir-Renju Unit skont dik id-dispożizzjoni;

(c)l-Artikolu 130(1): l-obbligu għall-Unjoni li tikkonsulta mar-Renju Unit dwar l-opportunitajiet tas-sajd relatati mal-ilmijiet tal-UE u barra l-ilmijiet tal-UE skont dik id-dispożizzjoni;

(d)l-Artikolu 130(2): l-obbligu li l-Unjoni tipprovdi lir-Renju Unit b’opportunità biex tipprovdi kummenti skont dik id-dispożizzjoni.

Se jkun ukoll f’idejn il-Kummissjoni biex jintlaħaq qbil mar-Renju Unit fuq arranġamenti amministrattivi bħal dawk imsemmija fl-Artikolu 134 (arranġamenti amministrattivi bejn l-awdituri tal-Unjoni u r-Renju Unit biex tiffaċilita l-proċess tal-awditjar) jew fl-Artikolu 12 tal-Protokoll dwar l-Irlanda/l-Irlanda ta’ Fuq (arranġamenti amministrattivi meħtieġa għall-implimentazzjoni xierqa tad-dispożizzjonijiet dwar l-għajnuna mill-Istat tal-Protokoll).

Il-Kummissjoni se taġixxi wkoll f’isem l-Unjoni matul il-passi kollha tal-proċedura fir-rigward tas-soluzzjoni tat-tilwim taħt it-Titolu III tal-Parti VI tal-Ftehim.

•Spjegazzjoni fid-dettall tad-dispożizzjonijiet speċifiċi tal-proposta

L-abbozz tat-test tal-proposta tal-Kummissjoni għall-Ftehim dwar il-Ħruġ jikkonsisti f’185 Artikolu strutturati f’sitt Partijiet (li jinqasmu aktar f’Titoli u Kapitoli), tliet Protokolli u disa’ Annessi, kif ġej:

L-Ewwel Parti (Dispożizzjonijiet Komuni) tinkludi d-dispożizzjonijiet komuni tal-Ftehim dwar il-Ħruġ (“il-Ftehim”), inklużi d-definizzjonijiet, il-kamp ta’ applikazzjoni territorjali tal-Ftehim dwar il-Ħruġ, il-metodi u l-prinċipji relatati mal-effett, mal-implimentazzjoni u mal-applikazzjoni tal-Ftehim.

It-Tieni Parti (Drittijiet taċ-Ċittadini) tistabbilixxi d-dispożizzjonijiet bil-għan li jiġu salvagwardjati l-istatus u d-drittijiet li joriġinaw mid-dritt tal-UE taċ-ċittadini tal-UE u tar-Renju Unit, u tal-familji tagħhom, li ġew affettwati mill-ħruġ tar-Renju Unit. It-Tieni Parti tinkludi 4 titoli: it-Titolu I (Dispożizzjonijiet ġenerali), it-Titolu II (Drittijiet u obbligi), it-Titolu III (Koordinazzjoni ta’ sistemi tas-Sigurtà Soċjali), u t-Titolu IV (Dispożizzjonijiet oħra).

It-Tielet Parti (Dispożizzjonijiet dwar Separazzjoni) tistabbilixxi d-dispożizzjonijiet għal kwistjonijiet oħra relatati ma’ kif se jinħall l-irbit tar-Renju Unit mal-Unjoni. It-Tielet Parti tinkludi 13-il titolu: it-Titolu I (Oġġetti mqiegħda fis-suq), it-Titolu II (Proċeduri doganali kurrenti), Title III (Materji kurrenti relatati mat-taxxa fuq il-valur miżjud u mad-dazju tas-sisa), it-Titolu IV (Proprjetà intellettwali), it-Titolu V (Kooperazzjoni tal-Pulizija u ġudizzjarja kurrenti f’materji kriminali), it-Titolu VI (Kooperazzjoni ġudizzjarja kurrenti f’materji ċivili u kummerċjali), it-Titolu VII (Data u informazzjoni proċessata jew miksuba qabel tmiem il-perjodu ta’ tranżizzjoni, jew fuq il-bażi ta’ dan il-Ftehim), it-Titolu VIII (Proċeduri ta’ akkwist pubbliku u proċeduri simili kurrenti), it-Titolu IX (Kwistjonijiet relatati mal-Euratom), it-Titolu X (Proċeduri ġudizzjarji u amministrattivi tal-Unjoni), it-Titolu XI (Proċeduri ta’ kooperazzjoni amministrattiva bejn Stati Membri u r-Renju Unit), it-Titolu XII (Privileġġi u immunitajiet) u t-Titolu XIII (Kwistjonijiet oħra relatati mal-funzjonijiet tal-istituzzjonijiet, korpi, uffiċċji u aġenziji tal-Unjoni).

Ir-Raba’ Parti (Tranżizzjoni) tistabbilixxi perjodu ta’ tranżizzjoni li matulu l-acquis kollu tal-UE se japplika għar-Renju Unit, b’xi eċċezzjonijiet. Matul it-tranżizzjoni, ir-Renju Unit mhux se jibqa’ jkun irrappreżentat fl-istituzzjonijiet tal-Unjoni, u lanqas mhu se jipparteċipa fit-tfassil tad-deċiżjonijiet u fil-proċess tat-teħid ta’ deċiżjonijiet tal-Unjoni. Barra minn hekk, ir-Raba’ Parti tistabbilixxi l-arranġamenti tranżizzjonali applikabbli għar-Renju Unit fir-rigward tal-ftehimiet internazzjonali konklużi mill-Unjoni, jew minn Stati Membri li jaġixxu f’isimha, jew mill-Unjoni u l-Istati Membri tagħha li jaġixxu b’mod konġunt. F’konformità mal-Artikolu 129, ir-Renju Unit se jkun marbut bl-obbligi li joriġinaw minn dawn il-ftehimiet. L-Artikolu 130 jipprevedi mekkaniżmu ta’ konsultazzjoni li jistabbilixxi l-opportunitajiet tas-sajd tar-Renju Unit għall-perjodu ta’ tranżizzjoni. L-Artikolu 131 se jiżgura li l-kompetenza sħiħa tal-istituzzjonijiet kollha tal-Unjoni se tiġi ppreservata fir-rigward tar-Renju Unit, inkluż il-kompetenza tal-Qorti tal-Ġustizzja tal-Unjoni Ewropea. L-Artikolu 132 jipprevedi l-possibbiltà li tiġi adottata deċiżjoni unika li testendi l-perjodu ta’ tranżizzjoni sa sena (1) jew sentejn (2).

Il-Ħames Parti (Dispożizzjonijiet finanzjarji) tistabbilixxi regoli dettaljati dwar is-saldu finanzjarju, inklużi regoli dettaljati dwar il-komponenti tas-saldu finanzjarju kif ukoll ir-regoli għall-kalkolu tal-valur tas-saldu finanzjarju u tal-modalitajiet ta’ pagament. Ir-regoli jistabbilixxu wkoll l-arranġamenti għal parteċipazzjoni kontinwa tar-Renju Unit fil-programmi tal-Qafas Finanzjarju Pluriennali (QFP) attwali sal-għeluq tagħhom.

Is-Sitt Parti (Dispożizzjonijiet istituzzjonali u finali) jistabbilixxi r-regoli għall-interpretazzjoni u l-applikazzjoni konsistenti tal-Ftehim u tistabbilixxi Kumitat Konġunt, kif ukoll mekkaniżmu għas-soluzzzjoni tat-tilwim. Din il-Parti tinkludi wkoll l-obbligu fuq il-Partijiet li jagħmlu l-aħjar sforzi biex jippruvaw jilħqu ftehim dwar ir-relazzjoni futura sa tmiem il-perjodu ta’ tranżizzjoni, kif ukoll id-dispożizzjonijiet dwar id-dħul fis-seħħ tal-Ftehim

Il-protokoll dwar l-Irlanda/l-Irlanda ta’ Fuq u l-10 Annessi tiegħu jinkludu d-dispożizzjonijiet meħtieġa għall-hekk imsejħa soluzzjoni ta’ kontinġenza biex tiġi evitata fruntiera fiżika bejn l-Irlanda u l-Irlanda ta’ Fuq. Dan se japplika sakemm huwa ma jkunx sostitwit u sa ma jkun sostitwit, kompletament jew parzjalment, minn kwalunkwe ftehim sussegwenti. Il-Protokoll joħloq territorju doganali uniku UE-UK. Dan se jevita l-ħtieġa għal tariffi, kwoti jew kontrolli dwar ir-regoli ta’ oriġini bejn l-Unjoni u r-Renju Unit. Huwa jipprevedi wkoll sett ta’ miżuri biex jiġi żgurat li jkun hemm kundizzjonijiet ekwivalenti ta’ kompetizzjoni bejn l-Unjoni u r-Renju Unit. Barra minn hekk, il-Protokoll jiżgura li l-Kodiċi Doganali tal-Unjoni (KDU), li jistabbilixxi, fost oħrajn, id-dispożizzjonijiet għar-rilaxx ta’ prodotti f’ċirkolazzjoni libera fl-UE, se jkompli japplika għall-Irlanda ta’ Fuq. Dan se jiżgura li n-negozji tal-Irlanda ta’ Fuq mhux se jiffaċċjaw restrizzjonijiet meta jqiegħdu prodotti fis-Suq Uniku tal-UE. Il-Protokoll jipprevedi wkoll li r-Renju Unit fir-rigward tal-Irlanda ta’ Fuq se jibqa’ allinjat ma’ sett limitat ta’ regoli li huma relatati mas-Suq Uniku tal-UE u indispensabbli biex tiġi evitata fruntiera fiżika: leġiżlazzjoni dwar l-oġġetti, ir-regoli sanitarji u fitosantiarji (“SPS rules”), ir-regoli dwar il-produzzjoni agrikola, il-VAT u s-sisa, u regoli dwar l-għajnuna mill-Istat. Hemm ukoll dispożizzjonijiet li jmantnu s-Suq Uniku tal-Elettriku fuq il-gżira tal-Irlanda. Skont il-Protokoll, iż-Żona Komuni għall-Ivvjaġġar bejn l-Irlanda u r-Renju Unit u d-drittijiet u l-privileġġi assoċjati magħha se jkomplu japplikaw f’konformità mad-dritt tal-Unjoni, b’mod partikolari dwar il-moviment liberu taċ-ċittadini tal-UE. Il-kooperazzjoni bejn it-Tramuntana u n-Nofsinhar se tkompli wkoll skont kif stabbilit fil-Protokoll, inkluż fl-oqsma tal-ambjent, is-saħħa, l-agrikoltura, it-trasport, l-edukazzjoni u t-turiżmu, kif ukoll fl-oqsma tal-enerġija, tat-telekomunikazzjoni, tax-xandir, tas-sajd intern, tal-ġustizzja u tas-sigurtà, tal-edukazzjoni għolja u l-isport.

Il-Ftehim dwar il-Ħruġ jinkludi wkoll protokoll relatat mal-Arei ta’ Bażi Sovrana tar-Renju Unit f’Ċipru (il-protokoll dwar l-SBAs) Billi l-arranġamenti bejn l-Unjoni u l-Arei ta’ Bażi Sovrana f’Ċipru għandhom jiġu definiti fl-isfond tas-sbuħija tar-Repubblika ta’ Ċipru tal-Unjoni, jenħtieġ li l-protokoll tal-SBAs jistabbilixxi mekkaniżmi xierqa biex jinkisbu, wara l-ħruġ tar-Renju Unit mill-Unjoni, l-għanijiet tal-arranġamenti stabbiliti fil-Protkoll 3 tal-Att ta’ adeżjoni tar-Repubblika ta’ Ċipru mal-Unjoni. Kif deskritt fid-Dikjarazzjoni Konġunta tad-19 ta’ Ġunju 2018, kemm l-Unjoni kif ukoll ir-Renju Unit impenjaw ruħhom li jistabbilixxu arranġamenti xierqa għall-Arei ta’ Bażi Sovrana, “b’mod partikolari bil-għan li jipproteġu l-interessi ta’ Ċiprijotti li jgħixu u jaħdmu fl-SBAs wara l-ħruġ tar-Renju Unit mill-Unjoni, b’rispett sħiħ tad-drittijiet u l-obbligi taħt it-Trattat tal-Istabbiliment.” L-Unjoni u r-Renju Unit qablu dwar it-termini ta’ Protokoll li se jimplimenta dan u li huwa anness mal-Ftehim dwar il-Ħruġ. L-għan tal-Protokoll huwa li jiżgura li d-dritt tal-Unjoni, fl-oqsma stipulati fil-Protokoll 3 tal-Att tal-Adeżjoni ta’ Ċipru, se jkompli japplika fl-Arei ta’ Bażi Sovrana, bl-ebda interruzzjoni jew telf ta’ drittijiet speċjalment għall-madwar 11,000 ċittadin Ċiprijott li jgħixu u jaħdmu fl-arei tal-SBAs. Dan japplika għal għadd ta’ oqsma ta’ politika bħat-tassazzjoni, l-oġġetti, l-agrikoltura, is-sajd u r-regoli veterinarji u fitosanitarji. Il-Protokoll jikkonferixxi r-responsabbiltà fuq ir-Repubblika ta’ Ċipru għall-implimentazzjoni u l-infurzar tad-dritt tal-Unjoni fir-rigward tal-parti l-kbira tal-oqsma koperti, bl-eċċezzjoni ta-affarijiet tas-sigurtà u militari.

Fl-aħħar nett, il-Ftehim dwar il-Ħruġ jinkludi protokoll dwar Ġibiltà li jindirizza l-kwistjonijiet speċifiċi li l-ħruġ tar-Renju Unit mill-Unjoni joħloq fir-rigward ta’ Ġibiltà. Il-linji gwida tal-Kunsill Ewropew tad-29 ta’ April 2017 jistabbilixxu li “l-ebda ftehim bejn l-Unjoni u r-Renju Unit ma jista’ japplika għat-territorju ta’ Ġibiltà mingħajr il-ftehim bejn ir-Renju ta’ Spanja u r-Renju Unit.” Dan ġie mfakkar fid-direttivi tan-negozjati supplimentari tal-Kunsill tad- 29 ta’ Jannar 2018 fil-linji Gwida tal-Kunsill Ewropew tal-14 ta’ Marzu 2018. Fid-dikjarazzjonijiet tal-minuti tal-laqgħa tal-Kunsill Ewropew tal-25 ta’ Novembru 2018, ġiet inkluża d-dikjarazzjoni li ġejja tal-Kunsill Ewropew u tal-Kummissjoni: "Wara li r-Renju Unit joħroġ mill-Unjoni, Ġibiltà mhix ser tkun inkluża fil-kamp ta’ applikazzjoni territorjali tal-ftehimiet li għandhom jiġu konklużi bejn l-Unjoni u r-Renju Unit. Madankollu, dan ma jipprekludix il-possibbiltà li jkun hemm ftehimiet separati bejn l-Unjoni u r-Renju Unit fir-rigward ta’ Ġibiltà. Mingħajr preġudizzju għall-kompetenzi tal-Unjoni u b’rispett sħiħ għall-integrità territorjali tal-Istati Membri tagħha kif garantita mill-Artikolu 4(2) tat-Trattat dwar l-Unjoni Ewropea, dawk il-ftehimiet separati ser jirrikjedu qbil minn qabel mir-Renju ta’ Spanja”. Barra minn hekk, fl-istess okkażjoni, il-Kunsill Ewropew u l-Kummissjoni ħarġu dikjarazzjoni interpretattiva rigward l-Artikolu 184 tal-Ftehim dwar il-Ħruġ u l-kamp ta’ applikazzjoni territorjali ta’ ftehimiet futuri.

In-negozjati bilaterali bejn Spanja u r-Renju Unit issa ġew konklużi. Il-Prokoll b’referenza għal dawn l-arranġamenti bilaterali huwa anness mal-Ftehim dwar il-Ħruġ. Il-Protokoll jifforma pakkett b’memoranda ta’ qbil bilaterali bejn Spanja u r-Renju Unit fir-rigward ta’ Ġibiltà. Dan jikkonċerna l-kooperazzjoni bilaterali dwar id-drittijiet taċ-ċittadini, it-tabakk u prodotti oħra, l-ambjent, il-pulizija u kwistjonijiet doganali, kif ukoll il-ftehim bilaterali rigward it-tassazzjoni u l-protezzjoni tal-interessi finanzjarji. Fir-rigward tad-drittijiet taċ-ċittadini, il-Protokoll jistabbilixxi l-bażi għal kooperazzjoni amministrattiva bejn l-awtoritajiet kompetenti għall-implimentazjzoni tal-Ħruġ relattivament għal persuni li jgħixu fl-area ta’ Ġibiltà, u b’mod partikolari ħaddiema bejn il-fruntieri. Fir-rigward tad-dritt tat-trasport bl-ajru, huwa jistabbilixxi l-possibbiltà, fil-każ ta’ ftehim bejn Spanja u r-Renju Unit dwar l-użu tal-ajruport ta’ Ġibiltà, sabiex il-leġiżlazzjoni tal-Unjoni li preċedentement ma kinitx applikabbli hemmhekk, issir applikabbli għal Ġibiltà matul it-tranżizzjoni. Dwar kwistjonijiet fiskali u l-protezzjoni tal-interessi finanzjarji, il-Protokoll jistabbilixxi l-bażi għal kooperazzjoni amministrattiva bejn l-awtoritajiet kompetenti għall-kisba ta’ trasparenza sħiħa dwar il-kwistjonijiet tat-taxxa, il-ġlieda kontra l-frodi, il-kuntrabandu, u l-ħasil tal-flus. Ir-Renju Unit jimpenja ruħu wkoll li l-istandards internazzjonali f’din l-area jiġu rrispettati f’Ġibiltà. Fir-rigward tat-tabakk, ir-Renju Unit jimpenja ruħu li jirratifika ċerti konvenzjonijiet fir-rigward ta’ Ġibiltà u li qabel it-30 ta’ Ġunju 2020, jimplimenta sistema ta’ traċċabilità u ta’ miżuri ta’ sigurtà dwar is-sigaretti. Rigward l-alkoħol u l-petrol, ir-Renju Unit jimpenja ruħu li jiżgura li sistema tat-taxxa li timmira lejn il-prevenzjoni tal-frodi tkun fis-seħħ f’Ġibiltà. Dwar il-ħarsien tal-ambjent u s-sajd u l-kooperazzjoni fi kwistjonijiet tal-pulizija u tad-dwana, il-Protokoll jistabbilixxi l-bażi għal kooperazzjoni amministrattiva bejn l-awtoritajiet kompetenti. Kumitat speċjalizzat ġie stabbilit ukoll biex jissorvelja l-applikazzjoni ta’ dan il-Protokoll.

Il-Ftehim jinkludi wkoll l-anness li ġejjin:

·l-Anness I dwar il-Koordinazzjoni ta’ Sistemi ta’ Sigurtà Soċjali

·l-Anness II dwar id-dispożizzjonijiet tad-dritt tal-Unjoni msemmija fl-Artikolu 41(4);

·l-Anness II dwar Skadenzi għas-sistwazzjonijiet jew il-proċeduri doganali msemmija fl-Artikolu 49 (1)

· l-Anness IV dwar il-lista ta’ netwerks, sistemi ta’ informazzjoni u bażijiet ta’ data msemmija fl-Artikoli 50, 53, 99 u 100;

·l-Anness V dwar EURATOM;

·l-Anness VI dwar il-lista ta’ proċeduri ta’ kooperazzjoni amministrattiva msemmija fl-Artikolu 98;

·l-Anness VII dwar il-Lista ta’ atti/dispożizzjonijiet imsemmija fl-Artikolu 128(6);

·l-Anness dwar ir-regoli ta’ proċedura tal-Kumitat Konġunt u tal-kumitati speċjalizzati;

·l-Anness IX dwar ir-regoli ta’ proċedura għar-riżoluzzjoni tat-tilwim.

Il-Ftehim għandu jidħol fis-seħħ fit-30 ta’ Marzu 2019.

2018/0427 (NLE)

Proposta għal

DEĊIŻJONI TAL-KUNSILL

dwar il-Konklużjoni tal-Ftehim dwar il-ħruġ tar-Renju Unit tal-Gran Brittanja u tal-Irlanda ta' Fuq mill-Unjoni Ewropea u mill-Komunità Ewropea tal-Enerġija Atomika

(Test b’rilevanza għaż-ŻEE)

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b'mod partikolari, l-Artikolu 50(2),

Wara li kkunsidra t-Trattat li jistabbilixxi l-Komunità Ewropea tal-Enerġija Atomika, u b’mod partikolari l-Artikolu 106a tiegħu,

Wara li kkunsidra l-proposta tal-Kummissjoni Ewropea,

Wara li kkunsidra l-kunsens tal-Parlament Ewropew,

Wara li kkunsidra l-opinjoni tal-Bank Ċentrali Ewropew,

Billi:

(1)Skont id-Deċiżjoni tal-Kunsill Nru (UE, Euratom) ..., il-Ftehim dwar il-ħruġ tar-Renju Unit tal-Gran Brittanja u tal-Irlanda ta' Fuq mill-Unjoni Ewropea u mill-Komunità Ewropea tal-Enerġija Atomika (minn issa l’quddiem “il-Ftehim”) ġie ffirmat fil-....

(2)Il-Ftehim għandu jiġi approvat f'isem l-Unjoni Ewropea u l-Komunità Ewropea ta-Enerġija Atomika.

(3)Kwalunkwe referenzi għall-Unjoni f’din id-deċiżjoni għandha tinftiehem bħala li tinkludi l-Komunità Ewropea għall-Enerġija Atomika.

(4)Fid-data tad-dħul fis-seħħ tal-Ftehim, il-mandati tal-membri kollha tal-istituzzjonijiet, il-korpi u l-aġenziji tal-Unjoni nominati, maħtura jew eletti b’rabta mas-sħubija tar-Renju Unit fl-Unjoni jintemmu awtomatikament bħala riżultat tal-irtirar.

(5)Huwa xieraq li jiġu definiti l-modalitajiet tar-rappreżentanza tal-Unjoni fil-Kumitat Konġunt stabbilit mill-Ftehim. Fejn il-Kumitat Konġunt jingħata s-setgħa permezz tal-Ftehim biex jadotta atti li jkollhom effetti legali, inkluż għall-finijiet li jimmodifika l-Ftehim fuq elementi mhux essenzjali, il-pożizzjonijiet li għandhom jittieħdu f’isem l-Unjoni fil-Kumitat Konġunt għandhom jiġu stabbiliti skont il-proċedura stabbilita fl-Artikolu 218(9) tat-Trattat dwar il-Funzjonament tal-Unjoni Ewropea.

(6)Fejn il-pożizzjoni tal-Unjoni li għandha tittieħed fil-Kumitat Konġunt tkun relatata mal-estensjoni tal-perijodu tat-transizzjoni jew ir-rieżami tal-Protokoll dwar l-Irlanda/Irlanda ta' Fuq, il-Kunsill ser jaġixxi f'konformità mal-linji gwida tal-Kunsill Ewropew. Kull deċiżjoni dwar l-estensjoni tal-perjodu ta’ tranżizzjoni se tqis it-twettiq tal-obbligi skont il-Ftehim, inklużi l-Protokolli tagħha.

(7)Kull meta l-Unjoni hija obbligata li taġixxi sabiex tikkonforma mad-dispożizzjonijiet tal-Ftehim, tali azzjoni għandha tittieħed skont id-dispożizzjonijiet tat-Trattati filwaqt li jiġu rispettati l-limiti tas-setgħat konferiti fuq kull istituzzjoni. Għalhekk, hija l-Kummissjoni li għandha tipprovdi lir-Renju Unit bl-informazzjoni jew in-notifiki meħtieġa f’dan il-Ftehim, ħlief fejn il-Ftehim jirreferi għal istituzzjonijiet, korpi, uffiċċji u aġenziji tal-Unjoni speċifiċi oħra, li tikkonsulta mar-Renju Unit dwar kwistjonijiet speċifiċi, li tistieden rappreżentanti tar-Renju Unit biex jattendu, bħala parti mid-delegazzjoni tal-Unjoni, għal konsultazzjoni internazzjonali jew laqgħat ta’ negozjati jew biex tirrappreżenta lill-Unjoni quddiem bord ta’ arbitraġġ, fejn kontroversja tiġi ssottomessa għall-arbitraġġ skont l-Artikolu 170 tal-Ftehim. Fl-osservanza tad-dmir ta’ kooperazzjoni leali msemmi fl-Artikolu 4(3) tat-Trattat dwar l-Unjoni Ewropea, il-Kummissjoni għandha tinforma lill-Kunsill bi kwalunkwe tilwima bħal din. Huwa għal din l-istess raġuni li għandu jkun f’idejn il-Kummissjoni biex jintlaħaq qbil mar-Renju Unit fuq arranġamenti amministrattivi bħal dawk imsemmija fl-Artikolu 134 tal-Ftehim.

(8)Fid-dikjarazzjoni tagħha għall-minuti tal-laqgħa tal-Kunsill tad-29 ta’ Jannar 2018, il-Kummissjoni indikat li ser toħroġ, wara li tikkonsulta mal-Kunsill, dokument ta’ gwida dwar l-applikazzjoni konsistenti tal-Artikolu 128(5) tal-Ftehim.

(9)Skont l-Artikolu 129(4) tal-Ftehim, matul il-perjodu ta’ tranżizzjoni, ir-Renju Unit jista’ jinnegozja, jiffirma u jirratifika ftehimiet internazzjonali li jidħol għalihom fil-kapaċità tiegħu stess fl-oqsma ta’ kompetenza esklużiva tal-Unjoni, dment li dawk il-ftehimiet ma jidħlux fis-seħħ jew ma jkunux japplikaw matul il-perjodu ta’ tranżizzjoni, sakemm ma jkunux awtorizzati għal dan mill-Unjoni. Huwa meħtieġ li jiġu stabbiliti l-kondizzjonijiet u l-proċedura għall-għoti ta’ tali awtorizzazzjonijiet. Minħabba s-sinifikat politiku tad-deċiżjonijiet li jagħtu awtorizzazzjonijiet bħal dawn, huwa xieraq li s-setgħa għall-adozzjoni tingħata lill-Kunsill permezz ta’ atti ta’ implimentazzjoni, li jaġixxi fuq proposta mill-Kummissjoni.

(10)Il-Ftehim jindirizza f’protokolli separati s-sitwazzjonijiet speċifiċi ħafna tal-Irlanda/l-Irlanda ta’ Fuq, taż-Żoni ta’ Bażi Sovrana tar-Renju Unit f’Ċipru u fil-Ġibiltà. Minħabba l-ħtieġa possibbli tal-Irlanda, ir-Repubblika ta’ Ċipru u r-Renju ta’ Spanja, rispettivament, biex jidħlu f’tali ftehimiet bilaterali mar-Renju Unit kif jista’ jkun meħtieġ għall-iffunzjonar xieraq ta’ l-arranġamenti previsti f’dawn protokolli speċifiċi, huwa neċessarju li jiġu stabbiliti l-kondizzjonijiet u l-proċedura għall-awtorizzazzjoni tal-Istat Membru rispettiv li jinnegozja u jikkonkludi tali ftehimiet bilaterali fejn dawn jirrigwardaw oqsma ta’ kompetenza esklużiva tal-Unjoni. Minħabba s-sinifikat politiku tad-deċiżjonijiet li jagħtu awtorizzazzjonijiet bħal dawn, huwa xieraq li s-setgħa għall-adozzjoni tingħata lill-Kunsill permezz ta’ atti ta’ implimentazzjoni, li jaġixxi fuq proposta mill-Kummissjoni.

(11)L-Artikolu 18(1) u (4) tal-Ftehim jipprevedu l-obbligu fuq l-Istati Membri ospitanti biex jagħtu liċ-ċittadini tar-Renju Unit, lill-membri tal-familja rispettivi tagħhom u lil persuni oħra li jaqgħu fil-kamp ta’ applikazzjoni tat-Titolu II tat-Tieni Parti tal-Ftehim, dokument li jattesta l-istatus ta’ residenza tagħhom skont il-Ftehim. L-Artikolu 26 tal-Ftehim jipprevedi l-obbligu fuq l-Istat Membru tal-impjieg li jagħti liċ-ċittadini tar-Renju Unit li għandhom drittijiet bħala ħaddiem tal-fruntiera skont il-Ftehim, dokument li jiċċertifika l-istatus ta’ ħaddiem fuq il-fruntiera skont il-Ftehim. Sabiex jiġu żgurati kundizzjonijiet uniformi għall-implimentazzjoni ta’ dawn id-dispożizzjonijiet fi ħdan l-Unjoni bil-għan li jiġi ffaċilitat ir-rikonoxximent ta’ tali dokumenti, partikolarment mill-awtoritajiet tal-kontroll tal-fruntieri, u li jipprevienu l-falsifikazzjoni u l-iffalsifikar permezz ta’ karatteristiċi ta’ sigurtà ta’ livell għoli, għandhom jiġu kkonferiti setgħat ta’ implimentazzjoni lill-Kummissjoni biex tistabbilixxi l-perjodu tal-validità u l-format, inklużi l-ispeċifikazzjonijiet tekniċi, kif ukoll dikjarazzjoni komuni li għandu jkollhom id-dokumenti maħruġa taħt l-Artikoli 18 u 26 tal-Ftehim, fejn indikaw li huma kienu maħruġa skont il-Ftehim. Dawk is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill 2 . Għal dan il-għan, il-Kummissjoni għandha tiġi megħjuna mill-Kumitat stabbilit bl-Artikolu 6 tar-Regolament tal-Kunsill (KE) Nru 1683/95 3 . Jekk ikun hemm bżonn, tali atti ta’ implimentazzjoni jistgħu jiġu protetti permezz ta’ miżuri adatti u b’hekk jiġi evitat ir-riskju ta’ kontrafazzjoni u falsifikazzjoni. F'dak il-każ, għandhom jitpoġġew għad-dispożizzjoni biss tal-korpi magħżula mill-Istati Membri bħala responsabbli għall-istampar u tal-persuni awtorizzati kif dovut minn Stat Membru jew mill-Kummissjoni. Tali atti ta’ implimentazzjoni għandhom ikunu mingħajr preġudizzju għal kwalunkwe arranġamenti speċjali li l-Irlanda tista’, bis-saħħa tal-Ftehim, tagħmel mar-Renju Unit relatati mal-moviment ta’ persuni fiż-Żona Komuni għall-Ivjaġġar.

(12)L-Artikolu 4(1) u l-Artikolu 13 tal-Anness 3 tal-Protokoll dwar l-Irlanda/l-Irlanda ta’ Fuq jistipula li l-Unjoni għandha tistabbilixxi l-mudell u noti ta’ spjegazzjoni għall-A. UK. Ċertifikat ta’ moviment u, rispettivament, il-kampjun biex it-tikketta titwaħħal fuq kunsinni postali msemmija hemmhekk. Kampjuni bħal dawn huma meħtieġa biex jintużaw bħala evidenza dokumentata li prodott jaqa’ fil-kamp ta’ applikazzjoni tal-Anness 2 tal-Protokoll dwar l-Irlanda/l-Irlanda ta’ Fuq. Għal dan il-għan, is-setgħat ta’ implimentazzjoni għandhom jiġu konferiti lill-Kummissjoni biex tistabilixxi l-format ta’ dawn il-kampjuni u noti ta’ spjegazzjoni, inklużi speċifikazzjonijiet tekniċi. Dawk is-setgħat jenħtieġ li jkunu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill. Għal dan il-għan, il-Kummissjoni għandha tkun assistita mill-Kumitat tal-Kodiċi Doganali stabbilit bl-Artikolu 285 tar-Regolament (UE) Nru 952/2013 tal-Parlament Ewropew u tal-Kunsill 4 .

(13)Kif previst fl-Artikolu 50(4) tat-Trattat dwar l-Unjoni Ewropea, ir-Renju Unit ma ħax sehem fid-diskussjonijiet tal-Kunsill li jikkonċernaw din id-deċiżjoni u lanqas fl-adozzjoni tagħha,

ADOTTA DIN ID-DEĊIŻJONI:

Artikolu 1

Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (“il-Ftehim”) huwa b’dan approvat f’isem l-Unjoni Ewropea u l-Komunità Ewropea tal-Enerġija Atomika.

Kwalunkwe referenzi għall-Unjoni f’din id-deċiżjoni għandha tinftiehem bħala li tinkludi l-Komunità Ewropea għall-Enerġija Atomika.

Artikolu 2

1.Il-Kummissjoni għandha tirrappreżenta lill-Unjoni fi ħdan il-Kumitat Konġunt, u l-kumitati speċjalizzati tagħha previsti fl-Artikoli 164 u 165 tal-Ftehim, kif ukoll f’kull kumitat speċjalizzat, kif jista’ jiġi stabbilit skont l-Artikolu 164(2)(b).

1.1.L-Irlanda, ir-Repubblika ta’ Ċipru u r-Renju ta’ Spanja, rispettivament, jistgħu jitolbu li r-rappreżentant tal-Kummissjoni jkun akkumpanjat minn:

(a)rappreżentant mill-Irlanda fil-laqgħat tal-Kumitat speċjalizzat dwar il-kwistjonijiet relatati mal-implimentazzjoni tal-Protokoll dwar l-Irlanda/l-Irlanda ta’ Fuq;

(b)rappreżentant mir-Repubblika ta’ Ċipru fil-laqgħat tal-Kumitat speċjalizzat dwar il-kwistjonijiet relatati mal-implimentazzjoni tal-Protokoll relatat mal-Arei ta’ Bażi Sovrana f’Ċipru;

(c)rappreżentant mir-Renju ta’ Spanja fil-laqgħat tal-Kumitat speċjalizzat dwar kwistjonijiet relatati mal-implimentazzjoni tal-Protokoll dwar Ġibiltà.

2.Il-Kummissjoni għandha tiżgura li l-Kunsill ikun infurmat dwar l-iskeda tal-laqgħat u l-aġendi imsemmija fl-Artikolu 164(2), l-Artikolu 165(2) u (4) u l-Anness VIII biżżejjed bil-quddiem biex jippermetti l-informazzjoni meħtieġa, il-konsultazzjoni u t-teħid ta’ deċiżjonijiet fil-Kunsill. Il-Kunsill għandu wkoll jiġi infurmat dwar l-eżitu tal-laqgħat tal-Kumitat Konġunt.

3.Matul l-ewwel ħames (5) snin wara d-dħul fis-seħħ tal-Ftehim, il-Kummissjoni għandha tirrapporta kull sena lill-Parlament Ewropew u lill-Kunsill dwar l-implimentazzjoni u l-applikazzjoni tal-Ftehim, b’mod partikolari, tat-Tieni Parti tiegħu.

Artikolu 3

1.Il-Kunsill jista’ jawtorizza lir-Renju Unit biex jagħti l-kunsens tiegħu, fil-kapaċità tiegħu stess, li jkun marbut bi ftehim internazzjonali maħsub biex jidħol fis-seħħ jew jiġi applikat matul il-perjodu ta’ tranżizzjoni, f’qasam ta’ kompetenza esklużiva tal-Unjoni. Din l-awtorizzazzjoni tista’ tingħata biss jekk:

(a)    ir-Renju Unit wera interess speċifiku li l-ftehim internazzjonali inkwistjoni jidħol fis-seħħ jew jibda japplika diġà matul il-perjodu ta’ tranżizzjoni;

(b)    l-ftehim internazzjonali inkwistjoni huwa kompatibbli mad-dritt tal-Unjoni applikabbli u fir-Renju Unit f’konformità mal-Artikolu 127 tal-Ftehim u mal-obbligi msemmija fl-Artikolu 129(1) tal-Ftehim; kif ukoll

(c)    id-dħul fis-seħħ jew l-applikazzjoni matul il-perjodu ta’ tranżizzjoni tal-ftehim internazzjonali inkwistjoni, la se jpoġġi f’riskju l-ilħuq ta’ objettiv tal-azzjoni esterna tal-Unjoni fil-qasam ikkonċernat u lanqas b’xi mod ieħor jkun ta’ preġudizzju għall-interessi tal-Unjoni.

2.Awtorizzazzjoni mogħtija skont il-paragrafu 1 tkun kundizzjonali fuq l-inklużjoni jew it-tneħħija mill-ftehim inkwistjoni ta’ kwalunkwe dispożizzjoni jew fuq is-sospensjoni ta’ l-applikazzjoni ta’ kwalunkwe dispożizzjoni ta’ dan il-ftehim, fejn meħtieġ biex tiġi żgurata l-konsistenza mal-kundizzjonijiet stabbiliti fil-paragrafu 1.

3.Ir-Renju Unit għandu jinnotifika lill-Kummissjoni bl-intenzjoni tiegħu li jagħti l-kunsens tiegħu, fil-kapaċità tiegħu stess, li jkun marbut bi ftehim internazzjonali maħsub biex jidħol fis-seħħ jew jiġi applikat matul il-perjodu ta’ tranżizzjoni, f’qasam ta’ kompetenza esklużiva tal-Unjoni. Il-Kummissjoni għandha minnufih tinforma lill-Kunsill bi kwalunkwe notifika mir-Renju Unit tal-intenzjoni ta’ dan tal-aħħar biex jesprimi l-kunsens tiegħu, fil-kapaċità tiegħu stess, sabiex ikun marbut mill-ftehim internazzjonali inkwistjoni.

4.Il-Kunsill għandu jadotta d-deċiżjonijiet imsemmija fil-paragrafu 1 permezz ta’ atti ta’ implimentazzjoni, fuq proposta mill-Kummissjoni. Il-proposta tal-Kummissjoni għandha tinkludi valutazzjoni dwar jekk il-kundizzjonijiet imsemmija fil-paragrafu 1 humiex sodisfatti. Jekk l-informazzjoni provduta mir-Renju Unit ma tkunx biżżejjed għall-valutazzjoni, il-Kummissjoni tista’ titlob informazzjoni addizzjonali.

5.Il-Kunsill għandu jinforma lill-Parlament Ewropew b’kull deċiżjoni meħuda skont il-paragrafu 1.

Artikolu 4

1.Fuq talba debitament ġustifikata minn l-Irlanda, ir-Repubblika ta’ Ċipru jew ir-Renju ta’ Spanja, rispettivament, il-Kunsill jista’ jawtorizza lil dawn l-Istati Membri biex jinnegozjaw ftehimiet bilaterali mar-Renju Unit f’oqsma ta’ kompetenza esklużiva tal-Unjoni. Din l-awtorizzazzjoni tista’ tingħata biss jekk:

(a)l-Istat Membru kkonċernat ipprovda informazzjoni li turi li l-ftehim inkwistjoni huwa meħtieġ għall-funzjonament tajjeb tal-arranġamenti stabbiliti, rispettivament, fil-Protokoll dwar l-Irlanda/l-Irlanda ta’ Fuq, fil-Protokoll dwar l-Arei ta’ Bażi Sovrani tar-Renju Unit tal-Gran Brittanja u l-Irlanda ta’ Fuq f’Ċipru u l-Protokoll dwar Ġibiltà u jikkonforma mal-prinċipji u l-għanijiet tal-Ftehim;

(b)fuq il-bażi tal-informazzjoni pprovduta mill-Istat Membru, jidher li l-ftehim previst huwa kompatibbli mal-liġi tal-Unjoni; kif ukoll

(c)il-ftehim previst la se jpoġġi f’riskju l-ilħuq ta’ objettiv tal-azzjoni esterna tal-Unjoni fil-qasam ikkonċernat u lanqas b’xi mod ieħor jkun ta’ preġudizzju għall-interessi tal-Unjoni.

2.Awtorizzazzjoni mogħtija skont il-paragrafu 1 tkun kundizzjonali fuq l-inklużjoni jew it-tneħħija mill-ftehim inkwistjoni ta’ kwalunkwe dispożizzjoni jew fuq is-sospensjoni tal-applikazzjoni ta’ kwalunkwe dispożizzjoni ta’ dan il-ftehim, fejn meħtieġ biex tiġi żgurata l-konsistenza mal-kundizzjonijiet stabbiliti fil-paragrafu 1.

3.L-Istat Membru kkonċernat għandu jinnotifika lill-Kummissjoni bl-intenzjoni tiegħu li jidħol f’negozjati mar-Renju Unit. Il-Kummissjoni għanda minnufih tinforma lill-Kunsill dwar dan. L-Istat Membru kkonċernat għandu jipprovdi lill-Kummissjoni bl-informazzjoni kollha meħtieġa biex tevalwa jekk il-kondizzjonijiet stipulati fil-paragrafu 1 humiex sodisfatti.

4.Il-Kummissjoni għandha tiġi mistiedna mill-Istat Membru kkonċernat biex issegwi n-negozjati mill-qrib.

5.Qabel l-iffirmar tal-ftehim bilaterali, l-Istat Membru kkonċernat għandu jinnotifika lill-Kummissjoni dwar l-eżitu tan-negozjati u għandu jibgħat it-test tal-ftehim lill-Kummissjoni li għandha mill-ewwel tgħarraf lill-Kunsill. L-Istat Membru kkonċernat jista’ biss jagħti l-kunsens tiegħu li jintrabat bil-ftehim bilaterali inkwistjoni sakemm il-Kunsill ikun awtorizzah li jagħmel dan.

6.Il-Kunsill għandu jadotta d-deċiżjonijiet imsemmija fil-paragrafi 1 u 5 permezz ta’ atti ta’ implimentazzjoni, fuq proposta mill-Kummissjoni.

Il-proposta tal-Kummissjoni għandha tinkludi valutazzjoni dwar jekk il-kundizzjonijiet stabbiliti fil-paragrafu 1 u msemmija fil-paragrafu 2 humiex sodisfatti. Jekk l-informazzjoni provduta mill-Istat Membru ma tkunx biżżejjed għall-valutazzjoni, il-Kummissjoni tista’ titlob informazzjoni addizzjonali.

7.Fejn il-Kummissjoni tiddeċiedi li tagħti awtorizzazzjoni taħt il-paragrafu 1 u 5, l-Istat Membru kkonċernat għandu jinnotifika lill-Kummissjoni bil-konklużjoni u d-dħul fis-seħħ tal-ftehim bilaterali inkwistjoni u bi kwalunkwe bidla sussegwenti fl-istatus ta’ dak il-ftehim.

8.Il-Kunsill għandu jinforma lill-Parlament Ewropew dwar id-deċiżjonijiet meħuda skont il-paragrafi 1 u 5.

Artikolu 5

Il-Kummissjoni għandha tistabbilixxi l-perjodu tal-validità u l-format, inklużi l-elementi ta’ sigurtà u dikjarazzjoni komuni, ta’ dokumenti li l-Istati Membri għandhom joħorġu skont l-Artikolu 18(1) u (4) u l-Artikolu 26 tal-Ftehim. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 7.

Artikolu 6

Il-Kummissjoni għandha tispeċifika l-format u noti ta’ spjegazzjoni, inklużi speċifikazzjonijiet tekniċi tal-kampjuni msemmija fl-Artikolu 4(1) u l-Artikolu 13 ta’ l-Anness 3 għall-Protokoll dwar l-Irlanda/l-Irlanda ta’ Fuq għall-Ftehim. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 7.

Artikolu 7

1.Il-Kummissjoni għandha tiġi megħjuna minn:

(a)il-Kumitat stabbilit bl-Artikolu 6 tar-Regolament (KE) Nru 1683/95 għall-adozzjoni tal-atti ta’ implimentazzjoni msemmija fl-Artikolu 5;

(b)il-Kumitat tal-Kodiċi Doganali stabbilit bl-Artikolu 285 tar-Regolament (UE) Nru 952/2013 għall-adozzjoni tal-atti ta’ implimentazzjoni msemmija fl-Artikolu 6.

Dawk il-kumitati għandhom ikunu kumitati skont it-tifsira tar-Regolament (UE) Nru 182/2011.

2.Meta ssir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

Artikolu 8

Il-President tal-Kunsill huwa b'dan awtorizzat jaħtar il-persuna/i mogħtija/mogħtijin is-setgħa li tiddepożita/jiddepożitaw f'isem l-Unjoni l-istrument previst fl-Artikolu 185 tal-Ftehim.

Artikolu 9

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titlu tal-proposta/tal-inizjattiva

1.2.Oqsma ta’ politika kkonċernati

1.3.Il-proposta/l-inizjattiva hija dwar:

1.4.Objettiv(i)

1.4.1.Objettiv(i) ġenerali:

1.4.2.Għan(ijiet) speċifiku/speċifiċi

1.4.3.Riżultat(i) u impatt mistennija

1.4.4.Indikaturi tal-prestazzjoni

1.5.Raġunijiet għall-proposta/għall-inizjattiva

1.5.1.Rekwiżit(i) li jrid(u) jiġi(u) ssodisfat(i) fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, pereż. żidiet fil-koordinazzjoni, ċertezza tad-dritt, effettività jew komplimentaritajiet akbar). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li inkella kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet ta’ finanzjament disponibbli differenti, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

1.7.Mod(i) ta’ ġestjoni ppjanat(i)

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-mod(i) ta’ ġestjoni, tal-mekkaniżmu(i) għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposti

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA / TAL-INIZJATTIVA

3.1.Intestatura(i) tal-qafas finanzjarju pluriennali u l-linja(i) baġitarja(i) tan-nefqa affettwata(i)

3.2.Impatt finanzjarju stmat tal-proposta fuq l-approprjazzjonijiet

3.2.1.Sommarju tal-impatt stmat fuq l-approprjazzjonijiet operazzjonali

3.2.2.Output stmat iffinanzjat b’approprjazzjonijiet operazzjonali

3.2.3.Sommarju tal-impatt stmat fuq l-approprjazzjonijiet amministrattivi

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet ta’ partijiet terzi

3.3.Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA 

1.1.Titlu tal-proposta/tal-inizjattiva

1.2.Qasam/oqsma ta’ politika kkonċernat(i) 

1.3.Il-proposta/l-inizjattiva hija dwar: 

☑ azzjoni ġdida 

◻ azzjoni ġdida b’segwitu għal proġett pilota/azzjoni preparatorja 5  

◻ l-estensjoni ta’ azzjoni eżistenti 

◻ fużjoni jew ir-ridirezzjoni ta’ azzjoni waħda jew aktar lejn azzjoni oħra/azzjoni ġdida 

1.4.Objettiv(i)

1.4.1.Objettiv(i) ġenerali

1.4.2.Għan(ijiet) speċifiku/speċifiċi

1.4.3.Riżultat(i) u impatt mistennija

Speċifika l-effetti li l-proposta/inizjattiva jenħtieġ tħalli fuq il-benefiċjarji/gruppi fil-mira.

1.4.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi(u) ssodisfat(i) fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, pereż. żidiet fil-koordinazzjoni, ċertezza tad-dritt, effettività jew komplimentaritajiet akbar). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li inkella kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet ta’ finanzjament disponibbli differenti, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

◻ durata limitata

–◻    fis-seħħ minn [DD/MM]YYYY sa [DD/MM]YYYY

–◻    Impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għal approprjazzjonijiet ta’ pagament.

☑ durata limitata

–Implimentazzjoni b’perjodu ta’ tnedija minn SSSS sa SSSS,

–segwita b’operazzjoni fuq skala sħiħa.

1.7.Mod(i) ta’ ġestjoni ppjanat(i) 6  

☑ Ġestjoni diretta mill-Kummissjoni

–☑    mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi jiġu fdati kompiti ta’ implimentazzjoni baġitarja:

–◻ lill-pajjiżi terzi jew lill-korpi nnominati minnhom;

–◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–◻ lill-korpi li jissemmew fl-Artikoli 70 u 71 tar-Regolament Finanzjarju;

–◻ lill-korpi tal-liġi pubblika;

–◻ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

–◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ persuni fdati bil-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima “Kummenti”.

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

Speċifika l-frekwenza u l-kundizzjonijiet.

2.2.Sistema (i) ta’ ġestjoni u ta’ kontroll 

2.2.1.Ġustifikazzjoni tal-mod(i) ta’ ġestjoni, tal-mekkaniżmu(i) għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposti

2.2.2.Informazzjoni dwar ir-riskji identifikati u s-sistema(i) ta’ kontroll intern stabbilita(i) għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq) 

2.3.Miżuri għall-prevenzjoni ta’ frodi u irregolaritajiet 

Speċifika l-miżuri ta’ prevenzjoni u ta’ protezzjoni eżistenti jew previsti, pereż. mill-Istrateġija Kontra l-Frodi.

3.IMPATT FINANZJARJU STMAT TAL-PROPOSTA / TAL-INIZJATTIVA 

3.1.Intestatura(i) tal-qafas finanzjarju pluriennali u l-linja(i) baġitarja(i) tan-nefqa affettwata(i) 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta dwar l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–◻    Il-proposta/l-inizjattiva ma teħtieġx l-użu ta’ approprjazzjonijiet operazzjonali

–◻    Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

Miljuni ta’ EUR (sa tliet punti deċimali)

Jekk aktar minn intestatura operazzjonali waħda hija affettwata mill-proposta/l-inizjattiva, irrepeti t-taqsima ta’ hawn fuq:

Meta timtela din it-taqsima jenħtieġ li tintuża d-“data baġitarja ta’ natura amministrattiva” li qabel kollox trid tiġi introdotta fl- Anness tad-Dikjarazzjoni Finanzjarja (l-Anness V tar-regoli interni), li jittella’ fid-DECIDE għal skopijiet ta’ konsultazzjoni bejn is-servizzi.

Miljuni ta’ EUR (sa tliet punti deċimali)

EUR miljun (sa tliet punti deċimali)

3.2.2.Output stmat iffinanzjat b’approprjazzjonijiet operazzjonali 

Approprjazzjonijiet ta’ impenn f’miljuni ta' EUR (sa tliet punti deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–☑    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta’ EUR (aġġustati ’l fuq għal tliet pożizzjonijiet deċimali)

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.3.1.Rekwiżiti stmati ta’ riżorsi umani

–◻    Il-proposta/l-inizjattiva ma teħtieġx l-użu ta’ riżorsi umani.

–◻    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

3.2.4.Kompatibbiltà mal-qafas finanzjarju pluriennali attwali 

Il-proposta/l-inizjattiva:

–☑    Tista’ tiġi ffinanzjata kompletament permezz ta’ riallokazzjoni fi ħdan l-intestatura rilevanti fil-Qafas Finanzjarju Pluriennali (QFP).

–◻    requires use of the unallocated margin under the relevant heading of the MFF and/or use of the special instruments as defined in the MFF Regulation.

–◻    Tesiġi reviżjoni ta’ nofs it-terminu tal-QFP.

3.2.5.Kontribuzzjonijiet ta’ partijiet terzi 

Il-proposta/inizjattiva:

–☑    Ma tipprevedix il-kofinanzjament minn partijiet terzi

–◻    Tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (aġġustati ‘l fuq għal tliet pożizzjonijiet deċimali)

3.3.Impatt stmat fuq id-dħul 

–☑    Il-proposta/l-inizjattiva ma għandha l-ebda impatt finanzjarju fuq id-dħul.

–◻    Il-proposta/l-inizjattiva għandha l-impatt finanzjarju li ġej:

fuq ir-riżorsi proprji

Fuq dħul ieħor

indika jekk id-dħul huwa assenjat għal-linji tan-nefqa

miljuni ta’ EUR (aġġustati ’l fuq għal tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. metodu/formula użati għall-kalkolu tal-impatt fuq id-dħul jew kwalunkwe informazzjoni oħra).

(1)     https://www.consilium.europa.eu/media/37100/20181121-cover-political-declaration.pdf

(2)    Ir-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta' kontroll mill-Istati Membri tal-eżerċizzju mill-Kummissjoni tas-setgħat ta' implimentazzjoni (ĠU L 55, 28.2.2011, p. 13).

(3)    Ir-Regolament tal-Kunsill (KE) Nru 1683/95 tad-29 ta' Mejju 1995 li jistabbilixxi format uniformi għall-viża (ĠU L 164, 14.7.1995, p. 1).

(4)    Ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).

(5)    Kif imsemmi fl-Artikolu 58(2)(a) jew (b) tar-Regolament Finanzjarju.

(6)    Dettalji tal-modi ta’ ġestjoni u referenzi għar-Regolament Finanzjarju jistgħu jinstabu fuq is-sit BudgWeb: https://myintracomm.ec.europa.eu/budgweb/MT/man/budgmanag/Pages/budgmanag.aspx  

(7)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(8)    L-EFTA: Assoċjazzjoni Ewropea tal-Kummerċ Ħieles.

(9)    Pajjiżi kandidati u, meta applikabbli, kandidati potenzjali mill-Balkani tal-Punent.

(10)    Is-sena N hija s-sena li fiha tibda l-implimentazzjoni tal-proposta/tal-inizjattiva. Jekk jogħbok issostitwixxi “N” bl-ewwel sena ta’ implimentazzjoni msemmija (pereżempju: 2021). L-istess għas-snin ta’ wara.

(11)    Skont in-nomenklatura uffiċjali tal-baġit

(12)    Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(13)    Is-sena N hija s-sena li fiha tibda l-implimentazzjoni tal-proposta/tal-inizjattiva. Jekk jogħbok issostitwixxi “N” bl-ewwel sena ta’ implimentazzjoni msemmija (pereżempju: 2021). L-istess għas-snin ta’ wara.

(14)    L-outputs huma l-prodotti u s-servizzi li jridu jiġu pprovduti (pereż.: l-għadd ta’ skambji ta’ studenti ffinanzjati, l-għadd ta’ km ta’ toroq mibnija, eċċ.).

(15)    Kif deskritt fil-punt 1.4.2. “Għan(ijiet) speċifiku/speċifiċi…”

(16)    Is-sena N hija s-sena li fiha tibda l-implimentazzjoni tal-proposta/tal-inizjattiva. Jekk jogħbok issostitwixxi “N” bl-ewwel sena ta’ implimentazzjoni msemmija (pereżempju: 2021). L-istess għas-snin ta’ wara.

(17)    Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(18)    AC = Persunal Kuntrattwali; AL = Persunal Lokali; END= Espert Nazzjonali Sekondat; INT = persunal tal-aġenzija; JPD = Esperti Subordinati fid-Delegazzjonijiet.

(19)    Sottolimitu għall-persunal estern kopert minn approprjazzjonijiet operazzjonali (li qabel kienu l-linji “BA”).

(20)    Is-sena N hija s-sena li fiha tibda l-implimentazzjoni tal-proposta/tal-inizjattiva. Jekk jogħbok issostitwixxi “N” bl-ewwel sena ta’ implimentazzjoni msemmija (pereżempju: 2021). L-istess għas-snin ta’ wara.

(21)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % tal-kostijiet tal-ġbir.